📅 2021-yil 20-aprel · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 20 апрель · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 20 апреля 2021 г. · Постановления Кабинета Министров
Официальный текст. Официальный документ. Редакционные примечания не включены.
📅 20 April 2021 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
РЎЙХАТИ
РЎЙХАТИ
ВАҚТИНЧАЛИК НИЗОМ
Давлат маблағлари ҳисобидан банд бўлмаган аҳолига берилаётган субсидия, грант, нафақа ва бошқа тўловларнинг мақсадли ва самарали ишлатилишини таъминлаш чора-тадбирлари тўғрисида
Ўзбекистон Республикаси Президентининг 2021 йил 3 февралдаги ПФ-6155-сон Фармони билан тасдиқланган 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Ёшларни қўллаб-қувватлаш ва аҳоли саломатлигини мустаҳкамлаш йили»да амалга оширишга оид давлат дастури ижросини таъминлаш, шу жумладан, давлат маблағлари ҳисобидан банд бўлмаган аҳолига берилаётган субсидия, грант, нафақа ва бошқа тўловларнинг мақсадли ва самарали ишлатилишини таъминлаш мақсадида Вазирлар Маҳкамаси қарор қилади:
1. Маҳаллий меҳнат органларига иш сўраб мурожаат қилган банд бўлмаган аҳоли учун қуйидагилар:
Ўзбекистон Республикасининг «Аҳоли бандлиги тўғрисида»ги Қонунига мувофиқ субсидия, грант, нафақа ва бошқа тўловларни тўлаш кўзда тутилганлиги ҳамда нафақа ва бошқа тўловларни амалга ошириш тартиби белгиланганлиги;
Ўзбекистон Республикаси бандлик ва меҳнат муносабатлари вазирининг буйруғи билан давлат маблағлари ҳисобидан субсидия ҳамда грант ажратиш тартиби тасдиқланганлиги маълумот учун қабул қилинсин.
2. Ўзбекистон Республикаси Бандлик ва меҳнат муносабатлари вазирлиги, Иқтисодий тараққиёт ва камбағалликни қисқартириш вазирлиги, Молия вазирлиги, Маҳалла ва оилани қўллаб-қувватлаш вазирликларининг 2021 йил 1 майдан бошлаб 1-иловада келтирилган туман (шаҳар)ларда тажриба-синов тариқасида давлат маблағлари ҳисобидан субсидия, грант, нафақа ва бошқа тўловлар ажратилган банд бўлмаган аҳоли, шу жумладан «Темир дафтар», «Аёллар дафтари» ва «Ёшлар дафтари»га киритилган банд бўлмаган аҳоли билан маҳаллий меҳнат органлари (аҳоли бандлигига кўмаклашиш марказлари) ўртасида ажратилаётган маблағларнинг мақсадли ишлатилиши ва бу борада тарафларнинг ижтимоий масъулиятини белгиловчи ижтимоий контракт тузиш амалиётини жорий этиш таклифи маъқуллансин.
3. Белгилансинки, ижтимоий контракт банд бўлмаган аҳолига давлат маблағлари ҳисобидан ажратилаётган субсидия, грант, нафақа ва бошқа тўловлардан мақсадли ҳамда самарали фойдаланилишини таъминлаш мақсадида банд бўлмаган фуқаро ва туман (шаҳар) аҳоли бандлигига кўмаклашиш маркази ўртасида тузиладиган шартнома ҳисобланади.
Бунда ижтимоий контракт тузган банд бўлмаган аҳолига давлат маблағлари ҳисобидан ажратилаётган субсидия, грант, нафақа ва бошқа тўловлар 2-иловада келтирилган рўйхат асосида амалга оширилади.
4. Қуйидагиларни назарда тутувчи Давлат маблағлари ҳисобидан ажратилаётган субсидия, грант, нафақа ва бошқа тўловларни олувчи банд бўлмаган аҳоли билан ижтимоий контракт тузиш тартиби тўғрисидаги вақтинчалик низом 3-иловага мувофиқ тасдиқлансин:
ижтимоий контракт тушунчаси, мазмуни ва ижтимоий контракт тизимини жорий этишнинг асосий тамойиллари;
ижтимоий контракт тузган банд бўлмаган аҳоли томонидан давлат маблағлари ҳисобидан ажратилаётган субсидия, грант, нафақа ва бошқа тўловлардан мақсадли ва самарали фойдаланишни баҳолаш мезонлари;
ижтимоий контрактни тузиш тартиби, шу жумладан ижтимоий контрактнинг намунавий шакли, тарафларнинг ҳуқуқ ва мажбуриятлари, контрактнинг амал қилиш муддати;
ижтимоий контрактга риоя қилиниши устидан маҳаллий меҳнат органи инспектори томонидан мониторинг олиб борилиши шакллари ва тартиби;
банд бўлмаган аҳолига ижтимоий контракт бўйича субсидия, грант, нафақа ва бошқа тўловлар ажратилишини рад этиш, шунингдек, ижтимоий контрактни муддатидан олдин бекор қилиш асослари.
5. Ўзбекистон Республикаси Бандлик ва меҳнат муносабатлари вазирлиги:
2021 йил 1 июлга қадар «Бандлик хизмати» ахборот тизимида ижтимоий контракт тузган банд бўлмаган аҳолининг ФИО, ёши, жинси, яшаш жойи, маълумоти, ажратилаётган субсидия, грант, нафақа ва бошқа тўловларнинг тури, миқдори, муддати, ижтимоий контрактга риоя қилиниши устидан юритилган мониторинг натижалари ва бошқа маълумотлар акс эттириладиган «шахсий профили»ни ишлаб чиқсин;
2021 йил 1 декабрга қадар Жаҳон банки, Осиё тараққиёт банки, Халқаро меҳнат ташкилоти, Бирлашган Миллатлар Ташкилотининг Тараққиёт жамғармаси ва ЮНИСЕФ кўмагида халқаро экспертларни жалб этиб ҳамда ижтимоий контракт тузиш амалиёти жорий этилган туман (шаҳар)ларнинг тажрибасини пухта таҳлил қилиб, келгусида ушбу амалиётни республиканинг бошқа ҳудудларида ҳам татбиқ этишнинг мақсадга мувофиқлиги юзасидан Вазирлар Маҳкамасига асосланган таклиф киритсин;
ажратилаётган субсидия, грант, нафақа ва бошқа тўловлардан мақсадли ва самарали фойдаланиш бўйича тузилган ижтимоий контракт шартларининг банд бўлмаган аҳоли томонидан бажарилиши устидан доимий ва таъсирчан мониторинг юритилишини таъминласин.
6. Ўзбекистон Миллий ахборот агентлиги, Ўзбекистон Миллий телерадиокомпаниясига Ўзбекистон Республикаси Бандлик ва меҳнат муносабатлари вазирлиги билан биргаликда ижтимоий контракт тузиш амалиётининг мазмуни ва моҳияти тўғрисида аҳоли ўртасида тарғибот ишларини олиб бориш тавсия этилсин.
7. Ушбу қарорнинг бажарилишини назорат қилиш Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари — иқтисодий тараққиёт ва камбағалликни қисқартириш вазири Ж.А. Қўчқоров ҳамда Ўзбекистон Республикаси бандлик ва меҳнат муносабатлари вазири Н.Б. Хусанов зиммасига юклансин.
Вазирлар Маҳкамасининг 2021 йил 20 апрелдаги 225-сон қарорига 1-ИЛОВА
Ижтимоий контракт тузиш амалиёти тажриба-синов тариқасида жорий этилаётган туман (шаҳар)лар
Т/р Ҳудуд номи Туман ва шаҳар номи 1. Қорақалпоғистон Республикаси Беруний тумани ва Нукус шаҳри 2. Андижон вилояти Қўрғонтепа тумани ва Андижон шаҳри 3. Бухоро вилояти Вобкент тумани ва Когон шаҳри 4. Жиззах вилояти Мирзачўл тумани ва Жиззах шаҳри 5. Қашқадарё вилояти Ғузор тумани ва Қарши шаҳри 6. Навоий вилояти Хатирчи тумани ва Навоий шаҳри 7. Наманган вилояти Тўрақўрғон тумани ва Наманган шаҳри 8. Самарқанд вилояти Булунғур тумани ва Каттақўрғон шаҳри 9. Сирдарё вилояти Ховос тумани ва Янгиер шаҳри 10. Сурхондарё вилояти Олтинсой тумани ва Термиз шаҳри 11. Тошкент вилояти Оққўрғон тумани ва Чирчиқ шаҳри 12. Фарғона вилояти Бешариқ тумани ва Марғилон шаҳри 13. Хоразм вилояти Урганч тумани ва Урганч шаҳри 14. Тошкент шаҳри Бектемир ва Олмазор туманлари
Вазирлар Маҳкамасининг 2021 йил 20 апрелдаги 225-сон қарорига 2-ИЛОВА
Ижтимоий контракт тузган ҳолда давлат маблағлари ҳисобидан ажратиладиган субсидия, грант, нафақа ва бошқа тўловлар
Т/р Субсидия, грант, нафақа ва бошқа тўловлар тури 1. Ишсизлик нафақаси 2. Якка тартибдаги тадбиркор сифатида рўйхатдан ўтиш, кичик корхоналар ва микрофирмаларни давлат рўйхатидан ўтказиш учун субсидия 3. Тадбиркорлик қилишни хоҳловчиларга кредит олишда суғурта полиси тўлови учун субсидия 4. Тадбиркорлик фаолиятини бошлаётган ишсиз фуқароларга тадбиркорлик субъекти сифатида давлат рўйхатидан ўтгандан сўнг дастлабки уч ой мобайнида олинган бино ва иншоотнинг ижара тўлови учун субсидия 5. Тадбиркорликка ўқиш учун субсидия 6. Ҳунарманд сифатида «Ҳунармандчилик» уюшмасида рўйхатдан ўтиш учун субсидия 7. Енгил конструкцияли иссиқхоналар ўрнатиш учун субсидия 8. Суғориш воситалари харид қилиш учун субсидия 9. Уруғликлар ва кўчатлар сотиб олиш учун субсидия 10. Қишлоқ хўжалиги маҳсулотларини (балиқчилик, қуёнчилик, паррандачилик, асаларичилик, мева-сабзавотчилик, узумчилик) етиштириш, тикувчилик, ҳунармандчилик ва бошқа маҳсулотлар ишлаб чиқариш учун ташкил этилган кооперативлар устав фондига улуш сифатида киритиш учун субсидия 11. Тадбиркорлик ва ўзини ўзи банд қилиш фаолиятини амалга оширмоқчи бўлган фуқароларга фаолиятини бошлаш учун керак бўлган асбоб-ускуна ва бошқа меҳнат воситаларини харид қилиш учун субсидия 12. Касб-ҳунарга ўқитиш учун субсидия, грант, ўқиш харажатларини қоплаш учун тўловлар ва стипендиялар
Вазирлар Маҳкамасининг 2021 йил 20 апрелдаги 225-сон қарорига 3-ИЛОВА
Давлат маблағлари ҳисобидан ажратилаётган субсидия, грант, нафақа ва бошқа тўловларни олувчи банд бўлмаган аҳоли билан ижтимоий контракт тузиш тартиби тўғрисида
1-боб. Умумий қоидалар
1. Ушбу Низом маҳаллий меҳнат органларига иш сўраб мурожаат қилган, «Темир дафтар», «Аёллар дафтари», «Ёшлар дафтари»га киритилган банд бўлмаган аҳоли билан туман (шаҳар) Аҳоли бандлигига кўмаклашиш маркази ўртасида ижтимоий контракт тузиш тартибини белгилайди.
2. Ижтимоий контракт банд бўлмаган аҳоли учун давлат маблағлари ҳисобидан ажратилаётган субсидия, грант, нафақа ва бошқа тўловлардан мақсадли ва самарали фойдаланишни таъминлаш (ўзининг ва оила аъзоларининг бандлигини таъминлаш, даромадини ошириш ва яшаш шароитларини яхшилаш) мақсадида тузилади.
3. Ижтимоий контракт — банд бўлмаган аҳолига давлат маблағлари ҳисобидан ажратилаётган субсидия, грант, нафақа ва бошқа тўловлардан мақсадли ва самарали фойдаланилишини таъминлаш мақсадида банд бўлмаган аҳоли ва туман (шаҳар) Аҳоли бандлигига кўмаклашиш маркази ўртасида тузиладиган шартнома ҳисобланади.
4. Ижтимоий контракт тизимини жорий этишнинг асосий тамойиллари қуйидагилардан иборат:
мақсадлилик — давлат маблағлари ҳисобидан ажратилаётган субсидия, грант, нафақа ва бошқа тўловлардан банд бўлмаган аҳоли ҳамда уларнинг оила аъзоларининг бандлигини таъминлаш, даромадини ошириш ва яшаш шароитларини яхшилаш мақсадида самарали фойдаланиш;
ўзаро мажбурият ва ижтимоий масъулият — ижтимоий контракт шартларини бажаришнинг мажбурийлиги ва бажарилмаслиги ёки лозим даражада бажарилмаслиги учун шартнома тараф(лар)ига ижтимоий масъулият юкланиши;
тўлиқ қамраб олинганлик — давлат маблағлари ҳисобидан ажратилаётган субсидия, грант, нафақа ва бошқа тўлов тўлиқ ижтимоий контракт тизими билан қамраб олиниши;
индивидуал ёндашув — ижтимоий контрактни тузишда банд бўлмаган аҳолининг бандлик тури билан шуғулланишга хоҳиши, имконияти ва касб малакасини ҳисобга олиш.
2-боб. Ижтимоий контрактни тузиш тартиби, тарафларнинг ҳуқуқ ва мажбуриятлари
5. Ижтимоий контракт маҳаллий меҳнат органларига давлат маблағлари ҳисобидан субсидия, грант, нафақа ва бошқа тўловлар ажратилишини сўраб мурожаат этган барча банд бўлмаган аҳоли билан ушбу Низомга иловада келтирилган шаклга мувофиқ тузилади.
6. Ижтимоий контракт қуйидагилардан иборат бўлади:
ижтимоий контракт тарафлари (банд бўлмаган аҳоли ва туман (шаҳар) Аҳоли бандлигига кўмаклашиш маркази);
ижтимоий контракт бўйича давлат маблағлари ҳисобидан ажратилаётган субсидия, грант, нафақа ва бошқа тўловларнинг тури ва миқдори;
томонларнинг ҳуқуқлари, мажбуриятлари ва жавобгарлиги;
ижтимоий контрактнинг амал қилиш муддати ва уни бекор қилиш асослари.
7. Ижтимоий контрактни тузишда банд бўлмаган аҳоли белгиланган рўйхат асосида субсидия, грант, нафақа ва бошқа тўловлар турларини ихтиёрий равишда танлайди.
8. Ижтимоий контракт бўйича тарафлар қуйидаги ҳуқуқларга эга:
а) туман (шаҳар) Аҳоли бандлигига кўмаклашиш маркази:
тараф (банд бўлмаган аҳоли) шартнома шартларини бажармаган тақдирда, шартномани бир томонлама бекор қилиш;
тараф (банд бўлмаган аҳоли) шартномадаги мажбуриятларни бажармаган тақдирда, ажратилган субсидиялар ва бошқа тўловлар қайтариб берилишини талаб қилиш;
тараф (банд бўлмаган аҳоли)нинг иш фаолияти ва шартномада белгиланган мажбуриятларини назорат қилиш;
б) банд бўлмаган аҳоли:
тараф (туман (шаҳар) Аҳоли бандлигига кўмаклашиш маркази) томонидан тақдим этилаётган субсидия, грант, нафақа ва бошқа тўловлар турларини мустақил равишда танлаш;
туман (шаҳар) Аҳоли бандлигига кўмаклашиш маркази шартнома шартларини бажармаган тақдирда, шартномани бир томонлама бекор қилиш;
тараф (туман (шаҳар) Аҳоли бандлигига кўмаклашиш маркази)дан ҳуқуқий маслаҳатлар олиш, шартнома шартлари тўлиқ ва ўз вақтида бажарилишини талаб қилиш.
9. Ижтимоий контракт бўйича тарафлар қуйидаги мажбуриятларни ўзига олади:
а) туман (шаҳар) Аҳоли бандлигига кўмаклашиш маркази:
ижтимоий контракт шартларини тўлиқ ва ўз вақтида бажариш;
ижтимоий контракт имзолангандан сўнг унда белгиланган субсидия, грант, нафақа ва бошқа тўловларни қонунчиликда белгиланган тартибда тўлаб бериш;
субсидия, грант, нафақа ва бошқа тўловлар ажратилиши ҳисобига банд бўлмаган аҳолига тегишли хизматлар ўз вақтида ва тўлиқ кўрсатилиши устидан назорат ўрнатиш;
б) тараф (банд бўлмаган аҳоли) субсидия, грант, нафақа ва бошқа тўловларнинг турига қараб:
ишсизлик нафақаси тайинлангандан сўнг фаол иш қидириш ва маҳаллий меҳнат органлари томонидан таклиф қилинган мақбул иш жойларига ишга жойлашиш;
якка тартибдаги тадбиркор сифатида рўйхатдан ўтиш, кичик корхоналар ва микрофирмаларни давлат рўйхатидан ўтказиш, кредит олишда суғурта полиси тўловини, давлат рўйхатидан ўтгандан кейин уч ой давомида ижара тўловини қоплаш учун субсидия ажратилгандан сўнг тадбиркорлик фаолияти билан фаол шуғулланиш;
ҳунарманд сифатида «Ҳунармандчилик» уюшмасида рўйхатдан ўтиш учун субсидия ажратилгандан сўнг ҳунармандчилик фаолияти билан фаол шуғулланиш;
субсидия ҳисобига енгил конструкцияли иссиқхоналар ўрнатилгандан ҳамда суғориш воситалари, уруғликлар ва кўчатлар сотиб олингандан сўнг шахсий томорқасидан самарали фойдаланиш;
қишлоқ хўжалиги маҳсулотларини (балиқчилик, қуёнчилик, паррандачилик, асаларичилик, мева-сабзавотчилик, узумчилик) етиштириш, тикувчилик, ҳунармандчилик ва бошқа маҳсулотлар ишлаб чиқариш учун ташкил этилган кооперативлар устав фондига улуш сифатида киритиш учун ажратилган субсидия ҳисобига ишлаб чиқариш жараёнларида кооператив аъзоси сифатида фаол иштирок этиш;
субсидия ҳисобига тадбиркорлик ва ўзини ўзи банд қилиш фаолиятини бошлаш учун керак бўлган асбоб-ускуна, бошқа меҳнат воситаларини сотиб олгандан сўнг тадбиркор ёки ўзини ўзи банд қилган шахс сифатида рўйхатдан ўтиш ва фаолиятини юритиш;
касб-ҳунарга ўқитиш учун субсидия, грант, ўқиш харажатларини қоплаш тўловлари, стипендиялар ҳисобидан касб-ҳунар эгаллаш, касб-ҳунарга қайта ўқиш ва малакасини ошириш учун жалб этилганда ўқиш жараёнларида мунтазам иштирок этиш, эгаллаган касби бўйича ишга жойлашиш, ўзини ўзи банд қилиш ёки тадбиркорлик фаолияти билан шуғулланиш;
контракт шартлари бажарилиши тўғрисида туман (шаҳар) Аҳоли бандлигига кўмаклашиш марказига мунтазам ахборот бериб бориш;
узрсиз сабабларга кўра контракт шартлари бажарилмаган тақдирда, ажратилган субсидия, грант, нафақа ва бошқа тўловларнинг миқдорини тўлиқ қайтариш.
10. Ижтимоий контракт бир шахс билан бир йилда бир мартадан ортиқ тузилмайди.
3-боб. Ижтимоий контрактни ижро этиш ва мониторинг олиб бориш тартиби
11. Ижтимоий контракт бўйича маҳаллий меҳнат органлари томонидан субсидия, грант, нафақа ва бошқа тўловларнинг ажратилиши билан боғлиқ хизматлар кўрсатилиши «Аҳоли бандлиги тўғрисида»ги Ўзбекистон Республикасининг Қонуни ва бошқа қонунчилик ҳужжатларида белгиланган тартибда амалга оширилади.
12. Ижтимоий контракт бўйича субсидия, грант, нафақа ва бошқа тўловлар билан боғлиқ харажатларни Бандликка кўмаклашиш давлат жамғармасидан молиялаштириш қонунчилик ҳужжатларида белгиланган тартибда амалга оширилади.
13. Ижтимоий контракт бажарилиши мониторингини олиб бориш банд бўлмаган аҳолининг доимий ёки вақтинчалик яшаш жойидаги маҳаллий меҳнат органи инспектори томонидан амалга оширилади.
Ижтимоий контракт шартлари бажарилиши мониторингини олиб бориш ҳар ойда банд бўлмаган аҳоли билан бевосита учрашиш орқали амалга оширилади.
14. Маҳаллий меҳнат органи меҳнат инспектори томонидан ҳар ойда тақдим қилинган маълумотнома асосида ижтимоий контрактнинг самарали бажарилишини баҳолаб боради.
Баҳолаш қуйидаги мезонлар асосида амалга оширилади:
доимий иш ўрнига жойлашиш;
тадбиркорлик фаолиятини бошлаш;
ҳунармандчилик фаолиятини бошлаш;
ўзини ўзи банд қилиш;
шахсий томорқалардан даромад олиш;
касб-ҳунар эгаллаш, касб-ҳунарга қайта ўқиш ва малакасини ошириш;
ўзининг ва оила аъзоларининг даромади ва тўлов қобилиятини ошириш;
уй-жой шароитларини ва маиший шароитларни яхшилаш;
оилавий даромадлар ошиши ҳисобига оила аъзолари учун таълим, соғлиқни сақлаш ва бошқа хизматларга харажатларни ошириш.
15. Ижтимоий контракт шартларини бажариш (бажармаслик) ҳолатлари ҳар ойда фуқаронинг шахсий профилига киритилади.
16. Ижтимоий контракт шартлари бажарилмаган тақдирда, маҳаллий меҳнат органи томонидан тегишли далолатнома расмийлаштирилади.
17. банд бўлмаган аҳоли томонидан узрсиз сабабларга кўра ижтимоий контракт шартлари бажарилмаган тақдирда, контракт бекор қилинган кундан эътиборан ўн икки ойгача ушбу шахс билан ижтимоий контракт тузилмайди.
4-боб. Ижтимоий контрактни бекор қилиш шартлари
18. Қуйидаги ҳолатлар банд бўлмаган аҳолига ижтимоий контракт бўйича субсидия, грант, нафақа ва бошқа тўловларнинг ажратилишини рад этишга асос ҳисобланади:
банд бўлмаган аҳоли билан тузилган ижтимоий контракт муддати мурожаат этилган кунда амал қилаётган бўлса;
банд бўлмаган аҳоли билан олдин тузилган ижтимоий контракт муддати тугаган кундан бошлаб бир йил (ўн икки ой) ичида қайта мурожаат қилинган тақдирда;
банд бўлмаган аҳоли томонидан ижтимоий контрактни тузиш рад этилган тақдирда.
19. Банд бўлмаган аҳоли билан тузилган ижтимоий контракт қуйидаги ҳолларда маҳаллий меҳнат органи томонидан муддатидан олдин бекор қилинади:
ижтимоий контракт тузган банд бўлмаган аҳоли вафот этса;
ижтимоий контракт тузган банд бўлмаган аҳоли бошқа давлатга ёки ҳудудга доимий яшаш учун чиқиб кетса;
банд бўлмаган аҳоли томонидан ижтимоий контракт шартлари бажарилиши вақтида нотўғри, ёлғон маълумотлар ёки сохта ҳужжатлар тақдим этилган бўлса.
5-боб. Якунловчи қоидалар
20. Ижтимоий контрактнинг бажарилиши бўйича низолар қонунчиликда белгиланган тартибда ҳал қилинади.
21. Мазкур Низом талабларининг бузилишида айбдор бўлган шахслар қонунчиликда белгиланган тартибда жавоб берадилар.
Давлат маблағлари ҳисобидан ажратилаётган субсидия, грант, нафақа ва бошқа тўловларни олувчи банд бўлмаган аҳоли билан ижтимоий контракт тузиш тартиби тўғрисидаги вақтинчалик низомга ИЛОВА
НАМУНА _____-сон Ижтимоий контракт 20 __й. «_____»____________. Ушбу ижтимоий контрактни (кейинги ўринларда — контракт) ____________________ тумани (шаҳар) Аҳоли бандлигига кўмаклашиш маркази номидан ___________________________ асосида фаолият юритувчи ____________________ (кейинги ўринларда — маҳаллий меҳнат органи) ва _____________________________ манзилида яшовчи фуқаро_________________________________(кейинги ўринларда — банд бўлмаган аҳоли) (паспорт серияси, рақами, қачон ва ким томонидан берилганлиги кўрсатилади) қуйидагилар тўғрисида туздилар: I. Контрактнинг мазмуни 1. Ушбу контракт маҳаллий меҳнат органи билан банд бўлмаган аҳоли ўртасида унга давлат томонидан бандлигини таъминлаш мақсадида давлат маблағлари ҳисобидан ажратилаётган субсидия, грант, нафақа ва бошқа тўловларни контракт бўйича олиш учун тузилди. II. Тарафларнинг ҳуқуқ ва мажбуриятлари 2. Контракт бўйича томонлар қуйидаги ҳуқуқларга эга: маҳаллий меҳнат органи қуйидаги ҳуқуқларга эга: тараф (банд бўлмаган аҳоли) контракт шартларини бажармаган тақдирда, контрактни бир томонлама бекор қилиш; тараф (банд бўлмаган аҳоли) контрактдаги мажбуриятларни бажармаган тақдирда, ажратилган субсидиялар ва бошқа тўловлар қайтариб берилишини талаб қилиш; тараф (банд бўлмаган аҳоли)нинг иш фаолияти ва контрактда белгиланган мажбуриятларини назорат қилиш; банд бўлмаган аҳоли қуйидаги ҳуқуқларга эга: тараф маҳаллий меҳнат органи томонидан тақдим этилаётган субсидия, грант, нафақа ва бошқа тўловлар турларини мустақил равишда танлаш; маҳаллий меҳнат органи томонидан контракт шартларини бажармаган тақдирда, контрактни бир томонлама бекор қилиш; тараф маҳаллий меҳнат органи томонидан ҳуқуқий маслаҳатлар олиш, шартнома шартлари тўлиқ ва ўз вақтида бажарилишини талаб қилиш. 3. Контракт бўйича томонлар қуйидаги мажбуриятларга эга: маҳаллий меҳнат органи қуйидаги мажбуриятларни олади: контракт шартларини тўлиқ ва ўз вақтида бажариш; контракт имзолангандан сўнг унда белгиланган субсидия, грант, нафақа ва бошқа тўловларни қонунчиликда белгиланган тартибда тўлаб бериш; субсидия, грант, нафақа ва бошқа тўловлар ажратилиши ҳисобига банд бўлмаган аҳолига тегишли хизматлар ўз вақтида ва тўлиқ кўрсатилиши устидан назорат ўрнатиш; банд бўлмаган аҳоли субсидия, грант, нафақа ва бошқа тўловларнинг турига қараб қуйидаги мажбуриятларни ўз зиммасига олади: ишсизлик нафақаси тайинлангандан сўнг фаол иш қидириш ва меҳнат органлари томонидан таклиф қилинган мақбул иш жойларига ишга жойлашиш; якка тартибдаги тадбиркор сифатида рўйхатдан ўтиш, кичик корхоналар ва микрофирмаларни давлат рўйхатидан ўтказиш, кредит олишда суғурта полиси тўловини, давлат рўйхатидан ўтгандан кейин уч ой давомида ижара тўловини қоплаш учун субсидия ажратилгандан сўнг тадбиркорлик фаолияти билан фаол шуғулланиш; ҳунарманд сифатида «Ҳунармандчилик» уюшмасида рўйхатдан ўтиш учун субсидия ажратилгандан сўнг ҳунармандчилик фаолияти билан фаол шуғулланиш; субсидия ҳисобига енгил конструкцияли иссиқхоналар ўрнатилгандан ҳамда суғориш воситалари, уруғликлар ва кўчатлар сотиб олингандан сўнг шахсий томорқасидан самарали фойдаланиш; қишлоқ хўжалиги маҳсулотларини (балиқчилик, қуёнчилик, паррандачилик, асаларичилик, мева-сабзавотчилик, узумчилик) етиштириш, тикувчилик, ҳунармандчилик ва бошқа маҳсулотлар ишлаб чиқариш учун ташкил этилган кооперативлар устав фондига улуш сифатида киритиш учун ажратилган субсидия ҳисобига ишлаб чиқариш жараёнларида кооператив аъзоси сифатида фаол иштирок этиш; субсидия ҳисобига тадбиркорлик ва ўзини ўзи банд қилиш фаолиятини бошлаш учун керак бўлган асбоб-ускуна, бошқа меҳнат воситаларини сотиб олгандан сўнг тадбиркор ёки ўзини ўзи банд қилган шахс сифатида рўйхатдан ўтиш ва фаолиятини юритиш; касб-ҳунарга ўқитиш учун субсидия, грант, ўқиш харажатларини қоплаш тўловлари, стипендиялар ҳисобидан касб-ҳунар эгаллаш, касб-ҳунарга қайта ўқиш ва малакасини ошириш учун жалб этилганда ўқиш жараёнларида мунтазам иштирок этиш, эгаллаган касби бўйича ишга жойлашиш, ўзини ўзи банд қилиш ёки тадбиркорлик фаолияти билан шуғулланиш; контракт шартлари бажарилиши тўғрисида маҳаллий меҳнат органига мунтазам ахборот бериб бориш; узрсиз сабабларга кўра контракт шартлари бажарилмаган тақдирда, ажратилган субсидия, грант, нафақа ва бошқа тўловларнинг миқдорини тўлиқ қайтариш. Контракт имзоланган кундан бошлаб кучга киради ва томонлар ўз мажбуриятларини тўлиқ бажармагунига қадар амал қилади. III. Томонларнинг жавобгарлиги 4. Банд бўлмаган аҳоли давлат маблағлари ҳисобидан ажратилаётган субсидия, грант, нафақа ва бошқа тўловлар контракт бўйича берилиши учун ёлғон, нотўғри ёки нотўлиқ маълумотларни тақдим этганлиги учун амалдаги қонунчиликка мувофиқ жавобгарликка тортилади ва контракт бекор қилинади. 5. Контракт бажарилиши мониторингини олиб бориш банд бўлмаган аҳолининг доимий ёки вақтинчалик яшаш жойидаги маҳаллий меҳнат органлари инспектори томонидан амалга оширилади. Контракт шартлари бажарилиши мониторингини олиб бориш ҳар ойда банд бўлмаган аҳоли билан бевосита учрашиш орқали амалга оширилади. Контракт шартларини бажариш (бажармаслик) ҳолатлари ҳар ойда фуқаронинг шахсий профилига киритилади. Контракт шартлари бажарилмаган ҳолларда маҳаллий меҳнат органи томонидан тегишли далолатнома расмийлаштирилади. Ишсиз томонидан узрсиз сабабларга кўра контракт шартлари бажарилмаган тақдирда, контракт бекор қилинган кундан эътиборан ўн икки ойгача ушбу шахс билан контракт тузилмайди. IV. Форс-мажор ҳолатлари 6. Тарафлардан ҳеч бири уларнинг иродаси ва хоҳишига боғлиқ бўлмаган ҳолда келиб чиқадиган, яъни иштирокчиларга боғлиқ бўлмаган сабаблар, жумладан, касаллик, контракт бажарилмаслигига олиб келадиган холисона сабаблар туфайли бажарилмаган ҳолларда контрактнинг амал қилиш муддати узайтирилиши мумкин хамда мажбуриятларни бажармаганлик учун бошқа тараф олдида жавобгар бўлмайдилар. V. Контрактнинг амал қилиш муддати 7. Контракт имзоланган кундан бошлаб кучга киради ва ______________ гача амал қилади. Контракт бир шахс билан бир йилда бир мартадан ортиқ тузилмайди. 8. Ушбу Контракт икки нусхада тузилган бўлиб, бир хил юридик кучга эга. Аҳоли бандлигига кўмаклашиш маркази ______________ (имзо) ______________ (сана) Банд бўлмаган аҳоли ______________ (имзо) _____________ (сана)
Ўзбекистон Республикасининг Бош вазири А. АРИПОВ
Тошкент ш.,
2021 йил 20 апрель,
225-сон
Oʻzbekiston Respublikasi Vazirlar Mahkamasining
qarori
ROʻYXATI
ROʻYXATI
VAQTINChALIK NIZOM
Davlat mablagʻlari hisobidan band boʻlmagan aholiga berilayotgan subsidiya, grant, nafaqa va boshqa toʻlovlarning maqsadli va samarali ishlatilishini taʼminlash chora-tadbirlari toʻgʻrisida
Oʻzbekiston Respublikasi Prezidentining 2021-yil 3-fevraldagi PF-6155-son Farmoni bilan tasdiqlangan 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Yoshlarni qoʻllab-quvvatlash va aholi salomatligini mustahkamlash yili”da amalga oshirishga oid davlat dasturi ijrosini taʼminlash, shu jumladan, davlat mablagʻlari hisobidan band boʻlmagan aholiga berilayotgan subsidiya, grant, nafaqa va boshqa toʻlovlarning maqsadli va samarali ishlatilishini taʼminlash maqsadida Vazirlar Mahkamasi qaror qiladi:
1. Mahalliy mehnat organlariga ish soʻrab murojaat qilgan band boʻlmagan aholi uchun quyidagilar:
Oʻzbekiston Respublikasining “Aholi bandligi toʻgʻrisida”gi Qonuniga muvofiq subsidiya, grant, nafaqa va boshqa toʻlovlarni toʻlash koʻzda tutilganligi hamda nafaqa va boshqa toʻlovlarni amalga oshirish tartibi belgilanganligi;
Oʻzbekiston Respublikasi bandlik va mehnat munosabatlari vazirining buyrugʻi bilan davlat mablagʻlari hisobidan subsidiya hamda grant ajratish tartibi tasdiqlanganligi maʼlumot uchun qabul qilinsin.
2. Oʻzbekiston Respublikasi Bandlik va mehnat munosabatlari vazirligi, Iqtisodiy taraqqiyot va kambagʻallikni qisqartirish vazirligi, Moliya vazirligi, Mahalla va oilani qoʻllab-quvvatlash vazirliklarining 2021-yil 1-maydan boshlab 1-ilovada keltirilgan tuman (shahar)larda tajriba-sinov tariqasida davlat mablagʻlari hisobidan subsidiya, grant, nafaqa va boshqa toʻlovlar ajratilgan band boʻlmagan aholi, shu jumladan “Temir daftar”, “Ayollar daftari” va “Yoshlar daftari”ga kiritilgan band boʻlmagan aholi bilan mahalliy mehnat organlari (aholi bandligiga koʻmaklashish markazlari) oʻrtasida ajratilayotgan mablagʻlarning maqsadli ishlatilishi va bu borada taraflarning ijtimoiy masʼuliyatini belgilovchi ijtimoiy kontrakt tuzish amaliyotini joriy etish taklifi maʼqullansin.
3. Belgilansinki, ijtimoiy kontrakt band boʻlmagan aholiga davlat mablagʻlari hisobidan ajratilayotgan subsidiya, grant, nafaqa va boshqa toʻlovlardan maqsadli hamda samarali foydalanilishini taʼminlash maqsadida band boʻlmagan fuqaro va tuman (shahar) aholi bandligiga koʻmaklashish markazi oʻrtasida tuziladigan shartnoma hisoblanadi.
Bunda ijtimoiy kontrakt tuzgan band boʻlmagan aholiga davlat mablagʻlari hisobidan ajratilayotgan subsidiya, grant, nafaqa va boshqa toʻlovlar 2-ilovada keltirilgan roʻyxat asosida amalga oshiriladi.
4. Quyidagilarni nazarda tutuvchi Davlat mablagʻlari hisobidan ajratilayotgan subsidiya, grant, nafaqa va boshqa toʻlovlarni oluvchi band boʻlmagan aholi bilan ijtimoiy kontrakt tuzish tartibi toʻgʻrisidagi vaqtinchalik nizom 3-ilovaga muvofiq tasdiqlansin:
ijtimoiy kontrakt tushunchasi, mazmuni va ijtimoiy kontrakt tizimini joriy etishning asosiy tamoyillari;
ijtimoiy kontrakt tuzgan band boʻlmagan aholi tomonidan davlat mablagʻlari hisobidan ajratilayotgan subsidiya, grant, nafaqa va boshqa toʻlovlardan maqsadli va samarali foydalanishni baholash mezonlari;
ijtimoiy kontraktni tuzish tartibi, shu jumladan ijtimoiy kontraktning namunaviy shakli, taraflarning huquq va majburiyatlari, kontraktning amal qilish muddati;
ijtimoiy kontraktga rioya qilinishi ustidan mahalliy mehnat organi inspektori tomonidan monitoring olib borilishi shakllari va tartibi;
band boʻlmagan aholiga ijtimoiy kontrakt boʻyicha subsidiya, grant, nafaqa va boshqa toʻlovlar ajratilishini rad etish, shuningdek, ijtimoiy kontraktni muddatidan oldin bekor qilish asoslari.
5. Oʻzbekiston Respublikasi Bandlik va mehnat munosabatlari vazirligi:
2021-yil 1-iyulga qadar “Bandlik xizmati” axborot tizimida ijtimoiy kontrakt tuzgan band boʻlmagan aholining FIO, yoshi, jinsi, yashash joyi, maʼlumoti, ajratilayotgan subsidiya, grant, nafaqa va boshqa toʻlovlarning turi, miqdori, muddati, ijtimoiy kontraktga rioya qilinishi ustidan yuritilgan monitoring natijalari va boshqa maʼlumotlar aks ettiriladigan “shaxsiy profili”ni ishlab chiqsin;
2021-yil 1-dekabrga qadar Jahon banki, Osiyo taraqqiyot banki, Xalqaro mehnat tashkiloti, Birlashgan Millatlar Tashkilotining Taraqqiyot jamgʻarmasi va YUNISEF koʻmagida xalqaro ekspertlarni jalb etib hamda ijtimoiy kontrakt tuzish amaliyoti joriy etilgan tuman (shahar)larning tajribasini puxta tahlil qilib, kelgusida ushbu amaliyotni respublikaning boshqa hududlarida ham tatbiq etishning maqsadga muvofiqligi yuzasidan Vazirlar Mahkamasiga asoslangan taklif kiritsin;
ajratilayotgan subsidiya, grant, nafaqa va boshqa toʻlovlardan maqsadli va samarali foydalanish boʻyicha tuzilgan ijtimoiy kontrakt shartlarining band boʻlmagan aholi tomonidan bajarilishi ustidan doimiy va taʼsirchan monitoring yuritilishini taʼminlasin.
6. Oʻzbekiston Milliy axborot agentligi, Oʻzbekiston Milliy teleradiokompaniyasiga Oʻzbekiston Respublikasi Bandlik va mehnat munosabatlari vazirligi bilan birgalikda ijtimoiy kontrakt tuzish amaliyotining mazmuni va mohiyati toʻgʻrisida aholi oʻrtasida targʻibot ishlarini olib borish tavsiya etilsin.
7. Ushbu qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov hamda Oʻzbekiston Respublikasi bandlik va mehnat munosabatlari vaziri N.B. Xusanov zimmasiga yuklansin.
Vazirlar Mahkamasining 2021-yil 20-apreldagi 225-son qaroriga 1-ILOVA
Ijtimoiy kontrakt tuzish amaliyoti tajriba-sinov tariqasida joriy etilayotgan tuman (shahar)lar
T/r Hudud nomi Tuman va shahar nomi 1. Qoraqalpogʻiston Respublikasi Beruniy tumani va Nukus shahri 2. Andijon viloyati Qoʻrgʻontepa tumani va Andijon shahri 3. Buxoro viloyati Vobkent tumani va Kogon shahri 4. Jizzax viloyati Mirzachoʻl tumani va Jizzax shahri 5. Qashqadaryo viloyati Gʻuzor tumani va Qarshi shahri 6. Navoiy viloyati Xatirchi tumani va Navoiy shahri 7. Namangan viloyati Toʻraqoʻrgʻon tumani va Namangan shahri 8. Samarqand viloyati Bulungʻur tumani va Kattaqoʻrgʻon shahri 9. Sirdaryo viloyati Xovos tumani va Yangiyer shahri 10. Surxondaryo viloyati Oltinsoy tumani va Termiz shahri 11. Toshkent viloyati Oqqoʻrgʻon tumani va Chirchiq shahri 12. Fargʻona viloyati Beshariq tumani va Margʻilon shahri 13. Xorazm viloyati Urganch tumani va Urganch shahri 14. Toshkent shahri Bektemir va Olmazor tumanlari
Vazirlar Mahkamasining 2021-yil 20-apreldagi 225-son qaroriga 2-ILOVA
Ijtimoiy kontrakt tuzgan holda davlat mablagʻlari hisobidan ajratiladigan subsidiya, grant, nafaqa va boshqa toʻlovlar
T/r Subsidiya, grant, nafaqa va boshqa toʻlovlar turi 1. Ishsizlik nafaqasi 2. Yakka tartibdagi tadbirkor sifatida roʻyxatdan oʻtish, kichik korxonalar va mikrofirmalarni davlat roʻyxatidan oʻtkazish uchun subsidiya 3. Tadbirkorlik qilishni xohlovchilarga kredit olishda sugʻurta polisi toʻlovi uchun subsidiya 4. Tadbirkorlik faoliyatini boshlayotgan ishsiz fuqarolarga tadbirkorlik subyekti sifatida davlat roʻyxatidan oʻtgandan soʻng dastlabki uch oy mobaynida olingan bino va inshootning ijara toʻlovi uchun subsidiya 5. Tadbirkorlikka oʻqish uchun subsidiya 6. Hunarmand sifatida “Hunarmandchilik” uyushmasida roʻyxatdan oʻtish uchun subsidiya 7. Yengil konstruksiyali issiqxonalar oʻrnatish uchun subsidiya 8. Sugʻorish vositalari xarid qilish uchun subsidiya 9. Urugʻliklar va koʻchatlar sotib olish uchun subsidiya 10. Qishloq xoʻjaligi mahsulotlarini (baliqchilik, quyonchilik, parrandachilik, asalarichilik, meva-sabzavotchilik, uzumchilik) yetishtirish, tikuvchilik, hunarmandchilik va boshqa mahsulotlar ishlab chiqarish uchun tashkil etilgan kooperativlar ustav fondiga ulush sifatida kiritish uchun subsidiya 11. Tadbirkorlik va oʻzini oʻzi band qilish faoliyatini amalga oshirmoqchi boʻlgan fuqarolarga faoliyatini boshlash uchun kerak boʻlgan asbob-uskuna va boshqa mehnat vositalarini xarid qilish uchun subsidiya 12. Kasb-hunarga oʻqitish uchun subsidiya, grant, oʻqish xarajatlarini qoplash uchun toʻlovlar va stipendiyalar
Vazirlar Mahkamasining 2021-yil 20-apreldagi 225-son qaroriga 3-ILOVA
Davlat mablagʻlari hisobidan ajratilayotgan subsidiya, grant, nafaqa va boshqa toʻlovlarni oluvchi band boʻlmagan aholi bilan ijtimoiy kontrakt tuzish tartibi toʻgʻrisida
1-bob. Umumiy qoidalar
1. Ushbu Nizom mahalliy mehnat organlariga ish soʻrab murojaat qilgan, “Temir daftar”, “Ayollar daftari”, “Yoshlar daftari”ga kiritilgan band boʻlmagan aholi bilan tuman (shahar) Aholi bandligiga koʻmaklashish markazi oʻrtasida ijtimoiy kontrakt tuzish tartibini belgilaydi.
2. Ijtimoiy kontrakt band boʻlmagan aholi uchun davlat mablagʻlari hisobidan ajratilayotgan subsidiya, grant, nafaqa va boshqa toʻlovlardan maqsadli va samarali foydalanishni taʼminlash (oʻzining va oila aʼzolarining bandligini taʼminlash, daromadini oshirish va yashash sharoitlarini yaxshilash) maqsadida tuziladi.
3. Ijtimoiy kontrakt — band boʻlmagan aholiga davlat mablagʻlari hisobidan ajratilayotgan subsidiya, grant, nafaqa va boshqa toʻlovlardan maqsadli va samarali foydalanilishini taʼminlash maqsadida band boʻlmagan aholi va tuman (shahar) Aholi bandligiga koʻmaklashish markazi oʻrtasida tuziladigan shartnoma hisoblanadi.
4. Ijtimoiy kontrakt tizimini joriy etishning asosiy tamoyillari quyidagilardan iborat:
maqsadlilik — davlat mablagʻlari hisobidan ajratilayotgan subsidiya, grant, nafaqa va boshqa toʻlovlardan band boʻlmagan aholi hamda ularning oila aʼzolarining bandligini taʼminlash, daromadini oshirish va yashash sharoitlarini yaxshilash maqsadida samarali foydalanish;
oʻzaro majburiyat va ijtimoiy masʼuliyat — ijtimoiy kontrakt shartlarini bajarishning majburiyligi va bajarilmasligi yoki lozim darajada bajarilmasligi uchun shartnoma taraf(lar)iga ijtimoiy masʼuliyat yuklanishi;
toʻliq qamrab olinganlik — davlat mablagʻlari hisobidan ajratilayotgan subsidiya, grant, nafaqa va boshqa toʻlov toʻliq ijtimoiy kontrakt tizimi bilan qamrab olinishi;
individual yondashuv — ijtimoiy kontraktni tuzishda band boʻlmagan aholining bandlik turi bilan shugʻullanishga xohishi, imkoniyati va kasb malakasini hisobga olish.
2-bob. Ijtimoiy kontraktni tuzish tartibi, taraflarning huquq va majburiyatlari
5. Ijtimoiy kontrakt mahalliy mehnat organlariga davlat mablagʻlari hisobidan subsidiya, grant, nafaqa va boshqa toʻlovlar ajratilishini soʻrab murojaat etgan barcha band boʻlmagan aholi bilan ushbu Nizomga ilovada keltirilgan shaklga muvofiq tuziladi.
6. Ijtimoiy kontrakt quyidagilardan iborat boʻladi:
ijtimoiy kontrakt taraflari (band boʻlmagan aholi va tuman (shahar) Aholi bandligiga koʻmaklashish markazi);
ijtimoiy kontrakt boʻyicha davlat mablagʻlari hisobidan ajratilayotgan subsidiya, grant, nafaqa va boshqa toʻlovlarning turi va miqdori;
tomonlarning huquqlari, majburiyatlari va javobgarligi;
ijtimoiy kontraktning amal qilish muddati va uni bekor qilish asoslari.
7. Ijtimoiy kontraktni tuzishda band boʻlmagan aholi belgilangan roʻyxat asosida subsidiya, grant, nafaqa va boshqa toʻlovlar turlarini ixtiyoriy ravishda tanlaydi.
8. Ijtimoiy kontrakt boʻyicha taraflar quyidagi huquqlarga ega:
a) tuman (shahar) Aholi bandligiga koʻmaklashish markazi:
taraf (band boʻlmagan aholi) shartnoma shartlarini bajarmagan taqdirda, shartnomani bir tomonlama bekor qilish;
taraf (band boʻlmagan aholi) shartnomadagi majburiyatlarni bajarmagan taqdirda, ajratilgan subsidiyalar va boshqa toʻlovlar qaytarib berilishini talab qilish;
taraf (band boʻlmagan aholi)ning ish faoliyati va shartnomada belgilangan majburiyatlarini nazorat qilish;
b) band boʻlmagan aholi:
taraf (tuman (shahar) Aholi bandligiga koʻmaklashish markazi) tomonidan taqdim etilayotgan subsidiya, grant, nafaqa va boshqa toʻlovlar turlarini mustaqil ravishda tanlash;
tuman (shahar) Aholi bandligiga koʻmaklashish markazi shartnoma shartlarini bajarmagan taqdirda, shartnomani bir tomonlama bekor qilish;
taraf (tuman (shahar) Aholi bandligiga koʻmaklashish markazi)dan huquqiy maslahatlar olish, shartnoma shartlari toʻliq va oʻz vaqtida bajarilishini talab qilish.
9. Ijtimoiy kontrakt boʻyicha taraflar quyidagi majburiyatlarni oʻziga oladi:
a) tuman (shahar) Aholi bandligiga koʻmaklashish markazi:
ijtimoiy kontrakt shartlarini toʻliq va oʻz vaqtida bajarish;
ijtimoiy kontrakt imzolangandan soʻng unda belgilangan subsidiya, grant, nafaqa va boshqa toʻlovlarni qonunchilikda belgilangan tartibda toʻlab berish;
subsidiya, grant, nafaqa va boshqa toʻlovlar ajratilishi hisobiga band boʻlmagan aholiga tegishli xizmatlar oʻz vaqtida va toʻliq koʻrsatilishi ustidan nazorat oʻrnatish;
b) taraf (band boʻlmagan aholi) subsidiya, grant, nafaqa va boshqa toʻlovlarning turiga qarab:
ishsizlik nafaqasi tayinlangandan soʻng faol ish qidirish va mahalliy mehnat organlari tomonidan taklif qilingan maqbul ish joylariga ishga joylashish;
yakka tartibdagi tadbirkor sifatida roʻyxatdan oʻtish, kichik korxonalar va mikrofirmalarni davlat roʻyxatidan oʻtkazish, kredit olishda sugʻurta polisi toʻlovini, davlat roʻyxatidan oʻtgandan keyin uch oy davomida ijara toʻlovini qoplash uchun subsidiya ajratilgandan soʻng tadbirkorlik faoliyati bilan faol shugʻullanish;
hunarmand sifatida “Hunarmandchilik” uyushmasida roʻyxatdan oʻtish uchun subsidiya ajratilgandan soʻng hunarmandchilik faoliyati bilan faol shugʻullanish;
subsidiya hisobiga yengil konstruksiyali issiqxonalar oʻrnatilgandan hamda sugʻorish vositalari, urugʻliklar va koʻchatlar sotib olingandan soʻng shaxsiy tomorqasidan samarali foydalanish;
qishloq xoʻjaligi mahsulotlarini (baliqchilik, quyonchilik, parrandachilik, asalarichilik, meva-sabzavotchilik, uzumchilik) yetishtirish, tikuvchilik, hunarmandchilik va boshqa mahsulotlar ishlab chiqarish uchun tashkil etilgan kooperativlar ustav fondiga ulush sifatida kiritish uchun ajratilgan subsidiya hisobiga ishlab chiqarish jarayonlarida kooperativ aʼzosi sifatida faol ishtirok etish;
subsidiya hisobiga tadbirkorlik va oʻzini oʻzi band qilish faoliyatini boshlash uchun kerak boʻlgan asbob-uskuna, boshqa mehnat vositalarini sotib olgandan soʻng tadbirkor yoki oʻzini oʻzi band qilgan shaxs sifatida roʻyxatdan oʻtish va faoliyatini yuritish;
kasb-hunarga oʻqitish uchun subsidiya, grant, oʻqish xarajatlarini qoplash toʻlovlari, stipendiyalar hisobidan kasb-hunar egallash, kasb-hunarga qayta oʻqish va malakasini oshirish uchun jalb etilganda oʻqish jarayonlarida muntazam ishtirok etish, egallagan kasbi boʻyicha ishga joylashish, oʻzini oʻzi band qilish yoki tadbirkorlik faoliyati bilan shugʻullanish;
kontrakt shartlari bajarilishi toʻgʻrisida tuman (shahar) Aholi bandligiga koʻmaklashish markaziga muntazam axborot berib borish;
uzrsiz sabablarga koʻra kontrakt shartlari bajarilmagan taqdirda, ajratilgan subsidiya, grant, nafaqa va boshqa toʻlovlarning miqdorini toʻliq qaytarish.
10. Ijtimoiy kontrakt bir shaxs bilan bir yilda bir martadan ortiq tuzilmaydi.
3-bob. Ijtimoiy kontraktni ijro etish va monitoring olib borish tartibi
11. Ijtimoiy kontrakt boʻyicha mahalliy mehnat organlari tomonidan subsidiya, grant, nafaqa va boshqa toʻlovlarning ajratilishi bilan bogʻliq xizmatlar koʻrsatilishi “Aholi bandligi toʻgʻrisida”gi Oʻzbekiston Respublikasining Qonuni va boshqa qonunchilik hujjatlarida belgilangan tartibda amalga oshiriladi.
12. Ijtimoiy kontrakt boʻyicha subsidiya, grant, nafaqa va boshqa toʻlovlar bilan bogʻliq xarajatlarni Bandlikka koʻmaklashish davlat jamgʻarmasidan moliyalashtirish qonunchilik hujjatlarida belgilangan tartibda amalga oshiriladi.
13. Ijtimoiy kontrakt bajarilishi monitoringini olib borish band boʻlmagan aholining doimiy yoki vaqtinchalik yashash joyidagi mahalliy mehnat organi inspektori tomonidan amalga oshiriladi.
Ijtimoiy kontrakt shartlari bajarilishi monitoringini olib borish har oyda band boʻlmagan aholi bilan bevosita uchrashish orqali amalga oshiriladi.
14. Mahalliy mehnat organi mehnat inspektori tomonidan har oyda taqdim qilingan maʼlumotnoma asosida ijtimoiy kontraktning samarali bajarilishini baholab boradi.
Baholash quyidagi mezonlar asosida amalga oshiriladi:
doimiy ish oʻrniga joylashish;
tadbirkorlik faoliyatini boshlash;
hunarmandchilik faoliyatini boshlash;
oʻzini oʻzi band qilish;
shaxsiy tomorqalardan daromad olish;
kasb-hunar egallash, kasb-hunarga qayta oʻqish va malakasini oshirish;
oʻzining va oila aʼzolarining daromadi va toʻlov qobiliyatini oshirish;
uy-joy sharoitlarini va maishiy sharoitlarni yaxshilash;
oilaviy daromadlar oshishi hisobiga oila aʼzolari uchun taʼlim, sogʻliqni saqlash va boshqa xizmatlarga xarajatlarni oshirish.
15. Ijtimoiy kontrakt shartlarini bajarish (bajarmaslik) holatlari har oyda fuqaroning shaxsiy profiliga kiritiladi.
16. Ijtimoiy kontrakt shartlari bajarilmagan taqdirda, mahalliy mehnat organi tomonidan tegishli dalolatnoma rasmiylashtiriladi.
17. band boʻlmagan aholi tomonidan uzrsiz sabablarga koʻra ijtimoiy kontrakt shartlari bajarilmagan taqdirda, kontrakt bekor qilingan kundan eʼtiboran oʻn ikki oygacha ushbu shaxs bilan ijtimoiy kontrakt tuzilmaydi.
4-bob. Ijtimoiy kontraktni bekor qilish shartlari
18. Quyidagi holatlar band boʻlmagan aholiga ijtimoiy kontrakt boʻyicha subsidiya, grant, nafaqa va boshqa toʻlovlarning ajratilishini rad etishga asos hisoblanadi:
band boʻlmagan aholi bilan tuzilgan ijtimoiy kontrakt muddati murojaat etilgan kunda amal qilayotgan boʻlsa;
band boʻlmagan aholi bilan oldin tuzilgan ijtimoiy kontrakt muddati tugagan kundan boshlab bir yil (oʻn ikki oy) ichida qayta murojaat qilingan taqdirda;
band boʻlmagan aholi tomonidan ijtimoiy kontraktni tuzish rad etilgan taqdirda.
19. Band boʻlmagan aholi bilan tuzilgan ijtimoiy kontrakt quyidagi hollarda mahalliy mehnat organi tomonidan muddatidan oldin bekor qilinadi:
ijtimoiy kontrakt tuzgan band boʻlmagan aholi vafot etsa;
ijtimoiy kontrakt tuzgan band boʻlmagan aholi boshqa davlatga yoki hududga doimiy yashash uchun chiqib ketsa;
band boʻlmagan aholi tomonidan ijtimoiy kontrakt shartlari bajarilishi vaqtida notoʻgʻri, yolgʻon maʼlumotlar yoki soxta hujjatlar taqdim etilgan boʻlsa.
5-bob. Yakunlovchi qoidalar
20. Ijtimoiy kontraktning bajarilishi boʻyicha nizolar qonunchilikda belgilangan tartibda hal qilinadi.
21. Mazkur Nizom talablarining buzilishida aybdor boʻlgan shaxslar qonunchilikda belgilangan tartibda javob beradilar.
Davlat mablagʻlari hisobidan ajratilayotgan subsidiya, grant, nafaqa va boshqa toʻlovlarni oluvchi band boʻlmagan aholi bilan ijtimoiy kontrakt tuzish tartibi toʻgʻrisidagi vaqtinchalik nizomga ILOVA
NAMUNA _____-son Ijtimoiy kontrakt 20 __y. “_____”____________. Ushbu ijtimoiy kontraktni (keyingi oʻrinlarda — kontrakt) ____________________ tumani (shahar) Aholi bandligiga koʻmaklashish markazi nomidan ___________________________ asosida faoliyat yurituvchi ____________________ (keyingi oʻrinlarda — mahalliy mehnat organi) va _____________________________ manzilida yashovchi fuqaro_________________________________(keyingi oʻrinlarda — band boʻlmagan aholi) (pasport seriyasi, raqami, qachon va kim tomonidan berilganligi koʻrsatiladi) quyidagilar toʻgʻrisida tuzdilar: I. Kontraktning mazmuni 1. Ushbu kontrakt mahalliy mehnat organi bilan band boʻlmagan aholi oʻrtasida unga davlat tomonidan bandligini taʼminlash maqsadida davlat mablagʻlari hisobidan ajratilayotgan subsidiya, grant, nafaqa va boshqa toʻlovlarni kontrakt boʻyicha olish uchun tuzildi. II. Taraflarning huquq va majburiyatlari 2. Kontrakt boʻyicha tomonlar quyidagi huquqlarga ega: mahalliy mehnat organi quyidagi huquqlarga ega: taraf (band boʻlmagan aholi) kontrakt shartlarini bajarmagan taqdirda, kontraktni bir tomonlama bekor qilish; taraf (band boʻlmagan aholi) kontraktdagi majburiyatlarni bajarmagan taqdirda, ajratilgan subsidiyalar va boshqa toʻlovlar qaytarib berilishini talab qilish; taraf (band boʻlmagan aholi)ning ish faoliyati va kontraktda belgilangan majburiyatlarini nazorat qilish; band boʻlmagan aholi quyidagi huquqlarga ega: taraf mahalliy mehnat organi tomonidan taqdim etilayotgan subsidiya, grant, nafaqa va boshqa toʻlovlar turlarini mustaqil ravishda tanlash; mahalliy mehnat organi tomonidan kontrakt shartlarini bajarmagan taqdirda, kontraktni bir tomonlama bekor qilish; taraf mahalliy mehnat organi tomonidan huquqiy maslahatlar olish, shartnoma shartlari toʻliq va oʻz vaqtida bajarilishini talab qilish. 3. Kontrakt boʻyicha tomonlar quyidagi majburiyatlarga ega: mahalliy mehnat organi quyidagi majburiyatlarni oladi: kontrakt shartlarini toʻliq va oʻz vaqtida bajarish; kontrakt imzolangandan soʻng unda belgilangan subsidiya, grant, nafaqa va boshqa toʻlovlarni qonunchilikda belgilangan tartibda toʻlab berish; subsidiya, grant, nafaqa va boshqa toʻlovlar ajratilishi hisobiga band boʻlmagan aholiga tegishli xizmatlar oʻz vaqtida va toʻliq koʻrsatilishi ustidan nazorat oʻrnatish; band boʻlmagan aholi subsidiya, grant, nafaqa va boshqa toʻlovlarning turiga qarab quyidagi majburiyatlarni oʻz zimmasiga oladi: ishsizlik nafaqasi tayinlangandan soʻng faol ish qidirish va mehnat organlari tomonidan taklif qilingan maqbul ish joylariga ishga joylashish; yakka tartibdagi tadbirkor sifatida roʻyxatdan oʻtish, kichik korxonalar va mikrofirmalarni davlat roʻyxatidan oʻtkazish, kredit olishda sugʻurta polisi toʻlovini, davlat roʻyxatidan oʻtgandan keyin uch oy davomida ijara toʻlovini qoplash uchun subsidiya ajratilgandan soʻng tadbirkorlik faoliyati bilan faol shugʻullanish; hunarmand sifatida “Hunarmandchilik” uyushmasida roʻyxatdan oʻtish uchun subsidiya ajratilgandan soʻng hunarmandchilik faoliyati bilan faol shugʻullanish; subsidiya hisobiga yengil konstruksiyali issiqxonalar oʻrnatilgandan hamda sugʻorish vositalari, urugʻliklar va koʻchatlar sotib olingandan soʻng shaxsiy tomorqasidan samarali foydalanish; qishloq xoʻjaligi mahsulotlarini (baliqchilik, quyonchilik, parrandachilik, asalarichilik, meva-sabzavotchilik, uzumchilik) yetishtirish, tikuvchilik, hunarmandchilik va boshqa mahsulotlar ishlab chiqarish uchun tashkil etilgan kooperativlar ustav fondiga ulush sifatida kiritish uchun ajratilgan subsidiya hisobiga ishlab chiqarish jarayonlarida kooperativ aʼzosi sifatida faol ishtirok etish; subsidiya hisobiga tadbirkorlik va oʻzini oʻzi band qilish faoliyatini boshlash uchun kerak boʻlgan asbob-uskuna, boshqa mehnat vositalarini sotib olgandan soʻng tadbirkor yoki oʻzini oʻzi band qilgan shaxs sifatida roʻyxatdan oʻtish va faoliyatini yuritish; kasb-hunarga oʻqitish uchun subsidiya, grant, oʻqish xarajatlarini qoplash toʻlovlari, stipendiyalar hisobidan kasb-hunar egallash, kasb-hunarga qayta oʻqish va malakasini oshirish uchun jalb etilganda oʻqish jarayonlarida muntazam ishtirok etish, egallagan kasbi boʻyicha ishga joylashish, oʻzini oʻzi band qilish yoki tadbirkorlik faoliyati bilan shugʻullanish; kontrakt shartlari bajarilishi toʻgʻrisida mahalliy mehnat organiga muntazam axborot berib borish; uzrsiz sabablarga koʻra kontrakt shartlari bajarilmagan taqdirda, ajratilgan s�bsidiya, grant, nafaqa va boshqa toʻlovlarning miqdorini toʻliq qaytarish. Kontrakt imzolangan kundan boshlab kuchga kiradi va tomonlar oʻz majburiyatlarini toʻliq bajarmaguniga qadar amal qiladi. III. Tomonlarning javobgarligi 4. Band boʻlmagan aholi davlat mablagʻlari hisobidan ajratilayotgan subsidiya, grant, nafaqa va boshqa toʻlovlar kontrakt boʻyicha berilishi uchun yolgʻon, notoʻgʻri yoki notoʻliq maʼlumotlarni taqdim etganligi uchun amaldagi qonunchilikka muvofiq javobgarlikka tortiladi va kontrakt bekor qilinadi. 5. Kontrakt bajarilishi monitoringini olib borish band boʻlmagan aholining doimiy yoki vaqtinchalik yashash joyidagi mahalliy mehnat organlari inspektori tomonidan amalga oshiriladi. Kontrakt shartlari bajarilishi monitoringini olib borish har oyda band boʻlmagan aholi bilan bevosita uchrashish orqali amalga oshiriladi. Kontrakt shartlarini bajarish (bajarmaslik) holatlari har oyda fuqaroning shaxsiy profiliga kiritiladi. Kontrakt shartlari bajarilmagan hollarda mahalliy mehnat organi tomonidan tegishli dalolatnoma rasmiylashtiriladi. Ishsiz tomonidan uzrsiz sabablarga koʻra kontrakt shartlari bajarilmagan taqdirda, kontrakt bekor qilingan kundan eʼtiboran oʻn ikki oygacha ushbu shaxs bilan kontrakt tuzilmaydi. IV. Fors-major holatlari 6. Taraflardan hech biri ularning irodasi va xohishiga bogʻliq boʻlmagan holda kelib chiqadigan, yaʼni ishtirokchilarga bogʻliq boʻlmagan sabablar, jumladan, kasallik, kontrakt bajarilmasligiga olib keladigan xolisona sabablar tufayli bajarilmagan hollarda kontraktning amal qilish muddati uzaytirilishi mumkin xamda majburiyatlarni bajarmaganlik uchun boshqa taraf oldida javobgar boʻlmaydilar. V. Kontraktning amal qilish muddati 7. Kontrakt imzolangan kundan boshlab kuchga kiradi va ______________ gacha amal qiladi. Kontrakt bir shaxs bilan bir yilda bir martadan ortiq tuzilmaydi. 8. Ushbu Kontrakt ikki nusxada tuzilgan boʻlib, bir xil yuridik kuchga ega. Aholi bandligiga koʻmaklashish markazi ______________ (imzo) ______________ (sana) Band boʻlmagan aholi ______________ (imzo) _____________ (sana)
Oʻzbekiston Respublikasining Bosh vaziri A. ARIPOV
Toshkent sh.,
2021-yil 20-aprel,
225-son