UzbekAI

Ўзбекистон Республикаси Олий суди Пленумининг

Қарори

Ўзбекистон Республикаси Олий суди Пленумининг айрим қарорларига ўзгартириш ва қўшимчалар киритиш тўғрисида

Қонунчиликка ўзгартириш ва қўшимчалар киритилганлиги, шунингдек, суд амалиётида масалалар келиб чиққанлиги муносабати билан, «Судлар тўғрисида»ги Қонуннинг 17-моддасига асосан, Ўзбекистон Республикаси Олий суди Пленуми қарор қилади:

Ўзбекистон Республикаси Олий суди Пленумининг қуйидаги қарорларига ўзгартириш ва қўшимчалар киритилсин:

1. Ўзбекистон Республикаси Олий суди Пленумининг «Жиноий фаолиятдан олинган даромадларни легаллаштиришга оид ишлар бўйича суд амалиётининг айрим масалалари тўғрисида» 2011 йил 11 февралдаги 1-сонли қарори :

1-бандининг рус тили матнидаги «национальным интересам» деган сўзлар «национальной безопасности» деган сўзлар билан алмаштирилсин;

2-банди қуйидаги таҳрирда баён қилинсин:

«2. Судларга тушунтирилсинки, ЖК 243-моддасида назарда тутилган даромадларни легаллаштириш тариқасидаги жиноятнинг предмети бу жиноий фаолият натижасида топилган пул маблағлари ёки бошқа мол-мулк ҳисобланади. Қонун мазмунига кўра, ушбу пул маблағлари ёки бошқа мол-мулк уларни легаллаштиришдан олдин қасддан содир этилган ижтимоий-хавфли қилмиш (бундан буён матнда асосий жиноят деб юритилади) орқали топилади.

Асосий жиноятларга, жумладан, қуйидагилар киради:

шахсга қарши ҳақ эвазига содир этиладиган жиноятлар (масалан, ғараз ниятларда одам ўлдириш, фоҳишахоналар сақлаш, одам савдоси);

иқтисодиёт соҳасидаги жиноятлар (масалан, ўғирлик, босқинчилик, товламачилик, талончилик, фирибгарлик, ўзлаштириш ёки растрата қилиш йўли билан талон-торож қилиш, солиқлар ёки бошқа мажбурий тўловларни тўлашдан бўйин товлаш);

ҳокимият, бошқарув ва жамоат бирлашмалари органлари фаолият тартибига қарши жиноятлар (масалан, пора олиш, қонунга хилоф равишда мулкий манфаатдор бўлиш);

жамоат хавфсизлиги ва жамоат тартибига қарши жиноятлар (масалан, контрабанда, ўқотар қурол ёки кучли таъсир қилувчи моддаларни, гиёҳвандлик воситалари билан қонунга хилоф равишда муомала қилиш ва ҳ.к.).

Бунда бир ёки бир неча асосий жиноят содир этилганлиги, улар алоҳида бир шахс, уюшган гуруҳ ёки жиноий уюшма томонидан, Ўзбекистон Республикаси ёхуд бошқа мамлакат ҳудудида содир этилганлиги, легаллаштирилаётган мулк содир этилган жиноят натижасида бевосита ёки билвосита қўлга киритилганлиги аҳамият касб этмайди»;

қуйидаги мазмундаги 2.1-банд билан тўлдирилсин:

«2.1. «Жиноий фаолиятдан олинган даромадлар» атамаси Ўзбекистон Республикасининг «Жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш тўғрисида»ги Қонунининг 3-моддасига мувофиқ, жумладан, қуйидагиларни ўз ичига олади:

жиноий йўл билан топилган пул маблағлари ёки бошқа мол-мулкдан фойдаланиш натижасида олинган даромад ёки фойда (даромаддан даромад);

жиноий йўл билан топилган пул маблағлари ёки мол-мулк бошқа мулкка айлантирилган ёки ўзгартирилган (масалан, кўчмас мулкни жиноий йўл билан топилган қурилиш материалларидан барпо этиш);

жиноий йўл билан орттирилган пул маблағлари ёки бошқа мол-мулкни қонуний манбалар ҳисобидан топилган мол-мулкка қўшиш йўли билан олинган мол-мулк. Бундай ҳолларда мол-мулкнинг фақат қўшилган пул суммаси ёки қўшилган мол-мулк қийматига тегишли қисмигина жиноий йўл билан топилган деб эътироф этилади.

Пул маблағларига миллий ёки чет эл валютаси тариқасидаги нақд пуллар, шунингдек нақд бўлмаган пул маблағлари, шу жумладан, электрон пуллар киради.

Бошқа мол-мулк деганда, кўчар ва кўчмас мулк тушунилиши лозим бўлиб, у мулкий ҳуқуқлар, нарсалар, қимматли қоғозлар, хизматлар, интеллектуал фаолият натижаларини, шу жумладан, уларга бўлган мутлақ ҳуқуқларни (интеллектуал мулк) ўз ичига олади.

Шуни назарда тутиш лозимки, Жиноий даромадларни легаллаштиришга қарши молиявий чораларни ишлаб чиқиш гуруҳининг (ФАТФ) 15-Тавсиясига кўра, жиноий фаолиятдан олинган даромадларга крипто-активлар (крипто-валюта) ҳам киритилиши мумкин»;

3-банди қуйидаги таҳрирда баён қилинсин:

«3. ЖК 243-моддаси мазмунига кўра, даромадларни легаллаштириш деганда, айбдор томонидан жиноий фаолиятдан олинган пул маблағлари ёки бошқа мол-мулкнинг келиб чиқишига уларни ўтказиш, мулкка айлантириш ёки алмаштириш, шунингдек, уларнинг асл хусусиятини, манбаини, турган жойини, тасарруф этиш, кўчириш усулини, пул маблағларига ёки бошқа мулкка нисбатан ҳақиқий эгалик ҳуқуқларини ёки унинг кимга қарашлилигини яшириш ёхуд сир сақлаш йўли билан қонуний тус берилиши тушунилиши лозим.

Жиноий фаолиятдан олинган пул маблағлари ёки бошқа мол-мулкнинг келиб чиқишига қонуний тус берилиши, одатда, бундай пул маблағлари ёки мулкка нисбатан молиявий операцияларни амалга ошириш ва/ёки битимлар тузишда ифодаланади.

Молиявий операцияларга пул маблағлари билан амалга ошириладиган ҳар қандай операциялар (нақд ва нақд пулсиз ҳисоб-китоблар, касса операциялари, шу жумладан, пул маблағларини ҳисобварағига киритиш, уларни турли банклардаги омонатларга бўлиб жойлаштириш, бошқа валютага ўтказиш, қимматли қоғозлар сотиб олиш, пул маблағларини чегарадан ташқарига ўтказиш ва кейинчалик уларни банкдаги омонатга қайта тушириш ва ҳ.к.).

Легаллаштириш амалга оширилиши мумкин бўлган битимларга, фуқаролик ҳуқуқ ва мажбуриятларини вужудга келтириш, ўзгартириш ёки тугатишга, шунингдек, фуқаролик ҳуқуқ ва мажбуриятларининг пайдо бўлганлиги ёки ўтганлиги тасаввурини шакллантиришга қаратилган (масалан, олди-сотди, қарз, ҳадя, гаров, ижара, айирбошлаш ва ҳ.к. шартномаларни тузиш) ҳаракатлар киради.

Қонун мазмунига кўра, жиноий йўл билан орттирилган пул маблағлари ёки бошқа мол-мулк билан ҳатто битта операция ёки битим амалга оширилган ҳолларда ҳам даромадларни легаллаштириш учун жавобгарлик келиб чиқади»;

қуйидаги мазмундаги 3.1-банд билан тўлдирилсин:

«3.1. Молиявий операциялар ўтказиш орқали содир этилган даромадларни легаллаштириш шахс жиноий йўл билан топилган пул маблағларидан товарлар учун ҳисоб-китоб қилишда ёки майдалашда фойдаланган ёхуд пул маблағларини ўтказиш ва ҳ.к. ҳақида банкка фармойиш тақдим этган (берган) вақтдан бошлаб тугалланган ҳисобланади.

Даромадларни легаллаштириш битим тузиш орқали амалга оширилган ҳолларда, жиноят айбдор шахс томонидан битим натижасида вужудга келган мажбуриятларнинг ҳеч бўлмаганда бир қисми бажарилган ёки ҳуқуқларнинг ҳеч бўлмаганда бир қисмидан фойдаланган пайтдан (масалан, айбдор томонидан шартнома бўйича бошқа тарафга легаллаштирилаётган пул маблағлари ёки бошқа мол-мулкни, битим бўйича мажбуриятни бошқа тараф бажарганлигидан қатъий назар, топширилган пайтдан) бошлаб тугалланган ҳисобланади.

Агар жиноий йўл билан топилган пул маблағлари ёки бошқа мол-мулкнинг келиб чиқишига қонуний тус бериш мақсадида, мулк билан фақат номигагина битим тузилган бўлиб, амалда у бўйича мулкни ўтказиш ёки хизматлар кўрсатиш (ишларни бажариш) назарда тутилмаган бўлса, ЖК 243-моддасида назарда тутилган жиноят айбдор ва бошқа шахс ўртасида шартнома расмийлаштирилган пайтдан (масалан, пул маблағлари жиноий йўл билан топилганлигини яшириш учун тузилган хизматларга ҳақ тўлаш тўғрисидаги шартнома имзоланган пайтдан) бошлаб тугалланган ҳисобланади»;

қуйидаги мазмундаги 3.2-банд билан тўлдирилсин:

«3.2. Шуни назарда тутиш лозимки, жиноий йўл билан топилган даромадларни легаллаштириш фактини исботлашда гумон қилинувчи, айбланувчи ёки бундай пул маблағлари ёки бошқа мол-мулк номига расмийлаштирилган учинчи шахсларда даромадларнинг қонуний манбалари мавжуд эмаслигидан далолат берувчи ҳолатлар шахс томонидан ЖК 243-моддасида назарда тутилган жиноятнинг объектив томонини ташкил этувчи ҳаракатлар содир этилганлигини тасдиқловчи далиллар мажмуи билан бирга инобатга олиниши лозим»;

4-банди қуйидаги таҳрирда баён қилинсин:

«4. Суднинг пул маблағлари ёки бошқа мол-мулк келиб чиқишининг жиноийлиги ҳақидаги хулосаси, жиноят ишидаги бошқа материаллар билан бир қаторда, қуйидагиларга асосланиши мумкин:

асосий жиноят бўйича чиқарилган айблов ҳукмига;

ЖПК 84-моддасида назарда тутилган асосларга кўра, ишнинг асосий жиноят бўйича тугатиш тўғрисидаги дастлабки тергов органи қарори ёки суднинг ажримига, башарти жиноят иши материалларида асосий жиноят ҳодисаси ва жиноят таркиби борлиги тўғрисида далиллар мавжуд бўлса»;

7-бандининг биринчи хатбошиси «шахсга» деган сўздан кейин «асосий» деган сўз билан тўлдирилсин;

10-бандидаги «Қорақалпоғистон Республикаси жиноят ишлари бўйича суди, жиноят ишлари бўйича вилоят ва унга тенглаштирилган судлар» деган сўзлар «Қорақалпоғистон Республикаси суди, вилоятлар, Тошкент шаҳар судлари, Ўзбекистон Республикаси Ҳарбий суди» деган сўзлар билан алмаштирилсин.

2. Ўзбекистон Республикаси Олий суди Пленумининг «Фуқаролик ва жиноят ишлари бўйича суд ишларини юритиш соҳасида халқаро ҳамкорликнинг айрим масалалари тўғрисида» 2012 йил 25 майдаги 06-сонли қарори :

қуйидаги мазмундаги 3.1-банд билан тўлдирилсин:

«3.1. ЖК 12-моддасининг учинчи қисмига мувофиқ шахснинг Ўзбекистон Республикаси юрисдикциясида бўлиши-бўла олмаслиги масаласини аниқлашда, жиноятчиликка қарши кураш ва жиноий суд ишларини юритиш соҳасидаги Ўзбекистон Республикаси халқаро шартномаларининг юрисдикцияга оид қоидаларидан келиб чиқиш лозим.

Хусусан, Терроризмни молиялаштиришга қарши кураш тўғрисидаги халқаро конвенциясининг 7-моддаси қоидаларига кўра, чет эл фуқароси ёки Ўзбекистонда доимий яшамайдиган фуқаролиги бўлмаган шахс республика ҳудуди ташқарисида содир этган жинояти учун, агарда, масалан, Ўзбекистонда бўлиб, бошқа давлат-Конвенция иштирокчисига ушлаб берилиши мумкин бўлмаса Ўзбекистон ЖК бўйича жавобгарликка тортилиши мумкин. Ўхшаш нормалар БМТ Гиёҳвандлик воситалари ва психотроп моддаларни ғайриқонуний равишда муомалага киритишга қарши кураш тўғрисида 1988 йил 20 декабрдаги конвенциясининг 4-моддаси, Трансмиллий уюшган жиноятчиликка қарши конвенциясининг 15-моддаси ва бошқа шартномаларда назарда тутилган»;

5-банди :

иккинчи хатбошиси «ҳамда» деган сўздан кейин «суд,» деган сўзлар билан тўлдирилсин;

ўнинчи хатбошиси «суд қарорларини,» деган сўзлардан кейин «ижро ёзувларини,» деган сўзлар билан тўлдирилсин;

9-бандининг биринчи хатбошиси қуйидаги таҳрирда баён қилинсин:

«Қидирувда бўлган шахс хорижий давлат ҳудудида аниқланганда, уни ушлаш, ҳибсга олиш, ушлаб бериш ва этап қилиш масаласи унга нисбатан қидирув эълон қилган суд томонидан ажрим чиқариш ва тегишли ҳужжатларни, шу жумладан, шахсни жиноят ишида айбланувчи тариқасида иштирок этишга жалб қилиш ҳақидаги қарор, суднинг эҳтиёт чорасини қўллаш тўғрисидаги ажрими, қонуний кучга кирган суднинг ҳукми, шунингдек, ўталмаган жазо муддати ҳақидаги маълумотномани тасдиқланган нусхаларни расмийлаштириш йўли билан ҳал қилинади»;

10-банди :

иккинчи хатбошисидаги «ЖПК 418 ва 481-моддалари» деган сўзлар «ЖПК 418-моддаси» деган сўзлар билан алмаштирилсин;

учинчи хатбошиси «қайта квалификация қилиш» деган сўзлардан кейин «, шунингдек айбловдан ЖКнинг бирор-бир моддасини чиқариш» деган сўзлар билан тўлдирилсин;

12-банди «ўта хавфли рецидивист деб топиш» деган сўзлардан кейин «, жавобгарликни ёки жазони оғирлаштирадиган ҳолатлар, шу билан бирга жазони ижро этиш колония турини белгилашда инобатга олиш» деган сўзлар билан тўлдирилсин».

3. Ўзбекистон Республикаси Олий суди Пленумининг «Жиноят натижасида етказилган мулкий зиённи қоплашга оид қонунчиликни қўллаш бўйича суд амалиёти тўғрисида» 2016 йил 27 декабрдаги 26-сонли қарори :

5-банди :

қуйидаги мазмундаги иккинчи хатбоши билан тўлдирилсин:

«ЖПК 290-моддаси мазмунига кўра, гумонланувчи ва айбланувчига тегишли, учинчи шахсларда бўлган мол-мулкка ҳам, башарти иш бўйича иш юритиш давомида ушбу мулк амалда гумонланувчи ёки айбланувчига тегишли деб ҳисоблашга етарли асослар бўлса, тақиқ солиниши мумкин»;

иккинчи ва учинчи хатбошилари тегишинча учинчи ва тўртинчи хатбошилар деб ҳисоблансин;

6-бандининг биринчи хатбошиси қуйидаги таҳрирда баён қилинсин:

«Жиноят ишини кўриш учун тайинлашда суд жиноят натижасида етказилган зарарни қоплаш чоралари кўрилганлиги, фуқаровий даъво киритилганлигини аниқлаши лозим. Агарда суриштирув, дастлабки тергов органи, прокурор томонидан бундай чоралар кўрилмаган бўлса, судья ЖПК 290, 396-моддаларига асосан, ўз ташаббуси билан бундай чораларни кўради, бироқ суд бундай чораларни бевосита кўриш имкониятига эга бўлмаса, суриштирувчи ёки терговчига зарур чораларни кўриш мажбуриятини юклаш бўйича ажрим чиқаради (ЖПК 398-моддаси)»;

8-банди :

учинчи хатбошидаги «ёки назорат» деган сўзлар чиқариб ташлансин;

қуйидаги мазмундаги тўртинчи хатбоши билан тўлдирилсин:

«Судларнинг эътибори шунга қаратилсинки, ФК 163-моддасига мувофиқ, жиноят натижасида етказилган мулкий зиённи талаб қилишда даъво муддати қўлланилмайди»;

11-банди :

иккинчи хатбошисидаги «Ўзбекистон Республикаси давлат мулк қўмитасининг 2006 йил 14 июндаги 01/19-19, 01/19-20, 01/19-21 сонли қарори» деган сўзлар «Ўзбекистон Республикаси Адлия вазирлиги томонидан 2020 йил 4 июль куни 3239-сон билан рўйхатдан ўтказилган, Ўзбекистон Республикаси Давлат активларини бошқариш Агентлиги директорининг 2020 йил 1 майдаги 01/11-15/62-сон буйруғи» деган сўзлар билан алмаштирилсин;

учинчи хатбошиси «бартараф этишлари» деган сўзлардан кейин «, шунингдек, қўшимча ва қайта суд экспертизасини тайинлашлари» деган сўзлар билан тўлдирилсин;

18-бандининг биринчи хатбошисидаги «ёки назорат» деган сўзлар чиқариб ташлансин;

19-банди :

биринчи хатбошисидаги «ФПК 60-моддаси учинчи қисми» деган сўзлар «ФПК 75-моддаси тўртинчи қисми» деган сўзлар билан алмаштирилсин;

иккинчи хатбошиси чиқариб ташлансин;

20-банди :

биринчи хатбошисидаги «ФПК 377-моддасида» деган сўзлар «ФПК 451-моддасида» деган сўзлар билан алмаштирилсин;

иккинчи хатбошисидаги «ФПК 379-моддасида» деган сўзлар «ФПК 453-моддасида» деган сўзлар билан алмаштирилсин;

21-бандидаги «жиноят ва фуқаролик ишлари бўйича Қорақалпоғистон Республикаси судлари, жиноят ва фуқаролик ишлари бўйича вилоят ва унга тенглаштирилган судлар» деган сўзлар «Қорақалпоғистон Республикаси суди, вилоятлар, Тошкент шаҳар судлари, Ўзбекистон Республикаси Ҳарбий суди» деган сўзлар билан алмаштирилсин.

4. Ўзбекистон Республикаси Олий суди Пленумининг «Судлар томонидан маъмурий ҳуқуқбузарлик тўғрисидаги ишларни кўришни тартибга солувчи қонунларни қўллашнинг айрим масалалари тўғрисида» 2018 йил 30 ноябрдаги 35-сонли қарори :

16-банди :

биринчи хатбошиси «озод қилиниши» деган сўзлардан кейин «(МЖтК 21-моддаси)» деган сўзлар билан тўлдирилсин;

иккинчи хатбошиси куйидаги таҳрирда баён қилинсин:

«МЖтКда кам аҳамиятли ҳуқуқбузарлик тушунчаси очиб берилмаганлиги туфайли, содир этилган ҳуқуқбузарликни бундай деб топиш масаласи суд томонидан ишнинг муайян ҳолатлари, ҳуқуқбузарликнинг хусусияти, шу жумладан, МЖтК билан қўриқланадиган ижтимоий муносабатлар жиддий тарзда бузилган-бузилмаганлигидан, айбдорнинг шахси, ҳуқуқбузарлик оқибатида етказилган моддий ёки қопланган маънавий зарар миқдоридан келиб чиққан ҳолда ҳал этилиши лозим»;

қуйидаги мазмундаги учинчи хатбоши билан тўлдирилсин:

«Айрим маъмурий ҳуқуқбузарликларнинг объектив томонини ташкил этувчи ҳаракатлар МЖтК билан қўриқланадиган жамоат муносабатларини жиддий бузишини инобатга олиб, бундай ҳуқуқбузарликлар ҳеч бир ҳолда ҳам кам аҳамиятли деб топилиши мумкин эмас. Бундай ҳуқуқбузарликларга, жумладан, МЖтК 54-моддаси иккинчи қисми, 99, 131-моддалари, 135-моддаси иккинчи ва учинчи қисмлари, 136-моддасида назарда тутилган ҳуқуқбузарликлар киради»;

учинчи хатбошиси тегишинча тўртинчи хатбоши деб ҳисоблансин;

20-бандининг иккинчи хатбошиси «сабаблари» деган сўздан кейин «(масалан, маъмурий жавобгарликни енгиллаштирувчи, шунингдек, ҳуқуқбузарнинг оғир моддий аҳволдалигидан далолат берувчи ҳолатлар)» деган сўзлар билан тўлдирилсин;

30-банди қуйидаги таҳрирда баён этилсин:

«30. Ўзбекистон Республикаси Олий судининг жиноят ишлари бўйича судлов ҳайъати, вилоятлар ва уларга тенглаштирилган судлар:

маъмурий ҳуқуқбузарлик тўғрисидаги ишларни тўғри ва муддатида кўриб чиқилиши устидан назоратни кучайтирсин;

маъмурий ҳуқуқбузарлик тўғрисидаги ишларни кўришда судлар томонидан маъмурий жазо чораларини тайинлашга доир қонун нормаларининг тўғри қўлланилишини таъминласин;

қуйи судларга амалий ёрдам кўрсатиб, мазкур тоифага оид ишлар, шу жумладан, маъмурий жазо чораларини тайинлаш бўйича суд амалиётини мунтазам умумлаштириб борсин ва йўл қўйилган хатоларни бартараф этиш юзасидан чоралар кўрсин».

Ўзбекистон Республикаси Олий суди раиси К. КАМИЛОВ

Пленум котиби, Олий суд судьяси И. АЛИМОВ

Тошкент ш.,

2021 йил 10 июнь,

23-сон

lex.uz

Oʻzbekiston Respublikasi Oliy sudi Plenumining

Qarori

Oʻzbekiston Respublikasi Oliy sudi Plenumining ayrim qarorlariga oʻzgartirish va qoʻshimchalar kiritish toʻgʻrisida

Qonunchilikka oʻzgartirish va qoʻshimchalar kiritilganligi, shuningdek, sud amaliyotida masalalar kelib chiqqanligi munosabati bilan, “Sudlar toʻgʻrisida”gi Qonunning 17-moddasiga asosan, Oʻzbekiston Respublikasi Oliy sudi Plenumi qaror qiladi:

Oʻzbekiston Respublikasi Oliy sudi Plenumining quyidagi qarorlariga oʻzgartirish va qoʻshimchalar kiritilsin:

1. Oʻzbekiston Respublikasi Oliy sudi Plenumining “Jinoiy faoliyatdan olingan daromadlarni legallashtirishga oid ishlar boʻyicha sud amaliyotining ayrim masalalari toʻgʻrisida” 2011-yil 11-fevraldagi 1-sonli qarori :

1-bandining rus tili matnidagi “natsionalnim interesam” degan soʻzlar “natsionalnoy bezopasnosti” degan soʻzlar bilan almashtirilsin;

2-bandi quyidagi tahrirda bayon qilinsin:

“2. Sudlarga tushuntirilsinki, JK 243-moddasida nazarda tutilgan daromadlarni legallashtirish tariqasidagi jinoyatning predmeti bu jinoiy faoliyat natijasida topilgan pul mablagʻlari yoki boshqa mol-mulk hisoblanadi. Qonun mazmuniga koʻra, ushbu pul mablagʻlari yoki boshqa mol-mulk ularni legallashtirishdan oldin qasddan sodir etilgan ijtimoiy-xavfli qilmish (bundan buyon matnda asosiy jinoyat deb yuritiladi) orqali topiladi.

Asosiy jinoyatlarga, jumladan, quyidagilar kiradi:

shaxsga qarshi haq evaziga sodir etiladigan jinoyatlar (masalan, gʻaraz niyatlarda odam oʻldirish, fohishaxonalar saqlash, odam savdosi);

iqtisodiyot sohasidagi jinoyatlar (masalan, oʻgʻirlik, bosqinchilik, tovlamachilik, talonchilik, firibgarlik, oʻzlashtirish yoki rastrata qilish yoʻli bilan talon-toroj qilish, soliqlar yoki boshqa majburiy toʻlovlarni toʻlashdan boʻyin tovlash);

hokimiyat, boshqaruv va jamoat birlashmalari organlari faoliyat tartibiga qarshi jinoyatlar (masalan, pora olish, qonunga xilof ravishda mulkiy manfaatdor boʻlish);

jamoat xavfsizligi va jamoat tartibiga qarshi jinoyatlar (masalan, kontrabanda, oʻqotar qurol yoki kuchli taʼsir qiluvchi moddalarni, giyohvandlik vositalari bilan qonunga xilof ravishda muomala qilish va h.k.).

Bunda bir yoki bir necha asosiy jinoyat sodir etilganligi, ular alohida bir shaxs, uyushgan guruh yoki jinoiy uyushma tomonidan, Oʻzbekiston Respublikasi yoxud boshqa mamlakat hududida sodir etilganligi, legallashtirilayotgan mulk sodir etilgan jinoyat natijasida bevosita yoki bilvosita qoʻlga kiritilganligi ahamiyat kasb etmaydi”;

quyidagi mazmundagi 2.1-band bilan toʻldirilsin:

“2.1. “Jinoiy faoliyatdan olingan daromadlar” atamasi Oʻzbekiston Respublikasining “Jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish toʻgʻrisida”gi Qonunining 3-moddasiga muvofiq, jumladan, quyidagilarni oʻz ichiga oladi:

jinoiy yoʻl bilan topilgan pul mablagʻlari yoki boshqa mol-mulkdan foydalanish natijasida olingan daromad yoki foyda (daromaddan daromad);

jinoiy yoʻl bilan topilgan pul mablagʻlari yoki mol-mulk boshqa mulkka aylantirilgan yoki oʻzgartirilgan (masalan, koʻchmas mulkni jinoiy yoʻl bilan topilgan qurilish materiallaridan barpo etish);

jinoiy yoʻl bilan orttirilgan pul mablagʻlari yoki boshqa mol-mulkni qonuniy manbalar hisobidan topilgan mol-mulkka qoʻshish yoʻli bilan olingan mol-mulk. Bunday hollarda mol-mulkning faqat qoʻshilgan pul summasi yoki qoʻshilgan mol-mulk qiymatiga tegishli qismigina jinoiy yoʻl bilan topilgan deb eʼtirof etiladi.

Pul mablagʻlariga milliy yoki chet el valyutasi tariqasidagi naqd pullar, shuningdek naqd boʻlmagan pul mablagʻlari, shu jumladan, elektron pullar kiradi.

Boshqa mol-mulk deganda, koʻchar va koʻchmas mulk tushunilishi lozim boʻlib, u mulkiy huquqlar, narsalar, qimmatli qogʻozlar, xizmatlar, intellektual faoliyat natijalarini, shu jumladan, ularga boʻlgan mutlaq huquqlarni (intellektual mulk) oʻz ichiga oladi.

Shuni nazarda tutish lozimki, Jinoiy daromadlarni legallashtirishga qarshi moliyaviy choralarni ishlab chiqish guruhining (FATF) 15-Tavsiyasiga koʻra, jinoiy faoliyatdan olingan daromadlarga kripto-aktivlar (kripto-valyuta) ham kiritilishi mumkin”;

3-bandi quyidagi tahrirda bayon qilinsin:

“3. JK 243-moddasi mazmuniga koʻra, daromadlarni legallashtirish deganda, aybdor tomonidan jinoiy faoliyatdan olingan pul mablagʻlari yoki boshqa mol-mulkning kelib chiqishiga ularni oʻtkazish, mulkka aylantirish yoki almashtirish, shuningdek, ularning asl xususiyatini, manbaini, turgan joyini, tasarruf etish, koʻchirish usulini, pul mablagʻlariga yoki boshqa mulkka nisbatan haqiqiy egalik huquqlarini yoki uning kimga qarashliligini yashirish yoxud sir saqlash yoʻli bilan qonuniy tus berilishi tushunilishi lozim.

Jinoiy faoliyatdan olingan pul mablagʻlari yoki boshqa mol-mulkning kelib chiqishiga qonuniy tus berilishi, odatda, bunday pul mablagʻlari yoki mulkka nisbatan moliyaviy operatsiyalarni amalga oshirish va/yoki bitimlar tuzishda ifodalanadi.

Moliyaviy operatsiyalarga pul mablagʻlari bilan amalga oshiriladigan har qanday operatsiyalar (naqd va naqd pulsiz hisob-kitoblar, kassa operatsiyalari, shu jumladan, pul mablagʻlarini hisobvaragʻiga kiritish, ularni turli banklardagi omonatlarga boʻlib joylashtirish, boshqa valyutaga oʻtkazish, qimmatli qogʻozlar sotib olish, pul mablagʻlarini chegaradan tashqariga oʻtkazish va keyinchalik ularni bankdagi omonatga qayta tushirish va h.k.).

Legallashtirish amalga oshirilishi mumkin boʻlgan bitimlarga, fuqarolik huquq va majburiyatlarini vujudga keltirish, oʻzgartirish yoki tugatishga, shuningdek, fuqarolik huquq va majburiyatlarining paydo boʻlganligi yoki oʻtganligi tasavvurini shakllantirishga qaratilgan (masalan, oldi-sotdi, qarz, hadya, garov, ijara, ayirboshlash va h.k. shartnomalarni tuzish) harakatlar kiradi.

Qonun mazmuniga koʻra, jinoiy yoʻl bilan orttirilgan pul mablagʻlari yoki boshqa mol-mulk bilan hatto bitta operatsiya yoki bitim amalga oshirilgan hollarda ham daromadlarni legallashtirish uchun javobgarlik kelib chiqadi”;

quyidagi mazmundagi 3.1-band bilan toʻldirilsin:

“3.1. Moliyaviy operatsiyalar oʻtkazish orqali sodir etilgan daromadlarni legallashtirish shaxs jinoiy yoʻl bilan topilgan pul mablagʻlaridan tovarlar uchun hisob-kitob qilishda yoki maydalashda foydalangan yoxud pul mablagʻlarini oʻtkazish va h.k. haqida bankka farmoyish taqdim etgan (bergan) vaqtdan boshlab tugallangan hisoblanadi.

Daromadlarni legallashtirish bitim tuzish orqali amalga oshirilgan hollarda, jinoyat aybdor shaxs tomonidan bitim natijasida vujudga kelgan majburiyatlarning hech boʻlmaganda bir qismi bajarilgan yoki huquqlarning hech boʻlmaganda bir qismidan foydalangan paytdan (masalan, aybdor tomonidan shartnoma boʻyicha boshqa tarafga legallashtirilayotgan pul mablagʻlari yoki boshqa mol-mulkni, bitim boʻyicha majburiyatni boshqa taraf bajarganligidan qatʼiy nazar, topshirilgan paytdan) boshlab tugallangan hisoblanadi.

Agar jinoiy yoʻl bilan topilgan pul mablagʻlari yoki boshqa mol-mulkning kelib chiqishiga qonuniy tus berish maqsadida, mulk bilan faqat nomigagina bitim tuzilgan boʻlib, amalda u boʻyicha mulkni oʻtkazish yoki xizmatlar koʻrsatish (ishlarni bajarish) nazarda tutilmagan boʻlsa, JK 243-moddasida nazarda tutilgan jinoyat aybdor va boshqa shaxs oʻrtasida shartnoma rasmiylashtirilgan paytdan (masalan, pul mablagʻlari jinoiy yoʻl bilan topilganligini yashirish uchun tuzilgan xizmatlarga haq toʻlash toʻgʻrisidagi shartnoma imzolangan paytdan) boshlab tugallangan hisoblanadi”;

quyidagi mazmundagi 3.2-band bilan toʻldirilsin:

“3.2. Shuni nazarda tutish lozimki, jinoiy yoʻl bilan topilgan daromadlarni legallashtirish faktini isbotlashda gumon qilinuvchi, ayblanuvchi yoki bunday pul mablagʻlari yoki boshqa mol-mulk nomiga rasmiylashtirilgan uchinchi shaxslarda daromadlarning qonuniy manbalari mavjud emasligidan dalolat beruvchi holatlar shaxs tomonidan JK 243-moddasida nazarda tutilgan jinoyatning obyektiv tomonini tashkil etuvchi harakatlar sodir etilganligini tasdiqlovchi dalillar majmui bilan birga inobatga olinishi lozim”;

4-bandi quyidagi tahrirda bayon qilinsin:

“4. Sudning pul mablagʻlari yoki boshqa mol-mulk kelib chiqishining jinoiyligi haqidagi xulosasi, jinoyat ishidagi boshqa materiallar bilan bir qatorda, quyidagilarga asoslanishi mumkin:

asosiy jinoyat boʻyicha chiqarilgan ayblov hukmiga;

JPK 84-moddasida nazarda tutilgan asoslarga koʻra, ishning asosiy jinoyat boʻyicha tugatish toʻgʻrisidagi dastlabki tergov organi qarori yoki sudning ajrimiga, basharti jinoyat ishi materiallarida asosiy jinoyat hodisasi va jinoyat tarkibi borligi toʻgʻrisida dalillar mavjud boʻlsa”;

7-bandining birinchi xatboshisi “shaxsga” degan soʻzdan keyin “asosiy” degan soʻz bilan toʻldirilsin;

10-bandidagi “Qoraqalpogʻiston Respublikasi jinoyat ishlari boʻyicha sudi, jinoyat ishlari boʻyicha viloyat va unga tenglashtirilgan sudlar” degan soʻzlar “Qoraqalpogʻiston Respublikasi sudi, viloyatlar, Toshkent shahar sudlari, Oʻzbekiston Respublikasi Harbiy sudi” degan soʻzlar bilan almashtirilsin.

2. Oʻzbekiston Respublikasi Oliy sudi Plenumining “Fuqarolik va jinoyat ishlari boʻyicha sud ishlarini yuritish sohasida xalqaro hamkorlikning ayrim masalalari toʻgʻrisida” 2012-yil 25-maydagi 06-sonli qarori :

quyidagi mazmundagi 3.1-band bilan toʻldirilsin:

“3.1. JK 12-moddasining uchinchi qismiga muvofiq shaxsning Oʻzbekiston Respublikasi yurisdiksiyasida boʻlishi-boʻla olmasligi masalasini aniqlashda, jinoyatchilikka qarshi kurash va jinoiy sud ishlarini yuritish sohasidagi Oʻzbekiston Respublikasi xalqaro shartnomalarining yurisdiksiyaga oid qoidalaridan kelib chiqish lozim.

Xususan, Terrorizmni moliyalashtirishga qarshi kurash toʻgʻrisidagi xalqaro konvensiyasining 7-moddasi qoidalariga koʻra, chet el fuqarosi yoki Oʻzbekistonda doimiy yashamaydigan fuqaroligi boʻlmagan shaxs respublika hududi tashqarisida sodir etgan jinoyati uchun, agarda, masalan, Oʻzbekistonda boʻlib, boshqa davlat-Konvensiya ishtirokchisiga ushlab berilishi mumkin boʻlmasa Oʻzbekiston JK boʻyicha javobgarlikka tortilishi mumkin. Oʻxshash normalar BMT Giyohvandlik vositalari va psixotrop moddalarni gʻayriqonuniy ravishda muomalaga kiritishga qarshi kurash toʻgʻrisida 1988-yil 20-dekabrdagi konvensiyasining 4-moddasi, Transmilliy uyushgan jinoyatchilikka qarshi konvensiyasining 15-moddasi va boshqa shartnomalarda nazarda tutilgan”;

5-bandi :

ikkinchi xatboshisi “hamda” degan soʻzdan keyin “sud,” degan soʻzlar bilan toʻldirilsin;

oʻninchi xatboshisi “sud qarorlarini,” degan soʻzlardan keyin “ijro yozuvlarini,” degan soʻzlar bilan toʻldirilsin;

9-bandining birinchi xatboshisi quyidagi tahrirda bayon qilinsin:

“Qidiruvda boʻlgan shaxs xorijiy davlat hududida aniqlanganda, uni ushlash, hibsga olish, ushlab berish va etap qilish masalasi unga nisbatan qidiruv eʼlon qilgan sud tomonidan ajrim chiqarish va tegishli hujjatlarni, shu jumladan, shaxsni jinoyat ishida ayblanuvchi tariqasida ishtirok etishga jalb qilish haqidagi qaror, sudning ehtiyot chorasini qoʻllash toʻgʻrisidagi ajrimi, qonuniy kuchga kirgan sudning hukmi, shuningdek, oʻtalmagan jazo muddati haqidagi maʼlumotnomani tasdiqlangan nusxalarni rasmiylashtirish yoʻli bilan hal qilinadi”;

10-bandi :

ikkinchi xatboshisidagi “JPK 418 va 481-moddalari” degan soʻzlar “JPK 418-moddasi” degan soʻzlar bilan almashtirilsin;

uchinchi xatboshisi “qayta kvalifikatsiya qilish” degan soʻzlardan keyin “, shuningdek ayblovdan JKning biror-bir moddasini chiqarish” degan soʻzlar bilan toʻldirilsin;

12-bandi “oʻta xavfli retsidivist deb topish” degan soʻzlardan keyin “, javobgarlikni yoki jazoni ogʻirlashtiradigan holatlar, shu bilan birga jazoni ijro etish koloniya turini belgilashda inobatga olish” degan soʻzlar bilan toʻldirilsin”.

3. Oʻzbekiston Respublikasi Oliy sudi Plenumining “Jinoyat natijasida yetkazilgan mulkiy ziyonni qoplashga oid qonunchilikni qoʻllash boʻyicha sud amaliyoti toʻgʻrisida” 2016-yil 27-dekabrdagi 26-sonli qarori :

5-bandi :

quyidagi mazmundagi ikkinchi xatboshi bilan toʻldirilsin:

“JPK 290-moddasi mazmuniga koʻra, gumonlanuvchi va ayblanuvchiga tegishli, uchinchi shaxslarda boʻlgan mol-mulkka ham, basharti ish boʻyicha ish yuritish davomida ushbu mulk amalda gumonlanuvchi yoki ayblanuvchiga tegishli deb hisoblashga yetarli asoslar boʻlsa, taqiq solinishi mumkin”;

ikkinchi va uchinchi xatboshilari tegishincha uchinchi va toʻrtinchi xatboshilar deb hisoblansin;

6-bandining birinchi xatboshisi quyidagi tahrirda bayon qilinsin:

“Jinoyat ishini koʻrish uchun tayinlashda sud jinoyat natijasida yetkazilgan zararni qoplash choralari koʻrilganligi, fuqaroviy daʼvo kiritilganligini aniqlashi lozim. Agarda surishtiruv, dastlabki tergov organi, prokuror tomonidan bunday choralar koʻrilmagan boʻlsa, sudya JPK 290, 396-moddalariga asosan, oʻz tashabbusi bilan bunday choralarni koʻradi, biroq sud bunday choralarni bevosita koʻrish imkoniyatiga ega boʻlmasa, surishtiruvchi yoki tergovchiga zarur choralarni koʻrish majburiyatini yuklash boʻyicha ajrim chiqaradi (JPK 398-moddasi)”;

8-bandi :

uchinchi xatboshidagi “yoki nazorat” degan soʻzlar chiqarib tashlansin;

quyidagi mazmundagi toʻrtinchi xatboshi bilan toʻldirilsin:

“Sudlarning eʼtibori shunga qaratilsinki, FK 163-moddasiga muvofiq, jinoyat natijasida yetkazilgan mulkiy ziyonni talab qilishda daʼvo muddati qoʻllanilmaydi”;

11-bandi :

ikkinchi xatboshisidagi “Oʻzbekiston Respublikasi davlat mulk qoʻmitasining 2006-yil 14-iyundagi 01/19-19, 01/19-20, 01/19-21 sonli qarori” degan soʻzlar “Oʻzbekiston Respublikasi Adliya vazirligi tomonidan 2020-yil 4-iyul kuni 3239-son bilan roʻyxatdan oʻtkazilgan, Oʻzbekiston Respublikasi Davlat aktivlarini boshqarish Agentligi direktorining 2020-yil 1-maydagi 01/11-15/62-son buyrugʻi” degan soʻzlar bilan almashtirilsin;

uchinchi xatboshisi “bartaraf etishlari” degan soʻzlardan keyin “, shuningdek, qoʻshimcha va qayta sud ekspertizasini tayinlashlari” degan soʻzlar bilan toʻldirilsin;

18-bandining birinchi xatboshisidagi “yoki nazorat” degan soʻzlar chiqarib tashlansin;

19-bandi :

birinchi xatboshisidagi “FPK 60-moddasi uchinchi qismi” degan soʻzlar “FPK 75-moddasi toʻrtinchi qismi” degan soʻzlar bilan almashtirilsin;

ikkinchi xatboshisi chiqarib tashlansin;

20-bandi :

birinchi xatboshisidagi “FPK 377-moddasida” degan soʻzlar “FPK 451-moddasida” degan soʻzlar bilan almashtirilsin;

ikkinchi xatboshisidagi “FPK 379-moddasida” degan soʻzlar “FPK 453-moddasida” degan soʻzlar bilan almashtirilsin;

21-bandidagi “jinoyat va fuqarolik ishlari boʻyicha Qoraqalpogʻiston Respublikasi sudlari, jinoyat va fuqarolik ishlari boʻyicha viloyat va unga tenglashtirilgan sudlar” degan soʻzlar “Qoraqalpogʻiston Respublikasi sudi, viloyatlar, Toshkent shahar sudlari, Oʻzbekiston Respublikasi Harbiy sudi” degan soʻzlar bilan almashtirilsin.

4. Oʻzbekiston Respublikasi Oliy sudi Plenumining “Sudlar tomonidan maʼmuriy huquqbuzarlik toʻgʻrisidagi ishlarni koʻrishni tartibga soluvchi qonunlarni qoʻllashning ayrim masalalari toʻgʻrisida” 2018-yil 30-noyabrdagi 35-sonli qarori :

16-bandi :

birinchi xatboshisi “ozod qilinishi” degan soʻzlardan keyin “(MJtK 21-moddasi)” degan soʻzlar bilan toʻldirilsin;

ikkinchi xatboshisi kuyidagi tahrirda bayon qilinsin:

“MJtKda kam ahamiyatli huquqbuzarlik tushunchasi ochib berilmaganligi tufayli, sodir etilgan huquqbuzarlikni bunday deb topish masalasi sud tomonidan ishning muayyan holatlari, huquqbuzarlikning xususiyati, shu jumladan, MJtK bilan qoʻriqlanadigan ijtimoiy munosabatlar jiddiy tarzda buzilgan-buzilmaganligidan, aybdorning shaxsi, huquqbuzarlik oqibatida yetkazilgan moddiy yoki qoplangan maʼnaviy zarar miqdoridan kelib chiqqan holda hal etilishi lozim”;

quyidagi mazmundagi uchinchi xatboshi bilan toʻldirilsin:

“Ayrim maʼmuriy huquqbuzarliklarning obyektiv tomonini tashkil etuvchi harakatlar MJtK bilan qoʻriqlanadigan jamoat munosabatlarini jiddiy buzishini inobatga olib, bunday huquqbuzarliklar hech bir holda ham kam ahamiyatli deb topilishi mumkin emas. Bunday huquqbuzarliklarga, jumladan, MJtK 54-moddasi ikkinchi qismi, 99, 131-moddalari, 135-moddasi ikkinchi va uchinchi qismlari, 136-moddasida nazarda tutilgan huquqbuzarliklar kiradi”;

uchinchi xatboshisi tegishincha toʻrtinchi xatboshi deb hisoblansin;

20-bandining ikkinchi xatboshisi “sabablari” degan soʻzdan keyin “(masalan, maʼmuriy javobgarlikni yengillashtiruvchi, shuningdek, huquqbuzarning ogʻir moddiy ahvoldaligidan dalolat beruvchi holatlar)” degan soʻzlar bilan toʻldirilsin;

30-bandi quyidagi tahrirda bayon etilsin:

“30. Oʻzbekiston Respublikasi Oliy sudining jinoyat ishlari boʻyicha sudlov hayʼati, viloyatlar va ularga tenglashtirilgan sudlar:

maʼmuriy huquqbuzarlik toʻgʻrisidagi ishlarni toʻgʻri va muddatida koʻrib chiqilishi ustidan nazoratni kuchaytirsin;

maʼmuriy huquqbuzarlik toʻgʻrisidagi ishlarni koʻrishda sudlar tomonidan maʼmuriy jazo choralarini tayinlashga doir qonun normalarining toʻgʻri qoʻllanilishini taʼminlasin;

quyi sudlarga amaliy yordam koʻrsatib, mazkur toifaga oid ishlar, shu jumladan, maʼmuriy jazo choralarini tayinlash boʻyicha sud amaliyotini muntazam umumlashtirib borsin va yoʻl qoʻyilgan xatolarni bartaraf etish yuzasidan choralar koʻrsin”.

Oʻzbekiston Respublikasi Oliy sudi raisi K. KAMILOV

Plenum kotibi, Oliy sud sudyasi I. ALIMOV

Toshkent sh.,

2021-yil 10-iyun,

23-son

lex.uz

Пленума Верховного суда Республики Узбекистан

Постановление

О внесении изменений и дополнений в некоторые постановления Пленума Верховного суда Республики Узбекистан

В связи с изменениями и дополнениями, внесенными в законодательство, а также вопросами, возникшими в судебной практике, на основании статьи 17 Закона «О судах» Пленум Верховного суда Республики Узбекистан посстановляет:

Внести изменения и дополнения в следующие постановления Пленума Верховного суда Республики Узбекистан:

1. Постановление Пленума Верховного суда Республики Узбекистан от 11 февраля 2011 года № 1 «О некоторых вопросах судебной практики по делам о легализации доходов, полученных от преступной деятельности»:

в пункте 1 текста на русском языке слова «национальным интересам» заменить словами «национальной безопасности»;

пункт 2 изложить в следующей редакции:

«2. Разъяснить судам, что предметом преступления, предусмотренного статьей 243 УК, являются денежные средства или иное имущество, добытое в результате преступной деятельности. По смыслу закона эти денежные средства или иное имущество, добываются посредством совершения умышленного общественно-опасного деяния, предшествовавшего их легализации (далее – основное преступление).

К основным, в частности, относятся преступления:

против личности, совершаемые за материальное вознаграждение (например, убийство из корыстных побуждений, содержание притонов, торговля людьми);

в сфере экономики (например, кража, разбой, вымогательство, грабеж, мошенничество, хищение путем присвоения или растраты, уклонение от уплаты налогов или других обязательных платежей );

против порядка функционирования органов власти, управления и общественных объединений (например, получение взятки, получение незаконного вознаграждения);

против общественной безопасности и общественного порядка (например, контрабанда, незаконный сбыт огнестрельного оружия или сильнодействующих веществ, незаконный оборот наркотических средств и т.д.).

При этом не имеет значения, имело ли место одно или несколько основных преступлений, совершены ли они со стороны отдельно взятого лица, организованной группы или преступного сообщества, на территории Республики Узбекистан либо другой страны, добыто ли легализуемое имущество в результате совершения преступления прямо или косвенно»;

дополнить пунктом 2.1 следующего содержания:

«2.1. Термин «доходы, полученные от преступной деятельности» в соответствии со статьей 3 Закона Республики Узбекистан «О противодействии легализации доходов, полученных от преступной деятельности, финансированию терроризма и финансированию распространению оружия массового уничтожения», включает, в том числе:

прибыль или выгоду, полученную от использования денежных средств или иного имущества, полученных преступным путем (доходы от доходов);

имущество, в которое денежные средства или имущество, полученные преступным путем, были превращены или преобразованы (например, сооружение недвижимости из стройматериалов, приобретенных преступным путем);

имущество, полученное путем приобщения денежных средств или иного имущества, приобретенных преступным путем, к имуществу, приобретенному за счет законных источников. В таких случаях имущество признается добытым преступным путем лишь в части, соответствующей сумме приобщенных денег или стоимости приобщенного имущества.

К денежным средствам относятся наличные деньги в национальной или иностранной валюте, а также безналичные денежные средства, в том числе электронные деньги.

Под иным имуществом следует понимать движимое и недвижимое имущество, включая имущественные права, вещи, ценные бумаги, услуги, результаты интеллектуальной деятельности, в том числе исключительные права на них (интеллектуальная собственность).

Следует иметь в виду, что с учетом Рекомендации 15 Группы разработки финансовых мер борьбы с отмыванием денег (ФАТФ) к доходам, полученным в результате преступной деятельности, могут относиться также крипто-активы (крипто-валюта)»;

пункт 3 изложить в следующей редакции:

«3. По смыслу статьи 243 УК под легализацией доходов следует понимать придание виновным правомерного вида происхождению денежных средств или другого имущества, полученных в результате преступной деятельности, путем перевода, превращения или обмена, а также сокрытия либо утаивания подлинного характера, источника, местонахождения, способа распоряжения, перемещения, подлинных прав в отношении денежных средств или иного имущества либо его принадлежности.

Придание правомерного вида происхождению денежных средств или другого имущества, полученных в результате преступной деятельности, заключается, как правило, в осуществлении финансовых операций и/или совершении сделок с такими денежными средствами или имуществом.

К финансовым относятся любые операции с денежными средствами (наличные и безналичные расчеты, кассовые операции, в том числе зачисление денежных средств на счет, рассредоточение их на вкладах в различных банках, перевод в другую валюту, приобретение ценных бумаг, перевод денежных средств за границу с последующим их возвращением на вклад в банке и т.д).

К сделкам, посредством которых может совершаться легализация, относятся действия, направленные на возникновение, изменение или прекращение гражданских прав и обязанностей, а равно на создание видимости возникновения или перехода гражданских прав и обязанностей (например, заключение договоров купли-продажи, займа, дарения, залога, аренды, мены и т.д.).

По смыслу закона ответственность за легализацию доходов наступает и в тех случаях, когда совершена лишь одна операция или сделка с нажитыми преступным путем денежными средствами или иным имуществом»;

дополнить пунктом 3.1 следующего содержания:

«3.1. Легализацию доходов путем совершения финансовых операций следует считать оконченной с момента, когда лицо использовало полученные преступным путем денежные средства для расчетов за товары или размена либо предъявило (передало) банку распоряжение о переводе денежных средств и т.п.

В тех случаях, когда легализация доходов осуществляется путем совершения сделки, ее следует считать оконченной с момента фактического исполнения виновным лицом хотя бы части обязанностей или реализации хотя бы части прав, которые возникли у него по сделке (например, с момента передачи виновным лицом легализуемых денежных средств или иного имущества другой стороне договора, независимо от исполнения обязанностей по сделке другой стороной).

Если же в целях придания правомерного вида происхождению денежных средств или иного имущества, приобретенных преступным путем, создается лишь видимость заключения сделки с имуществом, тогда как в действительности фактическая передача имущества, оказание услуг (выполнение работ) по ней не предполагается, то преступление, предусмотренное статьей 243 УК, следует считать оконченным с момента оформления договора между виновным и иным лицом (например, с момента подписания договора об оплате услуг, которым прикрывается преступное приобретение денежных средств)»;

дополнить пунктом 3.2 следующего содержания:

«3.2. Необходимо иметь в виду, что при доказывании факта легализации доходов, полученных преступным путем, обстоятельства, свидетельствующие об отсутствии законных источников доходов у подозреваемого, обвиняемого либо третьих лиц, на чье имя оформлены такие денежные средства или иное имущество, должны учитываться в совокупности с доказательствами, подтверждающими совершение лицом действий, составляющих объективную сторону преступления, предусмотренного статьей 243 УК»;

пункт 4 изложить в следующей редакции:

«4. Вывод суда, о преступном характере происхождения денежных средств или иного имущества, наряду с иными материалами уголовного дела, может основываться на:

обвинительном приговоре по делу об основном преступлении;

постановлении органа предварительного следствия или определении суда о прекращении дела по основному преступлению по основаниям, предусмотренным статьей 84 УПК, если материалы уголовного дела содержат доказательства, свидетельствующие о наличии события и состава основного преступления»;

абзац первый пункта 7 после слова «причиненного» дополнить словом «основным»;

в пункте 10 слова «Суду Республики Каракалпакстан по уголовным делам, областным и приравненным к ним судам по уголовным делам» заменить словами «Суду Республики Каракалпакстан, областным, Ташкентскому городскому судам, Военному суду Республики Узбекистан».

2. Постановление Пленума Верховного суда Республики Узбекистан от 25 мая 2012 года № 06 «О некоторых вопросах международного сотрудничества в сфере гражданского и уголовного судопроизводства»:

дополнить пунктом 3.1 следующего содержания:

«3.1. При установлении того, подлежит ли лицо юрисдикции Республики Узбекистан в соответствии с частью третьей статьи 12 УК, следует исходить из юрисдикционных положений международных договоров Республики Узбекистан в сфере борьбы с преступностью и уголовного судопроизводства.

В частности, согласно положениям статьи 7 Международной конвенции о борьбе с финансированием терроризма, иностранный гражданин или лицо без гражданства, не проживающее постоянно в Узбекистане, за преступление, совершенное вне пределов территории республики, может быть привлечено к ответственности по УК Узбекистана, в случае, например, если оно находится в Узбекистане и не может быть выдано другому государству-участнику Конвенции. Аналогичные нормы предусмотрены в статье 4 Конвенции ООН о борьбе против незаконного оборота наркотических средств и психотропных веществ от 20 декабря 1988 года, статье 15 Конвенции против транснациональной организованной преступности и других договорах»;

в пункте 5 :

абзац второй после слова «копий» дополнить словами «судебных,»;

абзац десятый после слов «по гражданским делам,» дополнить словами «исполнительных надписей,»;

абзац первый пункта 9 изложить в следующей редакции:

«В случае установления разыскиваемого лица на территории иностранного государства, вопрос о необходимости его задержания, заключения под стражу, выдачи и этапирования решается судом, объявившим розыск, путем вынесения определения и оформления соответствующих документов, в частности, заверенных копий постановления о привлечении лица к участию в уголовном деле в качестве обвиняемого, определения суда о применении меры пресечения в виде заключения под стражу, вступившего в законную силу приговора, а также справки о не отбытом сроке наказания»;

в пункте 10 :

в абзаце втором слова «статей 418 и 481 УПК» заменить словами «статьи 418 УПК»;

абзац третий после слова «наказание» дополнить словами «, а также для исключения из обвинения какой-либо статьи УК,»;

пункт 12 после слова «рецидивистом» дополнить словами «, а также учесть обстоятельства, отягчающие ответственность или наказание, в том числе при определении колонии по исполнению наказания».

3. Постановление Пленума Верховного суда Республики Узбекистан от 27 декабря 2016 года № 26 «О судебной практике по применению законодательства о возмещении имущественного вреда, причиненного преступлением»:

в пункте 5 :

дополнить абзацем вторым следующего содержания:

«По смыслу статьи 290 УПК арест может быть наложен на имущество подозреваемого или обвиняемого, находящееся у третьих лиц, если в ходе производства по делу получены достаточные основания полагать, что имущество фактически принадлежит подозреваемому или обвиняемому»;

абзацы второй и третий считать соответственно абзацами третьим и четвертым;

абзац первый пункта 6 изложить в следующей редакции:

«При назначении уголовного дела к судебному разбирательству суду необходимо выяснять, предъявлен ли гражданский иск, приняты ли меры по обеспечению возмещения имущественного вреда, причиненного преступлением. Если органами дознания, предварительного следствия, прокурором не приняты такие меры, судья на основании статей 290, 396 УПК должен принять соответствующие меры по собственной инициативе, а в случае, если такие меры не могут быть приняты непосредственно судом, обязывать дознавателя или следователя принять необходимые меры (статья 398 УПК), о чем выносит определение»;

в пункте 8 :

в абзаце третьем исключить слова «или надзорном»;

дополнить абзацем четвертым следующего содержания:

«Судам следует иметь в виду, что в соответствии со статьей 163 ГК на требования о возмещении ущерба, причиненного преступлением, срок исковой давности не применяется»;

в пункте 11 :

в абзаце втором слова «постановлением Госкомимущества Республики Узбекистан от 14 июня 2006 года №№ 01/19-19, 01/19-20, 01/19-21» заменить словами «приказом директора Агентства по управлению Государственными активами Республики Узбекистан от 1 мая 2020 года №№ 01/11-15/62, зарегистрированным Министерством юстиции Республики Узбекистан от 4 июля 2020 года за № 3239»;

абзац третий после слова «эксперта» дополнить словами «, а также назначения дополнительной или повторной судебной экспертизы»;

в абзаце первом пункта 18 исключить слова «или надзорном»;

в пункте 19 :

в абзаце первом слова «часть третья статьи 60 ГПК» заменить словами «часть четвертая статьи 75 ГПК»;

абзац второй исключить;

в пункте 20 :

в абзаце первом слова «статьей 377 ГПК» заменить словами «статьей 451 ГПК»;

в абзаце втором слова «статьей 379 ГПК» заменить словами «статьей 453 ГПК»;

в пункте 21 слова «судам Республики Каракалпакстан по уголовным и гражданским делам, областным и приравненным к ним судам по уголовным и гражданским делам» заменить словами «Суду Республики Каракалпакстан, областным, Ташкентскому городскому судам, Военному суду Республики Узбекистан».

4. Постановление Пленума Верховного суда Республики Узбекистан от 30 ноября 2018 года № 35 «О некоторых вопросах применения судами законодательства, регулирующего рассмотрение дел об административных правонарушениях»:

в пункте 16 :

абзац первый после слова «правонарушения» дополнить словами «(статья 21 КоАО)»;

абзац второй изложить в следующей редакции:

«Поскольку в КоАО не раскрыто понятие малозначительности правонарушения, вопрос о признании таковым совершенного правонарушения должен быть разрешен судом в зависимости от обстоятельств конкретного дела, характера правонарушения, в том числе наличия существенного нарушения общественных отношений, охраняемых КоАО, личности виновного, размера материального ущерба или компенсации морального вреда, причиненного в результате правонарушения»;

дополнить абзацем третьим следующего содержания:

«Учитывая, что действия, составляющие объективную сторону некоторых административных правонарушений, существенно нарушают охраняемые КоАО общественные отношения, такие правонарушения ни при каких обстоятельствах не могут быть признаны малозначительными. К таким правонарушениям, в частности, относятся административные правонарушения, предусмотренные частью второй статьи 54, статьями 99, 131, частями второй и третьей статьи 135, статьей 136 КоАО»;

абзац третий считать соответственно абзацем четвертым;

абзац второй пункта 20 после слова «взыскания» дополнить словами «(например, обстоятельства, смягчающие административную ответственность, а также свидетельствующие о тяжелом материальном положении правонарушителя)»;

пункт 30 изложить в следующей редакции:

«30. Судебной коллегии по уголовным делам Верховного суда Республики Узбекистан, областным и приравненным к ним судам:

усилить надзор за правильным и своевременным рассмотрением судами дел об административных правонарушениях;

при рассмотрении дел об административных правонарушениях обеспечить правильное применение судами норм закона о назначении административных взысканий;

оказывая практическое содействие нижестоящим судам, систематически обобщать судебную практику по делам этой категории, в том числе по применению административных взысканий, и принимать меры к устранению допущенных ошибок».

Председатель Верховного суда Республики Узбекистан К. КАМИЛОВ

Секретарь Пленума, судья Верховного суда И. АЛИМОВ

г. Ташкент,

10 июня 2021 г.,

№ 23

lex.uz