UzbekAI

Ўзбекистон Республикаси Вазирлар Маҳкамасининг

қарори

ДАСТУРИ

Ички ишлар органлари таянч пунктларининг профилактика (катта) инспекторларини 2021 — 2023 йилларда хизмат уй-жойлари билан таъминлаш чора-тадбирлари тўғрисида

Ўзбекистон Республикаси Президентининг «Ички ишлар органлари таянч пунктларининг профилактика инспекторларини хизмат уй-жойи билан таъминлашга доир қўшимча чора-тадбирлар тўғрисида» 2017 йил 20 апрелдаги ПҚ-2906-сон қарорига мувофиқ, шунингдек, ички ишлар органлари таянч пунктларининг профилактика инспекторлари учун хизмат уй-жойлари жадал қурилишини ташкил этиш бўйича манзилли чора-тадбирларни белгилаш мақсадида Вазирлар Маҳкамаси қарор қилади:

1. Қуйидагиларни назарда тутувчи 2021 — 2023 йилларда ички ишлар органлари таянч пунктларининг профилактика инспекторларини бевосита улар хизматни ўтайдиган ҳудудда жойлашадиган хизмат уй-жойлари билан таъминлаш дастури (кейинги ўринларда — Дастур) иловага мувофиқ тасдиқлансин:

жами 2 965 та, шундан 2021 йилда 993 та, 2022 йилда 988 та ҳамда 2023 йилда 984 та уй-жойни янгидан қуриш;

жами 223 та, шундан 2021 йилда 80 та, 2022 йилда 72 та ҳамда 2023 йилда 71 та янги хонадон харид қилиш;

жами 161 та, шундан 2021 йилда 63 та, 2022 йилда 51 та ҳамда 2023 йилда 47 та уй-жойни тўлиқ таъмирлаш.

2. Белгилаб қўйилсинки, Дастур доирасида:

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳузуридаги «Ягона буюртмачи хизмати» инжиниринг компанияси ДУК — хизмат уй-жойларини қуриш бўйича буюртмачи ҳисобланади;

хизмат уй-жойлари Ўзбекистон Республикаси Президентининг «2017 — 2021 йилларда қишлоқ жойларда янгиланган намунавий лойиҳалар бўйича арзон уй-жойлар қуриш дастури тўғрисида» 2016 йил 21 октябрдаги ПҚ-2639-сон қарорига мувофиқ 0,02 гектар ҳажмдаги ер участкаларида жойлаштириладиган, ҳовли иншоотларига эга бўлган бир қаватли 2 ва 3 хонали уй-жойларнинг намунавий лойиҳаси бўйича қурилади;

хизмат уй-жойларини қуриш, қуришга массивларни тайёрлаш, суғориш сув қувури, ирригация тармоқлари, кириб келиш йўллари, йўлаклари ва ташқи ёритиш тармоқларини қуришни ҳисобга олган ҳолда, уларнинг ҳудудларини ободонлаштириш, шунингдек, хизмат уйлари учун янги хонадонларни харид қилиш ҳамда уй-жойларни тўлиқ таъмирлаш Қорақалпоғистон Республикаси республика бюджети, вилоятлар вилоят бюджетлари ва Тошкент шаҳри шаҳар бюджетининг қўшимча манбалари ҳисобидан амалга оширилади;

қурилиш ишларини амалга ошириш учун бош пудратчи ва бош лойиҳачи ташкилотлар қонунчилик ҳужжатларида белгиланган тартибда танлов (тендер) асосида аниқланади.

3. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Дастурнинг ижросини таъминлаш доирасида:

ички ишлар органлари таянч пунктларининг профилактика инспекторлари учун бевосита улар хизматни ўтайдиган ҳудудда жойлашадиган хизмат уй-жойларини шаҳарсозлик нормалари ва қоидаларига мувофиқ белгиланган муддатларда сифатли қурилишини таъминласин;

шаҳар жойларда кўп квартирали уйлардан квартиралар харид қилсин ёки маҳаллий ҳокимликлар томонидан квартиралар ва уй-жойлар ажратиб, уларни ички ишлар органларига оператив бошқарув ҳуқуқи асосида ўтказиб берсин;

Ўзбекистон Республикаси Президентининг «Ички ишлар органлари таянч пунктларининг профилактика инспекторларини хизмат уй-жойи билан таъминлашга доир қўшимча чора-тадбирлар тўғрисида» 2017 йил 20 апрелдаги ПҚ-2906-сон қарорига мувофиқ 2017 — 2019 йилларда тайёр бино ва иншоотларда жойлашган тўлиқ таъмирланмаган 161 та хизмат уй-жойлари тўлиқ таъмирланишини таъминласин.

4. Ўзбекистон Республикаси Ички ишлар вазирлиги:

Дастурнинг ижроси доирасида қурилган уй-жой, харид қилинган ёки маҳаллий ҳокимликлар томонидан ажратилган ҳамда таъмирланган квартира ва уй-жойларни белгиланган тартибда қабул қилиб олиш ҳамда уларнинг мазкур ҳудудларда хизмат фаолиятини олиб бораётган ички ишлар органлари таянч пунктларининг профилактика (катта) инспекторларига бириктирилишини таъминласин;

Дастурнинг бажарилишини мониторинг қилиб борган ҳолда, ҳар ярим йилда унинг ижроси ҳолати юзасидан Вазирлар Маҳкамасига ахборот тақдим этиб борсин.

5. Ўзбекистон Республикаси Қурилиш вазирлиги мазкур қарор доирасида объектларни қуриш, реконструкция қилиш ва мукаммал таъмирлаш бўйича бажариладиган ишларнинг сифати, шаҳарсозлик нормалари ва қоидаларига риоя этилиши юзасидан назоратни амалга оширсин.

6. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари А.Ж. Раматов ҳамда Ўзбекистон Республикаси ички ишлар вазири П.Р. Бобожонов зиммасига юклансин.

Вазирлар Маҳкамасининг 2021 йил 20 майдаги 317-сон қарорига ИЛОВА

2021 — 2023 йилларда ички ишлар органлари таянч пунктларининг профилактика инспекторларини бевосита улар хизматни ўтайдиган ҳудудда жойлашадиган хизмат уй-жойлари билан таъминлаш

Т/р Ҳудуд номи Жами Янги қуриладиган уй-жойлар (2 сотихли) Жами Янги хонадон харид қилиш Жами Таъмирталаб уйларни тўлиқ таъмирлаш Молиялаштириш манбаи 2021 й 2022 й 2023 й 2021 й 2022 й 2023 й 2021 й 2022 й 2023 й 1. Қорақалпоғистон Республикаси 63 21 21 21 2 1 1 0 Маҳаллий бюджет қўшимча манбалари ҳисобидан 2. Андижон вилояти 363 121 121 121 9 5 2 2 3. Бухоро вилояти 193 65 64 64 4. Жиззах вилояти 56 19 19 18 5 3 1 1 5. Қашқадарё вилояти 153 51 51 51 20 7 7 6 6. Навоий вилояти 110 37 37 36 1 1 0 0 7 4 2 1 7. Наманган вилояти 308 103 103 102 3 1 1 1 8. Самарқанд вилояти 366 122 122 122 33 11 11 11 25 9 8 8 9. Сурхондарё вилояти 268 90 89 89 7 4 2 1 17 6 6 5 10. Сирдарё вилояти 44 15 15 14 5 3 1 1 1 1 0 0 11. Тошкент вилояти 424 142 141 141 11 5 3 3 12. Фарғона вилояти 375 125 125 125 11 5 3 3 13. Хоразм вилояти 173 59 57 57 1 1 0 0 14. Тошкент шаҳар 69 23 23 23 165 55 55 55 61 21 20 20 Жами 2 965 993 988 984 223 80 72 71 161 63 51 47

Ўзбекистон Республикасининг Бош вазири А. АРИПОВ

Тошкент ш.,

2021 йил 20 май,

317-сон

(Қонунчилик маълумотлари миллий базаси, 20.05.2021 й., 09/21/317/0478-сон)

lex.uz

Oʻzbekiston Respublikasi Vazirlar Mahkamasining

qarori

DASTURI

Ichki ishlar organlari tayanch punktlarining profilaktika (katta) inspektorlarini 2021 — 2023-yillarda xizmat uy-joylari bilan taʼminlash chora-tadbirlari toʻgʻrisida

Oʻzbekiston Respublikasi Prezidentining “Ichki ishlar organlari tayanch punktlarining profilaktika inspektorlarini xizmat uy-joyi bilan taʼminlashga doir qoʻshimcha chora-tadbirlar toʻgʻrisida” 2017-yil 20-apreldagi PQ-2906-son qaroriga muvofiq, shuningdek, ichki ishlar organlari tayanch punktlarining profilaktika inspektorlari uchun xizmat uy-joylari jadal qurilishini tashkil etish boʻyicha manzilli chora-tadbirlarni belgilash maqsadida Vazirlar Mahkamasi qaror qiladi:

1. Quyidagilarni nazarda tutuvchi 2021 — 2023-yillarda ichki ishlar organlari tayanch punktlarining profilaktika inspektorlarini bevosita ular xizmatni oʻtaydigan hududda joylashadigan xizmat uy-joylari bilan taʼminlash dasturi (keyingi oʻrinlarda — Dastur) ilovaga muvofiq tasdiqlansin:

jami 2 965 ta, shundan 2021-yilda 993 ta, 2022-yilda 988 ta hamda 2023-yilda 984 ta uy-joyni yangidan qurish;

jami 223 ta, shundan 2021-yilda 80 ta, 2022-yilda 72 ta hamda 2023-yilda 71 ta yangi xonadon xarid qilish;

jami 161 ta, shundan 2021-yilda 63 ta, 2022-yilda 51 ta hamda 2023-yilda 47 ta uy-joyni toʻliq taʼmirlash.

2. Belgilab qoʻyilsinki, Dastur doirasida:

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzuridagi “Yagona buyurtmachi xizmati” injiniring kompaniyasi DUK — xizmat uy-joylarini qurish boʻyicha buyurtmachi hisoblanadi;

xizmat uy-joylari Oʻzbekiston Respublikasi Prezidentining “2017 — 2021-yillarda qishloq joylarda yangilangan namunaviy loyihalar boʻyicha arzon uy-joylar qurish dasturi toʻgʻrisida” 2016-yil 21-oktabrdagi PQ-2639-son qaroriga muvofiq 0,02 gektar hajmdagi yer uchastkalarida joylashtiriladigan, hovli inshootlariga ega boʻlgan bir qavatli 2 va 3 xonali uy-joylarning namunaviy loyihasi boʻyicha quriladi;

xizmat uy-joylarini qurish, qurishga massivlarni tayyorlash, sugʻorish suv quvuri, irrigatsiya tarmoqlari, kirib kelish yoʻllari, yoʻlaklari va tashqi yoritish tarmoqlarini qurishni hisobga olgan holda, ularning hududlarini obodonlashtirish, shuningdek, xizmat uylari uchun yangi xonadonlarni xarid qilish hamda uy-joylarni toʻliq taʼmirlash Qoraqalpogʻiston Respublikasi respublika budjeti, viloyatlar viloyat budjetlari va Toshkent shahri shahar budjetining qoʻshimcha manbalari hisobidan amalga oshiriladi;

qurilish ishlarini amalga oshirish uchun bosh pudratchi va bosh loyihachi tashkilotlar qonunchilik hujjatlarida belgilangan tartibda tanlov (tender) asosida aniqlanadi.

3. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Dasturning ijrosini taʼminlash doirasida:

ichki ishlar organlari tayanch punktlarining profilaktika inspektorlari uchun bevosita ular xizmatni oʻtaydigan hududda joylashadigan xizmat uy-joylarini shaharsozlik normalari va qoidalariga muvofiq belgilangan muddatlarda sifatli qurilishini taʼminlasin;

shahar joylarda koʻp kvartirali uylardan kvartiralar xarid qilsin yoki mahalliy hokimliklar tomonidan kvartiralar va uy-joylar ajratib, ularni ichki ishlar organlariga operativ boshqaruv huquqi asosida oʻtkazib bersin;

Oʻzbekiston Respublikasi Prezidentining “Ichki ishlar organlari tayanch punktlarining profilaktika inspektorlarini xizmat uy-joyi bilan taʼminlashga doir qoʻshimcha chora-tadbirlar toʻgʻrisida” 2017-yil 20-apreldagi PQ-2906-son qaroriga muvofiq 2017 — 2019-yillarda tayyor bino va inshootlarda joylashgan toʻliq taʼmirlanmagan 161 ta xizmat uy-joylari toʻliq taʼmirlanishini taʼminlasin.

4. Oʻzbekiston Respublikasi Ichki ishlar vazirligi:

Dasturning ijrosi doirasida qurilgan uy-joy, xarid qilingan yoki mahalliy hokimliklar tomonidan ajratilgan hamda taʼmirlangan kvartira va uy-joylarni belgilangan tartibda qabul qilib olish hamda ularning mazkur hududlarda xizmat faoliyatini olib borayotgan ichki ishlar organlari tayanch punktlarining profilaktika (katta) inspektorlariga biriktirilishini taʼminlasin;

Dasturning bajarilishini monitoring qilib borgan holda, har yarim yilda uning ijrosi holati yuzasidan Vazirlar Mahkamasiga axborot taqdim etib borsin.

5. Oʻzbekiston Respublikasi Qurilish vazirligi mazkur qaror doirasida obyektlarni qurish, rekonstruksiya qilish va mukammal taʼmirlash boʻyicha bajariladigan ishlarning sifati, shaharsozlik normalari va qoidalariga rioya etilishi yuzasidan nazoratni amalga oshirsin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov hamda Oʻzbekiston Respublikasi ichki ishlar vaziri P.R. Bobojonov zimmasiga yuklansin.

Vazirlar Mahkamasining 2021-yil 20-maydagi 317-son qaroriga ILOVA

2021 — 2023-yillarda ichki ishlar organlari tayanch punktlarining profilaktika inspektorlarini bevosita ular xizmatni oʻtaydigan hududda joylashadigan xizmat uy-joylari bilan taʼminlash

T/r Hudud nomi Jami Yangi quriladigan uy-joylar (2 sotixli) Jami Yangi xonadon xarid qilish Jami Taʼmirtalab uylarni toʻliq taʼmirlash Moliyalashtirish manbai 2021-y 2022-y 2023-y 2021-y 2022-y 2023-y 2021-y 2022-y 2023-y 1. Qoraqalpogʻiston Respublikasi 63 21 21 21 2 1 1 0 Mahalliy budjet qoʻshimcha manbalari hisobidan 2. Andijon viloyati 363 121 121 121 9 5 2 2 3. Buxoro viloyati 193 65 64 64 4. Jizzax viloyati 56 19 19 18 5 3 1 1 5. Qashqadaryo viloyati 153 51 51 51 20 7 7 6 6. Navoiy viloyati 110 37 37 36 1 1 0 0 7 4 2 1 7. Namangan viloyati 308 103 103 102 3 1 1 1 8. Samarqand viloyati 366 122 122 122 33 11 11 11 25 9 8 8 9. Surxondaryo viloyati 268 90 89 89 7 4 2 1 17 6 6 5 10. Sirdaryo viloyati 44 15 15 14 5 3 1 1 1 1 0 0 11. Toshkent viloyati 424 142 141 141 11 5 3 3 12. Fargʻona viloyati 375 125 125 125 11 5 3 3 13. Xorazm viloyati 173 59 57 57 1 1 0 0 14. Toshkent shahar 69 23 23 23 165 55 55 55 61 21 20 20 Jami 2 965 993 988 984 223 80 72 71 161 63 51 47

Oʻzbekiston Respublikasining Bosh vaziri A. ARIPOV

Toshkent sh.,

2021-yil 20-may,

317-son

(Qonunchilik maʼlumotlari milliy bazasi, 20.05.2021-y., 09/21/317/0478-son)

lex.uz