UzbekAI

Ўзбекистон Республикаси Олий суди пленумининг

Қарори

Ўзбекистон Республикасининг Маъмурий суд ишларини юритиш тўғрисидаги кодексига ўзгартиш ва қўшимчалар киритилганлиги муносабати билан Ўзбекистон Республикаси Олий суди Пленумининг айрим қарорларига ўзгартириш ва қўшимчалар киритиш тўғрисида

Қонунчиликка ўзгартириш ва қўшимчалар киритилганлиги, шунингдек, суд амалиётида масалалар келиб чиққанлиги муносабати билан, «Судлар тўғрисида»ги Қонуннинг 17-моддасига асосан, Ўзбекистон Республикаси Олий суди Пленуми қарор қилади:

Ўзбекистон Республикаси Олий суди Пленумининг қуйидаги қарорларига ўзгартириш ва қўшимчалар киритилсин:

1. Ўзбекистон Республикаси Олий суди Пленумининг «Маъмурий ишлар бўйича суд харажатларини ундириш амалиёти ҳақида» 2019 йил 25 октябрдаги 20-сонли қарори :

3-банди 2-кичик бандининг биринчи хатбошиси қуйидаги таҳрирда баён қилинсин:

«бериладиган апелляция ва кассация шикоятларидан:»;

21 , 22-бандларидаги «, назорат» сўзи чиқариб ташлансин.

2. Ўзбекистон Республикаси Олий суди Пленумининг «Маъмурий органлар ва улар мансабдор шахсларининг қарорлари, ҳаракатлари (ҳаракатсизлиги) устидан шикоят қилиш тўғрисидаги ишларни кўриб чиқиш бўйича суд амалиёти ҳақида» 2019 йил 24 декабрдаги 24-сонли қарори :

13-банди :

биринчи хатбошисидаги «туман (шаҳар)» деган сўзлар «туманлараро» деган сўз билан алмаштирилсин;

қуйидаги мазмундаги тўртинчи ва бешинчи хатбошилар билан тўлдирилсин:

«Йирик инвестор бўлмаган инвесторнинг инвестиция фаолияти билан боғлиқ даъво аризалари (шикоятлари) жавобгар жойлашган ердаги туманлараро маъмурий судга ёки Қорақалпоғистон Республикаси маъмурий судига, вилоятлар ва Тошкент шаҳар маъмурий судларига тақдим этилиши мумкин.

Йирик инвесторнинг инвестиция фаолияти билан боғлиқ даъво аризалари (шикоятлари), шунингдек, товар ва молия бозорларидаги рақобат соҳасидаги муносабатлардан келиб чиқадиган даъво аризалари туманлараро маъмурий судга ёки Ўзбекистон Республикаси Олий судига тақдим этилиши мумкин»;

тўртинчи хатбошиси тегишинча олтинчи хатбоши деб ҳисоблансин.

3. Ўзбекистон Республикаси Олий суди Пленумининг «Судлар томонидан маъмурий ҳуқуқбузарлик тўғрисидаги ишларни кўришни тартибга солувчи қонунларни қўллашнинг айрим масалалари тўғрисида» 2018 йил 30 ноябрдаги 35-сонли қарори :

2-бандининг биринчи хатбошисидаги «Маъмурий судга» деган сўзлар «Жиноят ишлари бўйича судга» деган сўзлар билан алмаштирилсин;

30-бандидаги «маъмурий ишлар бўйича судлов ҳайъати» деган сўзлар «жиноят ишлари бўйича судлов ҳайъати» деган сўзлар билан, «маъмурий судлар» деган сўзлар «судлар» деган сўз билан алмаштирилсин.

4. Ўзбекистон Республикаси Олий суди Пленумининг «Фуқаролик ҳолати далолатномалари ёзувларидаги хатоликларни белгилашни тартибга солувчи қонунчиликнинг судлар томонидан қўлланиши ҳақида» 1992 йил 13 ноябрдаги 5-сонли қарори:

муқаддимаси қуйидаги таҳрирда баён этилсин:

«Ўзбекистон Республикасининг процессуал қонунларига ўзгартиришлар киритилганлиги, шунингдек, судларда тушунтириш берилиши лозим бўлган масалалар келиб чиқаётганлиги муносабати билан, Ўзбекистон Республикаси Олий суди Пленуми қарор қилади:»;

1-бандининг биринчи хатбошиси қуйидаги таҳрирда баён этилсин:

«1. Тушунтирилсинки, судлар фуқаролик ҳолати далолатномалари ёзувларидаги хатоликларни белгилаш тўғрисидаги аризаларни, агар дастлабки ёзувлар сақланган ёки тикланган бўлса, шунингдек, уларга фарзандликка олиш, оталикни белгилаш, фамилияси, исми, отасининг исмини ўзгартириш, вояга етмаган боланинг фамилиясини ўзгартириш муносабати билан ушбу ёзувларга фуқаролик ҳолати далолатномаларини ёзиш органлари томонидан ўзгартиришлар киритилган ёхуд фуқаролик ҳолати далолатномалари ёзувларида жиддий тафовутлар бўлса, Ўзбекистон Республикаси Фуқаролик кодексининг 38-моддаси, Ўзбекистон Республикаси Оила кодексининг 228-моддасига мувофиқ, шунингдек, Ўзбекистон Республикаси Вазирлар Маҳкамасининг 2016 йил 14 ноябрдаги 387-сонли қарори билан тасдиқланган Фуқаролик ҳолати далолатномаларини қайд этиш қоидаларига биноан кўради»;

4-банди чиқариб ташлансин.

Ўзбекистон Республикаси Олий суди раиси К. КАМИЛОВ

Пленум котиби, Олий суд судьяси И. АЛИМОВ

Тошкент ш.,

2021 йил 20 апрель,

19-сон

lex.uz

Oʻzbekiston Respublikasi Oliy sudi plenumining

Qarori

Oʻzbekiston Respublikasining Maʼmuriy sud ishlarini yuritish toʻgʻrisidagi kodeksiga oʻzgartish va qoʻshimchalar kiritilganligi munosabati bilan Oʻzbekiston Respublikasi Oliy sudi Plenumining ayrim qarorlariga oʻzgartirish va qoʻshimchalar kiritish toʻgʻrisida

Qonunchilikka oʻzgartirish va qoʻshimchalar kiritilganligi, shuningdek, sud amaliyotida masalalar kelib chiqqanligi munosabati bilan, “Sudlar toʻgʻrisida”gi Qonunning 17-moddasiga asosan, Oʻzbekiston Respublikasi Oliy sudi Plenumi qaror qiladi:

Oʻzbekiston Respublikasi Oliy sudi Plenumining quyidagi qarorlariga oʻzgartirish va qoʻshimchalar kiritilsin:

1. Oʻzbekiston Respublikasi Oliy sudi Plenumining “Maʼmuriy ishlar boʻyicha sud xarajatlarini undirish amaliyoti haqida” 2019-yil 25-oktabrdagi 20-sonli qarori :

3-bandi 2-kichik bandining birinchi xatboshisi quyidagi tahrirda bayon qilinsin:

“beriladigan apellatsiya va kassatsiya shikoyatlaridan:”;

21 , 22-bandlaridagi “, nazorat” soʻzi chiqarib tashlansin.

2. Oʻzbekiston Respublikasi Oliy sudi Plenumining “Maʼmuriy organlar va ular mansabdor shaxslarining qarorlari, harakatlari (harakatsizligi) ustidan shikoyat qilish toʻgʻrisidagi ishlarni koʻrib chiqish boʻyicha sud amaliyoti haqida” 2019-yil 24-dekabrdagi 24-sonli qarori :

13-bandi :

birinchi xatboshisidagi “tuman (shahar)” degan soʻzlar “tumanlararo” degan soʻz bilan almashtirilsin;

quyidagi mazmundagi toʻrtinchi va beshinchi xatboshilar bilan toʻldirilsin:

“Yirik investor boʻlmagan investorning investitsiya faoliyati bilan bogʻliq daʼvo arizalari (shikoyatlari) javobgar joylashgan erdagi tumanlararo maʼmuriy sudga yoki Qoraqalpogʻiston Respublikasi maʼmuriy sudiga, viloyatlar va Toshkent shahar maʼmuriy sudlariga taqdim etilishi mumkin.

Yirik investorning investitsiya faoliyati bilan bogʻliq daʼvo arizalari (shikoyatlari), shuningdek, tovar va moliya bozorlaridagi raqobat sohasidagi munosabatlardan kelib chiqadigan daʼvo arizalari tumanlararo maʼmuriy sudga yoki Oʻzbekiston Respublikasi Oliy sudiga taqdim etilishi mumkin”;

toʻrtinchi xatboshisi tegishincha oltinchi xatboshi deb hisoblansin.

3. Oʻzbekiston Respublikasi Oliy sudi Plenumining “Sudlar tomonidan maʼmuriy huquqbuzarlik toʻgʻrisidagi ishlarni koʻrishni tartibga soluvchi qonunlarni qoʻllashning ayrim masalalari toʻgʻrisida” 2018-yil 30-noyabrdagi 35-sonli qarori :

2-bandining birinchi xatboshisidagi “Maʼmuriy sudga” degan soʻzlar “Jinoyat ishlari boʻyicha sudga” degan soʻzlar bilan almashtirilsin;

30-bandidagi “maʼmuriy ishlar boʻyicha sudlov hayʼati” degan soʻzlar “jinoyat ishlari boʻyicha sudlov hayʼati” degan soʻzlar bilan, “maʼmuriy sudlar” degan soʻzlar “sudlar” degan soʻz bilan almashtirilsin.

4. Oʻzbekiston Respublikasi Oliy sudi Plenumining “Fuqarolik holati dalolatnomalari yozuvlaridagi xatoliklarni belgilashni tartibga soluvchi qonunchilikning sudlar tomonidan qoʻllanishi haqida” 1992-yil 13-noyabrdagi 5-sonli qarori:

muqaddimasi quyidagi tahrirda bayon etilsin:

“Oʻzbekiston Respublikasining protsessual qonunlariga oʻzgartirishlar kiritilganligi, shuningdek, sudlarda tushuntirish berilishi lozim boʻlgan masalalar kelib chiqayotganligi munosabati bilan, Oʻzbekiston Respublikasi Oliy sudi Plenumi qaror qiladi:”;

1-bandining birinchi xatboshisi quyidagi tahrirda bayon etilsin:

“1. Tushuntirilsinki, sudlar fuqarolik holati dalolatnomalari yozuvlaridagi xatoliklarni belgilash toʻgʻrisidagi arizalarni, agar dastlabki yozuvlar saqlangan yoki tiklangan boʻlsa, shuningdek, ularga farzandlikka olish, otalikni belgilash, familiyasi, ismi, otasining ismini oʻzgartirish, voyaga yetmagan bolaning familiyasini oʻzgartirish munosabati bilan ushbu yozuvlarga fuqarolik holati dalolatnomalarini yozish organlari tomonidan oʻzgartirishlar kiritilgan yoxud fuqarolik holati dalolatnomalari yozuvlarida jiddiy tafovutlar boʻlsa, Oʻzbekiston Respublikasi Fuqarolik kodeksining 38-moddasi, Oʻzbekiston Respublikasi Oila kodeksining 228-moddasiga muvofiq, shuningdek, Oʻzbekiston Respublikasi Vazirlar Mahkamasining 2016-yil 14-noyabrdagi 387-sonli qarori bilan tasdiqlangan Fuqarolik holati dalolatnomalarini qayd etish qoidalariga binoan koʻradi”;

4-bandi chiqarib tashlansin.

Oʻzbekiston Respublikasi Oliy sudi raisi K. KAMILOV

Plenum kotibi, Oliy sud sudyasi I. ALIMOV

Toshkent sh.,

2021-yil 20-aprel,

19-son

lex.uz

пЛЕНУМА Верховного суда Республики Узбекистан

Постановление

О внесении изменений и дополнений в некоторые постановления Пленума Верховного суда Республики Узбекистан в связи с внесенными изменениями и дополнениями в Кодекс Республики Узбекистан об административном судопроизводстве

В связи с изменениями и дополнениями, внесенными в законодательство, а также вопросами, возникшими в судебной практике, на основании статьи 17 Закона «О судах» Пленум Верховного суда Республики Узбекистан постановляет:

Внести изменения и дополнения в следующие постановления Пленума Верховного суда Республики Узбекистан:

1. Постановление Пленума Верховного суда Республики Узбекистан от 25 октября 2019 года № 20 «О практике взыскания судебных расходов по административным делам»:

абзац первый подпункта 2 пункта 3 изложить в следующей редакции:

«с апелляционных и кассационных жалоб:»;

в пунктах 21 , 22 слова «, надзорной», «, надзорном» исключить.

2. Постановление Пленума Верховного суда Республики Узбекистан от 24 декабря 2019 года № 24 «О судебной практике по рассмотрению дел об обжаловании решений, действия (бездействия) административных органов и их должностных лиц»:

в пункте 13 :

в абзаце первом слова «районный (городской)» заменить словом «межрайонный»;

дополнить абзацами четвертым и пятым следующего содержания:

«Иски (жалобы), связанные с инвестиционной деятельностью инвестора, не являющегося крупным инвестором, могут быть предъявлены в межрайонный административный суд или Административный суд Республики Каракалпакстан, административные суды областей и города Ташкента по месту нахождения ответчика.

Иски (жалобы), связанные с инвестиционной деятельностью крупного инвестора, а также иски, вытекающие из отношений в области конкуренции на товарных и финансовых рынках, могут быть предъявлены в межрайонный административный суд или Верховный суд Республики Узбекистан»;

абзац четвертый считать соответственно абзацем шестым.

3. Постановление Пленума Верховного суда Республики Узбекистан от 30 ноября 2018 года № 35 «О некоторых вопросах применения судами законодательства, регулирующего рассмотрение дел об административных правонарушениях»:

в абзаце первом пункта 2 слова «административному суду» заменить словами «суду по уголовным делам»;

в пункте 30 слова «Судебной коллегии по административным делам» заменить словами «Судебной коллегии по уголовным делам», слова «административным судам» заменить словом «судам».

4. Постановление Пленума Верховного суда Республики Узбекистан от 13 ноября 1992 года № 5 «О применении судами законодательства, регулирующего установление неправильностей записей актов гражданского состояния»:

преамбулу изложить в следующей редакции:

«В связи с изменениями, внесенными в процессуальные законы, а также возникающими у судов вопросами, требующими разъяснения, Пленум Верховного суда Республики Узбекистан постановляет:»;

абзац первый пункта 1 изложить в следующей редакции:

«1. Разъяснить, что в соответствии со статьей 38 Гражданского кодекса Республики Узбекистан, статьей 228 Семейного кодекса Республики Узбекистан, а также в соответствии с Правилами регистрации актов гражданского состояния, утвержденными постановлением Кабинета Министров Республики Узбекистан от 14 ноября 2016 года № 387, суды рассматривают заявления об установлении неправильностей записей актов гражданского состояния, если имеются первичные или восстановленные записи, а также в случаях, когда органами записи актов гражданского состояния в эти записи внесены изменения в связи с усыновлением (удочерением), установлением отцовства, переменой фамилии, имени, отчества, изменением фамилии несовершеннолетнего ребенка либо когда в записях актов гражданского состояния имеются существенные противоречия»;

пункт 4 исключить.

Председатель Верховного суда Республики Узбекистан К. КАМИЛОВ

Секретарь Пленума, судья Верховного суда И. АЛИМОВ

г. Ташкент,

20 апреля 2021 г.,

№ 19

lex.uz