UzbekAI

Ўзбекистон Республикаси Президентининг

Қарори

прогноз кўрсаткичлари

ТАРКИБИ

Фарғона вилоятининг Учкўприк туманида енгил саноат маҳсулотларини ишлаб чиқаришни, логистика ва савдо тармоқларини ривожлантириш чора-тадбирлари тўғрисида

Енгил саноат соҳаси салоҳиятини янада ошириш, экспортбоп маҳсулотлар ишлаб чиқариш ҳажмини кенгайтириш, олиб борилаётган ислоҳотларга ва замон талабига тўлиқ жавоб берадиган енгил саноат ташкилотларини ташкил этиш мақсадида:

1. Иқтисодий тараққиёт ва камбағалликни қисқартириш вазирлиги, Фарғона вилояти ҳокимлиги ва «Микрокредитбанк» АТБнинг:

Фарғона вилояти Учкўприк туманида 15 гектар ер майдонида енгил саноат маҳсулотларини ишлаб чиқариш, логистика ва савдо комплексини ташкил этиш (кейинги ўринларда — Комплекс);

Комплекс қурилишини ташкил этишга «Микрокредитбанк» АТБни буюртмачи этиб белгилаш тўғрисидаги таклифлари маъқуллансин.

2. Белгилаб қўйилсинки, Комплексда барпо этиладиган объектлар:

а) биринчи навбатда Учкўприк туманидаги «Бобошбек», «Бекмурод», «Зиғир», «Палохон» ва «Яккамулла» маҳалла фуқаролари йиғинларида уй хўжалигида фаолият юритаётган ташаббускорларга енгил саноат маҳсулотлари ишлаб чиқариш фаолиятини кенгайтириш учун танлов орқали сотилади;

б) ташаббускорларга қуйидаги шартлар асосида сотилади:

логистика маркази, қўшимча маиший хизмат кўрсатиш объектларини ташкил этиш, шунингдек, енгил саноат маҳсулотлари ишлаб чиқариш, савдо дўконлари, ишлаб чиқариш цехларини ташкил этиш бўйича инвестиция лойиҳаларини амалга ошириш юзасидан бизнес-режа ёки техник-иқтисодий асосга эга эканлиги;

юқоридаги фаолиятни юритиш учун зарурий кўникма, мол-мулк ва бошқа воситаларга эга бўлиш ҳамда янги иш ўринларини яратиш.

Фарғона вилояти ҳокимлиги логистика маркази, қўшимча маиший хизмат кўрсатиш объектларини ташкил этиш, енгил саноат маҳсулотларини ишлаб чиқариш, шу жумладан савдо дўконлари, ишлаб чиқариш цехлари, кичик савдо расталарини ташкил этиш салоҳиятига эга ташаббускорларнинг танланишига шахсан масъул ҳисобланади.

3. Белгилансинки:

Комплекс ҳудудидаги ишлаб чиқариш цехлари, савдо дўконлари, логистика маркази, шунингдек, бошқа объектларнинг сотиб олиниши ташаббускорларнинг ўз маблағлари, банк кредити ёки лизинг асосида амалга оширилади;

Комплекс ҳудудидаги объектларни сотишдан, шунингдек, Учкўприк тумани енгил саноат маҳсулотларини ишлаб чиқариш, логистика ва савдо комплексини бошқариш ва ободонлаштириш офисини молиялаштириш манбаларидан келиб тушадиган маблағлар биринчи навбатда «Микрокредитбанк» АТБ маблағлари ҳисобидан молиялаштирилган харажатларни қоплаш учун йўналтирилади.

4. Фарғона вилояти ҳокимлиги:

а) Қишлоқ хўжалиги вазирлиги билан биргаликда икки ҳафта муддатда:

Комплексни ташкил этиш учун Фарғона вилояти Учкўприк тумани марказига яқин ҳудуддаги қишлоқ хўжалигига мўлжалланган ердан 15 гектар ер майдонни қонунчиликда белгиланган тартибда «Микрокредитбанк» АТБга ажратилишини;

ажратилган ер майдони тупроғининг ҳосилдор қатламини олиш ҳамда ундан туманнинг қишлоқ хўжалигига яроқсиз бошқа ерларни рекультивация қилиш мақсадида фойдаланилишини;

б) Қурилиш вазирлиги билан биргаликда бир ой муддатда ажратилган ер майдонида Комплексни барпо этиш юзасидан замонавий архитектура талаблари асосида лойиҳа-смета ҳужжатларининг ишлаб чиқилишини таъминласин.

5. Фарғона вилояти Учкўприк тумани ҳокимлиги муассислигида икки ҳафта муддатда масъулияти чекланган жамият шаклида Учкўприк тумани енгил саноат маҳсулотларини ишлаб чиқариш, логистика ва савдо комплексини бошқариш ва ободонлаштириш офиси (кейинги ўринларда — Офис) ташкил этилсин.

Қуйидагилар Офиснинг асосий вазифалари этиб белгилансин:

«Микрокредитбанк» АТБ билан тузиладиган молиялаштириш тўғрисидаги келишув асосида Комплекс учун ажратилган ер майдонларида ишлаб чиқариш цехлари, савдо дўконлари ва кичик савдо расталари, логистика маркази, шунингдек, бошқа объектларни қуриш учун очиқ танловлар ташкил қилиш;

қуриб битказилган объектларнинг тадбиркорлик субъектларига сотилишида шаффофликни таъминлаш;

Комплексдаги майдонлар, кўчалар, фавворалар ҳамда бошқа ташқи ободонлаштириш объектларини шаҳарсозлик нормалари ва қоидалари, санитария қоидаларига мувофиқ сақлаш ва улардан фойдаланиш ишларини ўз вақтида ва сифатли ташкил этиш;

Комплекс ҳудудида фуқаро ва ёнғин хавфсизлигини таъминлаш, қўриқлаш хизматини ташкил этиш;

кўкаламзорлаштириш объектларини сақлаш ва улардан фойдаланиш, дарахтларни, буталарни, гулларни парвариш қилиш ва кўкаламзорлаштирилган майдончаларни таъмирлаш бўйича зарур ташкилий-агротехника ишларини амалга ошириш;

ишлаб чиқариш цехлари, савдо дўконларидан йиғимларни ҳамда кичик савдо расталари ижараси учун тўловларни ундириш;

замонавий асбоб-ускуналар ва технологияларни жорий этган ҳолда ташқи ёритиш тармоқларини, сунъий суғориш ва фавворалар тизимларини сақлаш ва улардан фойдаланиш.

Белгилансинки, Комплекс ҳудудидаги объектларни тадбиркорлик субъектларига сотиш ишлари якунлангандан кейин Офиснинг объектлар қурилиши учун танлов эълон қилиш ҳамда объектларни сотиш вазифалари бекор қилинади.

6. Қуйидагилар Офисни молиялаштириш манбалари этиб белгилансин:

ишлаб чиқариш цехлари, савдо дўконларидан ундириладиган йиғимлар;

Офисга оператив бошқарув ҳуқуқи асосида берилган бино ва иншоотларни белгиланган тартибда ижарага беришдан олинадиган даромадлар;

қонунчилик ҳужжатлари билан тақиқланмаган бошқа манбалар.

7. Фарғона вилояти Учкўприк тумани ҳокимлиги бир ой муддатда:

Офис уставини ишлаб чиқсин ва белгиланган тартибда тасдиқласин;

Офиснинг штатлар жадвалини ишлаб чиқиш ва тасдиқлаш, штатларини малакали мутахассислар билан тўлдириш ҳамда унинг самарали фаолият олиб боришини таъминлаш билан боғлиқ бошқа зарур чора-тадбирларни амалга оширсин.

8. Фарғона вилояти Учкўприк туманида барпо этиладиган енгил саноат маҳсулотларини ишлаб чиқариш, логистика ва савдо комплексида савдо дўконлари, ишлаб чиқариш цехлари, кичик савдо расталари ва логистика марказини ташкил этишнинг прогноз кўрсаткичлари 1-иловага мувофиқ тасдиқлансин.

Ўзбекистон Республикаси Бош вазирининг ўринбосари Ж.А. Кучкаровга заруратга қараб, Фарғона вилояти ҳокимининг таклифига кўра мазкур иловага ўзгартириш ва қўшимчалар киритиш ҳуқуқи берилсин.

9. Фарғона вилояти Учкўприк туманида барпо этиладиган енгил саноат маҳсулотларини ишлаб чиқариш, логистика ва савдо комплексида қуриб битказилган объектларни ажратиш бўйича комиссия (кейинги ўринларда — Комиссия) таркиби 2-иловага мувофиқ тасдиқлансин.

Комиссияга қуйидаги вазифалар юклатилсин:

Комплексда қуриб битказилган объектларни танлов натижаларига кўра тадбиркорлик субъектларига ажратиш тўғрисида қарор қабул қилиш;

қуриб битказилган объектларнинг тадбиркорлик субъектларига мазкур қарор талабларига қатъий риоя қилинган ҳолда сотилишини доимий назорат қилиш;

ишлаб чиқариш цехлари, савдо дўконларидан йиғимларнинг ҳамда кичик савдо расталари ижараси учун тўловларнинг тўланиши ва мақсадли сарфланишини таъминлаш.

10. Фарғона вилояти ҳокимлиги, Иқтисодий тараққиёт ва камбағалликни қисқартириш вазирлиги «Микрокредитбанк» АТБ билан биргаликда:

бир ой муддатда Фарғона вилояти иқтисодиётининг эҳтиёжларини, шунингдек, мавжуд хом ашё, қишлоқ хўжалиги ресурсларини ва инфратузилмани инобатга олган ҳолда ташкил этилган Комплексга ишлаб чиқариш корхоналарининг жойлаштирилишини таъминласин;

жорий йил якунига қадар илғор хорижий тажрибалар асосида Комплексда тикув-трикотаж маҳсулотлари ишлаб чиқариш мажмуасининг ташкил этилиши ва уни замонавий талаблар асосида лойиҳалаштириш ва қуриш ишларини ташкил этиш ҳамда зарур инфратузилма билан таъминлаш чораларини кўрсин.

11. Фарғона вилоят ҳокимлиги:

а) «Микрокредитбанк» АТБ, Қишлоқ хўжалиги вазирлиги билан биргаликда:

ўн кун муддатда белгиланган тартибда олиб қўйилаётган суғориладиган ер майдонида қишлоқ хўжалиги экинларини етиштириш учун сарфланган харажатлар миқдорини ҳисоблаб чиқсин ҳамда етказилган зарарнинг қопланишини таъминласин;

икки ҳафта муддатда тадбиркорлик субъектларини жалб қилган ҳолда маҳаллий бюджет маблағлари ҳисобидан қишлоқ хўжалигида фойдаланишга киритиладиган 100 гектар ер майдонларининг манзилли рўйхатини тасдиқласин;

б) Сув хўжалиги вазирлиги, Қишлоқ хўжалиги вазирлиги билан биргаликда йил якунига қадар истиқболда Учкўприк туманида енгил саноат хом ашё базасини мустаҳкамлаш мақсадида ташаббускорлар ҳамда маҳаллий бюджет маблағлари ҳисобидан Учкўприк тумани ҳудудидан 100 гектар ер майдонларини ўзлаштириш бўйича зарурий тадбирларни амалга оширсин.

Белгилансинки, Комплекс қурилиши учун ер майдони ажратилиши билан боғлиқ қишлоқ хўжалиги ва ўрмон хўжалиги ишлаб чиқариши нобудгарчиликлари ўрнини қоплаш бўйича тўланадиган компенсация тўловлари, истисно тариқасида, ундирилмайди.

12. Қурилиш вазирлиги Комплекснинг ташкил этилишида қуриш-таъмирлаш ишларини амалга оширишда лойиҳа-смета ҳужжатларини белгиланган тартибда давлат экспертизасидан ўтказсин ва қурилиш-монтаж ишларининг сифатли бажарилиши устидан давлат назоратини ўрнатсин.

13. Фарғона вилояти ҳокимлиги:

Комплексга ишлаб чиқариш корхоналарини жойлаштириш бўйича «Йўл харита»сини тасдиқласин ва ижросини таъминласин;

мазкур қарорда амалга оширилиши белгиланган лойиҳаларни ўз вақтида ишга тушириш ва янги иш ўринларини яратиш чораларини кўрсин;

ҳар чорак якуни бўйича қарорда назарда тутилган топшириқлар ва тадбирларнинг ўз вақтида ва сифатли бажарилиши халқ депутатлари вилоят ва туман Кенгашлари йиғилишларида муҳокама қилиб борилишини таъминласин.

14. Ўзбекистон Миллий телерадиокомпанияси, Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги, Ўзбекистон Миллий ахборот агентлиги мазкур қарорнинг мазмун-моҳияти ҳамда унда белгиланган вазифаларнинг ижроси ёритиб борилишини таъминласин.

15. Мазкур қарорнинг ижросини назорат қилишга масъул ва шахсий жавобгар этиб Фарғона вилояти ҳокими Х.Х. Бозаров белгилансин.

Қарор ижросини ҳар чоракда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикасининг Бош вазири ўринбосарлари Ж.А. Кучкаров ва Ш.М. Ганиев зиммасига юклансин.

Ўзбекистон Республикаси Президентининг 2021 йил 27 майдаги ПҚ-5127-сон қарорига 1-ИЛОВА

Фарғона вилояти Учкўприк туманида барпо этиладиган енгил саноат маҳсулотларини ишлаб чиқариш, логистика ва савдо комплексида савдо дўконлари, ишлаб чиқариш цехлари, кичик савдо расталари ва логистика марказини ташкил этишнинг

Т/р Фаолият тури Тадбиркорлар сони Яратиладиган иш ўрни 1. Савдо дўкони 336 1 270 2. Ишлаб чиқариш цехлари 212 5 271 100 — 200 кв.м 128 201 — 300 кв.м 60 301 — 350 кв.м 24 3. Кичик савдо расталари 560 1 120 4. Логистика маркази 2 75 Жами 1 110 7 736

Ўзбекистон Республикаси Президентининг 2021 йил 27 майдаги ПҚ-5127-сон қарорига 2-ИЛОВА

Фарғона вилояти Учкўприк туманида барпо этиладиган енгил саноат маҳсулотларини ишлаб чиқариш, логистика ва савдо комплексида қуриб битказилган объектларни ажратиш бўйича комиссия

1. А.Р. Уринбаев — Фарғона вилояти ҳокимининг биринчи ўринбосари, комиссия раиси 2. А.А. Махмудалиев — Учкўприк тумани ҳокими, комиссия раиси ўринбосари 3. И.И. Алиев — «Микрокредитбанк» АТБ Фарғона вилояти минтақавий филиали бошқарувчиси, комиссия раиси ўринбосари 4. У.Х. Ахмадалиев — Учкўприк тумани давлат солиқ инспекцияси бошлиғи 5. У.В. Вохидов — Учкўприк тумани қишлоқ хўжалиги бўлими бошлиғи ўринбосари 6. С.К. Акбаров — Учкўприк тумани маҳалла ва оилани қўллаб-қувватлаш бўлими бошлиғи 7. Д.С. Далиев — Учкўприк тумани бандлик ва меҳнат муносабатлари бўлими бошлиғи в.в.б 8. Б.Ш. Шокиров — Ўзбекистон Республикаси Ёшлар ишлари агентлиги Учкўприк тумани бўлими бошлиғи 9. Лавозимига кўра — Учкўприк тумани енгил саноат маҳсулотларини ишлаб чиқариш, логистика ва савдо комплекси ни бошқариш ва ободонлаштириш офиси директори — комиссия котиби

Ўзбекистон Республикаси Президенти Ш. МИРЗИЁЕВ

Тошкент ш.,

2021 йил 27 май,

ПҚ-5127-сон

(Қонунчилик маълумотлари миллий базаси, 27.05.2021 й., 07/21/5127/0493-сон)

lex.uz

Oʻzbekiston Respublikasi Prezidentining

Qarori

prognoz koʻrsatkichlari

TARKIBI

Fargʻona viloyatining Uchkoʻprik tumanida yengil sanoat mahsulotlarini ishlab chiqarishni, logistika va savdo tarmoqlarini rivojlantirish chora-tadbirlari toʻgʻrisida

Yengil sanoat sohasi salohiyatini yanada oshirish, eksportbop mahsulotlar ishlab chiqarish hajmini kengaytirish, olib borilayotgan islohotlarga va zamon talabiga toʻliq javob beradigan yengil sanoat tashkilotlarini tashkil etish maqsadida:

1. Iqtisodiy taraqqiyot va kambagʻallikni qisqartirish vazirligi, Fargʻona viloyati hokimligi va “Mikrokreditbank” ATBning:

Fargʻona viloyati Uchkoʻprik tumanida 15 gektar yer maydonida yengil sanoat mahsulotlarini ishlab chiqarish, logistika va savdo kompleksini tashkil etish (keyingi oʻrinlarda — Kompleks);

Kompleks qurilishini tashkil etishga “Mikrokreditbank” ATBni buyurtmachi etib belgilash toʻgʻrisidagi takliflari maʼqullansin.

2. Belgilab qoʻyilsinki, Kompleksda barpo etiladigan obyektlar:

a) birinchi navbatda Uchkoʻprik tumanidagi “Boboshbek”, “Bekmurod”, “Zigʻir”, “Paloxon” va “Yakkamulla” mahalla fuqarolari yigʻinlarida uy xoʻjaligida faoliyat yuritayotgan tashabbuskorlarga yengil sanoat mahsulotlari ishlab chiqarish faoliyatini kengaytirish uchun tanlov orqali sotiladi;

b) tashabbuskorlarga quyidagi shartlar asosida sotiladi:

logistika markazi, qoʻshimcha maishiy xizmat koʻrsatish obyektlarini tashkil etish, shuningdek, yengil sanoat mahsulotlari ishlab chiqarish, savdo doʻkonlari, ishlab chiqarish sexlarini tashkil etish boʻyicha investitsiya loyihalarini amalga oshirish yuzasidan biznes-reja yoki texnik-iqtisodiy asosga ega ekanligi;

yuqoridagi faoliyatni yuritish uchun zaruriy koʻnikma, mol-mulk va boshqa vositalarga ega boʻlish hamda yangi ish oʻrinlarini yaratish.

Fargʻona viloyati hokimligi logistika markazi, qoʻshimcha maishiy xizmat koʻrsatish obyektlarini tashkil etish, yengil sanoat mahsulotlarini ishlab chiqarish, shu jumladan savdo doʻkonlari, ishlab chiqarish sexlari, kichik savdo rastalarini tashkil etish salohiyatiga ega tashabbuskorlarning tanlanishiga shaxsan masʼul hisoblanadi.

3. Belgilansinki:

Kompleks hududidagi ishlab chiqarish sexlari, savdo doʻkonlari, logistika markazi, shuningdek, boshqa obyektlarning sotib olinishi tashabbuskorlarning oʻz mablagʻlari, bank krediti yoki lizing asosida amalga oshiriladi;

Kompleks hududidagi obyektlarni sotishdan, shuningdek, Uchkoʻprik tumani yengil sanoat mahsulotlarini ishlab chiqarish, logistika va savdo kompleksini boshqarish va obodonlashtirish ofisini moliyalashtirish manbalaridan kelib tushadigan mablagʻlar birinchi navbatda “Mikrokreditbank” ATB mablagʻlari hisobidan moliyalashtirilgan xarajatlarni qoplash uchun yoʻnaltiriladi.

4. Fargʻona viloyati hokimligi:

a) Qishloq xoʻjaligi vazirligi bilan birgalikda ikki hafta muddatda:

Kompleksni tashkil etish uchun Fargʻona viloyati Uchkoʻprik tumani markaziga yaqin hududdagi qishloq xoʻjaligiga moʻljallangan yerdan 15 gektar yer maydonni qonunchilikda belgilangan tartibda “Mikrokreditbank” ATBga ajratilishini;

ajratilgan yer maydoni tuprogʻining hosildor qatlamini olish hamda undan tumanning qishloq xoʻjaligiga yaroqsiz boshqa yerlarni rekultivatsiya qilish maqsadida foydalanilishini;

b) Qurilish vazirligi bilan birgalikda bir oy muddatda ajratilgan yer maydonida Kompleksni barpo etish yuzasidan zamonaviy arxitektura talablari asosida loyiha-smeta hujjatlarining ishlab chiqilishini taʼminlasin.

5. Fargʻona viloyati Uchkoʻprik tumani hokimligi muassisligida ikki hafta muddatda masʼuliyati cheklangan jamiyat shaklida Uchkoʻprik tumani yengil sanoat mahsulotlarini ishlab chiqarish, logistika va savdo kompleksini boshqarish va obodonlashtirish ofisi (keyingi oʻrinlarda — Ofis) tashkil etilsin.

Quyidagilar Ofisning asosiy vazifalari etib belgilansin:

“Mikrokreditbank” ATB bilan tuziladigan moliyalashtirish toʻgʻrisidagi kelishuv asosida Kompleks uchun ajratilgan yer maydonlarida ishlab chiqarish sexlari, savdo doʻkonlari va kichik savdo rastalari, logistika markazi, shuningdek, boshqa obyektlarni qurish uchun ochiq tanlovlar tashkil qilish;

qurib bitkazilgan obyektlarning tadbirkorlik subyektlariga sotilishida shaffoflikni taʼminlash;

Kompleksdagi maydonlar, koʻchalar, favvoralar hamda boshqa tashqi obodonlashtirish obyektlarini shaharsozlik normalari va qoidalari, sanitariya qoidalariga muvofiq saqlash va ulardan foydalanish ishlarini oʻz vaqtida va sifatli tashkil etish;

Kompleks hududida fuqaro va yongʻin xavfsizligini taʼminlash, qoʻriqlash xizmatini tashkil etish;

koʻkalamzorlashtirish obyektlarini saqlash va ulardan foydalanish, daraxtlarni, butalarni, gullarni parvarish qilish va koʻkalamzorlashtirilgan maydonchalarni taʼmirlash boʻyicha zarur tashkiliy-agrotexnika ishlarini amalga oshirish;

ishlab chiqarish sexlari, savdo doʻkonlaridan yigʻimlarni hamda kichik savdo rastalari ijarasi uchun toʻlovlarni undirish;

zamonaviy asbob-uskunalar va texnologiyalarni joriy etgan holda tashqi yoritish tarmoqlarini, sunʼiy sugʻorish va favvoralar tizimlarini saqlash va ulardan foydalanish.

Belgilansinki, Kompleks hududidagi obyektlarni tadbirkorlik subyektlariga sotish ishlari yakunlangandan keyin Ofisning obyektlar qurilishi uchun tanlov eʼlon qilish hamda obyektlarni sotish vazifalari bekor qilinadi.

6. Quyidagilar Ofisni moliyalashtirish manbalari etib belgilansin:

ishlab chiqarish sexlari, savdo doʻkonlaridan undiriladigan yigʻimlar;

Ofisga operativ boshqaruv huquqi asosida berilgan bino va inshootlarni belgilangan tartibda ijaraga berishdan olinadigan daromadlar;

qonunchilik hujjatlari bilan taqiqlanmagan boshqa manbalar.

7. Fargʻona viloyati Uchkoʻprik tumani hokimligi bir oy muddatda:

Ofis ustavini ishlab chiqsin va belgilangan tartibda tasdiqlasin;

Ofisning shtatlar jadvalini ishlab chiqish va tasdiqlash, shtatlarini malakali mutaxassislar bilan toʻldirish hamda uning samarali faoliyat olib borishini taʼminlash bilan bogʻliq boshqa zarur chora-tadbirlarni amalga oshirsin.

8. Fargʻona viloyati Uchkoʻprik tumanida barpo etiladigan yengil sanoat mahsulotlarini ishlab chiqarish, logistika va savdo kompleksida savdo doʻkonlari, ishlab chiqarish sexlari, kichik savdo rastalari va logistika markazini tashkil etishning prognoz koʻrsatkichlari 1-ilovaga muvofiq tasdiqlansin.

Oʻzbekiston Respublikasi Bosh vazirining oʻrinbosari J.A. Kuchkarovga zaruratga qarab, Fargʻona viloyati hokimining taklifiga koʻra mazkur ilovaga oʻzgartirish va qoʻshimchalar kiritish huquqi berilsin.

9. Fargʻona viloyati Uchkoʻprik tumanida barpo etiladigan yengil sanoat mahsulotlarini ishlab chiqarish, logistika va savdo kompleksida qurib bitkazilgan obyektlarni ajratish boʻyicha komissiya (keyingi oʻrinlarda — Komissiya) tarkibi 2-ilovaga muvofiq tasdiqlansin.

Komissiyaga quyidagi vazifalar yuklatilsin:

Kompleksda qurib bitkazilgan obyektlarni tanlov natijalariga koʻra tadbirkorlik subyektlariga ajratish toʻgʻrisida qaror qabul qilish;

qurib bitkazilgan obyektlarning tadbirkorlik subyektlariga mazkur qaror talablariga qatʼiy rioya qilingan holda sotilishini doimiy nazorat qilish;

ishlab chiqarish sexlari, savdo doʻkonlaridan yigʻimlarning hamda kichik savdo rastalari ijarasi uchun toʻlovlarning toʻlanishi va maqsadli sarflanishini taʼminlash.

10. Fargʻona viloyati hokimligi, Iqtisodiy taraqqiyot va kambagʻallikni qisqartirish vazirligi “Mikrokreditbank” ATB bilan birgalikda:

bir oy muddatda Fargʻona viloyati iqtisodiyotining ehtiyojlarini, shuningdek, mavjud xom ashyo, qishloq xoʻjaligi resurslarini va infratuzilmani inobatga olgan holda tashkil etilgan Kompleksga ishlab chiqarish korxonalarining joylashtirilishini taʼminlasin;

joriy yil yakuniga qadar ilgʻor xorijiy tajribalar asosida Kompleksda tikuv-trikotaj mahsulotlari ishlab chiqarish majmuasining tashkil etilishi va uni zamonaviy talablar asosida loyihalashtirish va qurish ishlarini tashkil etish hamda zarur infratuzilma bilan taʼminlash choralarini koʻrsin.

11. Fargʻona viloyat hokimligi:

a) “Mikrokreditbank” ATB, Qishloq xoʻjaligi vazirligi bilan birgalikda:

oʻn kun muddatda belgilangan tartibda olib qoʻyilayotgan sugʻoriladigan yer maydonida qishloq xoʻjaligi ekinlarini yetishtirish uchun sarflangan xarajatlar miqdorini hisoblab chiqsin hamda yetkazilgan zararning qoplanishini taʼminlasin;

ikki hafta muddatda tadbirkorlik subyektlarini jalb qilgan holda mahalliy budjet mablagʻlari hisobidan qishloq xoʻjaligida foydalanishga kiritiladigan 100 gektar yer maydonlarining manzilli roʻyxatini tasdiqlasin;

b) Suv xoʻjaligi vazirligi, Qishloq xoʻjaligi vazirligi bilan birgalikda yil yakuniga qadar istiqbolda Uchkoʻprik tumanida yengil sanoat xom ashyo bazasini mustahkamlash maqsadida tashabbuskorlar hamda mahalliy budjet mablagʻlari hisobidan Uchkoʻprik tumani hududidan 100 gektar yer maydonlarini oʻzlashtirish boʻyicha zaruriy tadbirlarni amalga oshirsin.

Belgilansinki, Kompleks qurilishi uchun yer maydoni ajratilishi bilan bogʻliq qishloq xoʻjaligi va oʻrmon xoʻjaligi ishlab chiqarishi nobudgarchiliklari oʻrnini qoplash boʻyicha toʻlanadigan kompensatsiya toʻlovlari, istisno tariqasida, undirilmaydi.

12. Qurilish vazirligi Kompleksning tashkil etilishida qurish-taʼmirlash ishlarini amalga oshirishda loyiha-smeta hujjatlarini belgilangan tartibda davlat ekspertizasidan oʻtkazsin va qurilish-montaj ishlarining sifatli bajarilishi ustidan davlat nazoratini oʻrnatsin.

13. Fargʻona viloyati hokimligi:

Kompleksga ishlab chiqarish korxonalarini joylashtirish boʻyicha “Yoʻl xarita”sini tasdiqlasin va ijrosini taʼminlasin;

mazkur qarorda amalga oshirilishi belgilangan loyihalarni oʻz vaqtida ishga tushirish va yangi ish oʻrinlarini yaratish choralarini koʻrsin;

har chorak yakuni boʻyicha qarorda nazarda tutilgan topshiriqlar va tadbirlarning oʻz vaqtida va sifatli bajarilishi xalq deputatlari viloyat va tuman Kengashlari yigʻilishlarida muhokama qilib borilishini taʼminlasin.

14. Oʻzbekiston Milliy teleradiokompaniyasi, Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi, Oʻzbekiston Milliy axborot agentligi mazkur qarorning mazmun-mohiyati hamda unda belgilangan vazifalarning ijrosi yoritib borilishini taʼminlasin.

15. Mazkur qarorning ijrosini nazorat qilishga masʼul va shaxsiy javobgar etib Fargʻona viloyati hokimi X.X. Bozarov belgilansin.

Qaror ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri oʻrinbosarlari J.A. Kuchkarov va Sh.M. Ganiyev zimmasiga yuklansin.

Oʻzbekiston Respublikasi Prezidentining 2021-yil 27-maydagi PQ-5127-son qaroriga 1-ILOVA

Fargʻona viloyati Uchkoʻprik tumanida barpo etiladigan yengil sanoat mahsulotlarini ishlab chiqarish, logistika va savdo kompleksida savdo doʻkonlari, ishlab chiqarish sexlari, kichik savdo rastalari va logistika markazini tashkil etishning

T/r Faoliyat turi Tadbirkorlar soni Yaratiladigan ish oʻrni 1. Savdo doʻkoni 336 1 270 2. Ishlab chiqarish sexlari 212 5 271 100 — 200 kv.m 128 201 — 300 kv.m 60 301 — 350 kv.m 24 3. Kichik savdo rastalari 560 1 120 4. Logistika markazi 2 75 Jami 1 110 7 736

Oʻzbekiston Respublikasi Prezidentining 2021-yil 27-maydagi PQ-5127-son qaroriga 2-ILOVA

Fargʻona viloyati Uchkoʻprik tumanida barpo etiladigan yengil sanoat mahsulotlarini ishlab chiqarish, logistika va savdo kompleksida qurib bitkazilgan obyektlarni ajratish boʻyicha komissiya

1. A.R. Urinbayev — Fargʻona viloyati hokimining birinchi oʻrinbosari, komissiya raisi 2. A.A. Maxmudaliyev — Uchkoʻprik tumani hokimi, komissiya raisi oʻrinbosari 3. I.I. Aliyev — “Mikrokreditbank” ATB Fargʻona viloyati mintaqaviy filiali boshqaruvchisi, komissiya raisi oʻrinbosari 4. U.X. Axmadaliyev — Uchkoʻprik tumani davlat soliq inspeksiyasi boshligʻi 5. U.V. Voxidov — Uchkoʻprik tumani qishloq xoʻjaligi boʻlimi boshligʻi oʻrinbosari 6. S.K. Akbarov — Uchkoʻprik tumani mahalla va oilani qoʻllab-quvvatlash boʻlimi boshligʻi 7. D.S. Daliyev — Uchkoʻprik tumani bandlik va mehnat munosabatlari boʻlimi boshligʻi v.v.b 8. B.Sh. Shokirov — Oʻzbekiston Respublikasi Yoshlar ishlari agentligi Uchkoʻprik tumani boʻlimi boshligʻi 9. Lavozimiga koʻra — Uchkoʻprik tumani yengil sanoat mahsulotlarini ishlab chiqarish, logistika va savdo kompleksi ni boshqarish va obodonlashtirish ofisi direktori — komissiya kotibi

Oʻzbekiston Respublikasi Prezidenti Sh. MIRZIYOYEV

Toshkent sh.,

2021-yil 27-may,

PQ-5127-son

(Qonunchilik maʼlumotlari milliy bazasi, 27.05.2021-y., 07/21/5127/0493-son)

lex.uz

Президента Республики Узбекистан

Постановление

ПРОГНОЗНЫЕ ПОКАЗАТЕЛИ

СОСТАВ

О мерах по развитию производства продукции легкой промышленности, логистики и торговых сетей в Учкуприкском районе Ферганской области

В целях дальнейшего повышения потенциала легкой промышленности, расширения объема производства экспортоориентированной продукции, создания организаций легкой промышленности, полностью отвечающих осуществляемым реформам и современным требованиям:

1. Одобрить предложения Министерства экономического развития и сокращения бедности, хокимията Ферганской области и АКБ «Микрокредитбанк», предусматривающие:

создание комплекса по производству продукции легкой промышленности, логистике и торговле (далее — Комплекс) на 15 гектарах земельной площади в Учкуприкском районе Ферганской области;

определение АКБ «Микрокредитбанк» заказчиком организации строительства Комплекса.

2. Установить, что объекты, сооружаемые на территории Комплекса, реализуются:

а) в первую очередь инициаторам, осуществляющим деятельность в домохозяйствах на территории сходов граждан махаллей «Бобошбек», «Бекмурод», «Зигир», «Палохон» и «Яккамулла» Учкуприкского района для расширения деятельности по производству продукции легкой промышленности путем проведения конкурса;

б) инициаторам на основе следующих условий:

наличие бизнес-плана или технико-экономического обоснования реализации инвестиционных проектов по строительству центра логистики, дополнительных объектов бытового обслуживания, торговых магазинов, производственных цехов, производства продукции легкой промышленности;

наличие необходимых навыков, имущества и иных инструментов для осуществления вышеуказанной деятельности, а также создания новых рабочих мест.

Возложить на хокимият Ферганской области персональную ответственность за отбор инициаторов, обладающих потенциалом для строительства центра логистики, дополнительных объектов бытового обслуживания, производства продукции легкой промышленности, в том числе организации торговых магазинов, производственных цехов, компактных торговых рядов.

3. Определить, что:

приобретение производственных цехов, торговых магазинов, центра логистики и иных объектов, расположенных на территории Комплекса, осуществляется за счет собственных средств инициаторов, банковских кредитов либо на основе лизинга;

средства, поступающие за счет реализации объектов на территории Комплекса, а также источников финансирования Офиса по управлению и благоустройству комплекса по производству продукции легкой промышленности, логистике и торговле Учкуприкского района, направляются в первую очередь на покрытие расходов, профинансированных за счет средств АКБ «Микрокредитбанк».

4. Хокимияту Ферганской области обеспечить:

а) совместно с Министерством сельского хозяйства в двухнедельный срок:

выделение АКБ «Микрокредитбанк» 15 гектаров земельной площади сельскохозяйственного назначения под строительство Комплекса рядом с центром Учкуприкского района Ферганской области в порядке, установленном законодательством;

использование выделенной земельной площади в целях снятия плодородного слоя почвы и проведения рекультивации других земель района, не пригодных для сельского хозяйства;

б) совместно с Министерством строительства в месячный срок — разработку проектно-сметной документации возведения Комплекса на выделенной земельной площади на основе современных архитектурных требований.

5. Создать в двухнедельный срок Офис по управлению и благоустройству комплекса по производству продукции легкой промышленности, логистике и торговле Учкуприкского района (далее — Офис) в форме общества с ограниченной ответственностью при учредительстве хокимията Учкуприкского района Ферганской области.

Определить основными задачами Офиса:

организацию открытых конкурсов на строительство производственных цехов, торговых магазинов и компактных торговых рядов, центра логистики и иных объектов на земельной площади, выделенной Комплексу на основании соглашения о финансировании, заключаемого с АКБ «Микрокредитбанк»;

обеспечение прозрачности в процессе реализации субъектам предпринимательства построенных объектов;

своевременную и качественную организацию работ по содержанию и эксплуатации площадей, улиц, фонтанов и иных внешних объектов благоустройства Комплекса в соответствии с нормами и правилами градостроительства, санитарными нормами;

обеспечение гражданской и пожарной безопасности, а также создание службы охраны территории Комплекса;

проведение необходимых организационных и агротехнических работ по содержанию и использованию объектов озеленения, уходу за деревьями, кустарниками, цветами и ремонту озелененных площадок;

взимание сборов с производственных цехов и торговых магазинов, платежей за аренду компактных торговых рядов;

содержание и эксплуатацию сетей наружного освещения, систем искусственного орошения и фонтанов с внедрением современного оборудования и технологий.

Установить, что после завершения работ по реализации субъектам предпринимательства объектов на территории Комплекса задачи Офиса по объявлению конкурса на строительство объектов и реализации объектов отменяются.

6. Определить источниками финансирования Офиса:

сборы, взимаемые с производственных цехов и торговых магазинов;

доходы, получаемые от сдачи в аренду в установленном порядке зданий и сооружений, переданных Офису на основе права оперативного управления;

иные источники, не запрещенные актами законодательства.

7. Хокимияту Учкуприкского района Ферганской области в месячный срок:

разработать и утвердить в установленном порядке устав Офиса;

реализовать все необходимые меры, связанные с разработкой и утверждением штатного расписания, укомплектованием штата квалифицированными специалистами и обеспечением эффективной деятельности Офиса.

8. Утвердить прогнозные показатели строительства торговых магазинов, производственных цехов, компактных торговых рядов и центра логистики в комплексе по производству продукции легкой промышленности, логистике и торговле, сооружаемом в Учкуприкском районе Ферганской области, согласно приложению № 1 .

Предоставить заместителю Премьер-министра Республики Узбекистан Д.А. Кучкарову право на внесение при необходимости изменений и дополнений в данное приложение по предложению хокима Ферганской области.

9. Утвердить состав Комиссии по выделению построенных объектов в комплексе по производству продукции легкой промышленности, логистике и торговле, сооружаемом в Учкуприкском районе Ферганской области (далее — Комиссия), согласно приложению № 2 .

Возложить на Комиссию задачи по:

принятию решения о выделении субъектам предпринимательства построенных объектов в Комплексе по результатам конкурса;

осуществлению постоянного контроля за реализацией субъектам предпринимательства построенных объектов со строгим соблюдением требований настоящего постановления;

обеспечению взимания сборов с производственных цехов и торговых магазинов, а также платежей за аренду компактных торговых рядов и целевого расходования поступивших средств.

10. Хокимияту Ферганской области, Министерству экономического развития и сокращения бедности совместно с АКБ «Микрокредитбанк»:

в месячный срок обеспечить размещение производственных предприятий в Комплексе, созданном с учетом потребностей экономики, имеющегося сырья, сельскохозяйственных ресурсов и инфраструктуры Ферганской области;

принять меры по созданию на территории Комплекса до конца текущего года комплекса по производству швейно-трикотажной продукции, организации его проектирования и строительства на основе современных требований и обеспечению необходимой инфраструктурой.

11. Хокимияту Ферганской области:

а) совместно с АКБ «Микрокредитбанк» и Министерством сельского хозяйства:

в десятидневный срок рассчитать сумму расходов, требуемых для выращивания сельскохозяйственных культур на площади изымаемых в установленном порядке орошаемых земель, и обеспечить возмещение нанесенного ущерба;

в двухнедельный срок утвердить адресный перечень 100 гектаров земельных площадей, вводимых в сельскохозяйственный оборот за счет средств местного бюджета с привлечением субъектов предпринимательства;

б) совместно с Министерством водного хозяйства и Министерством сельского хозяйства до конца года осуществить меры, необходимые для освоения 100 гектаров земельных площадей на территории Учкуприкского района за счет средств инициаторов и местного бюджета в целях укрепления в перспективе сырьевой базы легкой промышленности Учкуприкского района.

Определить, что в порядке исключения компенсационные выплаты на возмещение потерь сельскохозяйственного и лесохозяйственного производства, связанных с выделением земельной площади под строительство Комплекса, не взимаются.

12. Министерству строительства при выполнении строительно-ремонтных работ в Комплексе в установленном порядке провести государственную экспертизу проектно-сметной документации и установить государственный контроль за качественным выполнением строительно-монтажных работ.

13. Хокимияту Ферганской области:

утвердить и обеспечить реализацию «Дорожной карты» по размещению производственных предприятий в Комплексе;

принять меры по своевременному запуску проектов, намеченных к реализации в соответствии с настоящим постановлением, а также созданию новых рабочих мест;

обеспечить проведение на заседаниях Кенгашей народных депутатов области и районов обсуждений своевременного и качественного исполнения поручений и мероприятий, предусмотренных настоящим постановлением, по итогам каждого квартала.

14. Национальной телерадиокомпании Узбекистана, Агентству информации и массовых коммуникаций при Администрации Президента Республики Узбекистан, Национальному информационному агентству Узбекистана обеспечить освещение сути и содержания, исполнения задач, определенных настоящим постановлением.

15. Возложить на хокима Ферганской области Х.Х. Бозарова персональную ответственность за осуществление контроля за исполнением настоящего постановления.

Ежеквартальное обсуждение хода исполнения постановления, осуществление координации и контроля за деятельностью ведомств, ответственных за его исполнение, возложить на заместителей Премьер-министра Республики Узбекистан Д.А. Кучкарова и Ш.М. Ганиева.

ПРИЛОЖЕНИЕ № 1 к постановлению Президента Республики Узбекистан от 27 мая 2021 года № ПП-5127

строительства торговых магазинов, производственных цехов, компактных торговых рядов и центра логистики в комплексе по производству продукции легкой промышленности, логистике и торговле, сооружаемом в Учкуприкском районе Ферганской области

№ Вид деятельности Численность предпринимателей Количество создаваемых рабочих мест 1. Торговые магазины 336 1 270 2. Производственные цеха 212 5 271 100 — 200 кв. м 128 201 — 300 кв. м 60 301 — 350 кв. м 24 3. Компактные торговые ряды 560 1 120 4. Центр логистики 2 75 Всего 1 110 7 736

ПРИЛОЖЕНИЕ № 2 к постановлению Президента Республики Узбекистан от 27 мая 2021 года № ПП-5127

Комиссии по выделению построенных объектов в комплексе по производству продукции легкой промышленности, логистике и торговле, сооружаемом в Учкуприкском районе Ферганской области

1. Уринбаев А.Р. — первый заместитель хокима Ферганской области, председатель Комиссии 2. Махмудалиев А.А. — хоким Учкуприкского района, заместитель председателя Комиссии 3. Алиев И.И. — управляющий Ферганским областным региональным филиалом АКБ «Микрокредитбанк», заместитель председателя Комиссии 4. Ахмадалиев У.Х. — начальник Государственной налоговой инспекции Учкуприкского района 5. Вохидов У.В. — заместитель начальника отдела сельского хозяйства Учкуприкского района 6. Акбаров С.К. — начальник отдела по поддержке махалли и семьи Учкуприкского района 7. Далиев Д.С. — временно исполняющий обязанности начальника отдела занятости и трудовых отношений Учкуприкского района 8. Шокиров Б.Ш. — начальник Учкуприкского районного отдела Агентства по делам молодежи Республики Узбекистан 9. По должности — директор Офиса по управлению и благоустройству комплекса по производству продукции легкой промышленности, логистике и торговле Учкуприкского района, секретарь Комиссии

Президент Республики Узбекистан Ш. МИРЗИЁЕВ

г. Ташкент,

27 мая 2021 г.,

№ ПП-5127

(Национальная база данных законодательства, 27.05.2021 г., № 07/21/5127/0493)

lex.uz