📅 2021-yil 31-may · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 31 май · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 31 мая 2021 г. · Законы и кодексы
Официальный текст. Официальный документ. Редакционные примечания не включены.
📅 31 May 2021 · Laws and codes
Official text. Official document. Editorial notes are not included.
Ўзбекистон Республикасининг Қонуни
Ўзбекистон Республикасининг Сайлов кодексига ўзгартиш ва қўшимчалар киритиш тўғрисида
Қонунчилик палатаси томонидан 2021 йил 4 майда қабул қилинган Сенат томонидан 2021 йил 29 майда маъқулланган
1-модда. Ўзбекистон Республикасининг 2019 йил 25 июнда қабул қилинган ЎРҚ-544-сонли Қонуни билан тасдиқланган Ўзбекистон Республикасининг Сайлов кодексига (Ўзбекистон Республикаси Олий Мажлиси палаталарининг Ахборотномаси, 2019 йил, № 6, 327-модда; 2021 йил, № 2, 139-модда) қуйидаги ўзгартиш ва қўшимчалар киритилсин:
1) 14-модданинг йигирма саккизинчи хатбошиси қуйидаги таҳрирда баён этилсин:
«сайловчиларнинг ва сайлов жараёни бошқа иштирокчиларининг мурожаатларини кўриб чиқади ҳамда улар юзасидан қарорлар қабул қилади, бундан сайлов комиссияларининг ҳаракатлари ва қарорлари устидан берилган шикоятлар мустасно»;
2) 20-модда биринчи қисмининг ўн бешинчи хатбошиси қуйидаги таҳрирда баён этилсин:
«сайловчиларнинг ва сайлов жараёни бошқа иштирокчиларининг мурожаатларини кўриб чиқади ҳамда улар юзасидан қарорлар қабул қилади, бундан сайлов комиссияларининг ҳаракатлари ва қарорлари устидан берилган шикоятлар мустасно»;
3) 21-модданинг :
биринчи қисми қуйидаги мазмундаги биринчи ва иккинчи қисмлар билан алмаштирилсин:
«Ўзбекистон Республикаси Президенти сайловини ўтказиш бўйича округ сайлов комиссияси Марказий сайлов комиссияси томонидан сайловга камида етмиш кун қолганида комиссия раиси, раис ўринбосари, котибидан ва комиссиянинг саккиз — ўн саккиз нафар бошқа аъзоларидан иборат таркибда тузилади.
Қонунчилик палатаси депутатлари сайловини ўтказиш бўйича округ сайлов комиссияси Марказий сайлов комиссияси томонидан, халқ депутатлари вилоятлар ва Тошкент шаҳар Кенгашларига сайлов ўтказиш бўйича округ сайлов комиссияси эса тегишли вилоят, Тошкент шаҳар сайлов комиссияси томонидан сайловга камида етмиш кун қолганида комиссия раиси, раис ўринбосари, котибидан ва комиссиянинг олти — саккиз нафар бошқа аъзоларидан иборат таркибда тузилади»;
иккинчи — бешинчи қисмлари тегишинча учинчи — олтинчи қисмлар деб ҳисоблансин;
4) 22-модданинг ўн учинчи хатбошиси қуйидаги таҳрирда баён этилсин:
«сайловчиларнинг ва сайлов жараёни бошқа иштирокчиларининг мурожаатларини кўриб чиқади ҳамда улар юзасидан қарорлар қабул қилади, бундан сайлов комиссияларининг ҳаракатлари ва қарорлари устидан берилган шикоятлар мустасно»;
5) 31-модданинг учинчи қисмидаги «эгаллаб турган лавозими (машғулотининг тури), иш жойи» деган сўзлар чиқариб ташлансин;
6) 38-модда учинчи қисмининг иккинчи жумласи «паспортининг» деган сўздан кейин «ёки идентификация ID-картасининг» деган сўзлар билан тўлдирилсин;
7) 39-модда тўртинчи қисмининг учинчи жумласи қуйидаги таҳрирда баён этилсин:
«Мазкур ҳолда Марказий сайлов комиссияси сиёсий партияга Ўзбекистон Республикаси Президентлигига номзодни рўйхатга олишни ёки Қонунчилик палатаси депутатлари сайловида иштирок этиш ҳуқуқини рад этади»;
8) 48-модда :
қуйидаги мазмундаги учинчи қисм билан тўлдирилсин:
«Сайловчилар билан учрашувлар каби оммавий тадбирлар уларнинг ўтказилиш жойи ва вақти ҳақида тегишли туман (шаҳар) ҳокимликлари камида уч кун олдин ёзма равишда хабардор қилинган ҳолда ўтказилади. Бунда ушбу оммавий тадбирларни ўтказиш учун рухсатнома талаб қилинмайди»;
учинчи ва тўртинчи қисмлари тегишинча тўртинчи ва бешинчи қисмлар деб ҳисоблансин;
9) 95-модда учинчи қисмининг учинчи жумласидаги «участка» деган сўз «округ» деган сўз билан алмаштирилсин;
10) 101-модданинг биринчи қисми қуйидаги таҳрирда баён этилсин:
«Сайлов комиссиялари сайлов кампаниясини ўтказиш даврида жисмоний ва юридик шахсларнинг ушбу Кодекс талаблари бузилганлиги ёки сайловни ташкил этишнинг бошқа масалалари хусусида ўзига келиб тушган мурожаатларини ўз ваколатлари доирасида кўриб чиқиши, ушбу мурожаатлар бўйича текширувлар ўтказиши ва уч кунлик муддатда уларга ёзма жавоблар бериши, сайловга камида олти кун қолганида ёки овоз бериш куни келиб тушган мурожаатларни эса дарҳол кўриб чиқиб, жавоб қайтариши шарт, бундан сайлов комиссияларининг ҳаракатлари ва қарорлари устидан берилган шикоятлар мустасно»;
11) 102-модда матнининг биринчи жумласи қуйидаги таҳрирда баён этилсин:
«Номзод кўрсатган сиёсий партиялар органлари, номзодлар, ишончли вакиллар, кузатувчилар ва сайловчилар сайлов комиссияларининг қарорлари устидан ушбу қарорлар қабул қилинганидан кейин беш кун ичида судга шикоят қилиши мумкин».
2-модда. Ўзбекистон Республикаси Марказий сайлов комиссияси Ўзбекистон Республикаси Адлия вазирлиги ва бошқа манфаатдор ташкилотлар билан биргаликда ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
3-модда. Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
давлат бошқаруви органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.
4-модда. Ушбу Қонун расмий эълон қилинган кундан эътиборан кучга киради.
Ўзбекистон Республикасининг Президенти Ш. МИРЗИЁЕВ
Тошкент ш.,
2021 йил 31 май,
ЎРҚ-691-сон
Oʻzbekiston Respublikasining Qonuni
Oʻzbekiston Respublikasining Saylov kodeksiga oʻzgartish va qoʻshimchalar kiritish toʻgʻrisida
Qonunchilik palatasi tomonidan 2021-yil 4-mayda qabul qilingan Senat tomonidan 2021-yil 29-mayda maʼqullangan
1-modda. Oʻzbekiston Respublikasining 2019-yil 25-iyunda qabul qilingan OʻRQ-544-sonli Qonuni bilan tasdiqlangan Oʻzbekiston Respublikasining Saylov kodeksiga (Oʻzbekiston Respublikasi Oliy Majlisi palatalarining Axborotnomasi, 2019-yil, № 6, 327-modda; 2021-yil, № 2, 139-modda) quyidagi oʻzgartish va qoʻshimchalar kiritilsin:
1) 14-moddaning yigirma sakkizinchi xatboshisi quyidagi tahrirda bayon etilsin:
“saylovchilarning va saylov jarayoni boshqa ishtirokchilarining murojaatlarini koʻrib chiqadi hamda ular yuzasidan qarorlar qabul qiladi, bundan saylov komissiyalarining harakatlari va qarorlari ustidan berilgan shikoyatlar mustasno”;
2) 20-modda birinchi qismining oʻn beshinchi xatboshisi quyidagi tahrirda bayon etilsin:
“saylovchilarning va saylov jarayoni boshqa ishtirokchilarining murojaatlarini koʻrib chiqadi hamda ular yuzasidan qarorlar qabul qiladi, bundan saylov komissiyalarining harakatlari va qarorlari ustidan berilgan shikoyatlar mustasno”;
3) 21-moddaning :
birinchi qismi quyidagi mazmundagi birinchi va ikkinchi qismlar bilan almashtirilsin:
“Oʻzbekiston Respublikasi Prezidenti saylovini oʻtkazish boʻyicha okrug saylov komissiyasi Markaziy saylov komissiyasi tomonidan saylovga kamida yetmish kun qolganida komissiya raisi, rais oʻrinbosari, kotibidan va komissiyaning sakkiz — oʻn sakkiz nafar boshqa aʼzolaridan iborat tarkibda tuziladi.
Qonunchilik palatasi deputatlari saylovini oʻtkazish boʻyicha okrug saylov komissiyasi Markaziy saylov komissiyasi tomonidan, xalq deputatlari viloyatlar va Toshkent shahar Kengashlariga saylov oʻtkazish boʻyicha okrug saylov komissiyasi esa tegishli viloyat, Toshkent shahar saylov komissiyasi tomonidan saylovga kamida yetmish kun qolganida komissiya raisi, rais oʻrinbosari, kotibidan va komissiyaning olti — sakkiz nafar boshqa aʼzolaridan iborat tarkibda tuziladi”;
ikkinchi — beshinchi qismlari tegishincha uchinchi — oltinchi qismlar deb hisoblansin;
4) 22-moddaning oʻn uchinchi xatboshisi quyidagi tahrirda bayon etilsin:
“saylovchilarning va saylov jarayoni boshqa ishtirokchilarining murojaatlarini koʻrib chiqadi hamda ular yuzasidan qarorlar qabul qiladi, bundan saylov komissiyalarining harakatlari va qarorlari ustidan berilgan shikoyatlar mustasno”;
5) 31-moddaning uchinchi qismidagi “egallab turgan lavozimi (mashgʻulotining turi), ish joyi” degan soʻzlar chiqarib tashlansin;
6) 38-modda uchinchi qismining ikkinchi jumlasi “pasportining” degan soʻzdan keyin “yoki identifikatsiya ID-kartasining” degan soʻzlar bilan toʻldirilsin;
7) 39-modda toʻrtinchi qismining uchinchi jumlasi quyidagi tahrirda bayon etilsin:
“Mazkur holda Markaziy saylov komissiyasi siyosiy partiyaga Oʻzbekiston Respublikasi Prezidentligiga nomzodni roʻyxatga olishni yoki Qonunchilik palatasi deputatlari saylovida ishtirok etish huquqini rad etadi”;
8) 48-modda :
quyidagi mazmundagi uchinchi qism bilan toʻldirilsin:
“Saylovchilar bilan uchrashuvlar kabi ommaviy tadbirlar ularning oʻtkazilish joyi va vaqti haqida tegishli tuman (shahar) hokimliklari kamida uch kun oldin yozma ravishda xabardor qilingan holda oʻtkaziladi. Bunda ushbu ommaviy tadbirlarni oʻtkazish uchun ruxsatnoma talab qilinmaydi”;
uchinchi va toʻrtinchi qismlari tegishincha toʻrtinchi va beshinchi qismlar deb hisoblansin;
9) 95-modda uchinchi qismining uchinchi jumlasidagi “uchastka” degan soʻz “okrug” degan soʻz bilan almashtirilsin;
10) 101-moddaning birinchi qismi quyidagi tahrirda bayon etilsin:
“Saylov komissiyalari saylov kampaniyasini oʻtkazish davrida jismoniy va yuridik shaxslarning ushbu Kodeks talablari buzilganligi yoki saylovni tashkil etishning boshqa masalalari xususida oʻziga kelib tushgan murojaatlarini oʻz vakolatlari doirasida koʻrib chiqishi, ushbu murojaatlar boʻyicha tekshiruvlar oʻtkazishi va uch kunlik muddatda ularga yozma javoblar berishi, saylovga kamida olti kun qolganida yoki ovoz berish kuni kelib tushgan murojaatlarni esa darhol koʻrib chiqib, javob qaytarishi shart, bundan saylov komissiyalarining harakatlari va qarorlari ustidan berilgan shikoyatlar mustasno”;
11) 102-modda matnining birinchi jumlasi quyidagi tahrirda bayon etilsin:
“Nomzod koʻrsatgan siyosiy partiyalar organlari, nomzodlar, ishonchli vakillar, kuzatuvchilar va saylovchilar saylov komissiyalarining qarorlari ustidan ushbu qarorlar qabul qilinganidan keyin besh kun ichida sudga shikoyat qilishi mumkin”.
2-modda. Oʻzbekiston Respublikasi Markaziy saylov komissiyasi Oʻzbekiston Respublikasi Adliya vazirligi va boshqa manfaatdor tashkilotlar bilan birgalikda ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
3-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.
4-modda. Ushbu Qonun rasmiy eʼlon qilingan kundan eʼtiboran kuchga kiradi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2021-yil 31-may,
OʻRQ-691-son
Закон Республики Узбекистан
О внесении изменений и дополнений в Избирательный кодекс Республики Узбекистан
Принят Законодательной палатой 4 мая 2021 года Одобрен Сенатом 29 мая 2021 года
Статья 1. Внести в Избирательный кодекс Республики Узбекистан, утвержденный Законом Республики Узбекистан от 25 июня 2019 года № ЗРУ-544 (Ведомости палат Олий Мажлиса Республики Узбекистан, 2019 г., № 6, ст. 327; 2021 г., № 2, ст. 139), следующие изменения и дополнения:
1) абзац двадцать восьмой статьи 14 изложить в следующей редакции:
«рассматривает обращения избирателей и иных участников избирательного процесса, за исключением жалоб на действия и решения избирательных комиссий, и принимает по ним решения»;
2) абзац пятнадцатый части первой статьи 20 изложить в следующей редакции:
«рассматривает обращения избирателей и иных участников избирательного процесса, за исключением жалоб на действия и решения избирательных комиссий, и принимает по ним решения»;
3) в статье 21 :
часть первую заменить частями первой и второй следующего содержания:
«Окружная избирательная комиссия по выборам Президента Республики Узбекистан образуется Центральной избирательной комиссией не менее чем за семьдесят дней до выборов в составе председателя, заместителя председателя, секретаря и восьми — восемнадцати других членов комиссии.
Окружная избирательная комиссия по выборам депутатов Законодательной палаты образуется Центральной избирательной комиссией, а окружная избирательная комиссия по выборам в областные и Ташкентский городской Кенгаши народных депутатов образуется соответствующей областной, Ташкентской городской избирательной комиссией — не менее чем за семьдесят дней до выборов в составе председателя, заместителя председателя, секретаря и шести — восьми других членов комиссии»;
части вторую — пятую считать соответственно частями третьей — шестой;
4) абзац тринадцатый статьи 22 изложить в следующей редакции:
«рассматривает обращения избирателей и иных участников избирательного процесса, за исключением жалоб на действия и решения избирательных комиссий, и принимает по ним решения»;
5) из части третьей статьи 31 слова «занимаемой должности (рода занятий), места работы» исключить;
6) второе предложение части третьей статьи 38 после слова «паспорта» дополнить словами «либо идентификационной ID-карты»;
7) третье предложение части четвертой статьи 39 изложить в следующей редакции:
«В данном случае Центральная избирательная комиссия отказывает политической партии в регистрации кандидата в Президенты Республики Узбекистан либо в праве участвовать в выборах депутатов Законодательной палаты»;
8) в статье 48 :
дополнить частью третьей следующего содержания:
«Массовые мероприятия, такие как встречи с избирателями, проводятся с письменным уведомлением соответствующих районных (городских) хокимиятов о месте и времени их проведения не менее чем за три дня. При этом разрешение на проведение массовых мероприятий не требуется»;
части третью и четвертую считать соответственно частями четвертой и пятой;
9) в третьем предложении части третьей статьи 95 слово «участковой» заменить словом «окружной»;
10) часть первую статьи 101 изложить в следующей редакции:
«Избирательные комиссии обязаны в пределах своей компетенции рассматривать поступившие к ним в период проведения избирательной кампании обращения физических и юридических лиц о нарушении требований настоящего Кодекса или по другим вопросам организации выборов, за исключением жалоб на действия и решения избирательных комиссий, проводить проверки по этим обращениям и давать письменные ответы в трехдневный срок, а по обращениям, поступившим менее шести дней до выборов либо в день голосования, — незамедлительно»;
11) первое предложение текста статьи 102 изложить в следующей редакции:
«Решения избирательных комиссий могут быть обжалованы органами политических партий, выдвинувшими кандидатов, кандидатами, доверенными лицами, наблюдателями и избирателями в суд в течение пяти дней после принятия решения».
Статья 2. Центральной избирательной комиссии Республики Узбекистан совместно с Министерством юстиции Республики Узбекистан и другими заинтересованными организациями обеспечить исполнение, доведение до исполнителей и разъяснение среди населения сути и значения настоящего Закона.
Статья 3. Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену органами государственного управления их нормативно-правовых актов, противоречащих настоящему Закону.
Статья 4. Настоящий Закон вступает в силу со дня его официального опубликования.
Президент Республики Узбекистан Ш. МИРЗИЁЕВ
г. Ташкент,
31 мая 2021 г.,
№ ЗРУ-691