UzbekAI

Ўзбекистон Республикаси Вазирлар Маҳкамасининг

қарори

НИЗОМ

СХЕМАСИ

НИЗОМ

СХЕМАСИ

МИНИМАЛ ТАЛАБЛАР

НИЗОМ

СХЕМАСИ

РЎЙХАТИ

Давлат кадастрларини юритиш соҳасини тартибга солувчи айрим норматив-ҳуқуқий ҳужжатларни тасдиқлаш тўғрисида

Ўзбекистон Республикаси Президентининг «Ер ҳисоби ва давлат кадастрларини юритиш тизимини тубдан такомиллаштириш чора-тадбирлари тўғрисида» 2020 йил 7 сентябрдаги ПФ-6061-сон Фармони ҳамда «Ўзбекистон Республикаси Давлат солиқ қўмитаси ҳузуридаги Кадастр агентлиги фаолиятини ташкил этиш чора-тадбирлари тўғрисида» 2020 йил 7 сентябрдаги ПҚ-4819-сон қарори ижросини таъминлаш мақсадида Вазирлар Маҳкамаси қарор қилади:

1. Қуйидагилар:

давлат ер кадастрининг таркибий қисмлари, давлат ер кадастрини юритишнинг асосий принциплари ҳамда давлат ер кадастрини юритишда Давлат кадастрлари палатаси ва унинг ҳудудий бошқармаларининг вазифаларини назарда тутувчи Давлат ер кадастрини юритиш тартиби тўғрисидаги низом 1-иловага мувофиқ;

бинолар ва иншоотлар давлат кадастри таркиби, босқичлари ҳамда бинолар ва иншоотлар давлат кадастрини юритишни ташкил этишни назарда тутувчи Бино ва иншоотлар давлат кадастрини юритиш тартиби тўғрисидаги низом 2-иловага мувофиқ;

ер участкаси, бино ва иншоотлар ҳамда кўп йиллик дарахтларнинг кадастр маълумотларини тайёрлаш, кадастр йиғмажилдини тайёрлаш ҳамда кадастр йиғмажилдини шакллантириш натижасида кадастр паспортини расмийлаштиришни назарда тутувчи Кўчмас мулк объектига кадастр йиғмажилдини тайёрлаш тартиби тўғрисидаги низом 3-иловага мувофиқ тасдиқлансин.

2. Ўзбекистон Республикаси Ҳукуматининг 4-иловага мувофиқ айрим қарорлари ўз кучини йўқотган деб ҳисоблансин.

3. Ўзбекистон Республикаси Давлат солиқ қўмитаси манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.

4. Мазкур қарорнинг бажарилишини назорат қилиш Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари — иқтисодий тараққиёт ва камбағалликни қисқартириш вазири Ж.А. Қўчқоров ҳамда Ўзбекистон Республикаси Давлат солиқ қўмитаси раиси Ш.Д. Кудбиев зиммасига юклансин.

Вазирлар Маҳкамасининг 2021 йил 22 июндаги 389-сон қарорига 1-ИЛОВА

Давлат ер кадастрини юритиш тартиби тўғрисида

1-боб. Умумий қоидалар

1. Ушбу Низом Давлат ер кадастрини юритиш тартибини белгилайди.

Давлат ер кадастри ерларни ҳисобга олиш, ер участкаларига бўлган ҳуқуқлар кафолатланишини таъминлаш, ернинг табиий хоссаларини, ердан фойдаланишни ҳар томонлама ўрганиш ва баҳолаш мақсадида юритилади.

2. Давлат ер кадастри Давлат кадастрлари ягона тизимининг асосий таркибий қисми ҳисобланиб, ерларнинг табиий, хўжалик, ҳуқуқий режими, тоифалари, сифат хусусиятлари ва қиймати, ер участкаларининг ўрни ва ўлчамлари, уларнинг ер эгалари, ердан фойдаланувчилар, ижарачилар ва мулкдорлар ўртасидаги тақсимоти тўғрисидаги маълумотлар ҳамда ҳужжатлар тизимидан иборатдир.

3. Ўзбекистон Республикасининг ер фонди давлат ер кадастри объекти ҳисобланади.

4. Ер кадастри маълумотларини ишлаб чиқиш технологиясини доимий равишда такомиллаштириш, тизимлаштириш, сақлаш, янгилаш ҳамда фойдаланувчиларга ер кадастри тўғрисида ишончли маълумотлар тақдим этиш давлат ер кадастрининг асосий вазифалари ҳисобланади.

Давлат ер кадастрини юритиш аэрокосмик суратга олиш, топографик-геодезик, картографик, тупроқ, агрокимёвий, геоботаник тадқиқотлар ва бошқа тадқиқотлар ҳамда изланишлар олиб бориш, ерларнинг миқдор ва сифат жиҳатидан ҳисобга олиниши ва баҳоланиши, юридик ва жисмоний шахсларнинг ер участкаларига бўлган ҳуқуқларини давлат рўйхатидан ўтказиш орқали таъминланади.

5. Давлат ер кадастри ер муносабатларини тартибга солиш мақсадида давлат органлари ва ташкилотларини, манфаатдор юридик ва жисмоний шахсларни ер тўғрисидаги маълумотлар билан таъминлаш, ерларни муҳофаза қилиш, ер тузилишини ташкил этиш, ер учун ҳақ тўлаш миқдорларини асослаш, хўжалик фаолиятини баҳолаш учун мўлжалланган.

6. Қуйидагилар давлат ер кадастрининг таркибий қисмлари ҳисобланади:

ер участкаларига эгалик қилиш, улардан фойдаланиш, уларга бўлган мулк ёки ижара ҳуқуқларини давлат рўйхатидан ўтказиш тўғрисидаги маълумотларни, шунингдек, сервитутларни ва ушбу ҳуқуқларга доир бошқа чеклашларни ҳисобга олиш;

ер миқдорини ҳисобга олиш;

ер сифатини ҳисобга олиш (тупроқ бонитетини аниқлаш);

ерни қиймат жиҳатидан баҳолаш.

7. Қуйидагилар давлат ер кадастрини юритишнинг асосий принциплари ҳисобланади:

республиканинг бутун ҳудудини қамраб олиш;

фазовий координатларнинг ягона тизимини (WGS-84) қўллаш;

ер кадастрига доир маълумотларни ишлаб чиқиш услубининг бирлиги ва узлуксизлиги;

ер кадастрига доир маълумотларнинг ишончлилиги ва тежамлилиги.

8. Давлат ер кадастри маълумотлари асосий (бирламчи) ва жорий турга бўлинади.

Бирламчи рўйхатдан ўтказиш вақтида олинган маълумотлар ва давлат ер кадастри бирламчи маълумотларини тузиш асосий маълумотлар ҳисобланади.

Давлат ер кадастри маълумотларини қайта рўйхатдан ўтказиш ва (ёки) ўзгартириш жараёнида олинган маълумотлар жорий маълумотлар ҳисобланади.

9. Давлат ер кадастри Давлат кадастрлари ягона тизими, бошқа давлат кадастрларини мониторингини юритиш учун фазовий-ҳуқуқий асос ҳисобланади.

Давлат кадастрлари ягона тизимига давлат ер кадастрига оид киритиладиган маълумотларнинг таркиби Ўзбекистон Республикаси Давлат солиқ қўмитаси ҳузуридаги Кадастр агентлиги (кейинги ўринларда — Кадастр агентлиги) томонидан ишлаб чиқилади ҳамда Ўзбекистон Республикаси Давлат солиқ қўмитаси ва Қишлоқ хўжалиги вазирлиги билан келишилади.

10. Ер кадастри маълумотларидан ер муносабатларини тартибга солишда, ердан фойдаланиш билан боғлиқ ижтимоий, иқтисодий ва экологик вазифаларни ҳал этишда фойдаланилиши керак.

11. Давлат ер кадастрини юритиш ишлари Ўзбекистон Республикасининг Давлат бюджетидан, ер участкасига бўлган ҳуқуқларни давлат рўйхатидан ўтказиш учун тўловлар ва бошқа манбалар ҳисобидан молиялаштирилади.

2-боб. Давлат ер кадастрининг мазмуни

12. Қуйидагилар давлат ер кадастрининг мазмунини ташкил этади:

ер участкаларига бўлган ҳуқуқларни давлат рўйхатидан ўтказиш;

ер участкаларини электрон ҳисобга олиш;

ерни қиймат жиҳатидан баҳолаш;

ер кадастри маълумотларини тизимлаштириш, сақлаш, янгилаш ва манфаатдор шахсларга белгиланган тартибда тақдим этиш.

13. Ер участкасига бўлган ҳуқуқларнинг вужудга келишига доир маълумотлар ер кадастри маълумотларининг бирламчи қисми ҳисобланади ҳамда мазкур ер участкасини ҳисобга олиш, қийматини аниқлаш ва ҳуқуқларни рўйхатга олишнинг асосини ташкил этади.

Ер участкаларига бўлган ҳуқуқларни бирламчи (қайта) давлат рўйхатидан ўтказишда ер участкаси ва унинг чегараларига оид маълумотлар Давлат кадастрлари ягона тизимида акс эттирилган ҳолда амалга оширилади.

14. Ер участкаларига бўлган ҳуқуқлар, ушбу ҳуқуқларнинг вужудга келиши, бошқа шахсга ўтиши, чекланиши ва тўхтатилиши қонунчилик ҳужжатларида белгиланган тартибда давлат рўйхатидан ўтказилади.

15. Ер участкаларининг чегараларини белгилаш WGS-84 координата тизимида картография материалидан фойдаланган ҳолда, геодезия усуллари билан жойнинг ўзида чегараларнинг бурилиш нуқталари каталогига мувофиқ уларни чегара қозиқлари билан маҳкамлаш орқали амалга оширилади. Натижалар Давлат кадастрлари ягона тизимининг ер кадастри қатламида акс эттирилади. Ер участкаларининг умумий майдони талаб қилинадиган аниқликда таҳлилий, график-таҳлилий ёки механик усуллар билан аниқланади.

Ер участкаси тўғрисидаги маълумотлар автоматлаштирилган ахборот тизимида юритилади.

Жорий рўйхатдан ўтказиш маълумотларини шакллантиришда рўйхатга олувчи ахборот тизимида ер участкалари эгалари, ердан фойдаланувчилар, ижарачилар ва мулкдорларнинг ҳуқуқий ҳолати, шунингдек, ернинг майдони, чегаралари, ундан фойдаланиш мақсади ва фойдаланиш режими бўйича юз берган ўзгаришлар тўғрисидаги маълумотлар киритилади.

16. Ер участкаларининг умумий майдонини ҳисобга олиш асосан геодезия усуллари билан, юқори аниқликни талаб этмайдиган ҳолларда эса картометрик усуллар билан бажарилади.

Экин майдонлари бўйича ер миқдорини ҳисобга олиш бир ва ундан ортиқ контурлардан иборат бўлган асосий ер кадастри бирликлари — ер участкалари доирасида юритилади. Барча тоифадаги экин майдонлари ҳисобга олиниши керак.

Қишлоқ хўжалиги тоифасидаги ер майдонлари ер турлари бўйича ер кадастри маълумотлари таркибида алоҳида қатламда ҳисобга олинади.

17. Давлат ер кадастрининг алоҳида қатлами шаклида, ер сифатини ҳисобга олиш қуйидагиларни ўз ичига олади: табиий-қишлоқ хўжалиги ва ер кадастри бўйича районлаштириш, ер таснифи, уларни экология, технология ва шаҳарсозлик белгилари ва бошқа белгилар бўйича тавсифлаш, тупроқ ва ерни гуруҳларга ажратиш.

Ерларнинг ўлчами, жойлашган ўрни (координаталар каталоги билан), тоифаси ва сифати ҳолатига оид қайд этиладиган маълумотлар ерни ҳисобга олиш тўғрисидаги маълумотларни ташкил этади.

18. Маъмурий-ҳудудий даражанинг ошишига қараб, ерни ҳисобга олиш тўғрисидаги маълумотлар унинг кўрсаткичларининг таққосланувчанлигига риоя қилинган ҳолда умумлаштирилади.

19. Турли мақсадларга мўлжалланган ер участкалари ҳолатини баҳолаш ерлардан фойдаланиш самарадорлигининг ҳозирги ҳолати даражасини аниқлашга ҳамда келажакда уни ошириш имкониятларини таҳлил қилиш, асослаш, ер солиғи ва бошқа тўловларни, унинг норматив баҳосини ҳисоблаб чиқариш, ерлардан оқилона ва самарали фойдаланишни рағбатлантириш учун амалга оширилади.

Барча тоифадаги ерларни баҳолаш ишлари тизимли равишда амалдаги ҳолат ва баҳолаш кўрсаткичлари (ерларнинг ҳар бир тоифаси учун ўзига хос бўлган) ёрдамида қонунчилик ҳужжатларида белгиланган тартибда амалга оширилади.

Қишлоқ хўжалиги ва ўрмон хўжалиги мақсадларидаги ерлар учун ҳам тупроқнинг унумдорлик қуввати — тупроқ бонитети бўйича қиёсий баҳолаш амалга оширилади.

Ерларнинг қиймат баҳосига ва тупроқ бонитетига доир маълумотлар ер баҳосига оид ер кадастри маълумотларининг алоҳида қатламида ташкил этилади.

20. Ер участкасини давлат рўйхатидан ўтказиш, ҳисобга олиш ва баҳолашга доир асосий ва жорий маълумотлар ер кадастри маълумотлари мажмуини ташкил этади, улар ҳар хил: алфавит — рақам (матн, жадвал, координатлар ва майдонлар рўйхати) ва график (режа, харита, схемалар) шаклларида қайд этилади.

21. Давлат кадастрлари ягона тизимида давлат ер кадастри маълумотлари асосий қатлам ҳисобланиб, туман (шаҳар)нинг маъмурий-ҳудудий чегараси доирасида юритилади. Ҳар бир маъмурий-ҳудудий бирлик чегарасидаги барча ер участкалари чегаралари, уларнинг эгалари, фойдаланувчилари, ижарачилари ва мулкдорлари таркиби, шунингдек, чегараларда бўлган ўзгаришлар мунтазам равишда киритиб борилади.

22. Ҳар бир маъмурий-ҳудудий даражада ахборот тизими орқали тақдим этиладиган ер кадастрига доир маълумотлар таркиби ва шакли Кадастр агентлиги томонидан тасдиқланади.

23. Ер кадастрига доир маълумотларнинг ишончлилиги учун давлат ер кадастрини юритиш вазифаси юкланган ваколатли орган масъул ходимлари, шунингдек, ер участкалари эгалари, ердан фойдаланувчилар, ижарачилар ва мулкдорлар жавоб берадилар.

3-боб. Давлат ер кадастрини юритиш

24. Давлат ер кадастри ушбу Низомга иловада келтирилган схемага мувофиқ юритилади.

25. Дастлабки кадастр маълумотлари янгиланаётганда ер участкаларининг ҳуқуқий ҳолатида, ерларнинг сифат ҳолати ва улардан фойдаланишда, уларни баҳолашда юз бераётган ўзгаришлар аниқланади ва рўйхатдан ўтказилади. Ер участкалари эгалари, ердан фойдаланувчилар, ижарачилар ва мулкдорлар Давлат кадастрлари палатаси ҳудудий бошқармаларига (рўйхатдан ўтказувчи органга), бошқа ташкилотларга кўрсатиб ўтилган ўзгаришлар тўғрисида ўн кун муддатда ахборот беришга мажбурдирлар.

26. Давлат кадастрлари палатасининг туман (шаҳар) филиаллари:

ер участкалари эгалари, ердан фойдаланувчилар, ижарачилар ва мулкдорлар мурожаатлари асосида давлат ер кадастрини юритишда (ер участкалари таркибида ва ундан фойдаланишда) юз берган ўзгаришлар тўғрисидаги маълумотларни тўплайдилар ва натурада (жойнинг ўзида) текширилгандан кейин жорий ўзгаришларни электрон ахборот тизимига киритади;

туман (шаҳар) ҳудуди кадастр зоналари, кадастр массивлари, кадастр мавзелари, ер участкаларига бўлинишини таъминлайди ва доимий мониторингини юритади.

27. Давлат кадастрлари палатасининг Қорақалпоғистон Республикаси, вилоятлар ва Тошкент шаҳар ҳудудий бошқармалари:

давлат ер кадастрини юритишда (ер участкалари таркибида ва ундан фойдаланишда ҳамда ҳуқуқий ҳолатида) юз берган ўзгаришларни ер участкалари эгалари, ердан фойдаланувчилар, ижарачилар ва мулкдорларнинг буюртмалари асосида давлат рўйхатидан ўтказади;

давлат ер кадастрини юритишда туманлар (шаҳарлар) филиаллари фаолиятини мувофиқлаштириб боради;

Давлат кадастрлари ягона тизими таркибида давлат ер кадастри юритилишида Қорақалпоғистон Республикаси, вилоятлар ва Тошкент шаҳри туман (шаҳар)лар маъмурий чегаралари кесимида кадастр зоналари, кадастр массивлари, кадастр мавзелари шаклланиши ва юритилишини таъминлайди;

ерларнинг табиий, хўжалик ва ҳуқуқий режими, тоифалари, ер участкаларининг ўрни ва ўлчамлари, ер эгалари, ердан фойдаланувчилар, ижарачилар ва мулкдорлар ўртасидаги тақсимоти тўғрисидаги электрон маълумотларни шакллантиради.

28. Давлат кадастрлари палатаси:

ер кадастрига оид очиқ геоахборот маълумотларининг Интернет жаҳон ахборот тармоғида кенг ёритилишини ташкил этади, манфаатдор вазирликлар ва идораларга маълумотлар тақдим этади;

ер фонди ҳолатидаги ўзгаришларни ўз вақтида аниқлаш бўйича кузатишлар тизимини ташкил этади ва амалга оширади;

ҳар бир ер эгаси, ердан фойдаланувчи, ижарачи ва ер участкаси мулкдори бўйича ер кадастри электрон маълумотлар базасини шакллантиради;

Ер фонди тоифаларининг ер турлари бўйича миллий ҳисобот Миллий геоахборот тизимида юритилишини ташкил этади ва амалга оширади;

ҳар йили 1 февралга қадар Кадастр агентлигига Ўзбекистон Республикасида Ер фонди тоифалари ҳолати тўғрисидаги миллий ҳисоботни тақдим этади.

29. Кадастр агентлиги:

давлат ер кадастри юритилишини тартибга солувчи ҳужжатларнинг ишлаб чиқилишини таъминлайди;

Қорақалпоғистон Республикаси, вилоятлар, туманларнинг (шаҳарларнинг) маъмурий чегараларини, кейинчалик уларнинг майдонларини мувофиқлаштирган ҳолда, геодезик усуллар билан белгилаш ва жойларга бириктириб қўйиш ишларини амалга оширади;

ер ресурсларини аэрокосмик усуллар билан ўрганишни ташкил этади;

ерларнинг миқдори ва улардан фойдаланилиши тўғрисидаги ҳисоботларни ўрганади, таҳлил қилади ва умумлаштиради;

ҳар йили 1 мартга қадар Ўзбекистон Республикасида Ер фонди тоифалари ҳолати тўғрисидаги миллий ҳисоботни расмий веб-сайти орқали очиқ маълумот сифатида тақдим этади.

30. Давлат ер кадастрини юритишда Ўзбекистон Республикаси Қишлоқ хўжалиги вазирлиги томонидан қуйидагилар амалга оширилади:

тупроқшунослик, агрокимё, геоботаникага оид ва бошқа изланишларни ҳамда тадқиқотларни амалга ошириш;

ерларни сифат жиҳатдан ҳисобга олиш ҳамда баҳолаш.

4-боб. Якунловчи қоида

31. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Давлат ер кадастрини юритиш тартиби тўғрисидаги низомга ИЛОВА

Давлат ер кадастрини юритиш

Босқичлар Субъектлар Тадбирлар Бажариш муддатлари 1-босқич Ер участкалари эгалари, ердан фойдаланувчилар, ижарачилар ва мулкдорлар Давлат ер кадастрини юритишда (дастлабки кадастр маълумотлари янгиланаётганда ер участкаларининг ҳуқуқий ҳолатида, ерларнинг сифат ҳолати ва улардан фойдаланишда, уларни баҳолашда) ўзгаришлар юз берганда, Давлат кадастрлари палатаси ҳудудий бошқармаларига (рўйхатдан ўтказувчи органга), бошқа ташкилотларга ахборот беради. Ўн кун муддатда 2-босқич Давлат кадастрлари палатасининг туман (шаҳар) филиаллари 1. Давлат ер кадастрини юритишда (ер участкалари таркибида ва ундан фойдаланишда) юз берган ўзгаришлар тўғрисидаги маълумотларни тўплайди ва натурада (жойнинг ўзида) текширилгандан кейин жорий ўзгаришларни электрон ахборот тизимига киритади. 1. Мурожаатлар асосида 2. Туман (шаҳар) ҳудуди кадастр зоналари, кадастр массивлари, кадастр мавзелари, ер участкаларига бўлинишини таъминлайди ва доимий мониторингини юритади. 2. Доимий равишда 3-босқич Давлат кадастрлари палатасининг Қорақалпоғистон Республикаси, вилоятлар ва Тошкент шаҳар ҳудудий бошқармалари 1. Давлат ер кадастрини юритишда (ер участкалари таркибида ва ундан фойдаланишда ҳамда ҳуқуқий ҳолатида) юз берган ўзгаришларни давлат рўйхатидан ўтказади. 1. Мурожаатлар асосида 2. Давлат ер кадастрини юритишда туманлар (шаҳарлар) филиаллари фаолиятини мувофиқлаштириб боради. 2. Доимий равишда 3. Давлат кадастрлари ягона тизими таркибида давлат ер кадастрини юритишда Қорақалпоғистон Республикаси, вилоятлар ва Тошкент шаҳри туман (шаҳар)лар маъмурий чегаралари кесимида кадастр зоналари, кадастр массивлари, кадастр мавзелари шаклланиши ва юритилишини таъминлайди. 3. Доимий равишда 4. Ерларнинг табиий, хўжалик ва ҳуқуқий режими, тоифалари, ер участкаларининг ўрни ва ўлчамлари, ер эгалари, ердан фойдаланувчилар, ижарачилар ва мулкдорлар ўртасидаги тақсимоти тўғрисидаги электрон маълумотларни шакллантиради. 4. Доимий равишда 4-босқич Давлат кадастрлари палатаси 1. Ер кадастрига оид очиқ геоахборот маълумотларининг Интернет жаҳон ахборот тармоғида кенг ёритилишини ташкил этади, манфаатдор вазирликлар ва идораларга маълумотлар тақдим этади. 2. Ер фонди ҳолатидаги ўзгаришларни ўз вақтида аниқлаш бўйича кузатишлар тизимини ташкил этади ва амалга оширади. 3. Ҳар бир ер эгаси, ердан фойдаланувчи, ижарачи ва ер участкаси мулкдори бўйича ер кадастри электрон маълумотлар базасини шакллантиради; 4. Ер фонди тоифаларининг ер турлари бўйича миллий ҳисобот Миллий геоахборот тизимида юритилишини ташкил этади ва амалга оширади. 5. Ҳар йили 1 февралга қадар Кадастр агентлигига Ўзбекистон Республикасида Ер фонди тоифалари ҳолати тўғрисидаги миллий ҳисоботни тақдим этади. Доимий равишда 5-босқич Давлат солиқ қўмитаси ҳузуридаги Кадастр агентлиги 1. Давлат ер кадастри юритилишини тартибга солувчи ҳужжатларнинг ишлаб чиқилишини таъминлайди. 2. Қорақалпоғистон Республикаси, вилоятлар, туманларнинг (шаҳарларнинг) маъмурий чегараларини, кейинчалик уларнинг майдонларини мувофиқлаштирган ҳолда, геодезик усуллар билан белгилаш ва жойларга бириктириб қўйиш ишларини амалга оширади. 3. Ер ресурсларини аэрокосмик усуллар билан ўрганишни ташкил этади. 4. Ерларнинг миқдори ва улардан фойдаланилиши тўғрисидаги ҳисоботларини ўрганади, таҳлил қилади ва умумлаштиради. 5. Ҳар йили 1 мартга қадар Ўзбекистон Республикасида Ер фонди тоифалари ҳолати тўғрисидаги миллий ҳисоботни расмий веб-сайти орқали очиқ маълумот сифатида тақдим этади. Белгиланган муддатларда 6-босқич Қишлоқ хўжалиги вазирлиги 1. Тупроқшунослик, агрокимё, геоботаникага оид ва бошқа изланишларни ҳамда тадқиқотларни амалга оширади. 2. Ерларни сифат жиҳатдан ҳисобга олиш ҳамда баҳолашни амалга оширади. 3. Маълумотларни белгиланган тартибда Давлат кадастрлари ягона тизимига ахборот тизимлари орқали тақдим этади. Белгиланган муддатларда

Вазирлар Маҳкамасининг 2021 йил 22 июндаги 389-сон қарорига 2-ИЛОВА

Бинолар ва иншоотлар давлат кадастрини юритиш тартиби тўғрисида

1-боб. Умумий қоидалар

1. Ушбу Низом Бинолар ва иншоотлар давлат кадастрини юритиш тартибини белгилайди.

Бинолар ва иншоотлар давлат кадастри ҳудудий принцип бўйича ташкил этилади ва объектларнинг ҳуқуқий, хўжалик ва архитектура-қурилиш мақоми тўғрисидаги маълумотлар тизимини ташкил этади.

Бинолар ва иншоотлар давлат кадастри бинолар ва иншоотлар мулкдорлари ва бу объектлардан бошқа фойдаланувчиларнинг ҳуқуқларини, шунингдек, бинолар ва иншоотларга эгалик ҳуқуқи ва бошқа ашёвий ҳуқуқларнинг давлат рўйхатидан ўтказилишини таъминлаш учун ахборот тизими ёрдамида рақамли шаклда давлат тилида юритилади.

2. Бинолар ва иншоотлар давлат кадастрини юритиш бўйича муносабатлар мазкур Низом ва бошқа қонунчилик ҳужжатлари билан тартибга солинади.

3. Бинолар ва иншоотлар давлат кадастри маълумотлари барча давлат ташкилотлари, юридик ва жисмоний шахслар учун мажбурий юридик кучга эгадир. Кадастр ҳужжатлари бинолар ва иншоотлар билан фуқаролик-ҳуқуқий битимларни амалга оширишда ва бошқа юридик ҳаракатларда ҳуқуқий, иқтисодий ва техник маълумотлар сифатида қабул қилиниши керак.

4. Бинолар ва иншоотлар давлат кадастрини юритиш объектлар тўғрисидаги кадастр маълумотларини шакллантиришдаги ишончли ҳужжатлар ва бошқа маълумотлардан фойдаланилган ҳолда амалга оширилади.

5. Бинолар ва иншоотларнинг давлат кадастрини юритиш ушбу Низомга 1-иловада келтирилган схемага мувофиқ амалга оширилади.

6. Давлат кадастрлари ягона тизимини шакллантириш ва юритишни ташкил этиш, шунингдек, бинолар ва иншоотлар давлат кадастрини юритиш ишларига умумий раҳбарлик қилиш, уларни методик жиҳатдан таъминлаш Ўзбекистон Республикаси Давлат солиқ қўмитаси ҳузуридаги Кадастр агентлиги (кейинги ўринларда — Кадастр агентлиги) томонидан амалга оширилади.

7. Бинолар ва иншоотлар давлат кадастрини юритувчи органлар кадастр ҳужжатларини ва кадастр маълумотларини рухсатсиз олиш ва ошкор этишдан ҳимоя қилинишини таъминлашлари шарт, очиқ маълумотлар бундан мустасно.

8. Бинолар ва иншоотлар давлат кадастрини юритиш бўйича ишлар кўчмас мулкка кадастр ҳужжатларини тайёрлаганлик, уларга бўлган ҳуқуқларни давлат рўйхатидан ўтказганлик учун тўланадиган тўловлар ҳамда қонунчилик ҳужжатлари билан тақиқланмаган бошқа манбалар ҳисобидан молиялаштирилади.

Давлат мулки бўлган объектлар бўйича бинолар ва иншоотлар давлат кадастрини юритиш ишлари Ўзбекистон Республикасининг Давлат бюджети маблағлари ҳисобидан амалга оширилади.

2-боб. Бинолар ва иншоотлар давлат кадастрининг таркиби ва босқичлари

9. Бинолар ва иншоотлар давлат кадастри кадастр режасидан, кадастр ҳужжатларидан ва геофондлардан, шунингдек, мазкур Низомда белгиланган тартибда шакллантириладиган ахборот тизими маълумотларидан иборат.

10. Бинолар ва иншоотлар давлат кадастрини юритиш ахборот тизимлари орқали қуйидаги босқичларда амалга оширилади:

1-босқич — бинолар ва иншоотларнинг техник кўрсаткичларини ўлчаш воситалари орқали аниқлаш ва ахборот тизимида ҳисобга олиш;

2-босқич — объектларни чизмада жойлаштириб, рақамли кадастр режасини тузиш;

3-босқич — олдинги босқичларда олинган маълумотларни ҳисобга олган ҳолда, маълумотларни ахборот тизимига киритиш ёки мавжуд маълумотларни янгилаш.

11. Бинолар ва иншоотлар давлат кадастри маълумотлари Ўзбекистон Республикаси ҳудудларини кадастр бўлиниши, туманлар, шаҳарлар бўйича тузилади, уларнинг ҳудуди давлат ер кадастри маълумотлари асосида ҳисобга олиш участкаларига бўлинади.

12. Туманлар, шаҳарлар ва бошқа аҳоли яшаш пунктларининг кадастрга оид бўлиниши чегараларни белгилаш ва ҳудудларни туман доирасида ёхуд шаҳар чегараларини ҳисобга олиш участкаларига бўлинишини билдиради. Қорақалпоғистон Республикасига, вилоятларга, Тошкент шаҳрига, туманлар, шаҳарлар ва бошқа аҳоли яшаш пунктларига, шунингдек, ҳисобга олиш участкаларига ягона тизим бўйича кадастр рақами берилади.

3-боб. Бинолар ва иншоотлар давлат кадастрини юритиш

13. Бинолар ва иншоотларнинг кадастр йиғмажилди маълумотлари бинолар ва иншоотлар давлат кадастри маълумотларининг асосини ташкил қилади.

Бинолар ва иншоотлар давлат кадастрига маълумотлар белгиланган тартибда ажратилган ер участкасида уларнинг қурилиши тугаллангандан кейин ёхуд қонунчилик ҳужжатларида назарда тутилган тартибда ва шартларда улар бўйича битимлар тузилгандан кейин ҳисобга киритилади.

Қонунчилик ҳужжатларида белгиланган ҳолатларда қурилиши тугалланмаган бино ва иншоотлар ҳам бино ва иншоотлар давлат кадастрида ҳисобга олиниши мумкин.

Бинолар ва иншоотлар давлат кадастрини юритишда ахборот тизимида бино ва иншоотга мулк ҳуқуқи ёки бошқа ашёвий ҳуқуқлар (уларнинг пайдо бўлиши, бошқа шахсга ўтиши, чекланиши ва тўхтатилиши) тўғрисидаги, шунингдек, объектни тавсифловчи бошқа маълумотлар қайд этилади.

Махфийлик режимига эга бўлган бинолар ва иншоотлар тўғрисидаги маълумотларни шакллантириш ва мазкур объектларни рўйхатдан ўтказиш бўйича маълумотлардан фойдаланиш шартлари қонунчилик ҳужжатларида белгиланади.

14. Бинолар ва иншоотлар давлат кадастрини юритишда давлат кадастрига оид киритиладиган маълумотларнинг таркиби Кадастр агентлиги томонидан ушбу Низомга 2-иловада кўрсатилган минимал талаблар асосида ишлаб чиқилади.

Бинолар ва иншоотлар жойлашган ер, уларга бўлган мулк ҳуқуқи ёки бошқа ашёвий ҳуқуқларнинг юридик ва жисмоний шахсларга тегишлилиги, ушбу ҳуқуқларнинг пайдо бўлиш асослари ва муддатлари, уларнинг тўхтатилиш муддатлари, мулк ҳуқуқи ва бошқа ашёвий ҳуқуқларни чеклаш шартлари, ушбу объектларга учинчи шахсларнинг ҳуқуқлари тўғрисидаги маълумотлар бинолар ва иншоотларнинг ҳуқуқий ҳолати тўғрисидаги маълумотлар ҳисобланади. Ушбу маълумотлар ахборот тизимига бино ва иншоотга бўлган ҳуқуқларни давлат рўйхатидан ўтказиш жараёнида киритилади.

Бинолар ва иншоотларнинг қиймати, улардан фойдаланиш хусусиятлари, ушбу объектларнинг ишлаб чиқаришдаги мақсадлари ва бошқа маълумотлар бинолар ва иншоотлар хўжалик мақомининг асосини ташкил этади.

Бинолар ва иншоотларнинг ер тузиш схемаларига, аҳоли пунктларининг бош режаларига, қишлоқ ва маҳалла фуқаролари йиғинлари ҳудудларини меъморий режалаштиришни ташкил этиш лойиҳаларига ва бошқа шаҳарсозлик ҳужжатларига, шунингдек, шаҳарсозлик нормалари ва қоидалари талабларига мувофиқлиги, бинолар параметрлари (қаватлари, умумий, яшаш, ишлаб чиқариш майдонлари), эгаллаб турган ер участкаси, қурилган санаси, муҳандислик-техник коммуникацияларнинг мавжудлиги, сейсмик чидамлилиги тўғрисидаги ва бошқа техник маълумотлар бинолар ва иншоотларнинг архитектура-қурилиш мақоми ҳисобланади.

15. Кадастр маълумотлари асл ҳужжатлар ёки давлат органлари қарорларининг, шартномаларнинг (олди-сотди, ҳадя қилиш, алмаштириш, ижарага олиш, рента ва бошқалар), бино ва иншоотлар лойиҳа-смета ҳужжатларининг, илгари рўйхатдан ўтказилганлиги тўғрисидаги бошқа маълумотларнинг тегишли равишда расмийлаштирилган нусхалари асосида тузилади.

16. Ҳар бир бино ва иншоот ахборот тизимига муайян кадастр рақами остида ёзиб қўйилади.

17. Ахборот тизимидаги ёзувларни ўзгартиришга ёки тўлдиришга йўл қўйилмайди. Агар ахборот тизимига киритилган маълумотларни ўзгартириш ёки тўлдириш зарурати пайдо бўлса, у ҳолда илгариги ёзувлар ахборот тизимида сақланиб қолган ҳолда бекор қилинади ва объект тўғрисидаги янги маълумотлар билан айнан шу кадастр рақами остида тўлдирилади.

Бино ва иншоотларнинг параметрлари (қаватлари, умумий, яшаш, ишлаб чиқариш майдонлари) ўзгарганда, ахборот тизимига мазкур Низомнинг 10-бандига мувофиқ ўзгаришлар киритилади.

4-боб. Бино ва иншоотлар кадастрини юритишни ташкил этиш

18. Мазкур Низомнинг 12-бандида назарда тутилган маълумотлар тўпланган ва давлат рўйхатидан ўтказилгандан кейин бино ёки иншоот кадастр режасида белгиланади. Кадастр режаси автоматик лойиҳалаштириш тизимларидан фойдаланган ҳолда электрон шаклда бўлиб, бу рўйхатдан ўтказиладиган объектларнинг жойлашуви ва асосий параметрларининг кўргазмали чизма белгиланишини таъминлайди.

19. Давлат кадастрлари ягона тизимида бино ва иншоотлар давлат кадастри туман (шаҳар)лар кесимида Давлат кадастрлари палатаси ва унинг ҳудудий бошқармалари томонидан юритилади.

Бино ва иншоотлар давлат кадастри маълумотлар базасида бино ва иншоотлар таснифи бўйича объектлар гуруҳга бўлинади. Бунда бино ва иншоотларнинг ҳудудийлиги, мақсад йўналиши, юридик ва жисмоний шахсларга мулк ҳуқуқи ёки бошқа ашёвий ҳуқуқларда тегишлилиги, шунингдек, қурилиш-техник тавсифларига қараб белгиланади.

20. Бинолар ва иншоотларнинг ҳолати бўйича кадастр маълумотларининг умумлаштирилган статистик кўрсаткичлари Кадастр агентлиги томонидан ҳар йили туман ва шаҳарлар кесимида очиқ маълумот сифатида Интернет тармоғида кенг ёритилиши ташкил этилади.

5-боб. Якунловчи қоида

21. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Бинолар ва иншоотлар давлат кадастрини юритиш тартиби тўғрисидаги низомга 1-ИЛОВА

Бино ва иншоотлар давлат кадастрини юритиш

Босқичлар Субъектлар Тадбирлар Бажариш муддатлари 1-босқич Давлат кадастрлари палатаси ва унинг Қорақалпоғистон Республикаси, вилоятлар ва Тошкент шаҳар ҳудудий бошқармалари 1. Бинолар ва иншоотлар давлат кадастрига маълумотлар белгиланган тартибда ажратилган ер участкасида уларнинг қурилиши тугаллангандан кейин ёхуд қонунчилик ҳужжатларида назарда тутилган тартибда ва шартларда улар бўйича битимлар тузилгандан кейин ҳисобга киритилади. Қонунчилик ҳужжатларида белгиланган ҳолатларда қурилиши тугалланмаган бино ва иншоотлар ҳам бино ва иншоотлар давлат кадастрида ҳисобга олиниши мумкин. 2. Бинолар ва иншоотлар давлат кадастрини юритишда ахборот тизимида бино ва иншоотга мулк ҳуқуқи ёки бошқа ашёвий ҳуқуқлар (уларнинг пайдо бўлиши, бошқа шахсга ўтиши, чекланиши ва тўхтатилиши) тўғрисидаги, шунингдек, объектни тавсифловчи бошқа маълумотлар қайд этилади. Буюртмалар асосида 2-босқич Кадастр агентлиги 1. Бино ва иншоотлар давлат кадастрини юритишда маълумотлар ва ахборотлар сифатини назорат қилади. 2. Бинолар ва иншоотларнинг ҳолати бўйича кадастр маълумотларининг умумлаштирилган статистик кўрсаткичларини туман ва шаҳарлар кесимида очиқ маълумот сифатида Интернет жаҳон ахборот тармоғида ёритади. 1. Доимий равишда 2. Ҳар йили 1 январь ҳолатига

Бинолар ва иншоотлар давлат кадастрини юритиш тартиби тўғрисидаги низомга 2-ИЛОВА

Намуна

Бинолар ва иншоотлар давлат кадастрини юритишда давлат кадастрига оид киритиладиган маълумотлар таркибига қўйиладиган

1. Тартиб рақами 2. Субъект ҳақида маълумот: 2.1. Юридик шахснинг номи ёки жисмоний шахснинг фамилияси, исми ва отасининг исми 2.2. Солиқ тўловчининг идентификация рақами ёки жисмоний шахснинг шахсий идентификация рақами 3. Ер участкасининг кадастр рақами 4. Майдони, га 5. Жойлашган жойи (манзили) 6. Бинолар ва иншоотлар рўйхати 7. Бино ва иншоотнинг кадастр рақами 8. Бино ва иншоотларнинг капиталлиги * 9. Фойдаланиш мақсади 10. Хоналар сони 11. Конструктив тури * : 11.1. Пойдевор 11.2. Девор 11.3. Чердак тўсинлар (партўсинлар) 11.4. Деворлар ва қаватлараро ораёпмалар (тўсиқлар) 11.5. Том қопламаси 11.6. Пол 12. Зилзилабардошлиги 13. Муҳандислик жиҳозланганлиги * : 13.1. Ичимлик суви таъминоти 13.2. Оқова сув тизими 13.3. Электр энергия таъминоти 13.4. Газ таъминоти 13.5. Иссиқлик таъминоти 14. Бинонинг қаватлилиги 15. Объект жойлашган қават 16. Бинонинг баландлиги, м 17. Майдон, кв. м: 17.1. Қурилиш ости 17.2. Умумий 17.3. Ишлаб чиқариш 17.4. Фойдали, яшаш 18. Қурилган йили 19. Бино ва иншоотга бўлган ҳуқуқни тасдиқловчи ҳужжатлар 20. Кадастр қиймати, 20___ й. ҳолатига минг сўм 21. Битим (шартнома) да кўрсатилган қиймати, 20___ й. ҳолатига минг сўм * 22. Махсус иншоотлар тўғрисидаги маълумотлар 23. Кадастр маълумотларини шакллантирган субъект (тадбиркорлик субъекти — юридик шахснинг номи ёки жисмоний шахснинг фамилияси, исми ва отасининг исми; Давлат кадастрлари филиали номи)

Вазирлар Маҳкамасининг 2021 йил 22 июндаги 389-сон қарорига 3-ИЛОВА

Кўчмас мулк объектларига кадастр йиғмажилдини тайёрлаш тартиби тўғрисида

1-боб. Умумий қоидалар

1. Ушбу Низом кўчмас мулк объектларига кадастр йиғмажилдини тайёрлаш тартибини белгилайди.

Ушбу Низом капитал қурилиш объекти ҳисобланмаган, шу жумладан, енгил конструкцияли қурилмаларга нисбатан татбиқ этилмайди.

2. Мазкур Низомда қуйидаги асосий тушунчалар қўлланилади:

бино — функционал мақсадига қараб, одамлар яшаши ёки бўлишига ва ҳар хил турдаги ишлаб чиқариш жараёнларини бажаришга мўлжалланган, ёпиқ ҳажмни ташкил этувчи таянч, тўсма ёки ҳар иккала мақсадга хизмат қилувчи конструкциялардан иборат қурилиш тизими;

ер участкаси — ер юзасининг қайд этилган чегарага, майдонга, жойлашиш манзилига, ҳуқуқий режимга ҳамда бошқа хусусиятларга эга бўлган қисми;

иншоот — ҳар хил турдаги ишлаб чиқариш жараёнларини бажаришга, материаллар, буюмлар, асбоб-ускуналарни сақлашга, одамларнинг вақтинча бўлишига, одамлар, юклар ва бошқа нарсаларни олиб ўтишга мўлжалланган, таянч, тўсма ёки ҳар иккала мақсадга хизмат қилувчи конструкциялардан иборат ҳажмий, ясси ёки чизиқ тарзидаги ер тепасида, ер юзасида ва ер остида жойлашган қурилиш тизими;

кадастр йиғмажилди — объектнинг кўчмас мулкка бўлган ҳуқуқларни шакллантириш, ҳисобга олиш ва кейинчалик давлат рўйхатидан ўтказиш учун зарур бўлган кадастр суратига олиш, техник хатловдан ўтказиш ва паспортлаштиришнинг, махсус текшириш ва изланишларнинг, сифат ва қиймат жиҳатидан баҳолашнинг ҳужжатлари, материаллари ва маълумотлари жамламаси;

кадастр муҳандиси — геодезия-картография ишлари билан шуғулланувчи ташкилот билан тузиладиган меҳнат шартномаси асосида фаолият юритувчи ёки ўз фаолиятини якка тартибдаги тадбиркор сифатида амалга оширувчи ва кадастр муҳандиси малака шаҳодатномасига эга жисмоний шахс;

кадастр паспорти — кўчмас мулк объекти ва объектнинг кадастр рақами ҳақида умумий маълумотларни ўз ичига олган электрон ҳужжат;

капитал қурилиш объектлари — ер билан узвий боғлиқ бўлган ва уларнинг белгиланган мақсадига номутаносиб зарар етказмаган ҳолда жойини ўзгартириш мумкин бўлмайдиган бинолар, иншоотлар, шунингдек, қурилиши тугалланмаган объектлар;

кўп йиллик дарахтлар — боғлар, токзорлар, тутзорлар ва бошқа ўрмон дарахтлари;

кўчмас мулк — ер участкалари, ер ости бойликлари, бинолар, иншоотлар, кўп йиллик дарахтлар ва ер билан узвий боғланган бошқа мол-мулк, яъни белгиланган мақсадига номутаносиб зарар етказмаган ҳолда жойини ўзгартириш мумкин бўлмайдиган объектлар;

махсус иншоотлар — белгиланган мақсадларда фойдаланиш учун алоҳида ер участкасида қурилган муҳандислик иншоотлари мажмуаси, жумладан, темир ва автомобиль йўллари, алоқа ва электр ўтказиш линиялари, ер юзасида, ер усти ва ер остида жойлашган магистрал қувурлар, магистрал канал ва коллекторлар;

қурилиши тугалланмаган объектлар — қурилиши белгиланган тартибда ажратилган ер участкасида тасдиқланган лойиҳа ҳужжатларига мувофиқ бошланган, лекин муайян кунга келиб тугалланмаган ёки қурилиши тугалланган, лекин фойдаланишга қабул қилинмаган бино ва иншоотлар.

3. Кадастр йиғмажилди кўчмас мулкнинг тури, тавсифи, ҳажми, қиймати ва бошқа кўрсаткичларини аниқлаш мақсадида ахборот тизими орқали тайёрланади ва сақланади.

4. Кадастр йиғмажилди кўчмас мулк объектининг географик жойлашуви, ҳуқуқий мақоми, миқдор, сифат тавсифлари ва қиймати, шунингдек, унинг ҳолатидаги жорий ўзгаришлар ҳақидаги материаллар ва маълумотларни ҳамда кўчмас мулкка бўлган ҳуқуқларни тасдиқловчи ҳужжатларни жамлаш йўли билан кадастр муҳандислари ва Ўзбекистон Республикаси Иқтисодиёт ва молия вазирлиги ҳузуридаги Кадастр агентлиги Давлат кадастрлари палатасининг (кейинги ўринларда — Давлат кадастрлари палатаси) тегишли туман (шаҳар) филиаллари томонидан тайёрланади ва қоғоз ҳамда электрон шаклда Давлат кадастрлари палатасида доимий сақланади.

Кўчмас мулк объектига тайёрланган кадастр йиғмажилди натижаси бўйича мулкдорга ёки унинг ишончномаси асосида ҳаракат қилувчи шахсга, шунингдек, мулкдорнинг меросхўрига кадастр паспорти тақдим этилади.

Мулкдорнинг ёки унинг ишончномаси асосида ҳаракат қилувчи шахснинг, шунингдек, мулкдор меросхўрининг сўровига кўра кадастр йиғмажилдининг нусхаси электрон шаклда тақдим этилади.

Давлат кадастрлари палатасининг туман (шаҳар) филиаллари томонидан ўтказилган ўлчов ишлари натижасида тайёрланган кадастр йиғмажилди таркибидаги маълумотлар ҳаққонийлигига — Давлат кадастрлари палатасининг туман (шаҳар) филиаллари, шунингдек, кадастр муҳандислари томонидан ўтказилган ўлчов ишлари натижасида тайёрланган кадастр йиғмажилди таркибидаги маълумотлар ҳаққонийлигига — кадастр муҳандислари жавобгар ҳисобланади.

5. Кадастр йиғмажилдини тайёрлаш ва унинг натижаси бўйича кадастр паспортини олиш учун юридик ва жисмоний шахслар ёки уларнинг ишончли вакиллари ўз хоҳишига кўра, Давлат кадастрлари палатасининг туман (шаҳар) филиалларига давлат хизматлари марказлари ёки Ягона интерактив давлат хизматлари портали орқали ариза билан мурожаат қилади ёки кадастр муҳандислари билан хизмат кўрсатиш (келишув) шартномаси асосида битим тузадилар.

Аризага (шартномага) қуйидаги ҳужжатлар илова қилинади:

Ўзбекистон Республикасининг «Кўчмас мулкка бўлган ҳуқуқларни давлат рўйхатидан ўтказиш тўғрисида»ги Қонуни билан белгиланган кўчмас мулкка бўлган ҳуқуқни белгиловчи ҳужжатлар;

янги қурилган, реконструкция қилинган ва қурилиши тугалланмаган объектларга тасдиқланган лойиҳа ҳужжатлари;

қонунчилик ҳужжатларида назарда тутилган кўчмас мулкка бўлган ҳуқуқларни белгиловчи бошқа ҳужжатлар.

Бунда кўчмас мулкка бўлган ҳуқуқларни белгиловчи ҳужжатлар уларни қабул қилган давлат органи томонидан тасдиқланган бўлиши, ҳужжатни қабул қилган орган ҳужжатни давлат архивига топширган тақдирда, давлат архивлари томонидан тасдиқланган бўлиши шарт (юридик шахснинг электрон рақамли имзоси билан тасдиқланган электрон ҳужжатлар бундан мустасно).

Кўчмас мулк объектларига бўлган ҳуқуқларни тасдиқловчи ҳужжатлар аризага (шартномага) илова қилинмаса, кадастр йиғмажилди тайёрланмайди.

6. Давлат кадастрлари палатасининг туман (шаҳар) филиалларига мурожаат этилган ҳолларда, аризалар филиал томонидан ахборот-коммуникация технологияларидан фойдаланган ҳолда қабул қилиб олинганидан сўнг шу куннинг ўзида кўчмас мулк билан боғлиқ ишларни бажариш бўйича аризалар реестрига киритилади.

7. Давлат кадастрлари палатасининг туман (шаҳар) филиаллари томонидан кадастр йиғмажилдини тайёрлаш ишларининг қиймати Вазирлар Маҳкамасининг «Кадастр ҳужжатларини тайёрлаш бўйича давлат хизматлари нархларини белгилашда табақалаштирилган ёндашув тартибини такомиллаштириш тўғрисида» 2014 йил 10 июлдаги 186-сон қарорига мувофиқ аниқланади.

Кадастр муҳандислари томонидан кўчмас мулк объектига кадастр ҳужжатини расмийлаштириш Вазирлар Маҳкамаси тасдиқлайдиган минимал ставкалардан кам бўлмаган миқдордаги нархларда томонларнинг ўзаро келишув шартномасига мувофиқ амалга оширилади.

8. Давлат кадастрлари палатасининг туман (шаҳар) филиаллари томонидан кадастр йиғмажилдини тайёрлаш ва унинг натижаси бўйича кадастр паспортини тақдим этиш кадастр объектининг мураккаблигига қараб қуйидаги муддатларда амалга оширилади:

а) кўчмас мулк объектларининг турар жойга оид қисми бўйича:

кўп квартирали уйдаги квартира — 5 иш кунигача;

якка тартибдаги турар жой — 8 иш кунигача;

б) кўчмас мулк объектларининг нотурар жойга оид қисми ҳамда яхлит кўп квартирали уйлар бўйича:

умумий майдони 100 кв. метргача бўлган кўчмас мулк — 8 иш кунигача;

умумий майдони 100 кв. метрдан 1 000 кв. метргача бўлган кўчмас мулк — 10 иш кунигача;

умумий майдони 1 000 кв. метрдан 5 000 кв. метргача бўлган кўчмас мулк — 15 иш кунигача;

умумий майдони 5 000 кв. метрдан 15 000 кв. метргача бўлган кўчмас мулк — 20 иш кунигача;

умумий майдони 15 000 кв. метрдан 50 000 кв. метргача бўлган кўчмас мулк — 26 иш кунигача;

умумий майдони 50 000 кв. метрдан ортиқ бўлган кўчмас мулк — 35 иш кунигача;

ажратилган ер участкалари бўйича — 5 иш кунигача;

кадастр (йиғмажилди) паспорти йўқолганда (яроқсиз ҳолга келганда), янги кадастр паспорти 3 иш куни мобайнида берилади.

в) кўп йиллик дов-дарахтлар жойлашган ер участкаси бўйича:

умумий майдони 1 гектаргача — 15 иш кунигача;

умумий майдони 1 гектардан 5 гектаргача — 20 иш кунигача;

умумий майдони 5 гектардан 10 гектаргача — 26 иш кунигача;

умумий майдони 10 гектардан 100 гектаргача — 35 иш кунигача;

умумий майдони 100 гектардан ортиқ — 40 иш кунигача.

9. Кадастр йиғмажилди ер участкасининг, бино ва иншоотларнинг ҳамда кўп йиллик дарахтларнинг кадастр маълумотларидан иборат бўлади.

10. Ер участкаси яхлитлигини йўқотмаган ҳолда ушбу кўчмас мулк объекти бўйича ўзгаришлар (бино ва иншоотлар қурилиши, реконструкция қилиниши, кўп йиллик дарахтлар барпо этилиши) ҳақидаги маълумотлар кадастр йиғмажилдига киритиб борилади.

11. Кўчмас мулк объектига кадастр йиғмажилдини тайёрлаш ва кадастр паспортини расмийлаштиришни рад этиш учун қуйидагилар асос бўлади:

сўровномада нотўғри маълумотлар кўрсатилгани;

кўчмас мулк объектларига бўлган ҳуқуқларни тасдиқловчи ҳужжатлар мавжуд эмаслиги;

туман (шаҳар) филиалида ушбу кўчмас мулк объектининг мансублиги масаласида низолар борлигидан далолат берувчи суд ҳужжатларининг мавжудлиги;

ваколатли орган томонидан кўчмас мулк объектига тақиқ ёки хатлов қўйилгани;

тақдим этилган ҳужжатларда нотўғри, қарама-қарши маълумотлар аниқлангани;

туман (шаҳар) филиалида ушбу ер участкаси қонунчилик ҳужжатларида белгиланган тартибда олиб қўйилгани ҳақидаги маълумотларнинг мавжудлиги;

ер участкасига бўлган ҳуқуқларнинг қонунчилик ҳужжатларида назарда тутилган ҳолларда ва тартибда бекор қилингани;

кўчмас мулк объектида ўлчов ишларининг олиб борилишига, шу жумладан, кўчмас мулк объектига кириш имкони йўқлиги (фойдаланиб келаётган шахслар томонидан бино ва иншоотга, ер участкасига киришга қаршилик қилиниши);

бино ва иншоотнинг ихтисослашиши улар жойлашган ер участкасининг фойдаланиш мақсадига мос бўлмаган тарзда ўзгартирилгани.

Кадастр йиғмажилди ёки кадастр паспортини тайёрлаш рад этилганда, ушбу бандда назарда тутилган рад этиш асослари кўрсатилади.

Кадастр йиғмажилди ёки кадастр паспортини расмийлаштиришни ушбу бандда кўрсатилмаган асослар бўйича рад этиш қатъиян тақиқланади.

12. Кадастр муҳандиси юридик ва жисмоний шахсларга кадастр йиғмажилдини тайёрлаб бериш бўйича келишув шартномасига мувофиқ Давлат кадастрлари палатасининг махсус ахборот тизимида ажратилган шахсий кабинети орқали кўчмас мулк объектига оид маълумотларни киритади ҳамда мулкдор (фойдаланувчи)нинг кўчмас мулкига оид мавжуд ахборотни тизимда ўзига юклаб олади.

Кадастр муҳандиси ўз шахсий кабинети орқали қуйидаги маълумотларни Давлат кадастрлари палатасининг туман (шаҳар) филиалига юборади:

кўчмас мулк объектининг кадастр рақами (кадастр ҳужжатларига ўзгартириш киритилаётганда);

мулкдор (фойдаланувчи) юридик ва жисмоний шахснинг номи;

юридик шахсларда солиқ тўловчининг идентификация рақами, жисмоний шахсларда жисмоний шахснинг шахсий идентификация рақами;

кадастр йиғмажилдини тайёрлаш (қайта тайёрлаш) учун Ўзбекистон Республикасининг «Кўчмас мулкка бўлган ҳуқуқларни давлат рўйхатидан ўтказиш тўғрисида»ги Қонуни билан белгиланган кўчмас мулкка бўлган ҳуқуқни белгиловчи ҳужжатлар;

янги қурилган, реконструкция қилинган ва қурилиши тугалланмаган объектларга тасдиқланган лойиҳа ҳужжатлари;

кўчмас мулк объектига кадастр йиғмажилдини тайёрлаш (қайта тайёрлаш) бўйича томонлар ўртасида имзоланган, шу жумладан, жисмоний шахс томонидан шахсий маълумотлардан фойдаланишга розилик берилган шартнома.

Якка тартибдаги тадбиркор сифатида фаолиятини амалга оширувчи кадастр муҳандислари геодезия-картография ишлари билан шуғулланувчи юридик шахслар билан шартнома тузиш орқали кадастр суратига олиш ишларини амалга оширган тақдирда, геодезия-картография ишлари билан шуғулланувчи юридик шахслар билан тузилган шартнома нусхасини Давлат кадастрлари палатасининг туман (шаҳар) филиалига юборади.

Кадастр муҳандиси малака шаҳодатномасининг амал қилиши тугаганда, шахсий кабинетнинг ишчи функциялари чекланади.

2-боб. Ер участкасининг кадастр маълумотларини тайёрлаш

13. Юридик ва жисмоний шахсларнинг фойдаланишида бир нечта ер участкаси бўлса, кадастр йиғмажилди уларнинг ҳар бири бўйича тайёрланади, қишлоқ хўжалигига мўлжалланган ерлар бундан мустасно.

Қишлоқ хўжалигига мўлжалланган ерларда жисмоний ёки юридик шахсга битта ҳуқуқни белгиловчи ҳужжат билан ажратилган бир неча ер участкаларини умумлаштирган ҳолда кадастр йиғмажилди тайёрланиши мумкин.

14. Ер участкасининг кадастр йиғмажилдини тайёрлашда қуйидаги ишлар бажарилади:

ер участкасининг геодезик ўлчов натижасида топографик хариталарини тайёрлаш;

ер кадастр маълумотлари, ер участкасига бўлган ҳуқуқларни тасдиқловчи ва чекловчи ҳужжатлар ҳамда сервитутлар мавжудлигини ўрганиш;

ер участкасини жойида хатловдан ўтказиш;

ер участкасининг чегаралари ва умумий майдонини ҳуқуқларни тасдиқловчи ҳужжатлардаги маълумотлар билан солиштириш ва уларнинг фарқини аниқлаш;

ер участкасининг амалдаги майдони ҳуқуқларни тасдиқловчи ҳужжатларда белгиланган майдондан ортиқ бўлса, ўзбошимчалик билан эгаллаб олинган ернинг чегарасини кадастр режасига тушириш;

кўчмас мулк объектини ҳисобдан ўтказиш варақасида ер ҳақидаги маълумотларни киритиш.

Ортиқча эгаллаб олинган ер участкасининг майдони ҳуқуқни белгиловчи ҳужжатларда кўрсатилган майдондан 2 фоизгача ортиқ ва ушбу фарқ 30 квадрат метрдан ошмаган ҳолатларда ер участкасининг ушбу қисми ўзбошимчалик билан эгалланган деб ҳисобланмайди ва солиқ органларига ўзбошимча эгалланган ер сифатида юборилмайди.

15. Ер участкалари геодезик асбоблар ёрдамида (WGS-84 координаталар тизимида) ўлчовдан ўтказилади. Бунда чегара бурилиш нуқталарининг координатлари аниқланади ва шартли белгилардан фойдаланиб, ер участкасининг электрон рақамли кадастр режаси тузилади.

16. Ер участкасининг электрон рақамли кадастр режасига қуйидагилар туширилади ва маълумотлар акс эттирилади:

бино ва иншоотлар ҳамда бошқа географик объектлар;

ер участкасининг давлат ҳокимияти органлари томонидан ўрнатилган муҳофаза зоналари ва ўзбошимчалик билан эгаллаб олинган ерларнинг чегаралари (мавжуд бўлса);

чегарадош ер участкалари ва уларга бўлган ҳуқуқ эгаларининг номлари.

17. Ер участкасининг электрон рақамли кадастр режаси унинг майдонидан келиб чиқиб, кадастр йиғмажилдида тасвирлаш учун қулай масштабларда тузилади. Бунда аҳоли пунктларидаги ер участкасининг кадастр режаси 1:500 масштабдан 1:2000 масштабгача, аҳоли пунктларидан ташқарида жойлашган қишлоқ ва ўрмон хўжаликлари ер участкасининг кадастр режаси 1:5000 масштабда ёки 1:10000 масштабда тузилади.

Кадастр режалари ер участкасининг майдонидан келиб чиқиб қуйидаги масштаблар талабида тузилади:

12,5 гектаргача бўлган майдонлар — 1:500 масштабда;

12,5 гектардан — 50 гектаргача — 1:1 000 масштабда;

50 гектардан — 400 гектаргача — 1:2 000 масштабда;

400 гектардан — 1 000 гектаргача — 1:5 000 масштабда;

1 000 гектар ва ундан ортиқ ер майдонлари — 1:10 000 масштабда.

Бунда кадастр режалари буюртмачининг талабидан келиб чиқиб, топографик режалар масштаблари доирасида йирикроқ масштабларда ҳам тузилиши мумкин.

Қишлоқ ва ўрмон хўжалиги ерлари, муҳофаза қилинадиган табиий ҳудудлар ва бошқа шу каби мақсадларда фойдаланилаётган ер участкаларининг электрон рақамли кадастр режаси мавжуд топографик ва қишлоқ хўжалиги электрон хариталаридан фойдаланиб тузилади.

Агар ер участкасининг 1:500 масштабдан 1:2000 масштабгача замонавий (актуал) топографик съёмка материаллари мавжуд бўлса, кадастр режаси улар асосида тузилиши мумкин.

Ер участкасининг электрон рақамли кадастр режаси архивда сақлаш учун қоғозда чоп этилиб, режасини тузган ижрочи, ер участкасига бўлган ҳуқуқ эгаси томонидан имзоланади ва чегарадош ер участкаларига бўлган ҳуқуқ эгалари билан келишилади ва Ер участкасининг чегараларини аниқлаш ва келишиш далолатномасига (кейинги ўринларда — далолатнома) унинг ажралмас қисми сифатида илова қилинади.

18. Ер участкаси жойлашган манзил тез аниқланишини таъминлаш мақсадида ер участкаси жойлашган ҳудуд режаси тайёрланади ва кадастр йиғмажилдига киритилади. Ер участкаси жойлашган ҳудуд режаси ер участкаси туширилган, унга яқин ҳудудларни ўз ичига олган топографик карталардан ёки бошқа режалардан кўчирмадан иборат бўлади.

19. Ер участкасини хатловдан ўтказиш натижаси бўйича қуйидаги ҳолларда ер участкасининг чегаралари қўшни чегарадошлар билан келишилади:

янги ажратилган ер участкаларида;

кўчмас мулкнинг бир қисмини бегоналаштириш натижасида ер участкаси бўлинганда.

Мазкур бандда назарда тутилган ҳолатларда ер участкасини келишиш мазкур Низомга 10-иловада келтирилган намунавий шаклда далолатнома тузиш ҳамда қўшни чегарадошлар томонидан имзо қўйиш йўли билан амалга оширилади.

20. Далолатномада қуйидаги маълумотлар акс эттирилади:

ер участкасига бўлган ҳуқуқни тасдиқловчи ҳужжат номи, санаси ва рақами;

ер участкасининг жойлашган манзили — туман, шаҳар, шаҳарча, қишлоқ (овул) ва кўчанинг номи, уй рақами, агар кўчанинг номи ва уй рақами бўлмаса, қишлоқ (овул), маҳалла ва аҳоли пунктининг номи келтирилади;

ер участкасининг чегаралари таърифи;

ер участкасининг умумий майдони — ҳужжатлар бўйича ва амалда;

қишлоқ хўжалигида фойдаланилаётган ерларнинг турлари, бонитет баллари ва меъёрий қиймати;

ҳуқуқни тасдиқловчи ҳужжатларда белгиланган муҳофаза зонасининг майдони;

ер участкаси ҳақидаги бошқа зарур маълумотлар.

21. Далолатнома ер участкаси юридик шахсга тегишли бўлса, унинг раҳбари ёки ишончли вакили томонидан, агар ер участкаси жисмоний шахсга тегишли бўлса, ушбу жисмоний шахс ёки унинг ишончли вакили томонидан имзоланади.

Агар чегарадош ер участкаларига бўлган ҳуқуқ эгаси — жисмоний шахс узоқ муддатга бошқа жойга кетган бўлса, юридик шахс бошқа туманда (шаҳарда) жойлашган бўлиб, чегараларни келишиш куни ва вақти тўғрисида огоҳлантирилган бўлса-да, унинг раҳбари ёки ишончли вакили келишиш учун келмаса, ушбу ҳолат далолатномада акс эттирилади.

Ер участкалари чегараларини аниқлашда ер участкасининг чегаралари чегарадош ер участкаларига бўлган ҳуқуқ эгаси (эгалари) билан келишилмаган тақдирда, низо суд тартибида ҳал этилади.

Кейинчалик ер участкасига ёки чегарадош ер участкасига нисбатан белгиланган ҳуқуқ тури ёки ҳуқуқ эгаси ўзгарганда, далолатномани қайта тузиш талаб этилмайди, ер участкасининг чегараси ўзгарган ҳолатлар бундан мустасно.

22. Кўчмас мулк объектини ҳисобга олишда ер участкаси бўйича қуйидаги маълумотлар акс эттирилади:

ер участкасининг жойлашган манзили;

манзил белгиланиши (мавжуд, янги берилган, ўзгартирилган);

манзил бериш ёки ўзгартиришни асословчи ҳужжат;

ер участкасининг тоифаси;

ер участкасининг номи;

ер участкасининг кадастр рақами;

иқтисодий зонаси;

ер участкасидан рухсат этилган фойдаланиш асосий тури;

ер участкасининг умумий майдони (га);

ер участкасига бўлган ҳуқуқни тасдиқловчи ҳужжат номи, санаси ва рақами;

ер участкасига бўлган ҳуқуқни тасдиқловчи ҳужжат бўйича ер участкасининг майдони (га);

ўзбошимчалик билан эгалланган ер майдони;

муҳофаза зоналари;

муҳофаза зоналарининг майдони (га);

чекловлар ва сервитутлар;

кўп йиллик дарахтлар билан эгалланган ер майдони;

ер участкасини баҳолаш тўғрисида маълумотлар;

ер участкасига хос бошқа маълумотлар.

22 1 . Кўчмас мулк объектини ҳисобга олишда кўп квартирали уй жойлашган ва унга туташ ер участкаси (режаси, жойлашган объектлар, шу жумладан, лойиҳада назарда тутилган автотураргоҳлар, болалар ва спорт майдончалари, дам олиш масканлари, сайилгоҳлар, йўлаклар ва кўп квартирали уйга хизмат кўрсатувчи бошқа объектлар) майдони ҳамда чегаралари бўйича маълумотлар акс эттирилади.

3-боб. Бино ва иншоотларнинг кадастр маълумотларини тайёрлаш

23. Ер участкасига бўлган ҳуқуқлари давлат рўйхатидан ўтказилган ер майдонининг фойдаланиш мақсадига мос равишда ҳамда тегишли тартиб асосида барпо этилган ва қурилиши тугалланган ёки тугалланмаган бино ва иншоотларга кадастр йиғмажилди тайёрланишига рухсат берилади.

Ўзбошимчалик билан эгаллаб олинган ер майдонларида ноқонуний қурилган қурилмаларни эгаллаб олинган ер майдони ва қурилмаларнинг ўлчамлари ваколатли органларнинг сўровномасига мувофиқ Давлат кадастрлари палатасининг туман (шаҳар) филиаллари томонидан маълумотнома тарзида тайёрланади.

24. Бино ва иншоотларнинг кадастр йиғмажилдини тайёрлаш жараёнида қуйидаги ишлар бажарилади:

бино ва иншоотлар бўйича мавжуд ҳуқуқий, иқтисодий, архитектура-шаҳарсозлик ва бошқа зарур ҳужжатлар йиғилади ва таҳлил қилинади;

бино ва иншоотлар техник хатловдан ўтказилади, бунда биноларнинг ички ва ташқи ўлчовлари аниқланади, майдонлари ва ҳажмлари ҳисобланади ҳамда ушбу маълумотлар биноларнинг ички ва ташқи ўлчов қайдномаларида акс эттирилади;

бино ва иншоотлар конструктив қисмларининг тавсифи аниқланади ва маълумотларда акс эттирилади;

бино ва иншоотларнинг қаватма-қават электрон чизмалари тайёрланади;

бинонинг муҳандислик коммуникациялари (газ, электр энергияси, ичимлик суви, иссиқлик таъминоти ва бошқалар) билан таъминланганлиги аниқланади;

жисмоний шахсларга тегишли бўлган бино ва иншоотларнинг кадастр қиймати қонунчилик ҳужжатларига мувофиқ аниқланади;

бино ва иншоотларга ҳудудларни кадастр бўйича бўлиш ҳамда ер участкалари, бинолар ва иншоотларнинг кадастр рақамлари шакллантирилади;

кўчмас мулк объектини электрон ҳисобга олишда бино ва иншоотларнинг кадастр маълумотлари киритилади;

кадастр йиғмажилди тайёрланади.

25. Кадастр йиғмажилди асосида кадастр паспорти расмийлаштирилади.

26. Бино ва иншоотларнинг архитектура-қурилиш чизмалари энг кам ҳажмда, ортиқча тафсилотларсиз тузилади.

Бунда бинонинг ички хоналари режаси чизилади. Агар бино бир неча қаватдан иборат бўлса, у ҳолда барча қаватларнинг режалари, шунингдек, ертўланинг режаси чизилади. Бинонинг қават режалари 1:100 ёки 1:200 масштабда чоп этилади ва номланади (масалан, «1-қават режаси», «2-қават режаси», «Ертўла режаси»).

27. Ер ости иншоотларининг (ҳар хил мақсадларда фойдаланиладиган қувурлар, электр ва алоқа линиялари, фойдали қазилмаларни қазиб олиш билан боғлиқ бўлган иншоотлар ва бошқалар) тавсифи кадастр йиғмажилдига лойиҳа-смета ёки ушбу иншоотлар давлат кадастри маълумотларидан фойдаланиб киритилади.

28. Махсус иншоотларнинг кадастр маълумотлари тайёрланаётганда, улар тўғрисида ўзларига хос маълумотлар тегишли давлат кадастрлари маълумотларидан фойдаланиб киритилади (масалан, алоҳида кадастр объекти бўлган электр линиясининг кадастр маълумотларидан унинг номи, кучланиши, симлар сони, электр линияси таянчларининг конструкцияси, трансформатор станциялари ва бошқа иншоотлар тўғрисидаги маълумотлар олиниши мумкин).

29. Кўчмас мулк объектини ҳисобдан ўтказиш натижасига кўра ахборот тизимида бино ва иншоотларнинг қуйидаги кадастр маълумотлари акс эттирилади:

бинолар сони;

иншоотлар сони;

асосий хоналар сони;

бинолар умумий майдони;

фойдали (яшаш) майдони;

бинонинг қурилишости майдони;

иншоотлар майдони;

бино ва иншоотларнинг капиталлиги;

фойдаланиш мақсади;

конструктив тури (пойдевор, девор, чердак тўсинлар, ораёпма, том қопламаси, пол);

зилзилабардошлиги;

муҳандислик жиҳозлангани (сув, оқова, электр, газ, иссиқлик);

бинонинг қаватлилиги;

объект жойлашган қавати;

бинонинг баландлиги, м;

майдон, кв.м. (қурилишости, умумий, ишлаб чиқариш, фойдали, яшаш);

қурилган йили;

ўзбошимчалик билан қурилган бинолар ва иншоотлар;

кадастр қиймати;

битим (шартнома) қиймати;

махсус иншоотлар тўғрисидаги маълумотлар;

кўп квартирали уйлардаги турар жойлар ва яшаш учун мўлжалланмаган (нотурар) жойлар, умумий мол-мулк (умумий жойлар) рўйхати.

Бино ва иншоотларнинг ўзига хос хусусиятларини акс эттирувчи бошқа кўрсаткичлар ҳам киритилиши мумкин.

30. Кадастр йиғмажилдига абрислар, фотосуратлар ҳамда бино ва иншоотларни тавсифловчи бошқа ҳужжатлар ва электрон файл материаллари илова қилиниши мумкин.

31. Бинолар улар жойлашган ер участкасининг фойдаланиш мақсадига мос равишда қайта ихтисослаштирилганда, реконструкция қилинганда, кадастр йиғмажилдига тегишли ўзгартиришлар киритилади.

Кўчмас мулк объектининг вужудга келиши (барпо этилиши) ёки икки ва ундан ортиқ қисмларга бўлинишида манзилларни белгилаш Вазирлар Маҳкамасининг 2018 йил 14 декабрдаги 1010-сон қарори билан тасдиқланган Кўчмас мулк объектлари манзиллари ягона реестрини шакллантириш ва юритиш тартиби тўғрисидаги низомга мувофиқ кадастр йиғмажилдини шакллантириш жараёнида амалга оширилади.

32. Қурилиши тугалланмаган бинолар ва иншоотларга кадастр йиғмажилди тегишли лойиҳа ташкилоти томонидан уларнинг қурилиши лойиҳа талабларига мувофиқ бошланганлиги тасдиқланган тақдирда, мазкур Низомда белгиланган тартиб асосида тайёрланади ва натижаси бўйича кадастр паспорти берилади. Бунда бино ва иншоотнинг пойдевори ва биринчи қавати деворларининг қурилиш ишлари якунланганлиги қурилишни бошланган деб топиш учун асос ҳисобланади.

4-боб. Кўп йиллик дарахтларнинг кадастр маълумотларини тайёрлаш

33. Юридик ва жисмоний шахсларнинг мулки бўлган кўп йиллик дарахтларга кўчмас мулкнинг бир тури сифатида кадастр йиғмажилди тайёрланади ва натижалари бўйича кадастр паспорти берилади.

Қишлоқ хўжалиги ташкилотлари ва фермер хўжаликлари томонидан узоқ муддатли ижарага берилган ер участкаларида ижарага берувчининг рухсати билан ўз маблағлари ҳисобига экилган ва уларнинг мулки бўлган кўп йиллик дарахтлар тўғрисидаги маълумотлар кадастр йиғмажилди таркибига киритилади.

Якка тартибдаги уй-жойда ҳамда жамоа боғдорчилиги ва узумчилигини юритиш (дала ҳовли) учун берилган ер участкаларида ўстирилган кўп йиллик дарахтларга кадастр йиғмажилди тайёрланмайди.

34. Кадастр йиғмажилдини тайёрлаш жараёнида боғлар, узумзорлар, тутзорлар ва бошқа ўрмон дарахтларининг майдонида (геодезик ўлчов асбоблари ёрдамида 1:1000 ва 1:10000 гача масштабда топохариталари яратилади) ўлчов ишлари ўтказилади ва кўчатларнинг сони аниқланади. Боғлардаги дарахтлар турларга (олма, нок, шафтоли ва бошқалар) ажратилмасдан, эгаллаган умумий майдони ҳамда сони аниқланади.

35. Кўп йиллик дарахтларнинг кадастр маълумотлари ер участкасининг кадастр маълумотлари билан биргаликда кўрсатилади. Кичрайтирилган режа харитасидаги шартли белгиларда кўп йиллик дарахтлар эгаллаган ерлар чегараси координата бурилиш нуқталари каталогида акс эттирилади.

5-боб. Кадастр йиғмажилдини тайёрлаш

36. Кадастр йиғмажилди давлат тилида электрон ҳужжат сифатида тайёрланади.

Қоғоз кўринишда кадастр йиғмажилди А4 (210 х 297 мм) форматдаги ёзув қоғозларида электрон ҳужжат асосида тайёрланади. Бунда асосий форматларнинг қисқа томонларини каррали миқдорда узайтириш билан ташкил қилинадиган қўшимча форматлар қўлланилиши мумкин.

37. Кўчмас мулк объекти фақат ер участкаси ёки бино ва иншоотдан (квартира, бино, иншоотнинг бир қисми) ҳамда кўп йиллик дарахтлардан иборат бўлган ҳолларда, кадастр йиғмажилди тегишли объект бўйича тайёрланади.

38. Кадастр йиғмажилдининг муқоваси ва таркибидаги электрон ахборот тизимида шаклланадиган маълумотларнинг намунавий жадваллари, қайдномалари ва бланкалари Ўзбекистон Республикаси Давлат солиқ қўмитаси ҳузуридаги Кадастр агентлиги (кейинги ўринларда — Кадастр агентлиги) томонидан тасдиқланади.

Бунда кадастр йиғмажилдини тайёрлаган Давлат кадастрлари палатасининг туман (шаҳар)даги филиали ёки кадастр муҳандиси номи, кўчмас мулк объекти жойлашган жой ва кўчмас мулк объектига оид бошқа барча маълумотлар қайд этилади.

39. Давлат кадастрлари палатасининг туман (шаҳар) филиали ходимлари томонидан тайёрланган кадастр йиғмажилди мазкур Низомнинг 8-бандида белгиланган муддат доирасида текшириб чиқилади. Бунда мазкур йиғмажилдда қайд этилган маълумотлар тўлиқ ва тўғри киритилганлиги ҳамда геоахборот тизимларида акс эттирилганлиги ҳолати ўрганилади. Камчиликлар аниқланган ҳолларда, бир иш куни муддатда ижрочи ходим камчиликларни бартараф этади.

Кадастр муҳандиси томонидан кўчмас мулк объектларига тайёрланган кадастр йиғмажилди бўйича маълумотлар унинг ахборот тизимидаги шахсий кабинети орқали Давлат кадастрлари палатасининг туман (шаҳар) филиалига қабул қилиш учун юборилади.

Давлат кадастрлари палатасининг туман (шаҳар) филиали кадастр муҳандиси томонидан ахборот тизими орқали кўчмас мулк объектига оид тайёрланган кадастр йиғмажилди маълумотларини қабул қилиб олади ва уч иш куни мобайнида ўрганиб чиқади.

40. Кадастр муҳандиси ахборот тизимидаги шахсий кабинети орқали кўчмас мулк объектларига оид қуйидаги маълумотларни киритади:

кўчмас мулк объекти жойлашган жой;

эгасига (фойдаланувчига) оид маълумотлар;

кўчмас мулк объектига кадастр йиғмажилдини тайёрлаш бўйича келишувга оид маълумотлар (шартнома рақами, санаси, муддатлари, тўлов миқдори ва бошқалар);

мазкур Низомнинг 22 ва 29-бандларида кўрсатилган маълумотлар;

ер участкаси ва ундаги бино иншоотларнинг чегаралари кўрсатилган ҳамда WGS-84 координаталар тизимидаги тайёрланган рақамли кадастр харитаси;

бино ва иншоотларнинг автоматик лойиҳалаштириш дастурлари ёрдамида dxf, dwg форматлардан бирида тайёрланган чизмаси. Кадастр йиғмажилди бирламчи тайёрланган ҳолларда, бино ва иншоотларнинг амалдаги (ўлчов кунидаги) ҳолати бўйича фото суратлар, республикада фойдаланишда рухсат этилган сунъий йўлдош суратлари.

41. Кадастр муҳандисининг ахборот тизими орқали тақдим этилган электрон маълумотлари Давлат кадастрлари палатасининг туман (шаҳар) филиали томонидан уч иш кунида ўрганилади. Бунда:

кадастр муҳандиси томонидан тайёрланган электрон маълумотлар, кўчмас мулк объектига бўлган ҳуқуқни тасдиқловчи ҳужжатлар мавжудлиги ва унга мувофиқ кўчмас мулк объекти техник ҳисобга олинади, кадастр паспорти расмийлаштирилади ёки унга тўсқинлик қилувчи ҳолатлар текширилади;

кадастр муҳандиси томонидан кадастр маълумотлар базасига киритилган техник маълумотларнинг тўғри ва тўлиқлиги текширилади ва дастлабки маълумотлар билан солиштирилади;

ер участкаси, бино ва иншоотлар ҳамда кўп йиллик дарахтлар дастлабки шакллантирилган кадастр маълумотлари асосида солиштирилади ва ахборот тизимида мавжуд чегарадош ердан фойдаланувчиларнинг чегаралари билан солиштирилади ва таҳлил этилади.

Кадастр муҳандиси томонидан ахборот тизими орқали юборилган маълумотларда техник хатоликлар мавжуд бўлса, бартараф этиш учун ушбу хатоликлар кўрсатилган ҳолда қайтарилади. Агар кўрсатилган техник хатоликлар хабар берилган пайтдан бошлаб бир ой мобайнида бартараф этилмаган ёки муҳандис томонидан тегишли хабар қолдирилмаган бўлса, ҳудудий бошқарма икки иш кунида кадастр паспортини тайёрлашни ва ҳисобга қўйишни рад этиш тўғрисида қарор қабул қилади ва бу ҳақда кадастр муҳандисини шахсий кабинети орқали хабардор қилади.

Тақдим этилган маълумотлар асосида кўчмас мулк объектининг ташқи чегаралари ва объектга оид умумий маълумотлари бир хиллиги аниқлангандан сўнг ҳудудий бошқарма томонидан кадастр муҳандисининг тақдим этилган электрон кадастр йиғмажилди маълумотлари давлат кадастрлари тизимига қабул қилинади. Бу ҳақда ахборот тизими орқали кадастр муҳандисига кўчмас мулк объектининг кадастр паспортидан кўчирма нусхаси юборилади.

Қуйидаги ҳолларда кадастр муҳандиси томонидан тақдим этилган маълумотлар ахборот тизими орқали рад этилади ва камчиликларини бартараф этиш юзасидан тегишли изоҳ юборилади:

ушбу Низомнинг 12 , 22 ва 29-бандларида келтирилган маълумотлар тўлиқ тақдим этилмаганда;

белгиланган муддатда маълумотлардаги техник хатоликлар тўғриланмаганда;

ер участкаси чегараларига оид берилган маълумотлар геоахборот тизими ва туман (шаҳар) филиаллари архив маълумотларига нисбатан фарқ қилганда.

Бошқа ҳолларда кадастр муҳандисига рад жавоби берилишига йўл қўйилмайди.

42. Давлат кадастрлари палатасининг туман (шаҳар) филиали томонидан кадастр муҳандиси маълумотлари келишилган ва ҳисобга қўйилганда, кадастр муҳандиси ўзининг шахсий кабинетида кадастр маълумотлари базасига кирган ҳолда кўчмас мулк объекти бўйича бино ва иншоотларнинг ўлчов қайдномаси, хоналарнинг ўлчов қайдномаси, бино ва иншоотларнинг конструктив элементлари қайдномасини ва бошқа маълумотларни чоп этади.

43. Кадастр муҳандиси томонидан тайёрланган ва қабул қилинган кадастр йиғмажилди маълумотлари кўчмас мулк объектига бўлган ҳуқуқларни давлат рўйхатидан ўтказишда рўйхатдан ўтказувчи томонидан рўйхатга олиш ишини кўриб чиқишда асос ҳисобланади.

44. Кадастр муҳандиси кўчмас мулк объектига кадастр йиғмажилдини шакллантиришда ахборот тизимидаги шахсий кабинети орқали зарур бўлган кадастр маълумотларни олишда, электрон маълумотлар базасидан ҳамда кўчмас мулк объектларига бўлган ҳуқуқларнинг давлат реестридаги маълумотлардан фойдаланиш ҳуқуқига эга бўлади.

45. Кадастр муҳандиси томонидан ушбу Низом талабларига икки ва ундан ортиқ равишда қўпол равишда амал қилмаслик ҳамда қонунчилик ҳужжатлари талабларини бузиш ҳолатларига йўл қўйилиши, кадастр муҳандисининг малака шаҳодатномаси бекор қилиниши бўйича Кадастр агентлигига ахборот киритиш учун асос ҳисобланади.

6-боб. Кадастр йиғмажилдига ўзгартиришлар киритиш

46. Кадастр йиғмажилдига ўзгартиришлар кўчмас мулк объектига бўлган ҳуқуқ эгаларининг ёки улар ишончли вакилларининг талабларига мувофиқ тегишли тартибдаги мурожаатлари асосида киритилади.

47. Бино ва иншоотларнинг конструктив қисмлари, хоналар сони улар жойлашган ер участкасининг фойдаланиш мақсадига мос равишда ўзгартирилган ҳолда реконструкция қилинганда, улар қайтадан техник хатловдан ўтказилади ҳамда шу асосда бино ва иншоотларнинг кадастр маълумотлари қайтадан тайёрланади.

48. Бино ва иншоотларнинг конструктив қисмлари, хоналар сони ўзгармаган ҳолда унга нисбатан ҳуқуқ тури ва (ёки) ҳуқуқ эгаси ўзгарган тақдирда, кўчмас мулк объектига қайтадан кадастр йиғмажилдини тайёрлаш тақиқланади.

49. Ўзбекистон Республикасининг давлат сирлари билан боғлиқ (махфийлик режимидаги) бўлган кўчмас мулк объектлари бўйича кадастр йиғмажилдини тайёрлаш учун кўчмас мулкни балансида сақловчи ташкилот ёхуд уларнинг ишончли вакиллари томонидан тўғридан-тўғри Давлат кадастрлари палатасининг ҳудудий бошқармаларига мурожаат қилинади.

Бунда кадастр йиғмажилдини тайёрлаш бўйича тегишли шартнома расмийлаштирилади.

Давлат кадастрлари палатасининг ҳудудий бошқармалари кўчмас мулк объектларини хатловдан ўтказиш ишларини махфийлик режимига риоя этган ҳолда амалга оширади. Хатлов натижалари бўйича кадастр йиғмажилди расмийлаштирилади ва алоҳида махфийлик режимига эга бўлган маълумотлар базасига киритади.

50. Кадастр йиғмажилдига ўзгартиришлар киритишда Давлат кадастрлари палатасининг электрон архиви ҳамда тегишли туман (шаҳар) филиаллари архивида сақланаётган қоғоз нусхасига ҳам тегишли ўзгартиришлар киритилади. Бунда кадастр йиғмажилдининг архивда сақланаётган нусхасида мавжуд бўлган ҳужжатларни олиб ташлашга йўл қўйилмайди, янги ҳолатларни тасдиқловчи ҳужжатлар кадастр йиғмажилдига янгиланиши бўйича қўшиб борилади.

7-боб. Кадастр йиғмажилдини шакллантириш натижасида кадастр паспортини расмийлаштириш

51. Кўчмас мулк объектини кадастр ҳисобига олиш ва кадастр йиғмажилдини шакллантириш натижасида кўчмас мулк объекти бўйича электрон шаклда кадастр паспорти расмийлаштирилади.

Кадастр муҳандиси билан шартнома тузган ҳолда кадастр йиғмажилди тайёрланганда, кадастр паспорти ушбу Низомга 1-иловадаги схемага мувофиқ берилади.

Кадастр паспортида мулкдор ва ҳуқуқни белгиловчи ҳужжатлар ҳақидаги маълумотлар акс эттирилмайди.

52. Кадастр паспортининг шакллари қуйидаги турлар бўйича белгиланади:

кўп квартирали уйдаги турар жойнинг кадастр паспорти — ушбу Низомга 2-иловага мувофиқ;

якка тартибдаги турар жойнинг кадастр паспорти — ушбу Низомга 3-иловага мувофиқ;

нотурар жой тоифасидаги кўчмас мулк объектининг кадастр паспорти — ушбу Низомга 4-иловага мувофиқ;

ер участкасининг кадастр паспорти — ушбу Низомга 5-иловага мувофиқ;

кўп квартирали уйдаги нотурар жойнинг кадастр паспорти — ушбу Низомга 6-иловага мувофиқ;

қурилиши тугалланмаган объектнинг кадастр паспорти — ушбу Низомга 7-иловага мувофиқ;

кўп йиллик дарахтнинг кадастр паспорти — ушбу Низомга 8-иловага мувофиқ;

махсус иншоотларнинг кадастр паспорти — ушбу Низомга 9-иловага мувофиқ;

кўп квартирали уйнинг кадастр паспорти — ушбу Низомга 9а-иловага мувофиқ.

53. Кўчмас мулк объектига кадастр паспорти қуйидаги ҳолларда расмийлаштирилади:

ер участкалари берилганда (реализация қилинганда);

кўчмас мулк объекти бўйича бирламчи техник инвентаризациядан ўтказиш ишлари бажарилганда;

кадастр йиғмажилди шакллантирилган кўчмас мулк объектида қайта техник инвентаризация ўтказиш натижасида ўзгаришлар аниқланганда (реконструкция, қўшимча иморат қуриш ва (ёки) алоҳида иморат қуриш, бир қисми бузилганда (вайрон бўлганда) ёки йўқ қилинганда);

кўчмас мулкни бўлиш ва унинг янги чегараларини белгилаш амалга оширилганда;

кўчмас мулкни бирлаштириш ва унинг янги чегараларини белгилаш амалга оширилганда;

ер участкасининг майдони ёки чегара нуқталари ўзгарганда;

кўчмас мулк объектининг манзилини белгилашда ёки ўзгартиришда;

ер участкасидан рухсат этилган фойдаланиш асосий тури ёки капитал қурилиш объектининг фойдаланиш мақсади ўзгарганда;

ўз ер участкасида тегишли рухсатномаларни расмийлаштирмасдан қурилган бино ва иншоотлар мавжуд бўлганда.

54. Кўчмас мулк объектининг паспорти қонунчилик ҳужжатларида белгиланган тартибда расмийлаштирилади.

8-боб. Якунловчи қоида

55. Мазкур Низом талаблари бузилишида айбдор бўлган шахслар қонунчилик ҳужжатларига мувофиқ жавоб берадилар.

Кўчмас мулк объектларига кадастр йиғмажилдини тайёрлаш тартиби тўғрисидаги низомга 1-ИЛОВА

Кадастр муҳандиси билан шартнома тузган ҳолда кадастр йиғмажилди тайёрланганда, кадастр паспортини бериш

Босқичлар Субъектлар Тадбирлар Бажариш муддатлари 1-босқич Ариза берувчи Кадастр йиғмажилдини олиш учун кадастр муҳандисига мурожаат қилади. Ўз хоҳишига кўра 2-босқич Кадастр муҳандиси 1. Объектда жойига чиқиб ўлчов ишларини амалга оширади. 2. Кўчмас мулк объектига оид маълумотларни киритади ҳамда мулкдор (фойдаланувчи)нинг кўчмас мулкига оид мавжуд ахборотни тизимда ўзига юклаб олади. Ариза берувчи билан шартномага мувофиқ 3-босқич Давлат кадастрлари палатасининг туман (шаҳар) филиали 1. Ахборот тизими орқали тақдим этилган электрон маълумотларни ўрганади. 2. Кўчмас мулк объекти кадастр паспортидан кўчирма нусхасини юборади. Уч иш куни 4-босқич Кадастр муҳандиси Кадастр паспортини ариза берувчига тақдим этади. Бир иш куни мобайнида ёки ариза берувчи билан шартномага мувофиқ

Кўчмас мулк объектларига кадастр йиғмажилдини тайёрлаш тартиби тўғрисидаги низомга 2-ИЛОВА

_____________________________________________________________________ (Давлат кадастрлари палатаси филиали номи ёки кадастр муҳандисининг фамилияси, исми, отасининг исми) КЎП КВАРТИРАЛИ УЙДАГИ ТУРАР ЖОЙНИНГ КАДАСТР ПАСПОРТИ (кадастр йиғмажилдидан кўчирма) Кадастр йиғмажилди шакллантирилган сана Кадастр паспорти берилган Сана Рақами I. Манзил ҳақида маълумотлар Кадастр рақами Жойлашган жойи II. Объект тавсифи Бинонинг қаватлар сони Жойлашган қавати Умумий фойдали, (м2) Яшаш майдони, (м 2 ) Жами хоналар сони Яшаш хоналари сони Кадастр қиймати, (сўм) Баҳолаш санаси Қўшимча маълумотлар _______________________ ‎ ‎ ‎ _____________________________ (ижрочи лавозими) ‎ ‎ ‎ (Ф.И.О.) Объект бўйича қўшимча маълумотларни «davreestr.uz» веб-сайти орқали олиш имконияти мавжуд. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Кўчмас мулк объектларига кадастр йиғмажилдини тайёрлаш тартиби тўғрисидаги низомга 3-ИЛОВА

_____________________________________________________________________ (Давлат кадастрлари палатаси филиали номи ёки кадастр муҳандисининг фамилияси, исми, отасининг исми) ЯККА ТАРТИБДАГИ ТУРАР ЖОЙНИНГ ‎КАДАСТР ПАСПОРТИ ‎(кадастр йиғмажилдидан кўчирма) Кадастр йиғмажилди шакллантирилган сана Кадастр паспорти берилган Сана Рақами I. Манзил ҳақида маълумотлар Ер участкасининг кадастр рақами Жойлашган жойи II. Ер участкаси тавсифи Ер майдони, (м 2 ) Ҳуқуқий ҳужжатга асосан Амалда Ўзбошимчалик билан эгалланган Рухсат этилган фойдаланиш асосий тури Ер участкаси баҳоси (сўм) Сервитут ҳақида маълумот Кўп йиллик дарахтлар сони III. Бино ва иншоотлар тавсифи Бино ва иншоотнинг номи Бино ва иншоотнинг фойдаланиш мақсади Кадастр рақами Бинолар сони Умумий қурилиш ости майдони (м 2 ) Умумий фойдали майдони (м 2 ) Фойдали майдони (яшаш майдони), (м 2 ) жами Ўзбошимчалик билан қурилган иморатлар жами Кадастр қиймати (сўм) Баҳолаш санаси Қўшимча маълумотлар _______________________ _____________________________ (ижрочи лавозими) (Ф.И.О.) Объект бўйича қўшимча маълумотларни «davreestr.uz» веб-сайти орқали олиш имконияти мавжуд.

Кўчмас мулк объектларига кадастр йиғмажилдини тайёрлаш тартиби тўғрисидаги низомга 4-ИЛОВА

_____________________________________________________________________ (Давлат кадастрлари палатаси филиали номи ёки кадастр муҳандисининг фамилияси, исми, отасининг исми) НОТУРАР ЖОЙ ТОИФАСИДАГИ КЎЧМАС МУЛК ОБЪЕКТИНИНГ КАДАСТР ПАСПОРТИ ‎ (кадастр йиғмажилдидан кўчирма) Кадастр йиғмажилди шакллантирилган сана Кадастр паспорти берилган Сана Рақами I. Манзил ҳақида маълумотлар Объект номи Ер участкасининг кадастр рақами Жойлашган жойи II. Ер участкаси тавсифи Ер майдони, (м 2 ) Ҳуқуқий ҳужжатга асосан Амалда Ўзбошимчалик билан эгалланган Рухсат этилган фойдаланиш асосий тури Ер участкаси баҳоси (сўм) Сервитут ҳақида маълумот Кўп йиллик дарахтлар сони III. Бино ва иншоотлар тавсифи Бино ва иншоотнинг номи Бино ва иншоотнинг фойдаланиш мақсади Кадастр рақами Бинолар сони Умумий қурилиш ости майдони (м 2 ) Умумий фойдали майдони (м 2 ) Фойдали майдони (яшаш майдони), (м 2 ) жами Ўзбошимчалик билан қурилган иморатлар жами Кадастр қиймати (сўм) Баҳолаш санаси Қўшимча маълумотлар _______________________ _____________________________ (ижрочи лавозими) (Ф.И.О.) Объект бўйича қўшимча маълумотларни «davreestr.uz» веб-сайти орқали олиш имконияти мавжуд.

Кўчмас мулк объектларига кадастр йиғмажилдини тайёрлаш тартиби тўғрисидаги низомга 5-ИЛОВА

_____________________________________________________________________ (Давлат кадастрлари палатаси филиали номи ёки кадастр муҳандисининг фамилияси, исми, отасининг исми) ЕР УЧАСТКАСИНИНГ ‎КАДАСТР ПАСПОРТИ ‎(кадастр йиғмажилдидан кўчирма) Кадастр йиғмажилди шакллантирилган сана Кадастр паспорти берилган Сана Рақами I. Манзил ҳақида маълумотлар Ер участкасининг кадастр рақами Жойлашган жойи II. Ер участкаси тавсифи Ер майдони, (м 2 ) Ҳуқуқий ҳужжатга асосан‎ Амалда Ўзбошимчалик билан эгалланган Рухсат этилган фойдаланиш асосий тури Ер участкаси баҳоси (сўм) Сервитут ҳақида маълумот Ер участкаси баҳоси (сўм) Кўп йиллик дарахтлар сони ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ _______________________ ‎ ‎ ‎ _____________________________ (ижрочи лавозими) ‎ ‎ ‎ (Ф.И.О.) Объект бўйича қўшимча маълумотларни «davreestr.uz» веб-сайти орқали олиш имконияти мавжуд. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Кўчмас мулк объектларига кадастр йиғмажилдини тайёрлаш тартиби тўғрисидаги низомга 6-ИЛОВА

_____________________________________________________________________ (Давлат кадастрлари палатаси филиали номи ёки кадастр муҳандисининг фамилияси, исми, отасининг исми) КЎП КВАРТИРАЛИ ТУРАР ЖОЙДА ЖОЙЛАШГАН НОТУРАР ЖОЙНИНГ КАДАСТР ПАСПОРТИ ‎(кадастр йиғмажилдидан кўчирма) Варақ № Жами варақлар сони № ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Кадастр йиғмажилди шакллантирилган сана Кадастр паспорти берилган Сана Рақами I. Манзил ҳақида маълумотлар Кадастр рақами Жойлашган жойи II. Объект тавсифи Объект номи Объект фойдаланиш мақсади Объект жойлашган бинонинг қаватлар сони Жойлашган қавати Умумий майдони, (м 2 ) Фойдали майдони, (м 2 ) Хоналар сони Ўзбошимча қурилма майдони,(м 2 ) Ўзбошимчалик билан эгалланган ер майдони (м 2 ) Кадастр қиймати (сўм) Баҳолаш санаси Қўшимча маълумотлар _______________________ ‎ ‎ ‎ _____________________________ (ижрочи лавозими) ‎ ‎ ‎ (Ф.И.О.) Объект бўйича қўшимча маълумотларни «davreestr.uz» веб-сайти орқали олиш имконияти мавжуд. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Кўчмас мулк объектларига кадастр йиғмажилдини тайёрлаш тартиби тўғрисидаги низомга 7-ИЛОВА

_____________________________________________________________________ (Давлат кадастрлари палатаси филиали номи ёки кадастр муҳандисининг фамилияси, исми, отасининг исми) ҚУРИЛИШИ ТУГАЛЛАНМАГАН ОБЪЕКТНИНГ ‎КАДАСТР ПАСПОРТИ ‎(кадастр йиғмажилдидан кўчирма) Варақ № Жами варақлар сони № ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Кадастр йиғмажилди шакллантирилган сана Кадастр паспорти берилган Сана Рақами I. Манзил ҳақида маълумотлар Ер участкасининг кадастр рақами Жойлашган жойи II. Ер участкаси тавсифи Ер майдони, (м 2 ) Ҳуқуқий ҳужжатга асосан‎ Амалда Ўзбошимчалик билан эгалланган Рухсат этилган фойдаланиш асосий тури Ер участкаси баҳоси (сўм) Сервитут ҳақида маълумот Қўшимча маълумотлар III. Бино ва иншоотлар тавсифи Объект номи Объект фойдаланиш мақсади Бинолар сони Умумий майдони (м 2 ) Иншоотлар сони Умумий майдони (м 2 ) Лойиҳасиз қурилган қурилмалар сони Умумий майдони (м 2 ) Лойиҳадан ташқари қурилмалар сони Умумий майдони (м 2 ) Тугалланганлик фоизи (%) Асословчи ҳужжат Кўп йиллик дарахтлар сони ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ _______________________ ‎ ‎ ‎ _____________________________ (ижрочи лавозими) ‎ ‎ ‎ (Ф.И.О.) Объект бўйича қўшимча маълумотларни «davreestr.uz» веб-сайти орқали олиш имконияти мавжуд. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Кўчмас мулк объектларига кадастр йиғмажилдини тайёрлаш тартиби тўғрисидаги низомга 8-ИЛОВА

_____________________________________________________________________ (Давлат кадастрлари палатаси филиали номи ёки кадастр муҳандисининг фамилияси, исми, отасининг исми) КЎП ЙИЛЛИК ДАРАХТНИНГ ‎КАДАСТР ПАСПОРТИ ‎(кадастр йиғмажилдидан кўчирма) Варақ № Жами варақлар сони № ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Кадастр йиғмажилди шакллантирилган сана Кадастр паспорти берилган Сана Рақами I. Манзил ҳақида маълумотлар Ер участкасининг кадастр рақами Жойлашган жойи II. Ер участкаси тавсифи Ер майдони, (м 2 ) Ҳуқуқий ҳужжатга асосан‎ Амалда Ўзбошимчалик билан эгалланган Рухсат этилган фойдаланиш асосий тури Ер участкаси баҳоси (сўм) Сервитут ҳақида маълумот Қўшимча маълумотлар III. Кўп йиллик дарахтлар тавсифи ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ _______________________ ‎ ‎ ‎ _____________________________ (ижрочи лавозими) ‎ ‎ ‎ (Ф.И.О.) Объект бўйича қўшимча маълумотларни «davreestr.uz» веб-сайти орқали олиш имконияти мавжуд. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Кўчмас мулк объектларига кадастр йиғмажилдини тайёрлаш тартиби тўғрисидаги низомга 9-ИЛОВА

________________________________________________________________________________ (Давлат кадастрлари палатаси филиали номи ёки кадастр муҳандисининг фамилияси, исми, отасининг исми) МАХСУС ИНШООТНИНГ КАДАСТР ПАСПОРТИ ‎(кадастр йиғмажилдидан кўчирма) Кадастр йиғмажилди шакллантирилган сана Кадастр йиғмажилди шакллантирилган сана Сана Рақами I. Манзил ҳақида маълумотлар Объект номи Ер участкасининг кадастр рақами Жойлашган жойи II. Ер участкаси тавсифи Ер майдони, (м 2 ) Ҳуқуқий ҳужжатга асосан Амалда Ўзбошимчалик билан эгалланган Рухсат этилган фойдаланиш асосий тури Ер участкаси баҳоси (сўм) Сервитут ҳақида маълумот Кўп йиллик дарахтлар сони III. Иншоотлар тавсифи Иншоотнинг номи Иншоотнинг фойдаланиш мақсади Кадастр рақами Иншоотлар сони Умумий қурилиш ости майдони (м 2 ) Умумий фойдали майдони (м 2 ) Фойдали майдони (яшаш майдони), (м 2 ) жами Ўзбошимчалик билан қурилган иморатлар жами Кадастр қиймати (сўм) Баҳолаш санаси Қўшимча маълумотлар _______________________ _____________________________ (ижрочи лавозими) (Ф.И.О.) Объект бўйича қўшимча маълумотларни «davreestr.uz» веб-сайти орқали олиш имконияти мавжуд.

Кўчмас мулк объектларига кадастр йиғмажилдини тайёрлаш тартиби тўғрисидаги низомга 9а-ИЛОВА

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ (Давлат кадастрлари палатаси филиали номи ёки кадастр ‎муҳандисининг фамилияси, исми, отасининг исми) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ КЎП КВАРТИРАЛИ УЙНИНГ КАДАСТР ПАСПОРТИ ‎(кадастр йиғмажилдидан кўчирма) Кадастр йиғмажилди шакллантирилган сана Кадастр паспорти берилган Сана Рақами I. Манзил ҳақида маълумотлар Кадастр рақами Жойлашган жойи II. Умумий маълумотлар Ер участкасининг майдони, м 2 ҳужжатдаги амалдаги Бинонинг қаватлари сони Қурилган йили Умумий қурилиш ости майдони, м 2 Туташ ер участкаси майдони, м 2 Умумий фойдали, м 2 ‎ Кўп квартирали уйнинг тури Квартира ва жойлар сони Шундан:‏ 1 хонали 2 хонали 4 хонали 5 хонали 6 ва ундан кўп хоналилар турар жой нотурар жой III. Объект тавсифи Жами хоналар сони Яшаш хоналари сони Кадастр қиймати, сўм Баҳолаш санаси Конструктив қисмларининг тавсифи Пойдевор Юк кўтариб турувчи қисмлар Том қопламаси IV. Умумий мол-мулк Ертўлалар майдони Кириш йўлаклари (подъездлар) сони Чердаклар майдони Лифтлар сони Бошқа умумий мол-мулклар _______________________ ‎ ‎ ‎ ____________________________ ‎ (ижрочи лавозими) ‎ ‎ ‎ (Ф.И.О.) ‎ Объект бўйича қўшимча маълумотларни davreestr.uz веб-сайти орқали олиш имконияти мавжуд. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ QR-код ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ (Давлат кадастрлари палатаси филиали номи ёки кадастр муҳандисининг фамилияси, исми, отасининг исми) ‎Кўп квартирали уйнинг кадастр паспортига ‎ИЛОВА ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ЕР УЧАСТКАСИНИНГ КАДАСТР РЕЖАСИ __________________________________________________________________ (юридик шахснинг тўлиқ номи ёки жисмоний шахснинг Ф.И.О.) Кадастр рақами: _________________________ ‎Ер участкасининг амалдаги майдони ________ (га) ‎ ‎ ‎Масштаб 1:_______ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Ижрочи: _________________________________________________________________ ‎Буюртмачи: ______________________________________________________________ Чегарадошлар: ‎________________________________________________________________________ ‎________________________________________________________________________ ‎________________________________________________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ЕР УЧАСТКАСИ ЧЕГАРАЛАРИНИНГ БУРИЛИШ НУҚТАЛАРИ КООРДИНАТЛАРИ КАТАЛОГИ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Манзили: _________________________________________ ‎Кадастр рақами: ___________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Нуқталар тартиб рақами Геомаълумотлар Узунлиги (m) Х Y 1 2 3 4 ... ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Ер участкасининг умумий ер майдони S = ___ м 2 = ____ га Ер участкасининг периметри П = __ метр ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ QR-код ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Кўчмас мулк объектларига кадастр йиғмажилдини тайёрлаш тартиби тўғрисидаги низомга 10-ИЛОВА

НАМУНА Ер участкаси чегараларини аниқлаш ва келишиш ‎ДАЛОЛАТНОМАСИ 20__ йил «___» _____________ ‎ ‎ ___________________ тумани (шаҳри) Биз, _________________________________________________________________ (туман, шаҳар филиали ёки кадастр муҳандиси номи) _____________________________________________________________________ ‎_____________________________________________________________________ (ижрочининг лавозими, фамилияси, исми, отасининг исми ёки кадастр муҳандисининг номи) ва ер участкасининг ҳуқуқ эгаси _____________________________________________________________________ ‎ (юридик шахс вакилининг лавозими, фамилияси, исми, отасининг исми _____________________________________________ қуйидагиларни аниқладик. ёки жисмоний шахснинг фамилияси, исми, отасининг исми)‎ ‎ ‎ ‎ ‎ Ер участкаси ______________________________________________ жойлашган. (жойлашган манзили) Ер участкасининг кадастр рақами _______________________________________ ‎____________________________________________ га ________га ер участкаси (юридик шахснинг номи ёки жисмоний шахснинг фамилияси, исми, отасининг исми) _____________________________________________________________________ (ер участкаси берилган ёки унга бўлган ҳуқуқнинг ўтиши тўғрисида ҳужжат номи, санаси, рақами) мувофиқ ________________________________________ ҳуқуқи билан берилган, (ер участкасини бериш мақсади, ҳуқуқ тури) амалда ер участкасининг майдони ________ га ни ташкил қилади. Ер участкаси _________________ мақсадида фойдаланилмоқда, унинг экин ери _______ га, боғ ______ га, узумзор _____ га, тутзор ______ га, яйлов ______ га, қурилиш остидаги ва ҳовли ерлари _______ га, бошқа ерлар ______ га. Ер участкасига бўлган ҳуқуқнинг чекланиши _____________________________ ‎ ‎ ‎ ‎ ‎ ‎ ‎ ‎ ‎ ‎ ‎ (ҳужжат номи, чеклаш мазмуни) _____________________________________________________________________ Ер участкасида _______________________________________________________ (ҳужжат номи, муҳофаза зонаси белгиланган объект тури, муҳофаза _____________________________________________________________________ зонасининг майдони, фойдаланиш шарти) Ер участкасини баҳолаш натижалари тўғрисидаги маълумотлар _____________ _____________________________________________________________________ Ер участкаси чегараларининг таърифи ___________________________________ _____________________________________________________________________ Ер участкаси чегаралари бўйича ер участкасига бўлган ҳуқуқ эгасининг ва чегарадош ер участкаларига бўлган ҳуқуқ эгаларининг _____________________ (эътирозлари йўқ / қуйидаги эътирозлари мавжуд) _____________________________________________________________________ Ер участкасининг бошқа хусусиятлари ___________________________________ Мазкур далолатномага унинг ажралмас қисми сифатида ер участкасининг ___________________ масштабдаги кадастр режаси илова қилинмоқда. Филиал муҳандиси / ‎кадастр муҳандиси ____________________________________________________ ‎ ‎ ‎ (ижрочининг лавозими, имзоси, фамилияси, исми, отасининг исми) Ер участкасига бўлган ҳуқуқ эгаси ____________ ‎(имзо) _________________________________ ‎(фамилияси, исми, отасининг исми) Чегарадош ер участкаларига ‎бўлган ҳуқуқ эгалари ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 1. ________________________ ________________________________________ (имзо) (фамилияси, исми, отасининг исми) 2. ________________________ ________________________________________ (имзо) (фамилияси, исми, отасининг исми) 3. ________________________ ________________________________________ (имзо) (фамилияси, исми, отасининг исми) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

20 ____ йил «____» _________________ даги Ер участкаси чегараларини аниқлаш ва келишиш далолатномасига ИЛОВА

ЕР УЧАСТКАСИНИНГ КАДАСТР РЕЖАСИ ____________________________________________________________________ (юридик шахснинг тўлиқ фирма номи ёки жисмоний шахснинг фамилияси, исми, отасининг исми) Кадастр рақами _____________________ ‎Ер участкасининг майдони _________ га ‎ ‎ ‎ ‎ ‎ ‎ ‎ ‎ ‎ ‎ ‎‎ ‎ ‎ Масштаб _______________ Ижрочи ______________________________________________________________ (имзоси, фамилияси, исми, отасининг исми) Ер участкасининг ‎ҳуқуқ эгаси __________________________________________________________ (имзоси, фамилияси, исми, отасининг исми) Чегарадош ер участкаларига бўлган ҳуқуқ эгалари: _____________________________________________________________________ ‎_____________________________________________________________________ ‎_____________________________________________________________________ (номи, имзоси, фамилияси, исми, отасининг исми) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Вазирлар Маҳкамасининг 2021 йил 22 июндаги 389-сон қарорига 4-ИЛОВА

Ўзбекистон Республикаси Ҳукуматининг ўз кучини йўқотган деб эътироф этилаётган қарорлари

1. Вазирлар Маҳкамасининг «Ўзбекистон Республикасида бинолар ва иншоотлар давлат кадастрини юритиш тўғрисида» 1997 йил 2 июндаги 278-сон қарори .

2. Вазирлар Маҳкамасининг «Ўзбекистон Республикасида давлат ер кадастрини юритиш тўғрисида» 1998 йил 31 декабрдаги 543-сон қарори .

3. Вазирлар Маҳкамасининг «Ўзбекистон Республикаси Ер ресурслари, геодезия, картография ва давлат кадастри давлат қўмитаси фаолиятини ташкил этиш тўғрисида» 2004 йил 19 октябрдаги 483-сон қарорига 7-илованинг 2-боби 1 ва 2-бандлари (Ўзбекистон Республикаси ҚҲТ, 2004 й., 42-сон, 446-модда).

4. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикаси Вазирлар Маҳкамасининг «Кўчмас мулкка бўлган ҳуқуқларни давлат рўйхатидан ўтказиш тартибини такомиллаштириш тўғрисида» 2014 йил 7 январдаги 1-сон қарори)» 2014 йил 3 июндаги 138-сон қарорига илованинг 3 ва 4-бандлари (Ўзбекистон Республикаси ҚҲТ, 2014 й., 23-сон, 269-модда).

5. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикаси Вазирлар Маҳкамасининг «Кадастр ҳужжатларини тайёрлаш бўйича давлат хизматлари нархларини белгилашда табақалаштирилган ёндашув тартибини такомиллаштириш тўғрисида» 2014 йил 10 июлдаги 186-сон қарори)» 2014 йил 6 ноябрдаги 309-сон қарорига илованинг 1-банди (Ўзбекистон Республикаси ҚҲТ, 2014 й., 46-сон, 551-модда).

6. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикаси Президентининг «Ерларни муҳофаза қилиш ва улардан оқилона фойдаланиш борасида назоратни кучайтириш, геодезия ва картография фаолиятини такомиллаштириш, давлат кадастрлари юритишни тартибга солиш чора-тадбирлари тўғрисида» 2017 йил 31 майдаги ПФ-5065-сон Фармони ва Ўзбекистон Республикаси Президентининг «Ўзбекистон Республикаси Ер ресурслари, геодезия, картография ва давлат кадастри давлат қўмитаси фаолиятини янада такомиллаштириш чора-тадбирлари тўғрисида» 2017 йил 31 майдаги ПҚ-3024-сон қарори)» 2017 йил 29 августдаги 679-сон қарорига илованинг 3 ва 4-бандлари (Ўзбекистон Республикаси ҚҲТ, 2017 й., 35-сон, 931-модда).

Ўзбекистон Республикасининг Бош вазири А. АРИПОВ

Тошкент ш.,

2021 йил 22 июнь,

389-сон

(Қонунчилик маълумотлари миллий базаси, 22.06.2021 й., 09/21/389/0587-сон; 19.10.2022 й., 09/22/610/0938-сон; 24.08.2023 й., 09/23/411/0649-сон; 16.09.2023 й., 09/23/470/0707-сон; 02.10.2024 й., 09/24/614/0768-сон; 28.05.2025 й., 09/25/330/0473-сон; 04.09.2025 й., 09/25/559/0802-сон; 06.01.2026 й., 09/26/840/0012-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

SXEMASI

NIZOM

SXEMASI

MINIMAL TALABLAR

NIZOM

SXEMASI

ROʻYXATI

Davlat kadastrlarini yuritish sohasini tartibga soluvchi ayrim normativ-huquqiy hujjatlarni tasdiqlash toʻgʻrisida

Oʻzbekiston Respublikasi Prezidentining “Yer hisobi va davlat kadastrlarini yuritish tizimini tubdan takomillashtirish chora-tadbirlari toʻgʻrisida” 2020-yil 7-sentabrdagi PF-6061-son Farmoni hamda “Oʻzbekiston Respublikasi Davlat soliq qoʻmitasi huzuridagi Kadastr agentligi faoliyatini tashkil etish chora-tadbirlari toʻgʻrisida” 2020-yil 7-sentabrdagi PQ-4819-son qarori ijrosini taʼminlash maqsadida Vazirlar Mahkamasi qaror qiladi:

1. Quyidagilar:

davlat yer kadastrining tarkibiy qismlari, davlat yer kadastrini yuritishning asosiy prinsiplari hamda davlat yer kadastrini yuritishda Davlat kadastrlari palatasi va uning hududiy boshqarmalarining vazifalarini nazarda tutuvchi Davlat yer kadastrini yuritish tartibi toʻgʻrisidagi nizom 1-ilovaga muvofiq;

binolar va inshootlar davlat kadastri tarkibi, bosqichlari hamda binolar va inshootlar davlat kadastrini yuritishni tashkil etishni nazarda tutuvchi Bino va inshootlar davlat kadastrini yuritish tartibi toʻgʻrisidagi nizom 2-ilovaga muvofiq;

yer uchastkasi, bino va inshootlar hamda koʻp yillik daraxtlarning kadastr maʼlumotlarini tayyorlash, kadastr yigʻmajildini tayyorlash hamda kadastr yigʻmajildini shakllantirish natijasida kadastr pasportini rasmiylashtirishni nazarda tutuvchi Koʻchmas mulk obyektiga kadastr yigʻmajildini tayyorlash tartibi toʻgʻrisidagi nizom 3-ilovaga muvofiq tasdiqlansin.

2. Oʻzbekiston Respublikasi Hukumatining 4-ilovaga muvofiq ayrim qarorlari oʻz kuchini yoʻqotgan deb hisoblansin.

3. Oʻzbekiston Respublikasi Davlat soliq qoʻmitasi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov hamda Oʻzbekiston Respublikasi Davlat soliq qoʻmitasi raisi Sh.D. Kudbiyev zimmasiga yuklansin.

Vazirlar Mahkamasining 2021-yil 22 iyundagi 389-son qaroriga 1-ILOVA

Davlat yer kadastrini yuritish tartibi toʻgʻrisida

1-bob. Umumiy qoidalar

1. Ushbu Nizom Davlat yer kadastrini yuritish tartibini belgilaydi.

Davlat yer kadastri yerlarni hisobga olish, yer uchastkalariga boʻlgan huquqlar kafolatlanishini taʼminlash, yerning tabiiy xossalarini, yerdan foydalanishni har tomonlama oʻrganish va baholash maqsadida yuritiladi.

2. Davlat yer kadastri Davlat kadastrlari yagona tizimining asosiy tarkibiy qismi hisoblanib, yerlarning tabiiy, xoʻjalik, huquqiy rejimi, toifalari, sifat xususiyatlari va qiymati, yer uchastkalarining oʻrni va oʻlchamlari, ularning yer egalari, yerdan foydalanuvchilar, ijarachilar va mulkdorlar oʻrtasidagi taqsimoti toʻgʻrisidagi maʼlumotlar hamda hujjatlar tizimidan iboratdir.

3. Oʻzbekiston Respublikasining yer fondi davlat yer kadastri obyekti hisoblanadi.

4. Yer kadastri maʼlumotlarini ishlab chiqish texnologiyasini doimiy ravishda takomillashtirish, tizimlashtirish, saqlash, yangilash hamda foydalanuvchilarga yer kadastri toʻgʻrisida ishonchli maʼlumotlar taqdim etish davlat yer kadastrining asosiy vazifalari hisoblanadi.

Davlat yer kadastrini yuritish aerokosmik suratga olish, topografik-geodezik, kartografik, tuproq, agrokimyoviy, geobotanik tadqiqotlar va boshqa tadqiqotlar hamda izlanishlar olib borish, yerlarning miqdor va sifat jihatidan hisobga olinishi va baholanishi, yuridik va jismoniy shaxslarning yer uchastkalariga boʻlgan huquqlarini davlat roʻyxatidan oʻtkazish orqali taʼminlanadi.

5. Davlat yer kadastri yer munosabatlarini tartibga solish maqsadida davlat organlari va tashkilotlarini, manfaatdor yuridik va jismoniy shaxslarni yer toʻgʻrisidagi maʼlumotlar bilan taʼminlash, yerlarni muhofaza qilish, yer tuzilishini tashkil etish, yer uchun haq toʻlash miqdorlarini asoslash, xoʻjalik faoliyatini baholash uchun moʻljallangan.

6. Quyidagilar davlat yer kadastrining tarkibiy qismlari hisoblanadi:

yer uchastkalariga egalik qilish, ulardan foydalanish, ularga boʻlgan mulk yoki ijara huquqlarini davlat roʻyxatidan oʻtkazish toʻgʻrisidagi maʼlumotlarni, shuningdek, servitutlarni va ushbu huquqlarga doir boshqa cheklashlarni hisobga olish;

yer miqdorini hisobga olish;

yer sifatini hisobga olish (tuproq bonitetini aniqlash);

yerni qiymat jihatidan baholash.

7. Quyidagilar davlat yer kadastrini yuritishning asosiy prinsiplari hisoblanadi:

respublikaning butun hududini qamrab olish;

fazoviy koordinatlarning yagona tizimini (WGS-84) qoʻllash;

yer kadastriga doir maʼlumotlarni ishlab chiqish uslubining birligi va uzluksizligi;

yer kadastriga doir maʼlumotlarning ishonchliligi va tejamliligi.

8. Davlat yer kadastri maʼlumotlari asosiy (birlamchi) va joriy turga boʻlinadi.

Birlamchi roʻyxatdan oʻtkazish vaqtida olingan maʼlumotlar va davlat yer kadastri birlamchi maʼlumotlarini tuzish asosiy maʼlumotlar hisoblanadi.

Davlat yer kadastri maʼlumotlarini qayta roʻyxatdan oʻtkazish va (yoki) oʻzgartirish jarayonida olingan maʼlumotlar joriy maʼlumotlar hisoblanadi.

9. Davlat yer kadastri Davlat kadastrlari yagona tizimi, boshqa davlat kadastrlarini monitoringini yuritish uchun fazoviy-huquqiy asos hisoblanadi.

Davlat kadastrlari yagona tizimiga davlat yer kadastriga oid kiritiladigan maʼlumotlarning tarkibi Oʻzbekiston Respublikasi Davlat soliq qoʻmitasi huzuridagi Kadastr agentligi (keyingi oʻrinlarda — Kadastr agentligi) tomonidan ishlab chiqiladi hamda Oʻzbekiston Respublikasi Davlat soliq qoʻmitasi va Qishloq xoʻjaligi vazirligi bilan kelishiladi.

10. Yer kadastri maʼlumotlaridan yer munosabatlarini tartibga solishda, yerdan foydalanish bilan bogʻliq ijtimoiy, iqtisodiy va ekologik vazifalarni hal etishda foydalanilishi kerak.

11. Davlat yer kadastrini yuritish ishlari Oʻzbekiston Respublikasining Davlat budjetidan, yer uchastkasiga boʻlgan huquqlarni davlat roʻyxatidan oʻtkazish uchun toʻlovlar va boshqa manbalar hisobidan moliyalashtiriladi.

2-bob. Davlat yer kadastrining mazmuni

12. Quyidagilar davlat yer kadastrining mazmunini tashkil etadi:

yer uchastkalariga boʻlgan huquqlarni davlat roʻyxatidan oʻtkazish;

yer uchastkalarini elektron hisobga olish;

yerni qiymat jihatidan baholash;

yer kadastri maʼlumotlarini tizimlashtirish, saqlash, yangilash va manfaatdor shaxslarga belgilangan tartibda taqdim etish.

13. Yer uchastkasiga boʻlgan huquqlarning vujudga kelishiga doir maʼlumotlar yer kadastri maʼlumotlarining birlamchi qismi hisoblanadi hamda mazkur yer uchastkasini hisobga olish, qiymatini aniqlash va huquqlarni roʻyxatga olishning asosini tashkil etadi.

Yer uchastkalariga boʻlgan huquqlarni birlamchi (qayta) davlat roʻyxatidan oʻtkazishda yer uchastkasi va uning chegaralariga oid maʼlumotlar Davlat kadastrlari yagona tizimida aks ettirilgan holda amalga oshiriladi.

14. Yer uchastkalariga boʻlgan huquqlar, ushbu huquqlarning vujudga kelishi, boshqa shaxsga oʻtishi, cheklanishi va toʻxtatilishi qonunchilik hujjatlarida belgilangan tartibda davlat roʻyxatidan oʻtkaziladi.

15. Yer uchastkalarining chegaralarini belgilash WGS-84 koordinata tizimida kartografiya materialidan foydalangan holda, geodeziya usullari bilan joyning oʻzida chegaralarning burilish nuqtalari katalogiga muvofiq ularni chegara qoziqlari bilan mahkamlash orqali amalga oshiriladi. Natijalar Davlat kadastrlari yagona tizimining yer kadastri qatlamida aks ettiriladi. Yer uchastkalarining umumiy maydoni talab qilinadigan aniqlikda tahliliy, grafik-tahliliy yoki mexanik usullar bilan aniqlanadi.

Yer uchastkasi toʻgʻrisidagi maʼlumotlar avtomatlashtirilgan axborot tizimida yuritiladi.

Joriy roʻyxatdan oʻtkazish maʼlumotlarini shakllantirishda roʻyxatga oluvchi axborot tizimida yer uchastkalari egalari, yerdan foydalanuvchilar, ijarachilar va mulkdorlarning huquqiy holati, shuningdek, yerning maydoni, chegaralari, undan foydalanish maqsadi va foydalanish rejimi boʻyicha yuz bergan oʻzgarishlar toʻgʻrisidagi maʼlumotlar kiritiladi.

16. Yer uchastkalarining umumiy maydonini hisobga olish asosan geodeziya usullari bilan, yuqori aniqlikni talab etmaydigan hollarda esa kartometrik usullar bilan bajariladi.

Ekin maydonlari boʻyicha yer miqdorini hisobga olish bir va undan ortiq konturlardan iborat boʻlgan asosiy yer kadastri birliklari — yer uchastkalari doirasida yuritiladi. Barcha toifadagi ekin maydonlari hisobga olinishi kerak.

Qishloq xoʻjaligi toifasidagi yer maydonlari yer turlari boʻyicha yer kadastri maʼlumotlari tarkibida alohida qatlamda hisobga olinadi.

17. Davlat yer kadastrining alohida qatlami shaklida, yer sifatini hisobga olish quyidagilarni oʻz ichiga oladi: tabiiy-qishloq xoʻjaligi va yer kadastri boʻyicha rayonlashtirish, yer tasnifi, ularni ekologiya, texnologiya va shaharsozlik belgilari va boshqa belgilar boʻyicha tavsiflash, tuproq va yerni guruhlarga ajratish.

Yerlarning oʻlchami, joylashgan oʻrni (koordinatalar katalogi bilan), toifasi va sifati holatiga oid qayd etiladigan maʼlumotlar yerni hisobga olish toʻgʻrisidagi maʼlumotlarni tashkil etadi.

18. Maʼmuriy-hududiy darajaning oshishiga qarab, yerni hisobga olish toʻgʻrisidagi maʼlumotlar uning koʻrsatkichlarining taqqoslanuvchanligiga rioya qilingan holda umumlashtiriladi.

19. Turli maqsadlarga moʻljallangan yer uchastkalari holatini baholash yerlardan foydalanish samaradorligining hozirgi holati darajasini aniqlashga hamda kelajakda uni oshirish imkoniyatlarini tahlil qilish, asoslash, yer soligʻi va boshqa toʻlovlarni, uning normativ bahosini hisoblab chiqarish, yerlardan oqilona va samarali foydalanishni ragʻbatlantirish uchun amalga oshiriladi.

Barcha toifadagi yerlarni baholash ishlari tizimli ravishda amaldagi holat va baholash koʻrsatkichlari (yerlarning har bir toifasi uchun oʻziga xos boʻlgan) yordamida qonunchilik hujjatlarida belgilangan tartibda amalga oshiriladi.

Qishloq xoʻjaligi va oʻrmon xoʻjaligi maqsadlaridagi yerlar uchun ham tuproqning unumdorlik quvvati — tuproq boniteti boʻyicha qiyosiy baholash amalga oshiriladi.

Yerlarning qiymat bahosiga va tuproq bonitetiga doir maʼlumotlar yer bahosiga oid yer kadastri maʼlumotlarining alohida qatlamida tashkil etiladi.

20. Yer uchastkasini davlat roʻyxatidan oʻtkazish, hisobga olish va baholashga doir asosiy va joriy maʼlumotlar yer kadastri maʼlumotlari majmuini tashkil etadi, ular har xil: alfavit — raqam (matn, jadval, koordinatlar va maydonlar roʻyxati) va grafik (reja, xarita, sxemalar) shakllarida qayd etiladi.

21. Davlat kadastrlari yagona tizimida davlat yer kadastri maʼlumotlari asosiy qatlam hisoblanib, tuman (shahar)ning maʼmuriy-hududiy chegarasi doirasida yuritiladi. Har bir maʼmuriy-hududiy birlik chegarasidagi barcha yer uchastkalari chegaralari, ularning egalari, foydalanuvchilari, ijarachilari va mulkdorlari tarkibi, shuningdek, chegaralarda boʻlgan oʻzgarishlar muntazam ravishda kiritib boriladi.

22. Har bir maʼmuriy-hududiy darajada axborot tizimi orqali taqdim etiladigan yer kadastriga doir maʼlumotlar tarkibi va shakli Kadastr agentligi tomonidan tasdiqlanadi.

23. Yer kadastriga doir maʼlumotlarning ishonchliligi uchun davlat yer kadastrini yuritish vazifasi yuklangan vakolatli organ masʼul xodimlari, shuningdek, yer uchastkalari egalari, yerdan foydalanuvchilar, ijarachilar va mulkdorlar javob beradilar.

3-bob. Davlat yer kadastrini yuritish

24. Davlat yer kadastri ushbu Nizomga ilovada keltirilgan sxemaga muvofiq yuritiladi.

25. Dastlabki kadastr maʼlumotlari yangilanayotganda yer uchastkalarining huquqiy holatida, yerlarning sifat holati va ulardan foydalanishda, ularni baholashda yuz berayotgan oʻzgarishlar aniqlanadi va roʻyxatdan oʻtkaziladi. Yer uchastkalari egalari, yerdan foydalanuvchilar, ijarachilar va mulkdorlar Davlat kadastrlari palatasi hududiy boshqarmalariga (roʻyxatdan oʻtkazuvchi organga), boshqa tashkilotlarga koʻrsatib oʻtilgan oʻzgarishlar toʻgʻrisida oʻn kun muddatda axborot berishga majburdirlar.

26. Davlat kadastrlari palatasining tuman (shahar) filiallari:

yer uchastkalari egalari, yerdan foydalanuvchilar, ijarachilar va mulkdorlar murojaatlari asosida davlat yer kadastrini yuritishda (yer uchastkalari tarkibida va undan foydalanishda) yuz bergan oʻzgarishlar toʻgʻrisidagi maʼlumotlarni toʻplaydilar va naturada (joyning oʻzida) tekshirilgandan keyin joriy oʻzgarishlarni elektron axborot tizimiga kiritadi;

tuman (shahar) hududi kadastr zonalari, kadastr massivlari, kadastr mavzelari, yer uchastkalariga boʻlinishini taʼminlaydi va doimiy monitoringini yuritadi.

27. Davlat kadastrlari palatasining Qoraqalpogʻiston Respublikasi, viloyatlar va Toshkent shahar hududiy boshqarmalari:

davlat yer kadastrini yuritishda (yer uchastkalari tarkibida va undan foydalanishda hamda huquqiy holatida) yuz bergan oʻzgarishlarni yer uchastkalari egalari, yerdan foydalanuvchilar, ijarachilar va mulkdorlarning buyurtmalari asosida davlat roʻyxatidan oʻtkazadi;

davlat yer kadastrini yuritishda tumanlar (shaharlar) filiallari faoliyatini muvofiqlashtirib boradi;

Davlat kadastrlari yagona tizimi tarkibida davlat yer kadastri yuritilishida Qoraqalpogʻiston Respublikasi, viloyatlar va Toshkent shahri tuman (shahar)lar maʼmuriy chegaralari kesimida kadastr zonalari, kadastr massivlari, kadastr mavzelari shakllanishi va yuritilishini taʼminlaydi;

yerlarning tabiiy, xoʻjalik va huquqiy rejimi, toifalari, yer uchastkalarining oʻrni va oʻlchamlari, yer egalari, yerdan foydalanuvchilar, ijarachilar va mulkdorlar oʻrtasidagi taqsimoti toʻgʻrisidagi elektron maʼlumotlarni shakllantiradi.

28. Davlat kadastrlari palatasi:

yer kadastriga oid ochiq geoaxborot maʼlumotlarining Internet jahon axborot tarmogʻida keng yoritilishini tashkil etadi, manfaatdor vazirliklar va idoralarga maʼlumotlar taqdim etadi;

yer fondi holatidagi oʻzgarishlarni oʻz vaqtida aniqlash boʻyicha kuzatishlar tizimini tashkil etadi va amalga oshiradi;

har bir yer egasi, yerdan foydalanuvchi, ijarachi va yer uchastkasi mulkdori boʻyicha yer kadastri elektron maʼlumotlar bazasini shakllantiradi;

Yer fondi toifalarining yer turlari boʻyicha milliy hisobot Milliy geoaxborot tizimida yuritilishini tashkil etadi va amalga oshiradi;

har yili 1-fevralga qadar Kadastr agentligiga Oʻzbekiston Respublikasida Yer fondi toifalari holati toʻgʻrisidagi milliy hisobotni taqdim etadi.

29. Kadastr agentligi:

davlat yer kadastri yuritilishini tartibga soluvchi hujjatlarning ishlab chiqilishini taʼminlaydi;

Qoraqalpogʻiston Respublikasi, viloyatlar, tumanlarning (shaharlarning) maʼmuriy chegaralarini, keyinchalik ularning maydonlarini muvofiqlashtirgan holda, geodezik usullar bilan belgilash va joylarga biriktirib qoʻyish ishlarini amalga oshiradi;

yer resurslarini aerokosmik usullar bilan oʻrganishni tashkil etadi;

yerlarning miqdori va ulardan foydalanilishi toʻgʻrisidagi hisobotlarni oʻrganadi, tahlil qiladi va umumlashtiradi;

har yili 1-martga qadar Oʻzbekiston Respublikasida Yer fondi toifalari holati toʻgʻrisidagi milliy hisobotni rasmiy veb-sayti orqali ochiq maʼlumot sifatida taqdim etadi.

30. Davlat yer kadastrini yuritishda Oʻzbekiston Respublikasi Qishloq xoʻjaligi vazirligi tomonidan quyidagilar amalga oshiriladi:

tuproqshunoslik, agrokimyo, geobotanikaga oid va boshqa izlanishlarni hamda tadqiqotlarni amalga oshirish;

yerlarni sifat jihatdan hisobga olish hamda baholash.

4-bob. Yakunlovchi qoida

31. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Davlat yer kadastrini yuritish tartibi toʻgʻrisidagi nizomga ILOVA

Davlat yer kadastrini yuritish

Bosqichlar Subyektlar Tadbirlar Bajarish muddatlari 1-bosqich Yer uchastkalari egalari, yerdan foydalanuvchilar, ijarachilar va mulkdorlar Davlat yer kadastrini yuritishda (dastlabki kadastr maʼlumotlari yangilanayotganda yer uchastkalarining huquqiy holatida, yerlarning sifat holati va ulardan foydalanishda, ularni baholashda) oʻzgarishlar yuz berganda, Davlat kadastrlari palatasi hududiy boshqarmalariga (roʻyxatdan oʻtkazuvchi organga), boshqa tashkilotlarga axborot beradi. Oʻn kun muddatda 2-bosqich Davlat kadastrlari palatasining tuman (shahar) filiallari 1. Davlat yer kadastrini yuritishda (yer uchastkalari tarkibida va undan foydalanishda) yuz bergan oʻzgarishlar toʻgʻrisidagi maʼlumotlarni toʻplaydi va naturada (joyning oʻzida) tekshirilgandan keyin joriy oʻzgarishlarni elektron axborot tizimiga kiritadi. 1. Murojaatlar asosida 2. Tuman (shahar) hududi kadastr zonalari, kadastr massivlari, kadastr mavzelari, yer uchastkalariga boʻlinishini taʼminlaydi va doimiy monitoringini yuritadi. 2. Doimiy ravishda 3-bosqich Davlat kadastrlari palatasining Qoraqalpogʻiston Respublikasi, viloyatlar va Toshkent shahar hududiy boshqarmalari 1. Davlat yer kadastrini yuritishda (yer uchastkalari tarkibida va undan foydalanishda hamda huquqiy holatida) yuz bergan oʻzgarishlarni davlat roʻyxatidan oʻtkazadi. 1. Murojaatlar asosida 2. Davlat yer kadastrini yuritishda tumanlar (shaharlar) filiallari faoliyatini muvofiqlashtirib boradi. 2. Doimiy ravishda 3. Davlat kadastrlari yagona tizimi tarkibida davlat yer kadastrini yuritishda Qoraqalpogʻiston Respublikasi, viloyatlar va Toshkent shahri tuman (shahar)lar maʼmuriy chegaralari kesimida kadastr zonalari, kadastr massivlari, kadastr mavzelari shakllanishi va yuritilishini taʼminlaydi. 3. Doimiy ravishda 4. Yerlarning tabiiy, xoʻjalik va huquqiy rejimi, toifalari, yer uchastkalarining oʻrni va oʻlchamlari, yer egalari, yerdan foydalanuvchilar, ijarachilar va mulkdorlar oʻrtasidagi taqsimoti toʻgʻrisidagi elektron maʼlumotlarni shakllantiradi. 4. Doimiy ravishda 4-bosqich Davlat kadastrlari palatasi 1. Yer kadastriga oid ochiq geoaxborot maʼlumotlarining Internet jahon axborot tarmogʻida keng yoritilishini tashkil etadi, manfaatdor vazirliklar va idoralarga maʼlumotlar taqdim etadi. 2. Yer fondi holatidagi oʻzgarishlarni oʻz vaqtida aniqlash boʻyicha kuzatishlar tizimini tashkil etadi va amalga oshiradi. 3. Har bir yer egasi, yerdan foydalanuvchi, ijarachi va yer uchastkasi mulkdori boʻyicha yer kadastri elektron maʼlumotlar bazasini shakllantiradi; 4. Yer fondi toifalarining yer turlari boʻyicha milliy hisobot Milliy geoaxborot tizimida yuritilishini tashkil etadi va amalga oshiradi. 5. Har yili 1-fevralga qadar Kadastr agentligiga Oʻzbekiston Respublikasida Yer fondi toifalari holati toʻgʻrisidagi milliy hisobotni taqdim etadi. Doimiy ravishda 5-bosqich Davlat soliq qoʻmitasi huzuridagi Kadastr agentligi 1. Davlat yer kadastri yuritilishini tartibga soluvchi hujjatlarning ishlab chiqilishini taʼminlaydi. 2. Qoraqalpogʻiston Respublikasi, viloyatlar, tumanlarning (shaharlarning) maʼmuriy chegaralarini, keyinchalik ularning maydonlarini muvofiqlashtirgan holda, geodezik usullar bilan belgilash va joylarga biriktirib qoʻyish ishlarini amalga oshiradi. 3. Yer resurslarini aerokosmik usullar bilan oʻrganishni tashkil etadi. 4. Yerlarning miqdori va ulardan foydalanilishi toʻgʻrisidagi hisobotlarini oʻrganadi, tahlil qiladi va umumlashtiradi. 5. Har yili 1-martga qadar Oʻzbekiston Respublikasida Yer fondi toifalari holati toʻgʻrisidagi milliy hisobotni rasmiy veb-sayti orqali ochiq maʼlumot sifatida taqdim etadi. Belgilangan muddatlarda 6-bosqich Qishloq xoʻjaligi vazirligi 1. Tuproqshunoslik, agrokimyo, geobotanikaga oid va boshqa izlanishlarni hamda tadqiqotlarni amalga oshiradi. 2. Yerlarni sifat jihatdan hisobga olish hamda baholashni amalga oshiradi. 3. Maʼlumotlarni belgilangan tartibda Davlat kadastrlari yagona tizimiga axborot tizimlari orqali taqdim etadi. Belgilangan muddatlarda

Vazirlar Mahkamasining 2021-yil 22-iyundagi 389-son qaroriga 2-ILOVA

Binolar va inshootlar davlat kadastrini yuritish tartibi toʻgʻrisida

1-bob. Umumiy qoidalar

1. Ushbu Nizom Binolar va inshootlar davlat kadastrini yuritish tartibini belgilaydi.

Binolar va inshootlar davlat kadastri hududiy prinsip boʻyicha tashkil etiladi va obyektlarning huquqiy, xoʻjalik va arxitektura-qurilish maqomi toʻgʻrisidagi maʼlumotlar tizimini tashkil etadi.

Binolar va inshootlar davlat kadastri binolar va inshootlar mulkdorlari va bu obyektlardan boshqa foydalanuvchilarning huquqlarini, shuningdek, binolar va inshootlarga egalik huquqi va boshqa ashyoviy huquqlarning davlat roʻyxatidan oʻtkazilishini taʼminlash uchun axborot tizimi yordamida raqamli shaklda davlat tilida yuritiladi.

2. Binolar va inshootlar davlat kadastrini yuritish boʻyicha munosabatlar mazkur Nizom va boshqa qonunchilik hujjatlari bilan tartibga solinadi.

3. Binolar va inshootlar davlat kadastri maʼlumotlari barcha davlat tashkilotlari, yuridik va jismoniy shaxslar uchun majburiy yuridik kuchga egadir. Kadastr hujjatlari binolar va inshootlar bilan fuqarolik-huquqiy bitimlarni amalga oshirishda va boshqa yuridik harakatlarda huquqiy, iqtisodiy va texnik maʼlumotlar sifatida qabul qilinishi kerak.

4. Binolar va inshootlar davlat kadastrini yuritish obyektlar toʻgʻrisidagi kadastr maʼlumotlarini shakllantirishdagi ishonchli hujjatlar va boshqa maʼlumotlardan foydalanilgan holda amalga oshiriladi.

5. Binolar va inshootlarning davlat kadastrini yuritish ushbu Nizomga 1-ilovada keltirilgan sxemaga muvofiq amalga oshiriladi.

6. Davlat kadastrlari yagona tizimini shakllantirish va yuritishni tashkil etish, shuningdek, binolar va inshootlar davlat kadastrini yuritish ishlariga umumiy rahbarlik qilish, ularni metodik jihatdan taʼminlash Oʻzbekiston Respublikasi Davlat soliq qoʻmitasi huzuridagi Kadastr agentligi (keyingi oʻrinlarda — Kadastr agentligi) tomonidan amalga oshiriladi.

7. Binolar va inshootlar davlat kadastrini yurituvchi organlar kadastr hujjatlarini va kadastr maʼlumotlarini ruxsatsiz olish va oshkor etishdan himoya qilinishini taʼminlashlari shart, ochiq maʼlumotlar bundan mustasno.

8. Binolar va inshootlar davlat kadastrini yuritish boʻyicha ishlar koʻchmas mulkka kadastr hujjatlarini tayyorlaganlik, ularga boʻlgan huquqlarni davlat roʻyxatidan oʻtkazganlik uchun toʻlanadigan toʻlovlar hamda qonunchilik hujjatlari bilan taqiqlanmagan boshqa manbalar hisobidan moliyalashtiriladi.

Davlat mulki boʻlgan obyektlar boʻyicha binolar va inshootlar davlat kadastrini yuritish ishlari Oʻzbekiston Respublikasining Davlat budjeti mablagʻlari hisobidan amalga oshiriladi.

2-bob. Binolar va inshootlar davlat kadastrining tarkibi va bosqichlari

9. Binolar va inshootlar davlat kadastri kadastr rejasidan, kadastr hujjatlaridan va geofondlardan, shuningdek, mazkur Nizomda belgilangan tartibda shakllantiriladigan axborot tizimi maʼlumotlaridan iborat.

10. Binolar va inshootlar davlat kadastrini yuritish axborot tizimlari orqali quyidagi bosqichlarda amalga oshiriladi:

1-bosqich — binolar va inshootlarning texnik koʻrsatkichlarini oʻlchash vositalari orqali aniqlash va axborot tizimida hisobga olish;

2-bosqich — obyektlarni chizmada joylashtirib, raqamli kadastr rejasini tuzish;

3-bosqich — oldingi bosqichlarda olingan maʼlumotlarni hisobga olgan holda, maʼlumotlarni axborot tizimiga kiritish yoki mavjud maʼlumotlarni yangilash.

11. Binolar va inshootlar davlat kadastri maʼlumotlari Oʻzbekiston Respublikasi hududlarini kadastr boʻlinishi, tumanlar, shaharlar boʻyicha tuziladi, ularning hududi davlat yer kadastri maʼlumotlari asosida hisobga olish uchastkalariga boʻlinadi.

12. Tumanlar, shaharlar va boshqa aholi yashash punktlarining kadastrga oid boʻlinishi chegaralarni belgilash va hududlarni tuman doirasida yoxud shahar chegaralarini hisobga olish uchastkalariga boʻlinishini bildiradi. Qoraqalpogʻiston Respublikasiga, viloyatlarga, Toshkent shahriga, tumanlar, shaharlar va boshqa aholi yashash punktlariga, shuningdek, hisobga olish uchastkalariga yagona tizim boʻyicha kadastr raqami beriladi.

3-bob. Binolar va inshootlar davlat kadastrini yuritish

13. Binolar va inshootlarning kadastr yigʻmajildi maʼlumotlari binolar va inshootlar davlat kadastri maʼlumotlarining asosini tashkil qiladi.

Binolar va inshootlar davlat kadastriga maʼlumotlar belgilangan tartibda ajratilgan yer uchastkasida ularning qurilishi tugallangandan keyin yoxud qonunchilik hujjatlarida nazarda tutilgan tartibda va shartlarda ular boʻyicha bitimlar tuzilgandan keyin hisobga kiritiladi.

Qonunchilik hujjatlarida belgilangan holatlarda qurilishi tugallanmagan bino va inshootlar ham bino va inshootlar davlat kadastrida hisobga olinishi mumkin.

Binolar va inshootlar davlat kadastrini yuritishda axborot tizimida bino va inshootga mulk huquqi yoki boshqa ashyoviy huquqlar (ularning paydo boʻlishi, boshqa shaxsga oʻtishi, cheklanishi va toʻxtatilishi) toʻgʻrisidagi, shuningdek, obyektni tavsiflovchi boshqa maʼlumotlar qayd etiladi.

Maxfiylik rejimiga ega boʻlgan binolar va inshootlar toʻgʻrisidagi maʼlumotlarni shakllantirish va mazkur obyektlarni roʻyxatdan oʻtkazish boʻyicha maʼlumotlardan foydalanish shartlari qonunchilik hujjatlarida belgilanadi.

14. Binolar va inshootlar davlat kadastrini yuritishda davlat kadastriga oid kiritiladigan maʼlumotlarning tarkibi Kadastr agentligi tomonidan ushbu Nizomga 2-ilovada koʻrsatilgan minimal talablar asosida ishlab chiqiladi.

Binolar va inshootlar joylashgan yer, ularga boʻlgan mulk huquqi yoki boshqa ashyoviy huquqlarning yuridik va jismoniy shaxslarga tegishliligi, ushbu huquqlarning paydo boʻlish asoslari va muddatlari, ularning toʻxtatilish muddatlari, mulk huquqi va boshqa ashyoviy huquqlarni cheklash shartlari, ushbu obyektlarga uchinchi shaxslarning huquqlari toʻgʻrisidagi maʼlumotlar binolar va inshootlarning huquqiy holati toʻgʻrisidagi maʼlumotlar hisoblanadi. Ushbu maʼlumotlar axborot tizimiga bino va inshootga boʻlgan huquqlarni davlat roʻyxatidan oʻtkazish jarayonida kiritiladi.

Binolar va inshootlarning qiymati, ulardan foydalanish xususiyatlari, ushbu obyektlarning ishlab chiqarishdagi maqsadlari va boshqa maʼlumotlar binolar va inshootlar xoʻjalik maqomining asosini tashkil etadi.

Binolar va inshootlarning yer tuzish sxemalariga, aholi punktlarining bosh rejalariga, qishloq va mahalla fuqarolari yigʻinlari hududlarini meʼmoriy rejalashtirishni tashkil etish loyihalariga va boshqa shaharsozlik hujjatlariga, shuningdek, shaharsozlik normalari va qoidalari talablariga muvofiqligi, binolar parametrlari (qavatlari, umumiy, yashash, ishlab chiqarish maydonlari), egallab turgan yer uchastkasi, qurilgan sanasi, muhandislik-texnik kommunikatsiyalarning mavjudligi, seysmik chidamliligi toʻgʻrisidagi va boshqa texnik maʼlumotlar binolar va inshootlarning arxitektura-qurilish maqomi hisoblanadi.

15. Kadastr maʼlumotlari asl hujjatlar yoki davlat organlari qarorlarining, shartnomalarning (oldi-sotdi, hadya qilish, almashtirish, ijaraga olish, renta va boshqalar), bino va inshootlar loyiha-smeta hujjatlarining, ilgari roʻyxatdan oʻtkazilganligi toʻgʻrisidagi boshqa maʼlumotlarning tegishli ravishda rasmiylashtirilgan nusxalari asosida tuziladi.

16. Har bir bino va inshoot axborot tizimiga muayyan kadastr raqami ostida yozib qoʻyiladi.

17. Axborot tizimidagi yozuvlarni oʻzgartirishga yoki toʻldirishga yoʻl qoʻyilmaydi. Agar axborot tizimiga kiritilgan maʼlumotlarni oʻzgartirish yoki toʻldirish zarurati paydo boʻlsa, u holda ilgarigi yozuvlar axborot tizimida saqlanib qolgan holda bekor qilinadi va obyekt toʻgʻrisidagi yangi maʼlumotlar bilan aynan shu kadastr raqami ostida toʻldiriladi.

Bino va inshootlarning parametrlari (qavatlari, umumiy, yashash, ishlab chiqarish maydonlari) oʻzgarganda, axborot tizimiga mazkur Nizomning 10-bandiga muvofiq oʻzgarishlar kiritiladi.

4-bob. Bino va inshootlar kadastrini yuritishni tashkil etish

18. Mazkur Nizomning 12-bandida nazarda tutilgan maʼlumotlar toʻplangan va davlat roʻyxatidan oʻtkazilgandan keyin bino yoki inshoot kadastr rejasida belgilanadi. Kadastr rejasi avtomatik loyihalashtirish tizimlaridan foydalangan holda elektron shaklda boʻlib, bu roʻyxatdan oʻtkaziladigan obyektlarning joylashuvi va asosiy parametrlarining koʻrgazmali chizma belgilanishini taʼminlaydi.

19. Davlat kadastrlari yagona tizimida bino va inshootlar davlat kadastri tuman (shahar)lar kesimida Davlat kadastrlari palatasi va uning hududiy boshqarmalari tomonidan yuritiladi.

Bino va inshootlar davlat kadastri maʼlumotlar bazasida bino va inshootlar tasnifi boʻyicha obyektlar guruhga boʻlinadi. Bunda bino va inshootlarning hududiyligi, maqsad yoʻnalishi, yuridik va jismoniy shaxslarga mulk huquqi yoki boshqa ashyoviy huquqlarda tegishliligi, shuningdek, qurilish-texnik tavsiflariga qarab belgilanadi.

20. Binolar va inshootlarning holati boʻyicha kadastr maʼlumotlarining umumlashtirilgan statistik koʻrsatkichlari Kadastr agentligi tomonidan har yili tuman va shaharlar kesimida ochiq maʼlumot sifatida Internet tarmogʻida keng yoritilishi tashkil etiladi.

5-bob. Yakunlovchi qoida

21. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Binolar va inshootlar davlat kadastrini yuritish tartibi toʻgʻrisidagi nizomga 1-ILOVA

Bino va inshootlar davlat kadastrini yuritish

Bosqichlar Subyektlar Tadbirlar Bajarish muddatlari 1-bosqich Davlat kadastrlari palatasi va uning Qoraqalpogʻiston Respublikasi, viloyatlar va Toshkent shahar hududiy boshqarmalari 1. Binolar va inshootlar davlat kadastriga maʼlumotlar belgilangan tartibda ajratilgan yer uchastkasida ularning qurilishi tugallangandan keyin yoxud qonunchilik hujjatlarida nazarda tutilgan tartibda va shartlarda ular boʻyicha bitimlar tuzilgandan keyin hisobga kiritiladi. Qonunchilik hujjatlarida belgilangan holatlarda qurilishi tugallanmagan bino va inshootlar ham bino va inshootlar davlat kadastrida hisobga olinishi mumkin. 2. Binolar va inshootlar davlat kadastrini yuritishda axborot tizimida bino va inshootga mulk huquqi yoki boshqa ashyoviy huquqlar (ularning paydo boʻlishi, boshqa shaxsga oʻtishi, cheklanishi va toʻxtatilishi) toʻgʻrisidagi, shuningdek, obyektni tavsiflovchi boshqa maʼlumotlar qayd etiladi. Buyurtmalar asosida 2-bosqich Kadastr agentligi 1. Bino va inshootlar davlat kadastrini yuritishda maʼlumotlar va axborotlar sifatini nazorat qiladi. 2. Binolar va inshootlarning holati boʻyicha kadastr maʼlumotlarining umumlashtirilgan statistik koʻrsatkichlarini tuman va shaharlar kesimida ochiq maʼlumot sifatida Internet jahon axborot tarmogʻida yoritadi. 1. Doimiy ravishda 2. Har yili 1-yanvar holatiga

Binolar va inshootlar davlat kadastrini yuritish tartibi toʻgʻrisidagi nizomga 2-ILOVA

Namuna

Binolar va inshootlar davlat kadastrini yuritishda davlat kadastriga oid kiritiladigan maʼlumotlar tarkibiga qoʻyiladigan

1. Tartib raqami 2. Subyekt haqida maʼlumot: 2.1. Yuridik shaxsning nomi yoki jismoniy shaxsning familiyasi, ismi va otasining ismi 2.2. Soliq toʻlovchining identifikatsiya raqami yoki jismoniy shaxsning shaxsiy identifikatsiya raqami 3. Yer uchastkasining kadastr raqami 4. Maydoni, ga 5. Joylashgan joyi (manzili) 6. Binolar va inshootlar roʻyxati 7. Bino va inshootning kadastr raqami 8. Bino va inshootlarning kapitalligi * 9. Foydalanish maqsadi 10. Xonalar soni 11. Konstruktiv turi * : 11.1. Poydevor 11.2. Devor 11.3. Cherdak toʻsinlar (partoʻsinlar) 11.4. Devorlar va qavatlararo orayopmalar (toʻsiqlar) 11.5. Tom qoplamasi 11.6. Pol 12. Zilzilabardoshligi 13. Muhandislik jihozlanganligi * : 13.1. Ichimlik suvi taʼminoti 13.2. Oqova suv tizimi 13.3. Elektr energiya taʼminoti 13.4. Gaz taʼminoti 13.5. Issiqlik taʼminoti 14. Binoning qavatliligi 15. Obyekt joylashgan qavat 16. Binoning balandligi, m 17. Maydon, kv. m: 17.1. Qurilish osti 17.2. Umumiy 17.3. Ishlab chiqarish 17.4. Foydali, yashash 18. Qurilgan yili 19. Bino va inshootga boʻlgan huquqni tasdiqlovchi hujjatlar 20. Kadastr qiymati, 20___ y. holatiga ming soʻm 21. Bitim (shartnoma) da koʻrsatilgan qiymati, 20___ y. holatiga ming soʻm * 22. Maxsus inshootlar toʻgʻrisidagi maʼlumotlar 23. Kadastr maʼlumotlarini shakllantirgan subyekt (tadbirkorlik subyekti — yuridik shaxsning nomi yoki jismoniy shaxsning familiyasi, ismi va otasining ismi; Davlat kadastrlari filiali nomi)

Vazirlar Mahkamasining 2021-yil 22-iyundagi 389-son qaroriga 3-ILOVA

Koʻchmas mulk obyektlariga kadastr yigʻmajildini tayyorlash tartibi toʻgʻrisida

1-bob. Umumiy qoidalar

1. Ushbu Nizom koʻchmas mulk obyektlariga kadastr yigʻmajildini tayyorlash tartibini belgilaydi.

Ushbu Nizom kapital qurilish obyekti hisoblanmagan, shu jumladan, yengil konstruksiyali qurilmalarga nisbatan tatbiq etilmaydi.

2. Mazkur Nizomda quyidagi asosiy tushunchalar qoʻllaniladi:

bino — funksional maqsadiga qarab, odamlar yashashi yoki boʻlishiga va har xil turdagi ishlab chiqarish jarayonlarini bajarishga moʻljallangan, yopiq hajmni tashkil etuvchi tayanch, toʻsma yoki har ikkala maqsadga xizmat qiluvchi konstruksiyalardan iborat qurilish tizimi;

yer uchastkasi — yer yuzasining qayd etilgan chegaraga, maydonga, joylashish manziliga, huquqiy rejimga hamda boshqa xususiyatlarga ega boʻlgan qismi;

inshoot — har xil turdagi ishlab chiqarish jarayonlarini bajarishga, materiallar, buyumlar, asbob-uskunalarni saqlashga, odamlarning vaqtincha boʻlishiga, odamlar, yuklar va boshqa narsalarni olib oʻtishga moʻljallangan, tayanch, toʻsma yoki har ikkala maqsadga xizmat qiluvchi konstruksiyalardan iborat hajmiy, yassi yoki chiziq tarzidagi yer tepasida, yer yuzasida va yer ostida joylashgan qurilish tizimi;

kadastr yigʻmajildi — obyektning koʻchmas mulkka boʻlgan huquqlarni shakllantirish, hisobga olish va keyinchalik davlat roʻyxatidan oʻtkazish uchun zarur boʻlgan kadastr suratiga olish, texnik xatlovdan oʻtkazish va pasportlashtirishning, maxsus tekshirish va izlanishlarning, sifat va qiymat jihatidan baholashning hujjatlari, materiallari va maʼlumotlari jamlamasi;

kadastr muhandisi — geodeziya-kartografiya ishlari bilan shugʻullanuvchi tashkilot bilan tuziladigan mehnat shartnomasi asosida faoliyat yurituvchi yoki oʻz faoliyatini yakka tartibdagi tadbirkor sifatida amalga oshiruvchi va kadastr muhandisi malaka shahodatnomasiga ega jismoniy shaxs;

kadastr pasporti — koʻchmas mulk obyekti va obyektning kadastr raqami haqida umumiy maʼlumotlarni oʻz ichiga olgan elektron hujjat;

kapital qurilish obyektlari — yer bilan uzviy bogʻliq boʻlgan va ularning belgilangan maqsadiga nomutanosib zarar yetkazmagan holda joyini oʻzgartirish mumkin boʻlmaydigan binolar, inshootlar, shuningdek, qurilishi tugallanmagan obyektlar;

koʻp yillik daraxtlar — bogʻlar, tokzorlar, tutzorlar va boshqa oʻrmon daraxtlari;

koʻchmas mulk — yer uchastkalari, yer osti boyliklari, binolar, inshootlar, koʻp yillik daraxtlar va yer bilan uzviy bogʻlangan boshqa mol-mulk, yaʼni belgilangan maqsadiga nomutanosib zarar yetkazmagan holda joyini oʻzgartirish mumkin boʻlmaydigan obyektlar;

maxsus inshootlar — belgilangan maqsadlarda foydalanish uchun alohida yer uchastkasida qurilgan muhandislik inshootlari majmuasi, jumladan, temir va avtomobil yoʻllari, aloqa va elektr oʻtkazish liniyalari, yer yuzasida, yer usti va yer ostida joylashgan magistral quvurlar, magistral kanal va kollektorlar;

qurilishi tugallanmagan obyektlar — qurilishi belgilangan tartibda ajratilgan yer uchastkasida tasdiqlangan loyiha hujjatlariga muvofiq boshlangan, lekin muayyan kunga kelib tugallanmagan yoki qurilishi tugallangan, lekin foydalanishga qabul qilinmagan bino va inshootlar.

3. Kadastr yigʻmajildi koʻchmas mulkning turi, tavsifi, hajmi, qiymati va boshqa koʻrsatkichlarini aniqlash maqsadida axborot tizimi orqali tayyorlanadi va saqlanadi.

4. Kadastr yigʻmajildi koʻchmas mulk obyektining geografik joylashuvi, huquqiy maqomi, miqdor, sifat tavsiflari va qiymati, shuningdek, uning holatidagi joriy oʻzgarishlar haqidagi materiallar va maʼlumotlarni hamda koʻchmas mulkka boʻlgan huquqlarni tasdiqlovchi hujjatlarni jamlash yoʻli bilan kadastr muhandislari va Oʻzbekiston Respublikasi Iqtisodiyot va moliya vazirligi huzuridagi Kadastr agentligi Davlat kadastrlari palatasining (keyingi oʻrinlarda — Davlat kadastrlari palatasi) tegishli tuman (shahar) filiallari tomonidan tayyorlanadi va qogʻoz hamda elektron shaklda Davlat kadastrlari palatasida doimiy saqlanadi.

Koʻchmas mulk obyektiga tayyorlangan kadastr yigʻmajildi natijasi boʻyicha mulkdorga yoki uning ishonchnomasi asosida harakat qiluvchi shaxsga, shuningdek, mulkdorning merosxoʻriga kadastr pasporti taqdim etiladi.

Mulkdorning yoki uning ishonchnomasi asosida harakat qiluvchi shaxsning, shuningdek, mulkdor merosxoʻrining soʻroviga koʻra kadastr yigʻmajildining nusxasi elektron shaklda taqdim etiladi.

Davlat kadastrlari palatasining tuman (shahar) filiallari tomonidan oʻtkazilgan oʻlchov ishlari natijasida tayyorlangan kadastr yigʻmajildi tarkibidagi maʼlumotlar haqqoniyligiga — Davlat kadastrlari palatasining tuman (shahar) filiallari, shuningdek, kadastr muhandislari tomonidan oʻtkazilgan oʻlchov ishlari natijasida tayyorlangan kadastr yigʻmajildi tarkibidagi maʼlumotlar haqqoniyligiga — kadastr muhandislari javobgar hisoblanadi.

5. Kadastr yigʻmajildini tayyorlash va uning natijasi boʻyicha kadastr pasportini olish uchun yuridik va jismoniy shaxslar yoki ularning ishonchli vakillari oʻz xohishiga koʻra, Davlat kadastrlari palatasining tuman (shahar) filiallariga davlat xizmatlari markazlari yoki Yagona interaktiv davlat xizmatlari portali orqali ariza bilan murojaat qiladi yoki kadastr muhandislari bilan xizmat koʻrsatish (kelishuv) shartnomasi asosida bitim tuzadilar.

Arizaga (shartnomaga) quyidagi hujjatlar ilova qilinadi:

Oʻzbekiston Respublikasining “Koʻchmas mulkka boʻlgan huquqlarni davlat roʻyxatidan oʻtkazish toʻgʻrisida”gi Qonuni bilan belgilangan koʻchmas mulkka boʻlgan huquqni belgilovchi hujjatlar;

yangi qurilgan, rekonstruksiya qilingan va qurilishi tugallanmagan obyektlarga tasdiqlangan loyiha hujjatlari;

qonunchilik hujjatlarida nazarda tutilgan koʻchmas mulkka boʻlgan huquqlarni belgilovchi boshqa hujjatlar.

Bunda koʻchmas mulkka boʻlgan huquqlarni belgilovchi hujjatlar ularni qabul qilgan davlat organi tomonidan tasdiqlangan boʻlishi, hujjatni qabul qilgan organ hujjatni davlat arxiviga topshirgan taqdirda, davlat arxivlari tomonidan tasdiqlangan boʻlishi shart (yuridik shaxsning elektron raqamli imzosi bilan tasdiqlangan elektron hujjatlar bundan mustasno).

Koʻchmas mulk obyektlariga boʻlgan huquqlarni tasdiqlovchi hujjatlar arizaga (shartnomaga) ilova qilinmasa, kadastr yigʻmajildi tayyorlanmaydi.

6. Davlat kadastrlari palatasining tuman (shahar) filiallariga murojaat etilgan hollarda, arizalar filial tomonidan axborot-kommunikatsiya texnologiyalaridan foydalangan holda qabul qilib olinganidan soʻng shu kunning oʻzida koʻchmas mulk bilan bogʻliq ishlarni bajarish boʻyicha arizalar reyestriga kiritiladi.

7. Davlat kadastrlari palatasining tuman (shahar) filiallari tomonidan kadastr yigʻmajildini tayyorlash ishlarining qiymati Vazirlar Mahkamasining “Kadastr hujjatlarini tayyorlash boʻyicha davlat xizmatlari narxlarini belgilashda tabaqalashtirilgan yondashuv tartibini takomillashtirish toʻgʻrisida” 2014-yil 10-iyuldagi 186-son qaroriga muvofiq aniqlanadi.

Kadastr muhandislari tomonidan koʻchmas mulk obyektiga kadastr hujjatini rasmiylashtirish Vazirlar Mahkamasi tasdiqlaydigan minimal stavkalardan kam boʻlmagan miqdordagi narxlarda tomonlarning oʻzaro kelishuv shartnomasiga muvofiq amalga oshiriladi.

8. Davlat kadastrlari palatasining tuman (shahar) filiallari tomonidan kadastr yigʻmajildini tayyorlash va uning natijasi boʻyicha kadastr pasportini taqdim etish kadastr obyektining murakkabligiga qarab quyidagi muddatlarda amalga oshiriladi:

a) koʻchmas mulk obyektlarining turar joyga oid qismi boʻyicha:

koʻp kvartirali uydagi kvartira — 5 ish kunigacha;

yakka tartibdagi turar joy — 8 ish kunigacha;

b) koʻchmas mulk obyektlarining noturar joyga oid qismi hamda yaxlit koʻp kvartirali uylar boʻyicha:

umumiy maydoni 100 kv. metrgacha boʻlgan koʻchmas mulk — 8 ish kunigacha;

umumiy maydoni 100 kv. metrdan 1 000 kv. metrgacha boʻlgan koʻchmas mulk — 10 ish kunigacha;

umumiy maydoni 1 000 kv. metrdan 5 000 kv. metrgacha boʻlgan koʻchmas mulk — 15 ish kunigacha;

umumiy maydoni 5 000 kv. metrdan 15 000 kv. metrgacha boʻlgan koʻchmas mulk — 20 ish kunigacha;

umumiy maydoni 15 000 kv. metrdan 50 000 kv. metrgacha boʻlgan koʻchmas mulk — 26 ish kunigacha;

umumiy maydoni 50 000 kv. metrdan ortiq boʻlgan koʻchmas mulk — 35 ish kunigacha;

ajratilgan yer uchastkalari boʻyicha — 5 ish kunigacha;

kadastr (yigʻmajildi) pasporti yoʻqolganda (yaroqsiz holga kelganda), yangi kadastr pasporti 3 ish kuni mobaynida beriladi.

v) koʻp yillik dov-daraxtlar joylashgan yer uchastkasi boʻyicha:

umumiy maydoni 1 gektargacha — 15 ish kunigacha;

umumiy maydoni 1 gektardan 5 gektargacha — 20 ish kunigacha;

umumiy maydoni 5 gektardan 10 gektargacha — 26 ish kunigacha;

umumiy maydoni 10 gektardan 100 gektargacha — 35 ish kunigacha;

umumiy maydoni 100 gektardan ortiq — 40 ish kunigacha.

9. Kadastr yigʻmajildi yer uchastkasining, bino va inshootlarning hamda koʻp yillik daraxtlarning kadastr maʼlumotlaridan iborat boʻladi.

10. Yer uchastkasi yaxlitligini yoʻqotmagan holda ushbu koʻchmas mulk obyekti boʻyicha oʻzgarishlar (bino va inshootlar qurilishi, rekonstruksiya qilinishi, koʻp yillik daraxtlar barpo etilishi) haqidagi maʼlumotlar kadastr yigʻmajildiga kiritib boriladi.

11. Koʻchmas mulk obyektiga kadastr yigʻmajildini tayyorlash va kadastr pasportini rasmiylashtirishni rad etish uchun quyidagilar asos boʻladi:

soʻrovnomada notoʻgʻri maʼlumotlar koʻrsatilgani;

koʻchmas mulk obyektlariga boʻlgan huquqlarni tasdiqlovchi hujjatlar mavjud emasligi;

tuman (shahar) filialida ushbu koʻchmas mulk obyektining mansubligi masalasida nizolar borligidan dalolat beruvchi sud hujjatlarining mavjudligi;

vakolatli organ tomonidan koʻchmas mulk obyektiga taqiq yoki xatlov qoʻyilgani;

taqdim etilgan hujjatlarda notoʻgʻri, qarama-qarshi maʼlumotlar aniqlangani;

tuman (shahar) filialida ushbu yer uchastkasi qonunchilik hujjatlarida belgilangan tartibda olib qoʻyilgani haqidagi maʼlumotlarning mavjudligi;

yer uchastkasiga boʻlgan huquqlarning qonunchilik hujjatlarida nazarda tutilgan hollarda va tartibda bekor qilingani;

koʻchmas mulk obyektida oʻlchov ishlarining olib borilishiga, shu jumladan, koʻchmas mulk obyektiga kirish imkoni yoʻqligi (foydalanib kelayotgan shaxslar tomonidan bino va inshootga, yer uchastkasiga kirishga qarshilik qilinishi);

bino va inshootning ixtisoslashishi ular joylashgan yer uchastkasining foydalanish maqsadiga mos boʻlmagan tarzda oʻzgartirilgani.

Kadastr yigʻmajildi yoki kadastr pasportini tayyorlash rad etilganda, ushbu bandda nazarda tutilgan rad etish asoslari koʻrsatiladi.

Kadastr yigʻmajildi yoki kadastr pasportini rasmiylashtirishni ushbu bandda koʻrsatilmagan asoslar boʻyicha rad etish qatʼiyan taqiqlanadi.

12. Kadastr muhandisi yuridik va jismoniy shaxslarga kadastr yigʻmajildini tayyorlab berish boʻyicha kelishuv shartnomasiga muvofiq Davlat kadastrlari palatasining maxsus axborot tizimida ajratilgan shaxsiy kabineti orqali koʻchmas mulk obyektiga oid maʼlumotlarni kiritadi hamda mulkdor (foydalanuvchi)ning koʻchmas mulkiga oid mavjud axborotni tizimda oʻziga yuklab oladi.

Kadastr muhandisi oʻz shaxsiy kabineti orqali quyidagi maʼlumotlarni Davlat kadastrlari palatasining tuman (shahar) filialiga yuboradi:

koʻchmas mulk obyektining kadastr raqami (kadastr hujjatlariga oʻzgartirish kiritilayotganda);

mulkdor (foydalanuvchi) yuridik va jismoniy shaxsning nomi;

yuridik shaxslarda soliq toʻlovchining identifikatsiya raqami, jismoniy shaxslarda jismoniy shaxsning shaxsiy identifikatsiya raqami;

kadastr yigʻmajildini tayyorlash (qayta tayyorlash) uchun Oʻzbekiston Respublikasining “Koʻchmas mulkka boʻlgan huquqlarni davlat roʻyxatidan oʻtkazish toʻgʻrisida”gi Qonuni bilan belgilangan koʻchmas mulkka boʻlgan huquqni belgilovchi hujjatlar;

yangi qurilgan, rekonstruksiya qilingan va qurilishi tugallanmagan obyektlarga tasdiqlangan loyiha hujjatlari;

koʻchmas mulk obyektiga kadastr yigʻmajildini tayyorlash (qayta tayyorlash) boʻyicha tomonlar oʻrtasida imzolangan, shu jumladan, jismoniy shaxs tomonidan shaxsiy maʼlumotlardan foydalanishga rozilik berilgan shartnoma.

Yakka tartibdagi tadbirkor sifatida faoliyatini amalga oshiruvchi kadastr muhandislari geodeziya-kartografiya ishlari bilan shugʻullanuvchi yuridik shaxslar bilan shartnoma tuzish orqali kadastr suratiga olish ishlarini amalga oshirgan taqdirda, geodeziya-kartografiya ishlari bilan shugʻullanuvchi yuridik shaxslar bilan tuzilgan shartnoma nusxasini Davlat kadastrlari palatasining tuman (shahar) filialiga yuboradi.

Kadastr muhandisi malaka shahodatnomasining amal qilishi tugaganda, shaxsiy kabinetning ishchi funksiyalari cheklanadi.

2-bob. Yer uchastkasining kadastr maʼlumotlarini tayyorlash

13. Yuridik va jismoniy shaxslarning foydalanishida bir nechta yer uchastkasi boʻlsa, kadastr yigʻmajildi ularning har biri boʻyicha tayyorlanadi, qishloq xoʻjaligiga moʻljallangan yerlar bundan mustasno.

Qishloq xoʻjaligiga moʻljallangan yerlarda jismoniy yoki yuridik shaxsga bitta huquqni belgilovchi hujjat bilan ajratilgan bir necha yer uchastkalarini umumlashtirgan holda kadastr yigʻmajildi tayyorlanishi mumkin.

14. Yer uchastkasining kadastr yigʻmajildini tayyorlashda quyidagi ishlar bajariladi:

yer uchastkasining geodezik oʻlchov natijasida topografik xaritalarini tayyorlash;

yer kadastr maʼlumotlari, yer uchastkasiga boʻlgan huquqlarni tasdiqlovchi va cheklovchi hujjatlar hamda servitutlar mavjudligini oʻrganish;

yer uchastkasini joyida xatlovdan oʻtkazish;

yer uchastkasining chegaralari va umumiy maydonini huquqlarni tasdiqlovchi hujjatlardagi maʼlumotlar bilan solishtirish va ularning farqini aniqlash;

yer uchastkasining amaldagi maydoni huquqlarni tasdiqlovchi hujjatlarda belgilangan maydondan ortiq boʻlsa, oʻzboshimchalik bilan egallab olingan yerning chegarasini kadastr rejasiga tushirish;

koʻchmas mulk obyektini hisobdan oʻtkazish varaqasida yer haqidagi maʼlumotlarni kiritish.

Ortiqcha egallab olingan yer uchastkasining maydoni huquqni belgilovchi hujjatlarda koʻrsatilgan maydondan 2 foizgacha ortiq va ushbu farq 30 kvadrat metrdan oshmagan holatlarda yer uchastkasining ushbu qismi oʻzboshimchalik bilan egallangan deb hisoblanmaydi va soliq organlariga oʻzboshimcha egallangan yer sifatida yuborilmaydi.

15. Yer uchastkalari geodezik asboblar yordamida (WGS-84 koordinatalar tizimida) oʻlchovdan oʻtkaziladi. Bunda chegara burilish nuqtalarining koordinatlari aniqlanadi va shartli belgilardan foydalanib, yer uchastkasining elektron raqamli kadastr rejasi tuziladi.

16. Yer uchastkasining elektron raqamli kadastr rejasiga quyidagilar tushiriladi va maʼlumotlar aks ettiriladi:

bino va inshootlar hamda boshqa geografik obyektlar;

yer uchastkasining davlat hokimiyati organlari tomonidan oʻrnatilgan muhofaza zonalari va oʻzboshimchalik bilan egallab olingan yerlarning chegaralari (mavjud boʻlsa);

chegaradosh yer uchastkalari va ularga boʻlgan huquq egalarining nomlari.

17. Yer uchastkasining elektron raqamli kadastr rejasi uning maydonidan kelib chiqib, kadastr yigʻmajildida tasvirlash uchun qulay masshtablarda tuziladi. Bunda aholi punktlaridagi yer uchastkasining kadastr rejasi 1:500 masshtabdan 1:2000 masshtabgacha, aholi punktlaridan tashqarida joylashgan qishloq va oʻrmon xoʻjaliklari yer uchastkasining kadastr rejasi 1:5000 masshtabda yoki 1:10000 masshtabda tuziladi.

Kadastr rejalari yer uchastkasining maydonidan kelib chiqib quyidagi masshtablar talabida tuziladi:

12,5 gektargacha boʻlgan maydonlar — 1:500 masshtabda;

12,5 gektardan — 50 gektargacha — 1:1 000 masshtabda;

50 gektardan — 400 gektargacha — 1:2 000 masshtabda;

400 gektardan — 1 000 gektargacha — 1:5 000 masshtabda;

1 000 gektar va undan ortiq yer maydonlari — 1:10 000 masshtabda.

Bunda kadastr rejalari buyurtmachining talabidan kelib chiqib, topografik rejalar masshtablari doirasida yirikroq masshtablarda ham tuzilishi mumkin.

Qishloq va oʻrmon xoʻjaligi yerlari, muhofaza qilinadigan tabiiy hududlar va boshqa shu kabi maqsadlarda foydalanilayotgan yer uchastkalarining elektron raqamli kadastr rejasi mavjud topografik va qishloq xoʻjaligi elektron xaritalaridan foydalanib tuziladi.

Agar yer uchastkasining 1:500 masshtabdan 1:2000 masshtabgacha zamonaviy (aktual) topografik sʼyomka materiallari mavjud boʻlsa, kadastr rejasi ular asosida tuzilishi mumkin.

Yer uchastkasining elektron raqamli kadastr rejasi arxivda saqlash uchun qogʻozda chop etilib, rejasini tuzgan ijrochi, yer uchastkasiga boʻlgan huquq egasi tomonidan imzolanadi va chegaradosh yer uchastkalariga boʻlgan huquq egalari bilan kelishiladi va Yer uchastkasining chegaralarini aniqlash va kelishish dalolatnomasiga (keyingi oʻrinlarda — dalolatnoma) uning ajralmas qismi sifatida ilova qilinadi.

18. Yer uchastkasi joylashgan manzil tez aniqlanishini taʼminlash maqsadida yer uchastkasi joylashgan hudud rejasi tayyorlanadi va kadastr yigʻmajildiga kiritiladi. Yer uchastkasi joylashgan hudud rejasi yer uchastkasi tushirilgan, unga yaqin hududlarni oʻz ichiga olgan topografik kartalardan yoki boshqa rejalardan koʻchirmadan iborat boʻladi.

19. Yer uchastkasini xatlovdan oʻtkazish natijasi boʻyicha quyidagi hollarda yer uchastkasining chegaralari qoʻshni chegaradoshlar bilan kelishiladi:

yangi ajratilgan yer uchastkalarida;

koʻchmas mulkning bir qismini begonalashtirish natijasida yer uchastkasi boʻlinganda.

Mazkur bandda nazarda tutilgan holatlarda yer uchastkasini kelishish mazkur Nizomga 10-ilovada keltirilgan namunaviy shaklda dalolatnoma tuzish hamda qoʻshni chegaradoshlar tomonidan imzo qoʻyish yoʻli bilan amalga oshiriladi.

20. Dalolatnomada quyidagi maʼlumotlar aks ettiriladi:

yer uchastkasiga boʻlgan huquqni tasdiqlovchi hujjat nomi, sanasi va raqami;

yer uchastkasining joylashgan manzili — tuman, shahar, shaharcha, qishloq (ovul) va koʻchaning nomi, uy raqami, agar koʻchaning nomi va uy raqami boʻlmasa, qishloq (ovul), mahalla va aholi punktining nomi keltiriladi;

yer uchastkasining chegaralari taʼrifi;

yer uchastkasining umumiy maydoni — hujjatlar boʻyicha va amalda;

qishloq xoʻjaligida foydalanilayotgan yerlarning turlari, bonitet ballari va meʼyoriy qiymati;

huquqni tasdiqlovchi hujjatlarda belgilangan muhofaza zonasining maydoni;

yer uchastkasi haqidagi boshqa zarur maʼlumotlar.

21. Dalolatnoma yer uchastkasi yuridik shaxsga tegishli boʻlsa, uning rahbari yoki ishonchli vakili tomonidan, agar yer uchastkasi jismoniy shaxsga tegishli boʻlsa, ushbu jismoniy shaxs yoki uning ishonchli vakili tomonidan imzolanadi.

Agar chegaradosh yer uchastkalariga boʻlgan huquq egasi — jismoniy shaxs uzoq muddatga boshqa joyga ketgan boʻlsa, yuridik shaxs boshqa tumanda (shaharda) joylashgan boʻlib, chegaralarni kelishish kuni va vaqti toʻgʻrisida ogohlantirilgan boʻlsa-da, uning rahbari yoki ishonchli vakili kelishish uchun kelmasa, ushbu holat dalolatnomada aks ettiriladi.

Yer uchastkalari chegaralarini aniqlashda yer uchastkasining chegaralari chegaradosh yer uchastkalariga boʻlgan huquq egasi (egalari) bilan kelishilmagan taqdirda, nizo sud tartibida hal etiladi.

Keyinchalik yer uchastkasiga yoki chegaradosh yer uchastkasiga nisbatan belgilangan huquq turi yoki huquq egasi oʻzgarganda, dalolatnomani qayta tuzish talab etilmaydi, yer uchastkasining chegarasi oʻzgargan holatlar bundan mustasno.

22. Koʻchmas mulk obyektini hisobga olishda yer uchastkasi boʻyicha quyidagi maʼlumotlar aks ettiriladi:

yer uchastkasining joylashgan manzili;

manzil belgilanishi (mavjud, yangi berilgan, oʻzgartirilgan);

manzil berish yoki oʻzgartirishni asoslovchi hujjat;

yer uchastkasining toifasi;

yer uchastkasining nomi;

yer uchastkasining kadastr raqami;

iqtisodiy zonasi;

yer uchastkasidan ruxsat etilgan foydalanish asosiy turi;

yer uchastkasining umumiy maydoni (ga);

yer uchastkasiga boʻlgan huquqni tasdiqlovchi hujjat nomi, sanasi va raqami;

yer uchastkasiga boʻlgan huquqni tasdiqlovchi hujjat boʻyicha yer uchastkasining maydoni (ga);

oʻzboshimchalik bilan egallangan yer maydoni;

muhofaza zonalari;

muhofaza zonalarining maydoni (ga);

cheklovlar va servitutlar;

koʻp yillik daraxtlar bilan egallangan yer maydoni;

yer uchastkasini baholash toʻgʻrisida maʼlumotlar;

yer uchastkasiga xos boshqa maʼlumotlar.

22 1 . Koʻchmas mulk obyektini hisobga olishda koʻp kvartirali uy joylashgan va unga tutash yer uchastkasi (rejasi, joylashgan obyektlar, shu jumladan, loyihada nazarda tutilgan avtoturargohlar, bolalar va sport maydonchalari, dam olish maskanlari, sayilgohlar, yoʻlaklar va koʻp kvartirali uyga xizmat koʻrsatuvchi boshqa obyektlar) maydoni hamda chegaralari boʻyicha maʼlumotlar aks ettiriladi.

3-bob. Bino va inshootlarning kadastr maʼlumotlarini tayyorlash

23. Yer uchastkasiga boʻlgan huquqlari davlat roʻyxatidan oʻtkazilgan yer maydonining foydalanish maqsadiga mos ravishda hamda tegishli tartib asosida barpo etilgan va qurilishi tugallangan yoki tugallanmagan bino va inshootlarga kadastr yigʻmajildi tayyorlanishiga ruxsat beriladi.

Oʻzboshimchalik bilan egallab olingan yer maydonlarida noqonuniy qurilgan qurilmalarni egallab olingan yer maydoni va qurilmalarning oʻlchamlari vakolatli organlarning soʻrovnomasiga muvofiq Davlat kadastrlari palatasining tuman (shahar) filiallari tomonidan maʼlumotnoma tarzida tayyorlanadi.

24. Bino va inshootlarning kadastr yigʻmajildini tayyorlash jarayonida quyidagi ishlar bajariladi:

bino va inshootlar boʻyicha mavjud huquqiy, iqtisodiy, arxitektura-shaharsozlik va boshqa zarur hujjatlar yigʻiladi va tahlil qilinadi;

bino va inshootlar texnik xatlovdan oʻtkaziladi, bunda binolarning ichki va tashqi oʻlchovlari aniqlanadi, maydonlari va hajmlari hisoblanadi hamda ushbu maʼlumotlar binolarning ichki va tashqi oʻlchov qaydnomalarida aks ettiriladi;

bino va inshootlar konstruktiv qismlarining tavsifi aniqlanadi va maʼlumotlarda aks ettiriladi;

bino va inshootlarning qavatma-qavat elektron chizmalari tayyorlanadi;

binoning muhandislik kommunikatsiyalari (gaz, elektr energiyasi, ichimlik suvi, issiqlik taʼminoti va boshqalar) bilan taʼminlanganligi aniqlanadi;

jismoniy shaxslarga tegishli boʻlgan bino va inshootlarning kadastr qiymati qonunchilik hujjatlariga muvofiq aniqlanadi;

bino va inshootlarga hududlarni kadastr boʻyicha boʻlish hamda yer uchastkalari, binolar va inshootlarning kadastr raqamlari shakllantiriladi;

koʻchmas mulk obyektini elektron hisobga olishda bino va inshootlarning kadastr maʼlumotlari kiritiladi;

kadastr yigʻmajildi tayyorlanadi.

25. Kadastr yigʻmajildi asosida kadastr pasporti rasmiylashtiriladi.

26. Bino va inshootlarning arxitektura-qurilish chizmalari eng kam hajmda, ortiqcha tafsilotlarsiz tuziladi.

Bunda binoning ichki xonalari rejasi chiziladi. Agar bino bir necha qavatdan iborat boʻlsa, u holda barcha qavatlarning rejalari, shuningdek, yertoʻlaning rejasi chiziladi. Binoning qavat rejalari 1:100 yoki 1:200 masshtabda chop etiladi va nomlanadi (masalan, “1-qavat rejasi”, “2-qavat rejasi”, “Yertoʻla rejasi”).

27. Yer osti inshootlarining (har xil maqsadlarda foydalaniladigan quvurlar, elektr va aloqa liniyalari, foydali qazilmalarni qazib olish bilan bogʻliq boʻlgan inshootlar va boshqalar) tavsifi kadastr yigʻmajildiga loyiha-smeta yoki ushbu inshootlar davlat kadastri maʼlumotlaridan foydalanib kiritiladi.

28. Maxsus inshootlarning kadastr maʼlumotlari tayyorlanayotganda, ular toʻgʻrisida oʻzlariga xos maʼlumotlar tegishli davlat kadastrlari maʼlumotlaridan foydalanib kiritiladi (masalan, alohida kadastr obyekti boʻlgan elektr liniyasining kadastr maʼlumotlaridan uning nomi, kuchlanishi, simlar soni, elektr liniyasi tayanchlarining konstruksiyasi, transformator stansiyalari va boshqa inshootlar toʻgʻrisidagi maʼlumotlar olinishi mumkin).

29. Koʻchmas mulk obyektini hisobdan oʻtkazish natijasiga koʻra axborot tizimida bino va inshootlarning quyidagi kadastr maʼlumotlari aks ettiriladi:

binolar soni;

inshootlar soni;

asosiy xonalar soni;

binolar umumiy maydoni;

foydali (yashash) maydoni;

binoning qurilishosti maydoni;

inshootlar maydoni;

bino va inshootlarning kapitalligi;

foydalanish maqsadi;

konstruktiv turi (poydevor, devor, cherdak toʻsinlar, orayopma, tom qoplamasi, pol);

zilzilabardoshligi;

muhandislik jihozlangani (suv, oqova, elektr, gaz, issiqlik);

binoning qavatliligi;

obyekt joylashgan qavati;

binoning balandligi, m;

maydon, kv.m. (qurilishosti, umumiy, ishlab chiqarish, foydali, yashash);

qurilgan yili;

oʻzboshimchalik bilan qurilgan binolar va inshootlar;

kadastr qiymati;

bitim (shartnoma) qiymati;

maxsus inshootlar toʻgʻrisidagi maʼlumotlar;

koʻp kvartirali uylardagi turar joylar va yashash uchun moʻljallanmagan (noturar) joylar, umumiy mol-mulk (umumiy joylar) roʻyxati.

Bino va inshootlarning oʻziga xos xususiyatlarini aks ettiruvchi boshqa koʻrsatkichlar ham kiritilishi mumkin.

30. Kadastr yigʻmajildiga abrislar, fotosuratlar hamda bino va inshootlarni tavsiflovchi boshqa hujjatlar va elektron fayl materiallari ilova qilinishi mumkin.

31. Binolar ular joylashgan yer uchastkasining foydalanish maqsadiga mos ravishda qayta ixtisoslashtirilganda, rekonstruksiya qilinganda, kadastr yigʻmajildiga tegishli oʻzgartirishlar kiritiladi.

Koʻchmas mulk obyektining vujudga kelishi (barpo etilishi) yoki ikki va undan ortiq qismlarga boʻlinishida manzillarni belgilash Vazirlar Mahkamasining 2018-yil 14-dekabrdagi 1010-son qarori bilan tasdiqlangan Koʻchmas mulk obyektlari manzillari yagona reyestrini shakllantirish va yuritish tartibi toʻgʻrisidagi nizomga muvofiq kadastr yigʻmajildini shakllantirish jarayonida amalga oshiriladi.

32. Qurilishi tugallanmagan binolar va inshootlarga kadastr yigʻmajildi tegishli loyiha tashkiloti tomonidan ularning qurilishi loyiha talablariga muvofiq boshlanganligi tasdiqlangan taqdirda, mazkur Nizomda belgilangan tartib asosida tayyorlanadi va natijasi boʻyicha kadastr pasporti beriladi. Bunda bino va inshootning poydevori va birinchi qavati devorlarining qurilish ishlari yakunlanganligi qurilishni boshlangan deb topish uchun asos hisoblanadi.

4-bob. Koʻp yillik daraxtlarning kadastr maʼlumotlarini tayyorlash

33. Yuridik va jismoniy shaxslarning mulki boʻlgan koʻp yillik daraxtlarga koʻchmas mulkning bir turi sifatida kadastr yigʻmajildi tayyorlanadi va natijalari boʻyicha kadastr pasporti beriladi.

Qishloq xoʻjaligi tashkilotlari va fermer xoʻjaliklari tomonidan uzoq muddatli ijaraga berilgan yer uchastkalarida ijaraga beruvchining ruxsati bilan oʻz mablagʻlari hisobiga ekilgan va ularning mulki boʻlgan koʻp yillik daraxtlar toʻgʻrisidagi maʼlumotlar kadastr yigʻmajildi tarkibiga kiritiladi.

Yakka tartibdagi uy-joyda hamda jamoa bogʻdorchiligi va uzumchiligini yuritish (dala hovli) uchun berilgan yer uchastkalarida oʻstirilgan koʻp yillik daraxtlarga kadastr yigʻmajildi tayyorlanmaydi.

34. Kadastr yigʻmajildini tayyorlash jarayonida bogʻlar, uzumzorlar, tutzorlar va boshqa oʻrmon daraxtlarining maydonida (geodezik oʻlchov asboblari yordamida 1:1000 va 1:10000 gacha masshtabda topoxaritalari yaratiladi) oʻlchov ishlari oʻtkaziladi va koʻchatlarning soni aniqlanadi. Bogʻlardagi daraxtlar turlarga (olma, nok, shaftoli va boshqalar) ajratilmasdan, egallagan umumiy maydoni hamda soni aniqlanadi.

35. Koʻp yillik daraxtlarning kadastr maʼlumotlari yer uchastkasining kadastr maʼlumotlari bilan birgalikda koʻrsatiladi. Kichraytirilgan reja xaritasidagi shartli belgilarda koʻp yillik daraxtlar egallagan yerlar chegarasi koordinata burilish nuqtalari katalogida aks ettiriladi.

5-bob. Kadastr yigʻmajildini tayyorlash

36. Kadastr yigʻmajildi davlat tilida elektron hujjat sifatida tayyorlanadi.

Qogʻoz koʻrinishda kadastr yigʻmajildi A4 (210 x 297 mm) formatdagi yozuv qogʻozlarida elektron hujjat asosida tayyorlanadi. Bunda asosiy formatlarning qisqa tomonlarini karrali miqdorda uzaytirish bilan tashkil qilinadigan qoʻshimcha formatlar qoʻllanilishi mumkin.

37. Koʻchmas mulk obyekti faqat yer uchastkasi yoki bino va inshootdan (kvartira, bino, inshootning bir qismi) hamda koʻp yillik daraxtlardan iborat boʻlgan hollarda, kadastr yigʻmajildi tegishli obyekt boʻyicha tayyorlanadi.

38. Kadastr yigʻmajildining muqovasi va tarkibidagi elektron axborot tizimida shakllanadigan maʼlumotlarning namunaviy jadvallari, qaydnomalari va blankalari Oʻzbekiston Respublikasi Davlat soliq qoʻmitasi huzuridagi Kadastr agentligi (keyingi oʻrinlarda — Kadastr agentligi) tomonidan tasdiqlanadi.

Bunda kadastr yigʻmajildini tayyorlagan Davlat kadastrlari palatasining tuman (shahar)dagi filiali yoki kadastr muhandisi nomi, koʻchmas mulk obyekti joylashgan joy va koʻchmas mulk obyektiga oid boshqa barcha maʼlumotlar qayd etiladi.

39. Davlat kadastrlari palatasining tuman (shahar) filiali xodimlari tomonidan tayyorlangan kadastr yigʻmajildi mazkur Nizomning 8-bandida belgilangan muddat doirasida tekshirib chiqiladi. Bunda mazkur yigʻmajildda qayd etilgan maʼlumotlar toʻliq va toʻgʻri kiritilganligi hamda geoaxborot tizimlarida aks ettirilganligi holati oʻrganiladi. Kamchiliklar aniqlangan hollarda, bir ish kuni muddatda ijrochi xodim kamchiliklarni bartaraf etadi.

Kadastr muhandisi tomonidan koʻchmas mulk obyektlariga tayyorlangan kadastr yigʻmajildi boʻyicha maʼlumotlar uning axborot tizimidagi shaxsiy kabineti orqali Davlat kadastrlari palatasining tuman (shahar) filialiga qabul qilish uchun yuboriladi.

Davlat kadastrlari palatasining tuman (shahar) filiali kadastr muhandisi tomonidan axborot tizimi orqali koʻchmas mulk obyektiga oid tayyorlangan kadastr yigʻmajildi maʼlumotlarini qabul qilib oladi va uch ish kuni mobaynida oʻrganib chiqadi.

40. Kadastr muhandisi axborot tizimidagi shaxsiy kabineti orqali koʻchmas mulk obyektlariga oid quyidagi maʼlumotlarni kiritadi:

koʻchmas mulk obyekti joylashgan joy;

egasiga (foydalanuvchiga) oid maʼlumotlar;

koʻchmas mulk obyektiga kadastr yigʻmajildini tayyorlash boʻyicha kelishuvga oid maʼlumotlar (shartnoma raqami, sanasi, muddatlari, toʻlov miqdori va boshqalar);

mazkur Nizomning 22 va 29-bandlarida koʻrsatilgan maʼlumotlar;

yer uchastkasi va undagi bino inshootlarning chegaralari koʻrsatilgan hamda WGS-84 koordinatalar tizimidagi tayyorlangan raqamli kadastr xaritasi;

bino va inshootlarning avtomatik loyihalashtirish dasturlari yordamida dxf, dwg formatlardan birida tayyorlangan chizmasi. Kadastr yigʻmajildi birlamchi tayyorlangan hollarda, bino va inshootlarning amaldagi (oʻlchov kunidagi) holati boʻyicha foto suratlar, respublikada foydalanishda ruxsat etilgan sunʼiy yoʻldosh suratlari.

41. Kadastr muhandisining axborot tizimi orqali taqdim etilgan elektron maʼlumotlari Davlat kadastrlari palatasining tuman (shahar) filiali tomonidan uch ish kunida oʻrganiladi. Bunda:

kadastr muhandisi tomonidan tayyorlangan elektron maʼlumotlar, koʻchmas mulk obyektiga boʻlgan huquqni tasdiqlovchi hujjatlar mavjudligi va unga muvofiq koʻchmas mulk obyekti texnik hisobga olinadi, kadastr pasporti rasmiylashtiriladi yoki unga toʻsqinlik qiluvchi holatlar tekshiriladi;

kadastr muhandisi tomonidan kadastr maʼlumotlar bazasiga kiritilgan texnik maʼlumotlarning toʻgʻri va toʻliqligi tekshiriladi va dastlabki maʼlumotlar bilan solishtiriladi;

yer uchastkasi, bino va inshootlar hamda koʻp yillik daraxtlar dastlabki shakllantirilgan kadastr maʼlumotlari asosida solishtiriladi va axborot tizimida mavjud chegaradosh yerdan foydalanuvchilarning chegaralari bilan solishtiriladi va tahlil etiladi.

Kadastr muhandisi tomonidan axborot tizimi orqali yuborilgan maʼlumotlarda texnik xatoliklar mavjud boʻlsa, bartaraf etish uchun ushbu xatoliklar koʻrsatilgan holda qaytariladi. Agar koʻrsatilgan texnik xatoliklar xabar berilgan paytdan boshlab bir oy mobaynida bartaraf etilmagan yoki muhandis tomonidan tegishli xabar qoldirilmagan boʻlsa, hududiy boshqarma ikki ish kunida kadastr pasportini tayyorlashni va hisobga qoʻyishni rad etish toʻgʻrisida qaror qabul qiladi va bu haqda kadastr muhandisini shaxsiy kabineti orqali xabardor qiladi.

Taqdim etilgan maʼlumotlar asosida koʻchmas mulk obyektining tashqi chegaralari va obyektga oid umumiy maʼlumotlari bir xilligi aniqlangandan soʻng hududiy boshqarma tomonidan kadastr muhandisining taqdim etilgan elektron kadastr yigʻmajildi maʼlumotlari davlat kadastrlari tizimiga qabul qilinadi. Bu haqda axborot tizimi orqali kadastr muhandisiga koʻchmas mulk obyektining kadastr pasportidan koʻchirma nusxasi yuboriladi.

Quyidagi hollarda kadastr muhandisi tomonidan taqdim etilgan maʼlumotlar axborot tizimi orqali rad etiladi va kamchiliklarini bartaraf etish yuzasidan tegishli izoh yuboriladi:

ushbu Nizomning 12 , 22 va 29-bandlarida keltirilgan maʼlumotlar toʻliq taqdim etilmaganda;

belgilangan muddatda maʼlumotlardagi texnik xatoliklar toʻgʻrilanmaganda;

yer uchastkasi chegaralariga oid berilgan maʼlumotlar geoaxborot tizimi va tuman (shahar) filiallari arxiv maʼlumotlariga nisbatan farq qilganda.

Boshqa hollarda kadastr muhandisiga rad javobi berilishiga yoʻl qoʻyilmaydi.

42. Davlat kadastrlari palatasining tuman (shahar) filiali tomonidan kadastr muhandisi maʼlumotlari kelishilgan va hisobga qoʻyilganda, kadastr muhandisi oʻzining shaxsiy kabinetida kadastr maʼlumotlari bazasiga kirgan holda koʻchmas mulk obyekti boʻyicha bino va inshootlarning oʻlchov qaydnomasi, xonalarning oʻlchov qaydnomasi, bino va inshootlarning konstruktiv elementlari qaydnomasini va boshqa maʼlumotlarni chop etadi.

43. Kadastr muhandisi tomonidan tayyorlangan va qabul qilingan kadastr yigʻmajildi maʼlumotlari koʻchmas mulk obyektiga boʻlgan huquqlarni davlat roʻyxatidan oʻtkazishda roʻyxatdan oʻtkazuvchi tomonidan roʻyxatga olish ishini koʻrib chiqishda asos hisoblanadi.

44. Kadastr muhandisi koʻchmas mulk obyektiga kadastr yigʻmajildini shakllantirishda axborot tizimidagi shaxsiy kabineti orqali zarur boʻlgan kadastr maʼlumotlarni olishda, elektron maʼlumotlar bazasidan hamda koʻchmas mulk obyektlariga boʻlgan huquqlarning davlat reyestridagi maʼlumotlardan foydalanish huquqiga ega boʻladi.

45. Kadastr muhandisi tomonidan ushbu Nizom talablariga ikki va undan ortiq ravishda qoʻpol ravishda amal qilmaslik hamda qonunchilik hujjatlari talablarini buzish holatlariga yoʻl qoʻyilishi, kadastr muhandisining malaka shahodatnomasi bekor qilinishi boʻyicha Kadastr agentligiga axborot kiritish uchun asos hisoblanadi.

6-bob. Kadastr yigʻmajildiga oʻzgartirishlar kiritish

46. Kadastr yigʻmajildiga oʻzgartirishlar koʻchmas mulk obyektiga boʻlgan huquq egalarining yoki ular ishonchli vakillarining talablariga muvofiq tegishli tartibdagi murojaatlari asosida kiritiladi.

47. Bino va inshootlarning konstruktiv qismlari, xonalar soni ular joylashgan yer uchastkasining foydalanish maqsadiga mos ravishda oʻzgartirilgan holda rekonstruksiya qilinganda, ular qaytadan texnik xatlovdan oʻtkaziladi hamda shu asosda bino va inshootlarning kadastr maʼlumotlari qaytadan tayyorlanadi.

48. Bino va inshootlarning konstruktiv qismlari, xonalar soni oʻzgarmagan holda unga nisbatan huquq turi va (yoki) huquq egasi oʻzgargan taqdirda, koʻchmas mulk obyektiga qaytadan kadastr yigʻmajildini tayyorlash taqiqlanadi.

49. Oʻzbekiston Respublikasining davlat sirlari bilan bogʻliq (maxfiylik rejimidagi) boʻlgan koʻchmas mulk obyektlari boʻyicha kadastr yigʻmajildini tayyorlash uchun koʻchmas mulkni balansida saqlovchi tashkilot yoxud ularning ishonchli vakillari tomonidan toʻgʻridan-toʻgʻri Davlat kadastrlari palatasining hududiy boshqarmalariga murojaat qilinadi.

Bunda kadastr yigʻmajildini tayyorlash boʻyicha tegishli shartnoma rasmiylashtiriladi.

Davlat kadastrlari palatasining hududiy boshqarmalari koʻchmas mulk obyektlarini xatlovdan oʻtkazish ishlarini maxfiylik rejimiga rioya etgan holda amalga oshiradi. Xatlov natijalari boʻyicha kadastr yigʻmajildi rasmiylashtiriladi va alohida maxfiylik rejimiga ega boʻlgan maʼlumotlar bazasiga kiritadi.

50. Kadastr yigʻmajildiga oʻzgartirishlar kiritishda Davlat kadastrlari palatasining elektron arxivi hamda tegishli tuman (shahar) filiallari arxivida saqlanayotgan qogʻoz nusxasiga ham tegishli oʻzgartirishlar kiritiladi. Bunda kadastr yigʻmajildining arxivda saqlanayotgan nusxasida mavjud boʻlgan hujjatlarni olib tashlashga yoʻl qoʻyilmaydi, yangi holatlarni tasdiqlovchi hujjatlar kadastr yigʻmajildiga yangilanishi boʻyicha qoʻshib boriladi.

7-bob. Kadastr yigʻmajildini shakllantirish natijasida kadastr pasportini rasmiylashtirish

51. Koʻchmas mulk obyektini kadastr hisobiga olish va kadastr yigʻmajildini shakllantirish natijasida koʻchmas mulk obyekti boʻyicha elektron shaklda kadastr pasporti rasmiylashtiriladi.

Kadastr muhandisi bilan shartnoma tuzgan holda kadastr yigʻmajildi tayyorlanganda, kadastr pasporti ushbu Nizomga 1-ilovadagi sxemaga muvofiq beriladi.

Kadastr pasportida mulkdor va huquqni belgilovchi hujjatlar haqidagi maʼlumotlar aks ettirilmaydi.

52. Kadastr pasportining shakllari quyidagi turlar boʻyicha belgilanadi:

koʻp kvartirali uydagi turar joyning kadastr pasporti — ushbu Nizomga 2-ilovaga muvofiq;

yakka tartibdagi turar joyning kadastr pasporti — ushbu Nizomga 3-ilovaga muvofiq;

noturar joy toifasidagi koʻchmas mulk obyektining kadastr pasporti — ushbu Nizomga 4-ilovaga muvofiq;

yer uchastkasining kadastr pasporti — ushbu Nizomga 5-ilovaga muvofiq;

koʻp kvartirali uydagi noturar joyning kadastr pasporti — ushbu Nizomga 6-ilovaga muvofiq;

qurilishi tugallanmagan obyektning kadastr pasporti — ushbu Nizomga 7-ilovaga muvofiq;

koʻp yillik daraxtning kadastr pasporti — ushbu Nizomga 8-ilovaga muvofiq;

maxsus inshootlarning kadastr pasporti — ushbu Nizomga 9-ilovaga muvofiq;

koʻp kvartirali uyning kadastr pasporti — ushbu Nizomga 9a-ilovaga muvofiq.

53. Koʻchmas mulk obyektiga kadastr pasporti quyidagi hollarda rasmiylashtiriladi:

yer uchastkalari berilganda (realizatsiya qilinganda);

koʻchmas mulk obyekti boʻyicha birlamchi texnik inventarizatsiyadan oʻtkazish ishlari bajarilganda;

kadastr yigʻmajildi shakllantirilgan koʻchmas mulk obyektida qayta texnik inventarizatsiya oʻtkazish natijasida oʻzgarishlar aniqlanganda (rekonstruksiya, qoʻshimcha imorat qurish va (yoki) alohida imorat qurish, bir qismi buzilganda (vayron boʻlganda) yoki yoʻq qilinganda);

koʻchmas mulkni boʻlish va uning yangi chegaralarini belgilash amalga oshirilganda;

koʻchmas mulkni birlashtirish va uning yangi chegaralarini belgilash amalga oshirilganda;

yer uchastkasining maydoni yoki chegara nuqtalari oʻzgarganda;

koʻchmas mulk obyektining manzilini belgilashda yoki oʻzgartirishda;

yer uchastkasidan ruxsat etilgan foydalanish asosiy turi yoki kapital qurilish obyektining foydalanish maqsadi oʻzgarganda;

oʻz yer uchastkasida tegishli ruxsatnomalarni rasmiylashtirmasdan qurilgan bino va inshootlar mavjud boʻlganda.

54. Koʻchmas mulk obyektining pasporti qonunchilik hujjatlarida belgilangan tartibda rasmiylashtiriladi.

8-bob. Yakunlovchi qoida

55. Mazkur Nizom talablari buzilishida aybdor boʻlgan shaxslar qonunchilik hujjatlariga muvofiq javob beradilar.

Koʻchmas mulk obyektlariga kadastr yigʻmajildini tayyorlash tartibi toʻgʻrisidagi nizomga 1-ILOVA

Kadastr muhandisi bilan shartnoma tuzgan holda kadastr yigʻmajildi tayyorlanganda, kadastr pasportini berish

Bosqichlar Subyektlar Tadbirlar Bajarish muddatlari 1-bosqich Ariza beruvchi Kadastr yigʻmajildini olish uchun kadastr muhandisiga murojaat qiladi. Oʻz xohishiga koʻra 2-bosqich Kadastr muhandisi 1. Obyektda joyiga chiqib oʻlchov ishlarini amalga oshiradi. 2. Koʻchmas mulk obyektiga oid maʼlumotlarni kiritadi hamda mulkdor (foydalanuvchi)ning koʻchmas mulkiga oid mavjud axborotni tizimda oʻziga yuklab oladi. Ariza beruvchi bilan shartnomaga muvofiq 3-bosqich Davlat kadastrlari palatasining tuman (shahar) filiali 1. Axborot tizimi orqali taqdim etilgan elektron maʼlumotlarni oʻrganadi. 2. Koʻchmas mulk obyekti kadastr pasportidan koʻchirma nusxasini yuboradi. Uch ish kuni 4-bosqich Kadastr muhandisi Kadastr pasportini ariza beruvchiga taqdim etadi. Bir ish kuni mobaynida yoki ariza beruvchi bilan shartnomaga muvofiq

Koʻchmas mulk obyektlariga kadastr yigʻmajildini tayyorlash tartibi toʻgʻrisidagi nizomga 2-ILOVA

_____________________________________________________________________ (Davlat kadastrlari palatasi filiali nomi yoki kadastr muhandisining familiyasi, ismi, otasining ismi) KOʻP KVARTIRALI UYDAGI TURAR JOYNING KADASTR PASPORTI (kadastr yigʻmajildidan koʻchirma) Kadastr yigʻmajildi shakllantirilgan sana Kadastr pasporti berilgan Sana Raqami I. Manzil haqida maʼlumotlar Kadastr raqami Joylashgan joyi II. Obyekt tavsifi Binoning qavatlar soni Joylashgan qavati Umumiy foydali, (m2) Yashash maydoni, (m 2 ) Jami xonalar soni Yashash xonalari soni Kadastr qiymati, (soʻm) Baholash sanasi Qoʻshimcha maʼlumotlar _______________________ ‎ ‎ ‎ _____________________________ (ijrochi lavozimi) ‎ ‎ ‎ (F.I.O.) Obyekt boʻyicha qoʻshimcha maʼlumotlarni “davreestr.uz” veb-sayti orqali olish imkoniyati mavjud. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Koʻchmas mulk obyektlariga kadastr yigʻmajildini tayyorlash tartibi toʻgʻrisidagi nizomga 3-ILOVA

_____________________________________________________________________ (Davlat kadastrlari palatasi filiali nomi yoki kadastr muhandisining familiyasi, ismi, otasining ismi) YAKKA TARTIBDAGI TURAR JOYNING ‎KADASTR PASPORTI ‎(kadastr yigʻmajildidan koʻchirma) Kadastr yigʻmajildi shakllantirilgan sana Kadastr pasporti berilgan Sana Raqami I. Manzil haqida maʼlumotlar Yer uchastkasining kadastr raqami Joylashgan joyi II. Yer uchastkasi tavsifi Yer maydoni, (m 2 ) Huquqiy hujjatga asosan Amalda Oʻzboshimchalik bilan egallangan Ruxsat etilgan foydalanish asosiy turi Yer uchastkasi bahosi (soʻm) Servitut haqida maʼlumot Koʻp yillik daraxtlar soni III. Bino va inshootlar tavsifi Bino va inshootning nomi Bino va inshootning foydalanish maqsadi Kadastr raqami Binolar soni Umumiy qurilish osti maydoni (m 2 ) Umumiy foydali maydoni (m 2 ) Foydali maydoni (yashash maydoni), (m 2 ) jami Oʻzboshimchalik bilan qurilgan imoratlar jami Kadastr qiymati (soʻm) Baholash sanasi Qoʻshimcha maʼlumotlar _______________________ _____________________________ (ijrochi lavozimi) (F.I.O.) Obyekt boʻyicha qoʻshimcha maʼlumotlarni “davreestr.uz” veb-sayti orqali olish imkoniyati mavjud.

Koʻchmas mulk obyektlariga kadastr yigʻmajildini tayyorlash tartibi toʻgʻrisidagi nizomga 4-ILOVA

_____________________________________________________________________ (Davlat kadastrlari palatasi filiali nomi yoki kadastr muhandisining familiyasi, ismi, otasining ismi) NOTURAR JOY TOIFASIDAGI KOʻCHMAS MULK OBYEKTINING KADASTR PASPORTI ‎ (kadastr yigʻmajildidan koʻchirma) Kadastr yigʻmajildi shakllantirilgan sana Kadastr pasporti berilgan Sana Raqami I. Manzil haqida maʼlumotlar Obyekt nomi Yer uchastkasining kadastr raqami Joylashgan joyi II. Yer uchastkasi tavsifi Yer maydoni, (m 2 ) Huquqiy hujjatga asosan Amalda Oʻzboshimchalik bilan egallangan Ruxsat etilgan foydalanish asosiy turi Yer uchastkasi bahosi (soʻm) Servitut haqida maʼlumot Koʻp yillik daraxtlar soni III. Bino va inshootlar tavsifi Bino va inshootning nomi Bino va inshootning foydalanish maqsadi Kadastr raqami Binolar soni Umumiy qurilish osti maydoni (m 2 ) Umumiy foydali maydoni (m 2 ) Foydali maydoni (yashash maydoni), (m 2 ) jami Oʻzboshimchalik bilan qurilgan imoratlar jami Kadastr qiymati (soʻm) Baholash sanasi Qoʻshimcha maʼlumotlar _______________________ _____________________________ (ijrochi lavozimi) (F.I.O.) Obyekt boʻyicha qoʻshimcha maʼlumotlarni “davreestr.uz” veb-sayti orqali olish imkoniyati mavjud.

Koʻchmas mulk obyektlariga kadastr yigʻmajildini tayyorlash tartibi toʻgʻrisidagi nizomga 5-ILOVA

_____________________________________________________________________ (Davlat kadastrlari palatasi filiali nomi yoki kadastr muhandisining familiyasi, ismi, otasining ismi) YER UCHASTKASINING ‎KADASTR PASPORTI ‎(kadastr yigʻmajildidan koʻchirma) Kadastr yigʻmajildi shakllantirilgan sana Kadastr pasporti berilgan Sana Raqami I. Manzil haqida maʼlumotlar Yer uchastkasining kadastr raqami Joylashgan joyi II. Yer uchastkasi tavsifi Yer maydoni, (m 2 ) Huquqiy hujjatga asosan‎ Amalda Oʻzboshimchalik bilan egallangan Ruxsat etilgan foydalanish asosiy turi Yer uchastkasi bahosi (soʻm) Servitut haqida maʼlumot Yer uchastkasi bahosi (soʻm) Koʻp yillik daraxtlar soni ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ _______________________ ‎ ‎ ‎ _____________________________ (ijrochi lavozimi) ‎ ‎ ‎ (F.I.O.) Obyekt boʻyicha qoʻshimcha maʼlumotlarni “davreestr.uz” veb-sayti orqali olish imkoniyati mavjud. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Koʻchmas mulk obyektlariga kadastr yigʻmajildini tayyorlash tartibi toʻgʻrisidagi nizomga 6-ILOVA

_____________________________________________________________________ (Davlat kadastrlari palatasi filiali nomi yoki kadastr muhandisining familiyasi, ismi, otasining ismi) KOʻP KVARTIRALI TURAR JOYDA JOYLASHGAN NOTURAR JOYNING KADASTR PASPORTI ‎(kadastr yigʻmajildidan koʻchirma) Varaq № Jami varaqlar soni № ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Kadastr yigʻmajildi shakllantirilgan sana Kadastr pasporti berilgan Sana Raqami I. Manzil haqida maʼlumotlar Kadastr raqami Joylashgan joyi II. Obyekt tavsifi Obyekt nomi Obyekt foydalanish maqsadi Obyekt joylashgan binoning qavatlar soni Joylashgan qavati Umumiy maydoni, (m 2 ) Foydali maydoni, (m 2 ) Xonalar soni Oʻzboshimcha qurilma maydoni,(m 2 ) Oʻzboshimchalik bilan egallangan yer maydoni (m 2 ) Kadastr qiymati (soʻm) Baholash sanasi Qoʻshimcha maʼlumotlar _______________________ ‎ ‎ ‎ _____________________________ (ijrochi lavozimi) ‎ ‎ ‎ (F.I.O.) Obyekt boʻyicha qoʻshimcha maʼlumotlarni “davreestr.uz” veb-sayti orqali olish imkoniyati mavjud. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Koʻchmas mulk obyektlariga kadastr yigʻmajildini tayyorlash tartibi toʻgʻrisidagi nizomga 7-ILOVA

_____________________________________________________________________ (Davlat kadastrlari palatasi filiali nomi yoki kadastr muhandisining familiyasi, ismi, otasining ismi) QURILISHI TUGALLANMAGAN OBYEKTNING ‎KADASTR PASPORTI ‎(kadastr yigʻmajildidan koʻchirma) Varaq № Jami varaqlar soni № ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Kadastr yigʻmajildi shakllantirilgan sana Kadastr pasporti berilgan Sana Raqami I. Manzil haqida maʼlumotlar Yer uchastkasining kadastr raqami Joylashgan joyi II. Yer uchastkasi tavsifi Yer maydoni, (m 2 ) Huquqiy hujjatga asosan‎ Amalda Oʻzboshimchalik bilan egallangan Ruxsat etilgan foydalanish asosiy turi Yer uchastkasi bahosi (soʻm) Servitut haqida maʼlumot Qoʻshimcha maʼlumotlar III. Bino va inshootlar tavsifi Obyekt nomi Obyekt foydalanish maqsadi Binolar soni Umumiy maydoni (m 2 ) Inshootlar soni Umumiy maydoni (m 2 ) Loyihasiz qurilgan qurilmalar soni Umumiy maydoni (m 2 ) Loyihadan tashqari qurilmalar soni Umumiy maydoni (m 2 ) Tugallanganlik foizi (%) Asoslovchi hujjat Koʻp yillik daraxtlar soni ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ _______________________ ‎ ‎ ‎ _____________________________ (ijrochi lavozimi) ‎ ‎ ‎ (F.I.O.) Obyekt boʻyicha qoʻshimcha maʼlumotlarni “davreestr.uz” veb-sayti orqali olish imkoniyati mavjud. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Koʻchmas mulk obyektlariga kadastr yigʻmajildini tayyorlash tartibi toʻgʻrisidagi nizomga 8-ILOVA

_____________________________________________________________________ (Davlat kadastrlari palatasi filiali nomi yoki kadastr muhandisining familiyasi, ismi, otasining ismi) KOʻP YILLIK DARAXTNING ‎KADASTR PASPORTI ‎(kadastr yigʻmajildidan koʻchirma) Varaq № Jami varaqlar soni № ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Kadastr yigʻmajildi shakllantirilgan sana Kadastr pasporti berilgan Sana Raqami I. Manzil haqida maʼlumotlar Yer uchastkasining kadastr raqami Joylashgan joyi II. Yer uchastkasi tavsifi Yer maydoni, (m 2 ) Huquqiy hujjatga asosan‎ Amalda Oʻzboshimchalik bilan egallangan Ruxsat etilgan foydalanish asosiy turi Yer uchastkasi bahosi (soʻm) Servitut haqida maʼlumot Qoʻshimcha maʼlumotlar III. Koʻp yillik daraxtlar tavsifi ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ _______________________ ‎ ‎ ‎ _____________________________ (ijrochi lavozimi) ‎ ‎ ‎ (F.I.O.) Obyekt boʻyicha qoʻshimcha maʼlumotlarni “davreestr.uz” veb-sayti orqali olish imkoniyati mavjud. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Koʻchmas mulk obyektlariga kadastr yigʻmajildini tayyorlash tartibi toʻgʻrisidagi nizomga 9-ILOVA

________________________________________________________________________________ (Davlat kadastrlari palatasi filiali nomi yoki kadastr muhandisining familiyasi, ismi, otasining ismi) MAXSUS INSHOOTNING KADASTR PASPORTI ‎(kadastr yigʻmajildidan koʻchirma) Kadastr yigʻmajildi shakllantirilgan sana Kadastr yigʻmajildi shakllantirilgan sana Sana Raqami I. Manzil haqida maʼlumotlar Obyekt nomi Yer uchastkasining kadastr raqami Joylashgan joyi II. Yer uchastkasi tavsifi Yer maydoni, (m 2 ) Huquqiy hujjatga asosan Amalda Oʻzboshimchalik bilan egallangan Ruxsat etilgan foydalanish asosiy turi Yer uchastkasi bahosi (soʻm) Servitut haqida maʼlumot Koʻp yillik daraxtlar soni III. Inshootlar tavsifi Inshootning nomi Inshootning foydalanish maqsadi Kadastr raqami Inshootlar soni Umumiy qurilish osti maydoni (m 2 ) Umumiy foydali maydoni (m 2 ) Foydali maydoni (yashash maydoni), (m 2 ) jami Oʻzboshimchalik bilan qurilgan imoratlar jami Kadastr qiymati (soʻm) Baholash sanasi Qoʻshimcha maʼlumotlar _______________________ _____________________________ (ijrochi lavozimi) (F.I.O.) Obyekt boʻyicha qoʻshimcha maʼlumotlarni “davreestr.uz” veb-sayti orqali olish imkoniyati mavjud.

Koʻchmas mulk obyektlariga kadastr yigʻmajildini tayyorlash tartibi toʻgʻrisidagi nizomga 9a-ILOVA

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ (Davlat kadastrlari palatasi filiali nomi yoki kadastr ‎muhandisining familiyasi, ismi, otasining ismi) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ KOʻP KVARTIRALI UYNING KADASTR PASPORTI ‎(kadastr yigʻmajildidan koʻchirma) Kadastr yigʻmajildi shakllantirilgan sana Kadastr pasporti berilgan Sana Raqami I. Manzil haqida maʼlumotlar Kadastr raqami Joylashgan joyi II. Umumiy maʼlumotlar Yer uchastkasining maydoni, m 2 hujjatdagi amaldagi Binoning qavatlari soni Qurilgan yili Umumiy qurilish osti maydoni, m 2 Tutash yer uchastkasi maydoni, m 2 Umumiy foydali, m 2 ‎ Koʻp kvartirali uyning turi Kvartira va joylar soni Shundan:‏ 1 xonali 2 xonali 4 xonali 5 xonali 6 va undan koʻp xonalilar turar joy noturar joy III. Obyekt tavsifi Jami xonalar soni Yashash xonalari soni Kadastr qiymati, soʻm Baholash sanasi Konstruktiv qismlarining tavsifi Poydevor Yuk koʻtarib turuvchi qismlar Tom qoplamasi IV. Umumiy mol-mulk Yertoʻlalar maydoni Kirish yoʻlaklari (podyezdlar) soni Cherdaklar maydoni Liftlar soni Boshqa umumiy mol-mulklar _______________________ ‎ ‎ ‎ ____________________________ ‎ (ijrochi lavozimi) ‎ ‎ ‎ (F.I.O.) ‎ Obyekt boʻyicha qoʻshimcha maʼlumotlarni davreestr.uz veb-sayti orqali olish imkoniyati mavjud. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ QR-kod ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ (Davlat kadastrlari palatasi filiali nomi yoki kadastr muhandisining familiyasi, ismi, otasining ismi) ‎Koʻp kvartirali uyning kadastr pasportiga ‎ILOVA ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ YER UCHASTKASINING KADASTR REJASI __________________________________________________________________ (yuridik shaxsning toʻliq nomi yoki jismoniy shaxsning F.I.O.) Kadastr raqami: _________________________ ‎Yer uchastkasining amaldagi maydoni ________ (ga) ‎ ‎ ‎Masshtab 1:_______ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Ijrochi: _________________________________________________________________ ‎Buyurtmachi: ______________________________________________________________ Chegaradoshlar: ‎________________________________________________________________________ ‎________________________________________________________________________ ‎________________________________________________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ YER UCHASTKASI CHEGARALARINING BURILISH NUQTALARI KOORDINATLARI KATALOGI ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Manzili: _________________________________________ ‎Kadastr raqami: ___________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Nuqtalar tartib raqami Geomaʼlumotlar Uzunligi (m) X Y 1 2 3 4 ... ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Yer uchastkasining umumiy yer maydoni S = ___ m 2 = ____ ga Yer uchastkasining perimetri P = __ metr ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ QR-kod ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Koʻchmas mulk obyektlariga kadastr yigʻmajildini tayyorlash tartibi toʻgʻrisidagi nizomga 10-ILOVA

NAMUNA Yer uchastkasi chegaralarini aniqlash va kelishish ‎DALOLATNOMASI 20__ yil “___” _____________ ‎ ‎ ___________________ tumani (shahri) Biz, _________________________________________________________________ (tuman, shahar filiali yoki kadastr muhandisi nomi) _____________________________________________________________________ ‎_____________________________________________________________________ (ijrochining lavozimi, familiyasi, ismi, otasining ismi yoki kadastr muhandisining nomi) va yer uchastkasining huquq egasi _____________________________________________________________________ ‎ (yuridik shaxs vakilining lavozimi, familiyasi, ismi, otasining ismi _____________________________________________ quyidagilarni aniqladik. yoki jismoniy shaxsning familiyasi, ismi, otasining ismi)‎ ‎ ‎ ‎ ‎ Yer uchastkasi ______________________________________________ joylashgan. (joylashgan manzili) Yer uchastkasining kadastr raqami _______________________________________ ‎____________________________________________ ga ________ga yer uchastkasi (yuridik shaxsning nomi yoki jismoniy shaxsning familiyasi, ismi, otasining ismi) _____________________________________________________________________ (yer uchastkasi berilgan yoki unga boʻlgan huquqning oʻtishi toʻgʻrisida hujjat nomi, sanasi, raqami) muvofiq ________________________________________ huquqi bilan berilgan, (yer uchastkasini berish maqsadi, huquq turi) amalda yer uchastkasining maydoni ________ ga ni tashkil qiladi. Yer uchastkasi _________________ maqsadida foydalanilmoqda, uning ekin yeri _______ ga, bogʻ ______ ga, uzumzor _____ ga, tutzor ______ ga, yaylov ______ ga, qurilish ostidagi va hovli yerlari _______ ga, boshqa yerlar ______ ga. Yer uchastkasiga boʻlgan huquqning cheklanishi _____________________________ ‎ ‎ ‎ ‎ ‎ ‎ ‎ ‎ ‎ ‎ ‎ (hujjat nomi, cheklash mazmuni) _____________________________________________________________________ Yer uchastkasida _______________________________________________________ (hujjat nomi, muhofaza zonasi belgilangan obyekt turi, muhofaza _____________________________________________________________________ zonasining maydoni, foydalanish sharti) Yer uchastkasini baholash natijalari toʻgʻrisidagi maʼlumotlar _____________ _____________________________________________________________________ Yer uchastkasi chegaralarining taʼrifi ___________________________________ _____________________________________________________________________ Yer uchastkasi chegaralari boʻyicha yer uchastkasiga boʻlgan huquq egasining va chegaradosh yer uchastkalariga boʻlgan huquq egalarining _____________________ (eʼtirozlari yoʻq / quyidagi eʼtirozlari mavjud) _____________________________________________________________________ Yer uchastkasining boshqa xususiyatlari ___________________________________ Mazkur dalolatnomaga uning ajralmas qismi sifatida yer uchastkasining ___________________ masshtabdagi kadastr rejasi ilova qilinmoqda. Filial muhandisi / ‎kadastr muhandisi ____________________________________________________ ‎ ‎ ‎ (ijrochining lavozimi, imzosi, familiyasi, ismi, otasining ismi) Yer uchastkasiga boʻlgan huquq egasi ____________ ‎(imzo) _________________________________ ‎(familiyasi, ismi, otasining ismi) Chegaradosh yer uchastkalariga ‎boʻlgan huquq egalari ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 1. ________________________ ________________________________________ (imzo) (familiyasi, ismi, otasining ismi) 2. ________________________ ________________________________________ (imzo) (familiyasi, ismi, otasining ismi) 3. ________________________ ________________________________________ (imzo) (familiyasi, ismi, otasining ismi) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

20 ____ yil “____” _________________ dagi Yer uchastkasi chegaralarini aniqlash va kelishish dalolatnomasiga ILOVA

YER UCHASTKASINING KADASTR REJASI ____________________________________________________________________ (yuridik shaxsning toʻliq firma nomi yoki jismoniy shaxsning familiyasi, ismi, otasining ismi) Kadastr raqami _____________________ ‎Yer uchastkasining maydoni _________ ga ‎ ‎ ‎ ‎ ‎ ‎ ‎ ‎ ‎ ‎ ‎‎ ‎ ‎ Masshtab _______________ Ijrochi ______________________________________________________________ (imzosi, familiyasi, ismi, otasining ismi) Yer uchastkasining ‎huquq egasi __________________________________________________________ (imzosi, familiyasi, ismi, otasining ismi) Chegaradosh yer uchastkalariga boʻlgan huquq egalari: _____________________________________________________________________ ‎_____________________________________________________________________ ‎_____________________________________________________________________ (nomi, imzosi, familiyasi, ismi, otasining ismi) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Vazirlar Mahkamasining 2021-yil 22-iyundagi 389-son qaroriga 4-ILOVA

Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan qarorlari

1. Vazirlar Mahkamasining “Oʻzbekiston Respublikasida binolar va inshootlar davlat kadastrini yuritish toʻgʻrisida” 1997-yil 2-iyundagi 278-son qarori .

2. Vazirlar Mahkamasining “Oʻzbekiston Respublikasida davlat yer kadastrini yuritish toʻgʻrisida” 1998-yil 31-dekabrdagi 543-son qarori .

3. Vazirlar Mahkamasining “Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi faoliyatini tashkil etish toʻgʻrisida” 2004-yil 19-oktabrdagi 483-son qaroriga 7-ilovaning 2-bobi 1 va 2-bandlari (Oʻzbekiston Respublikasi QHT, 2004-y., 42-son, 446-modda).

4. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Vazirlar Mahkamasining “Koʻchmas mulkka boʻlgan huquqlarni davlat roʻyxatidan oʻtkazish tartibini takomillashtirish toʻgʻrisida” 2014-yil 7-yanvardagi 1-son qarori)” 2014-yil 3-iyundagi 138-son qaroriga ilovaning 3 va 4-bandlari (Oʻzbekiston Respublikasi QHT, 2014-y., 23-son, 269-modda).

5. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Vazirlar Mahkamasining “Kadastr hujjatlarini tayyorlash boʻyicha davlat xizmatlari narxlarini belgilashda tabaqalashtirilgan yondashuv tartibini takomillashtirish toʻgʻrisida” 2014-yil 10-iyuldagi 186-son qarori)” 2014-yil 6-noyabrdagi 309-son qaroriga ilovaning 1-bandi (Oʻzbekiston Respublikasi QHT, 2014-y., 46-son, 551-modda).

6. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Yerlarni muhofaza qilish va ulardan oqilona foydalanish borasida nazoratni kuchaytirish, geodeziya va kartografiya faoliyatini takomillashtirish, davlat kadastrlari yuritishni tartibga solish chora-tadbirlari toʻgʻrisida” 2017-yil 31-maydagi PF-5065-son Farmoni va Oʻzbekiston Respublikasi Prezidentining “Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi faoliyatini yanada takomillashtirish chora-tadbirlari toʻgʻrisida” 2017-yil 31-maydagi PQ-3024-son qarori)” 2017-yil 29-avgustdagi 679-son qaroriga ilovaning 3 va 4-bandlari (Oʻzbekiston Respublikasi QHT, 2017-y., 35-son, 931-modda).

Oʻzbekiston Respublikasining Bosh vaziri A. ARIPOV

Toshkent sh.,

2021-yil 22-iyun,

389-son

(Qonunchilik maʼlumotlari milliy bazasi, 22.06.2021-y., 09/21/389/0587-son; 19.10.2022-y., 09/22/610/0938-son; 24.08.2023-y., 09/23/411/0649-son; 16.09.2023-y., 09/23/470/0707-son; 02.10.2024-y., 09/24/614/0768-son; 28.05.2025-y., 09/25/330/0473-son; 04.09.2025-y., 09/25/559/0802-son; 06.01.2026-y., 09/26/840/0012-son)

lex.uz