📅 2021-yil 21-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 21 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 21 апреля 2021 г. · Постановления Президента
Официальный текст. Официальный документ. Редакционные примечания не включены.
📅 21 April 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Наманган вилоятида тадбиркорликни янада қўллаб-қувватлаш ва муҳандислик-коммуникация тармоқларини ривожлантириш чора-тадбирлари тўғрисида
Наманган вилоятида тадбиркорликни янада қўллаб-қувватлаш, аҳоли бандлигини таъминлаш ва муҳандислик-коммуникация тармоқларини ривожлантириш учун молиявий ресурслар ажратиш мақсадида:
1. Инвестициялар ва ташқи савдо вазирлиги, Иқтисодий тараққиёт ва камбағалликни қисқартириш вазирлиги ҳамда Молия вазирлигининг Тикланиш ва тараққиёт жамғармаси ҳисобидан Наманган вилояти ҳокимлигига 10 йил муддатга, 3 йиллик имтиёзли даврни ҳисобга олган ҳолда, фоиз ставкаси йилига 2,5 фоизни ташкил қиладиган 30 миллион АҚШ доллари миқдоридаги кредит ажратиш тўғрисидаги таклифи маъқуллансин.
2. Наманган вилояти ҳокимлиги мазкур қарорнинг 1-бандида белгиланган маблағларни қуйидаги мақсадларга йўналтирсин:
Наманган шаҳрининг марказлашган иссиқлик тизимини қуриш ва реконструкция қилишга — 15 миллион АҚШ доллари эквиваленти;
Наманган шаҳрининг эски шаҳар ҳудуди инфратузилмасини яхшилаш, аҳоли бандлигини таъминлаш, шаҳардаги Янгиариқ, Шимолий Фарғона каналлари ва Намангансой қирғоқларини ободонлаштириш ишларига — 10 миллион АҚШ доллари эквиваленти;
кичик саноат ҳамда ёшлар саноат ва тадбиркорлик зоналарини ривожлантиришга — 5 миллион АҚШ доллари эквиваленти.
Бунда, мазкур бандда назарда тутилган маблағлар тақсимотига, зарур ҳолларда, Вазирлар Маҳкамаси (А.Н. Арипов) томонидан ўзгартиришлар киритилиши мумкин.
3. Мазкур қарорнинг 2-банди иккинчи хатбошисида кўрсатилган тадбирлар бўйича 2021 йилнинг 20 ноябрига қадар объектни қуриш ва реконструкция қилишда зарур бўладиган, Уй-жой коммунал хизмат кўрсатиш вазирлиги (Ш.С. Ҳидоятов) томонидан шакллантириладиган рўйхатлар бўйича олиб кириладиган қозонхоналар, асбоб-ускуналар, бутловчи буюмлар, эҳтиёт қисмлари, металл конструкциялар, сувни тайёрлаш учун кимёвий моддалар божхона божидан озод этилсин.
4. Белгилансинки:
мазкур қарор билан ажратилаётган маблағлардан мақсадли ва самарали фойдаланилиши учун Наманган вилояти ҳокимлиги масъул ижро этувчи орган ҳисобланади;
Наманган шаҳрининг марказлашган иссиқлик тизимини қуриш ва реконструкция қилиш учун ажратилган кредитни қоплаш ва хизмат кўрсатиш билан боғлиқ харажатлар Наманган вилоятининг маҳаллий бюджети, Наманган вилояти «Иссиқлик манбаи» ишлаб чиқариш ДУК маблағлари ҳамда қонун ҳужжатларида тақиқланмаган бошқа манбалар ҳисобидан қопланади;
Наманган шаҳрининг эски шаҳар ҳудуди инфратузилмасини яхшилаш, аҳоли бандлигини таъминлаш, шаҳардаги Янгиариқ, Шимолий Фарғона каналлари ва Намангансой қирғоқларини ободонлаштириш, кичик саноат ҳамда ёшлар саноат ва тадбиркорлик зоналарини ривожлантириш учун ажратилган кредитларни қоплаш ва хизмат кўрсатиш билан боғлиқ харажатлар Наманган вилоятининг маҳаллий бюджети ҳамда қонунчилик ҳужжатларида тақиқланмаган бошқа манбалар ҳисобидан қопланади.
6. Белгилансинки, Ўзбекистон Республикаси Президентининг 2021 йил 27 мартдаги «Оилавий тадбиркорликни ривожлантириш дастурлари доирасида амалга ошириладиган қўшимча чора-тадбирлар тўғрисида»ги ПҚ-5041-сон қарорига асосан «Ҳар бир оила — тадбиркор» дастури доирасида Тикланиш ва тараққиёт жамғармаси ҳисобидан Наманган вилояти учун ажратилган маблағлардан:
100 миллиард сўм миқдоридаги маблағ «маҳаллабай» ишлаш тизими орқали аниқланган драйвер лойиҳаларни кредитлаш учун;
100 миллиард сўм миқдоридаги маблағ «Турон банк» АТБнинг устав капиталидаги Тикланиш ва тараққиёт жамғармасининг улушини оширишга йўналтириш йўли билан лимончиликни ривожлантириш лойиҳаларини кредитлаш учун ажратилади.
7. Наманган вилоятида туризм инфратузилмасини ривожлантириш учун:
Ўзбекистон Республикаси Президентининг 2021 йил 9 февралдаги «Ўзбекистон Республикасида ички ва зиёрат туризмини янада ривожлантириш чора-тадбирлари тўғрисида»ги ПФ-6165-сон Фармони 9-бандига мувофиқ Ўзбекистон Республикаси Давлат бюджети ҳамда Тикланиш ва тараққиёт жамғармаси ҳисобидан тенг улушларда 1 триллион сўм миқдорида ажратилганлиги;
Ўзбекистон Республикаси Президентининг 2021 йил 2 апрелдаги «Обод қишлоқ» ва «Обод маҳалла» дастурларини амалга ошириш бўйича қўшимча чора-тадбирлар тўғрисида»ги ПҚ-5048-сон қарори билан тасдиқланган Туризм инфратузилмасини ривожлантириш йиғма параметрларига асосан ажратилган 1 триллион сўмдан Наманган вилояти учун 37,5 млрд сўм ажратилганлиги, шунингдек, мазкур параметрларга, зарур ҳолларда, Вазирлар Маҳкамаси томонидан ўзгартиришлар киритилиши мумкинлиги белгиланганлиги маълумот учун қабул қилинсин.
8. Наманган вилояти ҳокимлиги Уй-жой коммунал хизмат кўрсатиш вазирлиги, Иқтисодий тараққиёт ва камбағалликни қисқартириш вазирлиги, Сув хўжалиги вазирлиги билан биргаликда икки ҳафта муддатда мазкур қарорнинг 2-бандида белгиланган тадбирлар бўйича манзилли дастурларни шакллантирсин ҳамда тасдиқлаш учун Вазирлар Маҳкамасига киритилишини таъминласин.
9. Ўзбекистон Республикаси Президентининг 2021 йил 27 мартдаги «Оилавий тадбиркорликни ривожлантириш дастурлари доирасида амалга ошириладиган қўшимча чора-тадбирлар тўғрисида»ги ПҚ-5041-сон қарорига иловага мувофиқ ўзгартиришлар киритилсин.
10. Наманган вилояти ҳокимлиги:
икки ой муддатда «2021 йил учун Ўзбекистон Республикасининг Давлат бюджети тўғрисида»ги Ўзбекистон Республикаси Қонунига ўзгартириш ва қўшимчалар киритиш ҳақида»ги Ўзбекистон Республикаси қонуни лойиҳасини;
ҳар чоракда тадбиркорликни янада қўллаб-қувватлаш ва муҳандислик-коммуникация тармоқларини ривожлантиришга йўналтирилган маблағлардан самарали фойдаланиш бўйича амалга оширилган чора-тадбирларнинг натижадорлиги тўғрисидаги ҳисоботни Вазирлар Маҳкамасига киритсин.
11. Уй-жой коммунал хизмат кўрсатиш вазирлиги бошқа манфаатдор вазирлик ва идоралар билан биргаликда икки ой муддатда қонунчилик ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
12. Мазкур қарорнинг ижросини самарали ташкил этишга масъул ва жавобгар этиб Ўзбекистон Республикаси Бош вазирининг ўринбосари Ж.А. Кучкаров ҳамда Наманган вилояти ҳокими Ш.Ш. Абдуразаков белгилансин.
Қарор ижроси учун масъул идоралар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2021 йил 21 апрелдаги ПҚ-5084-сон қарорига ИЛОВА
Ўзбекистон Республикаси Президентининг 2021 йил 27 мартдаги «Оилавий тадбиркорликни ривожлантириш дастурлари доирасида амалга ошириладиган қўшимча чора-тадбирлар тўғрисида»ги ПҚ-5041-сон қарорига киритилаётган ўзгартиришлар
1. 4-банднинг «б» кичик банди иккинчи хатбошисидаги ва 5-банднинг биринчи хатбошисидаги «1,6» рақами «1,5» рақами билан алмаштирилсин.
2. 1-иловада :
а) «Жами» позициясида:
«2021 йилда йўналтириладиган маблағлар» устунидаги «9 140» рақами «9 040» рақами билан алмаштирилсин;
«Тикланиш ва тараққиёт жамғармаси ҳисобидан» устунидаги «2 540» рақами «2 440» рақами билан алмаштирилсин;
б) 1-бандда:
«2021 йилда йўналтириладиган маблағлар» устунидаги «5 638» рақами «5 538» рақами билан алмаштирилсин;
«Тикланиш ва тараққиёт жамғармаси ҳисобидан» устунидаги «1 600» рақами «1 500» рақами билан алмаштирилсин;
3. 2-иловада:
а) «Жами» позициясида:
«Жами» устунидаги «9 140» рақами «9 040» рақами билан алмаштирилсин;
«Ҳар бир оила — тадбиркор» дастури» устунидаги «5 638» рақами «5 538» рақами билан алмаштирилсин;
б) 6-бандда:
«Жами» устунидаги «885» рақами «785» рақами билан;
«Ҳар бир оила — тадбиркор» дастури» устунидаги «602» рақами «502» рақами билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 21 апрель,
ПҚ-5084-сон
Oʻzbekiston Respublikasi Prezidentining
Qarori
Namangan viloyatida tadbirkorlikni yanada qoʻllab-quvvatlash va muhandislik-kommunikatsiya tarmoqlarini rivojlantirish chora-tadbirlari toʻgʻrisida
Namangan viloyatida tadbirkorlikni yanada qoʻllab-quvvatlash, aholi bandligini taʼminlash va muhandislik-kommunikatsiya tarmoqlarini rivojlantirish uchun moliyaviy resurslar ajratish maqsadida:
1. Investitsiyalar va tashqi savdo vazirligi, Iqtisodiy taraqqiyot va kambagʻallikni qisqartirish vazirligi hamda Moliya vazirligining Tiklanish va taraqqiyot jamgʻarmasi hisobidan Namangan viloyati hokimligiga 10 yil muddatga, 3 yillik imtiyozli davrni hisobga olgan holda, foiz stavkasi yiliga 2,5 foizni tashkil qiladigan 30 million AQSH dollari miqdoridagi kredit ajratish toʻgʻrisidagi taklifi maʼqullansin.
2. Namangan viloyati hokimligi mazkur qarorning 1-bandida belgilangan mablagʻlarni quyidagi maqsadlarga yoʻnaltirsin:
Namangan shahrining markazlashgan issiqlik tizimini qurish va rekonstruksiya qilishga — 15 million AQSH dollari ekvivalenti;
Namangan shahrining eski shahar hududi infratuzilmasini yaxshilash, aholi bandligini taʼminlash, shahardagi Yangiariq, Shimoliy Fargʻona kanallari va Namangansoy qirgʻoqlarini obodonlashtirish ishlariga — 10 million AQSH dollari ekvivalenti;
kichik sanoat hamda yoshlar sanoat va tadbirkorlik zonalarini rivojlantirishga — 5 million AQSH dollari ekvivalenti.
Bunda, mazkur bandda nazarda tutilgan mablagʻlar taqsimotiga, zarur hollarda, Vazirlar Mahkamasi (A.N. Aripov) tomonidan oʻzgartirishlar kiritilishi mumkin.
3. Mazkur qarorning 2-bandi ikkinchi xatboshisida koʻrsatilgan tadbirlar boʻyicha 2021-yilning 20-noyabriga qadar obyektni qurish va rekonstruksiya qilishda zarur boʻladigan, Uy-joy kommunal xizmat koʻrsatish vazirligi (Sh.S. Hidoyatov) tomonidan shakllantiriladigan roʻyxatlar boʻyicha olib kiriladigan qozonxonalar, asbob-uskunalar, butlovchi buyumlar, ehtiyot qismlari, metall konstruksiyalar, suvni tayyorlash uchun kimyoviy moddalar bojxona bojidan ozod etilsin.
4. Belgilansinki:
mazkur qaror bilan ajratilayotgan mablagʻlardan maqsadli va samarali foydalanilishi uchun Namangan viloyati hokimligi masʼul ijro etuvchi organ hisoblanadi;
Namangan shahrining markazlashgan issiqlik tizimini qurish va rekonstruksiya qilish uchun ajratilgan kreditni qoplash va xizmat koʻrsatish bilan bogʻliq xarajatlar Namangan viloyatining mahalliy budjeti, Namangan viloyati “Issiqlik manbai” ishlab chiqarish DUK mablagʻlari hamda qonun hujjatlarida taqiqlanmagan boshqa manbalar hisobidan qoplanadi;
Namangan shahrining eski shahar hududi infratuzilmasini yaxshilash, aholi bandligini taʼminlash, shahardagi Yangiariq, Shimoliy Fargʻona kanallari va Namangansoy qirgʻoqlarini obodonlashtirish, kichik sanoat hamda yoshlar sanoat va tadbirkorlik zonalarini rivojlantirish uchun ajratilgan kreditlarni qoplash va xizmat koʻrsatish bilan bogʻliq xarajatlar Namangan viloyatining mahalliy budjeti hamda qonunchilik hujjatlarida taqiqlanmagan boshqa manbalar hisobidan qoplanadi.
6. Belgilansinki, Oʻzbekiston Respublikasi Prezidentining 2021-yil 27-martdagi “Oilaviy tadbirkorlikni rivojlantirish dasturlari doirasida amalga oshiriladigan qoʻshimcha chora-tadbirlar toʻgʻrisida”gi PQ-5041-son qaroriga asosan “Har bir oila — tadbirkor” dasturi doirasida Tiklanish va taraqqiyot jamgʻarmasi hisobidan Namangan viloyati uchun ajratilgan mablagʻlardan:
100 milliard soʻm miqdoridagi mablagʻ “mahallabay” ishlash tizimi orqali aniqlangan drayver loyihalarni kreditlash uchun;
100 milliard soʻm miqdoridagi mablagʻ “Turon bank” ATBning ustav kapitalidagi Tiklanish va taraqqiyot jamgʻarmasining ulushini oshirishga yoʻnaltirish yoʻli bilan limonchilikni rivojlantirish loyihalarini kreditlash uchun ajratiladi.
7. Namangan viloyatida turizm infratuzilmasini rivojlantirish uchun:
Oʻzbekiston Respublikasi Prezidentining 2021-yil 9-fevraldagi “Oʻzbekiston Respublikasida ichki va ziyorat turizmini yanada rivojlantirish chora-tadbirlari toʻgʻrisida”gi PF-6165-son Farmoni 9-bandiga muvofiq Oʻzbekiston Respublikasi Davlat budjeti hamda Tiklanish va taraqqiyot jamgʻarmasi hisobidan teng ulushlarda 1 trillion soʻm miqdorida ajratilganligi;
Oʻzbekiston Respublikasi Prezidentining 2021-yil 2-apreldagi “Obod qishloq” va “Obod mahalla” dasturlarini amalga oshirish boʻyicha qoʻshimcha chora-tadbirlar toʻgʻrisida”gi PQ-5048-son qarori bilan tasdiqlangan Turizm infratuzilmasini rivojlantirish yigʻma parametrlariga asosan ajratilgan 1 trillion soʻmdan Namangan viloyati uchun 37,5 mlrd soʻm ajratilganligi, shuningdek, mazkur parametrlarga, zarur hollarda, Vazirlar Mahkamasi tomonidan oʻzgartirishlar kiritilishi mumkinligi belgilanganligi maʼlumot uchun qabul qilinsin.
8. Namangan viloyati hokimligi Uy-joy kommunal xizmat koʻrsatish vazirligi, Iqtisodiy taraqqiyot va kambagʻallikni qisqartirish vazirligi, Suv xoʻjaligi vazirligi bilan birgalikda ikki hafta muddatda mazkur qarorning 2-bandida belgilangan tadbirlar boʻyicha manzilli dasturlarni shakllantirsin hamda tasdiqlash uchun Vazirlar Mahkamasiga kiritilishini taʼminlasin.
9. Oʻzbekiston Respublikasi Prezidentining 2021-yil 27-martdagi “Oilaviy tadbirkorlikni rivojlantirish dasturlari doirasida amalga oshiriladigan qoʻshimcha chora-tadbirlar toʻgʻrisida”gi PQ-5041-son qaroriga ilovaga muvofiq oʻzgartirishlar kiritilsin.
10. Namangan viloyati hokimligi:
ikki oy muddatda “2021-yil uchun Oʻzbekiston Respublikasining Davlat budjeti toʻgʻrisida”gi Oʻzbekiston Respublikasi Qonuniga oʻzgartirish va qoʻshimchalar kiritish haqida”gi Oʻzbekiston Respublikasi qonuni loyihasini;
har chorakda tadbirkorlikni yanada qoʻllab-quvvatlash va muhandislik-kommunikatsiya tarmoqlarini rivojlantirishga yoʻnaltirilgan mablagʻlardan samarali foydalanish boʻyicha amalga oshirilgan chora-tadbirlarning natijadorligi toʻgʻrisidagi hisobotni Vazirlar Mahkamasiga kiritsin.
11. Uy-joy kommunal xizmat koʻrsatish vazirligi boshqa manfaatdor vazirlik va idoralar bilan birgalikda ikki oy muddatda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
12. Mazkur qarorning ijrosini samarali tashkil etishga masʼul va javobgar etib Oʻzbekiston Respublikasi Bosh vazirining oʻrinbosari J.A. Kuchkarov hamda Namangan viloyati hokimi Sh.Sh. Abdurazakov belgilansin.
Qaror ijrosi uchun masʼul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2021-yil 21-apreldagi PQ-5084-son qaroriga ILOVA
Oʻzbekiston Respublikasi Prezidentining 2021-yil 27-martdagi “Oilaviy tadbirkorlikni rivojlantirish dasturlari doirasida amalga oshiriladigan qoʻshimcha chora-tadbirlar toʻgʻrisida”gi PQ-5041-son qaroriga kiritilayotgan oʻzgartirishlar
1. 4-bandning “b” kichik bandi ikkinchi xatboshisidagi va 5-bandning birinchi xatboshisidagi “1,6” raqami “1,5” raqami bilan almashtirilsin.
2. 1-ilovada :
a) “Jami” pozitsiyasida:
“2021-yilda yoʻnaltiriladigan mablagʻlar” ustunidagi “9 140” raqami “9 040” raqami bilan almashtirilsin;
“Tiklanish va taraqqiyot jamgʻarmasi hisobidan” ustunidagi “2 540” raqami “2 440” raqami bilan almashtirilsin;
b) 1-bandda:
“2021-yilda yoʻnaltiriladigan mablagʻlar” ustunidagi “5 638” raqami “5 538” raqami bilan almashtirilsin;
“Tiklanish va taraqqiyot jamgʻarmasi hisobidan” ustunidagi “1 600” raqami “1 500” raqami bilan almashtirilsin;
3. 2-ilovada:
a) “Jami” pozitsiyasida:
“Jami” ustunidagi “9 140” raqami “9 040” raqami bilan almashtirilsin;
“Har bir oila — tadbirkor” dasturi” ustunidagi “5 638” raqami “5 538” raqami bilan almashtirilsin;
b) 6-bandda:
“Jami” ustunidagi “885” raqami “785” raqami bilan;
“Har bir oila — tadbirkor” dasturi” ustunidagi “602” raqami “502” raqami bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 21-aprel,
PQ-5084-son
Президента Республики Узбекистан
Постановление
О мерах по дальнейшей поддержке предпринимательства и развитию инженерно-коммуникационных сетей в Наманганской области
В целях дальнейшей поддержки предпринимательства, обеспечения занятости населения и выделения финансовых ресурсов для развития инженерно-коммуникационных сетей в Наманганской области:
1. Одобрить предложение Министерства инвестиций и внешней торговли, Министерства экономического развития и сокращения бедности и Министерства финансов о выделении хокимияту Наманганской области кредита за счет Фонда реконструкции и развития в размере 30 миллионов долларов США сроком на 10 лет, включая трехлетний льготный период, с процентной ставкой 2,5 процента годовых.
2. Хокимияту Наманганской области направить средства, определенные в пункте 1 настоящего постановления, на следующие цели:
в эквиваленте 15 миллионов долларов США — на строительство и реконструкцию систем централизованного теплоснабжения города Намангана;
в эквиваленте 10 миллионов долларов США — на работы по улучшению инфраструктуры старогородской территории города Намангана, обеспечению занятости населения, благоустройству Янгиарыкского, Северно-Ферганского каналов и берегов Наманганского сая;
в эквиваленте 5 миллионов долларов США — на развитие малых промышленных, молодежных промышленных и предпринимательских зон.
При этом, при необходимости, Кабинетом Министров (А.Н. Арипов) могут вноситься изменения в распределение средств, предусмотренных настоящим пунктом.
3. Освободить до 20 ноября 2021 года от таможенной пошлины котлы, оборудование, комплектующие, запасные части, металлоконструкции, химические вещества для приготовления воды, необходимые для строительства и реконструкции объекта в соответствии с мероприятиями, указанными в абзаце втором пункта 2 настоящего постановления, ввозимые по перечням, формируемым Министерством жилищно-коммунального обслуживания (Ш.С. Хидоятов).
4. Установить, что:
хокимият Наманганской области является ответственным исполнительным органом за целевое и эффективное использование средств, выделяемых в рамках настоящего постановления;
расходы, связанные с погашением и обслуживанием кредита, выделенного на строительство и реконструкцию систем централизованного теплоснабжения города Намангана, покрываются за счет местного бюджета Наманганской области, производственного ГУП «Иссиклик манбаи» Наманганской области и иных источников, не запрещенных законодательством;
расходы, связанные с погашением и обслуживанием кредита, выделенного на улучшение инфраструктуры старогородской территории города Намангана, обеспечение занятости населения, благоустройство Янгиарыкского, Северо-Ферганского каналов и берегов Наманганского сая, развитие малых промышленных, молодежных промышленных и предпринимательских зон, покрываются за счет местного бюджета Наманганской области и иных источников, не запрещенных законодательством.
6. Определить, что средства, выделенные за счет Фонда реконструкции и развития для Наманганской области в рамках программы «Каждая семья — предприниматель» в соответствии с постановлением Президента Республики Узбекистан от 27 марта 2021 года № ПП-5041 «О дополнительных мерах, осуществляемых в рамках программ развития семейного предпринимательства», выделяются на:
кредитование драйвер-проектов, выявленных путем системы работ «махаллабай», в размере 100 миллиардов сумов;
кредитование проектов по развитию лимоноводства путем направления средств в размере 100 миллиардов сумов на увеличение доли Фонда реконструкции и развития в уставном капитале АКБ «Туронбанк».
7. Принять к сведению, что в целях развития туристической инфраструктуры в Наманганской области:
в соответствии с пунктом 9 Указа Президента Республики Узбекистан от 9 февраля 2021 года № УП-6165 «О мерах по дальнейшему развитию внутреннего и паломнического туризма в Республике Узбекистан» выделены средства в размере 1 триллиона сумов в равных долях за счет Государственного бюджета Республики Узбекистан и Фонда реконструкции и развития;
из 1 триллиона сумов, выделенного согласно Сводным параметрам развития туристической инфраструктуры, утвержденных постановлением Президента Республики Узбекистан от 2 апреля 2021 года № ПП-5048 «О дополнительных мерах по реализации программ «Обод кишлок» и «Обод махалла», Наманганской области выделено 37,5 миллиарда сумов, а также определена возможность внесения Кабинетом Министров, при необходимости, изменений в указанные параметры.
8. Хокимияту Наманганской области совместно с Министерством жилищно-коммунального обслуживания, Министерством экономического развития и сокращения бедности, Министерством водного хозяйства в двухнедельный срок сформировать и обеспечить внесение в Кабинет Министров на утверждение адресные программы по мероприятиям, установленным пунктом 2 настоящего постановления.
9. Внести изменения в постановление Президента Республики Узбекистан от 27 марта 2021 года № ПП-5041 «О дополнительных мерах, осуществляемых в рамках программ развития семейного предпринимательства» согласно приложению .
10. Хокимияту Наманганской области внести в Кабинет Министров:
в двухмесячный срок — проект закона Республики Узбекистан «О внесении изменений и дополнений в Закон Республики Узбекистан «О Государственном бюджете Республики Узбекистан на 2021 год»;
ежеквартально — отчет о результативности мер, реализуемых по эффективному использованию средств, направленных на дальнейшую поддержку предпринимательства и развитие инженерно-коммуникационных сетей.
11. Министерству жилищно-коммунального обслуживания совместно с другими заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в законодательство, вытекающих из настоящего постановления.
12. Возложить персональную ответственность за эффективную организацию исполнения настоящего постановления на заместителя Премьер-министра Республики Узбекистан Д.А. Кучкарова и хокима Наманганской области Ш.Ш. Абдуразакова.
Осуществление контроля и координации деятельности ведомств, ответственных за исполнение настоящего постановления, возложить на Премьер-министра Республики Узбекистан А.Н. Арипова.
ПРИЛОЖЕНИЕ к постановлению Президента Республики Узбекистан от 21 апреля 2021 года № ПП-5084
Изменения, вносимые в постановление Президента Республики Узбекистан от 27 марта 2021 года № ПП-5041 «О дополнительных мерах, осуществляемых в рамках программ развития семейного предпринимательства»
1. В абзаце втором подпункта «б» пункта 4 и абзаце первом пункта 5 цифру «1,6» заменить цифрой «1,5».
2. В приложении № 1 :
а) в позиции «Всего»:
в графе «Средства, направляемые в 2021 году» цифру «9 140» заменить цифрой «9 040»;
в графе «Фонда реконструкции и развития» цифру «2 540» заменить цифрой «2 440»;
б) в пункте 1:
в графе «Средства, направляемые в 2021 году» цифру «5 638» заменить цифрой «5 538»;
в графе «Фонда реконструкции и развития» цифру «1 600» заменить цифрой «1 500».
3. В приложении № 2 :
а) в позиции «Всего»:
в графе «Всего» цифру «9 140» заменить цифрой «9 040»;
в графе «Программа «Каждая семья — предприниматель» цифру «5 638» заменить цифрой «5 538»;
б) в пункте 6:
в графе «Всего» цифру «885» заменить цифрой «785»;
в графе «Программа «Каждая семья — предприниматель» цифру «602» заменить цифрой «502».
Президент Республики Узбекистан Ш. МИРЗИЁЕВ
г. Ташкент,
21 апреля 2021 г.,
№ ПП-5084