UzbekAI

Ўзбекистон Республикаси Президентининг

Қарори

ТАРКИБИ

Халқаро зардўзлик ва заргарлик фестивалини ўтказиш тўғрисида

Халқ амалий санъатининг зардўзлик ва заргарлик анъаналарини ривожлантириш, уларнинг ноёб намуналарини тарғиб этиш, шунингдек, ушбу йўналишларда ўзаро тажриба алмашиш орқали халқлар ўртасида дўстлик ва ҳамкорлик ришталарини янада мустаҳкамлаш, маданий-гуманитар алоқаларни кучайтириш, авлоддан-авлодга ўтиб келаётган касбий анъаналар ва ҳунармандчилик мактабларини сақлаш ва қайта тиклаш ҳамда минтақанинг туризм салоҳиятини янада ошириш мақсадида:

1. 2022 йилдан бошлаб ҳар икки йилда май ойида Бухоро шаҳрида Халқаро зардўзлик ва заргарлик фестивали (кейинги ўринларда — Фестиваль) ҳамда унинг доирасида илмий-амалий конференция, кўрик-танлов, тақдимот ва кўргазмалар, театрлашган концерт-томоша дастурлари, маданий-маърифий ва тарғибот-ташвиқот тадбирлари ўтказилсин. Бунда:

2022 йилда Фестиваль 21 — 25 май кунлари ва унинг доирасида «Анъанавий зардўзлик ва заргарлик санъатини ривожлантириш истиқболлари» мавзусида илмий-амалий конференция ташкил этилади;

Фестивалга уйғун ҳолда Тошкент шаҳрида хорижий мамлакатларнинг заргарлик тармоғи вакиллари, хорижий инвесторлар, экспертлар ва мутахассисларни жалб этган ҳолда «Uzbek Jewellery Fair» заргарлик саноатининг замонавий асбоб-ускуналари, технологиялари ва буюмларининг йиллик халқаро кўргазма-савдоси ўтказилади.

2. Қуйидагилар Фестивалнинг асосий вазифалари этиб белгилансин:

миллий ҳунармандчиликнинг зардўзлик ва заргарлик соҳасида фаолият юритаётган ва соҳа ривожига улкан ҳисса қўшаётган тажрибали, истеъдодли ҳунармандларни аниқлаш, маънавий ва моддий рағбатлантириш, унинг ноёб ва йўқолиб бораётган намуналарини сақлаш, қайта тиклаш;

ҳудудларда зардўзлик ва заргарликни жадал ривожлантириш, илғор тажрибаларни оммалаштириш, ёшларга ўргатиш, янги иш ўринлари яратиш;

зардўзлик ва заргарлик намуналарини миллий бренд сифатида халқаро миқёсга олиб чиқиш, халқимизнинг миллий маданияти анъаналарини намойиш этиш орқали сайёҳларни жалб қилиш, Фестивални жаҳон миқёсида кенг танитиш ва тарғибот-ташвиқот ишларини олиб бориш;

зардўзлик ва заргарлик намуналарининг кенг тақдимоти, ҳар бир ҳудуднинг тарихи, ҳаёт тарзи, ҳунармандчилик мактаби анъаналарини акс эттирувчи ҳунармандлар шаҳарчалари макетлари, уй-рўзғор буюмлари, ҳунарманд-дизайнерлар яратган маҳсулотлар кўргазмаларини ўтказиш;

халқ сайиллари, фольклор ва дорбозлик жамоалари, аскиячи ва қизиқчиларнинг театрлашган томошалари, санъат вакилларининг концерт дастурларини ҳамда уста-ҳунармандлар томонидан маҳорат дарслари, рассомлар хиёбони, экскурсия маршрутларини ташкил этиш.

3. Халқаро зардўзлик ва заргарлик фестивалига тайёргарлик кўриш ва уни ўтказиш бўйича ташкилий қўмита (кейинги ўринларда — Ташкилий қўмита) таркиби иловага мувофиқ тасдиқлансин.

Ташкилий қўмитага (А.Н. Арипов):

Фестивални юқори ва бадиий савияда ўтказиш, белгиланган вазифаларни ўз вақтида ва сифатли бажариш, бу борада масъул вазирлик, идора ва ташкилотлар фаолиятини мувофиқлаштириш;

Фестиваль совриндорларига топшириладиган диплом ва сертификатлар намуналарини тайёрлаш ҳамда тасдиқлаш;

Фестивални ташкил этиш ва ўтказиш билан боғлиқ бошқа масалаларни ҳал этиш вазифалари юклансин.

4. Белгилансинки, Фестивалга тайёргарлик кўриш ва уни ўтказиш билан боғлиқ харажатлар Ташкилий қўмита томонидан ишлаб чиқиладиган ва белгиланган тартибда тасдиқланадиган смета асосида қуйидаги тартибда:

Фестивалга тайёргарлик кўриш билан боғлиқ барча харажатлар Бухоро вилояти маҳаллий бюджетининг қўшимча манбалари, юридик ва жисмоний шахсларнинг ҳомийлик хайриялари ҳамда қонунчилик ҳужжатлари билан тақиқланмаган бошқа манбалар ҳисобидан;

Фестивални ўтказиш билан боғлиқ харажатларнинг 50 фоизи — Вазирлар Маҳкамасининг захира жамғармаси маблағлари ҳисобидан, 50 фоизи — Бухоро вилояти маҳаллий бюджетининг қўшимча манбалари, юридик ва жисмоний шахсларнинг ҳомийлик хайриялари ҳамда қонунчилик ҳужжатлари билан тақиқланмаган бошқа манбалар ҳисобидан қопланади.

5. Бухоро вилояти ҳокимлиги (Б.К. Зарипов) Туризм ва спорт вазирлиги (А.А. Абдуҳакимов), Савдо-саноат палатаси (А.И. Икрамов), «Ўзбекзаргарсаноати» уюшмаси (Д.Н. Саматов), «Ҳунарманд» уюшмаси (У.Т. Абдуллаев) билан биргаликда уч ой муддатда Фестивални ўтказиш тартиби тўғрисидаги низомни ҳамда 2022 йилда уни ўтказиш бўйича «йўл харитаси»ни ишлаб чиқсин ва тасдиқлаш учун Вазирлар Маҳкамасига киритсин.

6. Ташқи ишлар вазирлиги (А.Х. Камилов):

хорижий давлатлардан зардўзлик ва заргарлик фаолияти билан шуғулланувчи ташкилотлар, маҳоратли ҳунармандлар, амалий санъат усталари, соҳа олимлари ҳамда мутахассислари, фахрий меҳмонларни Фестивалга таклиф этишда ташкилотчиларга амалий ёрдам кўрсатсин;

Савдо-саноат палатаси, «Ҳунарманд» уюшмаси ва «Ўзбекзаргарсаноати» уюшмасининг виза талабномаларига биноан Фестивалнинг хорижий иштирокчилари учун кириш визалари консуллик йиғимлари ва ҳақиқий харажатларнинг ўрнини қоплаш ҳисобидан йиғимлар ундирилмасдан расмийлаштирилишини таъминласин.

7. Маданият вазирлиги (О.А. Назарбеков) Савдо-саноат палатаси (А.И. Икрамов), «Ҳунарманд» уюшмаси (У.Т. Абдуллаев), «Ўзбекзаргарсаноати» уюшмаси (Д.Н. Саматов) ва Ўзбекистон Ёзувчилар уюшмаси (С.С. Саидов) билан биргаликда Фестивалнинг тантанали очилиш маросимини ҳар томонлама пухта ва бадиий жиҳатдан бетакрор усулда тайёрлаш учун юксак профессионал маҳорат ва тажрибага эга бўлган сценарийнавис ва режиссёрлар, ёзувчи ва шоирлар, ҳунармандлар, саҳналаштирувчи рассомлар, истеъдодли санъаткорларнинг кенг жалб этилишини таъминласин.

8. Бухоро вилояти ҳокимлиги (Б.К. Зарипов):

а) Бухоро шаҳрида кенг кўламли ободонлаштириш ва кўкаламзорлаштириш ишлари амалга оширилишини, Фестиваль ўтказиладиган саҳна майдонлари ҳамда жойларнинг талаб даражасида тайёрланишини;

б) Савдо-саноат палатаси, «Ҳунарманд» уюшмаси, «Ўзбекзаргарсаноати» уюшмаси, Туризм ва спорт вазирлиги, Маданият вазирлиги, Ташқи ишлар вазирлиги, Кинематография агентлиги ва Ўзбекистон Бадиий академияси билан биргаликда:

Фестиваль доирасида Бухоро шаҳридаги «Лаби ҳовуз» ансамбли майдонидан «Арк» қўрғони ҳудудигача бўлган ён-атрофда зардўзлик ва заргарлик санъатига оид турли кўргазмалар, ҳунармандчилик буюмлари, тасвирий ва амалий санъат асарлари, қадимий зардўзлик ҳамда заргарлик дастгоҳлари ва маҳсулотларини яратиш жараёнлари, ҳунармандчиликка оид бадиий, ҳужжатли фильмлар, китоблар, альбомлар, фотосуратлар намойиши, уларнинг сотуви ташкил этилишини;

Фестиваль дастури ишлаб чиқилишини ва унинг уч ой аввал туристик ташкилотларга тақдим этилишини, Интернет ва ижтимоий тармоқларда жойлаштирилишини;

Фестиваль доирасида миллий либослар кўргазмали чиқишлари, театрлаштирилган томошалар, аския ва қизиқчилар, фольклор ва дорбозлик жамоаларининг томоша дастурлари намойиш этилишини;

Фестивалнинг туризм календарь режасига киритилишини ҳамда хорижий меҳмонлар ва сайёҳларнинг Фестивалга жалб қилинишини;

в) Туризм ва спорт вазирлиги, Савдо-саноат палатаси билан биргаликда Фестиваль қатнашчилари ва меҳмонлар учун меҳмонхоналардан жой ажратилишини;

г) Маданият вазирлиги, Ташқи ишлар вазирлиги, ЮНЕСКО ишлари бўйича миллий комиссия, «Ҳунарманд» уюшмаси, «Ўзбекзаргарсаноати» уюшмаси билан биргаликда 2023 йил якунига қадар малакали мутахассис ва халқаро экспертларни жалб этган ҳолда:

миллий ҳунармандчиликнинг зардўзлик ва заргарлик йўналишларини ЮНЕСКОнинг номоддий маданий мерос рўйхатига;

Бухоро шаҳрини ЮНЕСКОнинг Ижодкор шаҳарлар тармоғига киритиш бўйича ҳужжатлар тўплами тайёрланиши ва тавсия этилишини таъминласин.

9. «Uzbekistan Airways» акциядорлик жамияти (И.Р. Махкамов) ва «Ўзбекистон темир йўллари» акциядорлик жамиятига (Х.Н. Хосилов) Фестиваль қатнашчиларини Савдо-саноат палатаси, «Ҳунарманд» уюшмаси ва «Ўзбекзаргарсаноати» уюшмаси буюртмаларига мувофиқ белгиланган тартибда авиа ва темир йўл чипталари билан таъминлаш тавсия этилсин.

10. Тошкент шаҳар ҳокимлиги (Ж.А. Артикходжаев) Фестивалга ташриф буюрувчи хорижий меҳмонлар ва қатнашчиларни кутиб олиш, жойлаштириш ва уларни Бухоро шаҳрига юборишни ташкил этсин.

11. Соғлиқни сақлаш вазирлиги (А.М. Хаджибаев):

Фестиваль ўтказиладиган жойларда тез тиббий ёрдам пунктларини ташкил этсин;

Фестиваль ўтказиладиган вақтда санитария нормалари, қоидалари ва гигиена нормативларига қатъий риоя қилинишини назорат қилсин.

12. Ўзбекистон Миллий ахборот агентлиги (А.К. Кучимов), Ўзбекистон Миллий телерадиокомпанияси (А.Ж. Хаджаев), «Дунё» ахборот агентлиги (С.Л. Суяров) ва бошқа оммавий ахборот воситалари Фестивалга тайёргарлик кўриш ва уни ўтказиш бўйича амалга оширилаётган ишларни кенг ёритиб боришни ташкил этсин.

13. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президентининг 2021 йил 29 апрелдаги ПҚ-5098-сон қарорига ИЛОВА

Халқаро зардўзлик ва заргарлик фестивалига тайёргарлик кўриш ва уни ўтказиш бўйича ташкилий қўмита

1. А. Арипов — Бош вазир, Ташкилий қўмита раиси 2. А. Абдуҳакимов — Бош вазир ўринбосари — туризм ва спорт вазири, Ташкилий қўмита раиси ўринбосари 3. Д. Кучкаров — Бош вазир ўринбосари — иқтисодий тараққиёт ва камбағалликни қисқартириш вазири, Ташкилий қўмита раиси ўринбосари 4. О. Назарбеков — маданият вазири 5. П. Бобожонов — ички ишлар вазири 6. А. Хаджибаев — соғлиқни сақлаш вазири 7. Б. Зарипов — Бухоро вилояти ҳокими 8. Ж. Артикходжаев — Тошкент шаҳар ҳокими 9. Б. Юлдашев — Фанлар академияси президенти 10. О. Насритдинходжаев — молия вазирининг биринчи ўринбосари 11. Ф. Арзиев — ташқи ишлар вазирининг биринчи ўринбосари 12. А. Саъдуллаев — Ёшлар ишлари агентлиги директори 13. Д. Саматов — «Ўзбекзаргарсаноати» уюшмаси раиси 14. И. Махкамов — «Uzbekistan Airways» АЖ бош директори 15. Х. Хосилов — «Ўзбекистон темир йўллари» АЖ бошқаруви раиси в.б. 16. А. Хаджаев — Ўзбекистон Миллий телерадиокомпанияси раиси 17. А. Кўчимов — Ўзбекистон Миллий ахборот агентлиги бош директори 18. А. Нуридинов — Ўзбекистон Бадиий академияси раиси 19. Лавозими бўйича — Қорақалпоғистон Республикаси Вазирлар Кенгаши Раисининг, вилоятлар ва Тошкент шаҳар ҳокимларининг туризм, спорт, маданият, маданий мерос ва оммавий коммуникациялар масалалари бўйича ўринбосарлари 20. А. Икрамов — Савдо-саноат палатаси раиси 21. У. Абдуллаев — «Ҳунарманд» уюшмаси раиси 22. С. Саидов — Ўзбекистон Ёзувчилар уюшмаси раиси 23. Р. Фатхуллаев — Камолиддин Беҳзод номидаги Миллий рассомчилик ва дизайн институти доценти 24. Лавозими бўйича — Вазирлар Маҳкамаси Туризм, спорт, маданият ва оммавий коммуникациялар масалалари котибияти мудири, Ташкилий қўмита котиби

Ўзбекистон Республикаси Президенти Ш. МИРЗИЁЕВ

Тошкент ш.,

2021 йил 29 апрель,

ПҚ-5098-сон

(Қонун ҳужжатлари маълумотлари миллий базаси, 30.04.2021 й., 07/21/5098/0396-сон)

lex.uz

Oʻzbekiston Respublikasi Prezidentining

Qarori

TARKIBI

Xalqaro zardoʻzlik va zargarlik festivalini oʻtkazish toʻgʻrisida

Xalq amaliy sanʼatining zardoʻzlik va zargarlik anʼanalarini rivojlantirish, ularning noyob namunalarini targʻib etish, shuningdek, ushbu yoʻnalishlarda oʻzaro tajriba almashish orqali xalqlar oʻrtasida doʻstlik va hamkorlik rishtalarini yanada mustahkamlash, madaniy-gumanitar aloqalarni kuchaytirish, avloddan-avlodga oʻtib kelayotgan kasbiy anʼanalar va hunarmandchilik maktablarini saqlash va qayta tiklash hamda mintaqaning turizm salohiyatini yanada oshirish maqsadida:

1. 2022-yildan boshlab har ikki yilda may oyida Buxoro shahrida Xalqaro zardoʻzlik va zargarlik festivali (keyingi oʻrinlarda — Festival) hamda uning doirasida ilmiy-amaliy konferensiya, koʻrik-tanlov, taqdimot va koʻrgazmalar, teatrlashgan konsert-tomosha dasturlari, madaniy-maʼrifiy va targʻibot-tashviqot tadbirlari oʻtkazilsin. Bunda:

2022-yilda Festival 21 — 25-may kunlari va uning doirasida “Anʼanaviy zardoʻzlik va zargarlik sanʼatini rivojlantirish istiqbollari” mavzusida ilmiy-amaliy konferensiya tashkil etiladi;

Festivalga uygʻun holda Toshkent shahrida xorijiy mamlakatlarning zargarlik tarmogʻi vakillari, xorijiy investorlar, ekspertlar va mutaxassislarni jalb etgan holda “Uzbek Jewellery Fair” zargarlik sanoatining zamonaviy asbob-uskunalari, texnologiyalari va buyumlarining yillik xalqaro koʻrgazma-savdosi oʻtkaziladi.

2. Quyidagilar Festivalning asosiy vazifalari etib belgilansin:

milliy hunarmandchilikning zardoʻzlik va zargarlik sohasida faoliyat yuritayotgan va soha rivojiga ulkan hissa qoʻshayotgan tajribali, isteʼdodli hunarmandlarni aniqlash, maʼnaviy va moddiy ragʻbatlantirish, uning noyob va yoʻqolib borayotgan namunalarini saqlash, qayta tiklash;

hududlarda zardoʻzlik va zargarlikni jadal rivojlantirish, ilgʻor tajribalarni ommalashtirish, yoshlarga oʻrgatish, yangi ish oʻrinlari yaratish;

zardoʻzlik va zargarlik namunalarini milliy brend sifatida xalqaro miqyosga olib chiqish, xalqimizning milliy madaniyati anʼanalarini namoyish etish orqali sayyohlarni jalb qilish, Festivalni jahon miqyosida keng tanitish va targʻibot-tashviqot ishlarini olib borish;

zardoʻzlik va zargarlik namunalarining keng taqdimoti, har bir hududning tarixi, hayot tarzi, hunarmandchilik maktabi anʼanalarini aks ettiruvchi hunarmandlar shaharchalari maketlari, uy-roʻzgʻor buyumlari, hunarmand-dizaynerlar yaratgan mahsulotlar koʻrgazmalarini oʻtkazish;

xalq sayillari, folklor va dorbozlik jamoalari, askiyachi va qiziqchilarning teatrlashgan tomoshalari, sanʼat vakillarining konsert dasturlarini hamda usta-hunarmandlar tomonidan mahorat darslari, rassomlar xiyoboni, ekskursiya marshrutlarini tashkil etish.

3. Xalqaro zardoʻzlik va zargarlik festivaliga tayyorgarlik koʻrish va uni oʻtkazish boʻyicha tashkiliy qoʻmita (keyingi oʻrinlarda — Tashkiliy qoʻmita) tarkibi ilovaga muvofiq tasdiqlansin.

Tashkiliy qoʻmitaga (A.N. Aripov):

Festivalni yuqori va badiiy saviyada oʻtkazish, belgilangan vazifalarni oʻz vaqtida va sifatli bajarish, bu borada masʼul vazirlik, idora va tashkilotlar faoliyatini muvofiqlashtirish;

Festival sovrindorlariga topshiriladigan diplom va sertifikatlar namunalarini tayyorlash hamda tasdiqlash;

Festivalni tashkil etish va oʻtkazish bilan bogʻliq boshqa masalalarni hal etish vazifalari yuklansin.

4. Belgilansinki, Festivalga tayyorgarlik koʻrish va uni oʻtkazish bilan bogʻliq xarajatlar Tashkiliy qoʻmita tomonidan ishlab chiqiladigan va belgilangan tartibda tasdiqlanadigan smeta asosida quyidagi tartibda:

Festivalga tayyorgarlik koʻrish bilan bogʻliq barcha xarajatlar Buxoro viloyati mahalliy budjetining qoʻshimcha manbalari, yuridik va jismoniy shaxslarning homiylik xayriyalari hamda qonunchilik hujjatlari bilan taqiqlanmagan boshqa manbalar hisobidan;

Festivalni oʻtkazish bilan bogʻliq xarajatlarning 50 foizi — Vazirlar Mahkamasining zaxira jamgʻarmasi mablagʻlari hisobidan, 50 foizi — Buxoro viloyati mahalliy budjetining qoʻshimcha manbalari, yuridik va jismoniy shaxslarning homiylik xayriyalari hamda qonunchilik hujjatlari bilan taqiqlanmagan boshqa manbalar hisobidan qoplanadi.

5. Buxoro viloyati hokimligi (B.K. Zaripov) Turizm va sport vazirligi (A.A. Abduhakimov), Savdo-sanoat palatasi (A.I. Ikramov), “Oʻzbekzargarsanoati” uyushmasi (D.N. Samatov), “Hunarmand” uyushmasi (U.T. Abdullayev) bilan birgalikda uch oy muddatda Festivalni oʻtkazish tartibi toʻgʻrisidagi nizomni hamda 2022-yilda uni oʻtkazish boʻyicha “yoʻl xaritasi”ni ishlab chiqsin va tasdiqlash uchun Vazirlar Mahkamasiga kiritsin.

6. Tashqi ishlar vazirligi (A.X. Kamilov):

xorijiy davlatlardan zardoʻzlik va zargarlik faoliyati bilan shugʻullanuvchi tashkilotlar, mahoratli hunarmandlar, amaliy sanʼat ustalari, soha olimlari hamda mutaxassislari, faxriy mehmonlarni Festivalga taklif etishda tashkilotchilarga amaliy yordam koʻrsatsin;

Savdo-sanoat palatasi, “Hunarmand” uyushmasi va “Oʻzbekzargarsanoati” uyushmasining viza talabnomalariga binoan Festivalning xorijiy ishtirokchilari uchun kirish vizalari konsullik yigʻimlari va haqiqiy xarajatlarning oʻrnini qoplash hisobidan yigʻimlar undirilmasdan rasmiylashtirilishini taʼminlasin.

7. Madaniyat vazirligi (O.A. Nazarbekov) Savdo-sanoat palatasi (A.I. Ikramov), “Hunarmand” uyushmasi (U.T. Abdullayev), “Oʻzbekzargarsanoati” uyushmasi (D.N. Samatov) va Oʻzbekiston Yozuvchilar uyushmasi (S.S. Saidov) bilan birgalikda Festivalning tantanali ochilish marosimini har tomonlama puxta va badiiy jihatdan betakror usulda tayyorlash uchun yuksak professional mahorat va tajribaga ega boʻlgan ssenariynavis va rejissorlar, yozuvchi va shoirlar, hunarmandlar, sahnalashtiruvchi rassomlar, isteʼdodli sanʼatkorlarning keng jalb etilishini taʼminlasin.

8. Buxoro viloyati hokimligi (B.K. Zaripov):

a) Buxoro shahrida keng koʻlamli obodonlashtirish va koʻkalamzorlashtirish ishlari amalga oshirilishini, Festival oʻtkaziladigan sahna maydonlari hamda joylarning talab darajasida tayyorlanishini;

b) Savdo-sanoat palatasi, “Hunarmand” uyushmasi, “Oʻzbekzargarsanoati” uyushmasi, Turizm va sport vazirligi, Madaniyat vazirligi, Tashqi ishlar vazirligi, Kinematografiya agentligi va Oʻzbekiston Badiiy akademiyasi bilan birgalikda:

Festival doirasida Buxoro shahridagi “Labi hovuz” ansambli maydonidan “Ark” qoʻrgʻoni hududigacha boʻlgan yon-atrofda zardoʻzlik va zargarlik sanʼatiga oid turli koʻrgazmalar, hunarmandchilik buyumlari, tasviriy va amaliy sanʼat asarlari, qadimiy zardoʻzlik hamda zargarlik dastgohlari va mahsulotlarini yaratish jarayonlari, hunarmandchilikka oid badiiy, hujjatli filmlar, kitoblar, albomlar, fotosuratlar namoyishi, ularning sotuvi tashkil etilishini;

Festival dasturi ishlab chiqilishini va uning uch oy avval turistik tashkilotlarga taqdim etilishini, Internet va ijtimoiy tarmoqlarda joylashtirilishini;

Festival doirasida milliy liboslar koʻrgazmali chiqishlari, teatrlashtirilgan tomoshalar, askiya va qiziqchilar, folklor va dorbozlik jamoalarining tomosha dasturlari namoyish etilishini;

Festivalning turizm kalendar rejasiga kiritilishini hamda xorijiy mehmonlar va sayyohlarning Festivalga jalb qilinishini;

v) Turizm va sport vazirligi, Savdo-sanoat palatasi bilan birgalikda Festival qatnashchilari va mehmonlar uchun mehmonxonalardan joy ajratilishini;

g) Madaniyat vazirligi, Tashqi ishlar vazirligi, YUNESKO ishlari boʻyicha milliy komissiya, “Hunarmand” uyushmasi, “Oʻzbekzargarsanoati” uyushmasi bilan birgalikda 2023-yil yakuniga qadar malakali mutaxassis va xalqaro ekspertlarni jalb etgan holda:

milliy hunarmandchilikning zardoʻzlik va zargarlik yoʻnalishlarini YUNESKOning nomoddiy madaniy meros roʻyxatiga;

Buxoro shahrini YUNESKOning Ijodkor shaharlar tarmogʻiga kiritish boʻyicha hujjatlar toʻplami tayyorlanishi va tavsiya etilishini taʼminlasin.

9. “Uzbekistan Airways” aksiyadorlik jamiyati (I.R. Maxkamov) va “Oʻzbekiston temir yoʻllari” aksiyadorlik jamiyatiga (X.N. Xosilov) Festival qatnashchilarini Savdo-sanoat palatasi, “Hunarmand” uyushmasi va “Oʻzbekzargarsanoati” uyushmasi buyurtmalariga muvofiq belgilangan tartibda avia va temir yoʻl chiptalari bilan taʼminlash tavsiya etilsin.

10. Toshkent shahar hokimligi (J.A. Artikxodjayev) Festivalga tashrif buyuruvchi xorijiy mehmonlar va qatnashchilarni kutib olish, joylashtirish va ularni Buxoro shahriga yuborishni tashkil etsin.

11. Sogʻliqni saqlash vazirligi (A.M. Xadjibayev):

Festival oʻtkaziladigan joylarda tez tibbiy yordam punktlarini tashkil etsin;

Festival oʻtkaziladigan vaqtda sanitariya normalari, qoidalari va gigiyena normativlariga qatʼiy rioya qilinishini nazorat qilsin.

12. Oʻzbekiston Milliy axborot agentligi (A.K. Kuchimov), Oʻzbekiston Milliy teleradiokompaniyasi (A.J. Xadjayev), “Dunyo” axborot agentligi (S.L. Suyarov) va boshqa ommaviy axborot vositalari Festivalga tayyorgarlik koʻrish va uni oʻtkazish boʻyicha amalga oshirilayotgan ishlarni keng yoritib borishni tashkil etsin.

13. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidentining 2021-yil 29-apreldagi PQ-5098-son qaroriga ILOVA

Xalqaro zardoʻzlik va zargarlik festivaliga tayyorgarlik koʻrish va uni oʻtkazish boʻyicha tashkiliy qoʻmita

1. A. Aripov — Bosh vazir, Tashkiliy qoʻmita raisi 2. A. Abduhakimov — Bosh vazir oʻrinbosari — turizm va sport vaziri, Tashkiliy qoʻmita raisi oʻrinbosari 3. D. Kuchkarov — Bosh vazir oʻrinbosari — iqtisodiy taraqqiyot va kambagʻallikni qisqartirish vaziri, Tashkiliy qoʻmita raisi oʻrinbosari 4. O. Nazarbekov — madaniyat vaziri 5. P. Bobojonov — ichki ishlar vaziri 6. A. Xadjibayev — sogʻliqni saqlash vaziri 7. B. Zaripov — Buxoro viloyati hokimi 8. J. Artikxodjayev — Toshkent shahar hokimi 9. B. Yuldashev — Fanlar akademiyasi prezidenti 10. O. Nasritdinxodjayev — moliya vazirining birinchi oʻrinbosari 11. F. Arziyev — tashqi ishlar vazirining birinchi oʻrinbosari 12. A. Saʼdullayev — Yoshlar ishlari agentligi direktori 13. D. Samatov — “Oʻzbekzargarsanoati” uyushmasi raisi 14. I. Maxkamov — “Uzbekistan Airways” AJ bosh direktori 15. X. Xosilov — “Oʻzbekiston temir yoʻllari” AJ boshqaruvi raisi v.b. 16. A. Xadjayev — Oʻzbekiston Milliy teleradiokompaniyasi raisi 17. A. Koʻchimov — Oʻzbekiston Milliy axborot agentligi bosh direktori 18. A. Nuridinov — Oʻzbekiston Badiiy akademiyasi raisi 19. Lavozimi boʻyicha — Qoraqalpogʻiston Respublikasi Vazirlar Kengashi Raisining, viloyatlar va Toshkent shahar hokimlarining turizm, sport, madaniyat, madaniy meros va ommaviy kommunikatsiyalar masalalari boʻyicha oʻrinbosarlari 20. A. Ikramov — Savdo-sanoat palatasi raisi 21. U. Abdullayev — “Hunarmand” uyushmasi raisi 22. S. Saidov — Oʻzbekiston Yozuvchilar uyushmasi raisi 23. R. Fatxullayev — Kamoliddin Behzod nomidagi Milliy rassomchilik va dizayn instituti dotsenti 24. Lavozimi boʻyicha — Vazirlar Mahkamasi Turizm, sport, madaniyat va ommaviy kommunikatsiyalar masalalari kotibiyati mudiri, Tashkiliy qoʻmita kotibi

Oʻzbekiston Respublikasi Prezidenti Sh. MIRZIYOYEV

Toshkent sh.,

2021-yil 29-aprel,

PQ-5098-son

(Qonun hujjatlari maʼlumotlari milliy bazasi, 30.04.2021-y., 07/21/5098/0396-son)

lex.uz

Президента Республики Узбекистан

Постановление

СОСТАВ

О проведении Международного фестиваля золотошвейного и ювелирного дела

В целях развития традиций золотошвейного и ювелирного дела в народном прикладном искусстве, пропаганды их уникальных образцов, дальнейшего укрепления уз дружбы и сотрудничества, усиления культурно-гуманитарных связей между народами посредством взаимного обмена опытом в данных направлениях, сохранения и восстановления передающихся из поколения в поколение профессиональных традиций и школ ремесленничества, а также повышения туристского потенциала региона:

1. Проводить начиная с 2022 года каждые два года в мае месяце в городе Бухаре Международный фестиваль золотошвейного и ювелирного дела (далее — Фестиваль), а также в его рамках — научно-практическую конференцию, смотр-конкурс, презентацию и выставки, театрализованные концертно-зрелищные программы, культурно-просветительские и пропагандистско-разъяснительные мероприятия. При этом:

Фестиваль в 2022 году организуется 21 — 25 мая и в его рамках — научно-практическая конференция на тему «Перспективы развития традиционного золотошвейного и ювелирного искусства»;

в созвучии Фестивалю в городе Ташкенте проводится ежегодная международная выставка-продажа современного оборудования, технологий и изделий ювелирной промышленности «Uzbek Jewellery Fair» с привлечением представителей ювелирной отрасли зарубежных стран, зарубежных инвесторов, экспертов и специалистов.

2. Определить основными задачами Фестиваля:

выявление, духовное и материальное стимулирование опытных и талантливых ремесленников, осуществляющих деятельность и вносящих весомый вклад в развитие таких направлений национального ремесленничества, как золотошвейное и ювелирное дело, сохранение и возрождение их уникальных и исчезающих образцов;

ускоренное развитие золотошвейного и ювелирного дела, популяризация передового опыта, обучение молодежи и создание новых рабочих мест в регионах;

продвижение образцов отечественного золотошвейного и ювелирного дела в международном масштабе в качестве национального бренда, привлечение туристов путем демонстрации традиций национальной культуры нашего народа, широкое позиционирование Фестиваля на мировом уровне и ведение пропагандистско-разъяснительной работы;

проведение широких презентаций образцов золотошвейного и ювелирного дела, выставок макетов городков ремесленников, отображающих историю, образ жизни и традиции школ ремесленничества каждого региона, изделий домашнего обихода, а также продукции, созданной ремесленниками-дизайнерами;

организацию народных гуляний, театрализованных представлений фольклорных ансамблей и коллективов канатоходцев, аскиячи и юмористов, концертных программ деятелей искусства, уроков профессионального мастерства искусными ремесленниками, аллей художников, экскурсионных маршрутов.

3. Утвердить Состав организационного комитета по подготовке и проведению Международного фестиваля золотошвейного и ювелирного дела (далее — Организационный комитет) согласно приложению .

Возложить на Организационный комитет (А.Н. Арипов) задачи по:

проведению Фестиваля на высоком и художественном уровне, своевременному и качественному выполнению определенных задач, координации деятельности ответственных министерств, ведомств и организаций в данном направлении;

подготовке и утверждению образцов дипломов и сертификатов, вручаемых лауреатам Фестиваля;

решению иных вопросов, связанных с организацией и проведением Фестиваля.

4. Установить, что расходы, связанные с подготовкой и проведением Фестиваля, возмещаются на основе сметы, разрабатываемой и утверждаемой в установленном порядке Организационным комитетом, в следующем порядке:

все расходы, связанные с подготовкой к Фестивалю, — за счет дополнительных источников местного бюджета Бухарской области, благотворительных пожертвований юридических и физических лиц, а также иных источников, не запрещенных актами законодательства;

50 процентов расходов, связанных с проведением Фестиваля, — за счет средств резервного фонда Кабинета Министров, 50 процентов — за счет дополнительных источников местного бюджета Бухарской области, благотворительных пожертвований юридических и физических лиц, а также иных источников, не запрещенных актами законодательства.

5. Хокимияту Бухарской области (Б.К. Зарипов) совместно с Министерством туризма и спорта (А.А. Абдухакимов), Торгово-промышленной палатой (А.И. Икрамов), Ассоциацией «Узбекзаргарсаноати» (Д.Н. Саматов), Ассоциацией «Хунарманд» (У.Т. Абдуллаев) в трехмесячный срок разработать и внести на утверждение в Кабинет Министров положение о порядке проведения Фестиваля и «дорожную карту» по его проведению в 2022 году.

6. Министерству иностранных дел (А.Х. Камилов):

оказать практическую помощь организаторам в приглашении на Фестиваль из зарубежных государств организаций, искусных ремесленников, мастеров прикладного искусства, ученых и специалистов, осуществляющих деятельность в таких направлениях, как золотошвейное и ювелирное дело, а также почетных гостей;

согласно визовым заявкам Торгово-промышленной палаты, Ассоциации «Хунарманд» и Ассоциации «Узбекзаргарсаноати» обеспечить оформление въездных виз для зарубежных участников Фестиваля без взимания консульских сборов и сборов в счет возмещения фактических расходов.

7. Министерству культуры (О.А. Назарбеков) совместно с Торгово-промышленной палатой (А.И. Икрамов), Ассоциацией «Хунарманд» (У.Т. Абдуллаев), Ассоциацией «Узбекзаргарсаноати» (Д.Н. Саматов) и Союзом писателей Узбекистана (С.С. Саидов) обеспечить широкое привлечение высокопрофессиональных и опытных сценаристов и режиссеров, писателей и поэтов, ремесленников, художников-постановщиков, талантливых деятелей искусства для всесторонней тщательной подготовки церемонии торжественного открытия Фестиваля с применением оригинальных с художественной точки зрения неповторимых новаций.

8. Хокимияту Бухарской области (Б.К. Зарипов) обеспечить:

а) проведение широкомасштабных благоустроительных и озеленительных работ, подготовку на требуемом уровне сценических площадок и мест проведения Фестиваля в городе Бухаре;

б) совместно с Торгово-промышленной палатой, Ассоциацией «Хунарманд», Ассоциацией «Узбекзаргарсаноати», Министерством туризма и спорта, Министерством культуры, Министерством иностранных дел, Агентством кинематографии и Академией художеств Узбекистана:

организацию в рамках Фестиваля на территории от площади ансамбля «Ляби хауз» до крепости «Арк» города Бухары различных выставок образцов золотошвейного и ювелирного искусства, процессов создания изделий ремесленничества, произведений изобразительного и прикладного искусства, древних станков и продукции золотошвейного и ювелирного дела, демонстрации художественных и документальных фильмов, книг, альбомов и фотографий о ремесленничестве, а также их реализации;

разработку и заблаговременную презентацию туристским организациям программы Фестиваля за три месяца до его начала, размещение ее в Интернете и социальных сетях;

показательные демонстрации национальных костюмов, театрализованные представления, программы представлений аскиячи и юмористов, фольклорных ансамблей и коллективов канатоходцев в рамках Фестиваля;

включение Фестиваля в туристский календарный план и привлечение к Фестивалю зарубежных туристов и гостей;

в) совместно с Министерством туризма и спорта и Торгово-промышленной палатой — выделение мест в гостиницах для участников и гостей Фестиваля;

г) совместно с Министерством культуры, Министерством иностранных дел, Национальной комиссией по делам ЮНЕСКО, Ассоциацией «Хунарманд» и Ассоциацией «Узбекзаргарсаноати» до конца 2023 года с привлечением специалистов и международных экспертов подготовку и рекомендацию пакета документов для включения:

золотошвейного и ювелирного дела национального ремесленничества — в список нематериального культурного наследия ЮНЕСКО;

города Бухары — в Сеть творческих городов ЮНЕСКО.

9. Акционерному обществу «Uzbekistan Airways» (И.Р. Махкамов) и Акционерному обществу «Узбекистон темир йуллари» (Х.Н. Хосилов) рекомендовать обеспечение участников Фестиваля авиа- и железнодорожными билетами в соответствии с заявками Торгово-промышленной палаты, Ассоциации «Хунарманд» и Ассоциации «Узбекзаргарсаноати» в установленном порядке.

10. Хокимияту города Ташкента (Ж.А. Артикходжаев) организовать прием, размещение и отправку в город Бухару зарубежных гостей и участников, прибывающих на Фестиваль.

11. Министерству здравоохранения (А.М. Хаджибаев):

организовать в местах проведения Фестиваля пункты скорой медицинской помощи;

обеспечить строгий контроль за соблюдением санитарных правил, норм и гигиенических нормативов в период проведения Фестиваля.

12. Национальному информационному агентству Узбекистана (А.К. Кучимов), Национальной телерадиокомпании Узбекистана (А.Д. Хаджаев), Информационному агентству «Дунё» (С.Л. Суяров) и другим средствам массовой информации организовать широкое освещение деятельности, связанной с подготовкой и проведением Фестиваля.

13. Контроль за исполнением настоящего постановления возложить на Премьер-министра Республики Узбекистан А.Н. Арипова.

ПРИЛОЖЕНИЕ к постановлению Президента Республики Узбекистан от 29 апреля 2021 года № ПП-5098

организационного комитета по подготовке и проведению Международного фестиваля золотошвейного и ювелирного дела

1. А. Арипов — Премьер-министр, председатель Организационного комитета 2. А. Абдухакимов — заместитель Премьер-министра — министр туризма и спорта, заместитель председателя Организационного комитета 3. Д. Кучкаров — заместитель Премьер-министра — министр экономического развития и сокращения бедности, заместитель председателя Организационного комитета 4. О. Назарбеков — министр культуры 5. П. Бобожонов — министр внутренних дел 6. А. Хаджибаев — министр здравоохранения 7. Б. Зарипов — хоким Бухарской области 8. Ж. Артыкходжаев — хоким города Ташкента 9. Б. Юлдашев — президент Академии наук 10. О. Насритдинходжаев — первый заместитель министра финансов 11. Ф. Арзиев — первый заместитель министра иностранных дел 12. А. Саъдуллаев — директор Агентства по делам молодежи 13. Д. Саматов — председатель Ассоциации «Узбекзаргарсаноати» 14. И. Махкамов — генеральный директор АО «Uzbekistan Airways» 15. Х. Хосилов — и.о. председателя правления АО «Узбекистон темир йуллари» 16. А. Хаджаев — председатель Национальной телерадиокомпании Узбекистана 17. А. Кучимов — генеральный директор Национального информационного агентства Узбекистана 18. А. Нуридинов — председатель Академии художеств Узбекистана 19. По должности — заместители председателя Совета Министров Республики Каракалпакстан, хокимов областей и города Ташкента по вопросам туризма, спорта, культуры, культурного наследия и массовых коммуникаций 20. А. Икрамов — председатель Торгово-промышленной палаты 21. У. Абдуллаев — председатель Ассоциации «Хунарманд» 22. С. Саидов — председатель Союза писателей Узбекистана 23. Р. Фатхуллаев — доцент Национального института художеств и дизайна имени Камолиддина Бехзода 24. По должности — заведующий Секретариатом Кабинета Министров по вопросам туризма, спорта, культуры и массовых коммуникаций, секретарь Организационного комитета

Президент Республики Узбекистан Ш. МИРЗИЁЕВ

г. Ташкент,

29 апреля 2021 г.,

№ ПП-5098

(Национальная база данных законодательства, 30.04.2021 г., № 07/21/5098/0396)

lex.uz