📅 2021-yil 20-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 20 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 20 мая 2021 г. · Постановления Президента
Официальный текст. Официальный документ. Редакционные примечания не включены.
📅 20 May 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Тошкент вилоятида тадбиркорликни янада қўллаб-қувватлаш ва муҳандислик-коммуникация тармоқларини ривожлантириш чора-тадбирлари тўғрисида
Тошкент вилоятида тадбиркорликни янада қўллаб-қувватлаш ва муҳандислик-коммуникация тармоқларини ривожлантиришни молиявий ресурслар билан таъминлаш мақсадида:
1. Иқтисодий тараққиёт ва камбағалликни қисқартириш вазирлиги ҳамда Молия вазирлигининг Тикланиш ва тараққиёт жамғармаси (кейинги ўринларда — Жамғарма) ҳисобидан Тошкент вилоятида тадбиркорликни ривожлантириш ҳамда иссиқлик таъминоти тизимини, ичимлик суви таъминоти ва оқова сув тармоқларини яхшилаш, автомобиль йўлларини қуриш-таъмирлаш ишлари учун 100 миллион АҚШ доллари эквиваленти миқдорида маблағ ажратиш тўғрисидаги таклифи маъқуллансин.
2. Мазкур қарорнинг 1-бандида белгиланган маблағлар қуйидаги мақсадларга йўналтирилсин:
а) Ўзбекистон Республикаси Президентининг 2021 йил 27 мартдаги «Оилавий тадбиркорликни ривожлантириш дастурлари доирасида амалга ошириладиган қўшимча чора-тадбирлар тўғрисида»ги ПҚ-5041-сон қарори талаблари доирасида «Ҳар бир оила — тадбиркор» дастури учун тадбиркорлик фаолиятини қўллаб-қувватлашга — 50 миллион АҚШ доллари эквиваленти;
б) иссиқлик таъминоти тизимини, ичимлик суви таъминоти ва оқова сув тармоқларини яхшилаш, автомобиль йўлларини қуриш-таъмирлаш ишлари ҳамда Тошкент вилоятининг туман (шаҳар) ободонлаштириш бошқармалари моддий-техника базасини мустаҳкамлашга — 50 миллион АҚШ доллари эквиваленти. Бунда:
иссиқлик таъминоти тизимини тиклаш ва ривожлантиришга — 19 миллион АҚШ доллари эквиваленти;
ичимлик суви таъминоти ва оқова сув тармоқларини яхшилашга — 17 миллион АҚШ доллари эквиваленти;
автомобиль йўлларини қуриш-таъмирлаш ишларига — 10 миллион АҚШ доллари эквиваленти;
Тошкент вилоятининг туман (шаҳар) ободонлаштириш бошқармаларини қўшимча замонавий махсус транспорт воситалари билан таъминлашга — 4 миллион АҚШ доллари эквиваленти.
3. Белгилансинки:
«Ҳар бир оила — тадбиркор» дастури учун ажратиладиган маблағлар ваколатли тижорат банкларига қайтариш шарти асосида 7 йил муддатга, 3 йиллик имтиёзли давр билан тенг улушларда Марказий банкнинг асосий ставкасидан 4 фоиз паст ставкада ажратилади;
иссиқлик таъминоти тизимини, ичимлик суви таъминоти ва оқова сув тармоқларини яхшилаш, автомобиль йўлларини қуриш-таъмирлаш ишлари ҳамда Тошкент вилоятининг туман (шаҳар) ободонлаштириш бошқармалари моддий-техника базасини мустаҳкамлашга — 50 миллион АҚШ доллари эквивалентидаги маблағ фоизсиз, ўн йил муддатда қайтариш шарти билан Тошкент вилоятини ободонлаштириш ва фаровонлигини ошириш жамғармасига ажратилади;
уй-жой коммунал хизмат кўрсатиш вазири Ш.С. Хидоятов, Автомобиль йўллари қўмитаси раиси А.А. Абдувалиев, «Ўзсувтаъминот» АЖ бошқарув раиси вазифасини бажарувчи С.И. Саифназаров ва Тошкент вилояти ҳокими Д.А. Хидоятов — Жамғарма томонидан ажратилаётган маблағларнинг самарали ва манзилли ишлатилиши учун шахсан жавобгар ҳисобланади;
Молия вазирлиги маблағлардан мақсадли ва самарали фойдаланилиши, шунингдек, унинг ўз вақтида қайтарилиши юзасидан таъсирчан мониторинг ўрнатади;
ажратилаётган маблағларни қоплаш Тошкент вилояти маҳаллий бюджетининг қўшимча манбалари ҳамда қонунчилик ҳужжатларида тақиқланмаган бошқа манбалар ҳисобидан амалга оширилади.
4. Тошкент вилояти ҳокимлиги:
а) «Ҳар бир оила — тадбиркор» дастурини амалга ошириш доирасида:
имтиёзли кредитлар белгиланган тартибда оилаларнинг хоҳиш ва истакларини, тадбиркорлик фаолиятини амалга ошириш учун етарли шароитлари мавжудлигини чуқур ўрганиб, ҳар бир оиланинг таклиф этаётган лойиҳаларига кредит ажратиш мақсадга мувофиқлиги тўғрисидаги хулосалари асосида ажратиш;
вилоятнинг туманлар ва шаҳарларида фаолият кўрсатаётган хўжалик юритувчи субъектлар томонидан аҳоли ва тадбиркорлик субъектларига мақбул нархларда мини-технологиялар, асбоб-ускуналар, чорва моллари (наслдор қорамол, қўй, эчки), парранда, балиқ, асалари уяси, чорва озуқаси ҳамда бошқа зарур хом ашё ва материалларни етказиш, ихчам иссиқхоналар қуриб бериш ва бошқа хизматлар кўрсатиш чораларини кўрсин;
б) Тошкент вилоятининг туман (шаҳар)ларида:
Жамғарма томонидан ажратилаётган маблағлар ҳисобидан иссиқлик таъминоти тизимини тиклаш ва ривожлантириш, ичимлик суви таъминоти ва оқова сув тармоқларини яхшилаш, автомобиль йўлларини қуриш-таъмирлаш объектларининг манзилли рўйхатларини шакллантириб, мутасадди вазирлик ва идоралар билан келишилишини ва белгиланган муддатларда амалга оширилишини ташкил қилсин;
маҳаллий бюджет маблағлари ва қонунчилик ҳужжатларида тақиқланмаган бошқа манбалар ҳисобидан кўп қаватли уйларнинг ички иситиш тизимларини таъмирлаш-тиклаш чораларини кўрсин;
в) Вазирлар Маҳкамасига:
икки ой муддатда «2021 йил учун Ўзбекистон Республикасининг Давлат бюджети тўғрисида»ги Ўзбекистон Республикаси Қонунига ўзгартиш ва қўшимчалар киритиш ҳақида»ги Ўзбекистон Республикаси Қонуни лойиҳасини ҳамда иссиқлик таъминоти корхоналарини молиявий соғломлаштириш юзасидан таклифларни;
ҳар чоракда тадбиркорликни янада қўллаб-қувватлаш ва муҳандислик-коммуникация тармоқларини ривожлантиришга йўналтирилган маблағлардан самарали фойдаланиш бўйича амалга оширилган чора-тадбирларнинг натижадорлиги тўғрисидаги ҳисоботни киритсин.
5. Тошкент вилоятининг туман (шаҳар) ободонлаштириш бошқармаларини белгиланган меъёр талабларидан келиб чиққан ҳолда, ишлаб чиқариш ходимлари билан тўлдириш ҳамда қўшимча замонавий махсус транспорт воситалари билан таъминлаш мақсадида:
2021 йилда Тошкент вилоятининг туман (шаҳар) ободонлаштириш бошқармаларини замонавий махсус транспорт воситалари билан жиҳозлаш параметрлари иловага мувофиқ тасдиқлансин;
Тошкент вилояти ҳокимлиги бир ой муддатда вилоятнинг туман (шаҳар) ободонлаштириш бошқармаларига бириктирилган ободонлаштириш объектларини хатловдан ўтказган ҳолда уларнинг кадастр ҳужжатлари ҳамда ободонлаштириш бошқармаларининг паспортларини қайта шакллантирсин.
Молия вазирлиги Тошкент вилояти ҳокимлиги билан биргаликда хатлов натижаларига кўра, ҳисоб-китоблар асосида штат бирликлари ажратилишини таъминласин ҳамда улар учун талаб этиладиган маблағларни 2021 йилда республика бюджети маблағлари ҳисобидан, 2022 йилдан бошлаб эса, белгиланган нормативлар асосида Тошкент вилояти маҳаллий бюджети параметрларини шакллантиришда назарда тутсин.
6. Белгилаб қўйилсинки:
а) Тошкент вилоятининг туман (шаҳар)ларида иссиқлик таъминоти тизимини тиклаш ва ривожлантириш ишлари бўйича:
Уй-жой коммунал хизмат кўрсатиш вазирлигининг «Кўп хонадонли уйларни мукаммал ва жорий таъмирлаш ҳамда иссиқлик таъминоти объектлари қурилиши бўйича инжиниринг компанияси» ДУК Тошкент вилояти ҳудудий филиали — лойиҳаларни амалга ошириш бўйича буюртмачи;
«Иссиқликэлектрлойиҳа» АЖ — лойиҳаларнинг лойиҳа-смета ҳужжатларини ишлаб чиқиш бўйича бош лойиҳа ташкилоти;
б) ичимлик суви таъминоти ва оқова сув тармоқларини яхшилаш бўйича:
«Сув таъминоти ва оқова сув объектлари қурилиши бўйича инжиниринг компанияси» УК Тошкент вилояти ҳудудий бошқармаси — лойиҳаларни амалга ошириш бўйича буюртмачи;
«Ўзбеккоммуналлойиҳақурилиш» ДУК — лойиҳаларнинг лойиҳа-смета ҳужжатларини ишлаб чиқиш бўйича бош лойиҳа ташкилоти;
в) автомобиль йўлларини қуриш-таъмирлаш объектлари бўйича:
Тошкент вилояти автомобиль йўллари ҳудудий бош бошқармаси таркибидаги «Минтақавий йўлларга буюртмачи хизмати» ДУК — лойиҳаларни амалга ошириш бўйича буюртмачи;
«Йўл лойиҳа бюроси» МЧЖ — объектларнинг лойиҳа-смета ҳужжатларини ишлаб чиқиш бўйича бош лойиҳа ташкилоти ҳисобланади.
Иссиқлик таъминоти тизими, ичимлик суви таъминоти ва оқова сув тармоқларини яхшилаш ҳамда автомобиль йўлларини қуриш-таъмирлаш объектлари бўйича бош пудрат ташкилотлари белгиланган тартибда танлов (тендер) савдолари асосида аниқланади.
7. Уй-жой коммунал хизмат кўрсатиш вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
8. Мазкур қарорнинг ижросини самарали ташкил этишга масъул ва жавобгар этиб Ўзбекистон Республикаси Бош вазирининг ўринбосари Ж.А. Қўчқоров ҳамда Тошкент вилояти ҳокими Д.А. Хидоятов белгилансин.
Қарор ижроси учун масъул идоралар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2021 йил 20 майдаги ПҚ-5118-сон қарорига ИЛОВА
2021 йилда Тошкент вилоятининг туман (шаҳар) ободонлаштириш бошқармаларини замонавий махсус транспорт воситалари билан жиҳозлаш параметрлари
Т/р Шаҳарлар ва туманлар номи Жами талаб этилаётган техникалар * шу жумладан: самосвал чиқинди ташиш махсус техникаси манипулятор сув қуйгич (комбинацияланган) экскаватор-юклагич сони суммаси сони суммаси сони суммаси сони суммаси сони суммаси сони суммаси Жами 50 43 362 12 9 456 8 5 474 18 19 355 10 7 878 2 1 200 1. Олмалиқ шаҳар 2 1 863 1 1 075 1 788 2. Ангрен шаҳар 2 1 472 1 684 1 788 3. Оҳангарон шаҳар 4 3 335 1 788 1 684 1 1 075 1 788 4. Бекобод шаҳар 2 1 863 1 1 075 1 788 5. Чирчиқ шаҳар 2 1 863 1 1 075 1 788 6. Янгийўл шаҳар 2 1 760 1 684 1 1 075 7. Оҳангарон тумани 3 2 651 1 788 1 1 075 1 788 8. Бекобод тумани 4 3 251 1 788 1 1 075 1 788 1 600 9. Оққўрғон тумани 2 1 863 1 788 1 1 075 10. Бўстонлиқ тумани 3 2 548 1 788 1 684 1 1 075 11. Бўка тумани 2 1 472 1 788 1 684 12. Юқори Чирчиқ тумани 3 2 651 1 788 1 1 075 1 788 13. Қуйи Чирчиқ тумани 1 1 075 1 1 075 14. Зангиота тумани 1 684 1 684 15. Қибрай тумани 3 2 360 1 684 1 1 075 1 600 16. Паркент тумани 2 1 863 1 1 075 1 788 17. Пискент тумани 2 1 863 1 788 1 1 075 18. Ўрта Чирчиқ тумани 2 1 863 1 788 1 1 075 19. Тошкент тумани 2 1 863 1 788 1 1 075 20. Чиноз тумани 1 1 075 1 1 075 21. Янгийўл тумани 3 2 651 1 788 1 1 075 1 788 22. Нурафшон шаҳар 2 1 472 1 788 1 684
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 20 май,
ПҚ-5118-сон
Oʻzbekiston Respublikasi Prezidentining
Qarori
Toshkent viloyatida tadbirkorlikni yanada qoʻllab-quvvatlash va muhandislik-kommunikatsiya tarmoqlarini rivojlantirish chora-tadbirlari toʻgʻrisida
Toshkent viloyatida tadbirkorlikni yanada qoʻllab-quvvatlash va muhandislik-kommunikatsiya tarmoqlarini rivojlantirishni moliyaviy resurslar bilan taʼminlash maqsadida:
1. Iqtisodiy taraqqiyot va kambagʻallikni qisqartirish vazirligi hamda Moliya vazirligining Tiklanish va taraqqiyot jamgʻarmasi (keyingi oʻrinlarda — Jamgʻarma) hisobidan Toshkent viloyatida tadbirkorlikni rivojlantirish hamda issiqlik taʼminoti tizimini, ichimlik suvi taʼminoti va oqova suv tarmoqlarini yaxshilash, avtomobil yoʻllarini qurish-taʼmirlash ishlari uchun 100 million AQSH dollari ekvivalenti miqdorida mablagʻ ajratish toʻgʻrisidagi taklifi maʼqullansin.
2. Mazkur qarorning 1-bandida belgilangan mablagʻlar quyidagi maqsadlarga yoʻnaltirilsin:
a) Oʻzbekiston Respublikasi Prezidentining 2021-yil 27-martdagi “Oilaviy tadbirkorlikni rivojlantirish dasturlari doirasida amalga oshiriladigan qoʻshimcha chora-tadbirlar toʻgʻrisida”gi PQ-5041-son qarori talablari doirasida “Har bir oila — tadbirkor” dasturi uchun tadbirkorlik faoliyatini qoʻllab-quvvatlashga — 50 million AQSH dollari ekvivalenti;
b) issiqlik taʼminoti tizimini, ichimlik suvi taʼminoti va oqova suv tarmoqlarini yaxshilash, avtomobil yoʻllarini qurish-taʼmirlash ishlari hamda Toshkent viloyatining tuman (shahar) obodonlashtirish boshqarmalari moddiy-texnika bazasini mustahkamlashga — 50 million AQSH dollari ekvivalenti. Bunda:
issiqlik taʼminoti tizimini tiklash va rivojlantirishga — 19 million AQSH dollari ekvivalenti;
ichimlik suvi taʼminoti va oqova suv tarmoqlarini yaxshilashga — 17 million AQSH dollari ekvivalenti;
avtomobil yoʻllarini qurish-taʼmirlash ishlariga — 10 million AQSH dollari ekvivalenti;
Toshkent viloyatining tuman (shahar) obodonlashtirish boshqarmalarini qoʻshimcha zamonaviy maxsus transport vositalari bilan taʼminlashga — 4 million AQSH dollari ekvivalenti.
3. Belgilansinki:
“Har bir oila — tadbirkor” dasturi uchun ajratiladigan mablagʻlar vakolatli tijorat banklariga qaytarish sharti asosida 7 yil muddatga, 3 yillik imtiyozli davr bilan teng ulushlarda Markaziy bankning asosiy stavkasidan 4 foiz past stavkada ajratiladi;
issiqlik taʼminoti tizimini, ichimlik suvi taʼminoti va oqova suv tarmoqlarini yaxshilash, avtomobil yoʻllarini qurish-taʼmirlash ishlari hamda Toshkent viloyatining tuman (shahar) obodonlashtirish boshqarmalari moddiy-texnika bazasini mustahkamlashga — 50 million AQSH dollari ekvivalentidagi mablagʻ foizsiz, oʻn yil muddatda qaytarish sharti bilan Toshkent viloyatini obodonlashtirish va farovonligini oshirish jamgʻarmasiga ajratiladi;
uy-joy kommunal xizmat koʻrsatish vaziri Sh.S. Xidoyatov, Avtomobil yoʻllari qoʻmitasi raisi A.A. Abduvaliyev, “Oʻzsuvtaʼminot” AJ boshqaruv raisi vazifasini bajaruvchi S.I. Saifnazarov va Toshkent viloyati hokimi D.A. Xidoyatov — Jamgʻarma tomonidan ajratilayotgan mablagʻlarning samarali va manzilli ishlatilishi uchun shaxsan javobgar hisoblanadi;
Moliya vazirligi mablagʻlardan maqsadli va samarali foydalanilishi, shuningdek, uning oʻz vaqtida qaytarilishi yuzasidan taʼsirchan monitoring oʻrnatadi;
ajratilayotgan mablagʻlarni qoplash Toshkent viloyati mahalliy budjetining qoʻshimcha manbalari hamda qonunchilik hujjatlarida taqiqlanmagan boshqa manbalar hisobidan amalga oshiriladi.
4. Toshkent viloyati hokimligi:
a) “Har bir oila — tadbirkor” dasturini amalga oshirish doirasida:
imtiyozli kreditlar belgilangan tartibda oilalarning xohish va istaklarini, tadbirkorlik faoliyatini amalga oshirish uchun yetarli sharoitlari mavjudligini chuqur oʻrganib, har bir oilaning taklif etayotgan loyihalariga kredit ajratish maqsadga muvofiqligi toʻgʻrisidagi xulosalari asosida ajratish;
viloyatning tumanlar va shaharlarida faoliyat koʻrsatayotgan xoʻjalik yurituvchi subyektlar tomonidan aholi va tadbirkorlik subyektlariga maqbul narxlarda mini-texnologiyalar, asbob-uskunalar, chorva mollari (nasldor qoramol, qoʻy, echki), parranda, baliq, asalari uyasi, chorva ozuqasi hamda boshqa zarur xom ashyo va materiallarni yetkazish, ixcham issiqxonalar qurib berish va boshqa xizmatlar koʻrsatish choralarini koʻrsin;
b) Toshkent viloyatining tuman (shahar)larida:
Jamgʻarma tomonidan ajratilayotgan mablagʻlar hisobidan issiqlik taʼminoti tizimini tiklash va rivojlantirish, ichimlik suvi taʼminoti va oqova suv tarmoqlarini yaxshilash, avtomobil yoʻllarini qurish-taʼmirlash obyektlarining manzilli roʻyxatlarini shakllantirib, mutasaddi vazirlik va idoralar bilan kelishilishini va belgilangan muddatlarda amalga oshirilishini tashkil qilsin;
mahalliy budjet mablagʻlari va qonunchilik hujjatlarida taqiqlanmagan boshqa manbalar hisobidan koʻp qavatli uylarning ichki isitish tizimlarini taʼmirlash-tiklash choralarini koʻrsin;
v) Vazirlar Mahkamasiga:
ikki oy muddatda “2021-yil uchun Oʻzbekiston Respublikasining Davlat budjeti toʻgʻrisida”gi Oʻzbekiston Respublikasi Qonuniga oʻzgartish va qoʻshimchalar kiritish haqida”gi Oʻzbekiston Respublikasi Qonuni loyihasini hamda issiqlik taʼminoti korxonalarini moliyaviy sogʻlomlashtirish yuzasidan takliflarni;
har chorakda tadbirkorlikni yanada qoʻllab-quvvatlash va muhandislik-kommunikatsiya tarmoqlarini rivojlantirishga yoʻnaltirilgan mablagʻlardan samarali foydalanish boʻyicha amalga oshirilgan chora-tadbirlarning natijadorligi toʻgʻrisidagi hisobotni kiritsin.
5. Toshkent viloyatining tuman (shahar) obodonlashtirish boshqarmalarini belgilangan meʼyor talablaridan kelib chiqqan holda, ishlab chiqarish xodimlari bilan toʻldirish hamda qoʻshimcha zamonaviy maxsus transport vositalari bilan taʼminlash maqsadida:
2021-yilda Toshkent viloyatining tuman (shahar) obodonlashtirish boshqarmalarini zamonaviy maxsus transport vositalari bilan jihozlash parametrlari ilovaga muvofiq tasdiqlansin;
Toshkent viloyati hokimligi bir oy muddatda viloyatning tuman (shahar) obodonlashtirish boshqarmalariga biriktirilgan obodonlashtirish obyektlarini xatlovdan oʻtkazgan holda ularning kadastr hujjatlari hamda obodonlashtirish boshqarmalarining pasportlarini qayta shakllantirsin.
Moliya vazirligi Toshkent viloyati hokimligi bilan birgalikda xatlov natijalariga koʻra, hisob-kitoblar asosida shtat birliklari ajratilishini taʼminlasin hamda ular uchun talab etiladigan mablagʻlarni 2021-yilda respublika budjeti mablagʻlari hisobidan, 2022-yildan boshlab esa, belgilangan normativlar asosida Toshkent viloyati mahalliy budjeti parametrlarini shakllantirishda nazarda tutsin.
6. Belgilab qoʻyilsinki:
a) Toshkent viloyatining tuman (shahar)larida issiqlik taʼminoti tizimini tiklash va rivojlantirish ishlari boʻyicha:
Uy-joy kommunal xizmat koʻrsatish vazirligining “Koʻp xonadonli uylarni mukammal va joriy taʼmirlash hamda issiqlik taʼminoti obyektlari qurilishi boʻyicha injiniring kompaniyasi” DUK Toshkent viloyati hududiy filiali — loyihalarni amalga oshirish boʻyicha buyurtmachi;
“Issiqlikelektrloyiha” AJ — loyihalarning loyiha-smeta hujjatlarini ishlab chiqish boʻyicha bosh loyiha tashkiloti;
b) ichimlik suvi taʼminoti va oqova suv tarmoqlarini yaxshilash boʻyicha:
“Suv taʼminoti va oqova suv obyektlari qurilishi boʻyicha injiniring kompaniyasi” UK Toshkent viloyati hududiy boshqarmasi — loyihalarni amalga oshirish boʻyicha buyurtmachi;
“Oʻzbekkommunalloyihaqurilish” DUK — loyihalarning loyiha-smeta hujjatlarini ishlab chiqish boʻyicha bosh loyiha tashkiloti;
v) avtomobil yoʻllarini qurish-taʼmirlash obyektlari boʻyicha:
Toshkent viloyati avtomobil yoʻllari hududiy bosh boshqarmasi tarkibidagi “Mintaqaviy yoʻllarga buyurtmachi xizmati” DUK — loyihalarni amalga oshirish boʻyicha buyurtmachi;
“Yoʻl loyiha byurosi” MCHJ — obyektlarning loyiha-smeta hujjatlarini ishlab chiqish boʻyicha bosh loyiha tashkiloti hisoblanadi.
Issiqlik taʼminoti tizimi, ichimlik suvi taʼminoti va oqova suv tarmoqlarini yaxshilash hamda avtomobil yoʻllarini qurish-taʼmirlash obyektlari boʻyicha bosh pudrat tashkilotlari belgilangan tartibda tanlov (tender) savdolari asosida aniqlanadi.
7. Uy-joy kommunal xizmat koʻrsatish vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
8. Mazkur qarorning ijrosini samarali tashkil etishga masʼul va javobgar etib Oʻzbekiston Respublikasi Bosh vazirining oʻrinbosari J.A. Qoʻchqorov hamda Toshkent viloyati hokimi D.A. Xidoyatov belgilansin.
Qaror ijrosi uchun masʼul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2021-yil 20-maydagi PQ-5118-son qaroriga ILOVA
2021-yilda Toshkent viloyatining tuman (shahar) obodonlashtirish boshqarmalarini zamonaviy maxsus transport vositalari bilan jihozlash parametrlari
T/r Shaharlar va tumanlar nomi Jami talab etilayotgan texnikalar * shu jumladan: samosval chiqindi tashish maxsus texnikasi manipulyator suv quygich (kombinatsiyalangan) ekskavator-yuklagich soni summasi soni summasi soni summasi soni summasi soni summasi soni summasi Jami 50 43 362 12 9 456 8 5 474 18 19 355 10 7 878 2 1 200 1. Olmaliq shahar 2 1 863 1 1 075 1 788 2. Angren shahar 2 1 472 1 684 1 788 3. Ohangaron shahar 4 3 335 1 788 1 684 1 1 075 1 788 4. Bekobod shahar 2 1 863 1 1 075 1 788 5. Chirchiq shahar 2 1 863 1 1 075 1 788 6. Yangiyoʻl shahar 2 1 760 1 684 1 1 075 7. Ohangaron tumani 3 2 651 1 788 1 1 075 1 788 8. Bekobod tumani 4 3 251 1 788 1 1 075 1 788 1 600 9. Oqqoʻrgʻon tumani 2 1 863 1 788 1 1 075 10. Boʻstonliq tumani 3 2 548 1 788 1 684 1 1 075 11. Boʻka tumani 2 1 472 1 788 1 684 12. Yuqori Chirchiq tumani 3 2 651 1 788 1 1 075 1 788 13. Quyi Chirchiq tumani 1 1 075 1 1 075 14. Zangiota tumani 1 684 1 684 15. Qibray tumani 3 2 360 1 684 1 1 075 1 600 16. Parkent tumani 2 1 863 1 1 075 1 788 17. Piskent tumani 2 1 863 1 788 1 1 075 18. Oʻrta Chirchiq tumani 2 1 863 1 788 1 1 075 19. Toshkent tumani 2 1 863 1 788 1 1 075 20. Chinoz tumani 1 1 075 1 1 075 21. Yangiyoʻl tumani 3 2 651 1 788 1 1 075 1 788 22. Nurafshon shahar 2 1 472 1 788 1 684
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 20-may,
PQ-5118-son
Президента Республики Узбекистан
Постановление
О мерах по дальнейшей поддержке предпринимательства и развитию инженерно-коммуникационных сетей в Ташкентской области
В целях обеспечения финансовыми ресурсами дальнейшей поддержки предпринимательства и развития инженерно-коммуникационных сетей в Ташкентской области:
1. Одобрить предложение Министерства экономического развития и сокращения бедности и Министерства финансов о выделении за счет Фонда реконструкции и развития (далее — Фонд) средств в эквиваленте 100 миллионов долларов США на развитие предпринимательства, улучшение системы теплоснабжения, сетей питьевого водоснабжения и канализации, а также работы по строительству и ремонту автомобильных дорог в Ташкентской области.
2. Направить средства, указанные в пункте 1 настоящего постановления, на:
а) поддержку предпринимательской деятельности в рамках программы «Каждая семья — предприниматель» в соответствии с требованиями постановления Президента Республики Узбекистан от 27 марта 2021 года № ПП-5041 «О дополнительных мерах, осуществляемых в рамках программ развития семейного предпринимательства» — в эквиваленте 50 миллионов долларов США;
б) улучшение системы теплоснабжения, сетей питьевого водоснабжения и канализации, работы по строительству и ремонту автомобильных дорог, а также укрепление материально-технической базы управлений благоустройства районов (городов) Ташкентской области — в эквиваленте 50 миллионов долларов США. В том числе на:
восстановление и развитие системы теплоснабжения — в эквиваленте 19 миллионов долларов США;
улучшение сетей питьевого водоснабжения и канализации — в эквиваленте 17 миллионов долларов США;
работы по строительству и ремонту автомобильных дорог — в эквиваленте 10 миллионов долларов США;
обеспечение дополнительными современными специальными транспортными средствами управлений благоустройства районов (городов) Ташкентской области — в эквиваленте 4 миллиона долларов США.
3. Установить, что:
средства, выделяемые для программы «Каждая семья — предприниматель», предоставляются уполномоченным коммерческим банкам на срок 7 лет, включая трехлетний льготный период равными долями по ставке на 4 процентных пункта ниже основной ставки Центрального банка с условием возврата;
беспроцентные средства в эквиваленте 50 миллионов долларов США выделяются Фонду благоустройства и повышения благосостояния Ташкентской области с условием возврата в десятилетний срок в целях улучшения системы теплоснабжения, сетей питьевого водоснабжения и канализации, проведения работ по строительству и ремонту автомобильных дорог, а также укрепления материально-технической базы управлений благоустройства районов (городов) Ташкентской области;
на министра жилищно-коммунального обслуживания Ш.С. Хидоятова, председателя Комитета по автомобильным дорогам А.А. Абдувалиева, исполняющего обязанности председателя правления АО «Узсувтаъминот» С.И. Саифназарова и хокима Ташкентской области Д.А. Хидоятова возлагается персональная ответственность за адресное и эффективное расходование средств, выделяемых Фондом;
Министерство финансов устанавливает действенный мониторинг за целевым и эффективным расходованием, а также своевременным возвратом средств;
возмещение выделяемых средств производится за счет дополнительных источников местного бюджета Ташкентской области и иных источников, не запрещенных актами законодательства.
4. Хокимияту Ташкентской области:
а) в рамках реализации программы «Каждая семья — предприниматель» принять меры по:
выделению льготных кредитов на основании заключения о целесообразности их выделения на проекты, предлагаемые каждой семьей, с углубленным изучением при этом пожеланий и предложений семей, а также наличия достаточных условий для осуществления предпринимательской деятельности;
поставке мини-технологий, оборудования, скота (племенного скота, овец, коз), птицы, рыбы, пчелиных ульев, кормов для скота и другого необходимого сырья и материалов, строительству компактных теплиц и оказанию субъектами, осуществляющими хозяйственную деятельность в районах и городах области, иных услуг населению и субъектам предпринимательства по доступным ценам;
б) в районах (городах) Ташкентской области:
сформировать адресные перечни восстановления и развития системы теплоснабжения, улучшения сетей питьевого водоснабжения и канализации, объектов строительства и ремонта автомобильных дорог за счет средств, выделяемых Фондом, организовать согласование указанных перечней с ответственными министерствами и ведомствами и проведение работ в установленные сроки;
принять меры по ремонту и восстановлению внутренних систем отопления многоэтажных жилых домов за счет средств местного бюджета и иных источников, не запрещенных актами законодательства;
в) внести в Кабинет Министров:
в двухмесячный срок — проект закона Республики Узбекистан «О внесении изменений и дополнений в Закон Республики Узбекистан «О Государственном бюджете Республики Узбекистан на 2021 год», а также предложения о финансовом оздоровлении предприятий теплоснабжения;
ежеквартально — отчеты о результативности осуществленных мер по эффективному расходованию средств, направленных на дальнейшую поддержку предпринимательства и развития инженерно-коммуникационных сетей.
5. В целях укомплектования производственным персоналом и обеспечения дополнительными современными специальными транспортными средствами управлений благоустройства районов (городов) Ташкентской области исходя из установленных нормативных требований:
утвердить Параметры оснащения современными специальными транспортными средствами управлений благоустройства районов (городов) Ташкентской области в 2021 году согласно приложению ;
хокимияту Ташкентской области в месячный срок вновь сформировать кадастровую документацию объектов благоустройства, закрепленных за управлениями благоустройства районов (городов) области с проведением их инвентаризации, а также паспорта данных управлений.
Министерству финансов совместно с хокимиятом Ташкентской области по результатам инвентаризации и на основании обоснованных расчетов обеспечить выделение штатных единиц, а также предусматривать средства, требуемые для их содержания в 2021 году — за счет средств республиканского бюджета, начиная с 2022 года — на основе установленных нормативов при формировании параметров местного бюджета Ташкентской области.
6. Определить:
а) по работам по восстановлению и развитию системы теплоснабжения в районах (городах) Ташкентской области:
заказчиком реализации проектов — Ташкентский областной территориальный филиал ГУП «Инжиниринговая компания по капитальному и текущему ремонту многоквартирных домов и строительству объектов теплоснабжения» Министерства жилищно-коммунального обслуживания;
генеральной проектной организацией по разработке проектно-сметной документации проектов — АО «Иссикликэлектрлойиха»;
б) по улучшению сетей питьевого водоснабжения и канализации:
заказчиком реализации проектов — Ташкентское областное территориальное управление УП «Инжиниринговая компания по строительству объектов водоснабжения и канализации»;
генеральной проектной организацией по разработке проектно-сметной документации проектов — ГУП «Узбеккоммуналлойихакурилиш»;
в) по объектам строительства и ремонта автомобильных дорог:
заказчиком реализации проектов — ГУП «Служба заказчика по региональным дорогам» в составе Главного территориального управления по автомобильным дорогам Ташкентской области;
генеральной проектной организацией по разработке проектно-сметной документации объектов — ООО «Йул лойиха бюроси».
Генеральные подрядные организации по улучшению системы теплоснабжения, сетей питьевого водоснабжения и канализации, объектам строительства и ремонта автомобильных дорог определяются на основании конкурсных (тендерных) торгов в установленном порядке.
7. Министерству жилищно-коммунального обслуживания совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
8. Возложить на заместителя Премьер-министра Республики Узбекистан Д.А. Кучкарова и хокима Ташкентской области Д.А. Хидоятова персональную ответственность за эффективную организацию исполнения настоящего постановления.
Осуществление контроля и координации деятельности ведомств, ответственных за исполнение настоящего постановления, возложить на Премьер-министра Республики Узбекистан А.Н. Арипова.
ПРИЛОЖЕНИЕ к постановлению Президента Республики Узбекистан от 20 мая 2021 года № ПП-5118
Параметры оснащения современными специальными транспортными средствами управлений благоустройства районов (городов) Ташкентской области в 2021 году
№ Наименование городов и районов Требуемая техника, всего * в том числе: самосвалов специальной техники по транспортировке отходов манипуляторов поливомоек (комбинированных) экскаваторов-погрузчиков единиц сумма единиц сумма единиц сумма единиц сумма единиц сумма единиц сумма Всего 50 43 362 12 9 456 8 5 474 18 19 355 10 7 878 2 1 200 1. город Алмалык 2 1 863 1 1 075 1 788 2. город Ангрен 2 1 472 1 684 1 788 3. город Ахангаран 4 3 335 1 788 1 684 1 1 075 1 788 4. город Бекабад 2 1 863 1 1 075 1 788 5. город Чирчик 2 1 863 1 1 075 1 788 6. город Янгиюль 2 1 760 1 684 1 1 075 7. Ахангаранский район 3 2 651 1 788 1 1 075 1 788 8. Бекабадский район 4 3 251 1 788 1 1 075 1 788 1 600 9. Аккурганский район 2 1 863 1 788 1 1 075 10. Бостанлыкский район 3 2 548 1 788 1 684 1 1 075 11. Букинский район 2 1 472 1 788 1 684 12. Юкоричирчикский район 3 2 651 1 788 1 1 075 1 788 13. Куйичирчикский район 1 1 075 1 1 075 14. Зангиатинский район 1 684 1 684 15. Кибрайский район 3 2 360 1 684 1 1 075 1 600 16. Паркентский район 2 1 863 1 1 075 1 788 17. Пскентский район 2 1 863 1 788 1 1 075 18. Уртачирчикский район 2 1 863 1 788 1 1 075 19. Ташкентский район 2 1 863 1 788 1 1 075 20. Чиназский район 1 1 075 1 1 075 21. Янгиюльский район 3 2 651 1 788 1 1 075 1 788 22. город Нурафшон 2 1 472 1 788 1 684
Президент Республики Узбекистан Ш. МИРЗИЁЕВ
г. Ташкент,
20 мая 2021 г.,
№ ПП-5118