📅 2021-yil 21-aprel · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 21 апрель · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 21 апреля 2021 г. · Постановления Кабинета Министров
Официальный текст. Официальный документ. Редакционные примечания не включены.
📅 21 April 2021 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ПАРАМЕТРЛАРИ
«Янги 500 кВ кучланишли «Ҳалқа» нимстанцияси ҳамда 220 кВ ва 500 кВ кучланишли ҳаво электр узатиш тармоқларини қуриш» инвестиция лойиҳасини амалга ошириш чора-тадбирлари тўғрисида
Хорижий инвестицияларни жалб қилиш орқали энергетика соҳасини янада ривожлантириш ҳисобига электр энергиясини узатиш қувватларини кенгайтириш, энергетика тизимининг ишончлилигини ва хавфсизлигини ошириш, шунингдек, истеъмолчиларни барқарор электр энергияси билан таъминлаш мақсадида Вазирлар Маҳкамаси қарор қилади:
1. Қуйидагилар:
а) Ўзбекистон Республикаси Президентининг «Тошкент шаҳри ва Тошкент вилоятида электр энергияси таъминоти барқарорлигини янада ошириш чора-тадбирлари тўғрисида» 2020 йил 29 июлдаги ПҚ-4791-сон қарорига мувофиқ «Янги 500 кВ кучланишли «Ҳалқа» нимстанцияси ҳамда 220 кВ ва 500 кВ кучланишли ҳаво электр узатиш тармоқларини қуриш» инвестиция лойиҳасини (кейинги ўринларда — инвестиция лойиҳаси) молиялаштириш мақсадида Жаҳон банки билан кредит шартномасини тузиш белгиланганлиги;
б) «Ўзбекистон миллий электр тармоқлари» АЖ томонидан Жаҳон банкининг энергетика лойиҳалари бўйича миссияси билан ўтказилган музокаралар натижасида эришилган келишувлар доирасида:
2021 йилнинг I чорагида «Ўзбекистон миллий электр тармоқлари» АЖ лойиҳанинг техник-иқтисодий асосланувини (кейинги ўринларда — ТИА) ишлаб чиқилишини якунлаши, Энергетика вазирлиги ва Молия вазирлиги ТИАни келишиш жараёнларини жадаллаштириши;
2021 йилнинг I ярмида лойиҳани молиялаштириш масаласи «Электр энергиясини узатиш тизимини модернизация қилиш ва бозорини ривожлантириш» лойиҳасининг компоненти сифатида Жаҳон банкининг Директорлар кенгашида кўриб чиқилиши;
в) Ўзбекистон Республикаси Президентининг «Халқаро молия институтлари ва хорижий ҳукумат молия ташкилотлари иштирокидаги лойиҳаларни тайёрлаш ва амалга ошириш самарадорлигини ошириш чора-тадбирлари тўғрисида» 2018 йил 16 июлдаги ПҚ-3857-сон қарорига мувофиқ халқаро молия институтлари ва хорижий ҳукумат молия ташкилотлари иштирокидаги инвестиция лойиҳаларини амалга ошириш доирасида солиқ ва божхона имтиёзлари тақдим қилиниши белгиланганлиги маълумот учун қабул қилинсин.
2. «Янги 500 кВ кучланишли «Ҳалқа» нимстанцияси ҳамда 220 кВ ва 500 кВ кучланишли ҳаво электр узатиш тармоқларини қуриш» инвестиция лойиҳасининг асосий техник-иқтисодий параметрлари иловага мувофиқ тасдиқлансин.
3. Ўзбекистон Республикаси Инвестициялар ва ташқи савдо вазирлиги Молия вазирлиги ва «Ўзбекистон миллий электр тармоқлари» АЖ билан биргаликда инвестиция лойиҳаси доирасида ускуналар, жиҳозлар ва қурилмалар ўз вақтида ишлаб чиқарилиши ва етказиб берилишини таъминлаш мақсадида қисқа муддатда лойиҳани молиялаштириш юзасидан Жаҳон банки билан кредит (қарз) битими тузилишини таъминласин.
Ўзбекистон Республикаси молия вазирига Жаҳон банки кредитидан фойдаланиш ва уни ўз вақтида қайтариш бўйича Ўзбекистон Республикаси ва «Ўзбекистон миллий электр тармоқлари» АЖ ўртасида тузиладиган қайта кредитлаш тўғрисидаги битимни Ўзбекистон Республикаси номидан белгиланган тартибда имзолаш ваколати берилсин.
4. Белгилаб қўйилсинки:
а) истисно тариқасида инвестиция лойиҳасининг қийматини мақбуллаштириш мақсадида электр энергиясини узатиш тармоғи қурилиши учун ер майдонлари ажратилиши билан боғлиқ қишлоқ хўжалиги ва ўрмон хўжалиги ишлаб чиқариши нобудгарчиликлари ундирилмайди;
инвестиция лойиҳаси доирасида электр энергетика объектларини қуришда ер участкалари мулкдорлари, эгалари, фойдаланувчилари ва ижарачиларининг кўрган зарарлари, бой берилган фойда, харажатлари ҳамда уларни баҳолаш харажатлари «Ўзбекистон миллий электр тармоқлари» АЖ маблағлари ҳисобидан қопланади;
б) инвестиция лойиҳасининг дастлабки умумий қиймати 171,36 млн АҚШ долларига тенг бўлиб, шу жумладан:
3,97 млн АҚШ доллари — «Ўзбекистон миллий электр тармоқлари» АЖнинг ўз маблағлари;
140,26 млн АҚШ доллари — Жаҳон банкининг кредити;
27,13 млн АҚШ доллари — Ўзбекистон Республикасининг солиқ ва божхона имтиёзлари сифатидаги улуши;
в) «Ўзбекистон миллий электр тармоқлари» АЖ инвестиция лойиҳасини ўз вақтида ва сифатли амалга ошириш, Жаҳон банки қарзидан мақсадли ва самарали фойдаланиш, қарзлар ва фоизларни ўз вақтида қайтариш учун масъул ва ташаббускор ҳисобланади.
5. Мазкур қарорнинг бажарилишини назорат қилиш Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари — иқтисодий тараққиёт ва камбағалликни қисқартириш вазири Ж.А. Қўчқоров ҳамда Ўзбекистон Республикаси энергетика вазири А.С. Султанов зиммасига юклансин.
Вазирлар Маҳкамасининг 2021 йил 21 апрелдаги 227-сон қарорига ИЛОВА
«Янги 500 кВ кучланишли «Ҳалқа» нимстанцияси ҳамда 220 кВ ва 500 кВ кучланишли ҳаво электр узатиш тармоқларини қуриш» лойиҳасининг асосий техник-иқтисодий
Т/р Кўрсаткичнинг номланиши Ўлчов бирлиги Жами * Шу жумладан: «Ўзбекистон миллий электр тармоқлари» АЖнинг ўз маблағлари Жаҳон банки қарзи Ўзбекистон Республикаси улуши *** 1. Лойиҳанинг умумий қиймати минг АҚШ долл. экв . 171,36 3,97 140,25 27,13 2. Жами капитал қўйилмалар қиймати * Шу жумладан: минг АҚШ долл. экв . 171,36 3,97 140,25 27,13 2.1. машина ва ускуналар: чет эл валютасида миллий валютада минг АҚШ долл. экв . 69,16 55,33 13,83 - - - 69,16 55,33 13,83 - - - 2.2. қурилиш-монтаж ишлари: чет эл валютасида миллий валютада минг АҚШ долл. экв . 57,05 - 57,05 - - - 57,05 - 57,05 - - - 2.3. инвестиция давридаги молиявий харажатлар: ** чет эл валютасида миллий валютада минг АҚШ долл. экв . 3,97 3,97 - 3,97 3,97 - - - - - - - 2.4. бошқа харажатлар: чет эл валютасида миллий валютада минг АҚШ долл. экв . 14,05 1,39 12,66 - - - 14,05 1,39 12,66 - - - 2.5. Солиқ ва божхона имтиёзлари чет эл валютасида миллий валютада минг АҚШ долл. экв . 27,13 - 27,13 - - - - - - 27,13 - 27,13 3. Лойиҳа қуввати 1 602 MВт (ҳар бирининг қуввати 801 МВт (2х3х267 МВт) бўлган иккита автотрансформатор) 4. Йиллик узатиладиган электр энергияси 4 500 000 МВт * соат
Ўзбекистон Республикасининг Бош вазири А. АРИПОВ
Тошкент ш.,
2021 йил 21 апрель,
227-сон
Oʻzbekiston Respublikasi Vazirlar Mahkamasining
qarori
PARAMETRLARI
“Yangi 500 kV kuchlanishli “Halqa” nimstansiyasi hamda 220 kV va 500 kV kuchlanishli havo elektr uzatish tarmoqlarini qurish” investitsiya loyihasini amalga oshirish chora-tadbirlari toʻgʻrisida
Xorijiy investitsiyalarni jalb qilish orqali energetika sohasini yanada rivojlantirish hisobiga elektr energiyasini uzatish quvvatlarini kengaytirish, energetika tizimining ishonchliligini va xavfsizligini oshirish, shuningdek, isteʼmolchilarni barqaror elektr energiyasi bilan taʼminlash maqsadida Vazirlar Mahkamasi qaror qiladi:
1. Quyidagilar:
a) Oʻzbekiston Respublikasi Prezidentining “Toshkent shahri va Toshkent viloyatida elektr energiyasi taʼminoti barqarorligini yanada oshirish chora-tadbirlari toʻgʻrisida” 2020-yil 29-iyuldagi PQ-4791-son qaroriga muvofiq “Yangi 500 kV kuchlanishli “Halqa” nimstansiyasi hamda 220 kV va 500 kV kuchlanishli havo elektr uzatish tarmoqlarini qurish” investitsiya loyihasini (keyingi oʻrinlarda — investitsiya loyihasi) moliyalashtirish maqsadida Jahon banki bilan kredit shartnomasini tuzish belgilanganligi;
b) “Oʻzbekiston milliy elektr tarmoqlari” AJ tomonidan Jahon bankining energetika loyihalari boʻyicha missiyasi bilan oʻtkazilgan muzokaralar natijasida erishilgan kelishuvlar doirasida:
2021-yilning I choragida “Oʻzbekiston milliy elektr tarmoqlari” AJ loyihaning texnik-iqtisodiy asoslanuvini (keyingi oʻrinlarda — TIA) ishlab chiqilishini yakunlashi, Energetika vazirligi va Moliya vazirligi TIAni kelishish jarayonlarini jadallashtirishi;
2021-yilning I yarmida loyihani moliyalashtirish masalasi “Elektr energiyasini uzatish tizimini modernizatsiya qilish va bozorini rivojlantirish” loyihasining komponenti sifatida Jahon bankining Direktorlar kengashida koʻrib chiqilishi;
v) Oʻzbekiston Respublikasi Prezidentining “Xalqaro moliya institutlari va xorijiy hukumat moliya tashkilotlari ishtirokidagi loyihalarni tayyorlash va amalga oshirish samaradorligini oshirish chora-tadbirlari toʻgʻrisida” 2018-yil 16-iyuldagi PQ-3857-son qaroriga muvofiq xalqaro moliya institutlari va xorijiy hukumat moliya tashkilotlari ishtirokidagi investitsiya loyihalarini amalga oshirish doirasida soliq va bojxona imtiyozlari taqdim qilinishi belgilanganligi maʼlumot uchun qabul qilinsin.
2. “Yangi 500 kV kuchlanishli “Halqa” nimstansiyasi hamda 220 kV va 500 kV kuchlanishli havo elektr uzatish tarmoqlarini qurish” investitsiya loyihasining asosiy texnik-iqtisodiy parametrlari ilovaga muvofiq tasdiqlansin.
3. Oʻzbekiston Respublikasi Investitsiyalar va tashqi savdo vazirligi Moliya vazirligi va “Oʻzbekiston milliy elektr tarmoqlari” AJ bilan birgalikda investitsiya loyihasi doirasida uskunalar, jihozlar va qurilmalar oʻz vaqtida ishlab chiqarilishi va yetkazib berilishini taʼminlash maqsadida qisqa muddatda loyihani moliyalashtirish yuzasidan Jahon banki bilan kredit (qarz) bitimi tuzilishini taʼminlasin.
Oʻzbekiston Respublikasi moliya vaziriga Jahon banki kreditidan foydalanish va uni oʻz vaqtida qaytarish boʻyicha Oʻzbekiston Respublikasi va “Oʻzbekiston milliy elektr tarmoqlari” AJ oʻrtasida tuziladigan qayta kreditlash toʻgʻrisidagi bitimni Oʻzbekiston Respublikasi nomidan belgilangan tartibda imzolash vakolati berilsin.
4. Belgilab qoʻyilsinki:
a) istisno tariqasida investitsiya loyihasining qiymatini maqbullashtirish maqsadida elektr energiyasini uzatish tarmogʻi qurilishi uchun yer maydonlari ajratilishi bilan bogʻliq qishloq xoʻjaligi va oʻrmon xoʻjaligi ishlab chiqarishi nobudgarchiliklari undirilmaydi;
investitsiya loyihasi doirasida elektr energetika obyektlarini qurishda yer uchastkalari mulkdorlari, egalari, foydalanuvchilari va ijarachilarining koʻrgan zararlari, boy berilgan foyda, xarajatlari hamda ularni baholash xarajatlari “Oʻzbekiston milliy elektr tarmoqlari” AJ mablagʻlari hisobidan qoplanadi;
b) investitsiya loyihasining dastlabki umumiy qiymati 171,36 mln AQSh dollariga teng boʻlib, shu jumladan:
3,97 mln AQSh dollari — “Oʻzbekiston milliy elektr tarmoqlari” AJning oʻz mablagʻlari;
140,26 mln AQSh dollari — Jahon bankining krediti;
27,13 mln AQSh dollari — Oʻzbekiston Respublikasining soliq va bojxona imtiyozlari sifatidagi ulushi;
v) “Oʻzbekiston milliy elektr tarmoqlari” AJ investitsiya loyihasini oʻz vaqtida va sifatli amalga oshirish, Jahon banki qarzidan maqsadli va samarali foydalanish, qarzlar va foizlarni oʻz vaqtida qaytarish uchun masʼul va tashabbuskor hisoblanadi.
5. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov hamda Oʻzbekiston Respublikasi energetika vaziri A.S. Sultanov zimmasiga yuklansin.
Vazirlar Mahkamasining 2021-yil 21-apreldagi 227-son qaroriga ILOVA
“Yangi 500 kV kuchlanishli “Halqa” nimstansiyasi hamda 220 kV va 500 kV kuchlanishli havo elektr uzatish tarmoqlarini qurish” loyihasining asosiy texnik-iqtisodiy
T/r Koʻrsatkichning nomlanishi Oʻlchov birligi Jami * Shu jumladan: “Oʻzbekiston milliy elektr tarmoqlari” AJning oʻz mablagʻlari Jahon banki qarzi Oʻzbekiston Respublikasi ulushi *** 1. Loyihaning umumiy qiymati ming AQSh doll. ekv . 171,36 3,97 140,25 27,13 2. Jami kapital qoʻyilmalar qiymati * Shu jumladan: ming AQSh doll. ekv . 171,36 3,97 140,25 27,13 2.1. mashina va uskunalar: chet el valyutasida milliy valyutada ming AQSh doll. ekv . 69,16 55,33 13,83 - - - 69,16 55,33 13,83 - - - 2.2. qurilish-montaj ishlari: chet el valyutasida milliy valyutada ming AQSh doll. ekv . 57,05 - 57,05 - - - 57,05 - 57,05 - - - 2.3. investitsiya davridagi moliyaviy xarajatlar: ** chet el valyutasida milliy valyutada ming AQSh doll. ekv . 3,97 3,97 - 3,97 3,97 - - - - - - - 2.4. boshqa xarajatlar: chet el valyutasida milliy valyutada ming AQSh doll. ekv . 14,05 1,39 12,66 - - - 14,05 1,39 12,66 - - - 2.5. Soliq va bojxona imtiyozlari chet el valyutasida milliy valyutada ming AQSh doll. ekv . 27,13 - 27,13 - - - - - - 27,13 - 27,13 3. Loyiha quvvati 1 602 MVt (har birining quvvati 801 MVt (2x3x267 MVt) boʻlgan ikkita avtotransformator) 4. Yillik uzatiladigan elektr energiyasi 4 500 000 MVt * soat
Oʻzbekiston Respublikasining Bosh vaziri A. ARIPOV
Toshkent sh.,
2021-yil 21-aprel,
227-son