📅 2021-yil 21-aprel · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 21 апрель · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 21 апреля 2021 г. · Постановления Кабинета Министров
Официальный текст. Официальный документ. Редакционные примечания не включены.
📅 21 April 2021 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Халқаро бахшичилик санъати фестивалини ўтказиш тартиби тўғрисидаги низомга ўзгартиришлар киритиш ҳақида
Бахшичилик санъатини республика ва халқаро миқёсида кенг тарғиб этиш, Халқаро бахшичилик санъати фестивалини республиканинг бошқа ҳудудларида ташкил этишга имконият яратиш, Қорақалпоғистон Республикаси, Хоразм, Самарқанд, Қашқадарё ва Сурхондарё вилоятларида мавжуд ўзига хос ижро услублари асосида ижодий мактабларни «устоз-шогирд» анъаналари асосида қайта тиклаш ва ривожлантириш мақсадида Вазирлар Маҳкамаси қарор қилади:
1. Вазирлар Маҳкамасининг 2018 йил 22 ноябрдаги 946-сон қарори билан тасдиқланган Халқаро бахшичилик санъати фестивалини ўтказиш тартиби тўғрисидаги низомга иловага мувофиқ ўзгартиришлар киритилсин.
2. Ўзбекистон Республикаси Маданият вазирлиги манфаатдор вазирликлар ва идоралар билан биргаликда бир ой муддатда ўзлари қабул қилган норматив-ҳуқуқий ҳужжатларни ушбу қарорга мувофиқлаштирсин.
3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — Ўзбекистон Республикаси туризм ва спорт вазири А.А. Абдухакимов ва Ўзбекистон Республикаси маданият вазири О.А. Назарбеков зиммасига юклансин.
Вазирлар Маҳкамасининг 2021 йил 21 апрелдаги 228-сон қарорига ИЛОВА
Халқаро бахшичилик санъати фестивалини ўтказиш тартиби тўғрисидаги низомга киритилаётган ўзгартиришлар
1. 3-банд қуйидаги таҳрирда баён этилсин:
«3. Фестиваль ҳар икки йилда бир марта Ташкилий қўмита томонидан Ўзбекистон Республикаси Президенти Администрацияси билан келишган ҳолда белгиланган ҳудудда ва муддатда ўтказилади».
2. 5-банднинг еттинчи хатбошисидаги «Сурхондарё санъат саройи» давлат муассасасида» сўзлари чиқариб ташлансин.
3. 12-банднинг учинчи хатбошисидаги «Сурхондарё вилояти» сўзлари «Фестиваль ўтказилиши белгиланган ҳудуднинг» сўзлари билан алмаштирилсин.
Ўзбекистон Республикасининг Бош вазири А. АРИПОВ
Тошкент ш.,
2021 йил 21 апрель,
228-сон
Oʻzbekiston Respublikasi Vazirlar Mahkamasining
qarori
Xalqaro baxshichilik sanʼati festivalini oʻtkazish tartibi toʻgʻrisidagi nizomga oʻzgartirishlar kiritish haqida
Baxshichilik sanʼatini respublika va xalqaro miqyosida keng targʻib etish, Xalqaro baxshichilik sanʼati festivalini respublikaning boshqa hududlarida tashkil etishga imkoniyat yaratish, Qoraqalpogʻiston Respublikasi, Xorazm, Samarqand, Qashqadaryo va Surxondaryo viloyatlarida mavjud oʻziga xos ijro uslublari asosida ijodiy maktablarni “ustoz-shogird” anʼanalari asosida qayta tiklash va rivojlantirish maqsadida Vazirlar Mahkamasi qaror qiladi:
1. Vazirlar Mahkamasining 2018-yil 22-noyabrdagi 946-son qarori bilan tasdiqlangan Xalqaro baxshichilik sanʼati festivalini oʻtkazish tartibi toʻgʻrisidagi nizomga ilovaga muvofiq oʻzgartirishlar kiritilsin.
2. Oʻzbekiston Respublikasi Madaniyat vazirligi manfaatdor vazirliklar va idoralar bilan birgalikda bir oy muddatda oʻzlari qabul qilgan normativ-huquqiy hujjatlarni ushbu qarorga muvofiqlashtirsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Oʻzbekiston Respublikasi turizm va sport vaziri A.A. Abduxakimov va Oʻzbekiston Respublikasi madaniyat vaziri O.A. Nazarbekov zimmasiga yuklansin.
Vazirlar Mahkamasining 2021-yil 21-apreldagi 228-son qaroriga ILOVA
Xalqaro baxshichilik sanʼati festivalini oʻtkazish tartibi toʻgʻrisidagi nizomga kiritilayotgan oʻzgartirishlar
1. 3-band quyidagi tahrirda bayon etilsin:
“3. Festival har ikki yilda bir marta Tashkiliy qoʻmita tomonidan Oʻzbekiston Respublikasi Prezidenti Administratsiyasi bilan kelishgan holda belgilangan hududda va muddatda oʻtkaziladi”.
2. 5-bandning yettinchi xatboshisidagi “Surxondaryo sanʼat saroyi” davlat muassasasida” soʻzlari chiqarib tashlansin.
3. 12-bandning uchinchi xatboshisidagi “Surxondaryo viloyati” soʻzlari “Festival oʻtkazilishi belgilangan hududning” soʻzlari bilan almashtirilsin.
Oʻzbekiston Respublikasining Bosh vaziri A. ARIPOV
Toshkent sh.,
2021-yil 21-aprel,
228-son