📅 2021-yil 30-aprel · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 30 апрель · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 30 апреля 2021 г. · Постановления Кабинета Министров
Официальный текст. Официальный документ. Редакционные примечания не включены.
📅 30 April 2021 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
РЎЙХАТИ
Футбол клублари фаолиятининг самарадорлигини ошириш чора-тадбирлари тўғрисида
Ўзбекистон Республикаси Президентининг «Ўзбекистонда футболни ривожлантиришни мутлақо янги босқичга олиб чиқиш чора-тадбирлари тўғрисида»ги 2019 йил 4 декабрдаги ПФ-5887-сон Фармони ижросини таъминлаш ҳамда футбол соҳасини ривожлантириш, футбол клублари фаолиятининг самарадорлигини ошириш мақсадида Вазирлар Маҳкамаси қарор қилади:
1. Туризм ва спорт вазирлиги, Ўзбекистон Миллий олимпия қўмитаси, Ўзбекистон футбол ассоциацияси, Молия вазирлиги, Давлат активларини бошқариш агентлиги ҳамда устав капиталида давлат улуши бўлган профессионал футбол клублари (кейинги ўринларда — профессионал футбол клублари) бош ҳомийларининг профессионал футбол клубларидаги давлат улушларини уларга ўтказиб бериш тўғрисидаги таклифи маъқуллансин.
2. Давлат активларини бошқариш агентлигига қарашли профессионал футбол клубларининг устав капиталидаги давлат улушлари давлат органлари ва хўжалик жамиятларига иловага мувофиқ берилсин.
Бунда профессионал футбол клублари устав капиталидаги давлат улушлари хўжалик жамиятларига уларнинг устав капиталидаги давлат улуши ва хўжалик жамиятларининг улушларини баланс қийматига ошириш ҳисобига берилади ва кейинчалик белгиланган тартибда сотилади.
3. Мазкур қарорга иловада кўрсатилган профессионал футбол клублари ва хўжалик жамиятлари ўртасида бош ҳомийлик шартномалари тузилганлиги маълумот учун қабул қилинсин.
4. Мазкур қарорга иловада келтирилган давлат органлари ва хўжалик жамиятлари Туризм ва спорт вазирлиги ҳамда тегишли ҳокимликлар билан биргаликда бир ой муддатда футбол стадионларидан самарали фойдаланиш ва уларнинг рентабеллигини ошириш мақсадида, шу жумладан, қуйидагиларни назарда тутувчи «йўл харитаси»ни ишлаб чиқиб тасдиқласин:
давлат-хусусий шериклик шартлари асосида футбол стадионларини реконструкция қилиш, таъмирлаш ва ободонлаштириш, шунингдек, уларнинг йил давомида доимий фаолият юритишини таъминлаш;
стадионларда йил давомида ўтказиладиган спорт тадбирлари (мусобақалар, спорт тўгараклари), концерт ва бошқа оммавий тадбирлар сонини кўпайтириш;
стадион ҳудудида умумий овқатланиш жойлари (кафе, ресторан), спорт дўконлари, кўнгилочар жойларни (кинотеатр) ташкил этиш.
5. Белгилансинки, мазкур қарорга иловада назарда тутилган профессионал футбол клубларининг йиллик харажатлар сметаси Халқаро Футбол Ассоциациялари Федерацияси, Осиё Футбол Конфедерацияси томонидан белгиланган талаблардан келиб чиқиб, Ўзбекистон футбол ассоциацияси билан келишилган ҳолда тасдиқланади.
6. Давлат активларини бошқариш агентлиги Молия вазирлиги билан биргаликда бир ой муддатда мазкур қарорга иловада кўрсатилган профессионал футбол клубларининг устав капиталидаги давлат улушларини давлат органлари ва хўжалик жамиятларига беришни таъминласин.
7. Мазкур қарорнинг бажарилишини назорат қилиш Ўзбекистон Республикаси Бош вазири ўринбосарлари Ж.А. Қўчқоров ва А.А. Абдухакимов зиммасига юклансин.
Вазирлар Маҳкамасининг 2021 йил 30 апрелдаги 261-сон қарорига ИЛОВА
Устав капиталидаги давлат улушлари давлат органлари ва хўжалик жамиятларига ўтказиладиган футбол клублари
Т/р Профессионал футбол клублари Давлат улуши ўтказиладиган давлат органлари ва хўжалик жамиятлари Бош ҳомийлар 1. «Бунёдкор» ПФК «Ўзбекнефтгаз» АЖ Тошкент шаҳар ҳокимлиги 2. «Пахтакор» ПФК Тошкент шаҳар ҳокимлиги Тошкент шаҳар ҳокимлиги 3. «Насаф» ПФК «Шўртан газ кимё комплекси» МЧЖ * «Шўртан газ кимё комплекси» МЧЖ 4. «Олмалиқ» ПФК «Олмалиқ КМК» АЖ «Олмалиқ КМК» АЖ 5. «Бухоро» ПФК «Бухоро нефтни қайта ишлаш заводи» МЧЖ * «Бухоро нефтни қайта ишлаш заводи» МЧЖ 6. «Нефтчи» ПФК Фарғона вилояти ҳокимлиги «Фарғона нефтни қайта ишлаш заводи» МЧЖ 7. «Локомотив» ПФК «Ўзбекистон темир йўллари» АЖ «Ўзбекистон темир йўллари» АЖ 8. «Шўртан» ПФК Қашқадарё вилоят ҳокимлиги «Ҳудудгазтаъминот» АЖ 9. «Динамо плюс» ПФК Самарқанд вилояти ҳокимлиги Самарқанд вилояти ҳокимлиги 10. «Металлург» ПФК «Ўзметкомбинат» АЖ «Ўзметкомбинат» АЖ 11. «Машъал» ПФК «Ўзбекнефтгаз» АЖ «Ўзбекнефтгаз» АЖ 12. «Навбаҳор лочинлари» ПФК Наманган вилояти ҳокимлиги Наманган вилояти ҳокимлиги
Ўзбекистон Республикасининг Бош вазири А. АРИПОВ
Тошкент ш.,
2021 йил 30 апрель,
261-сон
Oʻzbekiston Respublikasi Vazirlar Mahkamasining
qarori
ROʻYXATI
Futbol klublari faoliyatining samaradorligini oshirish chora-tadbirlari toʻgʻrisida
Oʻzbekiston Respublikasi Prezidentining “Oʻzbekistonda futbolni rivojlantirishni mutlaqo yangi bosqichga olib chiqish chora-tadbirlari toʻgʻrisida”gi 2019-yil 4-dekabrdagi PF-5887-son Farmoni ijrosini taʼminlash hamda futbol sohasini rivojlantirish, futbol klublari faoliyatining samaradorligini oshirish maqsadida Vazirlar Mahkamasi qaror qiladi:
1. Turizm va sport vazirligi, Oʻzbekiston Milliy olimpiya qoʻmitasi, Oʻzbekiston futbol assotsiatsiyasi, Moliya vazirligi, Davlat aktivlarini boshqarish agentligi hamda ustav kapitalida davlat ulushi boʻlgan professional futbol klublari (keyingi oʻrinlarda — professional futbol klublari) bosh homiylarining professional futbol klublaridagi davlat ulushlarini ularga oʻtkazib berish toʻgʻrisidagi taklifi maʼqullansin.
2. Davlat aktivlarini boshqarish agentligiga qarashli professional futbol klublarining ustav kapitalidagi davlat ulushlari davlat organlari va xoʻjalik jamiyatlariga ilovaga muvofiq berilsin.
Bunda professional futbol klublari ustav kapitalidagi davlat ulushlari xoʻjalik jamiyatlariga ularning ustav kapitalidagi davlat ulushi va xoʻjalik jamiyatlarining ulushlarini balans qiymatiga oshirish hisobiga beriladi va keyinchalik belgilangan tartibda sotiladi.
3. Mazkur qarorga ilovada koʻrsatilgan professional futbol klublari va xoʻjalik jamiyatlari oʻrtasida bosh homiylik shartnomalari tuzilganligi maʼlumot uchun qabul qilinsin.
4. Mazkur qarorga ilovada keltirilgan davlat organlari va xoʻjalik jamiyatlari Turizm va sport vazirligi hamda tegishli hokimliklar bilan birgalikda bir oy muddatda futbol stadionlaridan samarali foydalanish va ularning rentabelligini oshirish maqsadida, shu jumladan, quyidagilarni nazarda tutuvchi “yoʻl xaritasi”ni ishlab chiqib tasdiqlasin:
davlat-xususiy sheriklik shartlari asosida futbol stadionlarini rekonstruksiya qilish, taʼmirlash va obodonlashtirish, shuningdek, ularning yil davomida doimiy faoliyat yuritishini taʼminlash;
stadionlarda yil davomida oʻtkaziladigan sport tadbirlari (musobaqalar, sport toʻgaraklari), konsert va boshqa ommaviy tadbirlar sonini koʻpaytirish;
stadion hududida umumiy ovqatlanish joylari (kafe, restoran), sport doʻkonlari, koʻngilochar joylarni (kinoteatr) tashkil etish.
5. Belgilansinki, mazkur qarorga ilovada nazarda tutilgan professional futbol klublarining yillik xarajatlar smetasi Xalqaro Futbol Assotsiatsiyalari Federatsiyasi, Osiyo Futbol Konfederatsiyasi tomonidan belgilangan talablardan kelib chiqib, Oʻzbekiston futbol assotsiatsiyasi bilan kelishilgan holda tasdiqlanadi.
6. Davlat aktivlarini boshqarish agentligi Moliya vazirligi bilan birgalikda bir oy muddatda mazkur qarorga ilovada koʻrsatilgan professional futbol klublarining ustav kapitalidagi davlat ulushlarini davlat organlari va xoʻjalik jamiyatlariga berishni taʼminlasin.
7. Mazkur qarorning bajarilishini nazorat qilish Oʻzbekiston Respublikasi Bosh vaziri oʻrinbosarlari J.A. Qoʻchqorov va A.A. Abduxakimov zimmasiga yuklansin.
Vazirlar Mahkamasining 2021-yil 30-apreldagi 261-son qaroriga ILOVA
Ustav kapitalidagi davlat ulushlari davlat organlari va xoʻjalik jamiyatlariga oʻtkaziladigan futbol klublari
T/r Professional futbol klublari Davlat ulushi oʻtkaziladigan davlat organlari va xoʻjalik jamiyatlari Bosh homiylar 1. “Bunyodkor” PFK “Oʻzbekneftgaz” AJ Toshkent shahar hokimligi 2. “Paxtakor” PFK Toshkent shahar hokimligi Toshkent shahar hokimligi 3. “Nasaf” PFK “Shoʻrtan gaz kimyo kompleksi” MChJ * “Shoʻrtan gaz kimyo kompleksi” MChJ 4. “Olmaliq” PFK “Olmaliq KMK” AJ “Olmaliq KMK” AJ 5. “Buxoro” PFK “Buxoro neftni qayta ishlash zavodi” MChJ * “Buxoro neftni qayta ishlash zavodi” MChJ 6. “Neftchi” PFK Fargʻona viloyati hokimligi “Fargʻona neftni qayta ishlash zavodi” MChJ 7. “Lokomotiv” PFK “Oʻzbekiston temir yoʻllari” AJ “Oʻzbekiston temir yoʻllari” AJ 8. “Shoʻrtan” PFK Qashqadaryo viloyat hokimligi “Hududgaztaʼminot” AJ 9. “Dinamo plyus” PFK Samarqand viloyati hokimligi Samarqand viloyati hokimligi 10. “Metallurg” PFK “Oʻzmetkombinat” AJ “Oʻzmetkombinat” AJ 11. “Mashʼal” PFK “Oʻzbekneftgaz” AJ “Oʻzbekneftgaz” AJ 12. “Navbahor lochinlari” PFK Namangan viloyati hokimligi Namangan viloyati hokimligi
Oʻzbekiston Respublikasining Bosh vaziri A. ARIPOV
Toshkent sh.,
2021-yil 30-aprel,
261-son