📅 2021-yil 21-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 21 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 21 июня 2021 г. · Постановления Президента
Официальный текст. Официальный документ. Редакционные примечания не включены.
📅 21 June 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
РЎЙХАТИ
Республика ҳудудларида мебелсозлик саноатини ривожлантиришга қаратилган чора-тадбирлар тўғрисида
Аҳоли турмуш даражаси ва янги қурилаётган уй-жойлар сонининг ошиши натижасида мебелсозлик саноати маҳсулотларига нисбатан ошиб бораётган талабни қондириш, республика ҳудудларидаги мебель ишлаб чиқарувчилар фаолиятини қўллаб-қувватлаш, халқаро стандартларга жавоб берадиган ҳамда ички ва ташқи бозорларда рақобатбардош мебель маҳсулотларини ишлаб чиқаришни кенгайтириш мақсадида:
1. Қорақалпоғистон Республикаси Вазирлар Кенгаши ва вилоятлар ҳокимликлари, Инвестициялар ва ташқи савдо вазирлиги, Иқтисодий тараққиёт ва камбағалликни қисқартириш вазирлигининг 1-иловага мувофиқ ҳудудларда кластер усулида мебель маҳсулотларини ишлаб чиқаришга ихтисослашган кичик саноат зоналарини (кейинги матнларда — кичик саноат зоналари) ташкил қилиш тўғрисидаги таклифларига розилик берилсин.
2. Белгилаб қўйилсинки:
а) кичик саноат зоналаридаги ишлаб чиқариш майдонлари мулк ҳуқуқи асосида электрон онлайн-аукцион орқали реализация қилинади;
б) кичик саноат зоналаридаги ишлаб чиқариш майдонларига бош режага асосан, устувор равишда, мебель ва унинг бутловчи қисмларини ишлаб чиқариш ҳамда реализация қилиш объектлари жойлаштирилади, бунда электрон онлайн аукцион савдоларида бирорта талабгор иштирок этмаган лотларга мебель маҳсулотларини ишлаб чиқаришга зарар етказмайдиган саноат ва хизмат кўрсатиш йўналишларидаги бошқа лойиҳаларни жойлаштиришга рухсат берилади;
в) кичик саноат зонасидаги қишлоқ хўжалигида фойдаланилган ер майдонларини мулк ҳуқуқи асосида электрон онлайн-аукцион орқали реализация қилишдан тушган тушумнинг маҳаллий бюджетга йўналтириладиган қисми бюджетнинг қўшимча даромади сифатида шакллантирилади ва камида 30 фоизи ушбу ҳудудда янги ер майдонларини қишлоқ хўжалигига киритиш учун сарфланади;
г) ташкил қилинаётган кичик саноат зоналарининг ташқи муҳандислик-коммуникация тармоқларини қуриш тадбирлари:
ичимлик суви, оқова сув тармоқларини ҳамда автомобиль йўлларини қуриш, реконструкция қилиш ва таъмирлаш ишлари бўйича — 2021 — 2023 йиллар учун Давлат бюджетида назарда тутилган маблағлар;
электр энергияси, табиий газ ва алоқа тармоқларини қуриш, реконструкция қилиш ва таъмирлаш ишлари бўйича — ўрнатилган тартибда таъминотчи корхоналар маблағлари ҳисобидан амалга оширилади.
3. Қорақалпоғистон Республикаси Вазирлар Кенгаши ва вилоятлар ҳокимликлари:
ўн кун муддатда кичик саноат зоналарини ташкил этиш учун 1-иловада кўрсатилган ер майдонларини қонунчиликда белгиланган тартибда ажратилишини таъминласин;
бир ой муддатда Инвестициялар ва ташқи савдо вазирлиги (А. Воитов) билан биргаликда белгиланган тартибда кичик саноат зоналари ҳудудларининг чегаралари ва бош режаси ишлаб чиқилиши ва тасдиқланишини таъминласин;
икки ҳафта муддатда Қишлоқ хўжалиги вазирлиги (Ж. Ходжаев) билан биргаликда тадбиркорлик субъектларини жалб қилган ҳолда маҳаллий бюджет маблағлари ҳисобидан қишлоқ хўжалигида фойдаланишга киритиладиган ер майдонларининг манзилли рўйхатини тасдиқласин. Бунда ҳар бир ҳудудда янгидан қишлоқ хўжалигида фойдаланишга киритиладиган ер майдонлари ушбу ҳудудда ташкил қилинаётган кичик саноат зонаси майдонидан камида икки баробар кўп бўлиши лозим.
4. Белгилансинки, кичик саноат зоналарини ташкил қилиш учун ер майдони ажратилиши билан боғлиқ қишлоқ хўжалиги ва ўрмон хўжалиги ишлаб чиқариши нобудгарчиликлари ўрнини қоплаш бўйича тўланадиган компенсация тўловлари, истисно тариқасида, ундирилмайди.
5. Иқтисодий тараққиёт ва камбағалликни қисқартириш вазирлиги Инвестициялар ва ташқи савдо вазирлиги, Қорақалпоғистон Республикаси Вазирлар Кенгаши ва вилоятлар ҳокимликлари ҳамда Молия вазирлиги билан биргаликда бир ой муддатда ташкил қилинаётган кичик саноат зоналарини барча муҳандислик-коммуникация инфратузилмалари билан таъминлаш манзилли дастурини тасдиқласин.
7. 2024 йил 1 январга қадар 2-иловага мувофиқ мебель ишлаб чиқаришда фойдаланиладиган хом ашё, эҳтиёт қисмлар, фурнитура ва аксессуарлар импортида божхона божининг ноль ставкаси қўлланилсин.
8. Инвестициялар ва ташқи савдо вазирлиги ҳамда бошқа манфаатдор вазирлик ва идоралар билан биргаликда икки ой муддатда қуйидагиларни назарда тутувчи «2021 — 2024 йилларда Ўзбекистонда мебель ва ёғочсозлик саноатини ривожлантириш дастури» лойиҳасини тасдиқлаш учун Вазирлар Маҳкамасига киритсин:
республика ҳудудларида қурилаётган кўп квартирали уй-жойларни аҳолининг талабидан келиб чиққан ҳолда биринчи навбатда маҳаллий мебель маҳсулотлари билан жиҳозлаш бўйича истеъмол кредитларининг янги турлари ва пакетларини жорий қилиш;
2021 — 2024 йилларда республика ҳудудларидаги давлат ташкилотларининг, шу жумладан мактабгача таълим, умумий ўрта ва ўрта махсус таълим ҳамда соғлиқни сақлаш муассасаларининг мебель жиҳозларини янгилаш графигини тасдиқлаш;
мебель саноатининг барча йўналишларида хом ашё сифатида фойдаланиладиган дарахт турларини республика иқлим шароитини ҳисобга олган ҳолда етиштириш ҳамда республика мебель саноатида хом ашё сифатида фойдаланиладиган дарахт турлари плантацияларини барпо этиш;
хорижий давлатлардаги (Хитой, Туркия ҳамда Европа давлатлари) йирик мебель ишлаб чиқарувчи компаниялар томонидан республикада ишлаб чиқариш қувватларини ишга тушириш;
Инновацион ривожланиш вазирлиги ва «Ўзкимёсаноат» АЖ билан биргаликда республика ҳудудларида МДФ плиталари, НPL панеллар, ҳамда мазкур қарорнинг 2-иловасида кўрсатилган хом ашё, эҳтиёт қисмлар, фурнитура ва аксессуарлар ишлаб чиқаришга қаратилган лойиҳаларни амалга ошириш.
9. «Мебель ва ёғочсозлик саноати» уюшмаси, Инвестициялар ва ташқи савдо вазирлиги, Иқтисодий тараққиёт ва камбағалликни қисқартириш вазирлигининг 2022 йилдан бошлаб ҳар йили май ойида маҳаллий ва хорижий корхона вакиллари, салоҳиятли инвесторлар, экспертлар ва тармоққа алоқадор бошқа мутахассисларни жалб қилган ҳолда Мебель халқаро савдо кўргазмасини («Uzbek International Furniture Fair») ташкил қилиш ва ўтказиш тўғрисидаги таклифи маъқуллансин.
Инвестициялар ва ташқи савдо вазирлиги (А. Воитов) «Мебель ва ёғочсозлик саноати» уюшмаси (А. Нуритдинов) билан биргаликда икки ой муддатда Мебель халқаро савдо кўргазмасига тайёргарлик кўриш ҳамда уни юқори савияда ўтказиш бўйича чора-тадбирлар дастурини ишлаб чиқсин ва амалга оширишни бошласин.
10. Қорақалпоғистон Республикаси Вазирлар Кенгаши ва вилоятлар ҳокимликлари ҳамда 1-иловада кўрсатилган туманлар (шаҳарлар) ҳокимликлари Бандлик ва меҳнат муносабатлари вазирлиги ва бошқа манфаатдор вазирлик ва идоралар билан биргаликда икки ой муддатда 1-иловада кўрсатилган туманларда (шаҳарларда) жойлашган касб-ҳунарга ўқитиш муассасаларида тадбиркорлик субъектларини жалб қилган ҳолда мебелсозлик бўйича қисқа ва ўрта муддатли ўқув курсларини ташкил қилсин.
12. Ўзбекистон Миллий телерадиокомпанияси, Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги, Ўзбекистон Миллий ахборот агентлиги мазкур қарорнинг мазмун-моҳияти ҳамда унда белгиланган вазифаларнинг ижроси ёритиб борилишини таъминласин.
13. Мазкур қарор ижросини самарали ташкил этишга масъул ва шахсий жавобгар этиб инвестициялар ва ташқи савдо вазирининг биринчи ўринбосари А.Б. Воитов белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазирнинг ўринбосари С.У. Умурзаков зиммасига юклансин.
Амалга оширилаётган чора-тадбирлар натижадорлиги юзасидан ҳар чорак якуни бўйича Ўзбекистон Республикаси Президентига ахборот берилсин.
Ўзбекистон Республикаси Президентининг 2021 йил 21 июндаги ПҚ-5155-сон қарорига 1-ИЛОВА
Ҳудудларда ташкил қилинадиган кластер усулида мебель маҳсулотларини ишлаб чиқаришга ихтисослашган кичик саноат зоналари
Т/р Ҳудуд Туман (шаҳар) Кичик саноат зонаси ташкил қилинадиган ҳудуд номи Ташкил қилинадиган кичик саноат зонаси майдони (гектар) 1. Қорақалпоғистон Республикаси Нукус тумани «Ақманғит» МФЙ 3 2. Андижон вилояти Андижон тумани «Март» МФЙ 13 3. Олтинкўл тумани «Садда» МФЙ 3 4. Бухоро вилояти Ромитан тумани «А. Навоий» МФЙ 1,3 4 1 . Жондор тумани «Охших» МФЙ 1,8 5. Жиззах вилояти Жиззах шаҳри «Сайхон» МФЙ 0,5 6. Қашқадарё вилояти Қарши шаҳри «Буюк Турон» МФЙ 8 7. Қарши тумани «Кўчкак» МФЙ 1 8. Навоий вилояти Кармана тумани «Сардоба» МФЙ 3 9. Наманган вилояти Наманган шаҳри «Ойқирон» массиви 10 10. Самарқанд вилояти Пастдарғом тумани «Қорағуппа» МФЙ 2,5 11. Сурхондарё вилояти Узун тумани «Истиқлол» МФЙ 2 12. Сирдарё вилояти Янгиер шаҳри «Наврўзобод» МФЙ 8,7 13. Фарғона вилояти Бағдод тумани «Мурувват» МФЙ 6,4 13 1 . Бувайда тумани «Қўнғирот» МФЙ 8,8 14. Тошкент вилояти Ўртачирчиқ тумани «Саидовул» қишлоғи 25 * 15. Хоразм вилояти Хонқа тумани «Мадир» қишлоғи 10
Ўзбекистон Республикаси Президентининг 2021 йил 21 июндаги ПҚ-5155-сон қарорига 2-ИЛОВА
2024 йил 1 январга қадар божхона божининг ноль ставкаси қўлланиладиган, мебель ишлаб чиқаришда фойдаланиладиган хом ашё, эҳтиёт қисмлар, фурнитура ва аксессуарлар
Т/р ТИФ ТН коди Номи 1. 3208 90 9109 Синтетик полимерлар ёки кимёвий модификацияланган табиий полимерларга асосланган, сувсиз муҳитда тарқалган ёки эриган бўёқлар ва лаклар (шу жумладан эмал ва лаклар) 2. 3506 91 0000 Тайёр елим 3. 3814 00 9000 Бўёқ ва лакларни ўчириш учун тайёр эритгич ва суюлтиргичлар 4. 3920 49 ПВХ қирралар 5. 3926 30 0000 Мебель учун маҳкамлайдиган буюмлар ва фурнитура 6. 4410 Ёғоч қириндили плиталар 7. 4411 Ёғоч толали плиталар 8. 7318 14 7318 15 Қора металдан ишлаб чиқарилган винтлар, болтлар, гайкалар, бурама илгаклар, заклепкалар, шпонкалар, шплинтлар, шайбалар (пружинали) ва шунга ўхшаш буюмлар 9. 7604 29 9000 Алюминийдан тайёрланган чўп ва профиллар 10. 8302 10 0000 8302 20 0000 8302 42 0000 Қимматбаҳо бўлмаган металлдан ясалган маҳкамловчи арматура, фурнитура, кронштейнлар, шарнирлар ва шунга ўхшаш мебель учун ишлатиладиган буюмлар; қимматбаҳо бўлмаган металлдан ясалган маҳкамлагичли мебель ғилдираги ва эшикларни автоматик ёпувчи ускуналар 11. 9403 90 1000 Металлдан ясалган мебель қисмлари
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 21 июнь,
ПҚ-5155-сон
Oʻzbekiston Respublikasi Prezidentining
Qarori
ROʻYXATI
ROʻYXATI
Respublika hududlarida mebelsozlik sanoatini rivojlantirishga qaratilgan chora-tadbirlar toʻgʻrisida
Aholi turmush darajasi va yangi qurilayotgan uy-joylar sonining oshishi natijasida mebelsozlik sanoati mahsulotlariga nisbatan oshib borayotgan talabni qondirish, respublika hududlaridagi mebel ishlab chiqaruvchilar faoliyatini qoʻllab-quvvatlash, xalqaro standartlarga javob beradigan hamda ichki va tashqi bozorlarda raqobatbardosh mebel mahsulotlarini ishlab chiqarishni kengaytirish maqsadida:
1. Qoraqalpogʻiston Respublikasi Vazirlar Kengashi va viloyatlar hokimliklari, Investitsiyalar va tashqi savdo vazirligi, Iqtisodiy taraqqiyot va kambagʻallikni qisqartirish vazirligining 1-ilovaga muvofiq hududlarda klaster usulida mebel mahsulotlarini ishlab chiqarishga ixtisoslashgan kichik sanoat zonalarini (keyingi matnlarda — kichik sanoat zonalari) tashkil qilish toʻgʻrisidagi takliflariga rozilik berilsin.
2. Belgilab qoʻyilsinki:
a) kichik sanoat zonalaridagi ishlab chiqarish maydonlari mulk huquqi asosida elektron onlayn-auksion orqali realizatsiya qilinadi;
b) kichik sanoat zonalaridagi ishlab chiqarish maydonlariga bosh rejaga asosan, ustuvor ravishda, mebel va uning butlovchi qismlarini ishlab chiqarish hamda realizatsiya qilish obyektlari joylashtiriladi, bunda elektron onlayn auksion savdolarida birorta talabgor ishtirok etmagan lotlarga mebel mahsulotlarini ishlab chiqarishga zarar yetkazmaydigan sanoat va xizmat koʻrsatish yoʻnalishlaridagi boshqa loyihalarni joylashtirishga ruxsat beriladi;
v) kichik sanoat zonasidagi qishloq xoʻjaligida foydalanilgan yer maydonlarini mulk huquqi asosida elektron onlayn-auksion orqali realizatsiya qilishdan tushgan tushumning mahalliy budjetga yoʻnaltiriladigan qismi budjetning qoʻshimcha daromadi sifatida shakllantiriladi va kamida 30 foizi ushbu hududda yangi yer maydonlarini qishloq xoʻjaligiga kiritish uchun sarflanadi;
g) tashkil qilinayotgan kichik sanoat zonalarining tashqi muhandislik-kommunikatsiya tarmoqlarini qurish tadbirlari:
ichimlik suvi, oqova suv tarmoqlarini hamda avtomobil yoʻllarini qurish, rekonstruksiya qilish va taʼmirlash ishlari boʻyicha — 2021 — 2023-yillar uchun Davlat budjetida nazarda tutilgan mablagʻlar;
elektr energiyasi, tabiiy gaz va aloqa tarmoqlarini qurish, rekonstruksiya qilish va taʼmirlash ishlari boʻyicha — oʻrnatilgan tartibda taʼminotchi korxonalar mablagʻlari hisobidan amalga oshiriladi.
3. Qoraqalpogʻiston Respublikasi Vazirlar Kengashi va viloyatlar hokimliklari:
oʻn kun muddatda kichik sanoat zonalarini tashkil etish uchun 1-ilovada koʻrsatilgan yer maydonlarini qonunchilikda belgilangan tartibda ajratilishini taʼminlasin;
bir oy muddatda Investitsiyalar va tashqi savdo vazirligi (A. Voitov) bilan birgalikda belgilangan tartibda kichik sanoat zonalari hududlarining chegaralari va bosh rejasi ishlab chiqilishi va tasdiqlanishini taʼminlasin;
ikki hafta muddatda Qishloq xoʻjaligi vazirligi (J. Xodjayev) bilan birgalikda tadbirkorlik subyektlarini jalb qilgan holda mahalliy budjet mablagʻlari hisobidan qishloq xoʻjaligida foydalanishga kiritiladigan yer maydonlarining manzilli roʻyxatini tasdiqlasin. Bunda har bir hududda yangidan qishloq xoʻjaligida foydalanishga kiritiladigan yer maydonlari ushbu hududda tashkil qilinayotgan kichik sanoat zonasi maydonidan kamida ikki barobar koʻp boʻlishi lozim.
4. Belgilansinki, kichik sanoat zonalarini tashkil qilish uchun yer maydoni ajratilishi bilan bogʻliq qishloq xoʻjaligi va oʻrmon xoʻjaligi ishlab chiqarishi nobudgarchiliklari oʻrnini qoplash boʻyicha toʻlanadigan kompensatsiya toʻlovlari, istisno tariqasida, undirilmaydi.
5. Iqtisodiy taraqqiyot va kambagʻallikni qisqartirish vazirligi Investitsiyalar va tashqi savdo vazirligi, Qoraqalpogʻiston Respublikasi Vazirlar Kengashi va viloyatlar hokimliklari hamda Moliya vazirligi bilan birgalikda bir oy muddatda tashkil qilinayotgan kichik sanoat zonalarini barcha muhandislik-kommunikatsiya infratuzilmalari bilan taʼminlash manzilli dasturini tasdiqlasin.
7. 2024-yil 1-yanvarga qadar 2-ilovaga muvofiq mebel ishlab chiqarishda foydalaniladigan xom ashyo, ehtiyot qismlar, furnitura va aksessuarlar importida bojxona bojining nol stavkasi qoʻllanilsin.
8. Investitsiyalar va tashqi savdo vazirligi hamda boshqa manfaatdor vazirlik va idoralar bilan birgalikda ikki oy muddatda quyidagilarni nazarda tutuvchi “2021 — 2024-yillarda Oʻzbekistonda mebel va yogʻochsozlik sanoatini rivojlantirish dasturi” loyihasini tasdiqlash uchun Vazirlar Mahkamasiga kiritsin:
respublika hududlarida qurilayotgan koʻp kvartirali uy-joylarni aholining talabidan kelib chiqqan holda birinchi navbatda mahalliy mebel mahsulotlari bilan jihozlash boʻyicha isteʼmol kreditlarining yangi turlari va paketlarini joriy qilish;
2021 — 2024-yillarda respublika hududlaridagi davlat tashkilotlarining, shu jumladan maktabgacha taʼlim, umumiy oʻrta va oʻrta maxsus taʼlim hamda sogʻliqni saqlash muassasalarining mebel jihozlarini yangilash grafigini tasdiqlash;
mebel sanoatining barcha yoʻnalishlarida xom ashyo sifatida foydalaniladigan daraxt turlarini respublika iqlim sharoitini hisobga olgan holda yetishtirish hamda respublika mebel sanoatida xom ashyo sifatida foydalaniladigan daraxt turlari plantatsiyalarini barpo etish;
xorijiy davlatlardagi (Xitoy, Turkiya hamda Yevropa davlatlari) yirik mebel ishlab chiqaruvchi kompaniyalar tomonidan respublikada ishlab chiqarish quvvatlarini ishga tushirish;
Innovatsion rivojlanish vazirligi va “Oʻzkimyosanoat” AJ bilan birgalikda respublika hududlarida MDF plitalari, NPL panellar, hamda mazkur qarorning 2-ilovasida koʻrsatilgan xom ashyo, ehtiyot qismlar, furnitura va aksessuarlar ishlab chiqarishga qaratilgan loyihalarni amalga oshirish.
9. “Mebel va yogʻochsozlik sanoati” uyushmasi, Investitsiyalar va tashqi savdo vazirligi, Iqtisodiy taraqqiyot va kambagʻallikni qisqartirish vazirligining 2022-yildan boshlab har yili may oyida mahalliy va xorijiy korxona vakillari, salohiyatli investorlar, ekspertlar va tarmoqqa aloqador boshqa mutaxassislarni jalb qilgan holda Mebel xalqaro savdo koʻrgazmasini (“Uzbek International Furniture Fair”) tashkil qilish va oʻtkazish toʻgʻrisidagi taklifi maʼqullansin.
Investitsiyalar va tashqi savdo vazirligi (A. Voitov) “Mebel va yogʻochsozlik sanoati” uyushmasi (A. Nuritdinov) bilan birgalikda ikki oy muddatda Mebel xalqaro savdo koʻrgazmasiga tayyorgarlik koʻrish hamda uni yuqori saviyada oʻtkazish boʻyicha chora-tadbirlar dasturini ishlab chiqsin va amalga oshirishni boshlasin.
10. Qoraqalpogʻiston Respublikasi Vazirlar Kengashi va viloyatlar hokimliklari hamda 1-ilovada koʻrsatilgan tumanlar (shaharlar) hokimliklari Bandlik va mehnat munosabatlari vazirligi va boshqa manfaatdor vazirlik va idoralar bilan birgalikda ikki oy muddatda 1-ilovada koʻrsatilgan tumanlarda (shaharlarda) joylashgan kasb-hunarga oʻqitish muassasalarida tadbirkorlik subyektlarini jalb qilgan holda mebelsozlik boʻyicha qisqa va oʻrta muddatli oʻquv kurslarini tashkil qilsin.
12. Oʻzbekiston Milliy teleradiokompaniyasi, Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi, Oʻzbekiston Milliy axborot agentligi mazkur qarorning mazmun-mohiyati hamda unda belgilangan vazifalarning ijrosi yoritib borilishini taʼminlasin.
13. Mazkur qaror ijrosini samarali tashkil etishga masʼul va shaxsiy javobgar etib investitsiyalar va tashqi savdo vazirining birinchi oʻrinbosari A.B. Voitov belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazirning oʻrinbosari S.U. Umurzakov zimmasiga yuklansin.
Amalga oshirilayotgan chora-tadbirlar natijadorligi yuzasidan har chorak yakuni boʻyicha Oʻzbekiston Respublikasi Prezidentiga axborot berilsin.
Oʻzbekiston Respublikasi Prezidentining 2021-yil 21-iyundagi PQ-5155-son qaroriga 1-ILOVA
Hududlarda tashkil qilinadigan klaster usulida mebel mahsulotlarini ishlab chiqarishga ixtisoslashgan kichik sanoat zonalari
T/r Hudud Tuman (shahar) Kichik sanoat zonasi tashkil qilinadigan hudud nomi Tashkil qilinadigan kichik sanoat zonasi maydoni (gektar) 1. Qoraqalpogʻiston Respublikasi Nukus tumani “Aqmangʻit” MFY 3 2. Andijon viloyati Andijon tumani “Mart” MFY 13 3. Oltinkoʻl tumani “Sadda” MFY 3 4. Buxoro viloyati Romitan tumani “A. Navoiy” MFY 1,3 4 1 . Jondor tumani “Oxshix” MFY 1,8 5. Jizzax viloyati Jizzax shahri “Sayxon” MFY 0,5 6. Qashqadaryo viloyati Qarshi shahri “Buyuk Turon” MFY 8 7. Qarshi tumani “Koʻchkak” MFY 1 8. Navoiy viloyati Karmana tumani “Sardoba” MFY 3 9. Namangan viloyati Namangan shahri “Oyqiron” massivi 10 10. Samarqand viloyati Pastdargʻom tumani “Qoragʻuppa” MFY 2,5 11. Surxondaryo viloyati Uzun tumani “Istiqlol” MFY 2 12. Sirdaryo viloyati Yangiyer shahri “Navroʻzobod” MFY 8,7 13. Fargʻona viloyati Bagʻdod tumani “Muruvvat” MFY 6,4 13 1 . Buvayda tumani “Qoʻngʻirot” MFY 8,8 14. Toshkent viloyati Oʻrtachirchiq tumani “Saidovul” qishlogʻi 25 * 15. Xorazm viloyati Xonqa tumani “Madir” qishlogʻi 10
Oʻzbekiston Respublikasi Prezidentining 2021-yil 21-iyundagi PQ-5155-son qaroriga 2-ILOVA
2024-yil 1-yanvarga qadar bojxona bojining nol stavkasi qoʻllaniladigan, mebel ishlab chiqarishda foydalaniladigan xom ashyo, ehtiyot qismlar, furnitura va aksessuarlar
T/r TIF TN kodi Nomi 1. 3208 90 9109 Sintetik polimerlar yoki kimyoviy modifikatsiyalangan tabiiy polimerlarga asoslangan, suvsiz muhitda tarqalgan yoki erigan boʻyoqlar va laklar (shu jumladan emal va laklar) 2. 3506 91 0000 Tayyor yelim 3. 3814 00 9000 Boʻyoq va laklarni oʻchirish uchun tayyor eritgich va suyultirgichlar 4. 3920 49 PVX qirralar 5. 3926 30 0000 Mebel uchun mahkamlaydigan buyumlar va furnitura 6. 4410 Yogʻoch qirindili plitalar 7. 4411 Yogʻoch tolali plitalar 8. 7318 14 7318 15 Qora metaldan ishlab chiqarilgan vintlar, boltlar, gaykalar, burama ilgaklar, zaklepkalar, shponkalar, shplintlar, shaybalar (prujinali) va shunga oʻxshash buyumlar 9. 7604 29 9000 Aluminiydan tayyorlangan choʻp va profillar 10. 8302 10 0000 8302 20 0000 8302 42 0000 Qimmatbaho boʻlmagan metalldan yasalgan mahkamlovchi armatura, furnitura, kronshteynlar, sharnirlar va shunga oʻxshash mebel uchun ishlatiladigan buyumlar; qimmatbaho boʻlmagan metalldan yasalgan mahkamlagichli mebel gʻildiragi va eshiklarni avtomatik yopuvchi uskunalar 11. 9403 90 1000 Metalldan yasalgan mebel qismlari
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 21-iyun,
PQ-5155-son
Президента Республики Узбекистан
Постановление
ПЕРЕЧЕНЬ
ПЕРЕЧЕНЬ
О мерах, направленных на развитие мебельной промышленности в регионах республики
В целях удовлетворения спроса на продукцию мебельной промышленности, растущего вследствие повышения уровня жизни населения и увеличения количества строящегося нового жилья, поддержки деятельности производителей мебели, а также расширения производства мебельной продукции, соответствующей международным стандартам, конкурентоспособной на внутреннем и внешнем рынках:
1. Согласиться с предложениями Совета Министров Республики Каракалпакстан, хокимиятов областей, Министерства инвестиций и внешней торговли и Министерства экономического развития и сокращения бедности о создании малых промышленных зон, специализированных на производстве мебельной продукции кластерным методом (далее — малые промышленные зоны) в регионах согласно приложению № 1 .
2. Установить, что:
а) производственные площади в малых промышленных зонах реализуются посредством электронного онлайн-аукциона на основе права собственности;
б) на производственных площадях в малых промышленных зонах на основе генерального плана в приоритетном порядке размещаются объекты производства и реализации мебели и ее комплектующих. При этом на лотах, в которых впервые не участвовал ни один претендент на электронных онлайн-аукционных торгах, разрешается размещать другие проекты в направлениях промышленности и оказания услуг, не причиняющих вреда производству мебельной продукции;
в) часть выручки от реализации используемых в сельском хозяйстве земельных площадей в малых промышленных зонах посредством электронного онлайн-аукциона на основе права собственности, направляемая в местные бюджеты, формируется в качестве дополнительного дохода бюджетов, из которой не менее 30 процентов расходуется на введение в сельскохозяйственный оборот новых земельных площадей на соответствующих территориях;
г) мероприятия по строительству внешних инженерно-коммуникационных сетей, создаваемых малых промышленных зон, осуществляются за счет:
средств, предусмотренных в Государственном бюджете на 2021 — 2023 годы, — на работы по строительству, реконструкции и ремонту сетей питьевой воды и канализации, автомобильных дорог;
средств снабжающих предприятий в установленном порядке — на работы по строительству, реконструкции и ремонту сетей электроэнергии и природного газа, линий связи.
3. Совету Министров Республики Каракалпакстан и хокимиятам областей:
в десятидневный срок обеспечить выделение земельных площадей, указанных в приложении № 1 , в порядке, установленном законодательством, для создания малых промышленных зон;
в месячный срок совместно с Министерством инвестиций и внешней торговли (А. Воитов) обеспечить в установленном порядке разработку и утверждение границ и генеральных планов территорий малых промышленных зон;
в двухнедельный срок совместно с Министерством сельского хозяйства (Ж. Ходжаев) с привлечением субъектов предпринимательства утвердить адресный перечень земельных площадей, вводимых в сельскохозяйственный оборот за счет средств местных бюджетов. При этом земельные площади, заново вводимые в сельскохозяйственный оборот в каждом регионе, должны быть минимум в два раза больше площади малой промышленной зоны, создаваемой в соответствующем регионе.
4. Установить, что компенсационные выплаты на возмещение потерь сельскохозяйственного и лесохозяйственного производства, связанные с выделением земельных площадей под создание малых промышленных зон, в порядке исключения не взимаются.
5. Министерству экономического развития и сокращения бедности совместно с Министерством инвестиций и внешней торговли, Советом Министров Республики Каракалпакстан, хокимиятами областей и Министерством финансов в месячный срок утвердить Адресную программу по обеспечению создаваемых малых промышленных зон необходимой инженерно-коммуникационной инфраструктурой.
7. Применить на срок до 1 января 2024 года нулевую ставку таможенной пошлины при импорте сырья, запасных частей, фурнитуры и аксессуаров, используемых в производстве мебели, согласно приложению № 2 .
8. Министерству инвестиций и внешней торговли совместно с другими заинтересованными министерствами и ведомствами в двухмесячный срок внести на утверждение в Кабинет Министров проект «Программы развития мебельной и деревообрабатывающей промышленности в Узбекистане на 2021 — 2024 годы», предусматривающий:
внедрение новых видов и пакетов потребительских кредитов для оснащения новых многоквартирных домов, строящихся в регионах республики, в первую очередь отечественной мебельной продукцией, исходя из пожеланий населения;
утверждение Графика обновления мебельного инвентаря государственных организаций в регионах республики, в том числе дошкольных образовательных организаций, средних общих и средних специальных образовательных учреждений и учреждений здравоохранения на 2021 — 2024 годы;
выращивание видов деревьев, используемых в качестве сырья во всех направлениях мебельной промышленности, с учетом климатических условий республики, а также сооружение плантаций видов деревьев, используемых в качестве сырья в мебельной промышленности республики;
запуск в республике производственных мощностей крупными компаниями-производителями мебели зарубежных государств (Китай, Турция и государства Европы);
реализацию проектов в регионах республики совместно с Министерством инновационного развития и АО «Узкимёсаноат», направленных на производство плит МДФ, панелей НPL, а также сырья, запасных частей, фурнитуры и аксессуаров, указанных в приложении № 2 к настоящему постановлению.
9. Одобрить предложение Ассоциации мебельной и деревообрабатывающей промышленности, Министерства инвестиций и внешней торговли, Министерства экономического развития и сокращения бедности по организации и проведению начиная с 2022 года ежегодно в мае Международной мебельной торговой выставки («Uzbek International Furniture Fair») с привлечением представителей отечественных и зарубежных предприятий, потенциальных инвесторов, экспертов и других профессиональных специалистов отрасли.
Министерству инвестиций и внешней торговли (А. Воитов) совместно с Ассоциацией мебельной и деревообрабатывающей промышленности (А. Нуритдинов) в двухмесячный срок разработать и приступить к реализации Программы мер по подготовке и проведению на высоком уровне Международной мебельной торговой выставки.
10. Совету Министров Республики Каракалпакстан и хокимиятам областей, а также хокимиятам районов (городов), указанных в приложении № 1 , совместно с Министерством занятости и трудовых отношений и другими заинтересованными министерствами и ведомствами в двухмесячный срок организовать краткосрочные и среднесрочные учебные курсы по изготовлению мебели в учреждениях профессионального обучения, расположенных в районах (городах), указанных в приложении № 1 , с привлечением субъектов предпринимательства.
12. Национальной телерадиокомпании Узбекистана, Агентству информации и массовых коммуникаций при Администрации Президента Республики Узбекистан, Национальному информационному агентству Узбекистана обеспечить освещение сути и содержания настоящего постановления, а также хода исполнения определенных в нем задач.
13. Возложить на заместителя министра инвестиций и внешней торговли А.Б. Воитова персональную ответственность за организацию эффективного исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на заместителя Премьер-министра С.У. Умурзакова.
О результативности осуществляемых мер информировать Президента Республики Узбекистан по итогам каждого квартала.
ПРИЛОЖЕНИЕ № 1 к постановлению Президента Республики Узбекистан от 12 июня 2021 года № ПП-5155
создаваемых малых промышленных зон, специализированных на производстве мебельной продукции кластерным методом в регионах
№ Регион Район (город) Наименование территории, в которой создается малая промышленная зона Площадь создаваемой малой промышленной зоны (гектар) 1. Республика Каракалпакстан Нукусский район СГМ «Акмангит» 3 2. Андижанская область Андижанский район СГМ «Март» 13 3. Алтынкульский район СГМ «Садда» 3 4. Бухарская область Ромитанский района СГМ «А. Навоий» 1,3 4 1 . Джандарский район СГМ «Охших» 1,8 5. Джизакская область город Джизак СГМ «Сайхон» 0,5 6. Кашкадарьинская область город Карши СГМ «Буюк Турон» 8 7. Каршинский район СГМ «Кучкак» 1 8. Навоийская область Карманинский район СГМ «Сардоба» 3 9. Наманганская область ГородНаманган Массив Ойкирон массиви 10 10. Самаркандская область Пастдаргомский район СГМ «Корагуппа» 2,5 11. Сурхандарьинская область Узунский район СГМ «Истиклол» 2 12. Сырдарьинская область вилояти город Янгиер СГМ «Наврузобод» 8,7 13. Ферганская область Багдадский район СГМ «Мурувват» 6,4 13 1 . Бувайдинский район СГМ «Кунград» 8,8 14. Ташкентская область Уртачирчикский район Село Саидовул 25 * 15. Хорезмская область Ханкинский район Село Мадир 10
ПРИЛОЖЕНИЕ № 2 к постановлению Президента Республики Узбекистан от 12 июня 2021 года № ПП-5155
используемых в мебельном производстве сырья, запасных частей, фурнитуры и аксессуаров, по которым на срок до 1 января 2024 года применяется нулевая ставка таможенной пошлины
№ Код ТН ВЭД Наименование 1. 3208 90 9109 Краски и лаки (включая эмали и лаки) на основе синтетических полимеров или химически модифицированных природных полимеров, диспергированных или растворенных в безводной среде 2. 3506 91 0000 Готовый клей 3. 3814 00 9000 Готовые растворители и разбавители для снятия лакокрасочных материалов 4. 3920 49 Кромки ПВХ 5. 3926 30 0000 Крепежные изделия и фурнитура для мебели 6. 4410 Плиты древесно-стружечные 7. 4411 Плиты древесно-волокнистые 8. 7318 14 7318 15 Винты, болты, гайки, ввертные крюки, заклепки, шпонки, шплинты, шайбы (включая пружинные) и аналогичные изделия, из черных металлов 9. 7604 29 9000 Прутки и профили алюминиевые 10. 8302 10 0000 8302 20 0000 8302 42 0000 Крепежная арматура, фурнитура, кронштейны, шарниры и аналогичные изделия из недрагоценных металлов, используемые для мебели, мебельные колеса с крепежными приспособлениями из недрагоценных металлов, автоматические устройства из недрагоценных металлов для закрывания дверей 11. 9403 90 1000 Части мебели из металла
Президент Республики Узбекистан Ш. МИРЗИЁЕВ
г. Ташкент,
21 июня 2021 г.,
№ ПП-5155