📅 2021-yil 19-iyun · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 19 июнь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 19 июня 2021 г. · Постановления Кабинета Министров
Официальный текст. Официальный документ. Редакционные примечания не включены.
📅 19 June 2021 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
РЕЖА-ЖАДВАЛИ
«Турбай» конларини ўзлаштириш учун қазиб олиш ва қайта ишлаш қувватларини кенгайтириш» инвестиция лойиҳасининг техник-иқтисодий асосланишини тасдиқлаш тўғрисида
Ўзбекистон Республикаси Президентининг 2020 йил 28 декабрдаги «Ўзбекистон Республикасининг 2021 — 2023 йилларга мўлжалланган Инвестиция дастурини амалга ошириш чора-тадбирлари тўғрисида» ПҚ-4937-сон қарорига мувофиқ ҳамда «Навоий КМК» акциядорлик жамиятининг қазиб олиш ва қайта ишлаш қувватларини ошириш ҳисобига қимматбаҳо металлар ишлаб чиқаришнинг барқарор ўсишини таъминлаш мақсадида Вазирлар Маҳкамаси қарор қилади:
1. «Навоий кон-металлургия комбинати» акциядорлик жамияти томонидан амалга оширилаётган «Турбай» конларини ўзлаштириш учун қазиб олиш ва қайта ишлаш қувватларини кенгайтириш» инвестиция лойиҳаси (кейинги ўринларда — инвестиция лойиҳаси) доирасида:
а) умумий қиймати 132 425,4 минг АҚШ долларига тенг инвестиция лойиҳасининг техник-иқтисодий асосланиши ишлаб чиқилиб, Ўзбекистон Республикаси Иқтисодий тараққиёт ва камбағалликни қисқартириш вазирлиги ҳузуридаги «Лойиҳалар ва импорт контрактларини комплекс экспертиза қилиш маркази» ДУКда белгиланган тартибда экспертизадан ўтказилганлиги;
б) объектларни 2023 йилда фойдаланишга топшириш орқали 2024 йилдан бошлаб «Турбай» ва «Олтин маъданли 2-зона» конларидан йилига таркибида олтин бўлган 2,0 млн тонна ҳажмдаги маъданларни қазиб олиш йўлга қўйилиши ва лойиҳа қувватига етказилиши;
в) «Зарқатлам», «Барханли» ва «Сардор» конларини ўзлаштириш ишлари 2030 йилдан бошлаб, босқичма-босқич, амалга оширилиши;
г) инвестиция лойиҳаси техник-иқтисодий асосланишининг ишлаб чиқилиши ва экспертизадан ўтказилиши натижасида:
«Навоий кон-металлургия комбинати» акциядорлик жамиятининг 14 671,0 минг АҚШ долларига тенг миқдордаги ўз маблағлари;
хорижий банкларнинг 117 754,4 минг АҚШ доллари миқдоридаги кредитлари ҳисобидан маблағларга бўлган эҳтиёж аниқланганлиги маълумот учун қабул қилинсин.
2. Белгилансинки:
«Навоий кон-металлургия комбинати» акциядорлик жамияти қарз олувчи ва инвестиция лойиҳасининг амалга оширилиши, хорижий банкларнинг кредитларидан мақсадли ҳамда самарали фойдаланиш учун масъул ижро этувчи орган ҳисобланади;
жалб этиладиган кредитларни қоплаш ва унга хизмат кўрсатиш билан боғлиқ харажатлар «Навоий кон-металлургия комбинати» акциядорлик жамиятининг ўз маблағлари ҳисобидан амалга оширилади.
3. Қуйидагилар:
«Турбай» конларини ўзлаштириш учун қазиб олиш ва қайта ишлаш қувватларини кенгайтириш» инвестиция лойиҳаси техник-иқтисодий асосланишининг асосий техник-иқтисодий кўрсаткичлари 1-иловага мувофиқ;
«Турбай» конларини ўзлаштириш учун қазиб олиш ва қайта ишлаш қувватларини кенгайтириш» инвестиция лойиҳаси доирасида хорижий банклар кредитларини қайтариш режа-жадвали 2-иловага мувофиқ тасдиқлансин.
4. Мазкур қарорнинг бажарилишини назорат қилиш Ўзбекистон Республикаси Вазирлар Маҳкамасининг Геология, энергетика, саноат ва унинг базавий тармоқларини ривожлантириш масалалари департаментига ва «Навоий кон-металлургия комбинати» акциядорлик жамиятининг бошқарув раиси — бош директори Қ.С. Санақулов зиммасига юклансин.
Вазирлар Маҳкамасининг 2021 йил 19 июндаги 384-сон қарорига 1-ИЛОВА
«Турбай» конларини ўзлаштириш учун қазиб олиш ва қайта ишлаш қувватларини кенгайтириш» инвестиция лойиҳаси техник-иқтисодий асосланишининг асосий техник-иқтисодий кўрсаткичлари
Т/р Кўрсаткичлар номи Ўлчов бирлиги Жами шу жумладан: НКМК АЖ нинг маблағлари хорижий банклар кредитлари 1. Лойиҳанинг умумий қиймати минг АҚШ доллари (экв) 132 425,4 14 671,0 117 754,4 2. Капитал қўйилмалар қиймати минг АҚШ доллари (экв) 132 425,4 14 671,0 117 754,4 шу жумладан: 2.1. машина ва ускуналар минг АҚШ доллари (экв) 56 695,1 - 56 695,1 чет эл валютасида минг АҚШ доллари 40 094,1 - 40 094,1 миллий валютада минг АҚШ доллари (экв) 16 601,0 - 16 601,0 2.2. қурилиш-монтаж ишлари минг АҚШ доллари (экв) 59 492,0 - 59 492,0 миллий валютада минг АҚШ доллари (экв) 59 492,0 - 59 492,0 2.3. инвестиция давридаги молиявий харажатлар минг АҚШ доллари (экв) 12 542,9 12 542,9 - чет эл валютасида минг АҚШ доллари 12 542,9 12 542,9 - 2.4. дастлабки айланма маблағлар минг АҚШ доллари (экв) 1 295,6 1 295,6 - чет эл валютасида минг АҚШ доллари 193,1 193,1 - миллий валютада минг АҚШ доллари (экв) 1 102,5 1 102,5 - 2.5. бошқа харажатлар минг АҚШ доллари (экв) 2 399,8 832,5 1 567,3 миллий валютада минг АҚШ доллари (экв) 2 399,8 832,5 1 567,3 3. Лойиҳанинг қуввати 2 млн тонна маъдан 4. Мўлжалланаётган ишга жойлаштирилувчилар сони 900 нафар 5. Лойиҳанинг ўзини қоплаш муддати 6,5 йил 6. Инвестиция даврининг давомийлиги 36 ой 7. Яратилаётган ишлаб чиқариш фондларининг қиймати 108 526,3 минг АҚШ доллари (экв.) 8. Хорижий кредитни сўндириш муддати 5 йил, шундан 3 йил — имтиёзли давр
Вазирлар Маҳкамасининг 2021 йил 19 июндаги 384-сон қарорига 2-ИЛОВА
«Турбай» конларини ўзлаштириш учун қазиб олиш ва қайта ишлаш қувватларини кенгайтириш» инвестиция лойиҳаси доирасида хорижий банклар кредитларини қайтариш
Кредит миқдори 117 754,4 минг АҚШ доллари Кредит муддати 5 йил Жумладан, имтиёзли муддат 3,0 йил Йиллик фоиз ставкаси 4,55 % Захирага олиш учун тўлов 0,8 % минг АКШ доллари Тўлов даври Танлов суммаси Тўловлар суммаси Жами тўланадиган сумма асосий қарз бўйича кредит бўйича фоиз захирага олиш учун тўлов 2021 й. II-чорак 39 168,8 - - 942,0 942,0 III-чорак 17 658,0 - 439,4 - 439,4 IV-чорак 21 510,8 - 578,6 - 578,6 2022 й. I-чорак - - 898,4 - 898,4 II-чорак 9 018,9 - 898,4 - 898,4 III-чорак 19 549,8 - 980,1 - 980,1 IV-чорак 9 018,8 - 1 139,6 - 1 139,6 2023 й. I-чорак - - 1 329,5 - 1 329,5 II-чорак 1 829,3 - 1 329,5 - 1 329,5 III-чорак - - 1 321,1 - 1 321,1 IV-чорак - - 1 335,8 - 1 335,8 2024 й. I-чорак - - 1 350,5 - 1 350,5 II-чорак - 13 083,8 1 350,5 - 14 434,3 III-чорак - 13 083,8 1 187,4 - 14 271,2 IV-чорак - 13 083,8 1 038,9 - 14 122,7 2025 й. I-чорак - 13 083,8 900,3 - 13 984,1 II-чорак - 13 083,8 750,3 - 13 834,1 III-чорак - 13 083,8 587,2 - 13 671,0 IV-чорак - 13 083,8 445,3 - 13 529,1 2026 й. I-чорак - 13 083,8 300,1 - 13 383,9 II-чорак - 13 084,0 149,9 - 13 233,9 Жами 117 754,4 117 754,4 18 310,8 942,0 137 007,2
Ўзбекистон Республикасининг Бош вазири А. АРИПОВ
Тошкент ш.,
2021 йил 19 июнь,
384-сон
Oʻzbekiston Respublikasi Vazirlar Mahkamasining
qarori
REJA-JADVALI
“Turbay” konlarini oʻzlashtirish uchun qazib olish va qayta ishlash quvvatlarini kengaytirish” investitsiya loyihasining texnik-iqtisodiy asoslanishini tasdiqlash toʻgʻrisida
Oʻzbekiston Respublikasi Prezidentining 2020-yil 28-dekabrdagi “Oʻzbekiston Respublikasining 2021 — 2023-yillarga moʻljallangan Investitsiya dasturini amalga oshirish chora-tadbirlari toʻgʻrisida” PQ-4937-son qaroriga muvofiq hamda “Navoiy KMK” aksiyadorlik jamiyatining qazib olish va qayta ishlash quvvatlarini oshirish hisobiga qimmatbaho metallar ishlab chiqarishning barqaror oʻsishini taʼminlash maqsadida Vazirlar Mahkamasi qaror qiladi:
1. “Navoiy kon-metallurgiya kombinati” aksiyadorlik jamiyati tomonidan amalga oshirilayotgan “Turbay” konlarini oʻzlashtirish uchun qazib olish va qayta ishlash quvvatlarini kengaytirish” investitsiya loyihasi (keyingi oʻrinlarda — investitsiya loyihasi) doirasida:
a) umumiy qiymati 132 425,4 ming AQSh dollariga teng investitsiya loyihasining texnik-iqtisodiy asoslanishi ishlab chiqilib, Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi “Loyihalar va import kontraktlarini kompleks ekspertiza qilish markazi” DUKda belgilangan tartibda ekspertizadan oʻtkazilganligi;
b) obyektlarni 2023-yilda foydalanishga topshirish orqali 2024-yildan boshlab “Turbay” va “Oltin maʼdanli 2-zona” konlaridan yiliga tarkibida oltin boʻlgan 2,0 mln tonna hajmdagi maʼdanlarni qazib olish yoʻlga qoʻyilishi va loyiha quvvatiga yetkazilishi;
v) “Zarqatlam”, “Barxanli” va “Sardor” konlarini oʻzlashtirish ishlari 2030-yildan boshlab, bosqichma-bosqich, amalga oshirilishi;
g) investitsiya loyihasi texnik-iqtisodiy asoslanishining ishlab chiqilishi va ekspertizadan oʻtkazilishi natijasida:
“Navoiy kon-metallurgiya kombinati” aksiyadorlik jamiyatining 14 671,0 ming AQSh dollariga teng miqdordagi oʻz mablagʻlari;
xorijiy banklarning 117 754,4 ming AQSh dollari miqdoridagi kreditlari hisobidan mablagʻlarga boʻlgan ehtiyoj aniqlanganligi maʼlumot uchun qabul qilinsin.
2. Belgilansinki:
“Navoiy kon-metallurgiya kombinati” aksiyadorlik jamiyati qarz oluvchi va investitsiya loyihasining amalga oshirilishi, xorijiy banklarning kreditlaridan maqsadli hamda samarali foydalanish uchun masʼul ijro etuvchi organ hisoblanadi;
jalb etiladigan kreditlarni qoplash va unga xizmat koʻrsatish bilan bogʻliq xarajatlar “Navoiy kon-metallurgiya kombinati” aksiyadorlik jamiyatining oʻz mablagʻlari hisobidan amalga oshiriladi.
3. Quyidagilar:
“Turbay” konlarini oʻzlashtirish uchun qazib olish va qayta ishlash quvvatlarini kengaytirish” investitsiya loyihasi texnik-iqtisodiy asoslanishining asosiy texnik-iqtisodiy koʻrsatkichlari 1-ilovaga muvofiq;
“Turbay” konlarini oʻzlashtirish uchun qazib olish va qayta ishlash quvvatlarini kengaytirish” investitsiya loyihasi doirasida xorijiy banklar kreditlarini qaytarish reja-jadvali 2-ilovaga muvofiq tasdiqlansin.
4. Mazkur qarorning bajarilishini nazorat qilish Oʻzbekiston Respublikasi Vazirlar Mahkamasining Geologiya, energetika, sanoat va uning bazaviy tarmoqlarini rivojlantirish masalalari departamentiga va “Navoiy kon-metallurgiya kombinati” aksiyadorlik jamiyatining boshqaruv raisi — bosh direktori Q.S. Sanaqulov zimmasiga yuklansin.
Vazirlar Mahkamasining 2021-yil 19-iyundagi 384-son qaroriga 1-ILOVA
“Turbay” konlarini oʻzlashtirish uchun qazib olish va qayta ishlash quvvatlarini kengaytirish” investitsiya loyihasi texnik-iqtisodiy asoslanishining asosiy texnik-iqtisodiy koʻrsatkichlari
T/r Koʻrsatkichlar nomi Oʻlchov birligi Jami shu jumladan: NKMK AJ ning mablagʻlari xorijiy banklar kreditlari 1. Loyihaning umumiy qiymati ming AQSh dollari (ekv) 132 425,4 14 671,0 117 754,4 2. Kapital qoʻyilmalar qiymati ming AQSh dollari (ekv) 132 425,4 14 671,0 117 754,4 shu jumladan: 2.1. mashina va uskunalar ming AQSh dollari (ekv) 56 695,1 - 56 695,1 chet el valyutasida ming AQSh dollari 40 094,1 - 40 094,1 milliy valyutada ming AQSh dollari (ekv) 16 601,0 - 16 601,0 2.2. qurilish-montaj ishlari ming AQSh dollari (ekv) 59 492,0 - 59 492,0 milliy valyutada ming AQSh dollari (ekv) 59 492,0 - 59 492,0 2.3. investitsiya davridagi moliyaviy xarajatlar ming AQSh dollari (ekv) 12 542,9 12 542,9 - chet el valyutasida ming AQSh dollari 12 542,9 12 542,9 - 2.4. dastlabki aylanma mablagʻlar ming AQSh dollari (ekv) 1 295,6 1 295,6 - chet el valyutasida ming AQSh dollari 193,1 193,1 - milliy valyutada ming AQSh dollari (ekv) 1 102,5 1 102,5 - 2.5. boshqa xarajatlar ming AQSh dollari (ekv) 2 399,8 832,5 1 567,3 milliy valyutada ming AQSh dollari (ekv) 2 399,8 832,5 1 567,3 3. Loyihaning quvvati 2 mln tonna maʼdan 4. Moʻljallanayotgan ishga joylashtiriluvchilar soni 900 nafar 5. Loyihaning oʻzini qoplash muddati 6,5 yil 6. Investitsiya davrining davomiyligi 36 oy 7. Yaratilayotgan ishlab chiqarish fondlarining qiymati 108 526,3 ming AQSh dollari (ekv.) 8. Xorijiy kreditni soʻndirish muddati 5 yil, shundan 3 yil — imtiyozli davr
Vazirlar Mahkamasining 2021-yil 19-iyundagi 384-son qaroriga 2-ILOVA
“Turbay” konlarini oʻzlashtirish uchun qazib olish va qayta ishlash quvvatlarini kengaytirish” investitsiya loyihasi doirasida xorijiy banklar kreditlarini qaytarish
Kredit miqdori 117 754,4 ming AQSh dollari Kredit muddati 5 yil Jumladan, imtiyozli muddat 3,0 yil Yillik foiz stavkasi 4,55 % Zaxiraga olish uchun toʻlov 0,8 % ming AKSh dollari Toʻlov davri Tanlov summasi Toʻlovlar summasi Jami toʻlanadigan summa asosiy qarz boʻyicha kredit boʻyicha foiz zaxiraga olish uchun toʻlov 2021-y. II-chorak 39 168,8 - - 942,0 942,0 III-chorak 17 658,0 - 439,4 - 439,4 IV-chorak 21 510,8 - 578,6 - 578,6 2022-y. I-chorak - - 898,4 - 898,4 II-chorak 9 018,9 - 898,4 - 898,4 III-chorak 19 549,8 - 980,1 - 980,1 IV-chorak 9 018,8 - 1 139,6 - 1 139,6 2023-y. I-chorak - - 1 329,5 - 1 329,5 II-chorak 1 829,3 - 1 329,5 - 1 329,5 III-chorak - - 1 321,1 - 1 321,1 IV-chorak - - 1 335,8 - 1 335,8 2024-y. I-chorak - - 1 350,5 - 1 350,5 II-chorak - 13 083,8 1 350,5 - 14 434,3 III-chorak - 13 083,8 1 187,4 - 14 271,2 IV-chorak - 13 083,8 1 038,9 - 14 122,7 2025-y. I-chorak - 13 083,8 900,3 - 13 984,1 II-chorak - 13 083,8 750,3 - 13 834,1 III-chorak - 13 083,8 587,2 - 13 671,0 IV-chorak - 13 083,8 445,3 - 13 529,1 2026-y. I-chorak - 13 083,8 300,1 - 13 383,9 II-chorak - 13 084,0 149,9 - 13 233,9 Jami 117 754,4 117 754,4 18 310,8 942,0 137 007,2
Oʻzbekiston Respublikasining Bosh vaziri A. ARIPOV
Toshkent sh.,
2021-yil 19-iyun,
384-son