📅 2021-yil 21-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 21 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 21 июня 2021 г. · Постановления Президента
Официальный текст. Официальный документ. Редакционные примечания не включены.
📅 21 June 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
«Янги Андижон» шаҳарчасини барпо этиш ва Андижон вилоятида тадбиркорликни янада қўллаб-қувватлаш чора-тадбирлари тўғрисида
Андижон вилоятида «Янги Андижон» шаҳарчасини барпо этиш, тадбиркорлик ва кичик бизнесни ривожлантириш орқали аҳолининг турмуш шароитини яхшилаш ҳамда ижтимоий соҳани, йўл-транспорт ва муҳандислик-коммуникация тармоқларини қуриш ва таъмирлаш ишларини молиявий ресурслар билан таъминлаш мақсадида:
1. Андижон вилоятида ижтимоий-иқтисодий ва муҳандислик-коммуникация тармоқларини ҳамда тадбиркорликни ривожлантириш учун Тикланиш ва тараққиёт жамғармасидан қуйидаги маблағлар ажратилсин:
а) «Янги Андижон» шаҳарчасини барпо этиш учун Ўзбекистон Республикаси Давлат бюджетига марказлашган инвестицияларни ошириш ҳисобига қайтариб бермаслик шарти билан — 100 миллион АҚШ доллари эквивалентида, шундан:
25 миллион АҚШ доллари эквивалентидаги маблағлар — ижтимоий соҳа объектларини қуришга, шу жумладан Андижон тиббиёт институти объектлари учун;
15 миллион АҚШ доллари эквивалентидаги маблағлар — йўл ўтказгичини ва йўл инфратузилма объектларини барпо этишга;
60 миллион АҚШ доллари эквивалентидаги маблағлар — коммуникация тармоқлари, муҳандислик инфратузилмасини яратишга, лойиҳалаштириш ишларига, қурилиш ишларини назорат қилиш, бошқариш ва бошқа харажатларга;
б) Андижон вилоятида кичик ва ўрта тадбиркорликни ривожлантириш учун — 80 миллион АҚШ доллари эквивалентида тижорат банкларига, шундан:
40 миллион АҚШ доллари эквивалентидаги маблағлар 3 йиллик имтиёзли давр билан 7 йил муддатга 7 фоиз ставкасида — тенг улушда «Ўзсаноатқурилишбанк» ва «Қишлоқ қурилиш банк» акциядорлик тижорат банклари орқали 200 та маҳаллада кооперация асосида кичик бизнесни ва оилавий тадбиркорликни ривожлантиришга кўмаклашиш мақсадида бириктирилган «етакчи» тадбиркорлик субъектларини молиявий қўллаб-қувватлашга;
40 миллион АҚШ доллари эквивалентидаги маблағлар 3 йиллик имтиёзли давр билан 7 йил муддатга 11 фоиз ставкасида — «Агробанк» акциядорлик тижорат банки орқали иссиқхона массивларини барпо этиш ва аҳоли хонадонларида иссиқхоналар ташкил этишни молиялаштиришга;
в) кичик бизнес ва оилавий тадбиркорликни ривожлантириш мақсадлари, шу жумладан банк кредитлари бўйича кафилликлар бериш учун «Тадбиркорликни ривожлантириш компанияси» акциядорлик жамияти ресурс базасини ошириш ҳамда Хонобод шаҳрида ижтимоий-иқтисодий ва муҳандислик-коммуникация тармоқларини барпо этиш тадбирларини молиялаштириш учун Ўзбекистон Республикаси Давлат бюджетига қайтариб бермаслик шарти билан — 20 миллион АҚШ доллари эквивалентида.
2. Вазирлар Маҳкамаси икки ҳафта муддатда:
Андижон вилоятининг муҳим ижтимоий ва ишлаб чиқариш инфратузилма объектларида амалга ошириладиган қурилиш-таъмирлаш ишларининг манзилли дастурини тасдиқласин;
«Янги Андижон» шаҳарчасини барпо этиш чора-тадбирларига оид тегишли қарор лойиҳасини Ўзбекистон Республикаси Президенти Администрациясига киритсин.
3. Белгилансинки:
мазкур қарорнинг 1-банди «а» кичик банди билан ажратилаётган маблағлардан мақсадли ва самарали фойдаланиш учун Андижон вилояти ҳокимлиги масъул ижро этувчи орган ҳисобланади;
мазкур қарорда назарда тутилган маблағлар тақсимотига, зарур ҳолларда, Вазирлар Маҳкамаси томонидан ўзгартиришлар киритилиши мумкин.
Ҳисоб палатаси (Б.Т. Турабов) Бош прокуратура (А.Ю. Мавлонов) билан биргаликда мазкур қарорга мувофиқ ажратилаётган маблағлардан мақсадли ва самарали фойдаланилиши, тўловлар асосланганлиги ва лойиҳа харажатлари мақбуллаштирилганлиги устидан тизимли назорат ўрнатсин ҳамда ҳар ой якуни бўйича Ўзбекистон Республикаси Президенти Администрациясига ахборот киритиб борсин.
4. Вазирлар Маҳкамаси икки ой муддатда «2021 йил учун Ўзбекистон Республикасининг Давлат бюджети тўғрисида»ги Ўзбекистон Республикаси Қонунига ўзгартиш ва қўшимчалар киритиш ҳақида»ги қонун лойиҳасини Олий Мажлис Қонунчилик палатасига белгиланган тартибда киритсин.
5. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Бош вазирининг ўринбосари Ж.А. Қўчқоров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 21 июнь,
ПҚ-5154-сон
Oʻzbekiston Respublikasi Prezidentining
Qarori
“Yangi Andijon” shaharchasini barpo etish va Andijon viloyatida tadbirkorlikni yanada qoʻllab-quvvatlash chora-tadbirlari toʻgʻrisida
Andijon viloyatida “Yangi Andijon” shaharchasini barpo etish, tadbirkorlik va kichik biznesni rivojlantirish orqali aholining turmush sharoitini yaxshilash hamda ijtimoiy sohani, yoʻl-transport va muhandislik-kommunikatsiya tarmoqlarini qurish va taʼmirlash ishlarini moliyaviy resurslar bilan taʼminlash maqsadida:
1. Andijon viloyatida ijtimoiy-iqtisodiy va muhandislik-kommunikatsiya tarmoqlarini hamda tadbirkorlikni rivojlantirish uchun Tiklanish va taraqqiyot jamgʻarmasidan quyidagi mablagʻlar ajratilsin:
a) “Yangi Andijon” shaharchasini barpo etish uchun Oʻzbekiston Respublikasi Davlat budjetiga markazlashgan investitsiyalarni oshirish hisobiga qaytarib bermaslik sharti bilan — 100 million AQSH dollari ekvivalentida, shundan:
25 million AQSH dollari ekvivalentidagi mablagʻlar — ijtimoiy soha obyektlarini qurishga, shu jumladan Andijon tibbiyot instituti obyektlari uchun;
15 million AQSH dollari ekvivalentidagi mablagʻlar — yoʻl oʻtkazgichini va yoʻl infratuzilma obyektlarini barpo etishga;
60 million AQSH dollari ekvivalentidagi mablagʻlar — kommunikatsiya tarmoqlari, muhandislik infratuzilmasini yaratishga, loyihalashtirish ishlariga, qurilish ishlarini nazorat qilish, boshqarish va boshqa xarajatlarga;
b) Andijon viloyatida kichik va oʻrta tadbirkorlikni rivojlantirish uchun — 80 million AQSH dollari ekvivalentida tijorat banklariga, shundan:
40 million AQSH dollari ekvivalentidagi mablagʻlar 3 yillik imtiyozli davr bilan 7 yil muddatga 7 foiz stavkasida — teng ulushda “Oʻzsanoatqurilishbank” va “Qishloq qurilish bank” aksiyadorlik tijorat banklari orqali 200 ta mahallada kooperatsiya asosida kichik biznesni va oilaviy tadbirkorlikni rivojlantirishga koʻmaklashish maqsadida biriktirilgan “yetakchi” tadbirkorlik subyektlarini moliyaviy qoʻllab-quvvatlashga;
40 million AQSH dollari ekvivalentidagi mablagʻlar 3 yillik imtiyozli davr bilan 7 yil muddatga 11 foiz stavkasida — “Agrobank” aksiyadorlik tijorat banki orqali issiqxona massivlarini barpo etish va aholi xonadonlarida issiqxonalar tashkil etishni moliyalashtirishga;
v) kichik biznes va oilaviy tadbirkorlikni rivojlantirish maqsadlari, shu jumladan bank kreditlari boʻyicha kafilliklar berish uchun “Tadbirkorlikni rivojlantirish kompaniyasi” aksiyadorlik jamiyati resurs bazasini oshirish hamda Xonobod shahrida ijtimoiy-iqtisodiy va muhandislik-kommunikatsiya tarmoqlarini barpo etish tadbirlarini moliyalashtirish uchun Oʻzbekiston Respublikasi Davlat budjetiga qaytarib bermaslik sharti bilan — 20 million AQSH dollari ekvivalentida.
2. Vazirlar Mahkamasi ikki hafta muddatda:
Andijon viloyatining muhim ijtimoiy va ishlab chiqarish infratuzilma obyektlarida amalga oshiriladigan qurilish-taʼmirlash ishlarining manzilli dasturini tasdiqlasin;
“Yangi Andijon” shaharchasini barpo etish chora-tadbirlariga oid tegishli qaror loyihasini Oʻzbekiston Respublikasi Prezidenti Administratsiyasiga kiritsin.
3. Belgilansinki:
mazkur qarorning 1-bandi “a” kichik bandi bilan ajratilayotgan mablagʻlardan maqsadli va samarali foydalanish uchun Andijon viloyati hokimligi masʼul ijro etuvchi organ hisoblanadi;
mazkur qarorda nazarda tutilgan mablagʻlar taqsimotiga, zarur hollarda, Vazirlar Mahkamasi tomonidan oʻzgartirishlar kiritilishi mumkin.
Hisob palatasi (B.T. Turabov) Bosh prokuratura (A.Yu. Mavlonov) bilan birgalikda mazkur qarorga muvofiq ajratilayotgan mablagʻlardan maqsadli va samarali foydalanilishi, toʻlovlar asoslanganligi va loyiha xarajatlari maqbullashtirilganligi ustidan tizimli nazorat oʻrnatsin hamda har oy yakuni boʻyicha Oʻzbekiston Respublikasi Prezidenti Administratsiyasiga axborot kiritib borsin.
4. Vazirlar Mahkamasi ikki oy muddatda “2021-yil uchun Oʻzbekiston Respublikasining Davlat budjeti toʻgʻrisida”gi Oʻzbekiston Respublikasi Qonuniga oʻzgartish va qoʻshimchalar kiritish haqida”gi qonun loyihasini Oliy Majlis Qonunchilik palatasiga belgilangan tartibda kiritsin.
5. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 21-iyun,
PQ-5154-son
Президента Республики Узбекистан
Постановление
О мерах по строительству городка «Янги Андижон» и дальнейшей поддержке предпринимательства в Андижанской области
В целях строительства городка «Янги Андижон», улучшения условий жизни населения путем развития предпринимательства и малого бизнеса, а также обеспечения финансовыми ресурсами социальной сферы, работ по строительству и ремонту дорожно-транспортных и инженерно-коммуникационных сетей в Андижанской области:
1. Для развития дорожно-транспортных и инженерно-коммуникационных сетей, а также предпринимательства в Андижанской области выделить из Фонда реконструкции и развития средства:
а) Государственному бюджету Республики Узбекистан на безвозмездной основе за счет увеличения централизованных инвестиций на строительство городка «Янги Андижон» — в эквиваленте 100 миллионов долларов США, из них на:
строительство объектов социальной сферы, включая объекты Андижанского медицинского института, — в эквиваленте 25 миллионов долларов США;
строительство путепроводов и объектов дорожной инфраструктуры — в эквиваленте 15 миллионов долларов США;
создание коммуникационных сетей и инженерной инфраструктуры, проектные работы, осуществление контроля за строительными работами, управление и прочие расходы — в эквиваленте 60 миллионов долларов США;
б) коммерческим банкам на развитие малого и среднего предпринимательства в Андижанской области — в эквиваленте 80 миллионов долларов США, из них на:
финансовую поддержку «ведущих» субъектов предпринимательства, закрепленных в целях оказания содействия развитию малого бизнеса и семейного предпринимательства в 200 махаллях на основе кооперации, — в эквиваленте 40 миллионов долларов США на срок 7 лет, включая трехлетний льготный период, по ставке 7 процентов через акционерные коммерческие банки «Узсаноаткурилишбанк» и «Кишлок курилиш банк» в равных долях;
финансирование строительства тепличных массивов и сооружения теплиц в домах населения — в эквиваленте 40 миллионов долларов США на срок 7 лет, включая трехлетний льготный период, по ставке 11 процентов через акционерный коммерческий банк «Агробанк»;
в) Государственному бюджету Республики Узбекистан на безвозмездной основе для целей развития малого бизнеса и семейного предпринимательства, в том числе на увеличение ресурсной базы Акционерного общества «Компания по развитию предпринимательства» для предоставления поручительств по банковским кредитам, а также на финансирование работ по строительству социально-экономических и инженерно-коммуникационных сетей в городе Ханабаде, — в эквиваленте 20 миллионов долларов США.
2. Кабинету Министров в двухнедельный срок:
утвердить Адресную программу строительно-ремонтных работ, осуществляемых на важных социальных и производственных инфраструктурных объектах Андижанской области;
внести в Администрацию Президента Республики Узбекистан проект соответствующего постановления о мерах по строительству городка «Янги Андижон».
3. Установить, что:
хокимият Андижанской области является ответственным исполнительным органом за целевое и эффективное расходование средств, выделяемых в соответствии с подпунктом «а» пункта 1 настоящего постановления;
в распределение средств, предусмотренных в настоящем постановлении, при необходимости, Кабинетом Министров могут вноситься изменения.
Счетной палате (Б.Т. Турабов) совместно с Генеральной прокуратурой (А.Ю. Мавлонов) установить системный контроль за целевым и эффективным расходованием средств, выделяемых в соответствии с настоящим постановлением, обоснованностью платежей и оптимизацией проектных расходов, а также по итогам каждого месяца вносить информацию в Администрацию Президента Республики Узбекистан.
4. Кабинету Министров в двухмесячный срок внести в установленном порядке в Законодательную палату Олий Мажлиса проект закона «О внесении изменений и дополнений в Закон Республики Узбекистан «О Государственном бюджете Республики Узбекистан на 2021 год».
5. Контроль за исполнением настоящего постановления возложить на Премьер-министра Республики Узбекистан А.Н. Арипова и заместителя Премьер-министра Республики Узбекистан Д.А. Кучкарова.
Президент Республики Узбекистан Ш. МИРЗИЁЕВ
г. Ташкент,
21 июня 2021 г.,
№ ПП-5154