📅 2021-yil 4-iyun · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 4 июнь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 4 июня 2021 г. · Указы Президента
Официальный текст. Официальный документ. Редакционные примечания не включены.
📅 4 June 2021 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Аҳолини ижтимоий қўллаб-қувватлаш тизимини янада такомиллаштиришга қаратилган қўшимча чора-тадбирлар тўғрисида
Аҳоли турмуш даражасини оширишга қаратилган чора-тадбирлар изчиллигини таъминлаш ва ижтимоий ҳимояга муҳтож оилаларни қўллаб-қувватлаш механизмларини янада такомиллаштириш мақсадида:
1. Иқтисодий тараққиёт ва камбағалликни қисқартириш вазирлиги ва Молия вазирлигининг энг кам пенсия ва нафақа миқдорларини қайта кўриб чиқиш бўйича таклифларини инобатга олиб, 2021 йилнинг 1 июлидан бошлаб:
а) белгиланган ёшга доир энг кам пенсия миқдоридан кам пенсия олувчи шахсларга пенсияни ҳисоблаш базавий миқдорининг 20 фоизи миқдорида қўшимча тўлов (кейинги ўринларда — қўшимча тўлов) жорий этилсин;
б) боқувчисини йўқотганлик пенсияси олувчиларнинг ҳар бир меҳнатга қобилиятсиз оила аъзоси учун қўшимча тўлов жорий этилсин.
2. Молия вазирлиги ушбу Фармонда белгиланган чора-тадбирлар билан боғлиқ харажатларни молиялаштириш учун зарур маблағларни бюджетдан ташқари Пенсия жамғармаси қолдиқ маблағлари ҳамда республика бюджети ҳисобидан ажратилишини таъминласин.
3. Ўзбекистон Миллий ахборот агентлиги ва Ўзбекистон Миллий телерадиокомпаниясига Молия вазирлиги билан биргаликда ушбу Фармон мақсади ва вазифалари оммавий ахборот воситаларида ва Интернет тармоғида кенг ёритилишини таъминлаш тавсия этилсин.
4. Ўзбекистон Республикаси Ҳукуматининг айрим қарорларига иловага мувофиқ ўзгартиришлар киритилсин.
5. Молия вазирлиги манфаатдор вазирлик ва идоралар билан биргаликда бир ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
6. Мазкур Фармоннинг ижросини назорат қилиш Ўзбекистон Республикаси Бош вазирининг ўринбосари Д.А. Кучкаров зиммасига юклансин.
Ўзбекистон Республикаси Президентининг 2021 йил 4 июндаги ПФ-6241-сон Фармонига ИЛОВА
Ўзбекистон Республикаси Ҳукуматининг айрим қарорларига киритилаётган ўзгартиришлар
1. Вазирлар Маҳкамасининг 2011 йил 7 апрелдаги 107-сон қарори билан тасдиқланган Давлат пенсияси тайинлаш учун зарур бўлган иш стажига эга бўлмаган шахсларга, ёшидан қатъи назар, иш стажига эга бўлмаган I ва II гуруҳ ногиронлиги бўлган шахсларга ҳамда болаликдан ногиронлиги бўлган фарзанди бор (бўлган) оналарга нафақалар тайинлаш ва тўлаш тартиби тўғрисидаги низомда :
а) 15 ва 16-бандлар қуйидаги таҳрирда баён этилсин:
«15. Боқувчисини йўқотганлик нафақаси қонунчилик ҳужжатларида белгиланган миқдорда тайинланади.
16. Нафақа олиш ҳуқуқига эга бўлмаган шахс вафот этган тақдирда вафот этганнинг оила аъзоларига нафақа қонунчилик ҳужжатларида белгиланган миқдорда тайинланади»;
б) 16 1 -банднинг тўртинчи хатбошиси чиқариб ташлансин.
2. Вазирлар Маҳкамасининг 2011 йил 8 сентябрдаги 252-сон қарори билан тасдиқланган Давлат пенсияларини тайинлаш ва тўлаш тартиби тўғрисидаги низомнинг 107-банди «в» кичик бандидаги «ёшга доир энг кам пенсиянинг 50 фоизидан» деган сўзлар «қонунчилик ҳужжатларда белгиланган миқдорлардан» деган сўзлар билан алмаштирилсин.
3. Вазирлар Маҳкамасининг 2018 йил 13 сентябрдаги «Мамлакатимиз аҳолисини ва иқтисодиёт тармоқларини рақобат ва бозор механизмларини жорий этиш асосида дон, ун ва нон билан ишончли таъминлаш чора-тадбирлари тўғрисида»ги 731-сон қарори 3-бандининг «б» кичик банди қуйидаги таҳрирда баён этилсин:
«б) ун ва қолипли нон харид қилиш бўйича қўшимча харажатларни қоплаш учун тўланаётган пул компенсацияси (кейинги ўринларда пул компенсацияси деб аталади) нафақалар тўланиши учун масъул бўлган органлар томонидан ҳисобланади ва 14 ёшгача болалари бўлган оилаларга нафақа, бола икки ёшга тўлгунига қадар уни парвариш қилиш нафақаси, кам таъминланган оилаларга моддий ёрдам билан бир вақтда Ўзбекистон Республикаси Давлат бюджети маблағлари ҳисобидан тўланади.
Бунда, 2021 йил 1 июлга қадар ёшга доир ва ногиронлиги бўйича нафақа, боқувчисини йўқотганлик пенсияси ва нафақаси (ҳар бир боқимандага), болаликдан ногирон бўлган 18 ёшдан катта шахсларга нафақа, 18 ёшгача бўлган ногирон болалар ва 18 ёшга тўлмаган ОИВ инфекциясига чалинган шахсларга нафақа, шунингдек, белгиланган энг кам ёшга доир пенсия миқдорида ва ундан кам пенсия олувчига тайинланган, бироқ уларга тўланмай қолган пул компенсацияси қайд этилган пенсия ҳамда нафақа суммасига қўшилган ҳолда Ўзбекистон Республикаси Давлат бюджети ва бюджетдан ташқари Пенсия жамғармаси маблағлари ҳисобидан тўланади».
4. Вазирлар Маҳкамасининг 2019 йил 14 октябрдаги «Дон, ун ва нон етказиб бериш тизимига бозор механизмларини тўлиқ жорий этиш чора-тадбирлари тўғрисида»ги 866-сон қарори 5-бандида :
иккинчи хатбоши чиқариб ташлансин;
учинчи — бешинчи хатбошилар тегишинча иккинчи — тўртинчи хатбошилар деб ҳисоблансин;
учинчи ва тўртинчи хатбошилар қуйидаги таҳрирда баён этилсин:
«Белгилансинки, 2019 йил 1 октябрдан бошлаб 14 ёшгача бўлган болалари учун тайинланган нафақани олувчи оилаларга ҳам 50 минг сўм миқдорида ҳар ойлик пул компенсацияси жорий этилиб, бунинг ҳисобига уларнинг нафақа миқдори 50 минг сўмга кўпаяди.
Ушбу бандда назарда тутилган пул компенсацияси нафақалар тўланиши учун масъул бўлган органлар томонидан ҳисобланади ва нафақалар билан бир вақтда тўланади».
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 4 июнь,
ПФ-6241-сон
Oʻzbekiston Respublikasi Prezidentining
Farmoni
Aholini ijtimoiy qoʻllab-quvvatlash tizimini yanada takomillashtirishga qaratilgan qoʻshimcha chora-tadbirlar toʻgʻrisida
Aholi turmush darajasini oshirishga qaratilgan chora-tadbirlar izchilligini taʼminlash va ijtimoiy himoyaga muhtoj oilalarni qoʻllab-quvvatlash mexanizmlarini yanada takomillashtirish maqsadida:
1. Iqtisodiy taraqqiyot va kambagʻallikni qisqartirish vazirligi va Moliya vazirligining eng kam pensiya va nafaqa miqdorlarini qayta koʻrib chiqish boʻyicha takliflarini inobatga olib, 2021-yilning 1-iyulidan boshlab:
a) belgilangan yoshga doir eng kam pensiya miqdoridan kam pensiya oluvchi shaxslarga pensiyani hisoblash bazaviy miqdorining 20 foizi miqdorida qoʻshimcha toʻlov (keyingi oʻrinlarda — qoʻshimcha toʻlov) joriy etilsin;
b) boquvchisini yoʻqotganlik pensiyasi oluvchilarning har bir mehnatga qobiliyatsiz oila aʼzosi uchun qoʻshimcha toʻlov joriy etilsin.
2. Moliya vazirligi ushbu Farmonda belgilangan chora-tadbirlar bilan bogʻliq xarajatlarni moliyalashtirish uchun zarur mablagʻlarni budjetdan tashqari Pensiya jamgʻarmasi qoldiq mablagʻlari hamda respublika budjeti hisobidan ajratilishini taʼminlasin.
3. Oʻzbekiston Milliy axborot agentligi va Oʻzbekiston Milliy teleradiokompaniyasiga Moliya vazirligi bilan birgalikda ushbu Farmon maqsadi va vazifalari ommaviy axborot vositalarida va Internet tarmogʻida keng yoritilishini taʼminlash tavsiya etilsin.
4. Oʻzbekiston Respublikasi Hukumatining ayrim qarorlariga ilovaga muvofiq oʻzgartirishlar kiritilsin.
5. Moliya vazirligi manfaatdor vazirlik va idoralar bilan birgalikda bir oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
6. Mazkur Farmonning ijrosini nazorat qilish Oʻzbekiston Respublikasi Bosh vazirining oʻrinbosari D.A. Kuchkarov zimmasiga yuklansin.
Oʻzbekiston Respublikasi Prezidentining 2021-yil 4 iyundagi PF-6241-son Farmoniga ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirishlar
1. Vazirlar Mahkamasining 2011-yil 7-apreldagi 107-son qarori bilan tasdiqlangan Davlat pensiyasi tayinlash uchun zarur boʻlgan ish stajiga ega boʻlmagan shaxslarga, yoshidan qatʼi nazar, ish stajiga ega boʻlmagan I va II guruh nogironligi boʻlgan shaxslarga hamda bolalikdan nogironligi boʻlgan farzandi bor (boʻlgan) onalarga nafaqalar tayinlash va toʻlash tartibi toʻgʻrisidagi nizomda :
a) 15 va 16-bandlar quyidagi tahrirda bayon etilsin:
“15. Boquvchisini yoʻqotganlik nafaqasi qonunchilik hujjatlarida belgilangan miqdorda tayinlanadi.
16. Nafaqa olish huquqiga ega boʻlmagan shaxs vafot etgan taqdirda vafot etganning oila aʼzolariga nafaqa qonunchilik hujjatlarida belgilangan miqdorda tayinlanadi”;
b) 16 1 -bandning toʻrtinchi xatboshisi chiqarib tashlansin.
2. Vazirlar Mahkamasining 2011-yil 8-sentabrdagi 252-son qarori bilan tasdiqlangan Davlat pensiyalarini tayinlash va toʻlash tartibi toʻgʻrisidagi nizomning 107-bandi “v” kichik bandidagi “yoshga doir eng kam pensiyaning 50 foizidan” degan soʻzlar “qonunchilik hujjatlarda belgilangan miqdorlardan” degan soʻzlar bilan almashtirilsin.
3. Vazirlar Mahkamasining 2018-yil 13-sentabrdagi “Mamlakatimiz aholisini va iqtisodiyot tarmoqlarini raqobat va bozor mexanizmlarini joriy etish asosida don, un va non bilan ishonchli taʼminlash chora-tadbirlari toʻgʻrisida”gi 731-son qarori 3-bandining “b” kichik bandi quyidagi tahrirda bayon etilsin:
“b) un va qolipli non xarid qilish boʻyicha qoʻshimcha xarajatlarni qoplash uchun toʻlanayotgan pul kompensatsiyasi (keyingi oʻrinlarda pul kompensatsiyasi deb ataladi) nafaqalar toʻlanishi uchun masʼul boʻlgan organlar tomonidan hisoblanadi va 14 yoshgacha bolalari boʻlgan oilalarga nafaqa, bola ikki yoshga toʻlguniga qadar uni parvarish qilish nafaqasi, kam taʼminlangan oilalarga moddiy yordam bilan bir vaqtda Oʻzbekiston Respublikasi Davlat budjeti mablagʻlari hisobidan toʻlanadi.
Bunda, 2021-yil 1-iyulga qadar yoshga doir va nogironligi boʻyicha nafaqa, boquvchisini yoʻqotganlik pensiyasi va nafaqasi (har bir boqimandaga), bolalikdan nogiron boʻlgan 18 yoshdan katta shaxslarga nafaqa, 18 yoshgacha boʻlgan nogiron bolalar va 18 yoshga toʻlmagan OIV infeksiyasiga chalingan shaxslarga nafaqa, shuningdek, belgilangan eng kam yoshga doir pensiya miqdorida va undan kam pensiya oluvchiga tayinlangan, biroq ularga toʻlanmay qolgan pul kompensatsiyasi qayd etilgan pensiya hamda nafaqa summasiga qoʻshilgan holda Oʻzbekiston Respublikasi Davlat budjeti va budjetdan tashqari Pensiya jamgʻarmasi mablagʻlari hisobidan toʻlanadi”.
4. Vazirlar Mahkamasining 2019-yil 14-oktabrdagi “Don, un va non yetkazib berish tizimiga bozor mexanizmlarini toʻliq joriy etish chora-tadbirlari toʻgʻrisida”gi 866-son qarori 5-bandida :
ikkinchi xatboshi chiqarib tashlansin;
uchinchi — beshinchi xatboshilar tegishincha ikkinchi — toʻrtinchi xatboshilar deb hisoblansin;
uchinchi va toʻrtinchi xatboshilar quyidagi tahrirda bayon etilsin:
“Belgilansinki, 2019-yil 1-oktabrdan boshlab 14 yoshgacha boʻlgan bolalari uchun tayinlangan nafaqani oluvchi oilalarga ham 50 ming soʻm miqdorida har oylik pul kompensatsiyasi joriy etilib, buning hisobiga ularning nafaqa miqdori 50 ming soʻmga koʻpayadi.
Ushbu bandda nazarda tutilgan pul kompensatsiyasi nafaqalar toʻlanishi uchun masʼul boʻlgan organlar tomonidan hisoblanadi va nafaqalar bilan bir vaqtda toʻlanadi”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 4-iyun,
PF-6241-son
Президента Республики Узбекистан
Указ
О дополнительных мерах, направленных на дальнейшее совершенствование системы социальной поддержки населения
В целях обеспечения последовательности мер, направленных на повышение уровня жизни населения и дальнейшего совершенствования механизмов поддержки семей, нуждающихся в социальной защите:
1. Принимая во внимание предложения Министерства экономического развития и сокращения бедности и Министерства финансов о пересмотре минимальных размеров пенсий и пособий, начиная с 1 июля 2021 года:
а) ввести доплату в размере 20 процентов базовой величины исчисления пенсии (далее — доплата) для лиц, получающих пенсию ниже установленного минимального размера пенсии по возрасту;
б) ввести доплату на каждого нетрудоспособного члена семьи получателя пенсии по потере кормильца.
2. Министерству финансов обеспечить выделение необходимых средств для финансирования расходов, связанных с мерами, определенными в настоящем Указе, за счет остатка средств внебюджетного Пенсионного фонда, а также республиканского бюджета.
3. Рекомендовать Национальному информационному агентству Узбекистана и Национальной телерадиокомпании Узбекистана обеспечить совместно с Министерством финансов широкое освещение целей и задач настоящего Указа в средствах массовой информации и сети Интернет.
4. Внести изменения в некоторые решения Правительства Республики Узбекистан согласно приложению .
5. Министерству финансов совместно с заинтересованными министерствами и ведомствами в месячный срок внести в Кабинет Министров предложения об изменениях и дополнениях в законодательство, вытекающих из настоящего Указа.
6. Контроль за исполнением настоящего Указа возложить на заместителя Премьер-министра Республики Узбекистан Д.А. Кучкарова.
ПРИЛОЖЕНИЕ к Указу Президента Республики Узбекистан от 4 июня 2021 года № УП-6241
Изменения, вносимые в некоторые решения Правительства Республики Узбекистан
1. В Положении о порядке назначения и выплаты пособий лицам, не имеющим стажа работы, необходимого для назначения государственной пенсии, лицам с инвалидностью I и II группы, не имеющим стажа работы, независимо от возраста, а также матерям, имеющим (имевшим) детей с инвалидностью с детства, утвержденном постановлением Кабинета Министров от 7 апреля 2011 года № 107:
а) пункты 15 и 16 изложить в следующей редакции:
«15. Пособие по случаю потери кормильца назначается в размере, установленном актами законодательства.
16. В случае смерти лица, не имеющего права на пособие, пособие членам семьи умершего назначается в размере, установленном актами законодательства»;
б) из пункта 16 1 абзац четвертый исключить.
2. В подпункте «в» пункта 107 Положения о порядке назначения и выплаты государственных пенсий, утвержденного постановлением Кабинета Министров от 8 сентября 2011 года № 252, слова «50 процентов минимальной пенсии по возрасту» заменить словами «размеров, установленных актами законодательства».
3. В постановлении Кабинета Министров от 13 сентября 2018 года № 731 «О мерах по надежному обеспечению населения страны и отраслей экономики зерном, мукой и хлебом на основе конкуренции и внедрения рыночных механизмов» подпункт «б» пункта 3 изложить в следующей редакции:
«б) денежная компенсация, выплачиваемая на покрытие дополнительных расходов по покупке муки и формового хлеба, начисляется органами, ответственными за выплату пособий, и выплачивается одновременно с пособием семьям с детьми в возрасте до 14 лет, пособием по уходу за ребенком до достижения им возраста двух лет, материальной помощью малообеспеченным семьям за счет средств Государственного бюджета Республики Узбекистан.
При этом назначенные, но оставшиеся невыплаченными денежные компенсации лицам, получающим пособия по возрасту и инвалидности, пенсии и пособия по случаю потери кормильца (на каждого иждивенца), пособия по инвалидности с детства лицам старше 18 лет, пособия детям-инвалидам в возрасте до 18 лет и ВИЧ-инфицированным, не достигшим 18 летнего возраста, а также пенсии по возрасту установленного минимального размера и менее, подлежат выплате до 1 июля 2021 года с прибавлением к сумме указанных пенсий и пособий за счет средств Государственного бюджета Республики Узбекистан и внебюджетного Пенсионного фонда».
4. В пункте 5 текста на государственном языке постановления Кабинета Министров от 14 октября 2019 года № 866 «О мерах по полному внедрению рыночных механизмов в систему поставки зерна, муки и хлеба»:
абзац второй исключить;
абзацы третий — пятый считать соответственно абзацами вторым — четвертым;
абзацы третий и четвертый изложить в следующей редакции:
«Белгилансинки, 2019 йил 1 октябрдан бошлаб 14 ёшгача бўлган болалари учун тайинланган нафақани олувчи оилаларга ҳам 50 минг сўм миқдорида ҳар ойлик пул компенсацияси жорий этилиб, бунинг ҳисобига уларнинг нафақа миқдори 50 минг сўмга кўпаяди.
Ушбу бандда назарда тутилган пул компенсацияси нафақалар тўланиши учун масъул бўлган органлар томонидан ҳисобланади ва нафақалар билан бир вақтда тўланади».
Президент Республики Узбекистан Ш. МИРЗИЁЕВ
г. Ташкент,
4 июня 2021 г.,
№ УП-6241