📅 2021-yil 21-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 21 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 21 апреля 2021 г. · Постановления Президента
Официальный текст. Официальный документ. Редакционные примечания не включены.
📅 21 April 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Тадбиркорликни қўллаб-қувватлаш тизимини такомиллаштириш, ишбилармонлик муҳитини янада яхшилаш бўйича қўшимча чора-тадбирлар тўғрисида
Бизнес юритиш шарт-шароитларни янада яхшилаш, тадбиркорликни ривожлантиришга оид ислоҳотларни изчил давом эттириш, тадбиркорларни қўллаб-қувватлаш механизмларини кенгайтириш, уларни зарур молиявий ва инфратузилмавий ресурслар билан таъминлаш мақсадида:
1. 2021 йил 1 майдан бошлаб тадбиркорлик субъектларини давлат томонидан қўллаб-қувватлашнинг қуйидаги қўшимча чоралари жорий этилсин:
3. Оилавий тадбиркорликни ривожлантириш дастурлари доирасида ажратилаётган кредитларнинг 70 фоизи кичик бизнес лойиҳаларига, 30 фоизи устувор равишда ўзини ўзи банд қилишга (томорқадан унумли фойдаланиш, уй шароитида ҳунармандчиликни ва касаначиликни ривожлантириш) йўналтирилсин. Бунда, ажратиладиган маблағларнинг камида 15 фоизи жойларда, айниқса шаҳарларда хизмат кўрсатиш соҳасида кичик лойиҳаларни молиялаштиришга қаратилади.
4. Қуйидагиларга:
халқ депутатлари туман (шаҳар) Кенгашларига олис ва чекка ҳудудларда жойлашган ер участкасига мулк ҳуқуқи ва ижара ҳуқуқини аукционга қўйишда уларнинг бошланғич нархини 50 фоизгача камайтириш ваколати;
Қорақалпоғистон Республикаси Жўқорғи Кенгеси ва халқ депутатлари вилоятлар Кенгашларига ер участкасига мулк ҳуқуқи ва ижара ҳуқуқини аукционга қўйишда бошланғич нархга чегирма белгиланадиган олис ва чекка ҳудудлар чегараларини белгилаш ваколати берилсин.
5. 2021 йил 1 июндан бошлаб инфратузилмага яқин жойларда, шу жумладан республика аҳамиятидаги йўлларга туташ бўлган, белгиланган тартибда тасдиқланган рўйхат бўйича унумдорлиги паст, фойдаланишда бўлмаган қишлоқ хўжалиги ерларини саноат ва хизмат кўрсатиш объектларини барпо этиш учун лойиҳа асосида инвесторларга «E-AUKSION» электрон савдо платформасида электрон онлайн-аукцион орқали ажратишга рухсат берилсин.
6. Бош вазир ўринбосарлари Ж. Қўчқоров ва Ш. Ғаниев Қишлоқ хўжалиги вазирлиги, Қорақалпоғистон Республикаси Вазирлар Кенгаши ва вилоятлар ҳокимликлари билан биргаликда 2021 йил 15 майга қадар қишлоқ хўжалиги ерларини хатловдан ўтказган ҳолда саноат ва хизмат кўрсатиш объектларини барпо этиш учун ажратиладиган унумдорлиги паст, фойдаланишда бўлмаган қишлоқ хўжалиги ерлари рўйхатини шакллантирсин ҳамда уларнинг аниқ чегараси ва майдонини кўрсатган ҳолда ҳар бир туман кесимида тасдиқланишини таъминласин.
7. Иқтисодий тараққиёт ва камбағалликни қисқартириш вазирлиги Инвестициялар ва ташқи савдо вазирлиги, Андижон, Наманган, Фарғона, Самарқанд ва Бухоро вилоятлари ҳокимликлари билан биргаликда бир ой муддатда Андижон, Наманган, Фарғона, Самарқанд шаҳарлари, Ургут ва Ғиждувон туманларида замонавий савдо ва саноат ҳудудларини ташкил этиш, уларда савдо-ишлаб чиқариш объектларини қуриш ва сотиш учун инфратузилма мавжуд бўлган камида 20 гектар майдондан ер участкаларини тадбиркорлик субъектларига аукцион орқали (шу жумладан, тўловни бўлиб-бўлиб тўлаш шарти билан ҳамда аукционни ягона иштирокчи билан ўтказишга рухсат берган ҳолда) ажратиш бўйича Вазирлар Маҳкамасига таклифлар киритсин.
Бунда, савдо ва саноат ҳудудларини ташкил этишнинг асосий шарти биноларнинг биринчи қаватида савдо ва хизмат кўрсатиш объектлари, юқори қаватларида ишлаб чиқариш объектларини жойлаштириш ҳисобланади.
8. Қорақалпоғистон Республикаси Вазирлар Кенгаши ва вилоятлар ҳокимликлари 2021-2022 йиллар давомида камида 500 та маҳалла фуқаро йиғинларининг эски биноларини давлат-хусусий шериклик асосида замонавий кўринишда қайта қуриш бўйича тадбиркорлик субъектлари билан келишувга эришилишини таъминласин.
Бунда, 1 қаватли бино ўрнига 2-3 қаватли бино қурилиши, унинг 2 ва 3-қаватларида кичик ишлаб чиқариш, савдо ва маиший хизмат кўрсатиш объектлари, ишсиз хотин-қизлар ва ёшларни касб-ҳунарга ўқитиш марказларини ташкил қилиш учун текин фойдаланиш асосида 30 йилга тадбиркорлик субъектининг ихтиёрида қолдирилишини назарда тутсин.
9. Белгилаб қўйилсинки, 2021 йил 1 июндан бошлаб:
уч йилдан ортиқ вақтдан буён фаолият кўрсатаётган ҳамда ҳисобланган солиқларни муддатида тўлаб келган, лекин молиявий аҳволига кўра солиқ қарзини тўлаш имкониятига эга бўлмаётган тадбиркорлик субъектларига солиқларни бўлиб-бўлиб тўлаш;
уч йилдан ортиқ вақтдан буён товарларни импорт қилиш билан шуғулланаётган, божхона тўловлари бўйича мажбуриятларини бажариб келган, лекин молиявий аҳволига кўра тўловларни белгиланган муддатда тўлаш имкониятига эга бўлмаётган ташқи иқтисодий фаолият иштирокчиларига божхона тўловларини бўлиб-бўлиб тўлаш ҳуқуқи берилади.
Бунда, ушбу тартиб бўйича гаровсиз бўлиб-бўлиб тўланадиган солиқ ёки тўловлар суммаси тадбиркорлик субъекти томонидан охирги уч йил давомида тўланган солиқ ёки божхона тўловлари суммасининг 50 фоизидан ошмаслиги лозим.
Молия вазирлиги Давлат солиқ қўмитаси ва Давлат божхона қўмитаси билан биргаликда бир ой муддатда мазкур банддан келиб чиққан ҳолда солиқлар ҳамда божхона тўловларини бўлиб-бўлиб тўлашнинг вақтинчалик тартибини тасдиқласин.
10. 2021 йил 1 майдан бошлаб чет элдан хорижий валютадаги тушум тушиши кечиктирилишига йўл қўйган экспорт қилувчилар ва «эркин муомалага чиқариш» божхона режимида товарларни республикага олиб кириш ва расмийлаштиришни, ишларни бажариш ёки хизматлар кўрсатишни ўз вақтида таъминламаган импорт қилувчилар учун қонунчиликда белгиланган жарима миқдорлари икки бараварга камайтирилсин.
2021 йил 1 май ҳолатига шаклланган ташқи савдо операциялари бўйича муддати ўтган дебитор қарздорлик учун хўжалик юритувчи субъектларга жарималар қўллаш тўхтатилсин ва дебитор қарздорлик вужудга келиш муддатлари 2021 йил 1 майдан бошлаб янгидан ҳисоблансин.
11. Белгилансинки, 2021 йил 1 октябрдан бошлаб ижро ишини юритиш доирасида қарздордан ундирилган пул суммалари ижро ҳужжатлари бўйича барча талабларни қаноатлантириш учун етарли бўлмаган тақдирда, бюджетга тўловлар бўйича талаблар, кредиторларнинг қарздор мол-мулки билан таъминланмаган талаблари, шу жумладан қарздорнинг мажбуриятлари бажарилишининг таъминоти сифатида турган мол-мулкни реализация қилишдан тушган сумма етарли бўлмаганлиги туфайли қаноатлантирилмаган талаблари бир навбатда (тўртинчи навбатда) қаноатлантирилади.
Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил Вазирлар Маҳкамаси ва манфаатдор идоралар билан биргаликда бир ой муддатда мазкур банддан келиб чиқадиган ўзгартиришларни назарда тутувчи қонун лойиҳасини Олий Мажлис Қонунчилик палатасига киритилишини таъминласин.
12. Вазирлар Маҳкамасининг Тошкент шаҳрида инвестиция муҳитини яхшилаш юзасидан эксперимент ўтказилишини мувофиқлаштириш бўйича ишчи гуруҳи фаолиятини тугатиш тўғрисидаги таклифи маъқуллансин.
Инвесторга ер участкасини дастлабки захиралаш тўғрисида Тошкент шаҳар ҳокимининг қарори қабул қилинмаган инвестиция лойиҳалари бўйича Ишчи гуруҳ қарорлари бекор қилинсин.
13. Қурилиш вазирлиги, Сув хўжалиги вазирлиги, Энергетика вазирлиги, Экология ва атроф-муҳитни муҳофаза қилиш давлат қўмитаси, Автомобиль йўллари қўмитаси уч ой муддатда транспорт мақсадларига мўлжалланган ерлар, сув объектлари, гидротехника иншоотлари, магистрал қувурлар, электр тармоқлари объектларининг муҳофаза зонаси чегараларини белгилаш параметрларини уларнинг мақбуллаштирилишини назарда тутган ҳолда қайта кўриб чиқсин ва Вазирлар Маҳкамасига таклиф киритсин.
14. Кадастр агентлиги 2021 йил 1 сентябрга қадар жисмоний ва юридик шахсларга «YERELEKTRON» автоматлаштирилган ахборот тизимига ер участкаси ва режалаштирилаётган қурилиш объекти тўғрисидаги маълумотларни кейинчалик уларни электрон онлайн-аукционга қўйиш масаласини белгиланган тартибда кўриб чиқиш учун жойлаштириш бўйича таклифларни киритиш, шунингдек, ер участкасини танлаш материалларини келишиш жараёнини кузатиш имконини берувчи мобил илова ишга туширилишини таъминласин.
15. Қурилиш вазирлиги Уй-жой коммунал хизмат кўрсатиш вазирлиги ҳамда бошқа манфаатдор идоралар билан биргаликда бир ой муддатда кўп қаватли уйларнинг ертўлаларидан тадбиркорлик мақсадида фойдаланиш, турар жойни нотурар жой тоифасига ўтказишга рухсат этиш тартиб-таомилларини соддалаштириш бўйича таклифларни Вазирлар Маҳкамасига киритсин.
16. Иқтисодий тараққиёт ва камбағалликни қисқартириш вазирлиги манфаатдор вазирлик ва идоралар билан биргаликда:
икки ой муддатда енгил конструкцияли хизмат кўрсатиш шохобчаларини аукцион савдолари орқали жойлаштириш тартибини жорий этиш;
бир ой муддатда қонунчилик ҳужжатларига мазкур қарордан келиб чиқадиган ўзгартириш ва қўшимчалар тўғрисида таклифларни Вазирлар Маҳкамасига киритсин.
17. Мазкур қарор ижросини самарали ташкил этишга масъул ва шахсий жавобгар этиб Бош вазир ўринбосарлари Ж.А. Қўчқоров, С.Ў. Умурзаков ва Ш.М. Ғаниев, Қорақалпоғистон Республикаси Вазирлар Кенгаши раиси, вилоятлар ва Тошкент шаҳар ҳокимлари белгилансин.
Қарор ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти Администрацияси раҳбари З.Ш. Низомиддинов зиммасига юклансин.
Амалга оширилаётган чора-тадбирлар натижадорлиги юзасидан 2021 йил 1 сентябргача Ўзбекистон Республикаси Президентига ахборот берилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 21 апрель,
ПҚ-5087-сон
Oʻzbekiston Respublikasi Prezidentining
Qarori
Tadbirkorlikni qoʻllab-quvvatlash tizimini takomillashtirish, ishbilarmonlik muhitini yanada yaxshilash boʻyicha qoʻshimcha chora-tadbirlar toʻgʻrisida
Biznes yuritish shart-sharoitlarni yanada yaxshilash, tadbirkorlikni rivojlantirishga oid islohotlarni izchil davom ettirish, tadbirkorlarni qoʻllab-quvvatlash mexanizmlarini kengaytirish, ularni zarur moliyaviy va infratuzilmaviy resurslar bilan taʼminlash maqsadida:
1. 2021-yil 1-maydan boshlab tadbirkorlik subyektlarini davlat tomonidan qoʻllab-quvvatlashning quyidagi qoʻshimcha choralari joriy etilsin:
3. Oilaviy tadbirkorlikni rivojlantirish dasturlari doirasida ajratilayotgan kreditlarning 70 foizi kichik biznes loyihalariga, 30 foizi ustuvor ravishda oʻzini oʻzi band qilishga (tomorqadan unumli foydalanish, uy sharoitida hunarmandchilikni va kasanachilikni rivojlantirish) yoʻnaltirilsin. Bunda, ajratiladigan mablagʻlarning kamida 15 foizi joylarda, ayniqsa shaharlarda xizmat koʻrsatish sohasida kichik loyihalarni moliyalashtirishga qaratiladi.
4. Quyidagilarga:
xalq deputatlari tuman (shahar) Kengashlariga olis va chekka hududlarda joylashgan yer uchastkasiga mulk huquqi va ijara huquqini auksionga qoʻyishda ularning boshlangʻich narxini 50 foizgacha kamaytirish vakolati;
Qoraqalpogʻiston Respublikasi Joʻqorgʻi Kengesi va xalq deputatlari viloyatlar Kengashlariga yer uchastkasiga mulk huquqi va ijara huquqini auksionga qoʻyishda boshlangʻich narxga chegirma belgilanadigan olis va chekka hududlar chegaralarini belgilash vakolati berilsin.
5. 2021-yil 1-iyundan boshlab infratuzilmaga yaqin joylarda, shu jumladan respublika ahamiyatidagi yoʻllarga tutash boʻlgan, belgilangan tartibda tasdiqlangan roʻyxat boʻyicha unumdorligi past, foydalanishda boʻlmagan qishloq xoʻjaligi yerlarini sanoat va xizmat koʻrsatish obyektlarini barpo etish uchun loyiha asosida investorlarga “E-AUKSION” elektron savdo platformasida elektron onlayn-auksion orqali ajratishga ruxsat berilsin.
6. Bosh vazir oʻrinbosarlari J. Qoʻchqorov va Sh. Gʻaniyev Qishloq xoʻjaligi vazirligi, Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda 2021-yil 15-mayga qadar qishloq xoʻjaligi yerlarini xatlovdan oʻtkazgan holda sanoat va xizmat koʻrsatish obyektlarini barpo etish uchun ajratiladigan unumdorligi past, foydalanishda boʻlmagan qishloq xoʻjaligi yerlari roʻyxatini shakllantirsin hamda ularning aniq chegarasi va maydonini koʻrsatgan holda har bir tuman kesimida tasdiqlanishini taʼminlasin.
7. Iqtisodiy taraqqiyot va kambagʻallikni qisqartirish vazirligi Investitsiyalar va tashqi savdo vazirligi, Andijon, Namangan, Fargʻona, Samarqand va Buxoro viloyatlari hokimliklari bilan birgalikda bir oy muddatda Andijon, Namangan, Fargʻona, Samarqand shaharlari, Urgut va Gʻijduvon tumanlarida zamonaviy savdo va sanoat hududlarini tashkil etish, ularda savdo-ishlab chiqarish obyektlarini qurish va sotish uchun infratuzilma mavjud boʻlgan kamida 20 gektar maydondan yer uchastkalarini tadbirkorlik subyektlariga auksion orqali (shu jumladan, toʻlovni boʻlib-boʻlib toʻlash sharti bilan hamda auksionni yagona ishtirokchi bilan oʻtkazishga ruxsat bergan holda) ajratish boʻyicha Vazirlar Mahkamasiga takliflar kiritsin.
Bunda, savdo va sanoat hududlarini tashkil etishning asosiy sharti binolarning birinchi qavatida savdo va xizmat koʻrsatish obyektlari, yuqori qavatlarida ishlab chiqarish obyektlarini joylashtirish hisoblanadi.
8. Qoraqalpogʻiston Respublikasi Vazirlar Kengashi va viloyatlar hokimliklari 2021-2022-yillar davomida kamida 500 ta mahalla fuqaro yigʻinlarining eski binolarini davlat-xususiy sheriklik asosida zamonaviy koʻrinishda qayta qurish boʻyicha tadbirkorlik subyektlari bilan kelishuvga erishilishini taʼminlasin.
Bunda, 1 qavatli bino oʻrniga 2-3 qavatli bino qurilishi, uning 2 va 3-qavatlarida kichik ishlab chiqarish, savdo va maishiy xizmat koʻrsatish obyektlari, ishsiz xotin-qizlar va yoshlarni kasb-hunarga oʻqitish markazlarini tashkil qilish uchun tekin foydalanish asosida 30 yilga tadbirkorlik subyektining ixtiyorida qoldirilishini nazarda tutsin.
9. Belgilab qoʻyilsinki, 2021-yil 1-iyundan boshlab:
uch yildan ortiq vaqtdan buyon faoliyat koʻrsatayotgan hamda hisoblangan soliqlarni muddatida toʻlab kelgan, lekin moliyaviy ahvoliga koʻra soliq qarzini toʻlash imkoniyatiga ega boʻlmayotgan tadbirkorlik subyektlariga soliqlarni boʻlib-boʻlib toʻlash;
uch yildan ortiq vaqtdan buyon tovarlarni import qilish bilan shugʻullanayotgan, bojxona toʻlovlari boʻyicha majburiyatlarini bajarib kelgan, lekin moliyaviy ahvoliga koʻra toʻlovlarni belgilangan muddatda toʻlash imkoniyatiga ega boʻlmayotgan tashqi iqtisodiy faoliyat ishtirokchilariga bojxona toʻlovlarini boʻlib-boʻlib toʻlash huquqi beriladi.
Bunda, ushbu tartib boʻyicha garovsiz boʻlib-boʻlib toʻlanadigan soliq yoki toʻlovlar summasi tadbirkorlik subyekti tomonidan oxirgi uch yil davomida toʻlangan soliq yoki bojxona toʻlovlari summasining 50 foizidan oshmasligi lozim.
Moliya vazirligi Davlat soliq qoʻmitasi va Davlat bojxona qoʻmitasi bilan birgalikda bir oy muddatda mazkur banddan kelib chiqqan holda soliqlar hamda bojxona toʻlovlarini boʻlib-boʻlib toʻlashning vaqtinchalik tartibini tasdiqlasin.
10. 2021-yil 1-maydan boshlab chet eldan xorijiy valyutadagi tushum tushishi kechiktirilishiga yoʻl qoʻygan eksport qiluvchilar va “erkin muomalaga chiqarish” bojxona rejimida tovarlarni respublikaga olib kirish va rasmiylashtirishni, ishlarni bajarish yoki xizmatlar koʻrsatishni oʻz vaqtida taʼminlamagan import qiluvchilar uchun qonunchilikda belgilangan jarima miqdorlari ikki baravarga kamaytirilsin.
2021-yil 1-may holatiga shakllangan tashqi savdo operatsiyalari boʻyicha muddati oʻtgan debitor qarzdorlik uchun xoʻjalik yurituvchi subyektlarga jarimalar qoʻllash toʻxtatilsin va debitor qarzdorlik vujudga kelish muddatlari 2021-yil 1-maydan boshlab yangidan hisoblansin.
11. Belgilansinki, 2021-yil 1-oktabrdan boshlab ijro ishini yuritish doirasida qarzdordan undirilgan pul summalari ijro hujjatlari boʻyicha barcha talablarni qanoatlantirish uchun yetarli boʻlmagan taqdirda, budjetga toʻlovlar boʻyicha talablar, kreditorlarning qarzdor mol-mulki bilan taʼminlanmagan talablari, shu jumladan qarzdorning majburiyatlari bajarilishining taʼminoti sifatida turgan mol-mulkni realizatsiya qilishdan tushgan summa yetarli boʻlmaganligi tufayli qanoatlantirilmagan talablari bir navbatda (toʻrtinchi navbatda) qanoatlantiriladi.
Tadbirkorlik subyektlarining huquqlari va qonuniy manfaatlarini himoya qilish boʻyicha vakil Vazirlar Mahkamasi va manfaatdor idoralar bilan birgalikda bir oy muddatda mazkur banddan kelib chiqadigan oʻzgartirishlarni nazarda tutuvchi qonun loyihasini Oliy Majlis Qonunchilik palatasiga kiritilishini taʼminlasin.
12. Vazirlar Mahkamasining Toshkent shahrida investitsiya muhitini yaxshilash yuzasidan eksperiment oʻtkazilishini muvofiqlashtirish boʻyicha ishchi guruhi faoliyatini tugatish toʻgʻrisidagi taklifi maʼqullansin.
Investorga yer uchastkasini dastlabki zaxiralash toʻgʻrisida Toshkent shahar hokimining qarori qabul qilinmagan investitsiya loyihalari boʻyicha Ishchi guruh qarorlari bekor qilinsin.
13. Qurilish vazirligi, Suv xoʻjaligi vazirligi, Energetika vazirligi, Ekologiya va atrof-muhitni muhofaza qilish davlat qoʻmitasi, Avtomobil yoʻllari qoʻmitasi uch oy muddatda transport maqsadlariga moʻljallangan yerlar, suv obyektlari, gidrotexnika inshootlari, magistral quvurlar, elektr tarmoqlari obyektlarining muhofaza zonasi chegaralarini belgilash parametrlarini ularning maqbullashtirilishini nazarda tutgan holda qayta koʻrib chiqsin va Vazirlar Mahkamasiga taklif kiritsin.
14. Kadastr agentligi 2021-yil 1-sentabrga qadar jismoniy va yuridik shaxslarga “YERELEKTRON” avtomatlashtirilgan axborot tizimiga yer uchastkasi va rejalashtirilayotgan qurilish obyekti toʻgʻrisidagi maʼlumotlarni keyinchalik ularni elektron onlayn-auksionga qoʻyish masalasini belgilangan tartibda koʻrib chiqish uchun joylashtirish boʻyicha takliflarni kiritish, shuningdek, yer uchastkasini tanlash materiallarini kelishish jarayonini kuzatish imkonini beruvchi mobil ilova ishga tushirilishini taʼminlasin.
15. Qurilish vazirligi Uy-joy kommunal xizmat koʻrsatish vazirligi hamda boshqa manfaatdor idoralar bilan birgalikda bir oy muddatda koʻp qavatli uylarning yertoʻlalaridan tadbirkorlik maqsadida foydalanish, turar joyni noturar joy toifasiga oʻtkazishga ruxsat etish tartib-taomillarini soddalashtirish boʻyicha takliflarni Vazirlar Mahkamasiga kiritsin.
16. Iqtisodiy taraqqiyot va kambagʻallikni qisqartirish vazirligi manfaatdor vazirlik va idoralar bilan birgalikda:
ikki oy muddatda yengil konstruksiyali xizmat koʻrsatish shoxobchalarini auksion savdolari orqali joylashtirish tartibini joriy etish;
bir oy muddatda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida takliflarni Vazirlar Mahkamasiga kiritsin.
17. Mazkur qaror ijrosini samarali tashkil etishga masʼul va shaxsiy javobgar etib Bosh vazir oʻrinbosarlari J.A. Qoʻchqorov, S.Oʻ. Umurzakov va Sh.M. Gʻaniyev, Qoraqalpogʻiston Respublikasi Vazirlar Kengashi raisi, viloyatlar va Toshkent shahar hokimlari belgilansin.
Qaror ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.
Amalga oshirilayotgan chora-tadbirlar natijadorligi yuzasidan 2021-yil 1-sentabrgacha Oʻzbekiston Respublikasi Prezidentiga axborot berilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 21-aprel,
PQ-5087-son
Президента Республики Узбекистан
Постановление
О дополнительных мерах по совершенствованию системы поддержки предпринимательства, дальнейшему улучшению делового климата
В целях дальнейшего улучшения условий ведения бизнеса, последовательного продолжения реформ по развитию предпринимательства, расширения механизмов поддержки предпринимателей, обеспечения их необходимыми финансовыми и инфраструктурными ресурсами:
1. Начиная с 1 мая 2021 года внедрить следующие дополнительные меры государственной поддержки субъектов предпринимательства:
3. Направить 70 процентов кредитов, выделяемых в рамках программ развития семейного предпринимательства, на проекты малого бизнеса, 30 процентов — в приоритетном порядке на самозанятость (эффективное использование приусадебного участка, развитие в домашних условиях ремесленничества и надомного труда). При этом не менее 15 процентов выделяемых средств направляется на финансирование малых проектов в сфере оказания услуг на местах, особенно в городах.
4. Наделить:
районные (городские) Кенгаши народных депутатов — полномочием снижать до 50 процентов стартовую цену право собственности и аренды на земельные участки, расположенными в отдаленных и труднодоступных районах, при выставлении его на аукцион;
Жокаргы Кенес Республики Каракалпакстан и областные Кенгаши народных депутатов — полномочием определять границы отдаленных и труднодоступных районов, по которым устанавливается скидка от стартовой цены при выставлении на аукцион право собственности и аренды на земельные участки.
5. Разрешить с 1 июня 2021 года выделение инвесторам через электронный онлайн-аукцион на электронной торговой платформе «E-AUKSION» низкоплодородных, неиспользуемых сельскохозяйственных земель в близлежащих к инфраструктуре местах, в том числе примыкающих к дорогам республиканского значения, по перечню, утвержденному в установленном порядке, для строительства объектов промышленности и обслуживания на основе проекта.
6. Заместителям Премьер-министра Ж. Кучкарову и Ш. Ганиеву совместно с Министерством сельского хозяйства, Советом Министров Республики Каракалпакстан и хокимиятами областей в срок до 15 мая 2021 года сформировать перечень низкоплодородных, неиспользуемых сельскохозяйственных земель, выделяемых для строительства объектов промышленности и обслуживания, с проведением инвентаризации сельскохозяйственных земель, а также обеспечить утверждение в разрезе каждого района с указанием их четкой границы и площади.
7. Министерству экономического развития и сокращения бедности совместно с Министерством инвестиций и внешней торговли, хокимиятами Андижанской, Наманганской, Ферганской, Самаркандской и Бухарской областей в месячный срок внести в Кабинет Министров предложения по предоставлению субъектам предпринимательства через аукцион (в том числе, на условиях рассрочки платежа, а также с разрешением проведения аукциона с единым участником) земельных участков на площади не менее 20 гектаров в городах Андижане, Намангане, Фергане, Самарканде, Ургутском и Гиждуванском районах с имеющейся инфраструктурой для организации современных торговых и промышленных территорий, строительства на них и реализации торгово-производственных объектов.
При этом основным условием создания торговых и промышленных территорий является размещение на первом этаже зданий объектов торговли и обслуживания, на верхних этажах — производственных объектов.
8. Совету Министров Республики Каракалпакстан и хокимиятам областей обеспечить достижение соглашения с субъектами предпринимательства по перестройке в современном стиле на основе государственно-частного партнерства старых зданий не менее 500 сходов граждан махаллей в период 2021-2022 годов.
При этом предусмотреть строительство вместо одноэтажного здания двух- и трехэтажного здания, а также оставление в распоряжении субъекта предпринимательства на 30 лет на основе безвозмездного пользования второго и третьего этажей здания для создания объектов малого производства, торгово-бытового обслуживания, центров обучения профессиям безработных женщин и молодежи.
9. Установить, что начиная с 1 июня 2021 года:
налогоплательщикам, осуществляющим деятельность более трех лет, своеврменно уплачивающим начисленные налоги, но вследствие финансового положения не имеющим возможности уплаты налоговой задолженности, предоставляется право на уплату налогов в рассрочку;
участникам внешнеэкономической деятельности, занимающимся импортом товаров более трех лет, выполнявшим обязательства по таможенным платежам, но вследствие финансового положения не имеющим возможности их уплаты в установленные сроки, предоставляется право на уплату таможенных платежей в рассрочку.
При этом сумма налогов или таможенных платежей, уплачиваемая по данному порядку в рассрочку без залога, не должна превышать 50 процентов суммы налогов или платежей, уплаченной субъектом предпринимательства в течение последних трех лет.
Министерству финансов совместно с Государственным налоговым комитетом и Государственным таможенным комитетом в месячный срок утвердить временный порядок уплаты налогов и таможенных платежей в рассрочку исходя из настоящего пункта.
10. С 1 мая 2021 года в два раза снизить размер штрафных санкций, установленных в законодательстве для экспортеров, допустивших задержку валютных поступлений из-за рубежа, и импортеров, своевременно не обеспечивших ввоз в республику и оформление товаров в таможенном режиме «выпуск для свободного обращения», выполнение работ или оказание услуг.
Прекратить применение штрафных санкций к хозяйствующим субъектам за просроченную дебиторскую задолженность по внешнеторговым операциям, сформировавшейся по состоянию на 1 мая 2021 года, и сроки возникновения дебиторской задолженности исчислять заново начиная с 1 мая 2021 года.
11. Определить, что начиная с 1 октября 2021 года в рамках ведения исполнительного производства при недостаточности взысканных с должника денежных сумм для удовлетворения всех требований по исполнительным документам требования по уплатам в бюджет, требования кредиторов, не обеспеченные имуществом должника, в том числе требования, не удовлетворенные из-за недостаточности суммы, поступившей от реализации имущества должника в качестве обеспечения выполнения обязательств, удовлетворяются в одной очереди (в четвертую очередь).
Уполномоченному по защите прав и законных интересов субъектов предпринимательства совместно с Кабинетом Министров и заинтересованными ведомствами в месячный срок обеспечить внесение в Законодательную палату Олий Мажлиса проекта закона, предусматривающего изменения, вытекающие из настоящего пункта.
12. Одобрить предложение Кабинета Министров о прекращении деятельности Рабочей группы по координации проведения эксперимента по улучшению инвестиционного климата в городе Ташкенте.
Отменить решения Рабочей группы по инвестиционным проектам, по которым не принято решение хокима города Ташкента о предварительном резервировании земельного участка за инвестором.
13. Министерству строительства, Министерству водного хозяйства, Министерству энергетики, Государственному комитету по экологии и охране окружающей среды, Комитету автомобильных дорог в трехмесячный срок пересмотреть параметры определения границ охранных зон земель транспорта, водных объектов, гидротехнических сооружений, магистральных трубопроводов, объектов электросетей, предусмотрев их оптимизацию, и внести предложение в Кабинет Министров.
14. Агентству по кадастру до 1 сентября 2021 года обеспечить запуск мобильного приложения, предоставляющего возможность внесения физическими и юридическими лицами предложений по размещению информации о земельном участке и планируемом объекте строительства в автоматизированную информационную систему «YERELEKTRON» для дальнейшего рассмотрения в установленном порядке вопроса их выставления на электронный онлайн-аукцион, а также отслеживания хода действия согласования материалов выбора земельного участка.
15. Министерству строительства совместно с Министерством жилищно-коммунального обслуживания, а также иными заинтересованными ведомствами в месячный срок внести в Кабинет Министров предложения по упрощению разрешительных процедур при использовании подвалов многоэтажных домов в предпринимательских целях, переводе жилого помещения в категорию нежилого помещения.
16. Министерству экономического развития и сокращения бедности совместно с заинтересованными министерствами и ведомствами внести в Кабинет Министров:
в двухмесячный срок — предложения о внедрении порядка размещения через аукционные торги пунктов оказания услуг на основе легких конструкций;
в месячный срок — предложения об изменениях и дополнениях в акты законодательства, вытекающих из настоящего постановления.
17. Возложить на заместителей Премьер-министра Ж..А. Кучкарова, С.У. Умурзакова и Ш.М. Ганиева, Председателя Совета Министров Республики Каракалпакстан, хокимов областей и города Ташкента персональную ответственность за организацию эффективного исполнения настоящего постановления.
Контроль за исполнением настоящего постановления возложить на Премьер-министра Республики Узбекистан А.Н. Арипова и руководителя Администрации Президента Республики Узбекистан З.Ш. Низомиддинова.
О результативности осуществляемых мер информировать Президента Республики Узбекистан до 1 сентября 2021 года.
Президент Республики Узбекистан Ш. МИРЗИЁЕВ
г. Ташкент,
21 апреля 2021 г.,
№ ПП-5087