📅 2021-yil 12-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 12 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 12 апреля 2021 г. · Постановления Президента
Официальный текст. Официальный документ. Редакционные примечания не включены.
📅 12 April 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Мактабгача таълим соҳасида давлат-хусусий шерикликни ривожлантиришга доир қўшимча чора-тадбирлар тўғрисида
Давлат-хусусий шериклик шаклидаги нодавлат мактабгача таълим ташкилотларини ташкил этиш ишларини жадаллаштириш ҳамда ушбу соҳага хусусий секторни кенгроқ жалб этиш орқали мактабгача таълим қамровини ошириш мақсадида:
1. 2018-2019 йилларда нодавлат мактабгача таълим ташкилотларини ташкил этиш учун 1 412 та давлат-хусусий шериклик тўғрисидаги битимлар имзоланганлиги, улардан:
1 097 таси бўйича имтиёзли кредитлар ажратилганлиги, 74 таси бўйича битимлар бекор қилинганлиги;
241 таси бўйича молиявий манбалар мавжуд бўлмаганлиги сабабли бугунги кунгача кредитлар ажратилмаганлиги маълумот учун қабул қилинсин.
2. Мактабгача таълим вазирлиги ва Молия вазирлигининг 2018-2019 йилларда имзоланган ҳамда бугунги кунга қадар молиялаштирилмасдан қолган 241 та давлат-хусусий шериклик тўғрисидаги битимларга кредит маблағларини босқичма-босқич ажратиш тўғрисидаги таклифи маъқуллансин.
Мазкур кредитларни молиялаштириш манбалари этиб қуйидагилар белгилансин:
қурилиш ишлари бошланган битимлар бўйича — Саудия тараққиёт жамғармасидан жалб этилаётган 10,9 млн АҚШ доллари эквивалентидаги имтиёзли қарз маблағлари ҳамда тижорат банкларининг ўз маблағлари;
қурилиш ишлари бошланмаган битимлар бўйича — Ўзбекистон Республикаси Президентининг 2020 йил 6 ноябрдаги ПҚ-4883-сон қарорига мувофиқ 2021 йилнинг II ярмида ушбу мақсадлар учун жалб қилинадиган умумий қиймати 70 млн АҚШ доллари миқдоридаги ташқи қарз маблағлари.
3. Белгилансинки:
имзоланган 241 та давлат-хусусий шериклик тўғрисидаги битимларни молиялаштириш учун кредитлар 7 йил муддатга 2 йиллик имтиёзли давр билан берилади;
Саудия тараққиёт жамғармаси ва ташқи қарз маблағлари ҳисобидан кредитлар Ўзбекистон Республикаси Президентининг 2020 йил 30 январдаги ПҚ-4581-сон қарорининг 3-банди «б» кичик бандида кўрсатилган табақалаштирилган фоиз ставкаларида ажратилади;
тижорат банкларининг маблағлари ҳисобидан кредитлар бозор фоиз ставкаларида ажратилади;
кредитлар давлат-хусусий шериклик тўғрисидаги битимларда назарда тутилган, хусусий шерикнинг ўз маблағлари ҳисобидан бажарилиши (сотиб олиниши) лозим бўлган ишлар (товарлар) тўлиқ амалга оширилганидан сўнг, тижорат банклари томонидан молиялаштирилади;
Саудия тараққиёт жамғармаси ва ташқи қарз маблағлари ҳисобидан ажратилган кредитлар бўйича хусусий шерик томонидан тўланадиган фоиз ставкасининг 1 фоизи тижорат банкида қолдирилади, қолган қисми Ўзбекистон Республикасининг республика бюджети даромадига ўтказилади.
4. Мактабгача таълим вазирлиги (А.В. Шин):
уч ҳафта муддатда давлат-хусусий шериклик тўғрисидаги битим имзоланиб, молиялаштирилмасдан қолган 241 та лойиҳанинг амалдаги ҳолатини, шу жумладан бажарилган қурилиш ишлари ҳажмини ўрганиб чиқсин ҳамда уларнинг рейтингини шакллантирсин;
бир ой муддатда белгиланган тартибда шакллантирилган рейтинг асосида молиялаштириш манбаларини кўрсатган ҳолда лойиҳалар рўйхатини тузсин ҳамда тасдиқлаш учун Вазирлар Маҳкамасига киритсин.
6. Мактабгача таълим вазирлиги (А.В. Шин):
Инвестициялар ва ташқи савдо вазирлиги (Л.Ш. Қудратов) билан биргаликда Ўзбекистон Республикаси Президентининг 2020 йил 6 ноябрдаги ПҚ-4883-сон қарорига мувофиқ давлат-хусусий шериклик тўғрисидаги битимларни молиялаштириш учун қиймати 70 млн АҚШ доллари миқдоридаги ташқи қарз маблағларини жалб қилиш ишларини жадаллаштирсин;
ушбу маблағлар ҳисобидан амалга ошириладиган янги лойиҳаларни ҳар бир ҳудуддаги мавжуд мактабгача таълим ташкилотлари, мактабгача ёшдаги болалар сони ҳамда уларнинг қамрови даражасини таҳлил қилган ҳолда одиллик ва шаффофлик тамойиллари асосида танласин ва уларни амалга ошириш бўйича битимларни имзоласин.
7. Ўзбекистон Миллий ахборот агентлиги, Ўзбекистон Миллий телерадиокомпанияси ҳамда Ахборот ва оммавий коммуникациялар агентлиги мазкур қарорнинг мазмун-моҳияти ва амалий аҳамиятини ёритишга оид мақолалар, брифинглар, пресс-конференциялар ва тематик телекўрсатувларни ташкил этсин.
8. Ўзбекистон Республикаси Президентининг айрим қарорларига иловага мувофиқ ўзгартириш ва қўшимчалар киритилсин.
9. Мактабгача таълим вазирлиги (А.В. Шин) манфаатдор вазирлик ва идоралар билан биргаликда бир ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
10. Мазкур қарор ижросини самарали ташкил этишга масъул ва шахсий жавобгар этиб мактабгача таълим вазири А.В. Шин ҳамда молия вазири Т.А. Ишметов белгилансин.
Қарор ижросини ҳар чоракда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазирининг ўринбосари Б.А. Мусаев зиммасига юклансин.
Ўзбекистон Республикаси Президентининг 2021 йил 12 апрелдаги ПҚ-5071-сон қарорига ИЛОВА
Ўзбекистон Республикаси Президентининг айрим қарорларига киритилаётган ўзгартириш ва қўшимчалар
1. Ўзбекистон Республикаси Президентининг 2018 йил 5 апрелдаги «Мактабгача таълим тизимини янада рағбатлантириш ва ривожлантириш чора-тадбирлари тўғрисида»ги ПҚ-3651-сон қарорига 1-иловада :
а) 5-банд қуйидаги таҳрирда баён этилсин:
«Хусусий шерикни танлаб олиш Ўзбекистон Республикасининг «Давлат-хусусий шериклик тўғрисида» ги Қонуни талаблари асосида амалга оширилади»;
б) 27-банд қуйидаги таҳрирда баён этилсин:
«Давлат-хусусий шериклик лойиҳасининг концепцияси тасдиқлангандан ҳамда битим имзолангандан кейин уч календарь куни мобайнида Вазирлик расмий тартибда уч нусхадан иборат лойиҳа концепцияси, лойиҳани баҳолаш ҳужжатлари ва битимнинг электрон ва қоғоз кўринишдаги нусхаларини Ўзбекистон Республикаси Молия вазирлиги ҳузуридаги Давлат-хусусий шерикликни ривожлантириш агентлигига ДХШ лойиҳаларининг реестрига киритиш учун тақдим қилади»;
в) 36-банднинг учинчи хатбошиси «битим шартларини бажариш» сўзларидан олдин «Ўзбекистон Республикаси Молия вазирлиги ҳузуридаги Давлат-хусусий шерикликни ривожлантириш агентлиги билан биргаликда» сўзлари билан тўлдирилсин;
г) 103-банд қуйидаги мазмундаги учинчи хатбоши билан тўлдирилсин:
«2021 йил 1 майдан бошлаб боқувчисини йўқотган аёллар фарзандларининг ота-оналар бадали тўловларини тегишли ҳудуддаги 9 соатлик давлат мактабгача таълим ташкилотлари учун белгиланган миқдорларда қоплаб бериш»;
д) 104-банд қуйидаги мазмундаги иккинчи хатбоши билан тўлдирилсин:
«боқувчисини йўқотган аёллар фарзандларини бепул ўқитиш».
2. Ўзбекистон Республикаси Президентининг 2020 йил 30 январдаги «Мактабгача таълим соҳасида давлат-хусусий шерикликни янада ривожлантириш чора-тадбирлари тўғрисида»ги ПҚ-4581-сон қарорида :
а) 3-банднинг «б» кичик банди қуйидаги таҳрирда баён этилсин:
«б) 2018-2019 йилларда белгиланган тартибда тузилган ҳамда халқаро молия институтларидан ушбу мақсадлар учун жалб этиладиган имтиёзли кредитлар (қарзлар) ҳисобидан молиялаштириладиган битимлар бўйича кредитлар:
Тошкент ва Нукус шаҳарлари, вилоятларнинг маъмурий марказлари ҳамда 1-иловада келтирилган вилоят бўйсунувидаги шаҳарларда — 7 йил муддатга, шу жумладан, 2 йиллик имтиёзли давр билан йиллик 12 фоиз ставка бўйича;
туманларнинг маъмурий марказларида — 7 йил муддатга, шу жумладан, 2 йиллик имтиёзли давр билан йиллик 8 фоиз ставка бўйича;
туманларнинг бошқа ҳудудларида — 7 йил муддатга, шу жумладан, 2 йиллик имтиёзли давр билан йиллик 5 фоиз ставка бўйича берилади;»;
б) 4-банднинг учинчи хатбошисидаги «2 фоизи» сўзлари «1 фоизи» сўзлари билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 12 апрель,
ПҚ-5071-сон
Oʻzbekiston Respublikasi Prezidentining
qarori
Maktabgacha taʼlim sohasida davlat-xususiy sheriklikni rivojlantirishga doir qoʻshimcha chora-tadbirlar toʻgʻrisida
Davlat-xususiy sheriklik shaklidagi nodavlat maktabgacha taʼlim tashkilotlarini tashkil etish ishlarini jadallashtirish hamda ushbu sohaga xususiy sektorni kengroq jalb etish orqali maktabgacha taʼlim qamrovini oshirish maqsadida:
1. 2018-2019-yillarda nodavlat maktabgacha taʼlim tashkilotlarini tashkil etish uchun 1 412 ta davlat-xususiy sheriklik toʻgʻrisidagi bitimlar imzolanganligi, ulardan:
1 097 tasi boʻyicha imtiyozli kreditlar ajratilganligi, 74 tasi boʻyicha bitimlar bekor qilinganligi;
241 tasi boʻyicha moliyaviy manbalar mavjud boʻlmaganligi sababli bugungi kungacha kreditlar ajratilmaganligi maʼlumot uchun qabul qilinsin.
2. Maktabgacha taʼlim vazirligi va Moliya vazirligining 2018-2019-yillarda imzolangan hamda bugungi kunga qadar moliyalashtirilmasdan qolgan 241 ta davlat-xususiy sheriklik toʻgʻrisidagi bitimlarga kredit mablagʻlarini bosqichma-bosqich ajratish toʻgʻrisidagi taklifi maʼqullansin.
Mazkur kreditlarni moliyalashtirish manbalari etib quyidagilar belgilansin:
qurilish ishlari boshlangan bitimlar boʻyicha — Saudiya taraqqiyot jamgʻarmasidan jalb etilayotgan 10,9 mln AQSH dollari ekvivalentidagi imtiyozli qarz mablagʻlari hamda tijorat banklarining oʻz mablagʻlari;
qurilish ishlari boshlanmagan bitimlar boʻyicha — Oʻzbekiston Respublikasi Prezidentining 2020-yil 6-noyabrdagi PQ-4883-son qaroriga muvofiq 2021-yilning II yarmida ushbu maqsadlar uchun jalb qilinadigan umumiy qiymati 70 mln AQSH dollari miqdoridagi tashqi qarz mablagʻlari.
3. Belgilansinki:
imzolangan 241 ta davlat-xususiy sheriklik toʻgʻrisidagi bitimlarni moliyalashtirish uchun kreditlar 7 yil muddatga 2 yillik imtiyozli davr bilan beriladi;
Saudiya taraqqiyot jamgʻarmasi va tashqi qarz mablagʻlari hisobidan kreditlar Oʻzbekiston Respublikasi Prezidentining 2020-yil 30-yanvardagi PQ-4581-son qarorining 3-bandi “b” kichik bandida koʻrsatilgan tabaqalashtirilgan foiz stavkalarida ajratiladi;
tijorat banklarining mablagʻlari hisobidan kreditlar bozor foiz stavkalarida ajratiladi;
kreditlar davlat-xususiy sheriklik toʻgʻrisidagi bitimlarda nazarda tutilgan, xususiy sherikning oʻz mablagʻlari hisobidan bajarilishi (sotib olinishi) lozim boʻlgan ishlar (tovarlar) toʻliq amalga oshirilganidan soʻng, tijorat banklari tomonidan moliyalashtiriladi;
Saudiya taraqqiyot jamgʻarmasi va tashqi qarz mablagʻlari hisobidan ajratilgan kreditlar boʻyicha xususiy sherik tomonidan toʻlanadigan foiz stavkasining 1 foizi tijorat bankida qoldiriladi, qolgan qismi Oʻzbekiston Respublikasining respublika budjeti daromadiga oʻtkaziladi.
4. Maktabgacha taʼlim vazirligi (A.V. Shin):
uch hafta muddatda davlat-xususiy sheriklik toʻgʻrisidagi bitim imzolanib, moliyalashtirilmasdan qolgan 241 ta loyihaning amaldagi holatini, shu jumladan bajarilgan qurilish ishlari hajmini oʻrganib chiqsin hamda ularning reytingini shakllantirsin;
bir oy muddatda belgilangan tartibda shakllantirilgan reyting asosida moliyalashtirish manbalarini koʻrsatgan holda loyihalar roʻyxatini tuzsin hamda tasdiqlash uchun Vazirlar Mahkamasiga kiritsin.
6. Maktabgacha taʼlim vazirligi (A.V. Shin):
Investitsiyalar va tashqi savdo vazirligi (L.Sh. Qudratov) bilan birgalikda Oʻzbekiston Respublikasi Prezidentining 2020-yil 6-noyabrdagi PQ-4883-son qaroriga muvofiq davlat-xususiy sheriklik toʻgʻrisidagi bitimlarni moliyalashtirish uchun qiymati 70 mln AQSH dollari miqdoridagi tashqi qarz mablagʻlarini jalb qilish ishlarini jadallashtirsin;
ushbu mablagʻlar hisobidan amalga oshiriladigan yangi loyihalarni har bir hududdagi mavjud maktabgacha taʼlim tashkilotlari, maktabgacha yoshdagi bolalar soni hamda ularning qamrovi darajasini tahlil qilgan holda odillik va shaffoflik tamoyillari asosida tanlasin va ularni amalga oshirish boʻyicha bitimlarni imzolasin.
7. Oʻzbekiston Milliy axborot agentligi, Oʻzbekiston Milliy teleradiokompaniyasi hamda Axborot va ommaviy kommunikatsiyalar agentligi mazkur qarorning mazmun-mohiyati va amaliy ahamiyatini yoritishga oid maqolalar, brifinglar, press-konferensiyalar va tematik telekoʻrsatuvlarni tashkil etsin.
8. Oʻzbekiston Respublikasi Prezidentining ayrim qarorlariga ilovaga muvofiq oʻzgartirish va qoʻshimchalar kiritilsin.
9. Maktabgacha taʼlim vazirligi (A.V. Shin) manfaatdor vazirlik va idoralar bilan birgalikda bir oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
10. Mazkur qaror ijrosini samarali tashkil etishga masʼul va shaxsiy javobgar etib maktabgacha taʼlim vaziri A.V. Shin hamda moliya vaziri T.A. Ishmetov belgilansin.
Qaror ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vazirining oʻrinbosari B.A. Musayev zimmasiga yuklansin.
Oʻzbekiston Respublikasi Prezidentining 2021-yil 12-apreldagi PQ-5071-son qaroriga ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2018-yil 5-apreldagi “Maktabgacha taʼlim tizimini yanada ragʻbatlantirish va rivojlantirish chora-tadbirlari toʻgʻrisida”gi PQ-3651-son qaroriga 1-ilovada :
a) 5-band quyidagi tahrirda bayon etilsin:
“Xususiy sherikni tanlab olish Oʻzbekiston Respublikasining “Davlat-xususiy sheriklik toʻgʻrisida” gi Qonuni talablari asosida amalga oshiriladi”;
b) 27-band quyidagi tahrirda bayon etilsin:
“Davlat-xususiy sheriklik loyihasining konsepsiyasi tasdiqlangandan hamda bitim imzolangandan keyin uch kalendar kuni mobaynida Vazirlik rasmiy tartibda uch nusxadan iborat loyiha konsepsiyasi, loyihani baholash hujjatlari va bitimning elektron va qogʻoz koʻrinishdagi nusxalarini Oʻzbekiston Respublikasi Moliya vazirligi huzuridagi Davlat-xususiy sheriklikni rivojlantirish agentligiga DXSH loyihalarining reyestriga kiritish uchun taqdim qiladi”;
v) 36-bandning uchinchi xatboshisi “bitim shartlarini bajarish” soʻzlaridan oldin “Oʻzbekiston Respublikasi Moliya vazirligi huzuridagi Davlat-xususiy sheriklikni rivojlantirish agentligi bilan birgalikda” soʻzlari bilan toʻldirilsin;
g) 103-band quyidagi mazmundagi uchinchi xatboshi bilan toʻldirilsin:
“2021-yil 1-maydan boshlab boquvchisini yoʻqotgan ayollar farzandlarining ota-onalar badali toʻlovlarini tegishli hududdagi 9 soatlik davlat maktabgacha taʼlim tashkilotlari uchun belgilangan miqdorlarda qoplab berish”;
d) 104-band quyidagi mazmundagi ikkinchi xatboshi bilan toʻldirilsin:
“boquvchisini yoʻqotgan ayollar farzandlarini bepul oʻqitish”.
2. Oʻzbekiston Respublikasi Prezidentining 2020-yil 30-yanvardagi “Maktabgacha taʼlim sohasida davlat-xususiy sheriklikni yanada rivojlantirish chora-tadbirlari toʻgʻrisida”gi PQ-4581-son qarorida :
a) 3-bandning “b” kichik bandi quyidagi tahrirda bayon etilsin:
“b) 2018-2019-yillarda belgilangan tartibda tuzilgan hamda xalqaro moliya institutlaridan ushbu maqsadlar uchun jalb etiladigan imtiyozli kreditlar (qarzlar) hisobidan moliyalashtiriladigan bitimlar boʻyicha kreditlar:
Toshkent va Nukus shaharlari, viloyatlarning maʼmuriy markazlari hamda 1-ilovada keltirilgan viloyat boʻysunuvidagi shaharlarda — 7 yil muddatga, shu jumladan, 2 yillik imtiyozli davr bilan yillik 12 foiz stavka boʻyicha;
tumanlarning maʼmuriy markazlarida — 7 yil muddatga, shu jumladan, 2 yillik imtiyozli davr bilan yillik 8 foiz stavka boʻyicha;
tumanlarning boshqa hududlarida — 7 yil muddatga, shu jumladan, 2 yillik imtiyozli davr bilan yillik 5 foiz stavka boʻyicha beriladi;”;
b) 4-bandning uchinchi xatboshisidagi “2 foizi” soʻzlari “1 foizi” soʻzlari bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 12-aprel,
PQ-5071-son
Президента Республики Узбекистан
Постановление
О дополнительных мерах по развитию государственно-частного партнерства в сфере дошкольного образования
В целях ускорения создания негосударственных дошкольных образовательных организаций в форме государственно-частного партнерства, а также расширения охвата дошкольным образованием путем более широкого привлечения частного сектора в данную сферу:
1. Принять к сведению, что в 2018-2019 годах для создания негосударственных дошкольных образовательных организаций подписано 1 412 соглашений о государственно-частном партнерстве, из них:
по 1 097 соглашениям выделены льготные кредиты, 74 соглашения — расторгнуты;
по 241 соглашению до сегодняшнего дня в связи отсутствием финансовых источников кредиты не выделены.
2. Одобрить предложение Министерства дошкольного образования и Министерства финансов о поэтапном выделении кредитных средств на подписанные в 2018-2019 годах и оставшиеся не профинансированными до сегодняшнего дня 241 соглашение о государственно-частном партнерстве.
Определить источниками финансирования данных кредитов:
в отношении соглашений, по которым начаты строительные работы, — льготные заемные средства в эквиваленте 10,9 млн долларов США, привлекаемые из Саудовского фонда развития, а также собственные средства коммерческих банков;
в отношении соглашений, по которым строительные работы не начаты, — средства внешних заимствований в сумме 70 млн долларов США, привлекаемые на указанные цели во второй половине 2021 года согласно постановлению Президента Республики Узбекистан от 6 ноября 2020 года № ПП-4883.
3. Установить, что:
кредиты на финансирование 241 подписанного соглашения о государственно-частном партнерстве выделяются на срок 7 лет, включая 2-летний льготный период;
кредиты за счет средств Саудовского фонда развития и внешних заимствований выделяются по дифференцированным процентным ставкам, указанным в подпункте «б» пункта 3 постановления Президента Республики Узбекистан от 30 января 2020 года № ПП-4581;
кредиты за счет средств коммерческих банков выделяются по рыночным процентным ставкам;
кредиты финансируются коммерческими банками после полного выполнения (приобретения) частным партнером за счет собственных средств необходимых работ (товаров), предусмотренных в соглашениях о государственно-частном партнерстве;
1 процент от уплачиваемой частным партнером процентной ставки по кредитам, выделенным за счет средств Саудовского фонда развития и внешних заимствований, остается в коммерческом банке, остальная часть перечисляется в доход республиканского бюджета Республики Узбекистан.
4. Министерству дошкольного образования (А.В. Шин):
в трехнедельный срок — изучить реальное состояние, включая объем выполненных строительных работ по 241 подписанному и не профинансированному соглашению о государственно-частном партнерстве, и составить их рейтинг;
в месячный срок — на основе рейтинга, сформированного в установленном порядке, составить и внести на утверждение в Кабинет Министров перечень проектов с указанием источников их финансирования.
6. Министерству дошкольного образования (А.В. Шин):
совместно с Министерством инвестиций и внешней торговли (Л.Ш. Кудратов) — ускорить работы по привлечению средств внешних заимствований в размере 70 млн долларов США на финансирование соглашений о государственно-частном партнерстве в соответствии с постановлением Президента Республики Узбекистан от б ноября 2020 года № ПП-4883;
на основе анализа количества действующих дошкольных образовательных организаций, численности и уровня охвата детей дошкольного возраста в разрезе каждого региона, принципов справедливости и прозрачности отобрать новые проекты, планируемые к реализации за счет данных средств, а также заключить соглашения по их реализации.
7. Национальному информационному агентству Узбекистана, Национальной телерадиокомпании Узбекистана и Агентству информации и массовых коммуникаций организовать публикацию статей, проведение брифингов и пресс-конференций, подготовку тематических телепередач по освещению сути и содержания, а также практического значения настоящего постановления.
8. Внести изменения и дополнения в некоторые постановления Президента Республики Узбекистан согласно приложению .
9. Министерству дошкольного образования (А.В. Шин) совместно с заинтересованными министерствами и ведомствами в месячный срок внести в Кабинет Министров предложения об изменениях и дополнениях в законодательство, вытекающих из настоящего постановления.
10. Возложить на министра дошкольного образования А.В. Шин и министра финансов Т.А. Ишметова персональную ответственность за организацию эффективного исполнения настоящего постановления.
Ежеквартальное обсуждение исполнения настоящего постановления, осуществление координации и контроля за деятельностью ведомств, ответственных за его исполнение, возложить на заместителя Премьер-министра Республики Узбекистан Б.А. Мусаева.
ПРИЛОЖЕНИЕ к постановлению Президента Республики Узбекистан от 12 апреля 2021 года № ПП-5071
Изменения и дополнения, вносимые в некоторые постановления Президента Республики Узбекистан
1. В приложении № 1 к постановлению Президента Республики Узбекистан от 5 апреля 2018 года № ПП-3651 «О мерах по дальнейшему стимулированию и развитию системы дошкольного образования»:
а) пункт 5 изложить в следующей редакции:
«Отбор частного партнера осуществляется в соответствии с требованиями Закона Республики Узбекистан «О государственно-частном партнерстве»;
б) пункт 27 изложить в следующей редакции:
«Министерство в течение трех календарных дней после утверждения концепции проекта государственно-частного партнерства и подписания соглашения в официальном порядке представляет в трех экземплярах концепцию проекта, оценочную документацию проекта и копии соглашения в электронном и бумажном виде в Агентство развития государственно-частного партнерства при Министерстве финансов Республики Узбекистан для внесения в реестр проектов ГЧП»;
в) в абзаце третьем пункта 36 перед словами «получать на ежеквартальной основе» дополнить словами «совместно с Агентством развития государственно-частного партнерства при Министерстве финансов Республики Узбекистан»;
г) пункт 103 дополнить абзацем третьим следующего содержания:
«начиная с 1 мая 2021 года возмещение родительской платы детям женщин, потерявших кормильца, в размере, установленном для 9-часовых государственных дошкольных образовательных организаций, находящихся на соответствующей территории»;
д) пункт 104 дополнить абзацем вторым следующего содержания:
«бесплатно обучать детей женщин, потерявших кормильца».
2. В постановлении Президента Республики Узбекистан от 30 января 2020 года № ПП-4581 «О мерах по дальнейшему развитию государственно-частного партнерства в сфере дошкольного образования»:
а) подпункт «б» пункта 3 изложить в следующей редакции:
«б) кредиты по соглашениям, заключенным в 2018-2019 годах в установленном порядке и финансируемым за счет льготных кредитов (займов) международных финансовых институтов, привлекаемых на данные цели, выделяются:
в городах Ташкенте и Нукусе, в административных центрах областей и городах областного подчинения, указанных в приложении № 1, сроком на 7 лет, в том числе с двухлетним льготным периодом по ставке 12 процентов годовых;
в административных центрах районов — сроком на 7 лет, в том числе с двухлетним льготным периодом по ставке 8 процентов годовых;
на других территориях районов — сроком на 7 лет, в том числе с двухлетним льготным периодом по ставке 5 процентов годовых;»;
б) в абзаце третьем пункта 4 слова «2 процента» заменить словами «1 процент».
Президент Республики Узбекистан Ш. МИРЗИЁЕВ
г. Ташкент,
12 апреля 2021 г.,
№ ПП-5071