📅 2021-yil 19-may · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 19 май · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 19 мая 2021 г. · Постановления Кабинета Министров
Официальный текст. Официальный документ. Редакционные примечания не включены.
📅 19 May 2021 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Халқаро IT-сертификатларга эга ёш мутахассисларни қўллаб-қувватлаш чора-тадбирлари тўғрисида
Ўзбекистон Республикаси Президентининг 2021 йил 3 февралдаги ПФ-6155-сон Фармони билан тасдиқланган «2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Ёшларни қўллаб-қувватлаш ва аҳоли саломатлигини мустаҳкамлаш йили»да амалга оширишга оид давлат дастури» ижросини таъминлаш, шунингдек, ёшларни ўқитиш ва уларнинг халқаро IT-сертификатларини олиш учун 50 фоизгача харажатларини қоплаш тизимини жорий этиш мақсадида Вазирлар Маҳкамаси қарор қилади:
1. 2021 йил 1 июндан бошлаб ёшларнинг халқаро IT-сертификатларини олиш харажатларининг 50 фоизгача бўлган қисмини қоплаб бериш тартиби жорий этилсин.
5. Ахборот технологиялари ва коммуникацияларини ривожлантириш вазирлиги 2021 йил 1 августга қадар:
а) Вазирлар Маҳкамаси ҳузуридаги Таълим сифатини назорат қилиш давлат инспекцияси, «Эл-юрт умиди» жамғармаси билан биргаликда «Ўзбекистоннинг IT-истеъдодлари» порталига (кейинги ўринларда — Портал) қуйидагиларни жойлаштириш чораларини кўрсин:
халқаро IT-сертификатларнинг ихтисослашуви ва йўналишлари ҳамда халқаро IT-сертификатларни олиш тартиби;
халқаро IT-сертификатлар учун тўланиши зарур бўлган тўловлар миқдорлари ва уларни тасдиқловчи ҳужжатларни тақдим этиш тартиби;
халқаро IT-сертификатлар беришга ихтисослаштирилган хорижий, маҳаллий ва республика компанияларининг ва таълим муассасаларининг расмий веб-сайти тўғрисидаги маълумотлар;
халқаро IT-сертификатга эга бўлган ва ушбу қарор ижроси бўйича рағбатлантирилган ёшлар тўғрисидаги маълумотлар;
б) Портал орқали халқаро IT-сертификатга эга бўлган талабгор ёшларнинг аризаларини қабул қилиш учун зарур ҳужжатлар ва бошқа ҳужжатларнинг намунавий шакллари ҳамда бланкаларини ишлаб чиқсин ва тасдиқласин.
6. Ахборот технологиялари ва коммуникацияларини ривожлантириш вазирлиги, Олий ва ўрта махсус таълим вазирлиги, Вазирлар Маҳкамаси ҳузуридаги Таълим сифатини назорат қилиш давлат инспекцияси, «Эл-юрт умиди» жамғармаси 2021 йил 30 октябрга қадар белгиланган тартибда Муҳаммад ал-Хоразмий номидаги Тошкент ахборот технологиялари университети, Тошкент шаҳридаги Инха университети, Тошкент шаҳридаги Амити университети ҳамда ахборот-коммуникация технологиялари соҳаси учун кадрлар тайёрлайдиган таълим муассасаларида халқаро IT-сертификат тақдим қилувчи тегишли ташкилотларнинг аккредитациядан ўтган сертификатлаш марказлари ҳамда ўқув курсларини ташкил қилиш чораларини кўрсин.
7. Вазирликлар ва идоралар, маҳаллий ижро этувчи ҳокимият органларига ихтисослаштирилган таркибий бўлинма лавозимларига ишга қабул қилишда халқаро IT-сертификатларга эга ёш мутахассисларга (номзодларга) устунлик берилиши тавсия этилсин.
8. Ахборот технологиялари ва коммуникацияларини ривожлантириш вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
9. Мазкур қарорнинг бажарилишини назорат қилиш Ўзбекистон Республикаси Бош вазири маслаҳатчиси — IТ-технологиялар, телекоммуникациялар ва инновацион фаолиятни ривожлантириш масалалари департаменти бошлиғи О.М. Умаров, ахборот технологиялари ва коммуникацияларини ривожлантириш вазири Ш.М. Садиков ҳамда молия вазири Т.А. Ишметов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2021 йил 19 май,
310-сон
Oʻzbekiston Respublikasi Vazirlar Mahkamasining
qarori
Xalqaro IT-sertifikatlarga ega yosh mutaxassislarni qoʻllab-quvvatlash chora-tadbirlari toʻgʻrisida
Oʻzbekiston Respublikasi Prezidentining 2021-yil 3-fevraldagi PF-6155-son Farmoni bilan tasdiqlangan “2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Yoshlarni qoʻllab-quvvatlash va aholi salomatligini mustahkamlash yili”da amalga oshirishga oid davlat dasturi” ijrosini taʼminlash, shuningdek, yoshlarni oʻqitish va ularning xalqaro IT-sertifikatlarini olish uchun 50 foizgacha xarajatlarini qoplash tizimini joriy etish maqsadida Vazirlar Mahkamasi qaror qiladi:
1. 2021-yil 1-iyundan boshlab yoshlarning xalqaro IT-sertifikatlarini olish xarajatlarining 50 foizgacha boʻlgan qismini qoplab berish tartibi joriy etilsin.
5. Axborot texnologiyalari va kommunikatsiyalarini rivojlantirish vazirligi 2021-yil 1-avgustga qadar:
a) Vazirlar Mahkamasi huzuridagi Taʼlim sifatini nazorat qilish davlat inspeksiyasi, “El-yurt umidi” jamgʻarmasi bilan birgalikda “Oʻzbekistonning IT-isteʼdodlari” portaliga (keyingi oʻrinlarda — Portal) quyidagilarni joylashtirish choralarini koʻrsin:
xalqaro IT-sertifikatlarning ixtisoslashuvi va yoʻnalishlari hamda xalqaro IT-sertifikatlarni olish tartibi;
xalqaro IT-sertifikatlar uchun toʻlanishi zarur boʻlgan toʻlovlar miqdorlari va ularni tasdiqlovchi hujjatlarni taqdim etish tartibi;
xalqaro IT-sertifikatlar berishga ixtisoslashtirilgan xorijiy, mahalliy va respublika kompaniyalarining va taʼlim muassasalarining rasmiy veb-sayti toʻgʻrisidagi maʼlumotlar;
xalqaro IT-sertifikatga ega boʻlgan va ushbu qaror ijrosi boʻyicha ragʻbatlantirilgan yoshlar toʻgʻrisidagi maʼlumotlar;
b) Portal orqali xalqaro IT-sertifikatga ega boʻlgan talabgor yoshlarning arizalarini qabul qilish uchun zarur hujjatlar va boshqa hujjatlarning namunaviy shakllari hamda blankalarini ishlab chiqsin va tasdiqlasin.
6. Axborot texnologiyalari va kommunikatsiyalarini rivojlantirish vazirligi, Oliy va oʻrta maxsus taʼlim vazirligi, Vazirlar Mahkamasi huzuridagi Taʼlim sifatini nazorat qilish davlat inspeksiyasi, “El-yurt umidi” jamgʻarmasi 2021-yil 30-oktabrga qadar belgilangan tartibda Muhammad al-Xorazmiy nomidagi Toshkent axborot texnologiyalari universiteti, Toshkent shahridagi Inxa universiteti, Toshkent shahridagi Amiti universiteti hamda axborot-kommunikatsiya texnologiyalari sohasi uchun kadrlar tayyorlaydigan taʼlim muassasalarida xalqaro IT-sertifikat taqdim qiluvchi tegishli tashkilotlarning akkreditatsiyadan oʻtgan sertifikatlash markazlari hamda oʻquv kurslarini tashkil qilish choralarini koʻrsin.
7. Vazirliklar va idoralar, mahalliy ijro etuvchi hokimiyat organlariga ixtisoslashtirilgan tarkibiy boʻlinma lavozimlariga ishga qabul qilishda xalqaro IT-sertifikatlarga ega yosh mutaxassislarga (nomzodlarga) ustunlik berilishi tavsiya etilsin.
8. Axborot texnologiyalari va kommunikatsiyalarini rivojlantirish vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
9. Mazkur qarorning bajarilishini nazorat qilish Oʻzbekiston Respublikasi Bosh vaziri maslahatchisi — IT-texnologiyalar, telekommunikatsiyalar va innovatsion faoliyatni rivojlantirish masalalari departamenti boshligʻi O.M. Umarov, axborot texnologiyalari va kommunikatsiyalarini rivojlantirish vaziri Sh.M. Sadikov hamda moliya vaziri T.A. Ishmetov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2021-yil 19-may,
310-son