📅 2021-yil 27-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 27 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 27 мая 2021 г. · Постановления Президента
Официальный текст. Официальный документ. Редакционные примечания не включены.
📅 27 May 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
«Машинасозлик ва электротехника махсус саноат хаби» махсус саноат зонасини ташкил этиш чора-тадбирлари тўғрисида
Машинасозлик ва электротехника саноатини ривожлантириш бўйича амалга оширилаётган ислоҳотларни янада чуқурлаштириш, маҳаллий хом ашё ресурсларини қайта ишлаш, импорт ўрнини босувчи, экспорт бозорларида рақобатбардош маҳсулотларни ишлаб чиқариш жараёнини тўлиқ йўлга қўйиш, қулай инвестиция муҳитини яратиш ҳамда юқори технологияли ва замонавий инвестиция лойиҳаларини амалга оширишга, янги иш ўринлари яратишга ва ҳудуд аҳолиси фаровонлигини оширишга ҳисса қўшиш мақсадида:
1. Андижон вилояти ҳокимлиги, Инвестициялар ва ташқи савдо вазирлиги ҳамда Иқтисодий тараққиёт ва камбағалликни қисқартириш вазирлигининг Андижон вилояти ҳудудининг 105 гектар ер майдонида «Машинасозлик ва электротехника саноат хаби»ни (кейинги ўринларда — Саноат хаби) махсус саноат зонаси сифатида ташкил этиш тўғрисидаги таклифига розилик берилсин.
2. Саноат хабининг асосий вазифалари ва фаолияти йўналишлари этиб қуйидагилар белгилансин:
ташқи бозорларда талаб этилаётган ва импорт ўрнини босувчи, юқори қўшилган қийматга эга машинасозлик ва электротехника маҳсулотларини ишлаб чиқариш учун тўғридан-тўғри хорижий ва маҳаллий инвестицияларни жалб этиш;
вилоятнинг машинасозлик ва электротехника саноатидаги ишлаб чиқариш ва ресурс салоҳиятларидан комплекс ҳамда самарали фойдаланишни таъминлаш;
маҳаллий хом ашё ва материаллар негизида мустаҳкам кооперация алоқаларини ўрнатиш ҳамда махсус саноат зонаси иштирокчилари ўртасида ва умуман республикада саноат кооперациясини ривожлантириш асосида юқори технологияли машинасозлик ва электротехника маҳсулотлари ишлаб чиқаришни маҳаллийлаштириш жараёнларини чуқурлаштириш;
вилоятнинг ишлаб чиқариш ва ресурс салоҳиятидан самарали фойдаланиш асосида машинасозлик ва электротехника маҳсулотлари ишлаб чиқаришни кенгайтириш ва уларнинг экспорт ҳажмини ошириш.
3. Белгилансинки:
Саноат хабининг фаолият кўрсатиш муддати 30 йилни ташкил этади ва ушбу муддат кейинчалик узайтирилиши мумкин;
Саноат хаби фаолияти давомида унинг ҳудудида махсус иқтисодий зоналар учун белгиланган алоҳида солиқ, божхона ва валюта тартиботлари амал қилади;
Саноат хаби ҳудудида машинасозлик ва электротехника соҳаларидаги лойиҳалар, шунингдек, бошқа соҳалардаги юқори қўшилган қийматли лойиҳалар жойлаштирилади ва уларнинг ташаббускорларига қурилган бино ва иншоотлар ижара шаклида ажратиб берилади;
Махсус иқтисодий зона маъмурий кенгаши ва дирекциясининг ваколатлари ҳамда Саноат хаби ҳудудида бино ва иншоотлар қуриш ишлари масъулияти чекланган жамият шаклидаги Саноат хаби бошқарувчи компанияси томонидан амалга оширилади.
4. Андижон вилояти ҳокимлиги Инвестициялар ва ташқи савдо вазирлиги, манфаатдор вазирлик ва идоралар билан биргаликда:
бир ой муддатда Саноат хаби ҳудудларининг чегараларини аниқлаш ва уларни келгусида кенгайтиришни назарда тутувчи ҳукумат қарори лойиҳасини Вазирлар Маҳкамасига киритсин;
икки ой муддатда Саноат хабининг бош режаси белгиланган тартибда ишлаб чиқилишини ва тасдиқланишини таъминласин.
5. Инвестициялар ва ташқи савдо вазирлиги Андижон вилояти ҳокимлиги билан биргаликда бир ой муддатда:
Саноат хаби бошқарувчи компаниясини белгилаш чораларини кўрсин;
Саноат хаби ҳудудида режалаштирилаётган инвестиция лойиҳаларини амалга ошириш бўйича дастур лойиҳасини ишлаб чиқсин ҳамда тасдиқлаш учун Вазирлар Маҳкамасига киритсин.
6. Саноат хаби бош режасини ишлаб чиқиш бўйича:
Андижон вилояти ҳокимлиги ҳузуридаги «Ягона буюртмачи хизмати ИК» ДУК — буюртмачи этиб;
танлов асосидаги лойиҳа ташкилоти — бош лойиҳа ташкилоти этиб;
Андижон вилояти маҳаллий бюджетининг маблағлари, шунингдек, қонунчиликда тақиқланмаган бошқа манбалар — молиялаштириш манбалари этиб белгилансин.
7. Белгилансинки:
Инвестициялар ва ташқи савдо вазирлиги Андижон вилояти ҳокимлиги билан биргаликда Саноат хабининг ташкил этилиши, унинг ҳудудида машинасозлик ва электротехника соҳаларига ихтисослашган лойиҳалар жойлаштирилишини ташкил этишга масъул ҳисобланади;
Саноат хаби ҳудудида амалга ошириладиган лойиҳалар уларнинг бизнес-режалари ёки техник-иқтисодий асослари Иқтисодий тараққиёт ва камбағалликни қисқартириш вазирлиги ҳузуридаги «Лойиҳалар ва импорт контрактларини комплекс экспертиза қилиш маркази» ДУКда (кейинги ўринларда — Марказ) экспертизадан ўтказилади. Бунда, Марказ томонидан хулосалар бериш муддатлари ўн беш календарь кундан ошмаслиги лозим;
бошқарувчи компания томонидан ишлаб чиқариш лойиҳаларини Саноат хаби ҳудудида жойлаштириш бўйича инвестиция буюртманомаларини кўриб чиқиш муддати Марказ томонидан хулоса бериш жараёни билан бирга йигирма беш календарь кундан ошмаслиги лозим.
8. Шундай тартиб ўрнатилсинки, унга мувофиқ Саноат хабини ташкил этиш учун ер майдонлари ажратилиши билан боғлиқ қишлоқ хўжалиги ва ўрмон хўжалиги ишлаб чиқариши нобудгарчиликларининг ўрнини қоплаш бўйича компенсация тўловлари, истисно тариқасида, ундирилмайди.
9. Саноат хабида жойлашадиган лойиҳалар учун зарур бўлган барча муҳандислик-коммуникация инфратузилмаларини яратиш билан боғлиқ тадбирлар Ўзбекистон Республикаси Президентининг 2020 йил 18 декабрдаги «Ҳудудларда муҳандислик-коммуникация инфратузилмасини янада ривожлантириш чора-тадбирлари тўғрисида»ги ПҚ-4929-сон қарорида назарда тутилган маблағлар ҳисобидан ҳамда ушбу қарорда ўрнатилган тартибда молиялаштирилиши белгилансин.
Иқтисодий тараққиёт ва камбағалликни қисқартириш вазирлиги Молия вазирлиги билан биргаликда икки ҳафта муддатда Саноат хабини барча муҳандислик-коммуникация инфратузилмалари билан таъминлаш манзилли дастурини тасдиқласин.
10. Устав фондида (капиталида) давлат улуши 50 фоиз ва ундан ортиқ бўлган хўжалик юритувчи субъектлар, давлат улуши 50 фоиз ва ундан ортиқ бўлган юридик шахсларга устав фондининг (капиталининг) 50 фоизи ва ундан ортиғи тегишли бўлган хўжалик юритувчи субъектлар томонидан Саноат хаби ҳудудида лойиҳалар амалга оширилганда, лойиҳа ишга тушган муддатдан бошлаб уч йил ўтганидан сўнг тегишли улушларнинг аукцион савдолари орқали сотилиши лозимлиги белгилаб қўйилсин.
Давлат активларини бошқариш агентлиги Иқтисодий тараққиёт ва камбағалликни қисқартириш вазирлиги билан биргаликда аукцион савдоларини шаффофлик ва бозор тамойиллари асосида ўтказилишини таъминласин.
11. Мазкур қарор ижросини самарали ташкил этишга масъул ва шахсий жавобгар этиб Андижон вилояти ҳокими Ш.Қ. Абдурахмонов белгилансин.
Қарор ижросини ҳар чоракда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазирининг ўринбосари Ж.А. Қўчқоров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 27 май,
ПҚ-5128-сон
Oʻzbekiston Respublikasi Prezidentining
Qarori
“Mashinasozlik va elektrotexnika maxsus sanoat xabi” maxsus sanoat zonasini tashkil etish chora-tadbirlari toʻgʻrisida
Mashinasozlik va elektrotexnika sanoatini rivojlantirish boʻyicha amalga oshirilayotgan islohotlarni yanada chuqurlashtirish, mahalliy xom ashyo resurslarini qayta ishlash, import oʻrnini bosuvchi, eksport bozorlarida raqobatbardosh mahsulotlarni ishlab chiqarish jarayonini toʻliq yoʻlga qoʻyish, qulay investitsiya muhitini yaratish hamda yuqori texnologiyali va zamonaviy investitsiya loyihalarini amalga oshirishga, yangi ish oʻrinlari yaratishga va hudud aholisi farovonligini oshirishga hissa qoʻshish maqsadida:
1. Andijon viloyati hokimligi, Investitsiyalar va tashqi savdo vazirligi hamda Iqtisodiy taraqqiyot va kambagʻallikni qisqartirish vazirligining Andijon viloyati hududining 105 gektar yer maydonida “Mashinasozlik va elektrotexnika sanoat xabi”ni (keyingi oʻrinlarda — Sanoat xabi) maxsus sanoat zonasi sifatida tashkil etish toʻgʻrisidagi taklifiga rozilik berilsin.
2. Sanoat xabining asosiy vazifalari va faoliyati yoʻnalishlari etib quyidagilar belgilansin:
tashqi bozorlarda talab etilayotgan va import oʻrnini bosuvchi, yuqori qoʻshilgan qiymatga ega mashinasozlik va elektrotexnika mahsulotlarini ishlab chiqarish uchun toʻgʻridan-toʻgʻri xorijiy va mahalliy investitsiyalarni jalb etish;
viloyatning mashinasozlik va elektrotexnika sanoatidagi ishlab chiqarish va resurs salohiyatlaridan kompleks hamda samarali foydalanishni taʼminlash;
mahalliy xom ashyo va materiallar negizida mustahkam kooperatsiya aloqalarini oʻrnatish hamda maxsus sanoat zonasi ishtirokchilari oʻrtasida va umuman respublikada sanoat kooperatsiyasini rivojlantirish asosida yuqori texnologiyali mashinasozlik va elektrotexnika mahsulotlari ishlab chiqarishni mahalliylashtirish jarayonlarini chuqurlashtirish;
viloyatning ishlab chiqarish va resurs salohiyatidan samarali foydalanish asosida mashinasozlik va elektrotexnika mahsulotlari ishlab chiqarishni kengaytirish va ularning eksport hajmini oshirish.
3. Belgilansinki:
Sanoat xabining faoliyat koʻrsatish muddati 30 yilni tashkil etadi va ushbu muddat keyinchalik uzaytirilishi mumkin;
Sanoat xabi faoliyati davomida uning hududida maxsus iqtisodiy zonalar uchun belgilangan alohida soliq, bojxona va valyuta tartibotlari amal qiladi;
Sanoat xabi hududida mashinasozlik va elektrotexnika sohalaridagi loyihalar, shuningdek, boshqa sohalardagi yuqori qoʻshilgan qiymatli loyihalar joylashtiriladi va ularning tashabbuskorlariga qurilgan bino va inshootlar ijara shaklida ajratib beriladi;
Maxsus iqtisodiy zona maʼmuriy kengashi va direksiyasining vakolatlari hamda Sanoat xabi hududida bino va inshootlar qurish ishlari masʼuliyati cheklangan jamiyat shaklidagi Sanoat xabi boshqaruvchi kompaniyasi tomonidan amalga oshiriladi.
4. Andijon viloyati hokimligi Investitsiyalar va tashqi savdo vazirligi, manfaatdor vazirlik va idoralar bilan birgalikda:
bir oy muddatda Sanoat xabi hududlarining chegaralarini aniqlash va ularni kelgusida kengaytirishni nazarda tutuvchi hukumat qarori loyihasini Vazirlar Mahkamasiga kiritsin;
ikki oy muddatda Sanoat xabining bosh rejasi belgilangan tartibda ishlab chiqilishini va tasdiqlanishini taʼminlasin.
5. Investitsiyalar va tashqi savdo vazirligi Andijon viloyati hokimligi bilan birgalikda bir oy muddatda:
Sanoat xabi boshqaruvchi kompaniyasini belgilash choralarini koʻrsin;
Sanoat xabi hududida rejalashtirilayotgan investitsiya loyihalarini amalga oshirish boʻyicha dastur loyihasini ishlab chiqsin hamda tasdiqlash uchun Vazirlar Mahkamasiga kiritsin.
6. Sanoat xabi bosh rejasini ishlab chiqish boʻyicha:
Andijon viloyati hokimligi huzuridagi “Yagona buyurtmachi xizmati IK” DUK — buyurtmachi etib;
tanlov asosidagi loyiha tashkiloti — bosh loyiha tashkiloti etib;
Andijon viloyati mahalliy budjetining mablagʻlari, shuningdek, qonunchilikda taqiqlanmagan boshqa manbalar — moliyalashtirish manbalari etib belgilansin.
7. Belgilansinki:
Investitsiyalar va tashqi savdo vazirligi Andijon viloyati hokimligi bilan birgalikda Sanoat xabining tashkil etilishi, uning hududida mashinasozlik va elektrotexnika sohalariga ixtisoslashgan loyihalar joylashtirilishini tashkil etishga masʼul hisoblanadi;
Sanoat xabi hududida amalga oshiriladigan loyihalar ularning biznes-rejalari yoki texnik-iqtisodiy asoslari Iqtisodiy taraqqiyot va kambagʻallikni qisqartirish vazirligi huzuridagi “Loyihalar va import kontraktlarini kompleks ekspertiza qilish markazi” DUKda (keyingi oʻrinlarda — Markaz) ekspertizadan oʻtkaziladi. Bunda, Markaz tomonidan xulosalar berish muddatlari oʻn besh kalendar kundan oshmasligi lozim;
boshqaruvchi kompaniya tomonidan ishlab chiqarish loyihalarini Sanoat xabi hududida joylashtirish boʻyicha investitsiya buyurtmanomalarini koʻrib chiqish muddati Markaz tomonidan xulosa berish jarayoni bilan birga yigirma besh kalendar kundan oshmasligi lozim.
8. Shunday tartib oʻrnatilsinki, unga muvofiq Sanoat xabini tashkil etish uchun yer maydonlari ajratilishi bilan bogʻliq qishloq xoʻjaligi va oʻrmon xoʻjaligi ishlab chiqarishi nobudgarchiliklarining oʻrnini qoplash boʻyicha kompensatsiya toʻlovlari, istisno tariqasida, undirilmaydi.
9. Sanoat xabida joylashadigan loyihalar uchun zarur boʻlgan barcha muhandislik-kommunikatsiya infratuzilmalarini yaratish bilan bogʻliq tadbirlar Oʻzbekiston Respublikasi Prezidentining 2020-yil 18-dekabrdagi “Hududlarda muhandislik-kommunikatsiya infratuzilmasini yanada rivojlantirish chora-tadbirlari toʻgʻrisida”gi PQ-4929-son qarorida nazarda tutilgan mablagʻlar hisobidan hamda ushbu qarorda oʻrnatilgan tartibda moliyalashtirilishi belgilansin.
Iqtisodiy taraqqiyot va kambagʻallikni qisqartirish vazirligi Moliya vazirligi bilan birgalikda ikki hafta muddatda Sanoat xabini barcha muhandislik-kommunikatsiya infratuzilmalari bilan taʼminlash manzilli dasturini tasdiqlasin.
10. Ustav fondida (kapitalida) davlat ulushi 50 foiz va undan ortiq boʻlgan xoʻjalik yurituvchi subyektlar, davlat ulushi 50 foiz va undan ortiq boʻlgan yuridik shaxslarga ustav fondining (kapitalining) 50 foizi va undan ortigʻi tegishli boʻlgan xoʻjalik yurituvchi subyektlar tomonidan Sanoat xabi hududida loyihalar amalga oshirilganda, loyiha ishga tushgan muddatdan boshlab uch yil oʻtganidan soʻng tegishli ulushlarning auksion savdolari orqali sotilishi lozimligi belgilab qoʻyilsin.
Davlat aktivlarini boshqarish agentligi Iqtisodiy taraqqiyot va kambagʻallikni qisqartirish vazirligi bilan birgalikda auksion savdolarini shaffoflik va bozor tamoyillari asosida oʻtkazilishini taʼminlasin.
11. Mazkur qaror ijrosini samarali tashkil etishga masʼul va shaxsiy javobgar etib Andijon viloyati hokimi Sh.Q. Abduraxmonov belgilansin.
Qaror ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 27-may,
PQ-5128-son
Президента Республики Узбекистан
Постановление
О мерах по организации особой промышленной зоны «Специальный промышленный хаб машиностроения и электротехники»
В целях дальнейшего углубления реформ по развитию машиностроения и электротехнической промышленности, полноценного налаживания процессов переработки местных сырьевых ресурсов, производства импортозамещающей, конкурентоспособной на экспортных рынках продукции, создания благоприятного инвестиционного климата, а также внесения вклада в реализацию высокотехнологичных и современных инвестиционных проектов, организацию новых рабочих мест и повышение благосостояния населения региона:
1. Одобрить предложение хокимията Андижанской области, Министерства инвестиций и внешней торговли, Министерства экономического развития и сокращения бедности о создании на земельной площади в 105 гектаров на территории Андижанской области «Промышленного хаба машиностроения и электротехники» (далее — Промышленный хаб) в форме особой промышленной зоны.
2. Определить основными задачами и направлениями деятельности Промышленного хаба:
привлечение прямых иностранных и отечественных инвестиций для производства востребованной на внешних рынках и импортозамещающей продукции машиностроения и электротехнической промышленности с высокой добавленной стоимостью;
обеспечение комплексного и эффективного использования производственного и ресурсного потенциала машиностроения и электротехнической промышленности области;
углубление процессов локализации производства высокотехнологичной продукции машиностроения и электротехнической промышленности на базе местного сырья и материалов путем установления прочных кооперационных связей, развития промышленной кооперации между участниками особой промышленной зоны и в целом по республике;
расширение производства и увеличение объема экспорта продукции машиностроения и электротехнической промышленности на основе эффективного использования производственного и ресурсного потенциала области.
3. Установить, что:
срок функционирования Промышленного хаба составляет 30 лет с возможностью его последующего продления;
в течение срока функционирования Промышленного хаба на его территории действуют особые налоговый, таможенный и валютный режимы, определенные для специальных экономических зон;
на территории Промышленного хаба размещаются проекты в области машиностроения и электротехнической промышленности, а также проекты с высокой добавленной стоимостью в других сферах, и их инициаторам построенные здания и сооружения предоставляются в аренду;
функции административного совета и дирекции специальной экономической зоны, а также работы по строительству зданий и сооружений на территории Промышленного хаба осуществляются управляющей компанией Промышленного хаба в форме общества с ограниченной ответственностью.
4. Хокимияту Андижанской области совместно с Министерством инвестиций и внешней торговли, заинтересованными министерствами и ведомствами:
в месячный срок внести в Кабинет Министров проект правительственного решения, предусматривающего уточнение границ Промышленного хаба с их дальнейшим расширением;
в двухмесячный срок обеспечить разработку и утверждение генерального плана Промышленного хаба в установленном порядке.
5. Министерству инвестиций и внешней торговли совместно с хокимиятом Андижанской области в месячный срок:
принять меры по определению управляющей компании Промышленного хаба;
разработать и внести в Кабинет Министров на утверждение проект программы по реализации планируемых на территории Промышленного хаба инвестиционных проектов.
6. При составлении генерального плана Промышленного хаба определить:
ГУП ИК «Служба единого заказчика» при хокимияте Андижанской области — заказчиком;
проектную организацию на основе конкурса — генеральной проектной организацией;
средства местного бюджета Андижанской области, а также иные источники, не запрещенные законодательством, — источником финансирования.
7. Установить, что:
Министерство инвестиций и внешней торговли совместно с хокимиятом Андижанской области являются ответственными за организацию Промышленного хаба и размещение на его территории специализированных проектов в области машиностроения и электротехнической промышленности;
бизнес-планы или технико-экономические обоснования по проектам, реализуемым на территории Промышленного хаба, подлежат экспертизе в ГУП «Центр комплексной экспертизы проектов и импортных контрактов при Министерстве экономического развития и сокращения бедности Республики Узбекистан» (далее — Центр). При этом срок предоставления Центром заключений не должен превышать пятнадцати календарных дней;
срок рассмотрения управляющей компанией инвестиционных заявок по производственным проектам, планируемым к размещению на территории Промышленного хаба, в совокупности с получением заключения от Центра не должен превышать двадцати пяти календарных дней.
8. Установить порядок, в соответствии с которым компенсационные выплаты по возмещению потерь сельскохозяйственного и лесохозяйственного производства, связанных с выделением земельных площадей для создания Промышленного хаба, в виде исключения не выплачиваются.
9. Определить, что финансирование мероприятий по созданию всей инженерно-коммуникационной инфраструктуры, необходимой для размещающихся на территории Промышленного хаба проектов, осуществляется за счет средств, предусмотренных в постановлении Президента Республики Узбекистан от 18 декабря 2020 года № ПП-4929 «О мерах по дальнейшему развитию инженерно-коммуникационной инфраструктуры в регионах», а также в порядке, установленном настоящим постановлением.
Министерству экономического развития и сокращения бедности совместно с Министерством финансов в двухнедельный срок утвердить адресную программу по обеспечению Промышленного хаба инженерно-коммуникационной инфраструктурой.
10. Определить, что при реализации проектов на территории Промышленного хаба хозяйствующими субъектами с долей государства в уставном фонде (капитале) 50 процентов и более и хозяйствующими субъектами, в уставном фонде (капитале) которых 50 процентов и более принадлежит юридическому лицу с долей государства, по истечении трех лет после запуска данных проектов соответствующие доли подлежат реализации посредством аукционных торгов.
Агентству по управлению государственными активами совместно с Министерством экономического развития и сокращения бедности обеспечить проведение аукционных торгов на основе прозрачности и рыночных принципов.
11. Возложить на хокима Андижанской области Ш.К. Абдурахмонова персональную ответственность за эффективную организацию исполнения настоящего постановления.
Ежеквартальное обсуждение хода исполнения настоящего постановления, а также осуществление координации и контроля за деятельностью ведомств, ответственных за его исполнение, возложить на заместителя Премьер-министра Республики Узбекистан Д.А. Кучкарова.
Президент Республики Узбекистан Ш. МИРЗИЁЕВ
г. Ташкент,
27 мая 2021 г.,
№ ПП-5128