📅 2021-yil 19-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 19 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 19 мая 2021 г. · Постановления Президента
Официальный текст. Официальный документ. Редакционные примечания не включены.
📅 19 May 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикасида хорижий тилларни ўрганишни оммалаштириш фаолиятини сифат жиҳатидан янги босқичга олиб чиқиш чора-тадбирлари тўғрисида
«Ёшларни қўллаб-қувватлаш ва аҳоли саломатлигини мустаҳкамлаш йили» Давлат дастурига мувофиқ, хорижий тилларни ўргатишни таълим сиёсатининг устувор йўналиши сифатида ривожлантириш, ушбу йўналишда таълим сифатини тубдан ошириш, соҳага малакали педагогларни жалб этиш ҳамда аҳолининг хорижий тилларни ўрганишга бўлган қизиқишини ошириш мақсадида:
3. Хорижий тилларга ўқитишнинг сифатини ошириш мақсадида:
б) 2021 йил 1 сентябрдан бошлаб хорижий тилларни ўқитиш бўйича энг яхши натижаларга эришган мактабларни рағбатлантириш мақсадида Ўзбекистон Республикаси Президенти соврини таъсис этилсин.
Бунда, соврин учун мусобақалар умумтаълим мактаблари ўртасида қуйидаги уч босқичда ташкил этилган ҳолда:
биринчи босқич — туман ва шаҳарларда ўтказилиб, ғолиблар 100 млн сўмгача;
иккинчи босқич — Қорақалпоғистон Республикаси, вилоятлар ва Тошкент шаҳрида ўтказилиб, ғолиблар 250 млн сўмгача;
учинчи босқич — республика миқёсида ўтказилиб, ғолиблар 500 млн сўмгача пул маблағлари билан мукофотлансин.
Вазирлар Маҳкамаси бир ой муддатда қуйидагиларни назарда тутувчи қарорни тасдиқласин:
хорижий тилларни ўқитишга ихтисослаштирилган мактаблар ва уларга бириктириладиган олий таълим муассасалари рўйхати ҳамда ушбу мактабларни жиҳозлаш дастури;
Ўзбекистон Республикаси Президенти соврини учун мактаблар орасида мусобақаларни ўтказиш тартиби.
4. Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари қишлоқ ҳудудларида хорижий тилларни ўқитиш фаолиятини ташкил этиш учун тадбиркорлик субъектларига 50 млн сўмгача маҳаллий бюджет маблағлари ҳисобидан бир марталик субсидия ажратиш амалиётини йўлга қўйсин.
5. 2021/2022 ўқув йилидан бошлаб:
а) таълим муассасаларининг камида С1 даражадаги миллий ёки унга тенглаштирилган мос даражадаги халқаро тан олинган сертификатга эга хорижий тиллар (инглиз, француз, немис, испан, итальян, араб, хитой, япон, корейс, турк, форс, пушту, дари, урду, ҳинд) ўқитувчиларига уларнинг базавий тариф ставкасига нисбатан ҳар ойлик 50 фоиз миқдорида қўшимча устама ҳақи тўлаб борилсин.
Бунда, умумий ўрта, ўрта махсус ва профессионал таълим муассасалари ўқитувчиларининг камида С1 даражадаги халқаро сертификатни олиш учун имтиҳон топшириш билан боғлиқ харажатлари Давлат бюджетидан педагог кадрлар малакасини ошириш учун ажратиладиган маблағлар, давлат олий таълим муассасалари ўқитувчиларининг харажатлари эса олий таълим муассасаларининг, кадрларни қайта тайёрлаш ва уларнинг малакасини ошириш бўйича давлат таълим муассасалари ўқитувчиларининг харажатлари — кадрларни қайта тайёрлаш ва уларнинг малакасини ошириш бўйича давлат таълим муассасаларининг ўз маблағлари ҳисобидан қопланиши белгилансин.
б) умумий ўрта, ўрта махсус ва профессионал таълим муассасаларининг камида С1 даражадаги миллий ёки унга мос даражадаги халқаро сертификатга эга хорижий тиллар (инглиз, француз, немис, испан, итальян, араб, хитой, япон, корейс, турк, форс, пушту, дари, урду, ҳинд) ўқитувчилари аттестация жараёнида малака синови учун максимал балл билан баҳоланиб, хорижий тил модули бўйича синовдан озод этилсин.
Бунда, мазкур сертификатни олиш муқобил малака ошириш шакли сифатида тан олинсин.
в) умумий ўрта, ўрта махсус ва профессионал таълим муассасаларида хорижий тилда мутахассислик фанларидан дарс берадиган B2 ва ундан юқори даражадаги миллий ёки унга мос даражадаги халқаро сертификатга эга ўқитувчиларига қонунчилик ҳужжатларида назарда тутилган устамалар татбиқ этилсин;
г) умумий ўрта, ўрта махсус ва профессионал таълим муассасаларида фаолият юритаётган барча хорижий тиллар ўқитувчиларига Давлат бюджетидан замонавий адабиёт, дарслик ва ўқув қўлланмаларини сотиб олиши учун 1 млн сўмдан маблағлар ажратилсин. Бунда, тавсия этиладиган дарслик ва ўқув қўлланмаларининг рўйхати ҳамда уларни сотиб олганлик тўғрисида ҳисобот шакли Мактабгача ва мактаб таълими вазирлиги ҳамда Олий таълим, фан ва инновациялар вазирлиги томонидан белгиланади.
Молия вазирлиги (Т. Ишметов) хорижий тиллар ўқитувчиларининг сертификатни олиш билан боғлиқ харажатларини қоплаш ва устама тўлаш, шунингдек, ушбу ўқитувчилар томонидан адабиёт, дарслик ва ўқув қўлланмаларини сотиб олиш учун 2021 йилда қўшимча 100 млрд сўмгача ажратилиши ҳамда 2022 йилдан бошлаб тегишли маблағларни Давлат бюджети параметрларида назарда тутиб борсин.
6. Хорижий тилларни ўқитиш соҳасига малакали кадрларни жалб қилиш ва соҳа мутахассисларининг салоҳиятини ошириш мақсадида:
2021/2022 ўқув йилида хорижий тилларни ўқитишга ихтисослаштирилган олий таълим муассасаларига қабул параметрлари икки бараварга, давлат гранти асосида қабул кўрсаткичлари эса уч бараварга оширилсин;
2022/2023 ўқув йилидан бошлаб, хорижий тилларни ўқитишга ихтисослашган олий таълим муассасалари битирувчилари томонидан давлат аттестация имтиҳонларини топшириш билан бир қаторда ушбу таълим муассасалари ҳисобидан миллий ёки унга тенглаштирилган бошқа етакчи халқаро баҳолаш тизимлари орқали уларнинг билимлари даражасини аниқлаш амалиёти йўлга қўйилсин.
7. Давлат хизматчилари томонидан хорижий тилларни ўзлаштириш даражасини ошириш ҳамда давлат органларини юқори малакали ва рақобатбардош кадрлар билан тўлдириш мақсадида:
2021 йил 1 июлдан бошлаб давлат органларида таълим ташкилотлари ўқитувчиларини шартнома асосида жалб қилиб, ҳафтада камида бир маротаба ходимларни хорижий тилга ўқитиш амалиёти йўлга қўйилсин;
2022 йилдан бошлаб давлат органларига ишга қабул қилиш ва юқори лавозимга тайинлаш учун хорижий тилни билиш талабгорга қўйиладиган мажбурий малакавий кўникма сифатида белгилансин;
давлат органларининг раҳбарлари ўринбосарларидан бирига хорижий тилларни ўрганишни оммалаштириш, шу жумладан Агентлик билан ҳамкорлик қилиш вазифалари юклатилсин.
Бандлик ва меҳнат муносабатлари вазирлиги (Н. Хусанов) Давлат хизматини ривожлантириш агентлиги (О. Хасанов), Агентлик, Адлия вазирлиги (Р. Давлетов) ва Молия вазирлиги (Т. Ишметов) билан биргаликда бир ой муддатда давлат органларида хорижий тилларни ўрганишни оммалаштириш бўйича қарор лойиҳасини киритсин.
8. Олий ва ўрта махсус таълим вазирлиги (А. Тошқулов), Агентлик ва Халқ таълими вазирлиги (Ш. Шерматов) икки ой муддатда қонунчилик ҳужжатларига мазкур қарордан келиб чиқадиган ўзгартиш ва қўшимчалар тўғрисида Вазирлар Маҳкамасига таклиф киритсин.
9. Хорижий тилларни ўрганишни оммалаштириш бўйича ишларни самарали ташкиллаштириш мақсадида:
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари — 2021 йил 1 июлга қадар Агентлик билан биргаликда жорий йил иккинчи ярми учун мўлжалланган ҳудудларда хорижий тилларни ўргатишни оммалаштириш бўйича «йўл хариталари» ишлаб чиқсин, кейинчалик эса ҳар йили 15 январга қадар бундай «йўл хариталари»ни ишлаб чиқиб, тасдиқласин;
Қорақалпоғистон Республикаси Жўқорғи Кенгеси, халқ депутатлари Кенгашлари — ҳар йили Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг хорижий тилларни ўрганишни оммалаштириш бўйича тегишли ҳудудда амалга оширилаётган ишлар юзасидан ҳисоботини эшитиб борсин;
Вазирлар Маҳкамаси (Б. Мусаев) — ҳар ярим йилда ушбу қарорда назарда тутилган вазифалар бажарилишини Ҳукумат мажлисларида муҳокама қилиб борсин;
Ўзбекистон Республикаси Президенти маслаҳатчиси А.А. Абдувахитов — ушбу қарорда белгиланган вазифаларнинг ўз вақтида ва тўлиқ ижро этилишини назорат қилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 19 май,
ПҚ-5117-сон
Oʻzbekiston Respublikasi Prezidentining
Qarori
Oʻzbekiston Respublikasida xorijiy tillarni oʻrganishni ommalashtirish faoliyatini sifat jihatidan yangi bosqichga olib chiqish chora-tadbirlari toʻgʻrisida
“Yoshlarni qoʻllab-quvvatlash va aholi salomatligini mustahkamlash yili” Davlat dasturiga muvofiq, xorijiy tillarni oʻrgatishni taʼlim siyosatining ustuvor yoʻnalishi sifatida rivojlantirish, ushbu yoʻnalishda taʼlim sifatini tubdan oshirish, sohaga malakali pedagoglarni jalb etish hamda aholining xorijiy tillarni oʻrganishga boʻlgan qiziqishini oshirish maqsadida:
3. Xorijiy tillarga oʻqitishning sifatini oshirish maqsadida:
b) 2021-yil 1-sentabrdan boshlab xorijiy tillarni oʻqitish boʻyicha eng yaxshi natijalarga erishgan maktablarni ragʻbatlantirish maqsadida Oʻzbekiston Respublikasi Prezidenti sovrini taʼsis etilsin.
Bunda, sovrin uchun musobaqalar umumtaʼlim maktablari oʻrtasida quyidagi uch bosqichda tashkil etilgan holda:
birinchi bosqich — tuman va shaharlarda oʻtkazilib, gʻoliblar 100 mln soʻmgacha;
ikkinchi bosqich — Qoraqalpogʻiston Respublikasi, viloyatlar va Toshkent shahrida oʻtkazilib, gʻoliblar 250 mln soʻmgacha;
uchinchi bosqich — respublika miqyosida oʻtkazilib, gʻoliblar 500 mln soʻmgacha pul mablagʻlari bilan mukofotlansin.
Vazirlar Mahkamasi bir oy muddatda quyidagilarni nazarda tutuvchi qarorni tasdiqlasin:
xorijiy tillarni oʻqitishga ixtisoslashtirilgan maktablar va ularga biriktiriladigan oliy taʼlim muassasalari roʻyxati hamda ushbu maktablarni jihozlash dasturi;
Oʻzbekiston Respublikasi Prezidenti sovrini uchun maktablar orasida musobaqalarni oʻtkazish tartibi.
4. Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari qishloq hududlarida xorijiy tillarni oʻqitish faoliyatini tashkil etish uchun tadbirkorlik subyektlariga 50 mln soʻmgacha mahalliy budjet mablagʻlari hisobidan bir martalik subsidiya ajratish amaliyotini yoʻlga qoʻysin.
5. 2021/2022 oʻquv yilidan boshlab:
a) taʼlim muassasalarining kamida S1 darajadagi milliy yoki unga tenglashtirilgan mos darajadagi xalqaro tan olingan sertifikatga ega xorijiy tillar (ingliz, fransuz, nemis, ispan, italyan, arab, xitoy, yapon, koreys, turk, fors, pushtu, dari, urdu, hind) oʻqituvchilariga ularning bazaviy tarif stavkasiga nisbatan har oylik 50 foiz miqdorida qoʻshimcha ustama haqi toʻlab borilsin.
Bunda, umumiy oʻrta, oʻrta maxsus va professional taʼlim muassasalari oʻqituvchilarining kamida S1 darajadagi xalqaro sertifikatni olish uchun imtihon topshirish bilan bogʻliq xarajatlari Davlat budjetidan pedagog kadrlar malakasini oshirish uchun ajratiladigan mablagʻlar, davlat oliy taʼlim muassasalari oʻqituvchilarining xarajatlari esa oliy taʼlim muassasalarining, kadrlarni qayta tayyorlash va ularning malakasini oshirish boʻyicha davlat taʼlim muassasalari oʻqituvchilarining xarajatlari — kadrlarni qayta tayyorlash va ularning malakasini oshirish boʻyicha davlat taʼlim muassasalarining oʻz mablagʻlari hisobidan qoplanishi belgilansin.
b) umumiy oʻrta, oʻrta maxsus va professional taʼlim muassasalarining kamida S1 darajadagi milliy yoki unga mos darajadagi xalqaro sertifikatga ega xorijiy tillar (ingliz, fransuz, nemis, ispan, italyan, arab, xitoy, yapon, koreys, turk, fors, pushtu, dari, urdu, hind) oʻqituvchilari attestatsiya jarayonida malaka sinovi uchun maksimal ball bilan baholanib, xorijiy til moduli boʻyicha sinovdan ozod etilsin.
Bunda, mazkur sertifikatni olish muqobil malaka oshirish shakli sifatida tan olinsin.
v) umumiy oʻrta, oʻrta maxsus va professional taʼlim muassasalarida xorijiy tilda mutaxassislik fanlaridan dars beradigan B2 va undan yuqori darajadagi milliy yoki unga mos darajadagi xalqaro sertifikatga ega oʻqituvchilariga qonunchilik hujjatlarida nazarda tutilgan ustamalar tatbiq etilsin;
g) umumiy oʻrta, oʻrta maxsus va professional taʼlim muassasalarida faoliyat yuritayotgan barcha xorijiy tillar oʻqituvchilariga Davlat budjetidan zamonaviy adabiyot, darslik va oʻquv qoʻllanmalarini sotib olishi uchun 1 mln soʻmdan mablagʻlar ajratilsin. Bunda, tavsiya etiladigan darslik va oʻquv qoʻllanmalarining roʻyxati hamda ularni sotib olganlik toʻgʻrisida hisobot shakli Maktabgacha va maktab taʼlimi vazirligi hamda Oliy taʼlim, fan va innovatsiyalar vazirligi tomonidan belgilanadi.
Moliya vazirligi (T. Ishmetov) xorijiy tillar oʻqituvchilarining sertifikatni olish bilan bogʻliq xarajatlarini qoplash va ustama toʻlash, shuningdek, ushbu oʻqituvchilar tomonidan adabiyot, darslik va oʻquv qoʻllanmalarini sotib olish uchun 2021-yilda qoʻshimcha 100 mlrd soʻmgacha ajratilishi hamda 2022-yildan boshlab tegishli mablagʻlarni Davlat budjeti parametrlarida nazarda tutib borsin.
6. Xorijiy tillarni oʻqitish sohasiga malakali kadrlarni jalb qilish va soha mutaxassislarining salohiyatini oshirish maqsadida:
2021/2022 oʻquv yilida xorijiy tillarni oʻqitishga ixtisoslashtirilgan oliy taʼlim muassasalariga qabul parametrlari ikki baravarga, davlat granti asosida qabul koʻrsatkichlari esa uch baravarga oshirilsin;
2022/2023 oʻquv yilidan boshlab, xorijiy tillarni oʻqitishga ixtisoslashgan oliy taʼlim muassasalari bitiruvchilari tomonidan davlat attestatsiya imtihonlarini topshirish bilan bir qatorda ushbu taʼlim muassasalari hisobidan milliy yoki unga tenglashtirilgan boshqa yetakchi xalqaro baholash tizimlari orqali ularning bilimlari darajasini aniqlash amaliyoti yoʻlga qoʻyilsin.
7. Davlat xizmatchilari tomonidan xorijiy tillarni oʻzlashtirish darajasini oshirish hamda davlat organlarini yuqori malakali va raqobatbardosh kadrlar bilan toʻldirish maqsadida:
2021-yil 1-iyuldan boshlab davlat organlarida taʼlim tashkilotlari oʻqituvchilarini shartnoma asosida jalb qilib, haftada kamida bir marotaba xodimlarni xorijiy tilga oʻqitish amaliyoti yoʻlga qoʻyilsin;
2022-yildan boshlab davlat organlariga ishga qabul qilish va yuqori lavozimga tayinlash uchun xorijiy tilni bilish talabgorga qoʻyiladigan majburiy malakaviy koʻnikma sifatida belgilansin;
davlat organlarining rahbarlari oʻrinbosarlaridan biriga xorijiy tillarni oʻrganishni ommalashtirish, shu jumladan Agentlik bilan hamkorlik qilish vazifalari yuklatilsin.
Bandlik va mehnat munosabatlari vazirligi (N. Xusanov) Davlat xizmatini rivojlantirish agentligi (O. Xasanov), Agentlik, Adliya vazirligi (R. Davletov) va Moliya vazirligi (T. Ishmetov) bilan birgalikda bir oy muddatda davlat organlarida xorijiy tillarni oʻrganishni ommalashtirish boʻyicha qaror loyihasini kiritsin.
8. Oliy va oʻrta maxsus taʼlim vazirligi (A. Toshqulov), Agentlik va Xalq taʼlimi vazirligi (Sh. Shermatov) ikki oy muddatda qonunchilik hujjatlariga mazkur qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga taklif kiritsin.
9. Xorijiy tillarni oʻrganishni ommalashtirish boʻyicha ishlarni samarali tashkillashtirish maqsadida:
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari — 2021-yil 1-iyulga qadar Agentlik bilan birgalikda joriy yil ikkinchi yarmi uchun moʻljallangan hududlarda xorijiy tillarni oʻrgatishni ommalashtirish boʻyicha “yoʻl xaritalari” ishlab chiqsin, keyinchalik esa har yili 15-yanvarga qadar bunday “yoʻl xaritalari”ni ishlab chiqib, tasdiqlasin;
Qoraqalpogʻiston Respublikasi Joʻqorgʻi Kengesi, xalq deputatlari Kengashlari — har yili Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining xorijiy tillarni oʻrganishni ommalashtirish boʻyicha tegishli hududda amalga oshirilayotgan ishlar yuzasidan hisobotini eshitib borsin;
Vazirlar Mahkamasi (B. Musayev) — har yarim yilda ushbu qarorda nazarda tutilgan vazifalar bajarilishini Hukumat majlislarida muhokama qilib borsin;
Oʻzbekiston Respublikasi Prezidenti maslahatchisi A.A. Abduvaxitov — ushbu qarorda belgilangan vazifalarning oʻz vaqtida va toʻliq ijro etilishini nazorat qilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 19-may,
PQ-5117-son
Президента Республики Узбекистан
Постановление
О мерах по поднятию на качественно новый уровень деятельности по популяризации изучения иностранных языков в Республике Узбекистан
В соответствии с Государственной программой «Год поддержки молодежи и укрепления здоровья населения», а также в целях развития обучения иностранным языкам в качестве приоритетного направления образовательной политики, кардинального повышения качества образования в данном направлении, привлечения в сферу квалифицированных педагогов и повышения интереса населения к изучению иностранных языков:
3. В целях повышения качества обучения иностранным языкам:
б) учредить с 1 сентября 2021 года кубок Президента Республики Узбекистан в целях поощрения школ, достигших наилучших результатов в обучении иностранным языкам.
При этом соревнования на кубок организуются между общеобразовательными школами в следующие три этапа:
первый этап — проводится в районах и городах с награждением победителей суммой до 100 млн сумов;
второй этап — проводится в Республике Каракалпакстан, областях и городе Ташкенте с награждением победителей суммой до 250 млн сумов;
третий этап — проводится на республиканском уровне с награждением победителей суммой до 500 млн сумов.
Кабинету Министров в месячный срок принять постановление , предусматривающее:
перечень школ, специализированных на обучении иностранным языкам и закрепляемых за ними высших образовательных учреждений, а также программу оснащения данных школ;
порядок проведения соревнований среди школ на кубок Президента Республики Узбекистан.
4. Председателю Совета Министров Республики Каракалпакстан, хокимам областей и города Ташкента наладить практику выделения субъектам предпринимательства за счет средств местного бюджета единовременной субсидии до 50 млн сумов для организации деятельности по обучению иностранным языкам в сельской местности.
5. Начиная с 2021/2022 учебного года:
а) выплачивать преподавателям иностранных языков (английский, французский, немецкий, испанский, итальянский, арабский, китайский, японский, корейский, турецкий, фарси, пушту, дари, урду, индийский) образовательных учреждений, имеющим национальный или соответствующий ему международный сертификат уровня не ниже С1, дополнительную ежемесячную надбавку в размере 50 процентов к их базовой тарифной ставке.
При этом установить, что расходы преподавателей общих средних, средних специальных и профессиональных образовательных учреждений, связанные со сдачей экзамена на получение международного сертификата уровня не ниже С1, покрываются за счет средств, выделяемых из Государственного бюджета на повышение квалификации педагогических кадров, а расходы преподавателей государственных высших образовательных учреждений — за счет собственных средств высших образовательных учреждений, расходы преподавателей государственных образовательных учреждений по переподготовке и повышению квалификации кадров — за счет собственных средств государственных образовательных учреждений по переподготовке и повышению квалификации кадров;
б) освободить в процессе аттестации преподавателей иностранных языков (английский, французский, немецкий, испанский, итальянский, арабский, китайский, японский, корейский, турецкий, фарси, пушту, дари, урду, индийский) общих средних, средних специальных и профессиональных образовательных учреждений, имеющих национальный или соответствующий ему международный сертификат уровня не ниже С1, от тестирования по модулю иностранного языка с оценкой максимальным баллом по квалификационным испытаниям.
При этом получение данного сертификата признается альтернативной формой повышения квалификации;
в) распространить на преподавателей, имеющих национальный или соответствующий ему международный сертификат уровня B2 и выше, преподающих специальные предметы на иностранном языке в общих средних, средних специальных и профессиональных образовательных учреждениях, надбавки, предусмотренные законодательством;
г) выделить из Государственного бюджета по 1 млн сумов всем преподавателям иностранных языков, осуществляющим деятельность в общих средних, средних специальных и профессиональных образовательных учреждениях, для приобретения современной литературы, учебников и учебных пособий. При этом перечень рекомендуемых учебников и учебных пособий и форма отчета об их приобретении определяются Министерством дошкольного и школьного образования и Министерством высшего образования, науки и инноваций.
Министерству финансов (Т. Ишметов) выделить в 2021 году дополнительно до 100 млрд сумов на покрытие расходов преподавателей иностранных языков, связанных с получением сертификатов, выплату надбавок, а также приобретение литературы, учебников и учебных пособий, а с 2022 года предусматривать соответствующие средства в параметрах Государственного бюджета.
6. В целях привлечения квалифицированных кадров в сферу обучения иностранным языкам и повышения потенциала специалистов отрасли:
увеличить в 2021/2022 учебном году параметры приема в высшие образовательные учреждения, специализирующиеся на обучении иностранным языкам, в два раза, а на основе государственного гранта — в три раза;
начиная с 2022/2023 учебного года, наряду со сдачей выпускниками высших образовательных учреждений, специализирующихся на обучении иностранным языкам, государственных аттестационных экзаменов, установить практику определения уровня их знаний за счет данных образовательных учреждений посредством национальных или приравненных к ним других ведущих международных систем оценки.
7. В целях повышения уровня усвоения государственными служащими иностранных языков и укомплектования государственных органов высококвалифицированными и конкурентоспособными кадрами:
наладить с 1 июля 2021 года в государственных органах практику обучения работников иностранному языку не менее одного раза в неделю с привлечением преподавателей образовательных организаций на договорной основе;
определить начиная с 2022 года знание иностранного языка в качестве обязательного квалификационного требования для претендента при приеме на работу в государственные органы и назначении на вышестоящие должности;
возложить на одного из заместителей руководителей государственных органов задачи по популяризации изучения иностранных языков, в том числе по сотрудничеству с Агентством.
Министерству занятости и трудовых отношений (Н. Хусанов) совместно с Агентством развития государственной службы (О. Хасанов), Агентством, Министерством юстиции (Р. Давлетов) и Министерством финансов (Т. Ишметов) в месячный срок внести проект постановления по популяризации изучения иностранных языков в государственных органах.
8. Министерству высшего и среднего специального образования (А. Ташкулов), Агентству и Министерству народного образования (Ш. Шерматов) в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
9. В целях эффективной организации работы по популяризации изучения иностранных языков:
Совету Министров Республики Каракалпакстан, хокимиятам областей и города Ташкента — в срок до 1 июля 2021 года совместно с Агентством разработать «дорожные карты» по популяризации изучения иностранных языков в регионах на второе полугодие текущего года, а в последующем ежегодно до 15 января разрабатывать и утверждать такие «дорожные карты»;
Жокаргы Кенесу Республики Каракалпакстан, Кенгашам народных депутатов — ежегодно заслушивать отчеты Совета Министров Республики Каракалпакстан, хокимиятов областей и города Ташкента о проводимой на соответствующей территории работе по популяризации изучения иностранных языков;
Кабинету Министров (Б. Мусаев) — каждые полгода обсуждать на заседаниях Правительства выполнение задач, предусмотренных настоящим постановлением;
Советнику Президента Республики Узбекистан А.А. Абдувахитову — осуществлять контроль за своевременной и полной реализацией задач, определенных в настоящем постановлении.
Президент Республики Узбекистан Ш. МИРЗИЁЕВ
г. Ташкент,
19 мая 2021 г.,
№ ПП-5117