📅 2021-yil 21-aprel · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 21 апрель · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 21 апреля 2021 г. · Указы Президента
Официальный текст. Официальный документ. Редакционные примечания не включены.
📅 21 April 2021 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига ўзгартириш ва қўшимчалар киритиш тўғрисида
Диний-маърифий ва миллатлараро муносабатлар соҳалари ходимларининг моддий таъминотини яхшилаш ва ижтимоий муҳофазасини янада кучайтириш мақсадида:
1. Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига иловага мувофиқ ўзгартириш ва қўшимчалар киритилсин.
2. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти Администрацияси раҳбари З.Ш. Низомиддинов зиммасига юклансин.
Ўзбекистон Республикаси Президентининг 2021 йил 21 апрелдаги ПФ-6212-сон Фармонига ИЛОВА
Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига киритилаётган ўзгартириш ва қўшимчалар
1. Ўзбекистон Республикаси Президентининг 2018 йил 16 апрелдаги «Диний-маърифий соҳа фаолиятини тубдан такомиллаштириш чора-тадбирлари тўғрисида»ги ПФ-5416-сон Фармонида :
а) 4-банднинг учинчи хатбошиси қуйидаги таҳрирда баён этилсин:
«Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита муассислигидаги Қуръон илмлари, ҳадис, ислом ҳуқуқи, ақида, тасаввуф, ислом иқтисодиёти ва молияси, халқаро муносабатлар, хорижий тиллар (араб, форс, инглиз, рус, урду, турк ва б.) ва бошқа халқаро миқёсда эҳтиёж мавжуд бўлган соҳалар бўйича малакали кадрларни тайёрлашга, ўрта махсус, олий таълим, олий таълимдан кейинги таълим, малака ошириш босқичларида узлуксиз таълимнинг яхлит тизимини ташкил этишга ва илмий меросни чуқур тадқиқ қилиш ва асраб-авайлашга ихтисослашган етакчи давлат таълим ва илмий-тадқиқот муассасаси ҳисобланади;»;
б) 11-банд қуйидаги таҳрирда баён этилсин:
«11. Белгилансинки, Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита, Ўзбекистон халқаро ислом академияси, Ўзбекистондаги Ислом цивилизацияси маркази, Имом Бухорий халқаро илмий-тадқиқот марказининг раҳбарияти, ўқитувчи, илмий ходим ва мутахассисларига ягона тариф сеткаси бўйича меҳнатга ҳақ тўлаш разрядларига кўра тариф коэффициентлари ва базавий лавозим маошлари 3 баравар (Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита раисига, Марказ раҳбарияти ва ходимларига — 4 баравар) миқдорда қўлланилади.».
2. Ўзбекистон Республикаси Президентининг 2017 йил 23 майдаги «Ўзбекистон Республикаси Вазирлар Маҳкамаси ҳузуридаги Миллатлараро муносабатлар ва хорижий мамлакатлар билан дўстлик алоқалари қўмитаси фаолиятини ташкил этиш тўғрисида»ги ПҚ-2993-сон қарори қуйидаги мазмундаги 2 1 -банд билан тўлдирилсин:
«2 1 . Белгилаб қўйилсинки:
Қўмита бошқарув ходимларига ягона тариф сеткаси бўйича меҳнатга ҳақ тўлаш разрядларига кўра тариф коэффициентлари ва базавий лавозим маошлари 2 баравар миқдорда қўлланилади;
Қўмита ходимлари ойлик маошининг 50 фоизи миқдорида Қўмита ходимларининг моддий рағбатлантириш махсус жамғармаси шакллантирилади;
Қўмита бошқарув ходимлари учун аввалги иш жойида ҳарбий ва махсус унвонлар (мартаба даражалари, малака тоифалари, дипломатик даражалар ва бошқалар) учун берилган устамалар ва қўшимча тўловлар сақлаб қолинади;
Қўмитада ишланган давр ҳарбий ва махсус унвонларни (мартаба даражалари, малака тоифалари, дипломатик даражалар ва бошқаларни) олиш учун зарур бўлган иш стажига қўшилади;
Қўмита бошқарув ходимларининг лавозим маошига рағбатлантириш коэффициенти ҳисобга олинган ҳолда, давлат органларидаги кўп йиллик меҳнати учун 2 йилдан 5 йилгача — 0,1; 5 йилдан 10 йилгача — 0,2; 10 йилдан 15 йилгача — 0,3; 15 йилдан 20 йилгача — 0,4; 20 йилдан ортиқ — 0,5 коэффициентларда ҳар ойлик устамалар тўланади;
Қўмита бошқарув ходимларининг лавозим маошига фан номзоди ёки фалсафа доктори (PhD) ёхуд хорижий мамлакатларда уларга тенглаштирилган бошқа илмий даражага эга шахслар учун — лавозим маошининг 30 фоизигача, фан доктори (Doctor of Science) ёки хорижий мамлакатларда унга тенглаштирилган илмий даражага эга шахслар учун — лавозим маошининг 60 фоизигача ҳар ойлик қўшимча ҳақ тўланади.».
3. Ўзбекистон Республикаси Президентининг 2018 йил 16 апрелдаги «Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита фаолиятини такомиллаштириш чора-тадбирлари тўғрисида»ги ПҚ-3668-сон қарори 5-банди ўз кучини йўқотган деб ҳисоблансин.
4. Ўзбекистон Республикаси Президентининг 2019 йил 4 сентябрдаги «Диний-маърифий соҳа фаолиятини такомиллаштириш бўйича қўшимча чора-тадбирлар тўғрисида»ги ПҚ-4436-сон қарорининг 4-банди ва унга илова ўз кучини йўқотган деб ҳисоблансин.
5. Ўзбекистон Республикаси Президентининг 2020 йил 11 августдаги «Имом Мотуридий халқаро илмий-тадқиқот марказини ташкил этиш чора-тадбирлари тўғрисида»ги ПҚ-4802-сон қарори 12-банди «Марказ» сўзидан кейин «раҳбарияти,» сўзи билан тўлдирилсин.
6. Вазирлар Маҳкамасининг 2020 йил 6 ноябрдаги «Ўзбекистон халқаро ислом академияси ҳузуридаги Имом Мотуридий халқаро илмий-тадқиқот маркази фаолиятини ташкил этиш чора-тадбирлари тўғрисида»ги 693-сон қарори 8-банди «Марказ» сўзидан кейин «раҳбарияти ва» сўзлари билан тўлдирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 21 апрель,
ПФ-6212-сон
Oʻzbekiston Respublikasi Prezidentining
Farmoni
Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga oʻzgartirish va qoʻshimchalar kiritish toʻgʻrisida
Diniy-maʼrifiy va millatlararo munosabatlar sohalari xodimlarining moddiy taʼminotini yaxshilash va ijtimoiy muhofazasini yanada kuchaytirish maqsadida:
1. Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga ilovaga muvofiq oʻzgartirish va qoʻshimchalar kiritilsin.
2. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.
Oʻzbekiston Respublikasi Prezidentining 2021-yil 21-apreldagi PF-6212-son Farmoniga ILOVA
Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2018-yil 16-apreldagi “Diniy-maʼrifiy soha faoliyatini tubdan takomillashtirish chora-tadbirlari toʻgʻrisida”gi PF-5416-son Farmonida :
a) 4-bandning uchinchi xatboshisi quyidagi tahrirda bayon etilsin:
“Oʻzbekiston Respublikasi Vazirlar Mahkamasi huzuridagi Din ishlari boʻyicha qoʻmita muassisligidagi Qurʼon ilmlari, hadis, islom huquqi, aqida, tasavvuf, islom iqtisodiyoti va moliyasi, xalqaro munosabatlar, xorijiy tillar (arab, fors, ingliz, rus, urdu, turk va b.) va boshqa xalqaro miqyosda ehtiyoj mavjud boʻlgan sohalar boʻyicha malakali kadrlarni tayyorlashga, oʻrta maxsus, oliy taʼlim, oliy taʼlimdan keyingi taʼlim, malaka oshirish bosqichlarida uzluksiz taʼlimning yaxlit tizimini tashkil etishga va ilmiy merosni chuqur tadqiq qilish va asrab-avaylashga ixtisoslashgan yetakchi davlat taʼlim va ilmiy-tadqiqot muassasasi hisoblanadi;”;
b) 11-band quyidagi tahrirda bayon etilsin:
“11. Belgilansinki, Oʻzbekiston Respublikasi Vazirlar Mahkamasi huzuridagi Din ishlari boʻyicha qoʻmita, Oʻzbekiston xalqaro islom akademiyasi, Oʻzbekistondagi Islom sivilizatsiyasi markazi, Imom Buxoriy xalqaro ilmiy-tadqiqot markazining rahbariyati, oʻqituvchi, ilmiy xodim va mutaxassislariga yagona tarif setkasi boʻyicha mehnatga haq toʻlash razryadlariga koʻra tarif koeffitsiyentlari va bazaviy lavozim maoshlari 3 baravar (Oʻzbekiston Respublikasi Vazirlar Mahkamasi huzuridagi Din ishlari boʻyicha qoʻmita raisiga, Markaz rahbariyati va xodimlariga — 4 baravar) miqdorda qoʻllaniladi.”.
2. Oʻzbekiston Respublikasi Prezidentining 2017-yil 23-maydagi “Oʻzbekiston Respublikasi Vazirlar Mahkamasi huzuridagi Millatlararo munosabatlar va xorijiy mamlakatlar bilan doʻstlik aloqalari qoʻmitasi faoliyatini tashkil etish toʻgʻrisida”gi PQ-2993-son qarori quyidagi mazmundagi 2 1 -band bilan toʻldirilsin:
“2 1 . Belgilab qoʻyilsinki:
Qoʻmita boshqaruv xodimlariga yagona tarif setkasi boʻyicha mehnatga haq toʻlash razryadlariga koʻra tarif koeffitsiyentlari va bazaviy lavozim maoshlari 2 baravar miqdorda qoʻllaniladi;
Qoʻmita xodimlari oylik maoshining 50 foizi miqdorida Qoʻmita xodimlarining moddiy ragʻbatlantirish maxsus jamgʻarmasi shakllantiriladi;
Qoʻmita boshqaruv xodimlari uchun avvalgi ish joyida harbiy va maxsus unvonlar (martaba darajalari, malaka toifalari, diplomatik darajalar va boshqalar) uchun berilgan ustamalar va qoʻshimcha toʻlovlar saqlab qolinadi;
Qoʻmitada ishlangan davr harbiy va maxsus unvonlarni (martaba darajalari, malaka toifalari, diplomatik darajalar va boshqalarni) olish uchun zarur boʻlgan ish stajiga qoʻshiladi;
Qoʻmita boshqaruv xodimlarining lavozim maoshiga ragʻbatlantirish koeffitsiyenti hisobga olingan holda, davlat organlaridagi koʻp yillik mehnati uchun 2 yildan 5 yilgacha — 0,1; 5 yildan 10 yilgacha — 0,2; 10 yildan 15 yilgacha — 0,3; 15 yildan 20 yilgacha — 0,4; 20 yildan ortiq — 0,5 koeffitsiyentlarda har oylik ustamalar toʻlanadi;
Qoʻmita boshqaruv xodimlarining lavozim maoshiga fan nomzodi yoki falsafa doktori (PhD) yoxud xorijiy mamlakatlarda ularga tenglashtirilgan boshqa ilmiy darajaga ega shaxslar uchun — lavozim maoshining 30 foizigacha, fan doktori (Doctor of Science) yoki xorijiy mamlakatlarda unga tenglashtirilgan ilmiy darajaga ega shaxslar uchun — lavozim maoshining 60 foizigacha har oylik qoʻshimcha haq toʻlanadi.”.
3. Oʻzbekiston Respublikasi Prezidentining 2018-yil 16-apreldagi “Oʻzbekiston Respublikasi Vazirlar Mahkamasi huzuridagi Din ishlari boʻyicha qoʻmita faoliyatini takomillashtirish chora-tadbirlari toʻgʻrisida”gi PQ-3668-son qarori 5-bandi oʻz kuchini yoʻqotgan deb hisoblansin.
4. Oʻzbekiston Respublikasi Prezidentining 2019-yil 4-sentabrdagi “Diniy-maʼrifiy soha faoliyatini takomillashtirish boʻyicha qoʻshimcha chora-tadbirlar toʻgʻrisida”gi PQ-4436-son qarorining 4-bandi va unga ilova oʻz kuchini yoʻqotgan deb hisoblansin.
5. Oʻzbekiston Respublikasi Prezidentining 2020-yil 11-avgustdagi “Imom Moturidiy xalqaro ilmiy-tadqiqot markazini tashkil etish chora-tadbirlari toʻgʻrisida”gi PQ-4802-son qarori 12-bandi “Markaz” soʻzidan keyin “rahbariyati,” soʻzi bilan toʻldirilsin.
6. Vazirlar Mahkamasining 2020-yil 6-noyabrdagi “Oʻzbekiston xalqaro islom akademiyasi huzuridagi Imom Moturidiy xalqaro ilmiy-tadqiqot markazi faoliyatini tashkil etish chora-tadbirlari toʻgʻrisida”gi 693-son qarori 8-bandi “Markaz” soʻzidan keyin “rahbariyati va” soʻzlari bilan toʻldirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 21-aprel,
PF-6212-son
Президента Республики Узбекистан
Указ
О внесении изменений и дополнений в некоторые акты Президента Республики Узбекистан и Правительства Республики Узбекистан
В целях улучшения материального обеспечения и дальнейшего усиления социальной защиты работников религиозно-просветительской сферы и сферы межнациональных отношений:
1. Внести изменения и дополнения в некоторые акты Президента Республики Узбекистан и Правительства Республики Узбекистан согласно приложению .
2. Контроль за исполнением настоящего Указа возложить на Премьер-министра Республики Узбекистан А.Н. Арипова и руководителя Администрации Президента Республики Узбекистан З.Ш. Низомиддинова.
ПРИЛОЖЕНИЕ к Указу Президента Республики Узбекистан от 21 апреля 2021 года № УП-6212
Изменения и дополнения, вносимые в некоторые акты Президента Республики Узбекистан и Правительства Республики Узбекистан
1. В Указе Президента Республики Узбекистан от 16 апреля 2018 года № УП-5416 «О мерах по коренному совершенствованию деятельности в религиозно-просветительской сфере»:
а) абзац третий пункта 4 изложить в следующей редакции:
«является ведущим государственным образовательным и научно-исследовательским учреждением Комитета по делам религий при Кабинете Министров Республики Узбекистан, специализирующимся на подготовке квалифицированных кадров по толкованию Корана, исламской экономике и финансам, исламскому праву, религиозным догмам, суфизму, хадисам, международным отношениям, иностранным языкам (арабский, иранский, английский, русский, урду, турецкий и другие), другим востребованным на международном уровне отраслям, по организации системы непрерывного среднего специального, высшего, послевузовского образования и повышения квалификации, глубокого изучения и сохранения научного наследия;»;
б) пункт 11 изложить в следующей редакции:
«11. Установить, что руководству, преподавателям, научным сотрудникам и специалистам Комитета по делам религий при Кабинете Министров Республики Узбекистан, Международной исламской академии Узбекистана, Центра исламской цивилизации в Узбекистане, Международного научно-исследовательского центра Имама Бухари применяется в 3-кратном размере (председателю Комитета по делам религий при Кабинете Министров Республики Узбекистан, руководству и работникам Центра — в 4-кратном размере) тарифный коэффициент и базовый должностной оклад в соответствии с разрядами по оплате труда по Единой тарифной сетке.».
2. Постановление Президента Республики Узбекистан от 23 мая 2017 года № ПП-2993 «Об организации деятельности Комитета по межнациональным отношениям и дружественным связям с зарубежными странами при Кабинете Министров Республики Узбекистан» дополнить пунктом 2 1 следующего содержания:
«2 1 . Установить, что:
к управленческому персоналу Комитета тарифные коэффициенты и базовые должностные оклады по разрядам оплаты труда по Единой тарифной сетке применяются в двукратном размере;
специальный фонд материального стимулирования работников Комитета формируется в размере 50 процентов месячной заработной платы работников Комитета;
за управленческим персоналом Комитета сохраняются надбавки и доплаты за воинские и специальные звания (классные чины, квалификационные категории, дипломатические ранги и другие), присвоенные по прежнему месту работы;
период работы в Комитете включается в стаж работы, необходимый для получения воинских и специальных званий (классных чинов, квалификационных категорий, дипломатических рангов и других);
управленческому персоналу Комитета выплачивается ежемесячная надбавка за выслугу лет в государственных органах в коэффициентах к должностному окладу с учетом коэффициента стимулирования: от 2 до 5 лет — 0,1; от 5 до 10 лет — 0,2; от 10 до 15 лет — 0,3; от 15 до 20 лет — 0,4; свыше 20 лет — 0,5;
к должностному окладу управленческого персонала Комитета выплачивается ежемесячная доплата в размере 30 процентов — лицам, имеющим ученую степень кандидата наук либо доктора философии (PhD) или приравненные к ним другие ученые степени зарубежных государств, в размере 60 процентов — лицам, имеющим ученую степень доктора наук (Doctor of Science) или приравненную к ней иную ученую степень зарубежных государств.».
3. Пункт 5 постановления Президента Республики Узбекистан от 16 апреля 2018 года № ПП-3668 «О мерах по совершенствованию деятельности Комитета по делам религий при Кабинете Министров Республики Узбекистан» признать утратившим силу.
4. Пункт 4 постановления Президента Республики Узбекистан от 4 сентября 2019 года № ПП-4436 «О дополнительных мерах по совершенствованию деятельности религиозно-просветительской сферы» и приложение к нему признать утратившими силу.
5. Пункт 12 постановления Президента Республики Узбекистан от 11 августа 2020 года № ПП-4802 «О мерах по образованию Международного научно-исследовательского центра Имама Матуриди» после слов «Распространить на» дополнить словами «руководство,».
6. Пункт 8 текста на узбекском языке постановления Кабинета Министров от 6 ноября 2020 года № 693 «О мерах по организации деятельности Международного научно-исследовательского центра Имама Матуриди при Международной исламской академии Узбекистана» после слова «Марказ» дополнить словами «раҳбарияти ва».
Президент Республики Узбекистан Ш. МИРЗИЁЕВ
г. Ташкент,
21 апреля 2021 г.,
№ УП-6212