UzbekAI

Ўзбекистон Республикаси Президентининг

Қарори

Давлат-хусусий шериклик асосида ҳудудларда замонавий иссиқхона хўжаликларини ташкил қилиш чора-тадбирлари тўғрисида

Мамлакатда ер ва сув ресурсларидан оқилона фойдаланиш, энергия тежамкор технологияларга асосланган иссиқхона хўжаликларини ривожлантириш ҳамда қишлоқ хўжалиги маҳсулотларини етиштириш ва экспорт ҳажмларини ошириш, шунингдек, соҳага тўғридан-тўғри хорижий инвестицияларни ва малакали мутахассисларни кенг жалб қилиш, ўз бизнесига эга оилаларни кўпайтириш мақсадида:

1. Қуйидагилар республикада замонавий иссиқхона хўжаликларини ташкил қилишнинг устувор йўналишлари этиб белгилансин:

замонавий иссиқхона хўжаликларини биринчи навбатда, унда етиштириладиган маҳсулотлар бўйича импортни қисқартириш ва зарур ускуна ва техникалар ишлаб чиқаришни маҳаллийлаштириш ҳисобига ташкил этиш;

иссиқхона хўжаликлари учун уруғ, кўчат ва ўғитларнинг инвесторлар томонидан доимий етказиб берилишини ташкил этиш;

ташкил этиладиган иссиқхона хўжаликлари учун тўлиқ агросервис хизматларини кўрсатиш, малакали агрономларни бириктириш ҳамда замонавий лабораторияларни ташкил этиш;

хорижий мутахассисларни жалб қилган ҳолда иссиқхона хўжаликлари ишчиларини ўқитиш орқали соҳа бўйича етарли кўникмаларга эга бўлган мутахассисларни тайёрлаш;

иссиқхоналар ҳосилдорлигини ва самарадорлигини йил давомида ҳосил олиш амалиётини жорий этиш орқали ошириш.

2. Иқтисодий тараққиёт ва камбағалликни қисқартириш вазирлиги, Инвестициялар ва ташқи савдо вазирлиги, Молия вазирлиги ва Қишлоқ хўжалиги вазирлигининг хорижий ва маҳаллий инвесторлар (кейинги ўринларда — инвесторлар) томонидан ишлаб чиқариладиган замонавий ва энергия тежамкор ускуна-жиҳозлардан фойдаланган ҳолда иссиқхона хўжалигига эга бўлиш ва қишлоқ хўжалиги маҳсулотларини етиштириш истагини билдирган аҳолининг (кейинги ўринларда — ташаббускор аҳоли) талаб ва эҳтиёжларидан келиб чиқиб:

ташаббускор аҳоли томорқалари ва хонадонларида майдони камида 10 сотих бўлган иссиқхоналар (кейинги ўринларда — иссиқхоналар) барпо этиш;

қишлоқ хўжалигида фойдаланишга киритиладиган ер майдонлари, захирадаги ҳосилдорлиги паст бўлган пахта ва ғалладан қисқарган майдонлар, яроқсиз деб топилган боғ ва токзорлар жойлашган бўш ер майдонларида ҳар бирининг майдони камида 20 сотих бўлган турар жой мажмуасини ҳам қамраб олган иссиқхоналар (кейинги ўринларда — уй-иссиқхона мажмуалари) ташкил қилиш тўғрисидаги таклифлари маъқуллансин.

3. Уй-иссиқхона мажмуаларини қуриш, жиҳозлаш ва эксплуатация қилиш давлат-хусусий шериклик тамойили асосида амалга оширилиши белгилаб қўйилсин. Бунда, лойиҳа доирасида:

а) давлат шериги:

қишлоқ хўжалигида фойдаланишга киритиладиган ер майдонлари, захирадаги ҳосилдорлиги паст бўлган пахта ва ғалладан қисқарган майдонлар, шунингдек, яроқсиз деб топилган боғ ва токзорлар жойлашган бўш ер майдонларини инвесторлар ўртасида ўтказиладиган очиқ танлов якунлари бўйича ижара ҳуқуқи асосида ажратади;

уй-иссиқхона мажмуасига ташқи муҳандислик-коммуникация тармоқлари (жумладан газ, сув, электр энергияси, ички йўл) тортилишини таъминлайди;

мазкур қарорнинг 4 ва 5-бандларида кўрсатилган имтиёзларни тақдим этади;

б) инвесторлар:

лойиҳа-олди ва лойиҳа ҳужжатларининг (ТИА, чизмалар ва бошқалар) тайёрланиши ва экспертизадан ўтказилишини таъминлайди;

уй-иссиқхона мажмуаларини қуриш, жиҳозлаш ва эксплуатация қилишга оид лойиҳаларнинг концепцияси, лойиҳа-смета ҳужжатларини «Давлат-хусусий шериклик тўғрисида»ги Ўзбекистон Республикасининг Қонунида белгиланган тартибда ишлаб чиқади;

давлат-хусусий шериклик тўғрисидаги битимга мувофиқ қурилиш, жиҳозлаш ва эксплуатация қилиш харажатлари бўйича мажбуриятларнинг бажарилишини ўз маблағлари ёки қонунчилик ҳужжатларида тақиқланмаган бошқа манбалар ҳисобидан амалга оширади;

уй-иссиқхона мажмуалари фойдаланишга топширилган санадан бошлаб шартномада келишилган муддатгача етиштирилган маҳсулотларни ташқи ва ички бозорларда сотиш ва ҳисобини юритиш ишларини амалга оширади;

давлат шериги ва ташаббускор аҳоли билан тузилган шартномалар шартларига амал қилади;

уй-иссиқхона мажмуалари фойдаланишга топширилган санадан бошлаб келишилган муддат ва миқдорда хизмат ҳақи тўлаш мажбуриятини ўз зиммасига олади ва ташаббускор аҳоли фаолият юритаётган уй-иссиқхона мажмуасини давлат-хусусий шериклик тўғрисидаги битим муддати тугагандан сўнг давлат шеригига ўтказилган ҳолда бепул тарзда ташаббускор аҳолига белгиланган тартибда расмийлаштирилишини таъминлайди;

в) ташаббускор аҳоли:

уй-иссиқхона мажмуалари фойдаланишга топширилган санадан бошлаб келишилган муддатгача тузилган шартнома асосида уй-иссиқхона мажмуаларида ўзини ўзи банд қилган ҳолда фаолият олиб боради ҳамда уларда маҳсулотлар етиштириш билан шуғулланади;

келишилган муддат якунланганидан сўнг уй-иссиқхона мажмуаларини мулк ҳуқуқи асосида, улар жойлашган ерни ижара ҳуқуқи асосида (ижара шартномасининг амал қилиш муддатига) бепул қабул қилиб олади ҳамда келгусида ундан мақсадли ва самарали фойдаланишни таъминлайди.

4. Белгилансинки:

а) ташаббускор аҳолини танлаш инвесторлар ва туман ҳокимликлари томонидан амалга оширилади;

б) ташаббускор аҳоли ва инвесторларнинг талаблари ҳамда имкониятларидан келиб чиқиб, улар ўртасида тузилган шартнома асосида иссиқхоналар қурилиши уларнинг хонадонлари ва томорқаларида томонларнинг ўз маблағлари, шунингдек, қонунчилик ҳужжатлари билан тақиқланмаган бошқа манбалар ҳисобидан амалга оширилади;

в) уй-иссиқхона мажмуалари қурилиши учун:

инвесторларнинг ўз маблағлари ва қонунчилик ҳужжатлари билан тақиқланмаган бошқа манбалар жалб этилади;

ташқи муҳандислик-коммуникация тармоқларини (газ, сув, электр энергияси, ички йўл) тортиш ишлари маҳаллий ҳокимликларнинг «Ягона буюртмачи хизмати» инжиниринг компаниялари буюртмалари асосида амалга оширилади ҳамда Ўзбекистон Республикасининг ижтимоий ва ишлаб чиқариш инфратузилмасини ривожлантириш дастурларида «Эркин иқтисодий зоналар, кичик саноат зоналари ҳамда қонунчиликда белгиланган тартибда йирик ишлаб чиқариш лойиҳаларини муҳандислик-коммуникация инфратузилмаси билан таъминлаш» йўналиши учун назарда тутилган марказлашган капитал қўйилмалар ҳисобидан молиялаштирилади;

г) иссиқхоналар ва уй-иссиқхона мажмуаларида маҳсулот етиштириш билан шуғулланаётган фуқароларга Ўзбекистон Республикаси Президентининг 2020 йил 8 июндаги «Тадбиркорлик фаолияти ва ўзини ўзи банд қилишни давлат томонидан тартибга солишни соддалаштириш чора-тадбирлари тўғрисида»ги ПҚ-4742-сон қарорида белгиланган имтиёзлар ва шарт-шароитлар татбиқ этилади.

5. Қуйидагилар:

уй-иссиқхона мажмуаларини қуриш учун хориждан олиб келинадиган, Ўзбекистон Республикасида ишлаб чиқарилмайдиган йиғиладиган алоҳида қисмлардан иборат тайёр ҳолдаги замонавий иссиқхоналар 2021 йилнинг 31 декабрига қадар божхона божидан озод қилинсин;

иссиқхоналар ва уй-иссиқхона мажмуаларини ишлаб чиқариш учун хориждан олиб келинадиган, Ўзбекистон Республикасида ишлаб чиқарилмайдиган материаллар, хомашёлар ва бутловчи қисмлар 2023 йилнинг 31 декабрига қадар божхона божидан озод қилинсин;

иссиқхоналар ва уй-иссиқхона мажмуалари учун ер солиғи ставкалари ҳамда уй-иссиқхона мажмуалари таркибидаги турар жойлар учун мол-мулк солиғи ставкалари улар фойдаланишга топширилган санадан бошлаб уч йил давомида 50 фоиз миқдорида ўрнатилсин.

Бунда, импорт қилинадиган товарларнинг Ўзбекистон Республикасида ишлаб чиқарилиши тўғрисида экспертиза хулосаси Иқтисодий тараққиёт ва камбағалликни қисқартириш вазирлиги ҳузуридаги «Лойиҳалар ва импорт контрактларини комплекс экспертиза қилиш маркази» ДУК томонидан берилади.

6. Молия вазирлиги Қишлоқ хўжалиги вазирлиги ва Адлия вазирлиги билан биргаликда уй-иссиқхона мажмуаларини қуриш ва улардан фойдаланиш бўйича туман ҳокимликлари, инвесторлар ва ташаббускор аҳоли ўртасида тузиладиган давлат-хусусий шериклик тўғрисидаги битимнинг намунавий шаклини тайёрлаб, икки ҳафта муддатда Қорақалпоғистон Республикаси Вазирлар Кенгаши ва вилоятлар ҳокимликларига тақдим этсин. Бунда, давлат-хусусий шериклик тўғрисидаги битимнинг намунавий шаклига уй-иссиқхона мажмуасидан инвесторларнинг фойдаланиш муддати ҳамда уй-иссиқхона мажмуасида турар жой ва иссиқхонанинг майдонига оид ва бошқа шартлар киритилади.

7. Қишлоқ хўжалиги вазирлиги Иқтисодий тараққиёт ва камбағалликни қисқартириш вазирлиги, Қорақалпоғистон Республикаси Вазирлар Кенгаши ва вилоятлар ҳокимликлари билан биргаликда бир ой муддатда:

уй-иссиқхона мажмуалари қурилиши учун қишлоқ хўжалигида фойдаланишга киритиладиган ер майдонлари, захирадаги ҳосилдорлиги паст бўлган пахта ва ғалладан қисқарган майдонлар, шунингдек, яроқсиз деб топилган боғ ва токзорлар жойлашган бўш ер майдонларини аниқласин;

битта майдонда камида 100 та уй-иссиқхона мажмуасининг жойлаштирилишини назарда тутган ҳолда, уларнинг жойлаштирилиши бўйича манзилли дастур лойиҳасини ишлаб чиқсин ва Вазирлар Маҳкамасига тасдиқлаш учун киритсин.

Қорақалпоғистон Республикаси Вазирлар Кенгаши ва вилоятлар ҳокимликлари Вазирлар Маҳкамаси томонидан тасдиқланган манзилли дастур асосида инвесторларга уй-иссиқхона мажмуалари қурилиши учун ер майдонларининг белгиланган тартибда ижара ҳуқуқи асосида ажратилишини таъминласин.

8. Иқтисодий тараққиёт ва камбағалликни қисқартириш вазирлиги ҳамда Молия вазирлиги уй-иссиқхона мажмуалари учун ташқи муҳандислик-коммуникация тармоқларини (газ, сув, электр энергияси, ички йўл) тортиш ишларини молиялаштириш мақсадида марказлашган капитал қўйилмалар ҳисобидан маблағлар ажратилишини таъминласин.

9. Қишлоқ хўжалиги вазирлиги:

а) Инновацион ривожланиш вазирлиги, Инвестициялар ва ташқи савдо вазирлиги, тегишли вазирлик ва идоралар билан биргаликда бир ой муддатда қуйидагилар бўйича асослантирилган таклифларни ишлаб чиқсин ва Вазирлар Маҳкамасига киритсин:

хорижий компаниялар ва малакали мутахассисларни жалб қилган ҳолда Бухоро туманида «Замонавий иссиқхона хўжалиги» кўргазмали семинарини ташкил этиш ҳамда унинг доирасида соҳадаги муаммо ва ечимларга қаратилган халқаро илмий-амалий конференцияни ўтказиш;

иссиқхона хўжаликлари фаолиятини қўллаб-қувватлаш мақсадида уруғчилик, навчилик, лаборатория ва логистика масалаларини қамраб оладиган кластер тизимини жорий қилиш;

соҳадаги олий таълим ва профессионал таълим муассасаларида замонавий иссиқхона хўжалигини ташкил этиш, уларда касаллик ва зараркунандаларга қарши курашишнинг самарали усулларини ўқитишни йўлга қўйиш;

б) Бандлик ва меҳнат муносабатлари вазирлиги, Маҳалла ва оилани қўллаб-қувватлаш вазирлиги, Қорақалпоғистон Республикаси Вазирлар Кенгаши ва вилоятлар ҳокимликлари билан биргаликда ҳар йили ўтказиладиган «Ташаббус» кўрик танлови доирасида «Энг илғор иссиқхона хўжалиги» номинациясини жорий этсин;

в) Қорақалпоғистон Республикаси Вазирлар Кенгаши ва вилоятлар ҳокимликлари билан биргаликда замонавий иссиқхона хўжаликларининг аҳамияти, имкониятлари ва қулайликларини кенг жамоатчилик ўртасида тарғиб қилсин. Бунда иссиқхона ва уй-иссиқхона мажмуалари фаолиятини ёритиш ҳамда кенг тарғиб этишга бағишланган кўргазмали нашрлар ва услубий қўлланмаларни яратиш ҳамда аҳолига тарқатиш чораларини кўрсин.

Ушбу бандда назарда тутилган тадбирларни амалга ошириш Боғдорчилик ва иссиқхона хўжалигини ривожлантириш жамғармаси маблағлари ҳисобидан молиялаштирилиши белгилаб қўйилсин.

10. Ўзбекистон миллий телерадиокомпанияси «Маҳалла», «Ўзбекистон 24», «Ёшлар» ва маҳаллий телеканалларда замонавий иссиқхона хўжаликларини қуриш, ресурс тежовчи илғор технологияларни кенг жорий этишга оид махсус кўрсатувлар ташкил этилишини ҳамда мунтазам намойиш этиб борилишини таъминласин.

11. Мазкур қарорнинг ижросини назорат қилишда масъул ва шахсий жавобгар этиб Иқтисодий тараққиёт ва камбағалликни қисқартириш вазирининг биринчи ўринбосари С.М. Холхўжаев белгилансин.

Қарор ижросини ҳар чоракда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазирининг ўринбосари Ж.А. Қўчқоров зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2021 йил 7 июнь,

ПҚ-5138-сон

(Қонунчилик маълумотлари миллий базаси, 08.06.2021 й., 07/21/5138/0534-сон)

lex.uz

Oʻzbekiston Respublikasi Prezidentining

Qarori

Davlat-xususiy sheriklik asosida hududlarda zamonaviy issiqxona xoʻjaliklarini tashkil qilish chora-tadbirlari toʻgʻrisida

Mamlakatda yer va suv resurslaridan oqilona foydalanish, energiya tejamkor texnologiyalarga asoslangan issiqxona xoʻjaliklarini rivojlantirish hamda qishloq xoʻjaligi mahsulotlarini yetishtirish va eksport hajmlarini oshirish, shuningdek, sohaga toʻgʻridan-toʻgʻri xorijiy investitsiyalarni va malakali mutaxassislarni keng jalb qilish, oʻz biznesiga ega oilalarni koʻpaytirish maqsadida:

1. Quyidagilar respublikada zamonaviy issiqxona xoʻjaliklarini tashkil qilishning ustuvor yoʻnalishlari etib belgilansin:

zamonaviy issiqxona xoʻjaliklarini birinchi navbatda, unda yetishtiriladigan mahsulotlar boʻyicha importni qisqartirish va zarur uskuna va texnikalar ishlab chiqarishni mahalliylashtirish hisobiga tashkil etish;

issiqxona xoʻjaliklari uchun urugʻ, koʻchat va oʻgʻitlarning investorlar tomonidan doimiy yetkazib berilishini tashkil etish;

tashkil etiladigan issiqxona xoʻjaliklari uchun toʻliq agroservis xizmatlarini koʻrsatish, malakali agronomlarni biriktirish hamda zamonaviy laboratoriyalarni tashkil etish;

xorijiy mutaxassislarni jalb qilgan holda issiqxona xoʻjaliklari ishchilarini oʻqitish orqali soha boʻyicha yetarli koʻnikmalarga ega boʻlgan mutaxassislarni tayyorlash;

issiqxonalar hosildorligini va samaradorligini yil davomida hosil olish amaliyotini joriy etish orqali oshirish.

2. Iqtisodiy taraqqiyot va kambagʻallikni qisqartirish vazirligi, Investitsiyalar va tashqi savdo vazirligi, Moliya vazirligi va Qishloq xoʻjaligi vazirligining xorijiy va mahalliy investorlar (keyingi oʻrinlarda — investorlar) tomonidan ishlab chiqariladigan zamonaviy va energiya tejamkor uskuna-jihozlardan foydalangan holda issiqxona xoʻjaligiga ega boʻlish va qishloq xoʻjaligi mahsulotlarini yetishtirish istagini bildirgan aholining (keyingi oʻrinlarda — tashabbuskor aholi) talab va ehtiyojlaridan kelib chiqib:

tashabbuskor aholi tomorqalari va xonadonlarida maydoni kamida 10 sotix boʻlgan issiqxonalar (keyingi oʻrinlarda — issiqxonalar) barpo etish;

qishloq xoʻjaligida foydalanishga kiritiladigan yer maydonlari, zaxiradagi hosildorligi past boʻlgan paxta va gʻalladan qisqargan maydonlar, yaroqsiz deb topilgan bogʻ va tokzorlar joylashgan boʻsh yer maydonlarida har birining maydoni kamida 20 sotix boʻlgan turar joy majmuasini ham qamrab olgan issiqxonalar (keyingi oʻrinlarda — uy-issiqxona majmualari) tashkil qilish toʻgʻrisidagi takliflari maʼqullansin.

3. Uy-issiqxona majmualarini qurish, jihozlash va ekspluatatsiya qilish davlat-xususiy sheriklik tamoyili asosida amalga oshirilishi belgilab qoʻyilsin. Bunda, loyiha doirasida:

a) davlat sherigi:

qishloq xoʻjaligida foydalanishga kiritiladigan yer maydonlari, zaxiradagi hosildorligi past boʻlgan paxta va gʻalladan qisqargan maydonlar, shuningdek, yaroqsiz deb topilgan bogʻ va tokzorlar joylashgan boʻsh yer maydonlarini investorlar oʻrtasida oʻtkaziladigan ochiq tanlov yakunlari boʻyicha ijara huquqi asosida ajratadi;

uy-issiqxona majmuasiga tashqi muhandislik-kommunikatsiya tarmoqlari (jumladan gaz, suv, elektr energiyasi, ichki yoʻl) tortilishini taʼminlaydi;

mazkur qarorning 4 va 5-bandlarida koʻrsatilgan imtiyozlarni taqdim etadi;

b) investorlar:

loyiha-oldi va loyiha hujjatlarining (TIA, chizmalar va boshqalar) tayyorlanishi va ekspertizadan oʻtkazilishini taʼminlaydi;

uy-issiqxona majmualarini qurish, jihozlash va ekspluatatsiya qilishga oid loyihalarning konsepsiyasi, loyiha-smeta hujjatlarini “Davlat-xususiy sheriklik toʻgʻrisida”gi Oʻzbekiston Respublikasining Qonunida belgilangan tartibda ishlab chiqadi;

davlat-xususiy sheriklik toʻgʻrisidagi bitimga muvofiq qurilish, jihozlash va ekspluatatsiya qilish xarajatlari boʻyicha majburiyatlarning bajarilishini oʻz mablagʻlari yoki qonunchilik hujjatlarida taqiqlanmagan boshqa manbalar hisobidan amalga oshiradi;

uy-issiqxona majmualari foydalanishga topshirilgan sanadan boshlab shartnomada kelishilgan muddatgacha yetishtirilgan mahsulotlarni tashqi va ichki bozorlarda sotish va hisobini yuritish ishlarini amalga oshiradi;

davlat sherigi va tashabbuskor aholi bilan tuzilgan shartnomalar shartlariga amal qiladi;

uy-issiqxona majmualari foydalanishga topshirilgan sanadan boshlab kelishilgan muddat va miqdorda xizmat haqi toʻlash majburiyatini oʻz zimmasiga oladi va tashabbuskor aholi faoliyat yuritayotgan uy-issiqxona majmuasini davlat-xususiy sheriklik toʻgʻrisidagi bitim muddati tugagandan soʻng davlat sherigiga oʻtkazilgan holda bepul tarzda tashabbuskor aholiga belgilangan tartibda rasmiylashtirilishini taʼminlaydi;

v) tashabbuskor aholi:

uy-issiqxona majmualari foydalanishga topshirilgan sanadan boshlab kelishilgan muddatgacha tuzilgan shartnoma asosida uy-issiqxona majmualarida oʻzini oʻzi band qilgan holda faoliyat olib boradi hamda ularda mahsulotlar yetishtirish bilan shugʻullanadi;

kelishilgan muddat yakunlanganidan soʻng uy-issiqxona majmualarini mulk huquqi asosida, ular joylashgan yerni ijara huquqi asosida (ijara shartnomasining amal qilish muddatiga) bepul qabul qilib oladi hamda kelgusida undan maqsadli va samarali foydalanishni taʼminlaydi.

4. Belgilansinki:

a) tashabbuskor aholini tanlash investorlar va tuman hokimliklari tomonidan amalga oshiriladi;

b) tashabbuskor aholi va investorlarning talablari hamda imkoniyatlaridan kelib chiqib, ular oʻrtasida tuzilgan shartnoma asosida issiqxonalar qurilishi ularning xonadonlari va tomorqalarida tomonlarning oʻz mablagʻlari, shuningdek, qonunchilik hujjatlari bilan taqiqlanmagan boshqa manbalar hisobidan amalga oshiriladi;

v) uy-issiqxona majmualari qurilishi uchun:

investorlarning oʻz mablagʻlari va qonunchilik hujjatlari bilan taqiqlanmagan boshqa manbalar jalb etiladi;

tashqi muhandislik-kommunikatsiya tarmoqlarini (gaz, suv, elektr energiyasi, ichki yoʻl) tortish ishlari mahalliy hokimliklarning “Yagona buyurtmachi xizmati” injiniring kompaniyalari buyurtmalari asosida amalga oshiriladi hamda Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturlarida “Erkin iqtisodiy zonalar, kichik sanoat zonalari hamda qonunchilikda belgilangan tartibda yirik ishlab chiqarish loyihalarini muhandislik-kommunikatsiya infratuzilmasi bilan taʼminlash” yoʻnalishi uchun nazarda tutilgan markazlashgan kapital qoʻyilmalar hisobidan moliyalashtiriladi;

g) issiqxonalar va uy-issiqxona majmualarida mahsulot yetishtirish bilan shugʻullanayotgan fuqarolarga Oʻzbekiston Respublikasi Prezidentining 2020-yil 8-iyundagi “Tadbirkorlik faoliyati va oʻzini oʻzi band qilishni davlat tomonidan tartibga solishni soddalashtirish chora-tadbirlari toʻgʻrisida”gi PQ-4742-son qarorida belgilangan imtiyozlar va shart-sharoitlar tatbiq etiladi.

5. Quyidagilar:

uy-issiqxona majmualarini qurish uchun xorijdan olib kelinadigan, Oʻzbekiston Respublikasida ishlab chiqarilmaydigan yigʻiladigan alohida qismlardan iborat tayyor holdagi zamonaviy issiqxonalar 2021-yilning 31-dekabriga qadar bojxona bojidan ozod qilinsin;

issiqxonalar va uy-issiqxona majmualarini ishlab chiqarish uchun xorijdan olib kelinadigan, Oʻzbekiston Respublikasida ishlab chiqarilmaydigan materiallar, xomashyolar va butlovchi qismlar 2023-yilning 31-dekabriga qadar bojxona bojidan ozod qilinsin;

issiqxonalar va uy-issiqxona majmualari uchun yer soligʻi stavkalari hamda uy-issiqxona majmualari tarkibidagi turar joylar uchun mol-mulk soligʻi stavkalari ular foydalanishga topshirilgan sanadan boshlab uch yil davomida 50 foiz miqdorida oʻrnatilsin.

Bunda, import qilinadigan tovarlarning Oʻzbekiston Respublikasida ishlab chiqarilishi toʻgʻrisida ekspertiza xulosasi Iqtisodiy taraqqiyot va kambagʻallikni qisqartirish vazirligi huzuridagi “Loyihalar va import kontraktlarini kompleks ekspertiza qilish markazi” DUK tomonidan beriladi.

6. Moliya vazirligi Qishloq xoʻjaligi vazirligi va Adliya vazirligi bilan birgalikda uy-issiqxona majmualarini qurish va ulardan foydalanish boʻyicha tuman hokimliklari, investorlar va tashabbuskor aholi oʻrtasida tuziladigan davlat-xususiy sheriklik toʻgʻrisidagi bitimning namunaviy shaklini tayyorlab, ikki hafta muddatda Qoraqalpogʻiston Respublikasi Vazirlar Kengashi va viloyatlar hokimliklariga taqdim etsin. Bunda, davlat-xususiy sheriklik toʻgʻrisidagi bitimning namunaviy shakliga uy-issiqxona majmuasidan investorlarning foydalanish muddati hamda uy-issiqxona majmuasida turar joy va issiqxonaning maydoniga oid va boshqa shartlar kiritiladi.

7. Qishloq xoʻjaligi vazirligi Iqtisodiy taraqqiyot va kambagʻallikni qisqartirish vazirligi, Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda bir oy muddatda:

uy-issiqxona majmualari qurilishi uchun qishloq xoʻjaligida foydalanishga kiritiladigan yer maydonlari, zaxiradagi hosildorligi past boʻlgan paxta va gʻalladan qisqargan maydonlar, shuningdek, yaroqsiz deb topilgan bogʻ va tokzorlar joylashgan boʻsh yer maydonlarini aniqlasin;

bitta maydonda kamida 100 ta uy-issiqxona majmuasining joylashtirilishini nazarda tutgan holda, ularning joylashtirilishi boʻyicha manzilli dastur loyihasini ishlab chiqsin va Vazirlar Mahkamasiga tasdiqlash uchun kiritsin.

Qoraqalpogʻiston Respublikasi Vazirlar Kengashi va viloyatlar hokimliklari Vazirlar Mahkamasi tomonidan tasdiqlangan manzilli dastur asosida investorlarga uy-issiqxona majmualari qurilishi uchun yer maydonlarining belgilangan tartibda ijara huquqi asosida ajratilishini taʼminlasin.

8. Iqtisodiy taraqqiyot va kambagʻallikni qisqartirish vazirligi hamda Moliya vazirligi uy-issiqxona majmualari uchun tashqi muhandislik-kommunikatsiya tarmoqlarini (gaz, suv, elektr energiyasi, ichki yoʻl) tortish ishlarini moliyalashtirish maqsadida markazlashgan kapital qoʻyilmalar hisobidan mablagʻlar ajratilishini taʼminlasin.

9. Qishloq xoʻjaligi vazirligi:

a) Innovatsion rivojlanish vazirligi, Investitsiyalar va tashqi savdo vazirligi, tegishli vazirlik va idoralar bilan birgalikda bir oy muddatda quyidagilar boʻyicha asoslantirilgan takliflarni ishlab chiqsin va Vazirlar Mahkamasiga kiritsin:

xorijiy kompaniyalar va malakali mutaxassislarni jalb qilgan holda Buxoro tumanida “Zamonaviy issiqxona xoʻjaligi” koʻrgazmali seminarini tashkil etish hamda uning doirasida sohadagi muammo va yechimlarga qaratilgan xalqaro ilmiy-amaliy konferensiyani oʻtkazish;

issiqxona xoʻjaliklari faoliyatini qoʻllab-quvvatlash maqsadida urugʻchilik, navchilik, laboratoriya va logistika masalalarini qamrab oladigan klaster tizimini joriy qilish;

sohadagi oliy taʼlim va professional taʼlim muassasalarida zamonaviy issiqxona xoʻjaligini tashkil etish, ularda kasallik va zararkunandalarga qarshi kurashishning samarali usullarini oʻqitishni yoʻlga qoʻyish;

b) Bandlik va mehnat munosabatlari vazirligi, Mahalla va oilani qoʻllab-quvvatlash vazirligi, Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda har yili oʻtkaziladigan “Tashabbus” koʻrik tanlovi doirasida “Eng ilgʻor issiqxona xoʻjaligi” nominatsiyasini joriy etsin;

v) Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda zamonaviy issiqxona xoʻjaliklarining ahamiyati, imkoniyatlari va qulayliklarini keng jamoatchilik oʻrtasida targʻib qilsin. Bunda issiqxona va uy-issiqxona majmualari faoliyatini yoritish hamda keng targʻib etishga bagʻishlangan koʻrgazmali nashrlar va uslubiy qoʻllanmalarni yaratish hamda aholiga tarqatish choralarini koʻrsin.

Ushbu bandda nazarda tutilgan tadbirlarni amalga oshirish Bogʻdorchilik va issiqxona xoʻjaligini rivojlantirish jamgʻarmasi mablagʻlari hisobidan moliyalashtirilishi belgilab qoʻyilsin.

10. Oʻzbekiston milliy teleradiokompaniyasi “Mahalla”, “Oʻzbekiston 24”, “Yoshlar” va mahalliy telekanallarda zamonaviy issiqxona xoʻjaliklarini qurish, resurs tejovchi ilgʻor texnologiyalarni keng joriy etishga oid maxsus koʻrsatuvlar tashkil etilishini hamda muntazam namoyish etib borilishini taʼminlasin.

11. Mazkur qarorning ijrosini nazorat qilishda masʼul va shaxsiy javobgar etib Iqtisodiy taraqqiyot va kambagʻallikni qisqartirish vazirining birinchi oʻrinbosari S.M. Xolxoʻjayev belgilansin.

Qaror ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2021-yil 7-iyun,

PQ-5138-son

(Qonunchilik maʼlumotlari milliy bazasi, 08.06.2021-y., 07/21/5138/0534-son)

lex.uz

Президента Республики Узбекистан

Постановление

О мерах по созданию современных тепличных хозяйств в регионах на основе государственно-частного партнерства

В целях рационального использования земельных и водных ресурсов, развития тепличных хозяйств, основанных на энергосберегающих технологиях, наращивания производства и объемов экспорта сельскохозяйственной продукции, а также широкого привлечения в сферу прямых иностранных инвестиций и квалифицированных специалистов и увеличения в стране количества семей, имеющих собственный бизнес:

1. Определить приоритетными направлениями создания в республике современных тепличных хозяйств:

создание современных тепличных хозяйств в первую очередь за счет сокращения импорта продукции, производимой в этих хозяйствах и локализации необходимого оборудования и техники;

организацию регулярной поставки инвесторами семян, рассады и удобрений для тепличных хозяйств;

оказание полного цикла агросервисных услуг, закрепление квалифицированных агрономов и организацию современных лабораторий в создаваемых тепличных хозяйствах;

подготовку специалистов, обладающих достаточными навыками в данной сфере, путем обучения работников тепличных хозяйств с привлечением зарубежных специалистов;

повышение урожайности и эффективности теплиц путем внедрения практики получения урожая на протяжении всего года.

2. Одобрить предложения Министерства экономического развития и сокращения бедности, Министерства инвестиций и внешней торговли, Министерства финансов и Министерства сельского хозяйства, исходящие из требований и нужд населения, изъявившего желание обладания тепличным хозяйством и выращивания сельскохозяйственной продукции (далее — инициативное население) с использованием современного энергосберегающего оборудования и инвентаря, производимых зарубежными и отечественными инвесторами (далее — инвесторы), предусматривающие:

строительство теплиц (далее — теплицы) на приусадебных участках и в домохозяйствах инициативного населения площадью не менее 10 соток;

создание теплиц на земельных площадях, вводимых в сельскохозяйственный оборот, резервных низкоурожайных земельных площадях, высвобождаемых из-под хлопка и зерновых, а также пустующих земельных площадях, признанных непригодными, занятых садами и виноградниками, площадью каждая не менее 20 соток, охватывающих также жилые комплексы (далее — жилищно-тепличные комплексы).

3. Определить, что строительство, оснащение и эксплуатация жилищно-тепличных комплексов осуществляются на основе государственно-частного партнерства. При этом в рамках проекта:

а) государственный партнер:

выделяет земельные площади, вводимые в сельскохозяйственный оборот, резервные низкоурожайные земельные площади, высвобождаемые из-под хлопка и зерновых, а также пустующие земельные площади, признанные непригодными, занятые садами и виноградниками, — на основе права аренды по итогам открытого конкурса, проводимого среди инвесторов;

обеспечивает прокладку внешних инженерно-коммуникационных сетей (в том числе газа, воды, электрической энергии, внутренних дорог) к жилищно-тепличным комплексам;

предоставляет льготы, указанные в пунктах 4 и 5 настоящего постановления;

б) инвесторы:

обеспечивают подготовку и проведение экспертизы предпроектной и проектной документации (технико-экономического обоснования, чертежей и иной);

разрабатывают концепцию и проектно-сметную документацию проектов строительства, оснащения и эксплуатации жилищно-тепличных комплексов в порядке, установленном Законом Республики Узбекистан «О государственно-частном партнерстве»;

выполняют обязательства по финансированию расходов на строительство, оснащение и эксплуатацию жилищно-тепличных комплексов за счет собственных средств либо иных источников, не запрещенных актами законодательства;

проводят работы по учету и реализации произведенной продукции на внешнем и внутреннем рынках, начиная с даты введения в эксплуатацию жилищно-тепличных комплексов до срока, установленного в договоре;

соблюдают условия договоров, заключенных с государственным партнером и инициативным населением;

берут на себя обязательство оплаты услуг в согласованные сроки и в согласованном размере, начиная с даты введения в эксплуатацию жилищно-тепличных комплексов, обеспечивают безвозмездное оформление инициативному населению жилищно-тепличных комплексов, в которых оно осуществляет деятельность с передачей государственному партнеру после истечения срока соглашения о государственно-частном партнерстве;

в) инициативное население:

осуществляет деятельность в жилищно-тепличных комплексах на основании договора, заключенного с даты их введения в эксплуатацию до согласованного срока, и занимается производством продукции в этих комплексах в форме самозанятости;

принимает на безвозмездной основе жилищно-тепличные комплексы по истечении согласованного срока — на основе права собственности, земли, на которой они расположены, — на основе права аренды (на срок действия договора аренды) с обеспечением в дальнейшем целевой и эффективной эксплуатации жилищно-тепличных комплексов.

4. Установить, что:

а) отбор инициативного населения проводится инвесторами и хокимиятами районов;

б) теплицы строятся на приусадебных участках и в домохозяйствах инициативного населения исходя из требований и возможностей инициативного населения и инвесторов на основе договора, заключенного между ними, за счет собственных средств сторон, а также иных источников, не запрещенных актами законодательства;

в) в целях строительства жилищно-тепличных комплексов:

привлекаются собственные средства инвесторов и иные источники, не запрещенные актами законодательства;

прокладка внешних инженерно-коммуникационных сетей (газа, воды, электрической энергии, внутренних дорог) проводится на основании заказов инжиниринговых компаний «Служба единого заказчика» при местных хокимиятах, а также за счет централизованных капитальных вложений, предусмотренных в программах развития социальной и производственной инфраструктуры Республики Узбекистан для направления «Обеспечение инженерно-коммуникационной инфраструктурой свободных экономических зон, малых промышленных зон и в установленном законодательством порядке крупных производственных проектов»;

г) на граждан, занимающихся производством продукции в теплицах и жилищно-тепличных комплексах, распространяются льготы и условия, определенные постановлением Президента Республики Узбекистан от 8 июня 2020 года № ПП-4742 «О мерах по упрощению государственного регулирования предпринимательской деятельности и самозанятости».

5. Определить, что:

на срок до 31 декабря 2021 года готовые современные теплицы, состоящие из отдельных сборных частей, не производимых в Республике Узбекистан, ввозимых из-за рубежа для строительства жилищно-тепличных комплексов освобождаются от таможенной пошлины;

на срок до 31 декабря 2023 года материалы, сырье и комплектующие, ввозимые из-за рубежа для производства теплиц и жилищно-тепличных комплексов, не производимых в Республике Узбекистан, освобождаются от таможенной пошлины;

ставки земельного налога для теплиц и жилищно-тепличных комплексов, а также ставки налога на имущество для жилых помещений в составе жилищно-тепличных комплексов устанавливаются в размере 50 процентов на протяжении трех лет, начиная с даты их ввода в эксплуатацию.

При этом экспертное заключение о производстве в Республике Узбекистан импортируемых товаров выдается Государственным унитарным предприятием «Центр комплексной экспертизы проектов и импортных контрактов» при Министерстве экономического развития и сокращения бедности.

6. Министерству финансов совместно с Министерством сельского хозяйства и Министерством юстиции подготовить и в двухнедельный срок представить в Совет Министров Республики Каракалпакстан и хокимияты областей типовую форму договора о государственно-частном партнерстве, заключаемого между хокимиятом района, инвесторами и инициативным населением по строительству и эксплуатации жилищно-тепличных комплексов. При этом включить в типовую форму договора о государственно-частном партнерстве срок эксплуатации инвесторами жилищно-тепличных комплексов и условия, связанные с указанием жилой площади и площади теплиц в жилищно-тепличных комплексах, а также иные условия.

7. Министерству сельского хозяйства совместно с Министерством экономического развития и сокращения бедности, Советом Министров Республики Каракалпакстан и хокимиятами областей в месячный срок:

определить земельные площади, вводимые в сельскохозяйственный оборот, резервные низкоурожайные земельные площади, высвобождаемые из-под хлопка и зерновых, а также пустующие земельные площади, признанные непригодными, занятые садами и виноградниками, для строительства жилищно-тепличных комплексов;

разработать и внести на утверждение в Кабинет Министров проект Адресной программы размещения жилищно-тепличных комплексов, предусматривающей размещение на одной площади не менее 100 таких комплексов.

Совету Министров Республики Каракалпакстан и хокимиятам областей на основании Адресной программы, утвержденной Кабинетом Министров, обеспечить в установленном порядке выделение инвесторам земельных площадей под строительство жилищно-тепличных комплексов на основе права аренды.

8. Министерству экономического развития и сокращения бедности и Министерству финансов обеспечить выделение средств за счет централизованных капитальных вложений для финансирования работ по прокладке внешних инженерно-коммуникационных сетей (газа, воды, электрической энергии, внутренних дорог) к жилищно-тепличным комплексам.

9. Министерству сельского хозяйства совместно с:

а) Министерством инновационного развития, Министерством инвестиций и внешней торговли, а также соответствующими министерствами и ведомствами в месячный срок разработать и внести в Кабинет Министров обоснованные предложения по:

организации в Бухарском районе показательного семинара «Современное тепличное хозяйство» с привлечением зарубежных компаний и квалифицированных специалистов, а также проведению в его рамках международной научно-практической конференции, направленной на решение проблем и поиск новых подходов в данной сфере;

внедрению кластерной системы, охватывающей вопросы семеноведения, сортоведения, лабораторных исследований и логистики, в целях поддержки деятельности тепличных хозяйств;

преподаванию в профильных высших и профессиональных образовательных учреждениях современных методов создания тепличных хозяйств, а также борьбы с болезнями и вредителями в тепличных хозяйствах;

б) Министерством занятости и трудовых отношений, Министерством по поддержке махалли и семьи, Советом Министров Республики Каракалпакстан и хокимиятами областей в рамках ежегодно проводимого смотра-конкурса «Ташаббус» ввести номинацию «Самое передовое тепличное хозяйство»;

в) Советом Министров Республики Каракалпакстан и хокимиятами областей пропагандировать значение, возможности и удобства современных тепличных хозяйств среди широкой общественности. При этом принять меры по созданию и распространению среди населения наглядных изданий и методических пособий, посвященных освещению и широкой пропаганде деятельности теплиц и жилищно-тепличных комплексов.

Определить, что реализация мероприятий, предусмотренных настоящим пунктом, финансируется за счет средств Фонда развития садоводства и тепличного хозяйства.

10. Национальной телерадиокомпании Узбекистана обеспечить организацию и регулярную трансляцию на телеканалах «Маҳалла», «Ўзбекистон 24», «Ёшлар» и региональных телеканалах специальных передач о строительстве современных тепличных хозяйств и широком внедрении ресурсосберегающих передовых технологий.

11. Возложить на первого заместителя министра экономического развития и сокращения бедности С.М. Холхужаева персональную ответственность за осуществление контроля исполнения настоящего постановления.

Ежеквартальное обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на заместителя Премьер-министра Республики Узбекистан Д.А. Кучкарова.

Президент Республики Узбекистан Ш. МИРЗИЁЕВ

г. Ташкент,

7 июня 2021 г.,

№ ПП-5138

(Национальная база данных законодательства, 08.06.2021 г., № 07/21/5138/0534)

lex.uz