📅 2021-yil 9-iyun · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 9 июнь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 9 июня 2021 г. · Постановления Кабинета Министров
Официальный текст. Официальный документ. Редакционные примечания не включены.
📅 9 June 2021 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ТУЗИЛМАСИ
намунавий тузилмаси
Ўзбекистон Республикаси Вазирлар Маҳкамаси ҳузуридаги Қатағон қурбонлари хотираси давлат музейи ва ҳудудлардаги олий таълим муассасалари тузилмасидаги Қатағон қурбонлари хотираси музейлари ҳамда «Шаҳидлар хотираси» жамоат фондини қўллаб-қувватлаш тўғрисида
Ўзбекистон Республикаси Президентининг «Қатағон қурбонларининг меросини янада чуқур ўрганиш ва уларнинг хотирасини абадийлаштиришга доир қўшимча чора-тадбирлар тўғрисида» 2020 йил 8 октябрдаги Ф-5598-сон фармойиши ижросини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Олий ва ўрта махсус таълим вазирлиги Вазирлар Маҳкамаси ҳузуридаги Қатағон қурбонлари хотираси давлат музейи, Қорақалпоғистон Республикаси Вазирлар Кенгаши ва вилоятлар ҳокимликлари билан биргаликда бир ой муддатда олий таълим муассасалари тузилмаларидаги Қатағон қурбонлари хотираси музейлари (кейинги ўринларда — ҳудудий музейлар) фаолиятини такомиллаштириш бўйича чора-тадбирлар режасини ишлаб чиқсин ва тасдиқласин. Бунда:
соҳа мутахассисларидан иборат ишчи гуруҳ тузган ҳолда, ҳудудий музейлар фаолияти ҳамда моддий-техник базаси танқидий ва таҳлилий ўрганилиши;
зарур ҳолларда, ҳудудий музейларнинг етарли шароит мавжуд бўлган биноларга жойлаштирилиши, уларга экспозиция заллари, музей фонди ва ходимлар фаолияти учун хоналар, мебель жиҳозлари, замонавий техник асбоб-ускуналар, шунингдек, белгиланган тартибда техник ва хизмат кўрсатувчи (фаррош, электрик ва бошқа) ходимлар ажратилиши;
ҳудудий музей раҳбарларининг сўровлари асосида уларнинг хизмат сафарларига (ҳудуддаги туман ва шаҳарларга) боришлари учун олий таълим муассасасидаги мавжуд навбатчи енгил автотранспот воситаларидан (ёқилғи билан таъминлаган ҳолда) фойдаланишлари назарда тутилсин.
2. «Шаҳидлар хотираси» жамоат фонди ҳисобварағи барча жисмоний ва юридик шахслар, халқаро ва хорижий ташкилотлар томонидан ҳомийлик хайрияларини ихтиёрий тарзда тушириш учун очиқ эканлиги маълумот учун қабул қилинсин.
3. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари:
2021 йилнинг 15 июнига қадар Қорақалпоғистон Республикаси, вилоятлар ва Тошкент шаҳри бўйича тайёрланган кўп жилдлик «Қатағон қурбонлари» хотира китобларини нашр этиш учун Вазирлар Маҳкамаси ҳузуридаги Қатағон қурбонлари хотираси давлат музейи талабномасига кўра зарур маблағларни «Шаҳидлар хотираси» хайрия фондига ажратсин;
2021 йилнинг 1 июлига қадар «Шаҳидлар хотираси» хайрия фондининг бўлимлари фаолиятини ривожлантириш ва молиялаштириш манбаларини диверсификация қилиш бўйича зарур чора-тадбирларни амалга оширсин.
4. Ўзбекистон Республикаси Адлия вазирлиги ҳузуридаги «Ўзархив» агентлиги давлат архивларида сақланаётган қатағон сиёсати акс эттирилган архив ҳужжатларининг электрон нусхалари доимий равишда ҳудудий музейларга бепул тақдим этилишини таъминласин.
5. Вазирлар Маҳкамасининг «Ўзбекистон Республикаси Вазирлар Маҳкамаси ҳузуридаги Қатағон қурбонлари хотираси давлат музейи ва ҳудудлардаги олий таълим муассасалари тузилмасида Қатағон қурбонлари хотираси музейларини ташкил этиш чора-тадбирлари тўғрисида» 2017 йил 22 ноябрдаги 936-сон қарорига иловага мувофиқ ўзгартиришлар ва қўшимча киритилсин.
6. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари — туризм ва спорт вазири А.А. Абдухакимов ҳамда Ўзбекистон Республикаси олий ва ўрта махсус таълим вазири А.Х. Тошқулов зиммасига юклансин.
Вазирлар Маҳкамасининг 2021 йил 9 июндаги 357-сон қарорига ИЛОВА
Вазирлар Маҳкамасининг «Ўзбекистон Республикаси Вазирлар Маҳкамаси ҳузуридаги Қатағон қурбонлари хотираси давлат музейи ва ҳудудлардаги олий таълим муассасалари тузилмасида Қатағон қурбонлари хотираси музейларини ташкил этиш чора-тадбирлари тўғрисида» 2017 йил 22 ноябрдаги 936-сон қарорига киритилаётган ўзгартиришлар ва қўшимча
1. 7-бандда :
а) олтинчи хатбоши қуйидаги таҳрирда баён қилинсин:
«Музей ҳамда олий таълим муассасалари тузилмасидаги Қатағон қурбонлари хотираси музейлари раҳбар ва илмий ходимларининг иш ҳақлари Ўзбекистон Республикаси Давлат бюджети маблағлари ҳисобидан фундаментал, амалий тадқиқотлар ва инновацион ишларнинг илмий-техник дастурларини амалга оширишда қатнашувчи илмий-тадқиқот муассасалари раҳбар ва илмий ходимларининг базавий лавозим маошлари миқдорларига тенглаштирилади. Музей директори ўринбосарларининг базавий лавозим маоши Музей директорининг лавозим маошига нисбатан 5 фоизга камайтирилган ҳолда белгиланади»;
б) қуйидаги мазмундаги еттинчи хатбоши қўшилсин:
«Музей тузилмасидаги бошқарув, маъмурий-хўжалик ва мутахассис ходимларнинг иш ҳақлари Фанлар академияси илмий-тадқиқот муассасаларининг бошқарув ва ёрдамчи ходимларининг базавий лавозим маоши миқдорларига, бошқа ходимларнинг лавозим маошлари эса давлат музейлари ходимлари меҳнатига ҳақ тўлаш бўйича базавий лавозим маошлари миқдорларига тенглаштирилсин»;
в) еттинчи ва саккизинчи хатбошилар тегишлича саккизинчи ва тўққизинчи хатбошилар деб ҳисоблансин.
2. 1 ва 3-иловалар қуйидаги таҳрирда баён қилинсин:
«Вазирлар Маҳкамасининг 2017 йил 22 ноябрдаги 936-сон қарорига 1-ИЛОВА
Ўзбекистон Республикаси Вазирлар Маҳкамаси ҳузуридаги Қатағон қурбонлари хотираси давлат музейининг
Директор Музей ва ҳудудий музейлар директорлари кенгаши Илмий кенгаш Директорнинг илмий ишлар бўйича ўринбосари Директорнинг умумий ишлар бўйича ўринбосари Юрисконсульт Фонд бўлими 3 Бухгалтерия 2 Ходимлар бўлими 1 Экскурсоводлар бўлими 4 Маъмурий-хўжалик бўлими 4 Халқаро алоқалар бўлими 1 Илмий бўлим 5 Музей кузатувчилари 5 Биринчи бўлим 1 Экспозиция бўлими 4
Вазирлар Маҳкамасининг 2017 йил 22 ноябрдаги 936-сон қарорига 3-ИЛОВА
Ҳудудлардаги олий таълим муассасаларининг тузилмасидаги Қатағон қурбонлари хотираси музейларининг
Олий таълим муассасаси ректори Музей директори Илмий ва мутахассис ходимлар бўлими 2 Фондлар бўлими 1 Экскурсовод ва музей назоратчилари бўлими 2
Ўзбекистон Республикасининг Бош вазири А. АРИПОВ
Тошкент ш.,
2021 йил 9 июнь,
357-сон
Oʻzbekiston Respublikasi Vazirlar Mahkamasining
qarori
TUZILMASI
namunaviy tuzilmasi
Oʻzbekiston Respublikasi Vazirlar Mahkamasi huzuridagi Qatagʻon qurbonlari xotirasi davlat muzeyi va hududlardagi oliy taʼlim muassasalari tuzilmasidagi Qatagʻon qurbonlari xotirasi muzeylari hamda “Shahidlar xotirasi” jamoat fondini qoʻllab-quvvatlash toʻgʻrisida
Oʻzbekiston Respublikasi Prezidentining “Qatagʻon qurbonlarining merosini yanada chuqur oʻrganish va ularning xotirasini abadiylashtirishga doir qoʻshimcha chora-tadbirlar toʻgʻrisida” 2020-yil 8-oktabrdagi F-5598-son farmoyishi ijrosini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Oliy va oʻrta maxsus taʼlim vazirligi Vazirlar Mahkamasi huzuridagi Qatagʻon qurbonlari xotirasi davlat muzeyi, Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda bir oy muddatda oliy taʼlim muassasalari tuzilmalaridagi Qatagʻon qurbonlari xotirasi muzeylari (keyingi oʻrinlarda — hududiy muzeylar) faoliyatini takomillashtirish boʻyicha chora-tadbirlar rejasini ishlab chiqsin va tasdiqlasin. Bunda:
soha mutaxassislaridan iborat ishchi guruh tuzgan holda, hududiy muzeylar faoliyati hamda moddiy-texnik bazasi tanqidiy va tahliliy oʻrganilishi;
zarur hollarda, hududiy muzeylarning yetarli sharoit mavjud boʻlgan binolarga joylashtirilishi, ularga ekspozitsiya zallari, muzey fondi va xodimlar faoliyati uchun xonalar, mebel jihozlari, zamonaviy texnik asbob-uskunalar, shuningdek, belgilangan tartibda texnik va xizmat koʻrsatuvchi (farrosh, elektrik va boshqa) xodimlar ajratilishi;
hududiy muzey rahbarlarining soʻrovlari asosida ularning xizmat safarlariga (hududdagi tuman va shaharlarga) borishlari uchun oliy taʼlim muassasasidagi mavjud navbatchi yengil avtotranspot vositalaridan (yoqilgʻi bilan taʼminlagan holda) foydalanishlari nazarda tutilsin.
2. “Shahidlar xotirasi” jamoat fondi hisobvaragʻi barcha jismoniy va yuridik shaxslar, xalqaro va xorijiy tashkilotlar tomonidan homiylik xayriyalarini ixtiyoriy tarzda tushirish uchun ochiq ekanligi maʼlumot uchun qabul qilinsin.
3. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:
2021-yilning 15-iyuniga qadar Qoraqalpogʻiston Respublikasi, viloyatlar va Toshkent shahri boʻyicha tayyorlangan koʻp jildlik “Qatagʻon qurbonlari” xotira kitoblarini nashr etish uchun Vazirlar Mahkamasi huzuridagi Qatagʻon qurbonlari xotirasi davlat muzeyi talabnomasiga koʻra zarur mablagʻlarni “Shahidlar xotirasi” xayriya fondiga ajratsin;
2021-yilning 1-iyuliga qadar “Shahidlar xotirasi” xayriya fondining boʻlimlari faoliyatini rivojlantirish va moliyalashtirish manbalarini diversifikatsiya qilish boʻyicha zarur chora-tadbirlarni amalga oshirsin.
4. Oʻzbekiston Respublikasi Adliya vazirligi huzuridagi “Oʻzarxiv” agentligi davlat arxivlarida saqlanayotgan qatagʻon siyosati aks ettirilgan arxiv hujjatlarining elektron nusxalari doimiy ravishda hududiy muzeylarga bepul taqdim etilishini taʼminlasin.
5. Vazirlar Mahkamasining “Oʻzbekiston Respublikasi Vazirlar Mahkamasi huzuridagi Qatagʻon qurbonlari xotirasi davlat muzeyi va hududlardagi oliy taʼlim muassasalari tuzilmasida Qatagʻon qurbonlari xotirasi muzeylarini tashkil etish chora-tadbirlari toʻgʻrisida” 2017-yil 22-noyabrdagi 936-son qaroriga ilovaga muvofiq oʻzgartirishlar va qoʻshimcha kiritilsin.
6. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari — turizm va sport vaziri A.A. Abduxakimov hamda Oʻzbekiston Respublikasi oliy va oʻrta maxsus taʼlim vaziri A.X. Toshqulov zimmasiga yuklansin.
Vazirlar Mahkamasining 2021-yil 9-iyundagi 357-son qaroriga ILOVA
Vazirlar Mahkamasining “Oʻzbekiston Respublikasi Vazirlar Mahkamasi huzuridagi Qatagʻon qurbonlari xotirasi davlat muzeyi va hududlardagi oliy taʼlim muassasalari tuzilmasida Qatagʻon qurbonlari xotirasi muzeylarini tashkil etish chora-tadbirlari toʻgʻrisida” 2017-yil 22-noyabrdagi 936-son qaroriga kiritilayotgan oʻzgartirishlar va qoʻshimcha
1. 7-bandda :
a) oltinchi xatboshi quyidagi tahrirda bayon qilinsin:
“Muzey hamda oliy taʼlim muassasalari tuzilmasidagi Qatagʻon qurbonlari xotirasi muzeylari rahbar va ilmiy xodimlarining ish haqlari Oʻzbekiston Respublikasi Davlat budjeti mablagʻlari hisobidan fundamental, amaliy tadqiqotlar va innovatsion ishlarning ilmiy-texnik dasturlarini amalga oshirishda qatnashuvchi ilmiy-tadqiqot muassasalari rahbar va ilmiy xodimlarining bazaviy lavozim maoshlari miqdorlariga tenglashtiriladi. Muzey direktori oʻrinbosarlarining bazaviy lavozim maoshi Muzey direktorining lavozim maoshiga nisbatan 5 foizga kamaytirilgan holda belgilanadi”;
b) quyidagi mazmundagi yettinchi xatboshi qoʻshilsin:
“Muzey tuzilmasidagi boshqaruv, maʼmuriy-xoʻjalik va mutaxassis xodimlarning ish haqlari Fanlar akademiyasi ilmiy-tadqiqot muassasalarining boshqaruv va yordamchi xodimlarining bazaviy lavozim maoshi miqdorlariga, boshqa xodimlarning lavozim maoshlari esa davlat muzeylari xodimlari mehnatiga haq toʻlash boʻyicha bazaviy lavozim maoshlari miqdorlariga tenglashtirilsin”;
v) yettinchi va sakkizinchi xatboshilar tegishlicha sakkizinchi va toʻqqizinchi xatboshilar deb hisoblansin.
2. 1 va 3-ilovalar quyidagi tahrirda bayon qilinsin:
“Vazirlar Mahkamasining 2017-yil 22-noyabrdagi 936-son qaroriga 1-ILOVA
Oʻzbekiston Respublikasi Vazirlar Mahkamasi huzuridagi Qatagʻon qurbonlari xotirasi davlat muzeyining
Direktor Muzey va hududiy muzeylar direktorlari kengashi Ilmiy kengash Direktorning ilmiy ishlar boʻyicha oʻrinbosari Direktorning umumiy ishlar boʻyicha oʻrinbosari Yuriskonsult Fond boʻlimi 3 Buxgalteriya 2 Xodimlar boʻlimi 1 Ekskursovodlar boʻlimi 4 Maʼmuriy-xoʻjalik boʻlimi 4 Xalqaro aloqalar boʻlimi 1 Ilmiy boʻlim 5 Muzey kuzatuvchilari 5 Birinchi boʻlim 1 Ekspozitsiya boʻlimi 4
Vazirlar Mahkamasining 2017-yil 22-noyabrdagi 936-son qaroriga 3-ILOVA
Hududlardagi oliy taʼlim muassasalarining tuzilmasidagi Qatagʻon qurbonlari xotirasi muzeylarining
Oliy taʼlim muassasasi rektori Muzey direktori Ilmiy va mutaxassis xodimlar boʻlimi 2 Fondlar boʻlimi 1 Ekskursovod va muzey nazoratchilari boʻlimi 2
Oʻzbekiston Respublikasining Bosh vaziri A. ARIPOV
Toshkent sh.,
2021-yil 9-iyun,
357-son