📅 2021-yil 18-iyun · Vazirlik va idoralar hujjatlari · Adliya vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 18 июнь · Вазирлик ва идоралар ҳужжатлари · Адлия вазири
Расмий матн. Расмий ҳужжат. Таҳририй изоҳлар киритилмаган.
📅 18 июня 2021 г. · Документы министерств и ведомств · Министр юстиции
Официальный текст. Официальный документ. Редакционные примечания не включены.
📅 18 June 2021 · Ministry and agency documents · Adliya vaziri
Official text. Official document. Editorial notes are not included.
Ўзбекистон Республикаси Адлия вазирининг
буйруғи
ҚОИДАЛАРИ
РЕЕСТРИ
РЎЙХАТИ
ШАРҲ
Норматив-ҳуқуқий ҳужжатларнинг ҳисобини юритиш қоидаларини тасдиқлаш тўғрисида
Ўзбекистон Республикасининг « Норматив-ҳуқуқий ҳужжатлар тўғрисида »ги ҳамда « Ҳуқуқий ахборотни тарқатиш ва ундан фойдаланишни таъминлаш тўғрисида »ги қонунлари, шунингдек, Ўзбекистон Республикаси Президентининг «Ўзбекистон Республикаси Адлия вазирлиги фаолиятини янада такомиллаштиришга доир ташкилий чора-тадбирлар тўғрисида» 2018 йил 13 апрелдаги ПҚ-3666-сон қарорига мувофиқ буюраман:
1. Норматив-ҳуқуқий ҳужжатларнинг ҳисобини юритиш қоидалари 1-иловага мувофиқ тасдиқлансин.
2. Айрим идоравий норматив-ҳуқуқий ҳужжатлар 2-иловага мувофиқ ўз кучини йўқотган деб топилсин.
3. Мазкур буйруқ 2021 йил 1 июлдан эътиборан кучга киради.
Ўзбекистон Республикаси адлия вазирининг 2021 йил 18 июндаги 13-мҳ-сон буйруғига 1-ИЛОВА
Норматив-ҳуқуқий ҳужжатларнинг ҳисобини юритиш
1-боб. Умумий қоидалар
1. Мазкур Қоидалар норматив-ҳуқуқий ҳужжатларнинг ҳисобини юритиш тартибини белгилайди.
2. Ушбу Қоидалар Ўзбекистон Республикаси Президенти ва Вазирлар Маҳкамаси фармойишларининг ҳисобини юритишга ҳам татбиқ этилади, мазкур Қоидаларнинг 8-банди учинчи — еттинчи хатбошилари , 17 , 21 — 23-бандлари бундан мустасно.
3. Мазкур Қоидаларда белгиланган тартиб «Махфий» белгиси қўйилган норматив-ҳуқуқий ҳужжатларнинг ҳисобини юритишга нисбатан татбиқ этилмайди.
4. Ушбу Қоидаларда қуйидаги асосий тушунчалардан фойдаланилади:
норматив-ҳуқуқий ҳужжатларни давлат ҳисобига олиш — норматив-ҳуқуқий ҳужжатларни марказлаштирилган тарзда йиғиш, ҳисобга олиш, уларнинг фондларини яратиш ва назорат нусхаларини юритиш ҳамда улар ҳақидаги марказлаштирилган ахборотни шакллантириш;
норматив-ҳуқуқий ҳужжатларнинг тизимлаштирилган ҳисобини юритиш — норматив-ҳуқуқий ҳужжатлар тўғрисидаги маълумотларни электрон шаклдаги реестрга киритиш орқали ҳисобга олиш, матнларини йиғиш ва сақлаб туриш;
норматив-ҳуқуқий ҳужжатларнинг давлат ҳисоби реестри (бундан буён матнда Давлат ҳисоби реестри деб юритилади) — норматив-ҳуқуқий ҳужжатнинг номи, тури, қабул қилган орган, қабул қилиш санаси ва унинг рақами, кучга кириш санаси ва амал қилиш муддати, расмий нашрларда эълон қилиниши тўғрисидаги маълумотлар, ҳужжатга ўзгартириш ва қўшимчалар киритиш ҳамда ўз кучини йўқотганлиги тўғрисидаги, шунингдек, ҳужжатнинг Ўзбекистон Республикаси Қонунчилик тармоқлари умумҳуқуқий классификатори бўйича коди ҳақидаги маълумотлар ифодаланган реестр;
норматив-ҳуқуқий ҳужжатларнинг электрон шаклдаги реестри — давлат органлари томонидан юритиладиган ва уларнинг расмий веб-сайтларида доимий жойлаштириб бориладиган норматив-ҳуқуқий ҳужжатларнинг реквизитлари кўрсатилган ҳолдаги рўйхат;
норматив-ҳуқуқий ҳужжатларнинг назорат нусхаларини юритиш — норматив-ҳуқуқий ҳужжатнинг матнларига уларни қайта кўриб чиқишга асос бўлган (ҳужжатларга ўзгартириш ва қўшимчалар киритиш, шунингдек, уларни ўз кучини йўқотган деб топиш тўғрисидаги) ҳужжатлар ҳақидаги маълумотларни киритиш.
5. Норматив-ҳуқуқий ҳужжатларни давлат ҳисобига олиш Ўзбекистон Республикаси Адлия вазирлиги (бундан буён матнда Адлия вазирлиги деб юритилади) томонидан «Норматив-ҳуқуқий ҳужжатларнинг давлат ҳисоби ва тарқатилиши» ахборот тизими орқали амалга оширилади.
Адлия вазирлиги норматив-ҳуқуқий ҳужжатларнинг назорат нусхаларини юритади, уларнинг банкини (фондини), шунингдек, Ўзбекистон Республикаси норматив-ҳуқуқий ҳужжатларининг электрон фонди — Fond.uz базасини шакллантиради.
Норматив-ҳуқуқий ҳужжатларнинг электрон шаклдаги назорат нусхалари Адлия вазирлиги ҳузуридаги «Адолат» миллий ҳуқуқий ахборот маркази давлат муассасаси (бундан буён матнда «Адолат» маркази деб юритилади) томонидан «Ўзбекистон Республикаси қонунчилик маълумотлари миллий базаси» (Lex.uz)да (бундан буён матнда Миллий база деб юритилади) юритилади.
6. Норматив-ҳуқуқий ҳужжатларнинг тизимлаштирилган ҳисоби давлат органлари томонидан юритилади.
2-боб. Норматив-ҳуқуқий ҳужжатларни давлат ҳисобига олиш учун юбориш тартиби
7. Қуйидаги норматив-ҳуқуқий ҳужжатлар давлат ҳисобига олиш учун Адлия вазирлигига юборилади:
а) Ўзбекистон Республикасининг қонунлари;
б) Ўзбекистон Республикаси Олий Мажлиси палаталарининг қарорлари;
в) Ўзбекистон Республикаси Президентининг фармонлари, қарорлари;
в 1 ) Ўзбекистон Республикаси Президенти Администрацияси Раҳбарининг фармойишлари;
г) Ўзбекистон Республикаси Вазирлар Маҳкамасининг қарорлари;
д) вазирликлар, қўмиталар ва идораларнинг норматив-ҳуқуқий ҳужжатлари;
е) маҳаллий давлат ҳокимияти органларининг норматив-ҳуқуқий ҳужжатлари.
8. Мазкур Қоидаларнинг 7-банди «а» , «б» , «в» ва «г» кичик бандларида кўрсатилган ҳужжатлар уларни қабул қилган органлар томонидан Адлия вазирлигига имзоланган куни ахборот-таҳлилий материаллари билан бирга (норматив-ҳуқуқий ҳужжатнинг концепцияси баён этилган тушунтириш хати, ўзгартириш ва қўшимчалар тушунтирилган ҳолдаги таққослаш жадвали) электрон шаклда юборилади.
Мазкур Қоидаларнинг 7-банди «д» кичик бандида кўрсатилган норматив-ҳуқуқий ҳужжатлар электрон шаклда Адлия вазирлигининг Идоравий норматив-ҳуқуқий ҳужжатларни давлат рўйхатидан ўтказиш бошқармаси томонидан «Адолат» марказига электрон шаклда тақдим этилади.
Ушбу Қоидаларнинг 7-банди «е» кичик бандида кўрсатилган норматив-ҳуқуқий ҳужжатлар «Адолат» марказига қабул қилинган кундан бошлаб бир иш куни ичида тегишинча Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармалари томонидан электрон шаклда юборилади.
Бунда, норматив-ҳуқуқий ҳужжатлар қуйидаги тартибда Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармаларига тақдим этилади:
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимларининг, шунингдек, Қорақалпоғистон Республикаси Жўқорғи Кенгеси, вилоятлар ва Тошкент шаҳар халқ депутатлари Кенгашлари норматив-ҳуқуқий ҳужжатлари тегишинча Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан;
туман (шаҳар) ҳокимининг, туман (шаҳар) халқ депутатлари Кенгашининг норматив-ҳуқуқий ҳужжатлари тегишинча туман (шаҳар) адлия бўлимлари томонидан.
Бунда, норматив-ҳуқуқий ҳужжатларнинг электрон шакли электрон почта тизими орқали юборилади.
9. Норматив-ҳуқуқий ҳужжатларни давлат ҳисобига олиш учун уларнинг давлат тилидаги муҳрланган ҳолдаги нусхалари рангли кўринишда электрон почта тизими орқали юборилади, шунингдек, бир вақтнинг ўзида бошқа тилларда ҳам тақдим этилиши мумкин.
3-боб. Норматив-ҳуқуқий ҳужжатларни давлат ҳисобига олиш ва уларнинг фондларини сақлаш тартиби
10. Давлат ҳисоби реестрига норматив-ҳуқуқий ҳужжатлар тўғрисидаги қуйидаги маълумотлар киритилади:
норматив-ҳуқуқий ҳужжатнинг реестрдаги тартиб рақами;
норматив-ҳуқуқий ҳужжатни реестрга киритиш санаси;
норматив-ҳуқуқий ҳужжатнинг тури;
норматив-ҳуқуқий ҳужжатни қабул қилган орган(лар);
норматив-ҳуқуқий ҳужжатнинг номи;
норматив-ҳуқуқий ҳужжатни қабул қилиш санаси ва унинг рақами (вазирликлар, қўмиталар ва идораларининг норматив-ҳуқуқий ҳужжатлари учун уларнинг Адлия вазирлигида давлат рўйхатига олинган рақами ва санаси);
норматив-ҳуқуқий ҳужжатнинг кучга кириш санаси ва амал қилиш муддати;
норматив-ҳуқуқий ҳужжатнинг расмий нашрларда эълон қилиниши тўғрисидаги маълумотлар;
норматив-ҳуқуқий ҳужжатга ўзгартириш ва қўшимчалар киритиш ҳамда ўз кучини йўқотганлиги тўғрисидаги маълумотлар;
норматив-ҳуқуқий ҳужжатнинг Ўзбекистон Республикаси Қонунчилик тармоқлари умумҳуқуқий классификатори бўйича коди;
бошқа маълумотлар (изоҳ).
11. Давлат ҳисобига олинган норматив-ҳуқуқий ҳужжатларнинг матнлари хронологик тартибда тизимлаштирилади ва махсус йиғмажилдлар ҳамда маълумотларнинг электрон базаларида сақланади.
12. Норматив-ҳуқуқий ҳужжатларнинг қоғоз шаклдаги назорат нусхаларини юритиш қуйидаги тартибда амалга оширилади:
норматив-ҳуқуқий ҳужжатни қайта кўриб чиқишга асос бўлган ҳужжатларнинг реквизитлари 1-иловага мувофиқ жадвалга киритилиб, мазкур ҳужжат расмий матнининг охирги саҳифасидан кейин жойлаштириб борилади;
норматив-ҳуқуқий ҳужжатлар хронологик тартибда алоҳида йиғмажилдларда сақланади ҳамда йиғмажилдлар муқовасига «НАЗОРАТ» белгиси, шунингдек, ҳар бир норматив-ҳуқуқий ҳужжат расмий матнининг дастлабки саҳифасига назорат муҳри қўйилади.
13. Давлат ҳисоби реестри Миллий базанинг таркибий қисми бўлиб, ундаги давлат ҳисобига олиш учун келиб тушган норматив-ҳуқуқий ҳужжатларнинг матнлари эса расмий ҳисобланади.
14. Адлия вазирлиги давлат ҳисобига олинган норматив-ҳуқуқий ҳужжатларни фондларга ўз вақтида киритилишини ва мазкур Қоидаларда белгиланган тартибда тегишли ўзгартиришлар киритиш йўли билан уларнинг назорат ҳолатида сақлаб турилишини таъминлайди.
4-боб. Норматив-ҳуқуқий ҳужжатларнинг тизимлаштирилган ҳисобини юритиш ва сақлаш тартиби
15. Давлат органлари ўзлари томонидан қабул қилинган ҳамда бевосита ўз фаолиятига тегишли соҳадаги муносабатларни тартибга солувчи норматив-ҳуқуқий ҳужжатларнинг тизимлаштирилган ҳисобини юритади.
Ўзбекистон Республикаси Олий Мажлиси, Президент Администрацияси ва Вазирлар Маҳкамасида норматив-ҳуқуқий ҳужжатларнинг ҳисобини юритиш қонунчилик ҳужжатларида белгиланган тартибда амалга оширилади.
Давлат органларининг таркибий ва ҳудудий бўлинмаларида норматив-ҳуқуқий ҳужжатларнинг тизимлаштирилган ҳисобини юритиш ихтиёрий бўлиб, тегишли давлат органи раҳбарининг қарорига мувофиқ амалга оширилади, бундан ушбу Қоидаларнинг 16 ва 17-бандларида назарда тутилган ҳоллар мустасно.
16. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларида бевосита ўз фаолиятига тегишли соҳадаги муносабатларни тартибга солувчи норматив-ҳуқуқий ҳужжатларнинг ҳамда уларнинг ўзлари томонидан қабул қилинган норматив-ҳуқуқий ҳужжатларнинг, шунингдек, тегишинча Қорақалпоғистон Республикаси Жўқорғи Кенгеси, вилоятлар ва Тошкент шаҳар халқ депутатлари кенгашлари норматив-ҳуқуқий ҳужжатларининг тизимлаштирилган ҳисоби юритилади.
17. Туман (шаҳар) ҳокимликларида тегишинча туман (шаҳар) ҳокимининг, туман (шаҳар) халқ депутатлари Кенгашининг, Қорақалпоғистон Республикаси Жўқорғи Кенгесининг ва Вазирлар Кенгашининг, вилоят, Тошкент шаҳар ҳокимининг ҳамда вилоят, Тошкент шаҳар халқ депутатлари Кенгаши норматив-ҳуқуқий ҳужжатларининг тизимлаштирилган ҳисоби юритилади.
18. Норматив-ҳуқуқий ҳужжатларнинг тизимлаштирилган ҳисобини юритиш вазифаси юридик хизмат ходимига (юрисконсультга) юклатилади. Унинг йўқлигида ушбу вазифа тегишли давлат органи ёки маҳаллий давлат ҳокимияти органи раҳбари томонидан бошқа шахсга юклатилади.
19. Давлат органларининг бевосита ўз фаолиятига тегишли соҳадаги муносабатларни тартибга солувчи норматив-ҳуқуқий ҳужжатлар уларга Адлия вазирлиги томонидан Ўзбекистон Республикаси Вазирлар Маҳкамасининг 2017 йил 22 декабрдаги 1013-сон «Ҳуқуқий ахборотни тарқатиш ва ундан фойдаланишни таъминлаш тўғрисида»ги Ўзбекистон Республикаси Қонунини амалга ошириш чора-тадбирлари тўғрисида»ги қарорида белгиланган тартибда Миллий база асосида «Норматив-ҳуқуқий ҳужжатларнинг давлат ҳисоби ва тарқатилиши» ахборот тизими орқали юборилади.
20. Норматив-ҳуқуқий ҳужжатлар тўғрисидаги маълумотлар ушбу Қоидаларнинг 18-бандида кўрсатилган ходимлар томонидан мазкур Қоидаларнинг 2-иловасига мувофиқ норматив-ҳуқуқий ҳужжатларнинг электрон шаклдаги реестрига киритилиб, доимий равишда давлат органларининг расмий веб-сайтларида норматив-ҳуқуқий ҳужжатларнинг матнларига ҳавола қилган ҳолда эълон қилиб борилади. Расмий веб-сайтга эга бўлмаган ҳудудий ёки таркибий бўлинмаларга тегишли маълумотлар юқори турувчи ташкилотнинг расмий веб-сайтига жойлаштирилади.
21. Давлат органларида ўзлари томонидан қабул қилинган норматив-ҳуқуқий ҳужжатларнинг қоғоз шаклдаги нусхалари сақланади, бундан мазкур банднинг иккинчи ва учинчи хатбошиларида назарда тутилган ҳоллар мустасно.
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларида ўзлари томонидан қабул қилинган норматив-ҳуқуқий ҳужжатлар, шунингдек, тегишинча Қорақалпоғистон Республикаси Жўқорғи Кенгеси, вилоятлар ва Тошкент шаҳар халқ депутатлари Кенгашларининг норматив-ҳуқуқий ҳужжатлари;
туман (шаҳар) ҳокимликларида тегишинча туман (шаҳар) ҳокимининг, туман (шаҳар) халқ депутатлари Кенгашининг, Қорақалпоғистон Республикаси Жўқорғи Кенгесининг ва Вазирлар Кенгашининг, вилоят, Тошкент шаҳар ҳокимининг ҳамда вилоят, Тошкент шаҳар халқ депутатлари Кенгашларининг норматив-ҳуқуқий ҳужжатлари.
22. Норматив-ҳуқуқий ҳужжатларнинг қоғоз шаклдаги матнлари махсус йиғмажилдларда хронологик тартибда сақланади ҳамда норматив-ҳуқуқий ҳужжатлар расмий матнларининг охирги саҳифасидан кейин мазкур ҳужжатни қайта кўриб чиқишга асос бўлган ҳужжатлар кетма-кетликда жойлаштирилади.
23. Норматив-ҳуқуқий ҳужжатларнинг электрон шаклдаги реестрига қуйидаги маълумотлар киритилади:
норматив-ҳуқуқий ҳужжатнинг реестрдаги тартиб рақами;
норматив-ҳуқуқий ҳужжатни реестрга киритиш санаси;
норматив-ҳуқуқий ҳужжатнинг тури;
норматив-ҳуқуқий ҳужжатни қабул қилган орган(лар);
норматив-ҳуқуқий ҳужжатнинг номи;
норматив-ҳуқуқий ҳужжатни қабул қилиш санаси ва унинг рақами (вазирликлар, қўмиталар ва идораларининг норматив-ҳуқуқий ҳужжатлари учун уларнинг Адлия вазирлигида давлат рўйхатига олинган рақами ва санаси);
бошқа маълумотлар (изоҳ).
5-боб. Якуний қоидалар
24. Давлат ҳисоби реестри ва фондларнинг сақланиши, ишончлилиги учун жавобгарлик Адлия вазирлиги мансабдор шахслари зиммасига, давлат органларида юритиладиган норматив-ҳуқуқий ҳужжатларнинг электрон шаклдаги реестрларидаги маълумотларнинг тўғрилиги ва ишончлилигига мазкур ташкилотлардаги масъул шахслар зиммасига юкланади.
25. Мазкур Қоидалар талабларини бузганликда айбдор бўлган шахслар қонунчилик ҳужжатларига мувофиқ жавобгар бўлади.
Норматив-ҳуқуқий ҳужжатларнинг ҳисобини юритиш қоидаларига 1-ИЛОВА
Намуна
Ўзбекистон Республикаси Президентининг _____ йил «___» ______даги _____-сон қарорини қайта кўриб чиқишга асос бўлган норматив-ҳуқуқий ҳужжатлар Р Ў Й Х А Т И
Т/р Ҳужжат рақами Ҳужжат қабул қилинган сана Расмий манбада нашр этилган сана 1. 2. 3. 4. 5.
Норматив-ҳуқуқий ҳужжатларнинг ҳисобини юритиш қоидаларига 2-ИЛОВА
Норматив-ҳуқуқий ҳужжатларнинг электрон шаклдаги
Т/р Ҳужжатни реестрга киритиш санаси Ҳужжат тури Ҳужжатни қабул қилган орган(лар) Ҳужжат номи Ҳужжатнинг қабул қилиш санаси ва унинг рақами Изоҳ 1. 2 3 4 5 6 7
Ўзбекистон Республикаси адлия вазирининг 2021 йил 18 июндаги 14-мҳ-сон буйруғига 2-ИЛОВА
Ўз кучини йўқотган деб топилаётган идоравий норматив-ҳуқуқий ҳужжатлар
1. Ўзбекистон Республикаси адлия вазирининг 2008 йил 10 сентябрдаги 195-мҳ-сон «Ўзбекистон Республикаси норматив-ҳуқуқий ҳужжатларининг давлат ҳисоби тўғрисидаги низомни тасдиқлаш ҳақида»ги буйруғи (рўйхат рақами 1856, 2008 йил 10 сентябрь) (Ўзбекистон Республикаси қонун ҳужжатлари тўплами, 2008 й., 37-38-сон, 389-модда).
2. Ўзбекистон Республикаси адлия вазирининг 2014 йил 31 январдаги 28-мҳ-сон «Ўзбекистон Республикаси норматив-ҳуқуқий ҳужжатларининг давлат ҳисоби тўғрисидаги низомга ўзгартиришлар ва қўшимча киритиш ҳақида»ги буйруғи (рўйхат рақами 1856-1, 2014 йил 31 январь) (Ўзбекистон Республикаси қонун ҳужжатлари тўплами, 2014 й., 5-сон, 64-модда).
3. Ўзбекистон Республикаси адлия вазирининг 2012 йил 14 февралдаги 39-мҳ-сон «Давлат бошқаруви органлари ва маҳаллий давлат ҳокимияти органларида қонун ҳужжатларининг туркумлаштирилган ҳисобини юритиш қоидаларини тасдиқлаш тўғрисида»ги буйруғи (рўйхат рақами 2326, 2012 йил 14 февраль) (Ўзбекистон Республикаси қонун ҳужжатлари тўплами, 2012 й., 7-сон, 72-модда).
4. Ўзбекистон Республикаси адлия вазирининг 2015 йил 21 январдаги 23-мҳ-сон «Давлат бошқаруви органлари ва маҳаллий давлат ҳокимияти органларида қонун ҳужжатларининг туркумлаштирилган ҳисобини юритиш қоидаларига ўзгартиришлар ва қўшимча киритиш тўғрисида»ги буйруғи (рўйхат рақами 2326-1, 2015 йил 21 январь) (Ўзбекистон Республикаси қонун ҳужжатлари тўплами, 2015 й., 3-сон, 38-модда).
5. Ўзбекистон Республикаси адлия вазирининг 2018 йил 15 майдаги 286-мҳ-сон «Давлат бошқаруви органлари ва маҳаллий давлат ҳокимияти органларида қонун ҳужжатларининг туркумлаштирилган ҳисобини юритиш қоидаларига ўзгартиришлар ва қўшимча киритиш ҳақида»ги буйруғи (рўйхат рақами 2326-2, 2018 йил 15 май) (Ўзбекистон Республикаси қонун ҳужжатлари тўплами, 2018 й., 20-сон, 430-модда).
Ўзбекистон Республикаси адлия вазирининг «Норматив-ҳуқуқий ҳужжатларнинг ҳисобини юритиш қоидаларини тасдиқлаш тўғрисида»ги буйруғига
Сўнгги йилларда норматив-ҳуқуқий ҳужжатларнинг давлат ҳисобини юритиш тартибига бир қатор ўзгартиришлар киритилди:
Ўзбекистон Республикаси Қонунчилик ҳужжатлари маълумотлари миллий базаси (Lex.uz)га 2017 йилнинг 25 сентябридан норматив-ҳуқуқий ҳужжатлар эълон қилинадиган расмий манба мақоми берилди;
давлат органлари ва ташкилотлари томонидан расмий нашрларга («Ўзбекистон Республикаси қонунчилик ҳужжатлари тўплами», «Ўзбекистон Республикаси Олий Мажлиси палаталарининг ахборотномаси», «Ўзбекистон Республикаси Вазирлар Маҳкамаси қарорлари тўплами» ва «Ўзбекистон Республикаси халқаро шартномалари тўплами») обуна бўлиш амалиёти тугатилди;
давлат органлари ва ташкилотларида қонунчилик ҳужжатларини қоғоз шаклида махсус журнал ва ҳисоб варақаларида рўйхатга олиш тартиби бекор қилинди;
қонунчилик ҳужжатларининг ҳисобини юритиш, шу жумладан уларни назорат нусҳаларини янгилаб туришни электрон шаклда амалга ошириш тартиби жорий этилди.
Юқоридаги ўзгаришларни инобатга олиб, Адлия вазирлиги томонидан қонунчилик ҳужжатларини давлат ҳисобига олишнинг янги тартиби тасдиқланди. Ушбу соҳани тартибга солган иккита идоравий ҳужжат ўрнига “one in two out” тамойилига асосан битта ҳужжат қабул қилинди.
Норматив-ҳуқуқий ҳужжатларнинг ҳисобини юритишнинг янги қоидаларида қуйидагилар белгиланган.
Биринчидан, барча турдаги қонунчилик ҳужжатлари Aдлия вазирлиги томонидан марказлаштирилган ҳолда давлат рўйхатидан ўтказилади. Бу тартиб ҳужжатларнинг умумий сони бўйича аниқ статистикасини юритиш ҳамда қонунчиликдаги ўзгаришлар динамикасини кузатиш имконини беради.
Ўз навбатида, давлат органлари фақат уларнинг фаолиятига бевосита боғлиқ бўлган ҳуқуқий ҳужжатларнинг ҳисобини юритадилар. Бу давлат хизматчилари ўз касбий фаолиятлари билан боғлиқ ҳуқуқий ўзгаришлардан доимий хабардор бўлишларини таъминлайди. Тегишли рўйхат давлат идораларининг веб-сайтида жойлаштирилиши керак, шунда ҳар бир фойдаланувчи ҳужжатлар билан танишиши мумкин.
Иккинчидан, янги тартибга асосан Ўзбекистон Республикаси Президенти ва Вазирлар Маҳкамаси фармойишлари давлат ҳисобига олинади.
Уларнинг назорат нусхаларини юритилиши қонунчилик ҳужжатлари лойиҳаларини тўлиқ ва сифатли экспертизадан ўтказилишини таъминлайди.
Учинчидан, Ўзбекистон Республикаси Президентининг кадрлар масалалари, фуқаролик, афв этиш, сиёсий бошпана бериш, давлат мукофотлари билан тақдирлаш ва олий ҳарбий ва махсус унвонларни бериш ва индивидуал тусдаги бошқа масалалар бўйича фармон ва қарор шаклида қабул қилинган ҳужжатлари ҳам давлат ҳисобига олинади.
Ўзбекистон Республикасининг «Норматив-ҳуқуқий ҳужжатлар тўғрисида»ги Қонуннинг 6-моддасига асосан Ўзбекистон Республикаси Президентининг фармонлари ва қарорлари норматив-ҳуқуқий ҳужжатларнинг бир тури ҳисобланади. Шу боис, уларда қандай масалалар кўтарилишидан қатъи назар, уларнинг барчаси давлат рўйхатидан ўтказилиши лозим.
Бу каби ҳужжатлар фақат давлат рўйхатидан ўтказилиб, уларнинг матнларини Lex.uz сайтида расмий эълон қилиниши талаб этилмайди.
Бунинг учун Адлия вазирлигида норматив-ҳуқуқий ҳужжатларни давлат рўйхатидан ўтказиш учун махсус ахборот базаси шакллантирилган.
Тўртинчидан, Lex.uz да эълон қилинган барча қонунчилик ҳужжатлари назорат ҳолатида сақланади. Яъни, ҳар бир қонунчилик ҳужжатида унга киритилган ўзгартиришлар ёки қўшимчалар ёки ўз кучини йўқотган деб топиш тўғрисидаги маълумотлар акс эттирилади.
Шу билан бирга, Aдлия вазирлигида қонунчилик ҳужжатларнинг назорат нусхалари қоғоз шаклида ҳам юритилади.
Бу борада, илгари матнга тегишли ўзгартиришлар тўғрисидаги маълумотлар ёпиштирлган бўлса, эндиликда қонунчилик ҳужжатига ўзгартириш киритишга асос бўлган ҳужжатлар рўйхати (ўзгартириш ва қўшимчалар киритиш ёки бекор қилиш) унга илова қилинади.
Давлат идоралари ҳам ўз фаолиятига оид қонунчилик ҳужжатларнинг назорат нусхаларини юритишни шу тартибда олиб борадилар.
Ушбу ҳужжат 2021 йил 1 июлдан эътиборан кучга киради.
Вазир Р. ДАВЛЕТОВ
Тошкент ш.,
2021 йил 18 июнь,
13-мҳ-сон
Oʻzbekiston Respublikasi Adliya vazirining
buyrugʻi
QOIDALARI
REYESTRI
ROʻYXATI
SHARH
Normativ-huquqiy hujjatlarning hisobini yuritish qoidalarini tasdiqlash toʻgʻrisida
Oʻzbekiston Respublikasining “ Normativ-huquqiy hujjatlar toʻgʻrisida ”gi hamda “ Huquqiy axborotni tarqatish va undan foydalanishni taʼminlash toʻgʻrisida ”gi qonunlari, shuningdek, Oʻzbekiston Respublikasi Prezidentining “Oʻzbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar toʻgʻrisida” 2018-yil 13-apreldagi PQ-3666-son qaroriga muvofiq buyuraman:
1. Normativ-huquqiy hujjatlarning hisobini yuritish qoidalari 1-ilovaga muvofiq tasdiqlansin.
2. Ayrim idoraviy normativ-huquqiy hujjatlar 2-ilovaga muvofiq oʻz kuchini yoʻqotgan deb topilsin.
3. Mazkur buyruq 2021-yil 1-iyuldan eʼtiboran kuchga kiradi.
Oʻzbekiston Respublikasi adliya vazirining 2021-yil 18-iyundagi 13-mh-son buyrugʻiga 1-ILOVA
Normativ-huquqiy hujjatlarning hisobini yuritish
1-bob. Umumiy qoidalar
1. Mazkur Qoidalar normativ-huquqiy hujjatlarning hisobini yuritish tartibini belgilaydi.
2. Ushbu Qoidalar Oʻzbekiston Respublikasi Prezidenti va Vazirlar Mahkamasi farmoyishlarining hisobini yuritishga ham tatbiq etiladi, mazkur Qoidalarning 8-bandi uchinchi — yettinchi xatboshilari , 17 , 21 — 23-bandlari bundan mustasno.
3. Mazkur Qoidalarda belgilangan tartib “Maxfiy” belgisi qoʻyilgan normativ-huquqiy hujjatlarning hisobini yuritishga nisbatan tatbiq etilmaydi.
4. Ushbu Qoidalarda quyidagi asosiy tushunchalardan foydalaniladi:
normativ-huquqiy hujjatlarni davlat hisobiga olish — normativ-huquqiy hujjatlarni markazlashtirilgan tarzda yigʻish, hisobga olish, ularning fondlarini yaratish va nazorat nusxalarini yuritish hamda ular haqidagi markazlashtirilgan axborotni shakllantirish;
normativ-huquqiy hujjatlarning tizimlashtirilgan hisobini yuritish — normativ-huquqiy hujjatlar toʻgʻrisidagi maʼlumotlarni elektron shakldagi reyestrga kiritish orqali hisobga olish, matnlarini yigʻish va saqlab turish;
normativ-huquqiy hujjatlarning davlat hisobi reyestri (bundan buyon matnda Davlat hisobi reyestri deb yuritiladi) — normativ-huquqiy hujjatning nomi, turi, qabul qilgan organ, qabul qilish sanasi va uning raqami, kuchga kirish sanasi va amal qilish muddati, rasmiy nashrlarda eʼlon qilinishi toʻgʻrisidagi maʼlumotlar, hujjatga oʻzgartirish va qoʻshimchalar kiritish hamda oʻz kuchini yoʻqotganligi toʻgʻrisidagi, shuningdek, hujjatning Oʻzbekiston Respublikasi Qonunchilik tarmoqlari umumhuquqiy klassifikatori boʻyicha kodi haqidagi maʼlumotlar ifodalangan reyestr;
normativ-huquqiy hujjatlarning elektron shakldagi reyestri — davlat organlari tomonidan yuritiladigan va ularning rasmiy veb-saytlarida doimiy joylashtirib boriladigan normativ-huquqiy hujjatlarning rekvizitlari koʻrsatilgan holdagi roʻyxat;
normativ-huquqiy hujjatlarning nazorat nusxalarini yuritish — normativ-huquqiy hujjatning matnlariga ularni qayta koʻrib chiqishga asos boʻlgan (hujjatlarga oʻzgartirish va qoʻshimchalar kiritish, shuningdek, ularni oʻz kuchini yoʻqotgan deb topish toʻgʻrisidagi) hujjatlar haqidagi maʼlumotlarni kiritish.
5. Normativ-huquqiy hujjatlarni davlat hisobiga olish Oʻzbekiston Respublikasi Adliya vazirligi (bundan buyon matnda Adliya vazirligi deb yuritiladi) tomonidan “Normativ-huquqiy hujjatlarning davlat hisobi va tarqatilishi” axborot tizimi orqali amalga oshiriladi.
Adliya vazirligi normativ-huquqiy hujjatlarning nazorat nusxalarini yuritadi, ularning bankini (fondini), shuningdek, Oʻzbekiston Respublikasi normativ-huquqiy hujjatlarining elektron fondi — Fond.uz bazasini shakllantiradi.
Normativ-huquqiy hujjatlarning elektron shakldagi nazorat nusxalari Adliya vazirligi huzuridagi “Adolat” milliy huquqiy axborot markazi davlat muassasasi (bundan buyon matnda “Adolat” markazi deb yuritiladi) tomonidan “Oʻzbekiston Respublikasi qonunchilik maʼlumotlari milliy bazasi” (Lex.uz)da (bundan buyon matnda Milliy baza deb yuritiladi) yuritiladi.
6. Normativ-huquqiy hujjatlarning tizimlashtirilgan hisobi davlat organlari tomonidan yuritiladi.
2-bob. Normativ-huquqiy hujjatlarni davlat hisobiga olish uchun yuborish tartibi
7. Quyidagi normativ-huquqiy hujjatlar davlat hisobiga olish uchun Adliya vazirligiga yuboriladi:
a) Oʻzbekiston Respublikasining qonunlari;
b) Oʻzbekiston Respublikasi Oliy Majlisi palatalarining qarorlari;
v) Oʻzbekiston Respublikasi Prezidentining farmonlari, qarorlari;
v 1 ) Oʻzbekiston Respublikasi Prezidenti Administratsiyasi Rahbarining farmoyishlari;
g) Oʻzbekiston Respublikasi Vazirlar Mahkamasining qarorlari;
d) vazirliklar, qoʻmitalar va idoralarning normativ-huquqiy hujjatlari;
e) mahalliy davlat hokimiyati organlarining normativ-huquqiy hujjatlari.
8. Mazkur Qoidalarning 7-bandi “a” , “b” , “v” va “g” kichik bandlarida koʻrsatilgan hujjatlar ularni qabul qilgan organlar tomonidan Adliya vazirligiga imzolangan kuni axborot-tahliliy materiallari bilan birga (normativ-huquqiy hujjatning konsepsiyasi bayon etilgan tushuntirish xati, oʻzgartirish va qoʻshimchalar tushuntirilgan holdagi taqqoslash jadvali) elektron shaklda yuboriladi.
Mazkur Qoidalarning 7-bandi “d” kichik bandida koʻrsatilgan normativ-huquqiy hujjatlar elektron shaklda Adliya vazirligining Idoraviy normativ-huquqiy hujjatlarni davlat roʻyxatidan oʻtkazish boshqarmasi tomonidan “Adolat” markaziga elektron shaklda taqdim etiladi.
Ushbu Qoidalarning 7-bandi “e” kichik bandida koʻrsatilgan normativ-huquqiy hujjatlar “Adolat” markaziga qabul qilingan kundan boshlab bir ish kuni ichida tegishincha Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari tomonidan elektron shaklda yuboriladi.
Bunda, normativ-huquqiy hujjatlar quyidagi tartibda Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalariga taqdim etiladi:
Qoraqalpogʻiston Respublikasi Vazirlar Kengashi, viloyatlar va Toshkent shahar hokimlarining, shuningdek, Qoraqalpogʻiston Respublikasi Joʻqorgʻi Kengesi, viloyatlar va Toshkent shahar xalq deputatlari Kengashlari normativ-huquqiy hujjatlari tegishincha Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan;
tuman (shahar) hokimining, tuman (shahar) xalq deputatlari Kengashining normativ-huquqiy hujjatlari tegishincha tuman (shahar) adliya boʻlimlari tomonidan.
Bunda, normativ-huquqiy hujjatlarning elektron shakli elektron pochta tizimi orqali yuboriladi.
9. Normativ-huquqiy hujjatlarni davlat hisobiga olish uchun ularning davlat tilidagi muhrlangan holdagi nusxalari rangli koʻrinishda elektron pochta tizimi orqali yuboriladi, shuningdek, bir vaqtning oʻzida boshqa tillarda ham taqdim etilishi mumkin.
3-bob. Normativ-huquqiy hujjatlarni davlat hisobiga olish va ularning fondlarini saqlash tartibi
10. Davlat hisobi reyestriga normativ-huquqiy hujjatlar toʻgʻrisidagi quyidagi maʼlumotlar kiritiladi:
normativ-huquqiy hujjatning reyestrdagi tartib raqami;
normativ-huquqiy hujjatni reyestrga kiritish sanasi;
normativ-huquqiy hujjatning turi;
normativ-huquqiy hujjatni qabul qilgan organ(lar);
normativ-huquqiy hujjatning nomi;
normativ-huquqiy hujjatni qabul qilish sanasi va uning raqami (vazirliklar, qoʻmitalar va idoralarining normativ-huquqiy hujjatlari uchun ularning Adliya vazirligida davlat roʻyxatiga olingan raqami va sanasi);
normativ-huquqiy hujjatning kuchga kirish sanasi va amal qilish muddati;
normativ-huquqiy hujjatning rasmiy nashrlarda eʼlon qilinishi toʻgʻrisidagi maʼlumotlar;
normativ-huquqiy hujjatga oʻzgartirish va qoʻshimchalar kiritish hamda oʻz kuchini yoʻqotganligi toʻgʻrisidagi maʼlumotlar;
normativ-huquqiy hujjatning Oʻzbekiston Respublikasi Qonunchilik tarmoqlari umumhuquqiy klassifikatori boʻyicha kodi;
boshqa maʼlumotlar (izoh).
11. Davlat hisobiga olingan normativ-huquqiy hujjatlarning matnlari xronologik tartibda tizimlashtiriladi va maxsus yigʻmajildlar hamda maʼlumotlarning elektron bazalarida saqlanadi.
12. Normativ-huquqiy hujjatlarning qogʻoz shakldagi nazorat nusxalarini yuritish quyidagi tartibda amalga oshiriladi:
normativ-huquqiy hujjatni qayta koʻrib chiqishga asos boʻlgan hujjatlarning rekvizitlari 1-ilovaga muvofiq jadvalga kiritilib, mazkur hujjat rasmiy matnining oxirgi sahifasidan keyin joylashtirib boriladi;
normativ-huquqiy hujjatlar xronologik tartibda alohida yigʻmajildlarda saqlanadi hamda yigʻmajildlar muqovasiga “NAZORAT” belgisi, shuningdek, har bir normativ-huquqiy hujjat rasmiy matnining dastlabki sahifasiga nazorat muhri qoʻyiladi.
13. Davlat hisobi reyestri Milliy bazaning tarkibiy qismi boʻlib, undagi davlat hisobiga olish uchun kelib tushgan normativ-huquqiy hujjatlarning matnlari esa rasmiy hisoblanadi.
14. Adliya vazirligi davlat hisobiga olingan normativ-huquqiy hujjatlarni fondlarga oʻz vaqtida kiritilishini va mazkur Qoidalarda belgilangan tartibda tegishli oʻzgartirishlar kiritish yoʻli bilan ularning nazorat holatida saqlab turilishini taʼminlaydi.
4-bob. Normativ-huquqiy hujjatlarning tizimlashtirilgan hisobini yuritish va saqlash tartibi
15. Davlat organlari oʻzlari tomonidan qabul qilingan hamda bevosita oʻz faoliyatiga tegishli sohadagi munosabatlarni tartibga soluvchi normativ-huquqiy hujjatlarning tizimlashtirilgan hisobini yuritadi.
Oʻzbekiston Respublikasi Oliy Majlisi, Prezident Administratsiyasi va Vazirlar Mahkamasida normativ-huquqiy hujjatlarning hisobini yuritish qonunchilik hujjatlarida belgilangan tartibda amalga oshiriladi.
Davlat organlarining tarkibiy va hududiy boʻlinmalarida normativ-huquqiy hujjatlarning tizimlashtirilgan hisobini yuritish ixtiyoriy boʻlib, tegishli davlat organi rahbarining qaroriga muvofiq amalga oshiriladi, bundan ushbu Qoidalarning 16 va 17-bandlarida nazarda tutilgan hollar mustasno.
16. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarida bevosita oʻz faoliyatiga tegishli sohadagi munosabatlarni tartibga soluvchi normativ-huquqiy hujjatlarning hamda ularning oʻzlari tomonidan qabul qilingan normativ-huquqiy hujjatlarning, shuningdek, tegishincha Qoraqalpogʻiston Respublikasi Joʻqorgʻi Kengesi, viloyatlar va Toshkent shahar xalq deputatlari kengashlari normativ-huquqiy hujjatlarining tizimlashtirilgan hisobi yuritiladi.
17. Tuman (shahar) hokimliklarida tegishincha tuman (shahar) hokimining, tuman (shahar) xalq deputatlari Kengashining, Qoraqalpogʻiston Respublikasi Joʻqorgʻi Kengesining va Vazirlar Kengashining, viloyat, Toshkent shahar hokimining hamda viloyat, Toshkent shahar xalq deputatlari Kengashi normativ-huquqiy hujjatlarining tizimlashtirilgan hisobi yuritiladi.
18. Normativ-huquqiy hujjatlarning tizimlashtirilgan hisobini yuritish vazifasi yuridik xizmat xodimiga (yuriskonsultga) yuklatiladi. Uning yoʻqligida ushbu vazifa tegishli davlat organi yoki mahalliy davlat hokimiyati organi rahbari tomonidan boshqa shaxsga yuklatiladi.
19. Davlat organlarining bevosita oʻz faoliyatiga tegishli sohadagi munosabatlarni tartibga soluvchi normativ-huquqiy hujjatlar ularga Adliya vazirligi tomonidan Oʻzbekiston Respublikasi Vazirlar Mahkamasining 2017-yil 22-dekabrdagi 1013-son “Huquqiy axborotni tarqatish va undan foydalanishni taʼminlash toʻgʻrisida”gi Oʻzbekiston Respublikasi Qonunini amalga oshirish chora-tadbirlari toʻgʻrisida”gi qarorida belgilangan tartibda Milliy baza asosida “Normativ-huquqiy hujjatlarning davlat hisobi va tarqatilishi” axborot tizimi orqali yuboriladi.
20. Normativ-huquqiy hujjatlar toʻgʻrisidagi maʼlumotlar ushbu Qoidalarning 18-bandida koʻrsatilgan xodimlar tomonidan mazkur Qoidalarning 2-ilovasiga muvofiq normativ-huquqiy hujjatlarning elektron shakldagi reyestriga kiritilib, doimiy ravishda davlat organlarining rasmiy veb-saytlarida normativ-huquqiy hujjatlarning matnlariga havola qilgan holda eʼlon qilib boriladi. Rasmiy veb-saytga ega boʻlmagan hududiy yoki tarkibiy boʻlinmalarga tegishli maʼlumotlar yuqori turuvchi tashkilotning rasmiy veb-saytiga joylashtiriladi.
21. Davlat organlarida oʻzlari tomonidan qabul qilingan normativ-huquqiy hujjatlarning qogʻoz shakldagi nusxalari saqlanadi, bundan mazkur bandning ikkinchi va uchinchi xatboshilarida nazarda tutilgan hollar mustasno.
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarida oʻzlari tomonidan qabul qilingan normativ-huquqiy hujjatlar, shuningdek, tegishincha Qoraqalpogʻiston Respublikasi Joʻqorgʻi Kengesi, viloyatlar va Toshkent shahar xalq deputatlari Kengashlarining normativ-huquqiy hujjatlari;
tuman (shahar) hokimliklarida tegishincha tuman (shahar) hokimining, tuman (shahar) xalq deputatlari Kengashining, Qoraqalpogʻiston Respublikasi Joʻqorgʻi Kengesining va Vazirlar Kengashining, viloyat, Toshkent shahar hokimining hamda viloyat, Toshkent shahar xalq deputatlari Kengashlarining normativ-huquqiy hujjatlari.
22. Normativ-huquqiy hujjatlarning qogʻoz shakldagi matnlari maxsus yigʻmajildlarda xronologik tartibda saqlanadi hamda normativ-huquqiy hujjatlar rasmiy matnlarining oxirgi sahifasidan keyin mazkur hujjatni qayta koʻrib chiqishga asos boʻlgan hujjatlar ketma-ketlikda joylashtiriladi.
23. Normativ-huquqiy hujjatlarning elektron shakldagi reyestriga quyidagi maʼlumotlar kiritiladi:
normativ-huquqiy hujjatning reyestrdagi tartib raqami;
normativ-huquqiy hujjatni reyestrga kiritish sanasi;
normativ-huquqiy hujjatning turi;
normativ-huquqiy hujjatni qabul qilgan organ(lar);
normativ-huquqiy hujjatning nomi;
normativ-huquqiy hujjatni qabul qilish sanasi va uning raqami (vazirliklar, qoʻmitalar va idoralarining normativ-huquqiy hujjatlari uchun ularning Adliya vazirligida davlat roʻyxatiga olingan raqami va sanasi);
boshqa maʼlumotlar (izoh).
5-bob. Yakuniy qoidalar
24. Davlat hisobi reyestri va fondlarning saqlanishi, ishonchliligi uchun javobgarlik Adliya vazirligi mansabdor shaxslari zimmasiga, davlat organlarida yuritiladigan normativ-huquqiy hujjatlarning elektron shakldagi reyestrlaridagi maʼlumotlarning toʻgʻriligi va ishonchliligiga mazkur tashkilotlardagi masʼul shaxslar zimmasiga yuklanadi.
25. Mazkur Qoidalar talablarini buzganlikda aybdor boʻlgan shaxslar qonunchilik hujjatlariga muvofiq javobgar boʻladi.
Normativ-huquqiy hujjatlarning hisobini yuritish qoidalariga 1-ILOVA
Namuna
Oʻzbekiston Respublikasi Prezidentining _____ yil “___” ______dagi _____-son qarorini qayta koʻrib chiqishga asos boʻlgan normativ-huquqiy hujjatlar R Oʻ Y X A T I
T/r Hujjat raqami Hujjat qabul qilingan sana Rasmiy manbada nashr etilgan sana 1. 2. 3. 4. 5.
Normativ-huquqiy hujjatlarning hisobini yuritish qoidalariga 2-ILOVA
Normativ-huquqiy hujjatlarning elektron shakldagi
T/r Hujjatni reyestrga kiritish sanasi Hujjat turi Hujjatni qabul qilgan organ(lar) Hujjat nomi Hujjatning qabul qilish sanasi va uning raqami Izoh 1. 2 3 4 5 6 7
Oʻzbekiston Respublikasi adliya vazirining 2021-yil 18-iyundagi 14-mh-son buyrugʻiga 2-ILOVA
Oʻz kuchini yoʻqotgan deb topilayotgan idoraviy normativ-huquqiy hujjatlar
1. Oʻzbekiston Respublikasi adliya vazirining 2008-yil 10-sentabrdagi 195-mh-son “Oʻzbekiston Respublikasi normativ-huquqiy hujjatlarining davlat hisobi toʻgʻrisidagi nizomni tasdiqlash haqida”gi buyrugʻi (roʻyxat raqami 1856, 2008-yil 10-sentabr) (Oʻzbekiston Respublikasi qonun hujjatlari toʻplami, 2008-y., 37-38-son, 389-modda).
2. Oʻzbekiston Respublikasi adliya vazirining 2014-yil 31-yanvardagi 28-mh-son “Oʻzbekiston Respublikasi normativ-huquqiy hujjatlarining davlat hisobi toʻgʻrisidagi nizomga oʻzgartirishlar va qoʻshimcha kiritish haqida”gi buyrugʻi (roʻyxat raqami 1856-1, 2014-yil 31-yanvar) (Oʻzbekiston Respublikasi qonun hujjatlari toʻplami, 2014-y., 5-son, 64-modda).
3. Oʻzbekiston Respublikasi adliya vazirining 2012-yil 14-fevraldagi 39-mh-son “Davlat boshqaruvi organlari va mahalliy davlat hokimiyati organlarida qonun hujjatlarining turkumlashtirilgan hisobini yuritish qoidalarini tasdiqlash toʻgʻrisida”gi buyrugʻi (roʻyxat raqami 2326, 2012-yil 14-fevral) (Oʻzbekiston Respublikasi qonun hujjatlari toʻplami, 2012-y., 7-son, 72-modda).
4. Oʻzbekiston Respublikasi adliya vazirining 2015-yil 21-yanvardagi 23-mh-son “Davlat boshqaruvi organlari va mahalliy davlat hokimiyati organlarida qonun hujjatlarining turkumlashtirilgan hisobini yuritish qoidalariga oʻzgartirishlar va qoʻshimcha kiritish toʻgʻrisida”gi buyrugʻi (roʻyxat raqami 2326-1, 2015-yil 21-yanvar) (Oʻzbekiston Respublikasi qonun hujjatlari toʻplami, 2015-y., 3-son, 38-modda).
5. Oʻzbekiston Respublikasi adliya vazirining 2018-yil 15-maydagi 286-mh-son “Davlat boshqaruvi organlari va mahalliy davlat hokimiyati organlarida qonun hujjatlarining turkumlashtirilgan hisobini yuritish qoidalariga oʻzgartirishlar va qoʻshimcha kiritish haqida”gi buyrugʻi (roʻyxat raqami 2326-2, 2018-yil 15-may) (Oʻzbekiston Respublikasi qonun hujjatlari toʻplami, 2018-y., 20-son, 430-modda).
Oʻzbekiston Respublikasi adliya vazirining “Normativ-huquqiy hujjatlarning hisobini yuritish qoidalarini tasdiqlash toʻgʻrisida”gi buyrugʻiga
Soʻnggi yillarda normativ-huquqiy hujjatlarning davlat hisobini yuritish tartibiga bir qator oʻzgartirishlar kiritildi:
Oʻzbekiston Respublikasi Qonunchilik hujjatlari maʼlumotlari milliy bazasi (Lex.uz)ga 2017-yilning 25-sentabridan normativ-huquqiy hujjatlar eʼlon qilinadigan rasmiy manba maqomi berildi;
davlat organlari va tashkilotlari tomonidan rasmiy nashrlarga (“Oʻzbekiston Respublikasi qonunchilik hujjatlari toʻplami”, “Oʻzbekiston Respublikasi Oliy Majlisi palatalarining axborotnomasi”, “Oʻzbekiston Respublikasi Vazirlar Mahkamasi qarorlari toʻplami” va “Oʻzbekiston Respublikasi xalqaro shartnomalari toʻplami”) obuna boʻlish amaliyoti tugatildi;
davlat organlari va tashkilotlarida qonunchilik hujjatlarini qogʻoz shaklida maxsus jurnal va hisob varaqalarida roʻyxatga olish tartibi bekor qilindi;
qonunchilik hujjatlarining hisobini yuritish, shu jumladan ularni nazorat nusʼhalarini yangilab turishni elektron shaklda amalga oshirish tartibi joriy etildi.
Yuqoridagi oʻzgarishlarni inobatga olib, Adliya vazirligi tomonidan qonunchilik hujjatlarini davlat hisobiga olishning yangi tartibi tasdiqlandi. Ushbu sohani tartibga solgan ikkita idoraviy hujjat oʻrniga “one in two out” tamoyiliga asosan bitta hujjat qabul qilindi.
Normativ-huquqiy hujjatlarning hisobini yuritishning yangi qoidalarida quyidagilar belgilangan.
Birinchidan, barcha turdagi qonunchilik hujjatlari Adliya vazirligi tomonidan markazlashtirilgan holda davlat roʻyxatidan oʻtkaziladi. Bu tartib hujjatlarning umumiy soni boʻyicha aniq statistikasini yuritish hamda qonunchilikdagi oʻzgarishlar dinamikasini kuzatish imkonini beradi.
Oʻz navbatida, davlat organlari faqat ularning faoliyatiga bevosita bogʻliq boʻlgan huquqiy hujjatlarning hisobini yuritadilar. Bu davlat xizmatchilari oʻz kasbiy faoliyatlari bilan bogʻliq huquqiy oʻzgarishlardan doimiy xabardor boʻlishlarini taʼminlaydi. Tegishli roʻyxat davlat idoralarining veb-saytida joylashtirilishi kerak, shunda har bir foydalanuvchi hujjatlar bilan tanishishi mumkin.
Ikkinchidan, yangi tartibga asosan Oʻzbekiston Respublikasi Prezidenti va Vazirlar Mahkamasi farmoyishlari davlat hisobiga olinadi.
Ularning nazorat nusxalarini yuritilishi qonunchilik hujjatlari loyihalarini toʻliq va sifatli ekspertizadan oʻtkazilishini taʼminlaydi.
Uchinchidan, Oʻzbekiston Respublikasi Prezidentining kadrlar masalalari, fuqarolik, afv etish, siyosiy boshpana berish, davlat mukofotlari bilan taqdirlash va oliy harbiy va maxsus unvonlarni berish va individual tusdagi boshqa masalalar boʻyicha farmon va qaror shaklida qabul qilingan hujjatlari ham davlat hisobiga olinadi.
Oʻzbekiston Respublikasining “Normativ-huquqiy hujjatlar toʻgʻrisida”gi Qonunning 6-moddasiga asosan Oʻzbekiston Respublikasi Prezidentining farmonlari va qarorlari normativ-huquqiy hujjatlarning bir turi hisoblanadi. Shu bois, ularda qanday masalalar koʻtarilishidan qatʼi nazar, ularning barchasi davlat roʻyxatidan oʻtkazilishi lozim.
Bu kabi hujjatlar faqat davlat roʻyxatidan oʻtkazilib, ularning matnlarini Lex.uz saytida rasmiy eʼlon qilinishi talab etilmaydi.
Buning uchun Adliya vazirligida normativ-huquqiy hujjatlarni davlat roʻyxatidan oʻtkazish uchun maxsus axborot bazasi shakllantirilgan.
Toʻrtinchidan, Lex.uz da eʼlon qilingan barcha qonunchilik hujjatlari nazorat holatida saqlanadi. Yaʼni, har bir qonunchilik hujjatida unga kiritilgan oʻzgartirishlar yoki qoʻshimchalar yoki oʻz kuchini yoʻqotgan deb topish toʻgʻrisidagi maʼlumotlar aks ettiriladi.
Shu bilan birga, Adliya vazirligida qonunchilik hujjatlarning nazorat nusxalari qogʻoz shaklida ham yuritiladi.
Bu borada, ilgari matnga tegishli oʻzgartirishlar toʻgʻrisidagi maʼlumotlar yopishtirlgan boʻlsa, endilikda qonunchilik hujjatiga oʻzgartirish kiritishga asos boʻlgan hujjatlar roʻyxati (oʻzgartirish va qoʻshimchalar kiritish yoki bekor qilish) unga ilova qilinadi.
Davlat idoralari ham oʻz faoliyatiga oid qonunchilik hujjatlarning nazorat nusxalarini yuritishni shu tartibda olib boradilar.
Ushbu hujjat 2021-yil 1-iyuldan eʼtiboran kuchga kiradi.
Vazir R. DAVLETOV
Toshkent sh.,
2021-yil 18-iyun,
13-mh-son
Министра юстиции Республики Узбекистан
Приказ
КОММЕНТАРИЙ
Об утверждении Правил ведения учета нормативно-правовых актов
к постановлению министра юстиции Республики Узбекистан «Об утверждении Правил ведения учета нормативно-правовых актов»
В последние годы отмечается ряд нововведений в сфере ведения систематизированного учета законодательства, в частности:
с 25 сентября 2017 года Национальной базе данных законодательства Республики Узбекистан (Lex.uz) придан статус официального источника опубликования нормативно-правовых актов;
отменена практика подписки государственных органов и организаций на официальные публикации («Собрание законодательства Республики Узбекистан», «Ведомости палат Олий Мажлиса Республики Узбекистан», «Собрание постановлений Правительства Республики Узбекистан» и «Собрание международных договоров Республики Узбекистан»);
отменен порядок регистрации в бумажной форме нормативно-правовых актов в специальных журналах и учетных карточках в государственных органах и организациях;
введен порядок учета законодательства в электронной форме, включая поддержание в актуальном состоянии контрольных экземпляров нормативно-правовых актов.
Минюст утвердил новый порядок ведения учета нормативно-правовых актов, теперь по принципу «one in two out» вместо ранее действовавших двух ведомственных актов принят единый акт, регулирующий данную сферу.
В новых правилах ведения учета нормативно-правовых актов установлено следующее.
Во-первых, госучет всех видов нормативно-правовых актов будет вестись централизованно со стороны Минюста. Это позволит вести точную статистку их общего количества, а также проводить мониторинг динамики изменения законодательства.
В свою очередь, госорганы будут вести учет только тех нормативно-правовых актов, которые непосредственно касаются их деятельности. Это необходимо в связи с тем, чтобы государственные служащие были в курсе происходящих правовых изменений по направлению своей профессиональной деятельности. Соответствующий перечень должен быть доступен на веб-сайте госорганов, чтобы каждый желающий мог ознакомиться им.
Во-вторых, в соответствии с новым порядком распоряжения Президента Республики Узбекистан и Кабинета Министров подлежат государственному учету.
Это сделано для того, чтобы обеспечить полноту и качество правовой экспертизы.
В-третьих, Акты Президента Республики Узбекистан по кадровым вопросам, по вопросам гражданства, помилования, предоставления политического убежища, награждения государственными наградами и присвоения высших воинских и специальных званий, иным вопросам индивидуального характера, принятые в виде указов и постановлений также подлежат государственному учету.
Согласно статье 6 Закона Республики Узбекистан «О нормативно-правовых актах», указы и постановления Президента Республики Узбекистан являются одним из видов нормативно-правовых актов. Соответственно все они подлежат государственному учету, независимо от того, какие вопросы в них затрагиваются.
Вместе с тем, подобного рода акты будут взяты только на госучет, что не требует их официального опубликования в Lex.uz.
Для этого в Минюсте создана отдельная информационная база для государственного учета подобного рода актов.
В-четвертых, все опубликованные в Lex.uz нормативно-правовые акты будут поддерживаться в контрольном состоянии. То есть в каждом из них будут отображаться сведения о внесенных изменениях или дополнениях, или признании утратившим силу.
Вместе с тем, в Минюсте данная работа также будет вестись в бумажной форме на случай, если что-то случится с электронными текстами нормативно-правовых актов, размещенных в Lex.uz.
При этом, если ранее делались соответствующие вклейки в текст, то сейчас к каждому нормативно-правовому акту будет прилагаться перечень документов, послуживших основанием для его пересмотра (внесение изменений и дополнений, признание утратившим силу).
Госорганы также будут вести данную работу по нормативно-правовым актам, касающимся сферы их деятельности.
Данный документ вступит в силу с 1 июля 2021 года.
Министр Р. ДАВЛЕТОВ
г. Ташкент,
18 июня 2021 г.,
№ 13-мх