📅 2021-yil 26-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 26 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 26 мая 2021 г. · Постановления Президента
Официальный текст. Официальный документ. Редакционные примечания не включены.
📅 26 May 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАРКИБИ
Ҳудудларда мактабгача таълим хизматларини кенгайтириш бўйича қўшимча чора-тадбирлар тўғрисида
Қамров даражаси паст бўлган туманларда мактабгача таълим ташкилотлари тармоғини кенгайтириш, улар учун зарур шарт-шароитлар яратиш ҳамда моддий-техника базасини мустаҳкамлаш, 3 — 7 ёшли болаларга таълим-тарбия хизматларини кўрсатиш сифатини яхшилаш ҳамда соҳада нодавлат секторининг улушини ошириш мақсадида:
1. 2021-2022 йилларда мактабгача таълим хизматларини кенгайтириш билан боғлиқ чора-тадбирларни молиялаштириш учун Молия вазирлигига Тикланиш ва тараққиёт жамғармаси ҳисобидан 100 миллион АҚШ доллари миқдорида маблағлар ажратилсин.
2. Белгилансинки, мазкур қарорнинг 1-бандида кўрсатилган маблағлар:
Молия вазирлигига фоизсиз 2026 йилда қайтариш шарти билан ажратилади;
ажратилаётган маблағларни қайтариш Ўзбекистон Республикаси республика бюджети маблағлари ҳамда қонунчилик ҳужжатларида тақиқланмаган бошқа манбалар ҳисобидан амалга оширилади.
3. Молия вазири Т. Ишметов бошчилигида Қамров даражаси паст бўлган туманларда мактабгача таълим хизматларини ривожлантириш бўйича комиссия (кейинги ўринларда — Комиссия) иловага мувофиқ ташкил этилсин.
Қуйидагилар Комиссиянинг асосий вазифалари этиб белгилансин:
нодавлат мактабгача таълим ташкилотларини ташкил этиш бўйича лойиҳаларни одиллик ва шаффофлик тамойиллари асосида танлаш ва молиялаштириш;
давлат мактабгача таълим ташкилотларини қуриш ва жиҳозлаш бўйича манзилли дастурларнинг ўз вақтида ва сифатли амалга оширилишини таъминлаш;
мактабгача таълим билан қамров даражасини ошириш мақсадларига ажратилаётган марказлашган маблағлардан манзилли ва самарали фойдаланишини таъминлаш, соҳада амалга оширилаётган лойиҳаларни доимий таҳлил қилиб бориш, аниқланган камчиликларни бартараф қилиш бўйича зарур чораларни кўриш;
мактабгача таълим хизматларини кенгайтириш билан боғлиқ чора-тадбирларни молиялаштиришда коррупция ҳолатларига, ортиқча сарсонгарчилик ва қоғозбозликка йўл қўймаслик.
4. Комиссия (Т. Ишметов) мазкур қарорга мувофиқ белгиланган вазифалар доирасида амалга оширилган ишлар тўғрисида ахборотни ҳар ойда Ўзбекистон Республикаси Президенти Администрациясига киритиб борсин.
5. Мазкур қарорнинг ижросини назорат қилиш Ўзбекистон Республикаси Бош вазирининг ўринбосарлари Ж.А. Қўчқоров ва Б.А. Мусаев зиммасига юклансин.
Ўзбекистон Республикаси Президентининг 2021 йил 26 майдаги ПҚ-5125-сон қарорига ИЛОВА
Қамров даражаси паст бўлган туманларда мактабгача таълим хизматларини ривожлантириш бўйича комиссия
1. Т.А. Ишметов — молия вазири, Комиссия раиси 2. А.В. Шин — мактабгача таълим вазири, Комиссия раисининг ўринбосари 3. Б.О. Онорбоев — Вазирлар Маҳкамаси котибияти мудири 4. А.М. Бобоев — иқтисодий тараққиёт ва камбағалликни қисқартириш вазирининг ўринбосари 5. Н.Б. Хусанов — бандлик ва меҳнат муносабатлари вазири 6. Б.И. Зокиров — қурилиш вазири 7. А.А. Камалов — Марказий банк раисининг ўринбосари 8. Лавозими бўйича — Қорақалпоғистон Республикаси Вазирлар Кенгаши Раисининг биринчи ўринбосари, вилоятлар ҳокимларининг биринчи ўринбосари 9. А.Б. Эшчанов — Молия вазирлиги департамент директори, Комиссия масъул котиби
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 26 май,
ПҚ-5125-сон
Oʻzbekiston Respublikasi Prezidentining
Qarori
TARKIBI
Hududlarda maktabgacha taʼlim xizmatlarini kengaytirish boʻyicha qoʻshimcha chora-tadbirlar toʻgʻrisida
Qamrov darajasi past boʻlgan tumanlarda maktabgacha taʼlim tashkilotlari tarmogʻini kengaytirish, ular uchun zarur shart-sharoitlar yaratish hamda moddiy-texnika bazasini mustahkamlash, 3 — 7 yoshli bolalarga taʼlim-tarbiya xizmatlarini koʻrsatish sifatini yaxshilash hamda sohada nodavlat sektorining ulushini oshirish maqsadida:
1. 2021-2022-yillarda maktabgacha taʼlim xizmatlarini kengaytirish bilan bogʻliq chora-tadbirlarni moliyalashtirish uchun Moliya vazirligiga Tiklanish va taraqqiyot jamgʻarmasi hisobidan 100 million AQSH dollari miqdorida mablagʻlar ajratilsin.
2. Belgilansinki, mazkur qarorning 1-bandida koʻrsatilgan mablagʻlar:
Moliya vazirligiga foizsiz 2026-yilda qaytarish sharti bilan ajratiladi;
ajratilayotgan mablagʻlarni qaytarish Oʻzbekiston Respublikasi respublika budjeti mablagʻlari hamda qonunchilik hujjatlarida taqiqlanmagan boshqa manbalar hisobidan amalga oshiriladi.
3. Moliya vaziri T. Ishmetov boshchiligida Qamrov darajasi past boʻlgan tumanlarda maktabgacha taʼlim xizmatlarini rivojlantirish boʻyicha komissiya (keyingi oʻrinlarda — Komissiya) ilovaga muvofiq tashkil etilsin.
Quyidagilar Komissiyaning asosiy vazifalari etib belgilansin:
nodavlat maktabgacha taʼlim tashkilotlarini tashkil etish boʻyicha loyihalarni odillik va shaffoflik tamoyillari asosida tanlash va moliyalashtirish;
davlat maktabgacha taʼlim tashkilotlarini qurish va jihozlash boʻyicha manzilli dasturlarning oʻz vaqtida va sifatli amalga oshirilishini taʼminlash;
maktabgacha taʼlim bilan qamrov darajasini oshirish maqsadlariga ajratilayotgan markazlashgan mablagʻlardan manzilli va samarali foydalanishini taʼminlash, sohada amalga oshirilayotgan loyihalarni doimiy tahlil qilib borish, aniqlangan kamchiliklarni bartaraf qilish boʻyicha zarur choralarni koʻrish;
maktabgacha taʼlim xizmatlarini kengaytirish bilan bogʻliq chora-tadbirlarni moliyalashtirishda korrupsiya holatlariga, ortiqcha sarsongarchilik va qogʻozbozlikka yoʻl qoʻymaslik.
4. Komissiya (T. Ishmetov) mazkur qarorga muvofiq belgilangan vazifalar doirasida amalga oshirilgan ishlar toʻgʻrisida axborotni har oyda Oʻzbekiston Respublikasi Prezidenti Administratsiyasiga kiritib borsin.
5. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosarlari J.A. Qoʻchqorov va B.A. Musayev zimmasiga yuklansin.
Oʻzbekiston Respublikasi Prezidentining 2021-yil 26-maydagi PQ-5125-son qaroriga ILOVA
Qamrov darajasi past boʻlgan tumanlarda maktabgacha taʼlim xizmatlarini rivojlantirish boʻyicha komissiya
1. T.A. Ishmetov — moliya vaziri, Komissiya raisi 2. A.V. Shin — maktabgacha taʼlim vaziri, Komissiya raisining oʻrinbosari 3. B.O. Onorboyev — Vazirlar Mahkamasi kotibiyati mudiri 4. A.M. Boboyev — iqtisodiy taraqqiyot va kambagʻallikni qisqartirish vazirining oʻrinbosari 5. N.B. Xusanov — bandlik va mehnat munosabatlari vaziri 6. B.I. Zokirov — qurilish vaziri 7. A.A. Kamalov — Markaziy bank raisining oʻrinbosari 8. Lavozimi boʻyicha — Qoraqalpogʻiston Respublikasi Vazirlar Kengashi Raisining birinchi oʻrinbosari, viloyatlar hokimlarining birinchi oʻrinbosari 9. A.B. Eshchanov — Moliya vazirligi departament direktori, Komissiya masʼul kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 26-may,
PQ-5125-son
Президента Республики Узбекистан
Постановление
СОСТАВ
О дополнительных мерах по расширению дошкольных образовательных услуг в регионах
В целях расширения сети дошкольных образовательных организаций в районах с низким уровнем охвата, создания для них необходимых условий и укрепления материально-технической базы, а также улучшения качества оказания образовательно-воспитательных услуг детям 3 — 7 лет и увеличения доли негосударственного сектора в данной сфере:
1. Выделить Министерству финансов средства в размере 100 миллионов долларов США за счет Фонда реконструкции и развития для финансирования мер, связанных с расширением дошкольных образовательных услуг в 2021-2022 годах.
2. Установить, что средства, указанные в пункте 1 настоящего постановления:
выделяются Министерству финансов на беспроцентной основе с условием возврата в 2026 году;
возврат выделяемых средств производится за счет средств республиканского бюджета Республики Узбекистан и иных источников, не запрещенных актами законодательства.
3. Создать Комиссию по развитию дошкольных образовательных услуг в районах с низким уровнем охвата (далее — Комиссия) под руководством министра финансов Т. Ишметова согласно приложению .
Определить основными задачами Комиссии:
отбор и финансирование проектов создания негосударственных дошкольных образовательных организаций на основе принципов справедливости и прозрачности;
обеспечение своевременной и качественной реализации адресных программ строительства и оснащения государственных дошкольных образовательных организаций;
обеспечение адресного и эффективного расходования централизованных средств, выделяемых на цели расширения уровня охвата дошкольным образованием, проведение постоянного анализа проектов, реализуемых в данной сфере, принятие необходимых мер по устранению выявленных недостатков;
недопущение фактов коррупции, излишней волокиты и бюрократизма при финансировании мер, связанных с расширением дошкольных образовательных услуг.
4. Комиссии (Т. Ишметов) ежемесячно вносить в Администрацию Президента Республики Узбекистан информацию о проведенной работе в рамках задач, определенных в соответствии с настоящим постановлением.
5. Контроль за исполнением настоящего постановления возложить на заместителей Премьер-министра Республики Узбекистан Д.А. Кучкарова и Б.А. Мусаева.
ПРИЛОЖЕНИЕ к постановлению Президента Республики Узбекистан от 26 мая 2021 года № ПП-5125
Комиссии по развитию дошкольных образовательных услуг в районах с низким уровнем охвата
1. Ишметов Т.А. — министр финансов, председатель Комиссии 2. Шин А.В. — министр дошкольного образования, заместитель председателя Комиссии 3. Онорбоев Б.О. — заведующий секретариатом Кабинета Министров 4. Бобоев А.М. — заместитель министра экономического развития и сокращения бедности 5. Хусанов Н.Б. — министр занятости и трудовых отношений 6. Зокиров Б.И. — министр строительства 7. Камалов А.А. — заместитель председателя Центрального банка 8. По должности — первый заместитель Председателя Совета Министров Республики Каракалпакстан, первые заместители хокимов областей 9. Эшчанов А.Б. — директор департамента Министерства финансов, ответственный секретарь Комиссии
Президент Республики Узбекистан Ш. МИРЗИЁЕВ
г. Ташкент,
26 мая 2021 г.,
№ ПП-5125