📅 2021-yil 8-may · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 8 май · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 8 мая 2021 г. · Постановления Кабинета Министров
Официальный текст. Официальный документ. Редакционные примечания не включены.
📅 8 May 2021 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ТУЗИЛМАСИ
Ўзбекистон Республикаси Гидрометеорология хизмати маркази ҳузурида «Гидрометеорологияда ахборот технологияларини ривожлантириш маркази» давлат муассасаси фаолиятини ташкил этиш чора-тадбирлари тўғрисида
Ўзбекистон Республикаси Президентининг «Ўзбекистон Республикаси гидрометеорология хизмати фаолиятини янада такомиллаштириш чора-тадбирлари тўғрисида» 2020 йил 17 ноябрдаги ПҚ-4896-сон қарори ижросини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Ўзбекистон Республикаси гидрометеорология хизмати фаолиятини янада такомиллаштириш чора-тадбирлари тўғрисида» 2020 йил 17 ноябрдаги ПҚ-4896-сон қарори билан Гидрометеорология хизмати маркази (кейинги ўринларда — Ўзгидромет) ҳузуридаги «Метеоинфосистем» ахборот-техник бошқармаси негизида «Гидрометеорологияда ахборот технологияларини ривожлантириш маркази» давлат муассасаси (кейинги ўринларда — Марказ) ташкил этилганлиги, унинг фаолиятини молиялаштириш манбалари ҳамда ходимларига Ўзгидромет ходимлари учун белгиланган меҳнатга ҳақ тўлаш ва мукофотлаш тартиби қўлланилиши белгиланганлиги маълумот учун қабул қилинсин.
2. Қуйидагилар Марказнинг асосий вазифалари этиб белгилансин:
гидрометеорология хизмати самарадорлигини ошириш, электрон хизматларнинг ўз вақтида тақдим этилишини таъминлайдиган замонавий интеллектуал тизимлар, ахборот ресурслари ва дастурий маҳсулотларни жорий этиш;
гидрометеорология хизматининг технологик инфратузилмасини ривожлантириш, электрон ўзаро ҳамкорликни ташкил этиш ва гидрометеорологик ҳамда сунъий йўлдош маълумотлари билан алмашиш учун ягона телекоммуникация тармоғини яратиш;
катта ҳажмдаги рақамли маълумотларга ишлов бериш ва таҳлил қилиш, гидрометеорологик ва сунъий йўлдош маълумотларини моделлаштириш учун юқори тезликка эга компьютер марказларидан кенг фойдаланиш;
гидрометеорология хизмати ходимларининг, айниқса, катта ҳажмдаги рақамли маълумотлар, компьютер моделлаштириш, сунъий йўлдош технологиялари ва ахборот хавфсизлиги соҳасидаги кўникмаларини ошириш.
3. Ўзбекистон Республикаси Гидрометеорология хизмати маркази ҳузуридаги «Гидрометеорологияда ахборот технологияларини ривожлантириш маркази» давлат муассасасининг тузилмаси иловага мувофиқ тасдиқлансин.
Белгилансинки, Марказ директори Ўзгидромет бош директори томонидан лавозимга тайинланади ва лавозимидан озод қилинади.
4. Марказга:
малакали мутахассисларни жалб этган ҳолда гидрометеорология соҳасидаги лойиҳаларни амалга ошириш бўйича фуқаролик-ҳуқуқий шартномалар асосида меҳнатга ишбай ҳақ тўланадиган дастурчилар жамоасини шакллантиришга, шу жумладан, хорижий мутахассисларни маслаҳатчи сифатида жалб қилишга;
юклатилган қўшимча вазифалар доирасида кўрсатиладиган пуллик хизматлардан тушган маблағларнинг камида 50 фоизи Марказ ходимларининг иш ҳақи учун, уларни ижтимоий ҳимоя қилиш ва моддий рағбатлантириш тадбирларига сарфланишига рухсат берилсин.
5. Ўзгидромет:
а) бир ой муддатда:
Марказнинг уставини қўшимча вазифаларни инобатга олган ҳолда ишлаб чиқсин ва тасдиқласин ҳамда белгиланган тартибда давлат рўйхатидан ўтказилишини таъминласин;
бошқа манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни ушбу қарорга мувофиқлаштирсин;
б) икки ой муддатда Марказ томонидан фаолият ихтисослиги бўйича қўшимча пуллик хизматлар кўрсатиш тартибини тасдиқласин;
в) 2021 йил 1 июлга қадар Молия вазирлиги билан биргаликда Марказни 2022 йил 1 январдан бошлаб тўлиқ хўжалик ҳисобига ўтказиш бўйича Вазирлар Маҳкамасига таклиф киритсин.
6. Мазкур қарорнинг бажарилишини назорат қилиш Ўзбекистон Республикаси Бош вазирининг маслаҳатчиси — IТ-технологиялар, телекоммуникациялар ва инновацион фаолиятни ривожлантириш масалалари департаменти бошлиғи О.М. Умаров ҳамда Ўзгидромет бош директори Ш.Ҳ. Ҳабибуллаев зиммасига юклансин.
Вазирлар Маҳкамасининг 2021 йил 8 майдаги 289-сон қарорига ИЛОВА
Ўзбекистон Республикаси Гидрометеорология хизмати маркази ҳузуридаги «Гидрометеорологияда ахборот технологияларини ривожлантириш маркази» давлат муассасасининг
Директор Директорнинг биринчи ўринбосари Директор ўринбосари — Телекоммуникация инфратузилмасини ривожлантириш ва дастурий таъминотларни техник жиҳатдан қўллаб-қувватлаш бошқармаси бошлиғи Молия-иқтисод бўлими 3 Рақамли инфратузилма ва электрон ҳукумат лойиҳаларини амалга ошириш бошқармаси 8 Ахборот хавфсизлигини таъминлаш ва ихтисослаштирилган ишлаб чиқариш бошқармаси 12 Ходимлар билан ишлаш бўлими 2 Телекоммуникация инфратузилмасини ривожлантириш ва дастурий таъминотларни техник жиҳатдан қўллаб-қувватлаш бошқармаси 18 Бош юрисконсульт 1 Рақамли инфратузилма ва бизнес жараёнларини, давлат хизматлари кўрсатиш тартиботларини мақбуллаштириш бўлими 3 Ихтисослаштирилган ахборот тизимлари, сервер қурилмалари ва алоқа каналлари хавфсизлигини таъминлаш бўлими 7 Иш юритиш ва умумий хўжалик бошқармаси 6 Муҳандислик ва радио-телекоммуникация тармоқларини техник жиҳатдан қўллаб-қувватлаш бўлими 9 Ахборот тизимлари ва маълумотлар базалари техник ҳужжатларини лойиҳалаштириш бўлими 4 Масофавий зондлаш ва оператив маълумотларни қайта ишлаш бўлими 4 Ижро назорати ва девонхона бўлими 2 Моддий-техник таъминот ва хўжалик бўлими 3 Ахборот тизимлари ва маълумотлар базасини техник жиҳатдан қўллаб-қувватлаш бўлими 8
Ўзбекистон Республикасининг Бош вазири А. АРИПОВ
Тошкент ш.,
2021 йил 8 май,
289-сон
Oʻzbekiston Respublikasi Vazirlar Mahkamasining
qarori
TUZILMASI
Oʻzbekiston Respublikasi Gidrometeorologiya xizmati markazi huzurida “Gidrometeorologiyada axborot texnologiyalarini rivojlantirish markazi” davlat muassasasi faoliyatini tashkil etish chora-tadbirlari toʻgʻrisida
Oʻzbekiston Respublikasi Prezidentining “Oʻzbekiston Respublikasi gidrometeorologiya xizmati faoliyatini yanada takomillashtirish chora-tadbirlari toʻgʻrisida” 2020-yil 17-noyabrdagi PQ-4896-son qarori ijrosini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Oʻzbekiston Respublikasi gidrometeorologiya xizmati faoliyatini yanada takomillashtirish chora-tadbirlari toʻgʻrisida” 2020-yil 17-noyabrdagi PQ-4896-son qarori bilan Gidrometeorologiya xizmati markazi (keyingi oʻrinlarda — Oʻzgidromet) huzuridagi “Meteoinfosistem” axborot-texnik boshqarmasi negizida “Gidrometeorologiyada axborot texnologiyalarini rivojlantirish markazi” davlat muassasasi (keyingi oʻrinlarda — Markaz) tashkil etilganligi, uning faoliyatini moliyalashtirish manbalari hamda xodimlariga Oʻzgidromet xodimlari uchun belgilangan mehnatga haq toʻlash va mukofotlash tartibi qoʻllanilishi belgilanganligi maʼlumot uchun qabul qilinsin.
2. Quyidagilar Markazning asosiy vazifalari etib belgilansin:
gidrometeorologiya xizmati samaradorligini oshirish, elektron xizmatlarning oʻz vaqtida taqdim etilishini taʼminlaydigan zamonaviy intellektual tizimlar, axborot resurslari va dasturiy mahsulotlarni joriy etish;
gidrometeorologiya xizmatining texnologik infratuzilmasini rivojlantirish, elektron oʻzaro hamkorlikni tashkil etish va gidrometeorologik hamda sunʼiy yoʻldosh maʼlumotlari bilan almashish uchun yagona telekommunikatsiya tarmogʻini yaratish;
katta hajmdagi raqamli maʼlumotlarga ishlov berish va tahlil qilish, gidrometeorologik va sunʼiy yoʻldosh maʼlumotlarini modellashtirish uchun yuqori tezlikka ega kompyuter markazlaridan keng foydalanish;
gidrometeorologiya xizmati xodimlarining, ayniqsa, katta hajmdagi raqamli maʼlumotlar, kompyuter modellashtirish, sunʼiy yoʻldosh texnologiyalari va axborot xavfsizligi sohasidagi koʻnikmalarini oshirish.
3. Oʻzbekiston Respublikasi Gidrometeorologiya xizmati markazi huzuridagi “Gidrometeorologiyada axborot texnologiyalarini rivojlantirish markazi” davlat muassasasining tuzilmasi ilovaga muvofiq tasdiqlansin.
Belgilansinki, Markaz direktori Oʻzgidromet bosh direktori tomonidan lavozimga tayinlanadi va lavozimidan ozod qilinadi.
4. Markazga:
malakali mutaxassislarni jalb etgan holda gidrometeorologiya sohasidagi loyihalarni amalga oshirish boʻyicha fuqarolik-huquqiy shartnomalar asosida mehnatga ishbay haq toʻlanadigan dasturchilar jamoasini shakllantirishga, shu jumladan, xorijiy mutaxassislarni maslahatchi sifatida jalb qilishga;
yuklatilgan qoʻshimcha vazifalar doirasida koʻrsatiladigan pullik xizmatlardan tushgan mablagʻlarning kamida 50 foizi Markaz xodimlarining ish haqi uchun, ularni ijtimoiy himoya qilish va moddiy ragʻbatlantirish tadbirlariga sarflanishiga ruxsat berilsin.
5. Oʻzgidromet:
a) bir oy muddatda:
Markazning ustavini qoʻshimcha vazifalarni inobatga olgan holda ishlab chiqsin va tasdiqlasin hamda belgilangan tartibda davlat roʻyxatidan oʻtkazilishini taʼminlasin;
boshqa manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni ushbu qarorga muvofiqlashtirsin;
b) ikki oy muddatda Markaz tomonidan faoliyat ixtisosligi boʻyicha qoʻshimcha pullik xizmatlar koʻrsatish tartibini tasdiqlasin;
v) 2021-yil 1-iyulga qadar Moliya vazirligi bilan birgalikda Markazni 2022-yil 1-yanvardan boshlab toʻliq xoʻjalik hisobiga oʻtkazish boʻyicha Vazirlar Mahkamasiga taklif kiritsin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining maslahatchisi — IT-texnologiyalar, telekommunikatsiyalar va innovatsion faoliyatni rivojlantirish masalalari departamenti boshligʻi O.M. Umarov hamda Oʻzgidromet bosh direktori Sh.H. Habibullayev zimmasiga yuklansin.
Vazirlar Mahkamasining 2021-yil 8-maydagi 289-son qaroriga ILOVA
Oʻzbekiston Respublikasi Gidrometeorologiya xizmati markazi huzuridagi “Gidrometeorologiyada axborot texnologiyalarini rivojlantirish markazi” davlat muassasasining
Direktor Direktorning birinchi oʻrinbosari Direktor oʻrinbosari — Telekommunikatsiya infratuzilmasini rivojlantirish va dasturiy taʼminotlarni texnik jihatdan qoʻllab-quvvatlash boshqarmasi boshligʻi Moliya-iqtisod boʻlimi 3 Raqamli infratuzilma va elektron hukumat loyihalarini amalga oshirish boshqarmasi 8 Axborot xavfsizligini taʼminlash va ixtisoslashtirilgan ishlab chiqarish boshqarmasi 12 Xodimlar bilan ishlash boʻlimi 2 Telekommunikatsiya infratuzilmasini rivojlantirish va dasturiy taʼminotlarni texnik jihatdan qoʻllab-quvvatlash boshqarmasi 18 Bosh yuriskonsult 1 Raqamli infratuzilma va biznes jarayonlarini, davlat xizmatlari koʻrsatish tartibotlarini maqbullashtirish boʻlimi 3 Ixtisoslashtirilgan axbo�ot tizimlari, server qurilmalari va aloqa kanallari xavfsizligini taʼminlash boʻlimi 7 Ish yuritish va umumiy xoʻjalik boshqarmasi 6 Muhandislik va radio-telekommunikatsiya tarmoqlarini texnik jihatdan qoʻllab-quvvatlash boʻlimi 9 Axborot tizimlari va maʼlumotlar bazalari texnik hujjatlarini loyihalashtirish boʻlimi 4 Masofaviy zondlash va operativ maʼlumotlarni qayta ishlash boʻlimi 4 Ijro nazorati va devonxona boʻlimi 2 Moddiy-texnik taʼminot va xoʻjalik boʻlimi 3 Axborot tizimlari va maʼlumotlar bazasini texnik jihatdan qoʻllab-quvvatlash boʻlimi 8
Oʻzbekiston Respublikasining Bosh vaziri A. ARIPOV
Toshkent sh.,
2021-yil 8-may,
289-son