📅 2021-yil 16-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 16 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 16 июня 2021 г. · Постановления Президента
Официальный текст. Официальный документ. Редакционные примечания не включены.
📅 16 June 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Аҳолининг жисмоний тайёргарлик даражасини баҳолаш тизимини жорий этишнинг ташкилий чора-тадбирлари тўғрисида
Мамлакатимизда жисмоний тарбия ва спортни янада ривожлантириш, уларни оммавий ҳаракатга айлантириш, аҳолининг жисмоний қобилиятини аниқлаш ва рағбатлантириш, зарарли одатлар ҳамда турли касалликларнинг олдини олиш ва соғлом турмуш тарзи кўникмаларини шакллантириш, шунингдек, Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Ёшларни қўллаб-қувватлаш ва аҳоли саломатлигини мустаҳкамлаш йили»да амалга оширишга оид давлат дастури ижросини таъминлаш мақсадида:
1. 2021 йил 1 августдан бошлаб Аҳолининг жисмоний тайёргарлик даражасини баҳолаш тизими (кейинги ўринларда — баҳолаш тизими) жорий этилсин ва қуйидагилар унинг асосий мақсади этиб белгилансин:
аҳолининг барча қатламлари ўртасида жисмоний тарбия ва спортни оммалаштириш орқали жисмоний қобилият ва ҳаракат фаоллигини такомиллаштириш ҳамда зарарли одатлар ва турли касалликларнинг олдини олиш, шунингдек, соғлом турмуш тарзи кўникмаларини шакллантириш ва жисмоний тайёргарлик даражасини ошириш;
ёшларда ирода, ўз кучи ва имкониятларига ишонч каби фазилатларни мустаҳкамлаш, уларда жасорат, ватанпарварлик ва садоқат хислатларини ривожлантириш, юртимиз шарафини ҳимоя қила оладиган, жисмонан бақувват ва интеллектуал салоҳиятли Ватан мудофаасига муносиб захира кадрларни тайёрлаш;
республика ҳудудида, шу жумладан олис ҳудудларда жойлашган қишлоқлар, овуллар, маҳаллаларда аҳолини соғломлаштириш ишларини янада ривожлантириш;
аҳоли жисмоний тайёргарлик даражасини баҳолашнинг халқаро стандартлари ва илғор хорижий тажрибасини татбиқ этиш.
2. Белгилаб қўйилсинки:
баҳолаш тизими бўйича спорт синовлари (кейинги ўринларда — спорт синовлари) махсус ва ихтиёрий равишда аҳолининг етти ёшдан етмиш ёшгача бўлган қатлами ва ундан катталарнинг жисмоний тайёргарлигини аниқлайди;
спорт синовлари поғона ва мураккаблик даражасидан келиб чиқиб, 15 турдаги, шу жумладан узоқ ва қисқа масофаларга югуриш ҳамда сузиш, турникда тортилиш, анжомларни улоқтириш ва бошқа машқлардан иборат бўлади;
спорт синовлари иштирокчиларига 11 та ёш тоифаси бўйича эгаллаган ўрни ва даражасига қараб спорт разрядлари ва унвонлари берилади ҳамда улар моддий ва бошқа совғалар билан рағбатлантирилади;
Туризм ва спорт вазирлиги спорт синовлари тадбирлари ўтказилишининг ташкилотчиси ҳисобланади.
3. Қуйидагилар:
Спорт синовларининг ўтказилишини таъминлаш бўйича Республика комиссияси (кейинги ўринларда — Республика комиссияси) таркиби 1-иловага мувофиқ;
Қорақалпоғистон Республикаси, вилоятлар ва Тошкент шаҳрида спорт синовларининг ўтказилишини таъминлаш бўйича ҳудудий ишчи гуруҳларининг намунавий (кейинги ўринларда — ҳудудий ишчи гуруҳлари) таркиби 2-иловага мувофиқ тасдиқлансин.
4. Қуйидагилар белгилансин:
а) Республика комиссиясининг асосий вазифалари этиб:
ҳар йили Қорақалпоғистон Республикаси, вилоятлар ва Тошкент шаҳри ҳамда барча давлат органлари ва ташкилотларида спорт синовларини ўтказиш «йўл харитаси» ва муддатларини белгилаш;
ҳудудий ишчи гуруҳлари ҳамда барча давлат органлари ва ташкилотларининг ушбу соҳадаги фаолиятини мувофиқлаштириш, улар томонидан бажарилган ишлар тўғрисидаги ҳисоботларни эшитиш ҳамда аниқланган камчиликларни бартараф этиб бориш;
спорт синовларини муваффақиятли топширганларнинг юқори рейтинг натижаларини қайд этиш тизимини йўлга қўйиш;
ҳаваскор спортчиларнинг жисмоний ва психологик тайёргарлигини яхшилашга йўналтирилган илмий-инновацион тадқиқотлар олиб борилишини қўллаб-қувватлаш;
жамоатчилик фикрини ўрганиш асосида туман (шаҳар)ларда спорт синовлари ўтказилишининг ташкил этилиши, шунингдек, бу борада яратилган шароитларни мунтазам равишда ўрганиб бориш;
спорт синовларини топширишда рекорд натижаларни қайд этган ғолиб ва совриндорларни рағбатлантириш;
б) ҳудудий ишчи гуруҳларининг асосий вазифалари этиб:
туман (шаҳар)ларда жисмоний фаолликни қўллаб-қувватлаш ва оммавий спортни кенг тарғиб қилиш учун етарли шарт-шароитлар яратиш;
қишлоқ жойларда спорт акциялари, ҳаваскорлик чемпионатлари, конкурсларни ташкил этиш орқали спорт синовлари тарғиботини ҳамда ўтказилишини ташкил этиш;
спорт синовларининг (ихтиёрий ва махсус талабларини бажарган) ғолибларини тақдирлаш ишларини тантанали равишда амалга ошириш;
спорт синовлари ўтказиладиган сана, ўтиш жойи, режаси ва шартлари тўғрисида камида бир ой олдин оммавий ахборот воситаларида эълон берилишини таъминлаш;
туман (шаҳар)ларда спорт синовларининг махсус талабларини бажариш учун алоҳида марказларни ташкил этиш ва зарур ҳолларда спорт синовларини ўтказиш учун хусусий шерикларни жалб этган ҳолда тегишли шарт-шароитларни яратиш;
зарур ҳолларда спорт синовларини такомиллаштириш ва бу борадаги ишлар самарадорлигини ошириш юзасидан таклифлар тайёрлаш ва Республика комиссиясига киритиш;
махсус спорт синовлари натижаларининг жойларда адолат ва шаффофликни таъминлаган ҳолда расмийлаштирилиши юзасидан жамоатчилик назоратини ташкил этиш.
5. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, барча давлат органлари ва ташкилотлари:
спорт синовларининг ҳар йили мунтазам равишда ўтказиб борилишида аҳолининг барча қатламлари хоҳишларига қараб фаол иштирокини таъминлаш чораларини кўрсин;
спорт синовларини ўтказиш, ғолибларни рағбатлантириш ҳамда меҳнат жамоаларида фаолият юритаётган «Спорт тарғиботчиси» ходимининг қисқа муддатли малака ошириши билан боғлиқ харажатларни назарда тутсин.
6. Ўзбекистон Касаба уюшмалари федерациясига (К. Рафиков):
меҳнат жамоаларида ходимларнинг жисмоний тарбия ва спорт билан шуғулланиши учун зарур шароитлар яратиш чораларини кўриш;
спорт синовларини муваффақиятли топширган давлат органлари ва ташкилотлари ходимларига ҳар йили бир маротаба дам олиш масканлари ёки санаторийларга имтиёзли йўлланмалар бериш тартибини жорий этиш тавсия этилсин.
7. Белгилаб қўйилсинки:
а) Ички ишлар вазирлиги (П. Бобожонов) — спорт синовларини ўтказишда ҳудудий ишчи гуруҳларига кўмаклашишга, жумладан маҳалла профилактика инспекторлари томонидан ўз ҳудудида истиқомат қилувчи (доимий ёки вақтинчалик) уюшмаган ёшлар ва аҳолининг рўйхати шакллантирилишига;
б) Фавқулодда вазиятлар вазирлиги (А. Қўлдошев) — спорт синовлари ўтказиладиган жойлар (майдонлар ва спорт иншоотлари)да ҳамда уларнинг атрофида фавқулодда вазиятларнинг олдини олишга ва ёнғин хавфсизлигини таъминлаш бўйича барча зарур чораларнинг белгиланган тартибда амалга оширилишига;
в) Соғлиқни сақлаш вазирлиги (А. Хаджибаев):
барча давлат органлари ва ташкилотларда фаолият юритувчи жисмоний тарбия ва спорт билан мунтазам шуғулланадиган шахсларни ҳамда жисмоний тарбия ва спорт тадбирларини тайёрлаш ва ўтказиш бўйича масъулларни даврий равишда тиббий кўрикдан ўтказишга;
иштирокчиларга юқори савияда тиббий хизмат кўрсатилишига, спорт тадбирлари ўтадиган жойларда зарур тиббий анжомлар, дори воситалари ҳамда тез ёрдам автомашиналари навбатчилиги ташкил этилишига;
г) Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси (Б. Юсупалиев) — спорт синовлари ўтадиган жойларнинг санитария қоидалари, нормалари ва гигиена талабларига мос бўлишига;
д) Миллий гвардия (Р. Джураев) — спорт синовлари ўтказиладиган, иштирокчилар жойлашадиган, овқатланадиган, ташриф буюрадиган жойларда ва уларнинг атроф-ҳудудларида жамоат тартибини сақлашга, йўл ҳаракати иштирокчилари учун ажратилган автотранспорт воситаларини йўл-патруль хизмати автомашиналари ёрдамида кузатишга;
е) Халқ таълими вазирлиги (Ш. Шерматов) — тизимидаги таълим муассасаларининг ўқувчи ва барча ходимларидан спорт синовларининг қабул қилинишига;
ж) Олий ва ўрта махсус таълим вазирлиги (А. Тошқулов) — тизимидаги таълим муассасаларининг талаба ва барча ходимларидан спорт синовларининг қабул қилинишига;
з) Камбағалликни қисқартириш ва бандлик вазирлиги (Б. Мусаев) ҳамда Ёшлар сиёсати ва спорт вазирлиги (А. Икрамов) — маҳалла ва қишлоқлардаги банд бўлмаган аҳолининг барча қатламидан спорт синовларининг қабул қилинишига;
и) Молия вазирлиги (Т. Ишметов) — мазкур қарорни амалга ошириш билан боғлиқ барча харажатларнинг ўз вақтида молиялаштирилишига;
й) Мудофаа вазирлиги (Б. Курбанов), Ички ишлар вазирлиги (П. Бобожонов), Фавқулодда вазиятлар вазирлиги (А. Қўлдошев), Миллий гвардия (Р. Джураев), Давлат хавфсизлик хизмати (А. Азизов) — тизимидаги барча ходим ва хизматчилардан спорт синовларининг қабул қилинишига масъул ҳисобланади.
8. Ёшлар сиёсати ва спорт вазирлигининг спорт синовларини муваффақиятли топширган шахслар учун «Жисмоний тайёргарлик даражаси» кўкрак нишонини таъсис этиш тўғрисидаги таклифи маъқуллансин.
Бунда, спорт синовларининг махсус талабларини бажарган ғолиблар I, II, ва III даражали кўкрак нишонлари билан тақдирланади.
9. Белгилансинки, мазкур қарор билан белгиланган спорт синовларини ўтказиш, ғолибларни ва спорт синовларини ўтказишда фаол иштирок этган ҳамкор ташкилотлар ходимларини рағбатлантириш билан боғлиқ ҳар йилги харажатлар Давлат бюджети параметрларида Спорт вазирлиги учун кўзда тутиладиган маблағлар ҳисобидан амалга оширилади.
10. Туризм ва спорт вазирлиги (А. Абдухакимов), Ахборот технологиялари ва коммуникацияларини ривожлантириш вазирлиги (Ш. Садиков) ҳамда манфаатдор спорт федерация (ассоциация)ларининг спорт синовларини баҳолаш тизими меъёрлари, спорт разрядлари ва унвонлари, ўтказиш графиклари ва иштирокчилар учун тавсиялар платформасини (www.jtdss.uz) ҳамда спорт синовлари иштирокчилари ҳақидаги ягона электрон базани яратиш тўғрисидаги таклифи маъқуллансин.
Бунда, Туризм ва спорт вазирлиги (А. Абдухакимов):
а) 2021 йил 1 августга қадар спорт синовларининг платформаси (www.jtdss.uz) ва ягона электрон базаси фаолиятини тўлиқ йўлга қўйсин;
б) ҳар йили март ойи якунига қадар ҳудудлар кесимида спорт синовларини ўтказиш вақти, жойи ва спорт иншоотларининг манзиллари, ҳакамлар ҳақидаги ва бошқа батафсил маълумотларни платформада жойлаштириб борсин ва оммавий ахборот воситалари орқали кенг тарғиб этсин;
в) ҳар йил якуни билан спорт синовларини муваффақиятли топширган фуқароларнинг энг юқори натижалари ва рекорд ўрнатганлар тўғрисидаги таҳлилий маълумотларни платформада ва ягона электрон базада юритиш амалиётини жорий этсин.
Платформа ва ягона электрон базани ишлаб чиқиш, уларга хизмат кўрсатиш ва кейинчалик модернизациялаш бўйича буюртмачининг функциялари Туризм ва спорт вазирлигига юклатилсин.
Туризм ва спорт вазирлиги спорт синовларининг платформаси доимий равишда ҳаққоний ва фаол ишлаб туришига, шунингдек, унинг доимий техник қўллаб-қувватланишига, маълумотларни таҳлил қилиш, тузилган рейтинглар шаффофлиги ва ошкоралигини таъминлашга масъул ҳисобланади.
11. Бандлик ва меҳнат муносабатлари вазирлиги (Н. Хусанов) Туризм ва спорт вазирлиги (А. Абдухакимов) билан биргаликда «Ягона меҳнат миллий тизими» идоралараро дастурий-аппарати комплексида электрон маълумотлар алмашинуви асосида фуқароларнинг шахсий маълумотларини спорт синовлари муваффақиятли топширилганлиги тўғрисидаги маълумотлар билан тўлдириб бориш амалиётини жорий этсин.
12. Туризм ва спорт вазирлиги (А. Абдухакимов):
а) бир ой муддатда Аҳолининг жисмоний тайёргарлик даражасини баҳолаш тизими бўйича спорт синовларини ташкил этиш ва ўтказиш тўғрисидаги низомни, «Жисмоний тайёргарлик даражаси» кўкрак нишони ва гувоҳномасининг тавсифларини тасдиқлаш ҳақидаги Ҳукумат қарори лойиҳасини Вазирлар Маҳкамасига киритсин;
б) икки ой муддатда:
Давлат статистика қўмитаси (Б. Бегалов) билан биргаликда аҳолининг спорт синовлари билан қамраб олинишини баҳолаш мезонларини ишлаб чиқиб, барча давлат органлари ва ташкилотлари ходимлари кесимида рейтинг асосида таҳлил қилиш тизимини жорий этсин;
барча давлат органлари ва ташкилотларининг спорт тарғиботчилари томонидан спорт синовлари ўтказилишини таъминласин ҳамда улар томонидан ходимлар ўртасида спорт синовларини топшириш бўйича тарғибот ишларининг олиб борилишини йўлга қўйсин.
13. Ўзбекистон Миллий телерадиокомпаниясига спорт синовларини кенг тарғиб қилиш, аҳолини спорт синовларининг муддати тўғрисида хабардор қилиш мақсадида тегишли телерадиоканаллар эфирида эълонларни намойиш этиш, ғолиб ва совриндорлар фаолияти ҳамда спорт билан шуғулланишнинг инсон ҳаёти ва саломатлигини таъминлашдаги аҳамиятини тарғиб қилувчи кўрсатув ҳамда эшиттиришларни эфирга узатиш тавсия этилсин.
14. Туризм ва спорт вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
15. Мазкур қарор ижросини самарали ташкил этишга масъул ва шахсий жавобгар этиб туризм ва спорт вазири ўринбосари А.Қ. Каримов, Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари белгилансин.
Қарор ижросини назорат қилиш Ўзбекистон Республикаси Президентининг маслаҳатчиси А.А. Абдувахитов ҳамда Ўзбекистон Республикаси Бош вазирининг ўринбосари — туризм ва спорт вазири А.А. Абдуҳакимов зиммасига юклансин.
Ўзбекистон Республикаси Президентининг 2021 йил 16 июндаги ПҚ-5148-сон қарорига 1-ИЛОВА
Спорт синовларининг ўтказилишини таъминлаш бўйича Республика комиссияси таркиби
1. А.И. Икрамов — ёшлар сиёсати ва спорт вазири, Комиссия раиси 2. Р.Т. Маматов — маҳалла ва оилани қўллаб-қувватлаш вазири 3. А.М. Хаджибаев — соғлиқни сақлаш вазири 4. А.Ҳ. Тошқулов — олий ва ўрта махсус таълим вазири 5. Ш.Х. Шерматов — халқ таълими вазири 6. О.А. Назарбеков — маданият вазири 7. Б.Р. Турсунов — Давлат хавфсизлик хизмати раисининг биринчи ўринбосари 8. А.Х. Қўлдошев — фавқулодда вазиятлар вазирининг биринчи ўринбосари 9. А.Т. Норбоев — мудофаа вазирининг ўринбосари 10. А.И. Икрамов — ички ишлар вазирининг ўринбосари 11. С.Д. Мамаюсупов — Миллий гвардия қўмондонининг ўринбосари 12. А.К. Каримов — туризм ва спорт вазири ўринбосари 13. А.З. Саъдуллаев — Ўзбекистон Ёшлар ишлари агентлиги директори 14. Р.М. Шаабдурахманов — Ўзбекистон Миллий олимпия қўмитаси раиси 15. Қ.М. Рафиков — Ўзбекистон Касаба уюшмалари федерацияси кенгаши раиси 16. Лавозими бўйича — Қорақалпоғистон Республикаси Вазирлар Кенгашининг Раиси, вилоятлар ва Тошкент шаҳар ҳокимлари
Ўзбекистон Республикаси Президентининг 2021 йил 16 июндаги ПҚ-5148-сон қарорига 2-ИЛОВА
Қорақалпоғистон Республикаси, вилоятлар ва Тошкент шаҳрида спорт синовларининг ўтказилишини таъминлаш бўйича ҳудудий ишчи гуруҳларининг намунавий таркиби
Лавозими бўйича — Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари, ҳудудий ишчи гуруҳи раҳбарлари Лавозими бўйича — Қорақалпоғистон Республикаси Вазирлар Кенгаши Раисининг, вилоятлар ва Тошкент шаҳар ҳокимларининг туризм, спорт, маданият, маданий мерос ва оммавий коммуникациялар масалалари бўйича ўринбосарлари — туризм ва спорт бош бошқармаси бошлиқлари, ҳудудий ишчи гуруҳи раҳбари ўринбосарлари Лавозими бўйича — Қорақалпоғистон Республикаси маҳалла ва оилани қўллаб-қувватлаш вазири, вилоятлар ва Тошкент шаҳар маҳалла ва оилани қўллаб-қувватлаш бошқармалари бошлиқлари Лавозими бўйича — Қорақалпоғистон Республикаси соғлиқни сақлаш вазири, вилоятлар ва Тошкент шаҳар соғлиқни сақлаш бошқармалари бошлиқлари Лавозими бўйича — Қорақалпоғистон Республикаси халқ таълими вазири, вилоятлар ва Тошкент шаҳар халқ таълими бошқармалари бошлиқлари Лавозими бўйича — Қорақалпоғистон Республикаси маданият вазири, вилоятлар ва Тошкент шаҳар маданият бошқармалари бошлиқлари Лавозими бўйича — Қорақалпоғистон Республикаси, вилоятлар ва Тошкент шаҳар миллий гвардия бошқармалари бошлиқлари Лавозими бўйича — Қорақалпоғистон Республикаси ички ишлар вазири, вилоятлар ва Тошкент шаҳар ички ишлар бошқармалари бошлиқлари Лавозими бўйича — Ҳарбий округлар бошлиқлари Лавозими бўйича — Қорақалпоғистон Республикаси, вилоятлар ва Тошкент шаҳар фавқулодда вазиятлар бошқармалари бошлиқлари Лавозими бўйича — Қорақалпоғистон Республикаси, вилоятлар ва Тошкент шаҳар ёшлар ишлари бошқармалари бошлиқлари Лавозими бўйича — Қорақалпоғистон Республикаси, вилоятлар ва Тошкент шаҳар касаба уюшмалари ташкилотлари бирлашмалари раислари Лавозими бўйича — Олий таълим муассасалари ректорлари
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 16 июнь,
ПҚ-5148-сон
Oʻzbekiston Respublikasi Prezidentining
Qarori
Aholining jismoniy tayyorgarlik darajasini baholash tizimini joriy etishning tashkiliy chora-tadbirlari toʻgʻrisida
Mamlakatimizda jismoniy tarbiya va sportni yanada rivojlantirish, ularni ommaviy harakatga aylantirish, aholining jismoniy qobiliyatini aniqlash va ragʻbatlantirish, zararli odatlar hamda turli kasalliklarning oldini olish va sogʻlom turmush tarzi koʻnikmalarini shakllantirish, shuningdek, Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Yoshlarni qoʻllab-quvvatlash va aholi salomatligini mustahkamlash yili”da amalga oshirishga oid davlat dasturi ijrosini taʼminlash maqsadida:
1. 2021-yil 1-avgustdan boshlab Aholining jismoniy tayyorgarlik darajasini baholash tizimi (keyingi oʻrinlarda — baholash tizimi) joriy etilsin va quyidagilar uning asosiy maqsadi etib belgilansin:
aholining barcha qatlamlari oʻrtasida jismoniy tarbiya va sportni ommalashtirish orqali jismoniy qobiliyat va harakat faolligini takomillashtirish hamda zararli odatlar va turli kasalliklarning oldini olish, shuningdek, sogʻlom turmush tarzi koʻnikmalarini shakllantirish va jismoniy tayyorgarlik darajasini oshirish;
yoshlarda iroda, oʻz kuchi va imkoniyatlariga ishonch kabi fazilatlarni mustahkamlash, ularda jasorat, vatanparvarlik va sadoqat xislatlarini rivojlantirish, yurtimiz sharafini himoya qila oladigan, jismonan baquvvat va intellektual salohiyatli Vatan mudofaasiga munosib zaxira kadrlarni tayyorlash;
respublika hududida, shu jumladan olis hududlarda joylashgan qishloqlar, ovullar, mahallalarda aholini sogʻlomlashtirish ishlarini yanada rivojlantirish;
aholi jismoniy tayyorgarlik darajasini baholashning xalqaro standartlari va ilgʻor xorijiy tajribasini tatbiq etish.
2. Belgilab qoʻyilsinki:
baholash tizimi boʻyicha sport sinovlari (keyingi oʻrinlarda — sport sinovlari) maxsus va ixtiyoriy ravishda aholining yetti yoshdan yetmish yoshgacha boʻlgan qatlami va undan kattalarning jismoniy tayyorgarligini aniqlaydi;
sport sinovlari pogʻona va murakkablik darajasidan kelib chiqib, 15 turdagi, shu jumladan uzoq va qisqa masofalarga yugurish hamda suzish, turnikda tortilish, anjomlarni uloqtirish va boshqa mashqlardan iborat boʻladi;
sport sinovlari ishtirokchilariga 11 ta yosh toifasi boʻyicha egallagan oʻrni va darajasiga qarab sport razryadlari va unvonlari beriladi hamda ular moddiy va boshqa sovgʻalar bilan ragʻbatlantiriladi;
Turizm va sport vazirligi sport sinovlari tadbirlari oʻtkazilishining tashkilotchisi hisoblanadi.
3. Quyidagilar:
Sport sinovlarining oʻtkazilishini taʼminlash boʻyicha Respublika komissiyasi (keyingi oʻrinlarda — Respublika komissiyasi) tarkibi 1-ilovaga muvofiq;
Qoraqalpogʻiston Respublikasi, viloyatlar va Toshkent shahrida sport sinovlarining oʻtkazilishini taʼminlash boʻyicha hududiy ishchi guruhlarining namunaviy (keyingi oʻrinlarda — hududiy ishchi guruhlari) tarkibi 2-ilovaga muvofiq tasdiqlansin.
4. Quyidagilar belgilansin:
a) Respublika komissiyasining asosiy vazifalari etib:
har yili Qoraqalpogʻiston Respublikasi, viloyatlar va Toshkent shahri hamda barcha davlat organlari va tashkilotlarida sport sinovlarini oʻtkazish “yoʻl xaritasi” va muddatlarini belgilash;
hududiy ishchi guruhlari hamda barcha davlat organlari va tashkilotlarining ushbu sohadagi faoliyatini muvofiqlashtirish, ular tomonidan bajarilgan ishlar toʻgʻrisidagi hisobotlarni eshitish hamda aniqlangan kamchiliklarni bartaraf etib borish;
sport sinovlarini muvaffaqiyatli topshirganlarning yuqori reyting natijalarini qayd etish tizimini yoʻlga qoʻyish;
havaskor sportchilarning jismoniy va psixologik tayyorgarligini yaxshilashga yoʻnaltirilgan ilmiy-innovatsion tadqiqotlar olib borilishini qoʻllab-quvvatlash;
jamoatchilik fikrini oʻrganish asosida tuman (shahar)larda sport sinovlari oʻtkazilishining tashkil etilishi, shuningdek, bu borada yaratilgan sharoitlarni muntazam ravishda oʻrganib borish;
sport sinovlarini topshirishda rekord natijalarni qayd etgan gʻolib va sovrindorlarni ragʻbatlantirish;
b) hududiy ishchi guruhlarining asosiy vazifalari etib:
tuman (shahar)larda jismoniy faollikni qoʻllab-quvvatlash va ommaviy sportni keng targʻib qilish uchun yetarli shart-sharoitlar yaratish;
qishloq joylarda sport aksiyalari, havaskorlik chempionatlari, konkurslarni tashkil etish orqali sport sinovlari targʻibotini hamda oʻtkazilishini tashkil etish;
sport sinovlarining (ixtiyoriy va maxsus talablarini bajargan) gʻoliblarini taqdirlash ishlarini tantanali ravishda amalga oshirish;
sport sinovlari oʻtkaziladigan sana, oʻtish joyi, rejasi va shartlari toʻgʻrisida kamida bir oy oldin ommaviy axborot vositalarida eʼlon berilishini taʼminlash;
tuman (shahar)larda sport sinovlarining maxsus talablarini bajarish uchun alohida markazlarni tashkil etish va zarur hollarda sport sinovlarini oʻtkazish uchun xususiy sheriklarni jalb etgan holda tegishli shart-sharoitlarni yaratish;
zarur hollarda sport sinovlarini takomillashtirish va bu boradagi ishlar samaradorligini oshirish yuzasidan takliflar tayyorlash va Respublika komissiyasiga kiritish;
maxsus sport sinovlari natijalarining joylarda adolat va shaffoflikni taʼminlagan holda rasmiylashtirilishi yuzasidan jamoatchilik nazoratini tashkil etish.
5. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, barcha davlat organlari va tashkilotlari:
sport sinovlarining har yili muntazam ravishda oʻtkazib borilishida aholining barcha qatlamlari xohishlariga qarab faol ishtirokini taʼminlash choralarini koʻrsin;
sport sinovlarini oʻtkazish, gʻoliblarni ragʻbatlantirish hamda mehnat jamoalarida faoliyat yuritayotgan “Sport targʻibotchisi” xodimining qisqa muddatli malaka oshirishi bilan bogʻliq xarajatlarni nazarda tutsin.
6. Oʻzbekiston Kasaba uyushmalari federatsiyasiga (K. Rafikov):
mehnat jamoalarida xodimlarning jismoniy tarbiya va sport bilan shugʻullanishi uchun zarur sharoitlar yaratish choralarini koʻrish;
sport sinovlarini muvaffaqiyatli topshirgan davlat organlari va tashkilotlari xodimlariga har yili bir marotaba dam olish maskanlari yoki sanatoriylarga imtiyozli yoʻllanmalar berish tartibini joriy etish tavsiya etilsin.
7. Belgilab qoʻyilsinki:
a) Ichki ishlar vazirligi (P. Bobojonov) — sport sinovlarini oʻtkazishda hududiy ishchi guruhlariga koʻmaklashishga, jumladan mahalla profilaktika inspektorlari tomonidan oʻz hududida istiqomat qiluvchi (doimiy yoki vaqtinchalik) uyushmagan yoshlar va aholining roʻyxati shakllantirilishiga;
b) Favqulodda vaziyatlar vazirligi (A. Qoʻldoshev) — sport sinovlari oʻtkaziladigan joylar (maydonlar va sport inshootlari)da hamda ularning atrofida favqulodda vaziyatlarning oldini olishga va yongʻin xavfsizligini taʼminlash boʻyicha barcha zarur choralarning belgilangan tartibda amalga oshirilishiga;
v) Sogʻliqni saqlash vazirligi (A. Xadjibayev):
barcha davlat organlari va tashkilotlarda faoliyat yurituvchi jismoniy tarbiya va sport bilan muntazam shugʻullanadigan shaxslarni hamda jismoniy tarbiya va sport tadbirlarini tayyorlash va oʻtkazish boʻyicha masʼullarni davriy ravishda tibbiy koʻrikdan oʻtkazishga;
ishtirokchilarga yuqori saviyada tibbiy xizmat koʻrsatilishiga, sport tadbirlari oʻtadigan joylarda zarur tibbiy anjomlar, dori vositalari hamda tez yordam avtomashinalari navbatchiligi tashkil etilishiga;
g) Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi (B. Yusupaliyev) — sport sinovlari oʻtadigan joylarning sanitariya qoidalari, normalari va gigiyena talablariga mos boʻlishiga;
d) Milliy gvardiya (R. Djurayev) — sport sinovlari oʻtkaziladigan, ishtirokchilar joylashadigan, ovqatlanadigan, tashrif buyuradigan joylarda va ularning atrof-hududlarida jamoat tartibini saqlashga, yoʻl harakati ishtirokchilari uchun ajratilgan avtotransport vositalarini yoʻl-patrul xizmati avtomashinalari yordamida kuzatishga;
e) Xalq taʼlimi vazirligi (Sh. Shermatov) — tizimidagi taʼlim muassasalarining oʻquvchi va barcha xodimlaridan sport sinovlarining qabul qilinishiga;
j) Oliy va oʻrta maxsus taʼlim vazirligi (A. Toshqulov) — tizimidagi taʼlim muassasalarining talaba va barcha xodimlaridan sport sinovlarining qabul qilinishiga;
z) Kambagʻallikni qisqartirish va bandlik vazirligi (B. Musayev) hamda Yoshlar siyosati va sport vazirligi (A. Ikramov) — mahalla va qishloqlardagi band boʻlmagan aholining barcha qatlamidan sport sinovlarining qabul qilinishiga;
i) Moliya vazirligi (T. Ishmetov) — mazkur qarorni amalga oshirish bilan bogʻliq barcha xarajatlarning oʻz vaqtida moliyalashtirilishiga;
y) Mudofaa vazirligi (B. Kurbanov), Ichki ishlar vazirligi (P. Bobojonov), Favqulodda vaziyatlar vazirligi (A. Qoʻldoshev), Milliy gvardiya (R. Djurayev), Davlat xavfsizlik xizmati (A. Azizov) — tizimidagi barcha xodim va xizmatchilardan sport sinovlarining qabul qilinishiga masʼul hisoblanadi.
8. Yoshlar siyosati va sport vazirligining sport sinovlarini muvaffaqiyatli topshirgan shaxslar uchun “Jismoniy tayyorgarlik darajasi” koʻkrak nishonini taʼsis etish toʻgʻrisidagi taklifi maʼqullansin.
Bunda, sport sinovlarining maxsus talablarini bajargan gʻoliblar I, II, va III darajali koʻkrak nishonlari bilan taqdirlanadi.
9. Belgilansinki, mazkur qaror bilan belgilangan sport sinovlarini oʻtkazish, gʻoliblarni va sport sinovlarini oʻtkazishda faol ishtirok etgan hamkor tashkilotlar xodimlarini ragʻbatlantirish bilan bogʻliq har yilgi xarajatlar Davlat budjeti parametrlarida Sport vazirligi uchun koʻzda tutiladigan mablagʻlar hisobidan amalga oshiriladi.
10. Turizm va sport vazirligi (A. Abduxakimov), Axborot texnologiyalari va kommunikatsiyalarini rivojlantirish vazirligi (Sh. Sadikov) hamda manfaatdor sport federatsiya (assotsiatsiya)larining sport sinovlarini baholash tizimi meʼyorlari, sport razryadlari va unvonlari, oʻtkazish grafiklari va ishtirokchilar uchun tavsiyalar platformasini (www.jtdss.uz) hamda sport sinovlari ishtirokchilari haqidagi yagona elektron bazani yaratish toʻgʻrisidagi taklifi maʼqullansin.
Bunda, Turizm va sport vazirligi (A. Abduxakimov):
a) 2021-yil 1-avgustga qadar sport sinovlarining platformasi (www.jtdss.uz) va yagona elektron bazasi faoliyatini toʻliq yoʻlga qoʻysin;
b) har yili mart oyi yakuniga qadar hududlar kesimida sport sinovlarini oʻtkazish vaqti, joyi va sport inshootlarining manzillari, hakamlar haqidagi va boshqa batafsil maʼlumotlarni platformada joylashtirib borsin va ommaviy axborot vositalari orqali keng targʻib etsin;
v) har yil yakuni bilan sport sinovlarini muvaffaqiyatli topshirgan fuqarolarning eng yuqori natijalari va rekord oʻrnatganlar toʻgʻrisidagi tahliliy maʼlumotlarni platformada va yagona elektron bazada yuritish amaliyotini joriy etsin.
Platforma va yagona elektron bazani ishlab chiqish, ularga xizmat koʻrsatish va keyinchalik modernizatsiyalash boʻyicha buyurtmachining funksiyalari Turizm va sport vazirligiga yuklatilsin.
Turizm va sport vazirligi sport sinovlarining platformasi doimiy ravishda haqqoniy va faol ishlab turishiga, shuningdek, uning doimiy texnik qoʻllab-quvvatlanishiga, maʼlumotlarni tahlil qilish, tuzilgan reytinglar shaffofligi va oshkoraligini taʼminlashga masʼul hisoblanadi.
11. Bandlik va mehnat munosabatlari vazirligi (N. Xusanov) Turizm va sport vazirligi (A. Abduxakimov) bilan birgalikda “Yagona mehnat milliy tizimi” idoralararo dasturiy-apparati kompleksida elektron maʼlumotlar almashinuvi asosida fuqarolarning shaxsiy maʼlumotlarini sport sinovlari muvaffaqiyatli topshirilganligi toʻgʻrisidagi maʼlumotlar bilan toʻldirib borish amaliyotini joriy etsin.
12. Turizm va sport vazirligi (A. Abduxakimov):
a) bir oy muddatda Aholining jismoniy tayyorgarlik darajasini baholash tizimi boʻyicha sport sinovlarini tashkil etish va oʻtkazish toʻgʻrisidagi nizomni, “Jismoniy tayyorgarlik darajasi” koʻkrak nishoni va guvohnomasining tavsiflarini tasdiqlash haqidagi Hukumat qarori loyihasini Vazirlar Mahkamasiga kiritsin;
b) ikki oy muddatda:
Davlat statistika qoʻmitasi (B. Begalov) bilan birgalikda aholining sport sinovlari bilan qamrab olinishini baholash mezonlarini ishlab chiqib, barcha davlat organlari va tashkilotlari xodimlari kesimida reyting asosida tahlil qilish tizimini joriy etsin;
barcha davlat organlari va tashkilotlarining sport targʻibotchilari tomonidan sport sinovlari oʻtkazilishini taʼminlasin hamda ular tomonidan xodimlar oʻrtasida sport sinovlarini topshirish boʻyicha targʻibot ishlarining olib borilishini yoʻlga qoʻysin.
13. Oʻzbekiston Milliy teleradiokompaniyasiga sport sinovlarini keng targʻib qilish, aholini sport sinovlarining muddati toʻgʻrisida xabardor qilish maqsadida tegishli teleradiokanallar efirida eʼlonlarni namoyish etish, gʻolib va sovrindorlar faoliyati hamda sport bilan shugʻullanishning inson hayoti va salomatligini taʼminlashdagi ahamiyatini targʻib qiluvchi koʻrsatuv hamda eshittirishlarni efirga uzatish tavsiya etilsin.
14. Turizm va sport vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
15. Mazkur qaror ijrosini samarali tashkil etishga masʼul va shaxsiy javobgar etib turizm va sport vaziri oʻrinbosari A.Q. Karimov, Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari belgilansin.
Qaror ijrosini nazorat qilish Oʻzbekiston Respublikasi Prezidentining maslahatchisi A.A. Abduvaxitov hamda Oʻzbekiston Respublikasi Bosh vazirining oʻrinbosari — turizm va sport vaziri A.A. Abduhakimov zimmasiga yuklansin.
Oʻzbekiston Respublikasi Prezidentining 2021-yil 16-iyundagi PQ-5148-son qaroriga 1-ILOVA
Sport sinovlarining oʻtkazilishini taʼminlash boʻyicha Respublika komissiyasi tarkibi
1. A.I. Ikramov — yoshlar siyosati va sport vaziri, Komissiya raisi 2. R.T. Mamatov — mahalla va oilani qoʻllab-quvvatlash vaziri 3. A.M. Xadjibayev — sogʻliqni saqlash vaziri 4. A.H. Toshqulov — oliy va oʻrta maxsus taʼlim vaziri 5. Sh.X. Shermatov — xalq taʼlimi vaziri 6. O.A. Nazarbekov — madaniyat vaziri 7. B.R. Tursunov — Davlat xavfsizlik xizmati raisining birinchi oʻrinbosari 8. A.X. Qoʻldoshev — favqulodda vaziyatlar vazirining birinchi oʻrinbosari 9. A.T. Norboyev — mudofaa vazirining oʻrinbosari 10. A.I. Ikramov — ichki ishlar vazirining oʻrinbosari 11. S.D. Mamayusupov — Milliy gvardiya qoʻmondonining oʻrinbosari 12. A.K. Karimov — turizm va sport vaziri oʻrinbosari 13. A.Z. Saʼdullayev — Oʻzbekiston Yoshlar ishlari agentligi direktori 14. R.M. Shaabduraxmanov — Oʻzbekiston Milliy olimpiya qoʻmitasi raisi 15. Q.M. Rafikov — Oʻzbekiston Kasaba uyushmalari federatsiyasi kengashi raisi 16. Lavozimi boʻyicha — Qoraqalpogʻiston Respublikasi Vazirlar Kengashining Raisi, viloyatlar va Toshkent shahar hokimlari
Oʻzbekiston Respublikasi Prezidentining 2021-yil 16-iyundagi PQ-5148-son qaroriga 2-ILOVA
Qoraqalpogʻiston Respublikasi, viloyatlar va Toshkent shahrida sport sinovlarining oʻtkazilishini taʼminlash boʻyicha hududiy ishchi guruhlarining namunaviy tarkibi
Lavozimi boʻyicha — Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari, hududiy ishchi guruhi rahbarlari Lavozimi boʻyicha — Qoraqalpogʻiston Respublikasi Vazirlar Kengashi Raisining, viloyatlar va Toshkent shahar hokimlarining turizm, sport, madaniyat, madaniy meros va ommaviy kommunikatsiyalar masalalari boʻyicha oʻrinbosarlari — turizm va sport bosh boshqarmasi boshliqlari, hududiy ishchi guruhi rahbari oʻrinbosarlari Lavozimi boʻyicha — Qoraqalpogʻiston Respublikasi mahalla va oilani qoʻllab-quvvatlash vaziri, viloyatlar va Toshkent shahar mahalla va oilani qoʻllab-quvvatlash boshqarmalari boshliqlari Lavozimi boʻyicha — Qoraqalpogʻiston Respublikasi sogʻliqni saqlash vaziri, viloyatlar va Toshkent shahar sogʻliqni saqlash boshqarmalari boshliqlari Lavozimi boʻyicha — Qoraqalpogʻiston Respublikasi xalq taʼlimi vaziri, viloyatlar va Toshkent shahar xalq taʼlimi boshqarmalari boshliqlari Lavozimi boʻyicha — Qoraqalpogʻiston Respublikasi madaniyat vaziri, viloyatlar va Toshkent shahar madaniyat boshqarmalari boshliqlari Lavozimi boʻyicha — Qoraqalpogʻiston Respublikasi, viloyatlar va Toshkent shahar milliy gvardiya boshqarmalari boshliqlari Lavozimi boʻyicha — Qoraqalpogʻiston Respublikasi ichki ishlar vaziri, viloyatlar va Toshkent shahar ichki ishlar boshqarmalari boshliqlari Lavozimi boʻyicha — Harbiy okruglar boshliqlari Lavozimi boʻyicha — Qoraqalpogʻiston Respublikasi, viloyatlar va Toshkent shahar favqulodda vaziyatlar boshqarmalari boshliqlari Lavozimi boʻyicha — Qoraqalpogʻiston Respublikasi, viloyatlar va Toshkent shahar yoshlar ishlari boshqarmalari boshliqlari Lavozimi boʻyicha — Qoraqalpogʻiston Respublikasi, viloyatlar va Toshkent shahar kasaba uyushmalari tashkilotlari birlashmalari raislari Lavozimi boʻyicha — Oliy taʼlim muassasalari rektorlari
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 16-iyun,
PQ-5148-son
Президента Республики Узбекистан
Постановление
Об организационных мерах по внедрению системы оценки уровня физической подготовки населения
В целях дальнейшего развития и превращения физической культуры и спорта в массовое движение в стране, выявления и стимулирования физических способностей населения, профилактики вредных привычек и различных заболеваний, формирования навыков здорового образа жизни, а также обеспечения исполнения Государственной программы по реализации Стратегии действий по пяти приоритетным направлениям развития Республики Узбекистан в «Год поддержки молодежи и укрепления здоровья населения»:
1. Внедрить с 1 августа 2021 года систему оценки уровня физической подготовки населения (далее — система оценки) и определить ее основными целями:
повышение физической способности и двигательной активности, профилактику вредных привычек и различных заболеваний, а также формирование навыков здорового образа жизни и повышение уровня физической подготовки путем популяризации физической культуры и спорта среди всех слоев населения;
укрепление и развитие у молодежи таких качеств, как сила воли, уверенность в собственных силах и возможностях, патриотизм, смелость и преданность, подготовка физически крепкого и высокоинтеллектуального резерва кадров, способного достойно защитить честь нашей страны;
дальнейшее развитие работ по оздоровлению населения в республике, в том числе в отдаленных селах, аулах, махаллях;
внедрение международных стандартов и передового зарубежного опыта оценки уровня физической подготовки населения.
2. Установить, что:
спортивные испытания по системе оценки (далее — спортивные испытания) определяют физическую подготовку населения в возрасте от семи до семидесяти лет и старше на специальной и добровольной основе;
спортивные испытания состоят из 15 видов, включая бег на длинную и короткую дистанцию, плавание, подтягивание на турнике, метание снарядов и другие упражнения, в зависимости от ступени и уровня их сложности;
участникам спортивных испытаний присваиваются спортивные разряды и звания в зависимости от занимаемого места и уровня в 11 возрастных категориях и они поощряются материальными и иными призами;
Министерство туризма и спорта является организатором проведения спортивных испытаний.
3. Утвердить:
Состав Республиканской комиссии по обеспечению проведения спортивных испытаний (далее — Республиканская комиссия) согласно приложению № 1 ;
типовой состав территориальных рабочих групп по обеспечению проведения спортивных испытаний в Республике Каракалпакстан, областях и городе Ташкенте (далее — территориальные рабочие группы) согласно приложению № 2 .
4. Определить:
а) основными задачами Республиканской комиссии:
разработку «Дорожной карты» и определение сроков проведения ежегодных спортивных испытаний в Республике Каракалпакстан, областях и городе Ташкенте, а также во всех государственных органах и организациях;
координацию деятельности территориальных рабочих групп, всех государственных органов и организаций в данной сфере, заслушивание отчетов о проделанной ими работе и устранение выявленных недостатков;
налаживание системы учета высоких рейтинговых результатов граждан, успешно прошедших спортивные испытания;
поддержку проведения научно-инновационных исследований, направленных на улучшение физической и психологической подготовки спортсменов-любителей;
организацию продвижения спортивных испытаний в районах (городах) на основе изучения общественного мнения, а также систематическое изучение условий, созданных в данном направлении;
поощрение победителей и призеров, установивших рекордные результаты при прохождении спортивных испытаний;
б) основными задачами территориальных рабочих групп:
поддержку физической активности в районах (городах) и создание необходимых условий для широкой пропаганды массового спорта;
пропаганду и проведение спортивных испытаний путем организации спортивных акций, любительских чемпионатов, конкурсов в сельской местности;
организацию торжественных церемоний награждения победителей спортивных испытаний (выполнивших специальные и добровольные требования);
обеспечение объявления в средствах массовой информации о дате, месте проведения спортивных испытаний, плане и их условиях не менее чем за месяц до начала мероприятия;
организацию в районах (городах) отдельных центров выполнения специальных требований спортивных испытаний и, при необходимости, создание соответствующих условий для проведения спортивных испытаний с привлечением частных партнеров;
совершенствование спортивных испытаний и, при необходимости, подготовку и внесение в Республиканскую комиссию предложений по повышению эффективности работы в данном направлении;
организацию общественного контроля по легализации специальных спортивных испытаний с обеспечением справедливости и прозрачности их результатов.
5. Совету Министров Республики Каракалпакстан, хокимиятам областей и города Ташкента, всем государственным органам и организациям:
принять меры по обеспечению активного участия всех слоев населения в ежегодном регулярном проведении спортивных испытаний в соответствии с их пожеланиями;
предусмотреть расходы, связанные с проведением спортивных испытаний, поощрением победителей и краткосрочным повышением квалификации работников — «пропагандистов спорта», осуществляющих деятельность в трудовых коллективах.
6. Рекомендовать Федерации профсоюзов Узбекистана (К. Рафиков):
принятие мер по созданию необходимых условий для занятий физической культурой и спортом работников в трудовых коллективах;
внедрение порядка предоставления один раз в год льготных путевок в зоны отдыха или санатории работникам государственных органов и организаций, успешно прошедшим спортивные испытания.
7. Возложить персональную ответственность на:
а) Министерство внутренних дел (П. Бобожонов ) — за оказание содействия территориальным рабочим группам в проведении спортивных испытаний, в том числе формирование инспекторами по профилактике махаллей списков неорганизованной молодежи и населения, проживающих (постоянно или временно) на соответствующей территории;
б) Министерство по чрезвычайным ситуациям (А. Кулдошев) — за предотвращение чрезвычайных ситуаций в местах проведения спортивных испытаний (на площадках и в спортивных сооружениях) и осуществление в установленном порядке всех необходимых мер по обеспечению пожарной безопасности;
в) Министерство здравоохранения (А. Хаджибаев):
за проведение периодических медицинских осмотров лиц, регулярно занимающихся физической культурой и спортом, осуществляющих деятельность в государственных органах и организациях, а также лиц, ответственных за подготовку и проведение физкультурно-спортивных мероприятий;
за предоставление участникам медицинских услуг на высоком уровне, обеспечение необходимыми медицинскими принадлежностями, изделиями медицинского назначения и организацию дежурства автомашин скорой помощи в местах проведения спортивных мероприятий;
г) Комитет санитарно-эпидемиологического благополучия и общественного здоровья при Министерстве здравоохранения (Б. Юсупалиев) — за обеспечение соответствия мест проведения спортивных испытаний санитарным правилам, нормам и гигиеническим требованиям;
д) Национальную гвардию (Р. Джураев) — за сохранение общественного порядка в местах проведения спортивных испытаний, размещения участников, питания, скопления людей и на прилегающих к ним территориях, сопровождение автотранспортных средств, выделенных для участников дорожного движения, с использованием автомобилей дорожно-патрульной службы;
е) Министерство народного образования (Ш. Шерматов) — за обеспечение участия учащихся и всех работников образовательных учреждений системы в спортивных испытаниях;
ж) Министерство высшего и среднего специального образования (А. Тошкулов) — за обеспечение участия студентов и всех работников образовательных учреждений системы в спортивных испытаниях;
з) Министерство занятости и сокращения бедности (Б. Мусаев) и Министерство молодежной политики и спорта (А. Икрамов) — за обеспечение участия всех слоев незанятого населения в махаллях и селах в спортивных испытаниях;
и) Министерство финансов (Т. Ишметов) — за своевременное финансирование всех расходов, связанных с реализацией настоящего постановления;
й) Министерство обороны (Б. Курбанов), Министерство внутренних дел (П. Бобожонов), Министерство по чрезвычайным ситуациям (А. Кулдошев), Национальную гвардию (Р. Джураев), Службу государственной безопасности (А. Азизов) — за обеспечение участия всех сотрудников и служащих системы в спортивных испытаниях.
8. Одобрить предложение Министерства молодежной политики и спорта об учреждении нагрудного знака «Жисмоний тайёргарлик даражаси» для лиц, успешно прошедших спортивные испытания.
При этом победители, выполнившие специальные требования спортивных испытаний, награждаются нагрудными знаками I, II и III степени.
9. Установить, что ежегодные расходы, связанные с проведением спортивных испытаний, определенных настоящим постановлением, поощрением победителей и сотрудников партнерских организаций, принимавших активное участие в проведении этих испытаний, осуществляются за счет средств, предусматриваемых в параметрах Государственного бюджета для Министерства спорта.
10. Одобрить предложение Министерства туризма и спорта (А. Абдухакимов), Министерства по развитию информационных технологий и коммуникаций (Ш. Садиков) и заинтересованных спортивных федераций (ассоциаций) о разработке нормативов системы оценки спортивных испытаний, спортивных разрядов и званий, графиков проведения и платформы рекомендаций для участников (www.jtdss.uz), а также создании единой электронной базы данных об участниках спортивных испытаний.
Министерству туризма и спорта (А. Абдухакимов):
а) до 1 августа 2021 года наладить полноценное функционирование платформы спортивных испытаний (www.jtdss.uz) и единой электронной базы данных;
б) ежегодно до конца марта размещать на платформе информацию о дате, месте проведения спортивных испытаний, дислокации спортивных сооружений, судьях и другую подробную информацию с широким ее распространением через средства массовой информации;
в) по итогам каждого года внедрять на платформе и единой электронной базе практику ввода аналитических сведений о гражданах, успешно прошедших спортивные испытания и достигших наиболее высоких результатов, а также установивших рекорды.
Возложить на Министерство туризма и спорта функцию заказчика по разработке, обслуживанию и последующей модернизации платформы и единой электронной базы данных.
Министерство туризма и спорта несет ответственность за постоянное и активное функционирование платформы спортивных испытаний, а также ее постоянную техническую поддержку, анализ данных, прозрачность и гласность составленных рейтингов.
11. Министерству занятости и трудовых отношений (Н. Хусанов) совместно с Министерством туризма и спорта (А. Абдухакимов) внедрить на основе электронного обмена данными практику заполнения межведомственного программно-аппаратного комплекса «Единая национальная система труда» персональными данными граждан об их успешном прохождении спортивных испытаний.
12. Министерству туризма и спорта (А. Абдухакимов):
а) в месячный срок внести в Кабинет Министров проект правительственного решения об утверждении Положения об организации и проведении спортивных испытаний по системе оценке уровня физической подготовки населения, описания нагрудного знака и удостоверения нагрудного знака «Жисмоний тайёргарлик даражаси»;
б) в двухмесячный срок:
совместно с Государственным комитетом по статистике (Б. Бегалов) разработать критерии оценки охвата населения спортивными испытаниями и внедрить систему анализа в разрезе работников всех государственных органов и организаций на основе рейтинга;
обеспечить проведение спортивных испытаний пропагандистами спорта всех государственных органов и организаций и наладить проведение ими пропагандистской работы среди работников по прохождению спортивных испытаний.
13. Рекомендовать Национальной телерадиокомпании Узбекистана в целях широкой пропаганды спортивных испытаний, информирования населения о сроках спортивных испытаний демонстрировать в эфире соответствующих телерадиоканалов объявления о данных испытаниях, передавать в эфир программы и вещания, пропагандирующие деятельность победителей и призеров, значение занятий спортом в жизни человека и поддержании его здоровья.
14. Министерству туризма и спорта совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
15. Возложить на заместителя министра туризма и спорта А.К. Каримова и председателя Совета Министров Республики Каракалпакстан, хокимов областей и города Ташкента персональную ответственность за эффективную организацию исполнения настоящего постановления.
Контроль за исполнением настоящего постановления возложить на советника Президента Республики Узбекистан А.А. Абдувахитова и заместителя Премьер-министра Республики Узбекистан — министра туризма и спорта А.А. Абдухакимова.
ПРИЛОЖЕНИЕ № 1 к постановлению Президента Республики Узбекистан от 16 июня 2021 года № ПП-5148
СОСТАВ Республиканской комиссии по обеспечению проведения спортивных испытаний
1. А.И. Икрамов — министр молодежной политики и спорта, председатель Комиссии 2. Р.Т. Маматов — министр по поддержке махалли и семьи 3. А.М. Хаджибаев — министр здравоохранения 4. А.Х. Тошкулов — министр высшего и среднего специального образования 5. Ш.Х. Шерматов — министр народного образования 6. О.А. Назарбеков — министр культуры 7. Б.Р. Турсунов — первый заместитель председателя Службы государственной безопасности 8. А.Х. Кулдошев — первый заместитель министра по чрезвычайным ситуациям 9. А.Т. Норбоев — заместитель министра обороны 10. А.И. Икрамов — заместитель министра внутренних дел 11. С.Д. Мамаюсупов — заместитель командующего Национальной гвардией 12. А.К. Каримов — заместитель министра туризма и спорта 13. А.З. Саъдуллаев — директор Агентства по делам молодежи Узбекистана 14. Р.М. Шаабдурахманов — председатель Национального олимпийского комитета Узбекистана 15. К.М. Рафиков — председатель Совета Федерации профсоюзов Узбекистана 16. По должности — Председатель Совета Министров Республики Каракалпакстан, хокимы областей и города Ташкента
ПРИЛОЖЕНИЕ № 2 к постановлению Президента Республики Узбекистан от 16 июня 2021 года № ПП-5148
ТИПОВОЙ СОСТАВ территориальных рабочих групп по обеспечению проведения спортивных испытаний в Республике Каракалпакстан, областях и городе Ташкенте
По должности — Председатель Совета Министров Республики Каракалпакстан, хокимы областей и города Ташкента, руководители территориальных рабочих групп По должности — заместители Председателя Совета Министров Республики Каракалпакстан, хокимов областей и города Ташкента по вопросам туризма, спорта, культуры, культурного наследия и массовых коммуникаций — начальники управлений туризма и спорта, заместители руководителей территориальных рабочих групп По должности — министр по поддержке махалли и семьи Республики Каракалпакстан, начальники управлений по поддержке махалли и семьи областей и г. Ташкента По должности — министр здравоохранения Республики Каракалпакстан, начальники управлений здравоохранения областей и г. Ташкента По должности — министр народного образования Республики Каракалпакстан, начальники управлений народного образования областей и г. Ташкента По должности — министр культуры Республики Каракалпакстан, начальники управлений культуры областей и г. Ташкента По должности — начальники управлений Национальной гвардии Республики Каракалпакстан, областей и г. Ташкента По должности — министр внутренних дел Республики Каракалпакстан, начальники управлений внутренних дел областей и г. Ташкента По должности — начальники военных округов По должности — начальники управлений по чрезвычайным ситуациям Республики Каракалпакстан, областей и г. Ташкента По должности — начальники управлений по делам молодежи Республики Каракалпакстан, областей и города Ташкента По должности — председатели объединений профсоюзов Республики Каракалпакстан, областей и г. Ташкента По должности — ректоры высших образовательных учреждений
Президент Республики Узбекистан Ш. МИРЗИЁЕВ
г. Ташкент,
16 июня 2021 г.,
№ ПП-5148