UzbekAI

Ўзбекистон Республикасининг Қонуни

Аҳолини айрим турдаги озиқ-овқат маҳсулотлари билан таъминлашга доир чоралар тўғрисида

Қонунчилик палатаси томонидан 2021 йил 23 апрелда қабул қилинган Сенат томонидан 2021 йил 24 апрелда маъқулланган

Мазкур Қонун глобал коронавирус пандемияси давом этаётган даврда республика аҳолисининг айрим турдаги озиқ-овқат маҳсулотларига бўлган эҳтиёжларини кафолатли таъминлаш ҳамда нарх-наволар асоссиз ўсиб кетишига йўл қўймаслик мақсадида қабул қилинмоқда.

1-модда. Ўзбекистон Республикасининг 2019 йил 30 декабрда қабул қилинган ЎРҚ-599-сонли Қонуни билан янги таҳрирда тасдиқланган Ўзбекистон Республикасининг Солиқ кодекси (Ўзбекистон Республикаси Олий Мажлиси палаталарининг Ахборотномаси, 2019 йил, 12-сонга 1-илова; 2020 йил, № 3, 198-модда, № 10, 593-модда, № 11, 652-модда, № 12, 690, 691-моддалар; 2021 йил, № 1, 6-модда) 483-моддаси қуйидаги мазмундаги учинчи қисм билан тўлдирилсин:

«2021 йил 1 майдан 31 декабрга қадар бўлган даврда қуйидагилар қўшилган қиймат солиғидан озод қилинади:

Ўзбекистон Республикаси ҳудудига ўсимлик ёғи, кунгабоқар ва зиғир уруғи, шунингдек соя данагини олиб кириш;

ўсимлик ёғини (пахта ёғидан ташқари) ишлаб чиқариш ва (ёки) реализация қилиш бўйича айланма».

2-модда. 2021 йил 1 майдан 31 декабрга қадар бўлган даврда:

айрим турдаги озиқ-овқат маҳсулотларига нисбатан мазкур Қонуннинг иловасига мувофиқ экспорт божхона божлари киритилади;

тадбиркорлик субъектларига ўзлари томонидан импорт қилинган кунгабоқар ёғи ва кунгабоқар уруғларини қайта ишлаш натижасида олинган ўсимлик ёғининг (ТИФ ТН бўйича коди 1512 11 — 1512 19) 50 фоизидан ошмаган қисмини экспорт қилишга рухсат берилади.

3-модда. Ўзбекистон Республикаси Давлат божхона қўмитаси тадбиркорлик субъектлари томонидан импорт қилинган кунгабоқар ёғи ва кунгабоқар уруғларини қайта ишлаш натижасида олинган ўсимлик ёғи ҳажмига нисбатан экспорт шартномалари доирасида амалга оширилган экспорт 50 фоиздан ошишига йўл қўйилмаслиги бўйича назорат ўрнатсин.

4-модда. Ўзбекистон Республикаси Вазирлар Маҳкамаси:

ҳукумат қарорларини ушбу Қонунга мувофиқлаштирсин;

давлат бошқаруви органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин;

ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.

5-модда. Ушбу Қонун расмий эълон қилинган кундан эътиборан кучга киради.

Ўзбекистон Республикасининг «Аҳолини айрим турдаги озиқ-овқат маҳсулотлари билан таъминлашга доир чоралар тўғрисида»ги 2021 йил 29 апрелдаги ЎРҚ-689-сонли Қонунига ИЛОВА

Айрим турдаги озиқ-овқат маҳсулотларига нисбатан экспорт божхона божлари

Т/р Озиқ-овқат маҳсулотининг қисқача номи Маҳсулотнинг ТИФ ТН кодлари Экспорт божхона божи ставкалари * товарнинг божхона қийматидан фоиз ёки 1 кг учун АҚШ доллари 1. Кунгабоқар ва пахта уруғлари 1206; 1207 21 — 1207 29 (экиш учун мўлжалланган пахта уруғи бундан мустасно) 30 %, бироқ 1 кг учун 0,2 АҚШ долларидан кам бўлмаган миқдорда 2. Кунгабоқар ёғи 1512 11 — 1512 19 20 %, бироқ 1 кг учун 0,2 АҚШ долларидан кам бўлмаган миқдорда 3. Пахта ёғи 1512 21 — 1512 29 50 %, бироқ 1 кг учун 0,5 АҚШ долларидан кам бўлмаган миқдорда

Ўзбекистон Республикасининг Президенти Ш. МИРЗИЁЕВ

Тошкент ш.,

2021 йил 29 апрель,

ЎРҚ-689-сон

(Қонун ҳужжатлари маълумотлари миллий базаси, 29.04.2021 й., 03/21/689/0395-сон)

lex.uz

Oʻzbekiston Respublikasining Qonuni

Aholini ayrim turdagi oziq-ovqat mahsulotlari bilan taʼminlashga doir choralar toʻgʻrisida

Qonunchilik palatasi tomonidan 2021-yil 23-aprelda qabul qilingan Senat tomonidan 2021-yil 24-aprelda maʼqullangan

Mazkur Qonun global koronavirus pandemiyasi davom etayotgan davrda respublika aholisining ayrim turdagi oziq-ovqat mahsulotlariga boʻlgan ehtiyojlarini kafolatli taʼminlash hamda narx-navolar asossiz oʻsib ketishiga yoʻl qoʻymaslik maqsadida qabul qilinmoqda.

1-modda. Oʻzbekiston Respublikasining 2019-yil 30-dekabrda qabul qilingan OʻRQ-599-sonli Qonuni bilan yangi tahrirda tasdiqlangan Oʻzbekiston Respublikasining Soliq kodeksi (Oʻzbekiston Respublikasi Oliy Majlisi palatalarining Axborotnomasi, 2019-yil, 12-songa 1-ilova; 2020-yil, № 3, 198-modda, № 10, 593-modda, № 11, 652-modda, № 12, 690, 691-moddalar; 2021-yil, № 1, 6-modda) 483-moddasi quyidagi mazmundagi uchinchi qism bilan toʻldirilsin:

“2021-yil 1-maydan 31-dekabrga qadar boʻlgan davrda quyidagilar qoʻshilgan qiymat soligʻidan ozod qilinadi:

Oʻzbekiston Respublikasi hududiga oʻsimlik yogʻi, kungaboqar va zigʻir urugʻi, shuningdek soya danagini olib kirish;

oʻsimlik yogʻini (paxta yogʻidan tashqari) ishlab chiqarish va (yoki) realizatsiya qilish boʻyicha aylanma”.

2-modda. 2021-yil 1-maydan 31-dekabrga qadar boʻlgan davrda:

ayrim turdagi oziq-ovqat mahsulotlariga nisbatan mazkur Qonunning ilovasiga muvofiq eksport bojxona bojlari kiritiladi;

tadbirkorlik subyektlariga oʻzlari tomonidan import qilingan kungaboqar yogʻi va kungaboqar urugʻlarini qayta ishlash natijasida olingan oʻsimlik yogʻining (TIF TN boʻyicha kodi 1512 11 — 1512 19) 50 foizidan oshmagan qismini eksport qilishga ruxsat beriladi.

3-modda. Oʻzbekiston Respublikasi Davlat bojxona qoʻmitasi tadbirkorlik subyektlari tomonidan import qilingan kungaboqar yogʻi va kungaboqar urugʻlarini qayta ishlash natijasida olingan oʻsimlik yogʻi hajmiga nisbatan eksport shartnomalari doirasida amalga oshirilgan eksport 50 foizdan oshishiga yoʻl qoʻyilmasligi boʻyicha nazorat oʻrnatsin.

4-modda. Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin;

ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

5-modda. Ushbu Qonun rasmiy eʼlon qilingan kundan eʼtiboran kuchga kiradi.

Oʻzbekiston Respublikasining “Aholini ayrim turdagi oziq-ovqat mahsulotlari bilan taʼminlashga doir choralar toʻgʻrisida”gi 2021-yil 29-apreldagi OʻRQ-689-sonli Qonuniga ILOVA

Ayrim turdagi oziq-ovqat mahsulotlariga nisbatan eksport bojxona bojlari

T/r Oziq-ovqat mahsulotining qisqacha nomi Mahsulotning TIF TN kodlari Eksport bojxona boji stavkalari * tovarning bojxona qiymatidan foiz yoki 1 kg uchun AQSh dollari 1. Kungaboqar va paxta urugʻlari 1206; 1207 21 — 1207 29 (ekish uchun moʻljallangan paxta urugʻi bundan mustasno) 30 %, biroq 1 kg uchun 0,2 AQSh dollaridan kam boʻlmagan miqdorda 2. Kungaboqar yogʻi 1512 11 — 1512 19 20 %, biroq 1 kg uchun 0,2 AQSh dollaridan kam boʻlmagan miqdorda 3. Paxta yogʻi 1512 21 — 1512 29 50 %, biroq 1 kg uchun 0,5 AQSh dollaridan kam boʻlmagan miqdorda

Oʻzbekiston Respublikasining Prezidenti Sh. MIRZIYOYEV

Toshkent sh.,

2021-yil 29-aprel,

OʻRQ-689-son

(Qonun hujjatlari maʼlumotlari milliy bazasi, 29.04.2021-y., 03/21/689/0395-son)

lex.uz

Закон Республики Узбекистан

О мерах по обеспечению населения отдельными видами продовольственных товаров

Принят Законодательной палатой 23 апреля 2021 года Одобрен Сенатом 24 апреля 2021 года

Настоящий Закон принимается в целях гарантированного обеспечения потребностей населения республики в отдельных видах продовольственных товаров и предотвращения необоснованного повышения цен в период продолжающейся глобальной коронавирусной пандемии.

Статья 1. Статью 483 Налогового кодекса Республики Узбекистан, утвержденного в новой редакции Законом Республики Узбекистан от 30 декабря 2019 года № ЗРУ-599 (Ведомости палат Олий Мажлиса Республики Узбекистан, 2019 г., приложение 1 к № 12, 2020 г., № 3, ст. 198, № 10 ст. 593, № 11, ст. 652, № 12, ст.ст. 690, 691; 2021 г., № 1, ст.6), дополнить частью третьей следующего содержания:

«Освобождаются с 1 мая по 31 декабря 2021 года от налога на добавленную стоимость:

ввоз на территорию Республики Узбекистан растительного масла, семян подсолнечника и льна, а также соевых бобов;

оборот по производству и (или) реализации растительного масла (кроме хлопкового масла)».

Статья 2. В период с 1 мая по 31 декабря 2021 года:

вводятся экспортные таможенные пошлины в отношении отдельных видов продовольственных товаров согласно приложению к настоящему Закону;

субъектам предпринимательства разрешается экспортировать не более 50 процентов произведенного растительного масла (коды ТН ВЭД 1512 11 — 1512 19), полученного в результате переработки импортированных данными субъектами подсолнечного масла и семян подсолнечника.

Статья 3. Государственному таможенному комитету Республики Узбекистан установить контроль по недопущению экспорта сверх 50 процентов, осуществляемого в рамках экспортных контрактов от объема растительного масла, полученного в результате переработки импортированных субъектами предпринимательства подсолнечного масла и семян подсолнечника.

Статья 4. Кабинету Министров Республики Узбекистан:

привести решения правительства в соответствие с настоящим Законом;

обеспечить пересмотр и отмену органами государственного управления их нормативно-правовых актов, противоречащих настоящему Закону;

обеспечить исполнение, доведение до исполнителей и разъяснение среди населения сути и значения настоящего Закона.

Статья 5. Настоящий Закон вступает в силу со дня его официального опубликования.

ПРИЛОЖЕНИЕ к Закону Республики Узбекистан «О мерах по обеспечению населения отдельными видами продовольственных товаров» от 29 апреля 2021 года № ЗРУ-689

Экспортные таможенные пошлины в отношении отдельных видов продовольственных товаров

№ Краткое наименование продовольственного товара Коды ТН ВЭД товара Ставки экспортных таможенных пошлин * , в процентах от таможенной стоимости товара или в долларах США за 1 кг 1. Подсолнечные и хлопковые семена 1206; 1207 21 — 1207 29 (за исключением хлопковых семян, предназначенных для посева) 30 %, но не менее 0,2 доллара США за 1 кг 2. Подсолнечное масло 1512 11 — 1512 19 20 %, но не менее 0,2 доллара США за 1 кг 3. Хлопковое масло 1512 21 — 1512 29 50 %, но не менее 0,5 доллара США за 1 кг

Президент Республики Узбекистан Ш. МИРЗИЁЕВ

г. Ташкент,

29 апреля 2021 г.,

№ ЗРУ-689

(Национальная база данных законодательства, 29.04.2021 г., № 03/21/689/0395)

lex.uz