📅 2021-yil 13-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 13 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 13 апреля 2021 г. · Постановления Президента
Официальный текст. Официальный документ. Редакционные примечания не включены.
📅 13 April 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
Бюджет жараёнида фуқароларнинг фаол иштирокини таъминлаш бўйича қўшимча чора-тадбирлар тўғрисида
Ўзбекистон Республикаси Президентининг 2021 йил 3 февралдаги «2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Ёшларни қўллаб-қувватлаш ва аҳоли саломатлигини мустаҳкамлаш йили»да амалга оширишга оид давлат дастури тўғрисида»ги ПФ-6155-сон Фармони ижросини таъминлаш, шунингдек, Давлат бюджетининг шаклланиши ва ҳудудларнинг ижтимоий-иқтисодий ривожланиш лойиҳаларини ишлаб чиқиш жараёнига аҳолини фаол жалб этиш ҳамда жойлардаги долзарб муаммоларни ҳал этишда жамоатчилик иштирокини кенгайтириш мақсадида:
1. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Молия вазирлиги ҳамда Иқтисодий тараққиёт ва камбағалликни қисқартириш вазирлигининг:
2021 йил май ойидан бошлаб иловага мувофиқ туман (шаҳар)ларда, 2022 йил 1 январдан эътиборан республиканинг барча туман (шаҳар)ларида тегишли бюджетларнинг тасдиқланган умумий харажатларининг 5 фоизини жамоатчилик фикри асосида шакллантирилган тадбирларни молиялаштиришга йўналтириш бўйича янги тартибни босқичма-босқич жорий этиш;
2021 йил 1 июлдан бошлаб жамоатчилик фикри асосида шакллантирилган тадбирларни молиялаштиришга ажратиладиган туман (шаҳар)лар бюджетлари қўшимча маблағларининг энг кам миқдорини 10 фоиздан 30 фоизга ошириш ҳақидаги таклифлари маъқуллансин.
2. Молия вазирлиги бир ҳафта муддатда мазкур қарор иловасига мувофиқ танлаб олинган туман (шаҳар)лар бюджетларига қўшимча равишда Ўзбекистон Республикасининг республика бюджети маблағлари ҳисобидан 92,7 миллиард сўм маблағ ажратилишини таъминласин.
3. Белгилаб қўйилсинки:
мазкур қарорнинг 1-бандида белгиланган босқичларни инобатга олган ҳолда туман (шаҳар) бюджетлари тасдиқланган харажатларининг 5 фоизи, бироқ камида 6 миллиард сўм миқдордаги маблағлар жамоатчилик фикри асосида шакллантирилган тадбирларни молиялаштиришга йўналтирилади;
туман ва шаҳар бюджетлари қўшимча маблағларининг камида 30 фоиз қисми ҳамда Қорақалпоғистон Республикаси республика бюджети, вилоятларнинг вилоят бюджетлари ва Тошкент шаҳрининг шаҳар бюджетида шаклланган қўшимча маблағларнинг 30 фоизи жамоатчилик фикри асосида шакллантирилган тадбирларни молиялаштиришга йўналтирилади;
жамоатчилик фикри асосида шакллантирилган тадбирларни молиялаштиришга йўналтириладиган маблағлар туман (шаҳар) ҳокимликларида бюджет ташкилотларининг бюджетдан ташқари жамғармалари шаклида очиладиган «Фуқаролар ташаббуси жамғармаси» шахсий ғазна ҳисобварағида жамланади ва ушбу маблағларнинг бошқа мақсадларга ишлатилиши қатъиян тақиқланади.
4. Вазирлар Маҳкамаси бир ҳафта муддатда Олий Мажлис Сенатига туман (шаҳар)лар бюджетлари маблағларини жамоатчилик фикри асосида шакллантирилган тадбирларга йўналтириш тартиби тўғрисидаги намунавий низомни тасдиқлаш учун киритсин.
Ушбу намунавий низом асосида туманлар ва шаҳарлар ҳокимликлари икки ҳафта муддатда:
ҳар бир туман ва шаҳарнинг алоҳида хусусиятидан келиб чиқиб, туман (шаҳар)лар бюджетлари маблағларини жамоатчилик фикри асосида шакллантирилган тадбирларга йўналтириш тартибини назарда тутувчи қарор лойиҳасини;
халқ депутатлари туман (шаҳар) Кенгаши, маҳаллий ижро этувчи ҳокимият органлари, шунингдек, нодавлат нотижорат ташкилотларининг масъул ходимларидан иборат Жамоатчилик фикри асосида тадбирларни шакллантириш, баҳолаш, танлаб олиш ҳамда ижросини мониторинг қилиш бўйича ишчи комиссия таркибини тегишли халқ депутатлари туман (шаҳар) Кенгашларига тасдиқлаш учун киритсин.
5. Туманлар ва шаҳарлар ҳокимликлари тегишли маҳаллий бюджетлар маблағлари ҳисобидан жамоатчилик фикри асосида шакллантирилган тадбирларни молиялаштириш тўғрисидаги маълумотларни ҳар чорак якунлари бўйича кейинги ойнинг 25 санасидан кечиктирмай ўзларининг расмий веб-сайтларига ва «Очиқ бюджет» порталига жойлаштирсин.
Туман ва шаҳарлар ҳокимларига жамоатчилик фикри асосида шакллантирилган тадбирларни молиялаштиришга бюджет маблағларининг ўз вақтида ажратилиши ва уларнинг амалга оширилиши жараёнини ёритиб бориш юзасидан шахсий жавобгарлик юклансин.
6. Молия вазирлигига қуйидаги вазифалар юклатилсин:
жамоатчилик фикри асосида амалга ошириладиган тадбирларни молиялаштиришга йўналтириладиган маблағларни шакллантириш тартибини такомиллаштириш;
жамоатчилик фикри асосида амалга ошириладиган тадбирларни молиялаштиришга йўналтириладиган маблағларнинг шакллантирилиши ва сарфланиши юзасидан ўқув семинар ва тренинглар ташкил этиш, мазкур жараённинг моҳиятини акс эттирувчи ўқув материалларини тайёрлаш;
жамоатчилик фикри асосида молиялаштириладиган тадбирларга йўналтириладиган маблағларнинг шаклланиш ва сарфланиш жараёнлари мониторингини юритиш;
«Очиқ бюджет» порталида жамоатчилик томонидан таклиф қолдириш ва овоз бериш жараёнини услубий, техник жиҳатдан қўллаб-қувватлаш ҳамда бошқариш.
7. Молия вазирлиги:
манфаатдор вазирлик ва идоралар билан биргаликда 2021 йил 1 ноябрга қадар халқаро экспертларни жалб этган ҳолда фуқаролар иштирокидаги ташаббусли бюджетлаштиришни такомиллаштириш бўйича таклифларни Вазирлар Маҳкамасига киритсин;
Маҳалла ва оилани қўллаб-қувватлаш вазирлиги, Ёшлар ишлари агентлиги ҳамда маҳаллий ижро этувчи ҳокимият органлари билан биргаликда жойларда аҳоли ўртасида ташаббусли бюджетлаштиришни амалга ошириш механизмини, унинг моҳиятини кенг ёритиш мақсадида методик ҳамда ўқув материаллари тайёрланиши ва тарқатилишини таъминласин;
манфаатдор вазирлик ва идоралар билан биргаликда икки ой муддатда қонунчилик ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
8. Мазкур қарорнинг ижросини назорат қилиш Бош вазир ўринбосари Ж.А. Қўчқоров, молия вазири Т.А. Ишметов ҳамда Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари зиммасига юклансин.
Ўзбекистон Республикаси Президентининг 2021 йил 13 апрелдаги ПҚ-5072-сон қарорига ИЛОВА
2021 йил майдан бошлаб бюджет харажатларининг 5 фоизи жамоатчилик фикри асосида белгиланган тадбирларни молиялаштиришга йўналтириладиган туман (шаҳар)лар
Т/р Ҳудуд номи Туман (шаҳар)лар номи Қўшимча ажратиладиган маблағ (млн сўм) 1. Қорақалпоғистон Республикаси Кегейли тумани 3 429 2. Андижон вилояти Асака тумани 10 052 3. Бухоро вилояти Ғиждувон тумани 9 754 4. Жиззах вилояти Дўстлик тумани 2 995 5. Қашқадарё вилояти Қарши тумани 6 992 6. Навоий вилояти Хатирчи тумани 7 662 7. Наманган вилояти Чуст тумани 8 204 8. Самарқанд вилояти Булунғур тумани 6 167 9. Сурхондарё вилояти Олтинсой тумани 7 165 10. Сирдарё вилояти Ховос тумани 3 825 11. Тошкент вилояти Қуйи Чирчиқ тумани 3 913 12. Фарғона вилояти Фарғона шаҳри 10 394 13. Хоразм вилояти Хонқа тумани 6 507 14. Тошкент шаҳри Учтепа тумани 5 622 Жами 92 681
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 13 апрель,
ПҚ-5072-сон
Oʻzbekiston Respublikasi Prezidentining
Qarori
ROʻYXATI
Budjet jarayonida fuqarolarning faol ishtirokini taʼminlash boʻyicha qoʻshimcha chora-tadbirlar toʻgʻrisida
Oʻzbekiston Respublikasi Prezidentining 2021-yil 3-fevraldagi “2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Yoshlarni qoʻllab-quvvatlash va aholi salomatligini mustahkamlash yili”da amalga oshirishga oid davlat dasturi toʻgʻrisida”gi PF-6155-son Farmoni ijrosini taʼminlash, shuningdek, Davlat budjetining shakllanishi va hududlarning ijtimoiy-iqtisodiy rivojlanish loyihalarini ishlab chiqish jarayoniga aholini faol jalb etish hamda joylardagi dolzarb muammolarni hal etishda jamoatchilik ishtirokini kengaytirish maqsadida:
1. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Moliya vazirligi hamda Iqtisodiy taraqqiyot va kambagʻallikni qisqartirish vazirligining:
2021-yil may oyidan boshlab ilovaga muvofiq tuman (shahar)larda, 2022-yil 1-yanvardan eʼtiboran respublikaning barcha tuman (shahar)larida tegishli budjetlarning tasdiqlangan umumiy xarajatlarining 5 foizini jamoatchilik fikri asosida shakllantirilgan tadbirlarni moliyalashtirishga yoʻnaltirish boʻyicha yangi tartibni bosqichma-bosqich joriy etish;
2021-yil 1-iyuldan boshlab jamoatchilik fikri asosida shakllantirilgan tadbirlarni moliyalashtirishga ajratiladigan tuman (shahar)lar budjetlari qoʻshimcha mablagʻlarining eng kam miqdorini 10 foizdan 30 foizga oshirish haqidagi takliflari maʼqullansin.
2. Moliya vazirligi bir hafta muddatda mazkur qaror ilovasiga muvofiq tanlab olingan tuman (shahar)lar budjetlariga qoʻshimcha ravishda Oʻzbekiston Respublikasining respublika budjeti mablagʻlari hisobidan 92,7 milliard soʻm mablagʻ ajratilishini taʼminlasin.
3. Belgilab qoʻyilsinki:
mazkur qarorning 1-bandida belgilangan bosqichlarni inobatga olgan holda tuman (shahar) budjetlari tasdiqlangan xarajatlarining 5 foizi, biroq kamida 6 milliard soʻm miqdordagi mablagʻlar jamoatchilik fikri asosida shakllantirilgan tadbirlarni moliyalashtirishga yoʻnaltiriladi;
tuman va shahar budjetlari qoʻshimcha mablagʻlarining kamida 30 foiz qismi hamda Qoraqalpogʻiston Respublikasi respublika budjeti, viloyatlarning viloyat budjetlari va Toshkent shahrining shahar budjetida shakllangan qoʻshimcha mablagʻlarning 30 foizi jamoatchilik fikri asosida shakllantirilgan tadbirlarni moliyalashtirishga yoʻnaltiriladi;
jamoatchilik fikri asosida shakllantirilgan tadbirlarni moliyalashtirishga yoʻnaltiriladigan mablagʻlar tuman (shahar) hokimliklarida budjet tashkilotlarining budjetdan tashqari jamgʻarmalari shaklida ochiladigan “Fuqarolar tashabbusi jamgʻarmasi” shaxsiy gʻazna hisobvaragʻida jamlanadi va ushbu mablagʻlarning boshqa maqsadlarga ishlatilishi qatʼiyan taqiqlanadi.
4. Vazirlar Mahkamasi bir hafta muddatda Oliy Majlis Senatiga tuman (shahar)lar budjetlari mablagʻlarini jamoatchilik fikri asosida shakllantirilgan tadbirlarga yoʻnaltirish tartibi toʻgʻrisidagi namunaviy nizomni tasdiqlash uchun kiritsin.
Ushbu namunaviy nizom asosida tumanlar va shaharlar hokimliklari ikki hafta muddatda:
har bir tuman va shaharning alohida xususiyatidan kelib chiqib, tuman (shahar)lar budjetlari mablagʻlarini jamoatchilik fikri asosida shakllantirilgan tadbirlarga yoʻnaltirish tartibini nazarda tutuvchi qaror loyihasini;
xalq deputatlari tuman (shahar) Kengashi, mahalliy ijro etuvchi hokimiyat organlari, shuningdek, nodavlat notijorat tashkilotlarining masʼul xodimlaridan iborat Jamoatchilik fikri asosida tadbirlarni shakllantirish, baholash, tanlab olish hamda ijrosini monitoring qilish boʻyicha ishchi komissiya tarkibini tegishli xalq deputatlari tuman (shahar) Kengashlariga tasdiqlash uchun kiritsin.
5. Tumanlar va shaharlar hokimliklari tegishli mahalliy budjetlar mablagʻlari hisobidan jamoatchilik fikri asosida shakllantirilgan tadbirlarni moliyalashtirish toʻgʻrisidagi maʼlumotlarni har chorak yakunlari boʻyicha keyingi oyning 25 sanasidan kechiktirmay oʻzlarining rasmiy veb-saytlariga va “Ochiq budjet” portaliga joylashtirsin.
Tuman va shaharlar hokimlariga jamoatchilik fikri asosida shakllantirilgan tadbirlarni moliyalashtirishga budjet mablagʻlarining oʻz vaqtida ajratilishi va ularning amalga oshirilishi jarayonini yoritib borish yuzasidan shaxsiy javobgarlik yuklansin.
6. Moliya vazirligiga quyidagi vazifalar yuklatilsin:
jamoatchilik fikri asosida amalga oshiriladigan tadbirlarni moliyalashtirishga yoʻnaltiriladigan mablagʻlarni shakllantirish tartibini takomillashtirish;
jamoatchilik fikri asosida amalga oshiriladigan tadbirlarni moliyalashtirishga yoʻnaltiriladigan mablagʻlarning shakllantirilishi va sarflanishi yuzasidan oʻquv seminar va treninglar tashkil etish, mazkur jarayonning mohiyatini aks ettiruvchi oʻquv materiallarini tayyorlash;
jamoatchilik fikri asosida moliyalashtiriladigan tadbirlarga yoʻnaltiriladigan mablagʻlarning shakllanish va sarflanish jarayonlari monitoringini yuritish;
“Ochiq budjet” portalida jamoatchilik tomonidan taklif qoldirish va ovoz berish jarayonini uslubiy, texnik jihatdan qoʻllab-quvvatlash hamda boshqarish.
7. Moliya vazirligi:
manfaatdor vazirlik va idoralar bilan birgalikda 2021-yil 1-noyabrga qadar xalqaro ekspertlarni jalb etgan holda fuqarolar ishtirokidagi tashabbusli budjetlashtirishni takomillashtirish boʻyicha takliflarni Vazirlar Mahkamasiga kiritsin;
Mahalla va oilani qoʻllab-quvvatlash vazirligi, Yoshlar ishlari agentligi hamda mahalliy ijro etuvchi hokimiyat organlari bilan birgalikda joylarda aholi oʻrtasida tashabbusli budjetlashtirishni amalga oshirish mexanizmini, uning mohiyatini keng yoritish maqsadida metodik hamda oʻquv materiallari tayyorlanishi va tarqatilishini taʼminlasin;
manfaatdor vazirlik va idoralar bilan birgalikda ikki oy muddatda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
8. Mazkur qarorning ijrosini nazorat qilish Bosh vazir oʻrinbosari J.A. Qoʻchqorov, moliya vaziri T.A. Ishmetov hamda Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari zimmasiga yuklansin.
Oʻzbekiston Respublikasi Prezidentining 2021-yil 13-apreldagi PQ-5072-son qaroriga ILOVA
2021-yil maydan boshlab budjet xarajatlarining 5 foizi jamoatchilik fikri asosida belgilangan tadbirlarni moliyalashtirishga yoʻnaltiriladigan tuman (shahar)lar
T/r Hudud nomi Tuman (shahar)lar nomi Qoʻshimcha ajratiladigan mablagʻ (mln soʻm) 1. Qoraqalpogʻiston Respublikasi Kegeyli tumani 3 429 2. Andijon viloyati Asaka tumani 10 052 3. Buxoro viloyati Gʻijduvon tumani 9 754 4. Jizzax viloyati Doʻstlik tumani 2 995 5. Qashqadaryo viloyati Qarshi tumani 6 992 6. Navoiy viloyati Xatirchi tumani 7 662 7. Namangan viloyati Chust tumani 8 204 8. Samarqand viloyati Bulungʻur tumani 6 167 9. Surxondaryo viloyati Oltinsoy tumani 7 165 10. Sirdaryo viloyati Xovos tumani 3 825 11. Toshkent viloyati Quyi Chirchiq tumani 3 913 12. Fargʻona viloyati Fargʻona shahri 10 394 13. Xorazm viloyati Xonqa tumani 6 507 14. Toshkent shahri Uchtepa tumani 5 622 Jami 92 681
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 13-aprel,
PQ-5072-son
Президента Республики Узбекистан
Постановление
ПЕРЕЧЕНЬ
О дополнительных мерах по обеспечению активного участия граждан в бюджетном процессе
В целях обеспечения исполнения Указа Президента Республики Узбекистан от 3 февраля 2021 года № УП-6155 «О Государственной программе по реализации Стратегии действий по пяти приоритетным направлениям развития Республики Узбекистан в 2017 — 2021 годах в «Год поддержки молодежи и укрепления здоровья населения», а также активного привлечения населения к процессам формирования Государственного бюджета и разработки проектов социально-экономического развития регионов, расширения участия общественности в решении актуальных проблем на местах:
1. Одобрить предложения Совета Министров Республики Каракалпакстан, хокимиятов областей и города Ташкента, Министерства финансов, а также Министерства экономического развития и сокращения бедности, предусматривающие:
поэтапное внедрение нового порядка направления 5 процентов утвержденных общих расходов соответствующих бюджетов на финансирование мероприятий, сформированных на основе общественного мнения, начиная с мая 2021 года — в районах (городах) в соответствии с приложением , начиная с 1 января 2022 года — во всех районах (городах) республики;
повышение начиная с 1 июля 2021 года с 10 процентов до 30 процентов минимального размера дополнительных средств бюджетов районов (городов), выделяемых на финансирование мероприятий, сформированных на основе общественного мнения.
2. Министерству финансов в недельный срок обеспечить выделение бюджетам районов (городов), отобранных в соответствии с приложением к настоящему постановлению, дополнительно 92,7 миллиарда сумов за счет средств республиканского бюджета Республики Узбекистан.
3. Установить, что:
средства, равные 5 процентам утвержденных расходов бюджетов районов (городов), но в размере не менее 6 миллиардов сумов, направляются на финансирование мероприятий, сформированных на основе общественного мнения, с учетом этапов, определенных в пункте 1 настоящего постановления;
не менее 30 процентов дополнительных средств районного и городского бюджетов, а также 30 процентов дополнительных средств, сформированных в республиканском бюджете Республики Каракалпакстан, областных бюджетах областей и городском бюджете города Ташкента, направляются на финансирование мероприятий, сформированных на основе общественного мнения;
средства, направляемые на финансирование мероприятий, сформированных на основе общественного мнения, аккумулируются на казначейских лицевых счетах «Фонда гражданских инициатив», открываемых при хокимиятах районов (городов) в форме внебюджетных фондов бюджетных организаций, расходование данных средств на другие цели категорически запрещается.
4. Кабинету Министров в недельный срок внести в Сенат Олий Мажлиса на утверждение типовое положение о порядке направления средств бюджетов районов (городов) на мероприятия, сформированные на основе общественного мнения.
На основании данного типового положения хокимиятам районов и городов в двухнедельный срок внести на утверждение в соответствующий Кенгаш народных депутатов района (города):
проект решения, предусматривающий порядок направления средств бюджета района (города) на мероприятия, сформированные на основе общественного мнения, исходя из специфики каждого района и города;
состав Рабочей комиссии по формированию, оценке, отбору и мониторингу реализации мероприятий, сформированных на основе общественного мнения, состоящей из ответственных работников Кенгаша народных депутатов района (города), органов исполнительной власти на местах, а также негосударственных некоммерческих организаций.
5. Хокимиятам районов и городов размещать на своих официальных веб-сайтах и портале «Открытый бюджет» данные о финансировании мероприятий, сформированных на основе общественного мнения, за счет средств соответствующих местных бюджетов не позднее 25-го числа месяца, следующего за отчетным кварталом.
Возложить на хокимов районов и городов персональную ответственность за своевременное выделение бюджетных средств на финансирование мероприятий, сформированных на основе общественного мнения, и освещение процесса осуществления финансирования.
6. Возложить на Министерство финансов задачи по:
совершенствованию порядка формирования средств, направляемых на финансирование мероприятий, реализуемых на основе общественного мнения;
организации учебных семинаров и тренингов по формированию и расходованию средств, направляемых на финансирование мероприятий, реализуемых на основе общественного мнения, а также подготовке учебных материалов, отображающих содержание данного процесса;
ведению мониторинга формирования и расходования средств, направляемых на финансирование мероприятий, реализуемых на основе общественного мнения;
методической и технической поддержке, а также управлению процессом размещения общественностью предложений и голосования на портале «Открытый бюджет».
7. Министерству финансов:
в срок до 1 ноября 2021 года совместно с заинтересованными министерствами и ведомствами с привлечением международных экспертов внести в Кабинет Министров предложения о совершенствовании инициативного бюджетирования при участии граждан;
совместно с Министерством по поддержке махалли и семьи, Агентством по делам молодежи и органами исполнительной власти на местах обеспечить подготовку и распространение методических и учебных материалов в целях широкого освещения среди населения механизма реализации и сути инициативного бюджетирования;
в двухмесячный срок совместно с заинтересованными министерствами и ведомствами внести в Кабинет Министров предложения об изменениях и дополнениях в акты законодательства, вытекающих из настоящего постановления.
8. Контроль за исполнением настоящего постановления возложить на заместителя Премьер-министра Республики Узбекистан Д.А. Кучкарова, министра финансов Т.А. Ишметова Председателя Совета Министров Республики Каракалпакстан, хокимов областей и города Ташкента.
ПРИЛОЖЕНИЕ к постановлению Президента Республики Узбекистан от 13 апреля 2021 года № ПП-5072
районов (городов), в которых начиная с мая 2021 года 5 процентов бюджетных расходов будет направляться на финансирование мероприятий, сформированных на основе общественного мнения
№ Наименование региона Наименование районов (городов) Дополнительно выделяемые средства (млн сум) 1. Республика Каракалпакстан Кегейлийский район 3 429 2. Андижанская область Асакинский район 10 052 3. Бухарская область Гиждуванский район 9 754 4. Джизакская область Дустликский район 2 995 5. Кашкадарьинская область Каршинский район 6 992 6. Навоийская область Хатырчинский район 7 662 7. Наманганская область Чустский район 8 204 8. Самаркандская область Булунгурский район 6 167 9. Сурхандарьинская область Алтынсайский район 7 165 10. Сырдарьинская область Хавастский район 3 825 11. Ташкентская область Куйичирчикский район 3 913 12. Ферганская область город Фергана 10 394 13. Хорезмская область Ханкинский район 6 507 14. Город Ташкент Учтепинский район 5 622 Всего 92 681
Президент Республики Узбекистан Ш. МИРЗИЁЕВ
г. Ташкент,
13 апреля 2021 г.,
№ ПП-5072