📅 2021-yil 4-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 4 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 4 июня 2021 г. · Постановления Президента
Официальный текст. Официальный документ. Редакционные примечания не включены.
📅 4 June 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Кўчма савдо фаолиятига ахборот технологияларини жорий этиш ва савдо автомати орқали чакана савдо фаолияти билан шуғулланувчи тадбиркорлик субъектларини қўллаб-қувватлаш чора-тадбирлари тўғрисида
Мамлакатимизда кўчма савдо ва савдо автомати орқали чакана савдо фаолиятини тартибга солиш, бундай фаолият турларига тадбиркорларни кенг жалб қилиш, шунингдек, кўчма савдо фаолиятига замонавий ахборот технологияларини янада кенг жорий этиш орқали аҳолига зарур товарларни харид қилишда қулайликлар яратиш мақсадида:
1. 2021 йил 1 декабрдан бошлаб шундай тартиб ўрнатилсинки, унга кўра:
кўчма савдо фаолияти тадбиркорлик субъектлари томонидан кўчма савдо объектларини электрон тарзда «K — SAVDO» автоматлаштирилган ахборот тизимида (кейинги ўринларда — «K — SAVDO» ААТ) рўйхатдан ўтказиш йўли билан амалга оширилади. Бунда, тадбиркорлик субъектларидан рўйхатдан ўтказиш учун йиғим ундирилмайди;
кўчма савдо жойи (хусусий мулкдорларга тегишли жойлардан ташқари) кўчма савдо объектларининг жойлашиш схемалари бўйича «K — SAVDO» ААТ орқали электрон аукционда сотилади.
2. Белгилансинки:
аукционнинг бошланғич нархи тегишли туман (шаҳар)даги ер участкасининг ер солиғи миқдорида белгиланади. Бунда, аукцион орқали сотишдан келиб тушган пул маблағларининг 80 фоизи тегишли туман (шаҳар) маҳаллий бюджетларига, 20 фоизи Давлат солиқ қўмитасининг махсус ҳисоб рақамига йўналтирилади;
аукцион ғолиби томонидан кўчма савдо жойининг қиймати тўлиқ тўланганидан сўнг унга «K — SAVDO» ААТ орқали автоматик равишда QR-код қўйилган гувоҳнома берилади ҳамда у мазкур жойдан 36 ой муддатга, Қорақалпоғистон Республикасида эса 60 ой муддатга фойдаланиш ҳуқуқига эга бўлади. Бунда кўчма савдо жойидан фойдаланиш бўйича шартнома тузиш талаб этилмайди.
3. Тадбиркорлик субъектлари ёки фуқароларнинг «K — SAVDO» ААТда рўйхатдан ўтмасдан кўчма савдо фаолияти билан шуғулланаётганлиги биринчи марта аниқланган тақдирда, давлат солиқ хизмати органлари ходимлари уларга чакана савдо фаолиятини «K — SAVDO» ААТ рўйхатдан ўтган ҳолда амалга ошириш бўйича зарур тушунтириш ишларини олиб борсин ҳамда рўйхатдан ўтказиш бўйича амалий ёрдам кўрсатсин.
4. Савдо автоматлари орқали товарларни сотиш ва (ёки) хизматларни кўрсатиш фаолияти билан шуғулланувчи тадбиркорлик субъектларини янада қўллаб-қувватлаш мақсадида:
савдо автоматларига нисбатан назорат-касса техникаларидан мажбурий фойдаланиш талаби татбиқ этилмаслиги;
сотадиган товарлари ва (ёки) кўрсатадиган хизматлари туридан қатъи назар бундай фаолият билан шуғулланувчи юридик шахслар чакана савдо соҳасидаги солиқ тўловчи деб эътироф этилиши белгилансин.
5. Вазирлар Маҳкамаси икки ҳафта муддатда кўчма савдо, шу жумладан савдо автомати орқали чакана савдо фаолиятини амалга ошириш тартибини белгиловчи Ҳукумат қарорини қабул қилсин.
6. Давлат солиқ қўмитаси манфаатдор идоралар билан биргаликда бир ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
7. Мазкур қарор ижросини самарали ташкил этишга масъул ва шахсий жавобгар этиб Давлат солиқ қўмитаси раиси Ш.Д. Кудбиев белгилансин.
Қарор ижросини муҳокама қилиб бориш ва назорат қилиш Ўзбекистон Республикаси Бош вазирининг ўринбосари Ж.А. Қўчқоров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 4 июнь,
ПҚ-5136-сон
Oʻzbekiston Respublikasi Prezidentining
Qarori
Koʻchma savdo faoliyatiga axborot texnologiyalarini joriy etish va savdo avtomati orqali chakana savdo faoliyati bilan shugʻullanuvchi tadbirkorlik subyektlarini qoʻllab-quvvatlash chora-tadbirlari toʻgʻrisida
Mamlakatimizda koʻchma savdo va savdo avtomati orqali chakana savdo faoliyatini tartibga solish, bunday faoliyat turlariga tadbirkorlarni keng jalb qilish, shuningdek, koʻchma savdo faoliyatiga zamonaviy axborot texnologiyalarini yanada keng joriy etish orqali aholiga zarur tovarlarni xarid qilishda qulayliklar yaratish maqsadida:
1. 2021-yil 1-dekabrdan boshlab shunday tartib oʻrnatilsinki, unga koʻra:
koʻchma savdo faoliyati tadbirkorlik subyektlari tomonidan koʻchma savdo obyektlarini elektron tarzda “K — SAVDO” avtomatlashtirilgan axborot tizimida (keyingi oʻrinlarda — “K — SAVDO” AAT) roʻyxatdan oʻtkazish yoʻli bilan amalga oshiriladi. Bunda, tadbirkorlik subyektlaridan roʻyxatdan oʻtkazish uchun yigʻim undirilmaydi;
koʻchma savdo joyi (xususiy mulkdorlarga tegishli joylardan tashqari) koʻchma savdo obyektlarining joylashish sxemalari boʻyicha “K — SAVDO” AAT orqali elektron auksionda sotiladi.
2. Belgilansinki:
auksionning boshlangʻich narxi tegishli tuman (shahar)dagi yer uchastkasining yer soligʻi miqdorida belgilanadi. Bunda, auksion orqali sotishdan kelib tushgan pul mablagʻlarining 80 foizi tegishli tuman (shahar) mahalliy budjetlariga, 20 foizi Davlat soliq qoʻmitasining maxsus hisob raqamiga yoʻnaltiriladi;
auksion gʻolibi tomonidan koʻchma savdo joyining qiymati toʻliq toʻlanganidan soʻng unga “K — SAVDO” AAT orqali avtomatik ravishda QR-kod qoʻyilgan guvohnoma beriladi hamda u mazkur joydan 36 oy muddatga, Qoraqalpogʻiston Respublikasida esa 60 oy muddatga foydalanish huquqiga ega boʻladi. Bunda koʻchma savdo joyidan foydalanish boʻyicha shartnoma tuzish talab etilmaydi.
3. Tadbirkorlik subyektlari yoki fuqarolarning “K — SAVDO” AATda roʻyxatdan oʻtmasdan koʻchma savdo faoliyati bilan shugʻullanayotganligi birinchi marta aniqlangan taqdirda, davlat soliq xizmati organlari xodimlari ularga chakana savdo faoliyatini “K — SAVDO” AAT roʻyxatdan oʻtgan holda amalga oshirish boʻyicha zarur tushuntirish ishlarini olib borsin hamda roʻyxatdan oʻtkazish boʻyicha amaliy yordam koʻrsatsin.
4. Savdo avtomatlari orqali tovarlarni sotish va (yoki) xizmatlarni koʻrsatish faoliyati bilan shugʻullanuvchi tadbirkorlik subyektlarini yanada qoʻllab-quvvatlash maqsadida:
savdo avtomatlariga nisbatan nazorat-kassa texnikalaridan majburiy foydalanish talabi tatbiq etilmasligi;
sotadigan tovarlari va (yoki) koʻrsatadigan xizmatlari turidan qatʼi nazar bunday faoliyat bilan shugʻullanuvchi yuridik shaxslar chakana savdo sohasidagi soliq toʻlovchi deb eʼtirof etilishi belgilansin.
5. Vazirlar Mahkamasi ikki hafta muddatda koʻchma savdo, shu jumladan savdo avtomati orqali chakana savdo faoliyatini amalga oshirish tartibini belgilovchi Hukumat qarorini qabul qilsin.
6. Davlat soliq qoʻmitasi manfaatdor idoralar bilan birgalikda bir oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
7. Mazkur qaror ijrosini samarali tashkil etishga masʼul va shaxsiy javobgar etib Davlat soliq qoʻmitasi raisi Sh.D. Kudbiyev belgilansin.
Qaror ijrosini muhokama qilib borish va nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 4-iyun,
PQ-5136-son
Президента Республики Узбекистан
Постановление
О мерах по внедрению информационных технологий в выездную торговую деятельность и поддержке субъектов предпринимательства, занимающихся розничной торговой деятельностью посредством торговых автоматов
В целях регулирования выездной и розничной торговой деятельности посредством торговых автоматов, широкого привлечения предпринимателей к таким видам деятельности, а также создания удобств для приобретения населением необходимых товаров путем более широкого внедрения современных информационных технологий в выездную торговую деятельность:
1. Установить с 1 декабря 2021 года порядок, в соответствии с которым:
выездная торговая деятельность осуществляется субъектами предпринимательства путем регистрации выездных торговых объектов в автоматизированной информационной системе «К — SAVDO» (далее — АИС «К — SAVDO») в электронной форме. При этом с субъектов предпринимательства сбор за регистрацию не взимается;
места выездной торговли (за исключением принадлежащих частным собственникам) реализуются на электронном аукционе через АИС «К — SAVDO» в соответствии со схемами размещения объектов выездной торговли.
2. Определить, что:
стартовая цена аукциона устанавливается в размере земельного налога на земельный участок в соответствующем районе (городе). При этом 80 процентов денежных средств, поступивших от реализации через аукцион, перечисляются в местные бюджеты соответствующих районов (городов), 20 процентов — на специальный расчетный счет Государственного налогового комитета;
после полной оплаты победителем аукциона стоимости выездного торгового места ему через АИС «К — SAVDO» в автоматическом порядке выдается свидетельство с нанесенным QR-кодом и он приобретает право пользования данным местом в течение 36 месяцев, в Республике Каракалпакстан — в течение 60 месяцев. При этом заключение договора на пользование выездным торговым местом не требуется.
3. Работникам органов государственной налоговой службы при первичном выявлении осуществления субъектами предпринимательства или гражданами выездной торговой деятельности без регистрации в АИС «К — SAVDO» проводить необходимую разъяснительную работу о необходимости осуществления розничной торговой деятельности с регистрацией в АИС «К — SAVDO», а также оказывать им практическую помощь в прохождении регистрации.
4. Установить, что в целях дальнейшей поддержки субъектов предпринимательства, осуществляющих деятельность по реализации товаров и (или) оказанию услуг посредством торговых автоматов:
требование обязательного использования контрольно-кассовой техники в отношении торговых автоматов не применяется;
юридические лица, независимо от вида реализуемых ими товаров и (или) оказываемых услуг, занимающиеся такой деятельностью, признаются налогоплательщиками в сфере розничной торговли.
5. Кабинету Министров в двухнедельный срок принять правительственное решение, определяющее порядок осуществления выездной торговли, в том числе розничной торговой деятельности посредством торговых автоматов.
6. Государственному налоговому комитету совместно с заинтересованными ведомствами в месячный срок внести в Кабинет Министров предложения об изменениях и дополнениях в законодательство, вытекающих из настоящего постановления.
7. Возложить на председателя Государственного налогового комитета Ш.Д. Кудбиева персональную ответственность за эффективную организацию исполнения настоящего постановления.
Обсуждение и контроль хода исполнения настоящего постановления возложить на заместителя Премьер-министра Республики Узбекистан Д.А. Кучкарова.
Президент Республики Узбекистан Ш. МИРЗИЁЕВ
г. Ташкент,
4 июня 2021 г.,
№ ПП-5136