UzbekAI

Ўзбекистон Республикаси Вазирлар Маҳкамасининг

қарори

Вазирлар Маҳкамасининг «Маҳаллий ишлаб чиқарувчиларни қўллаб-қувватлаш чора-тадбирлари тўғрисида» 2021 йил 29 январдаги 41-сон қарорига ўзгартириш киритиш ҳақида

Республика аҳолисини ўсимлик ёғи билан таъминлашга қаратилган чора-тадбирлар самарадорлигини янада ошириш, ташқи бозордаги салбий конъюнктура ўзгаришларининг мамлакатимиз ички бозоридаги нарх-навога ва ижтимоий ҳолатга таъсирини юмшатиш ҳамда ички бозорда ўсимлик ёғи нархининг барқарорлигини таъминлаш мақсадида Вазирлар Маҳкамаси қарор қилади:

1. Вазирлар Маҳкамасининг 2021 йил 29 январдаги 41-сон қарори билан тасдиқланган Давлат харидларидаги иштироки вақтинчалик тақиқланган ва чегараланган хорижда ишлаб чиқарилган товарлар, шунингдек, хорижий шахслар томонидан бажариладиган ишларнинг (хизматларнинг) рўйхатидан 60 — 69-позициялар чиқариб ташлансин.

2. Мазкур қарорнинг бажарилишини назорат қилиш Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари — иқтисодий тараққиёт ва камбағалликни қисқартириш вазири Ж.А. Қўчқоров зиммасига юклансин.

Ўзбекистон Республикасининг Бош вазири А. АРИПОВ

Тошкент ш.,

2021 йил 1 июнь,

336-сон

(Қонунчилик маълумотлари миллий базаси, 02.06.2021 й., 09/21/336/0509-сон)

lex.uz

Oʻzbekiston Respublikasi Vazirlar Mahkamasining

qarori

Vazirlar Mahkamasining “Mahalliy ishlab chiqaruvchilarni qoʻllab-quvvatlash chora-tadbirlari toʻgʻrisida” 2021-yil 29-yanvardagi 41-son qaroriga oʻzgartirish kiritish haqida

Respublika aholisini oʻsimlik yogʻi bilan taʼminlashga qaratilgan chora-tadbirlar samaradorligini yanada oshirish, tashqi bozordagi salbiy konyunktura oʻzgarishlarining mamlakatimiz ichki bozoridagi narx-navoga va ijtimoiy holatga taʼsirini yumshatish hamda ichki bozorda oʻsimlik yogʻi narxining barqarorligini taʼminlash maqsadida Vazirlar Mahkamasi qaror qiladi:

1. Vazirlar Mahkamasining 2021-yil 29-yanvardagi 41-son qarori bilan tasdiqlangan Davlat xaridlaridagi ishtiroki vaqtinchalik taqiqlangan va chegaralangan xorijda ishlab chiqarilgan tovarlar, shuningdek, xorijiy shaxslar tomonidan bajariladigan ishlarning (xizmatlarning) roʻyxatidan 60 — 69-pozitsiyalar chiqarib tashlansin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2021-yil 1-iyun,

336-son

(Qonunchilik maʼlumotlari milliy bazasi, 02.06.2021-y., 09/21/336/0509-son)

lex.uz