📅 2021-yil 20-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 20 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 20 апреля 2021 г. · Постановления Президента
Официальный текст. Официальный документ. Редакционные примечания не включены.
📅 20 April 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Халқаро шартномаларни тасдиқлаш тўғрисида
«Ўзбекистон Республикасининг халқаро шартномалари тўғрисида»ги Ўзбекистон Республикаси Қонунининг 22-моддасига мувофиқ:
1. 2020 йил 24 ноябрь куни Тошкент шаҳрида имзоланган қуйидаги халқаро шартномалар:
2012 йил 5 сентябрь куни имзоланган Ўзбекистон Республикаси Ҳукумати билан Буюк Британия ва Шимолий Ирландия Бирлашган Қироллиги Ҳукумати ўртасида Буюк Британиянинг Афғонистон Ислом Республикаси хавфсизлигини таъминлаш, уни барқарорлаштириш ва қайта тиклаш бўйича саъй-ҳаракатлардаги иштироки муносабати билан Афғонистон Ислом Республикасидан Ўзбекистон Республикаси ҳудуди орқали олиб кетиладиган юкларнинг қуруқликдаги транзитини «Ўзбекистон темир йўллари» давлат акциядорлик темир йўл компаниясини мажбурий тартибда жалб қилган ҳолда амалга ошириш тўғрисидаги Битимга ўзгартириш ва қўшимчалар киритиш ҳақидаги Баённома;
2012 йил 5 сентябрь куни имзоланган Ўзбекистон Республикаси Ҳукумати билан Буюк Британия ва Шимолий Ирландия Бирлашган Қироллиги Ҳукумати ўртасида Буюк Британиянинг Афғонистон Ислом Республикаси хавфсизлигини таъминлаш, уни барқарорлаштириш ва қайта тиклаш бўйича саъй-ҳаракатлардаги иштироки муносабати билан моторли зирҳланган (қурол-аслаҳа билан жиҳозланмаган) транспорт воситаларининг Афғонистон Ислом Республикасидан Ўзбекистон Республикаси ҳудуди орқали транзитини амалга ошириш тартиби тўғрисидаги Битимга ўзгартириш ва қўшимчалар киритиш ҳақидаги Баённома тасдиқлансин.
2. Ўзбекистон Республикаси Мудофаа вазирлиги мазкур халқаро шартномаларни амалга ошириш юзасидан масъул ваколатли орган этиб белгилансин.
3. Ўзбекистон Республикаси Ташқи ишлар вазирлиги мазкур халқаро шартномаларнинг кучга кириши учун Ўзбекистон Республикаси томонидан зарур давлат ички тартиб-таомиллари бажарилганлиги тўғрисида тегишли билдиришнома йўлласин.
4. Ўзбекистон Республикаси Вазирлар Маҳкамаси тегишли вазирликлар ва идоралар томонидан ушбу халқаро шартномалар кучга кирганидан кейин уларнинг қоидалари бажарилиши устидан белгиланган тартибда назоратни таъминласин.
5. Мазкур қарорнинг ижросини назорат қилиш Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 20 апрель,
ПҚ-5080-сон
Oʻzbekiston Respublikasi Prezidentining
Qarori
Xalqaro shartnomalarni tasdiqlash toʻgʻrisida
“Oʻzbekiston Respublikasining xalqaro shartnomalari toʻgʻrisida”gi Oʻzbekiston Respublikasi Qonunining 22-moddasiga muvofiq:
1. 2020-yil 24-noyabr kuni Toshkent shahrida imzolangan quyidagi xalqaro shartnomalar:
2012-yil 5-sentabr kuni imzolangan Oʻzbekiston Respublikasi Hukumati bilan Buyuk Britaniya va Shimoliy Irlandiya Birlashgan Qirolligi Hukumati oʻrtasida Buyuk Britaniyaning Afgʻoniston Islom Respublikasi xavfsizligini taʼminlash, uni barqarorlashtirish va qayta tiklash boʻyicha saʼy-harakatlardagi ishtiroki munosabati bilan Afgʻoniston Islom Respublikasidan Oʻzbekiston Respublikasi hududi orqali olib ketiladigan yuklarning quruqlikdagi tranzitini “Oʻzbekiston temir yoʻllari” davlat aksiyadorlik temir yoʻl kompaniyasini majburiy tartibda jalb qilgan holda amalga oshirish toʻgʻrisidagi Bitimga oʻzgartirish va qoʻshimchalar kiritish haqidagi Bayonnoma;
2012-yil 5-sentabr kuni imzolangan Oʻzbekiston Respublikasi Hukumati bilan Buyuk Britaniya va Shimoliy Irlandiya Birlashgan Qirolligi Hukumati oʻrtasida Buyuk Britaniyaning Afgʻoniston Islom Respublikasi xavfsizligini taʼminlash, uni barqarorlashtirish va qayta tiklash boʻyicha saʼy-harakatlardagi ishtiroki munosabati bilan motorli zirhlangan (qurol-aslaha bilan jihozlanmagan) transport vositalarining Afgʻoniston Islom Respublikasidan Oʻzbekiston Respublikasi hududi orqali tranzitini amalga oshirish tartibi toʻgʻrisidagi Bitimga oʻzgartirish va qoʻshimchalar kiritish haqidagi Bayonnoma tasdiqlansin.
2. Oʻzbekiston Respublikasi Mudofaa vazirligi mazkur xalqaro shartnomalarni amalga oshirish yuzasidan masʼul vakolatli organ etib belgilansin.
3. Oʻzbekiston Respublikasi Tashqi ishlar vazirligi mazkur xalqaro shartnomalarning kuchga kirishi uchun Oʻzbekiston Respublikasi tomonidan zarur davlat ichki tartib-taomillari bajarilganligi toʻgʻrisida tegishli bildirishnoma yoʻllasin.
4. Oʻzbekiston Respublikasi Vazirlar Mahkamasi tegishli vazirliklar va idoralar tomonidan ushbu xalqaro shartnomalar kuchga kirganidan keyin ularning qoidalari bajarilishi ustidan belgilangan tartibda nazoratni taʼminlasin.
5. Mazkur qarorning ijrosini nazorat qilish Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 20-aprel,
PQ-5080-son
Президента Республики Узбекистан
Постановление
Об утверждении международных договоров
В соответствии со статьей 22 Закона Республики Узбекистан «О международных договорах Республики Узбекистан»:
1. Утвердить следующие международные договоры, подписанные 24 ноября 2020 года в городе Ташкенте:
Протокол о внесении изменений и дополнений в Соглашение между Правительством Республики Узбекистан и Правительством Соединенного Королевства Великобритании и Северной Ирландии о порядке осуществления транзита груза, вывозимого наземным путем из Исламской Республики Афганистан через территорию Республики Узбекистан в связи с участием Великобритании в усилиях по обеспечению безопасности, стабилизации и восстановлению Исламской Республики Афганистан, с обязательным привлечением Государственной акционерной железнодорожной компании «Узбекистон темир йуллари» от 5 сентября 2012 года;
Протокол о внесении изменений и дополнений в Соглашение между Правительством Республики Узбекистан и Правительством Соединенного Королевства Великобритании и Северной Ирландии о порядке осуществления транзита через территорию Республики Узбекистан моторизированных бронированных транспортных средств (не оснащенных вооружением), вывозимых из Исламской Республики Афганистан, в связи с участием Великобритании в усилиях по обеспечению безопасности, стабилизации и восстановлению Исламской Республики Афганистан от 5 сентября 2012 года.
2. Определить Министерство обороны Республики Узбекистан компетентным органом, ответственным за реализацию вышеуказанных международных договоров.
3. Министерству иностранных дел Республики Узбекистан направить соответствующее уведомление о выполнении Республикой Узбекистан внутригосударственных процедур, необходимых для вступления в силу указанных международных договоров.
4. Кабинету Министров Республики Узбекистан после вступления в силу указанных международных договоров обеспечить в установленном порядке контроль за выполнением их положений соответствующими министерствами и ведомствами.
5. Контроль за исполнением настоящего постановления возложить на секретаря Совета безопасности при Президенте Республики Узбекистан В.В. Махмудова.
Президент Республики Узбекистан Ш. МИРЗИЁЕВ
г. Ташкент,
20 апреля 2021 г.,
№ ПП-5080