📅 2021-yil 25-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 25 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 25 июня 2021 г. · Постановления Президента
Официальный текст. Официальный документ. Редакционные примечания не включены.
📅 25 June 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Нодавлат таълим ташкилотларини давлат томонидан қўллаб-қувватлаш ва таълим жараёнида ёшлар учун қўшимча шарт-шароитлар яратиш чора-тадбирлари тўғрисида
Замонавий талабларга мос келадиган юқори малакали кадрларни тайёрлаш жараёнини сифат жиҳатидан янги босқичга кўтариш, нодавлат таълим ташкилотларини қўллаб-қувватлаш ва таълим жараёнида ёшлар иштироки учун қўшимча шарт-шароитлар яратиш мақсадида:
1. Нодавлат таълим ташкилотларини давлат томонидан қўллаб-қувватлашнинг қуйидаги чоралари жорий этилсин:
2021 йил 1 августдан 2024 йил 1 январга қадар таълим жараёнида фойдаланиладиган бино ва иншоотлар ижара тўлови харажатларининг 50 фоизигача, бироқ давлат кўчмас мулк объектларидан фойдаланганлик учун ижара тўловининг қонунчиликда белгиланган минимал ставкасининг 50 фоиз миқдоридан кўп бўлмаган миқдорда давлат бюджети маблағлари ҳисобидан қоплаб бериш. Бунда, ушбу тартиб Тошкент ва Самарқанд шаҳарларида жойлашган ва таълим жараёнида фойдаланиладиган бино ва иншоотларга татбиқ қилинмайди.
Таълим сифатини назорат қилиш давлат инспекцияси (У. Ташкенбаев) Молия вазирлиги (Т. Ишметов), Давлат активларини бошқариш агентлиги (А. Ортиқов) билан биргаликда бир ой муддатда нодавлат таълим ташкилотларига ижара тўлови харажатларининг бир қисмини қоплаб бериш тартиби тўғрисидаги низомни тасдиқлаш учун Вазирлар Маҳкамасига киритсин. Бунда, мазкур тўловларнинг йиллик суммаси ҳар чоракда тенг улушларда тўлаб берилиши назарда тутилсин.
2. Белгилансинки, 2021 йил 1 июлдан 2024 йил 1 январга қадар вазирлик ва идоралар тизимидаги коллеж ва техникумларнинг бино ва иншоотларида (Тошкент ва Самарқанд шаҳарларидан ташқари) фаолиятини амалга оширадиган нодавлат таълим ташкилотлари:
ижара тўловидан озод этилади (сақлаш ва коммунал тўловлар бўйича харажатлар бундан мустасно);
таълим жараёни натижасида олинган, ўзлари ишлаб чиқарган маҳсулотларни (иш ва хизматларни) таълим ташкилотлари учун назарда тутилган имтиёзлар (қўшилган қиймат солиғи ва фойда солиғи бўйича) татбиқ этилган ҳолда реализация қилиш ҳуқуқига эга.
3. Халқ таълими вазирлиги (Ш. Шерматов), Олий ва ўрта махсус таълим вазирлиги (А. Тошкулов), тизимида давлат умумий ўрта, профессионал ва олий таълим муассасалари мавжуд бўлган вазирлик ва идоралар Давлат активларини бошқариш агентлиги (А. Ортиқов) билан биргаликда дарсдан бўш вақтларда, шу жумладан ёзги таътил вақтида қуйидаги давлат мулки объектларининг нодавлат таълим ташкилотларига ижарага берилишини таъминласин:
мактабдан ташқари таълим курсларини, шунингдек, кадрларни тайёрлаш ва қайта тайёрлаш курсларини ташкил этиш учун давлат умумий ўрта ва олий таълим муассасалари бўш майдонларини;
аҳолининг компьютер саводхонлиги бўйича курслар ташкил этиш учун қишлоқ жойларда жойлашган давлат умумий ўрта ва профессионал таълим муассасаларидаги компьютер синфларини.
Бунда, мазкур банднинг учинчи хатбошисида белгиланган курсларни ташкил этиш учун нодавлат таълим ташкилотлари томонидан жалб қилинган ўқитувчиларнинг иш ҳақи харажатларининг бир қисми ойига базавий ҳисоблаш миқдорининг 6 баробаригача миқдорида тегишли маҳаллий бюджетлар ҳисобидан 2024 йил 1 январга қадар компенсация қилинади.
4. Ўзбекистон Республикаси Президентининг 2021 йил 19 майдаги «Ўзбекистон Республикасида хорижий тилларни ўрганишни оммалаштириш фаолиятини сифат жиҳатидан янги босқичга олиб чиқиш чора-тадбирлари тўғрисида»ги ПҚ-5117-сон қарори билан қишлоқ ҳудудларида хорижий тилларни ўқитиш фаолиятини ташкил этиш учун тадбиркорлик субъектларига 50 млн сўмгача маҳаллий бюджет маблағлари ҳисобидан бир марталик субсидия ажратиш амалиёти йўлга қўйилганлиги маълумот учун қабул қилинсин.
Хорижий тилларни ўрганишни оммалаштириш агентлиги (С. Обидов) Молия вазирлиги (Ж. Абруев), Таълим сифатини назорат қилиш давлат инспекцияси (У. Ташкенбаев) билан биргаликда бир ой муддатда ҳудудларда хорижий тилларни ўқитиш фаолиятини ташкил этиш учун тадбиркорлик субъектларига субсидиялар ажратиш тартибини Вазирлар Маҳкамасига киритсин.
5. Белгилаб қўйилсинки, 2021 йил 1 октябрдан бошлаб солиқ тўловчи томонидан тегишли халқаро уюшмага аъзо бўлиш учун аъзолик бадалларига ҳамда қайта тайёрлаш ва малакасини ошириш учун нодавлат таълим ташкилотларига йўналтириладиган ўзининг иш ҳақи ва бошқа даромадлари суммаси жисмоний шахслардан олинадиган даромад солиғидан озод қилинади.
Бунда, мазкур солиқ имтиёзлари базавий ҳисоблаш миқдорининг 8 баробаригача бўлган суммага, шунингдек, ўқув курсидан муваффақиятли ўтган ҳамда тегишли халқаро уюшма аъзоси сифатида аъзолик бадаллари тўловини ва кўрсатилган хизматлар учун тўловни тасдиқловчи ҳужжат мавжуд бўлганда қўлланилади.
Молия вазирлиги (Т. Ишметов) икки ой муддатда мазкур банднинг биринчи хатбошиси билан жорий қилинаётган тартибни амалиётда тўлиқ қўллаш учун тегишли қонун лойиҳасини Вазирлар Маҳкамасига киритсин.
6. Молия вазирлиги ҳамда Олий ва ўрта махсус таълим вазирлигининг Тошкент давлат иқтисодиёт университети ҳузурида Молиявий ҳисобот ва аудитнинг халқаро стандартлари бўйича инновацион малака ошириш ресурс марказини (кейинги ўринларда — Молиявий ҳисобот бўйича ресурс маркази), шунингдек, Бухгалтерия ҳисоби ва солиқлар бўйича нодавлат малака ошириш ресурс марказини (кейинги ўринларда — Бухгалтерия ҳисоби бўйича ресурс маркази) ташкил этиш тўғрисидаги таклифлари маъқуллансин ҳамда қуйидагилар уларнинг асосий вазифалари этиб белгилансин:
соҳа мутахассислари ва профессор-ўқитувчиларнинг малакасини ошириш;
тегишли таълим йўналишлари ва магистратура мутахассисликлари талабалари амалиётини ташкил этиш ва тегишли шароитлар яратиш;
соҳа мутахассислари, профессор-ўқитувчилар ва талабаларни тегишли дарсликлар билан таъминлаш;
ўқув қўлланмаларини давлат тили ва бошқа тилларга таржима қилиш;
масофавий ўқитишдан кенг фойдаланиш, электрон кутубхона (электрон китоблар, видео дарсликлар, тақдимотлар ва тестлар) ташкил этиш ва унинг адабиётлар фондини бойитиш;
зарур таълим муҳитини яратиш мақсадида ахборот ресурсларидан бепул фойдаланишни таъминлаш.
7. Белгилаб қўйилсинки:
Молиявий ҳисобот бўйича ресурс марказининг Васийлик кенгаши таркиби Молия вазирлиги, Тошкент давлат иқтисодиёт университети ва Тошкент молия институти, бухгалтерлар ва аудиторларнинг республика жамоат бирлашмалари раҳбар ва ходимларидан ташкил топади;
Молиявий ҳисобот бўйича ресурс марказининг Васийлик кенгаши олий таълим муассасалари ва нодавлат таълим ташкилотларида педагогик маҳоратни ошириш ҳамда талабалар, амалиётчи мутахассисларда илғор амалий кўникмаларни шакллантириш бўйича ушбу марказ томонидан амалга ошириладиган чора-тадбирлар режасини ҳар йили тасдиқлайди;
Бухгалтерия ҳисоби ва солиқлар бўйича ресурс маркази Молия вазирлиги томонидан нодавлат таълим ташкилотлари ўртасида ўтказиладиган танлов натижалари бўйича ташкил қилинади.
Молия вазирлиги (Т. Ишметов):
Олий ва ўрта махсус таълим вазирлиги (А. Тошкулов) билан биргаликда Молиявий ҳисобот бўйича ресурс маркази ва Бухгалтерия ҳисоби бўйича ресурс маркази фаолиятини 2021-2022 йиллар давомида тўлиқ йўлга қўйсин ҳамда уларни юқори малакали кадрлар билан тўлдириш чораларини кўрсин;
2021-2022 йиллар давомида Молиявий ҳисобот бўйича ресурс маркази ҳамда Бухгалтерия ҳисоби бўйича ресурс марказига юклатилган вазифаларни амалга ошириш учун 500 миллион сўмдан маблағ ажратсин. Бунда, 2021 йил харажатлари республика бюджетининг қўшимча даромадлари ҳисобидан қопланади.
8. Олий ва ўрта махсус таълим вазирлиги Молия вазирлиги ва Инновацион ривожланиш вазирлиги билан биргаликда 2022 йил якунига қадар Тошкент давлат иқтисодиёт университети, Тошкент молия институти, Молия вазирлиги ҳузуридаги ўқув маркази ҳамда Самарқанд иқтисодиёт ва сервис институтини бухгалтерия ҳисоби ва аудит соҳасидаги халқаро ташкилотларнинг аккредитациясидан ўтказиш чораларини кўрсин.
Белгилансинки:
бухгалтерия ҳисоби ва аудит соҳасида ўқув дастурлари ва ўқитувчиларни халқаро ташкилотларнинг аккредитациясидан ўтказишга тайёрлаш доирасида юқоридаги олий таълим муассасаларининг ҳар бирига 2022 йилда 100 миллион сўмдан маблағ ажратилади;
Тошкент давлат иқтисодиёт университети, Тошкент молия институти ва Самарқанд иқтисодиёт ва сервис институти халқаро аккредитациядан ўтган тақдирда, уларнинг моддий-техник базасини ривожлантириш учун 2023 йилда 1 миллиард сўмдан бир марталик рағбатлантириш маблағлари ажратилади.
Молия вазирлиги (Т. Ишметов) ушбу бандда назарда тутилган харажатларни молиялаштириш учун тегишли маблағларни 2022 — 2023 йилларда Давлат бюджети параметрларида назарда тутсин.
9. Таълим сифатини назорат қилиш давлат инспекцияси манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
10. Мазкур қарорнинг ижросини самарали ташкил этишга масъул ва шахсий жавобгар этиб халқ таълими вазири Ш. Шерматов, олий ва ўрта махсус таълим вазири А. Тошкулов, молия вазири Т. Ишметов, Таълим сифатини назорат қилиш давлат инспекцияси бошлиғи У. Ташкенбаев белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазир ўринбосари Ж.А. Қўчқоров зиммасига юклансин.
Амалга оширилаётган чора-тадбирлар натижадорлиги юзасидан 2022 йил 1 январгача Ўзбекистон Республикаси Президентига ахборот берилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 25 июнь,
ПҚ-5161-сон
Oʻzbekiston Respublikasi Prezidentining
Qarori
Nodavlat taʼlim tashkilotlarini davlat tomonidan qoʻllab-quvvatlash va taʼlim jarayonida yoshlar uchun qoʻshimcha shart-sharoitlar yaratish chora-tadbirlari toʻgʻrisida
Zamonaviy talablarga mos keladigan yuqori malakali kadrlarni tayyorlash jarayonini sifat jihatidan yangi bosqichga koʻtarish, nodavlat taʼlim tashkilotlarini qoʻllab-quvvatlash va taʼlim jarayonida yoshlar ishtiroki uchun qoʻshimcha shart-sharoitlar yaratish maqsadida:
1. Nodavlat taʼlim tashkilotlarini davlat tomonidan qoʻllab-quvvatlashning quyidagi choralari joriy etilsin:
2021-yil 1-avgustdan 2024-yil 1-yanvarga qadar taʼlim jarayonida foydalaniladigan bino va inshootlar ijara toʻlovi xarajatlarining 50 foizigacha, biroq davlat koʻchmas mulk obyektlaridan foydalanganlik uchun ijara toʻlovining qonunchilikda belgilangan minimal stavkasining 50 foiz miqdoridan koʻp boʻlmagan miqdorda davlat budjeti mablagʻlari hisobidan qoplab berish. Bunda, ushbu tartib Toshkent va Samarqand shaharlarida joylashgan va taʼlim jarayonida foydalaniladigan bino va inshootlarga tatbiq qilinmaydi.
Taʼlim sifatini nazorat qilish davlat inspeksiyasi (U. Tashkenbayev) Moliya vazirligi (T. Ishmetov), Davlat aktivlarini boshqarish agentligi (A. Ortiqov) bilan birgalikda bir oy muddatda nodavlat taʼlim tashkilotlariga ijara toʻlovi xarajatlarining bir qismini qoplab berish tartibi toʻgʻrisidagi nizomni tasdiqlash uchun Vazirlar Mahkamasiga kiritsin. Bunda, mazkur toʻlovlarning yillik summasi har chorakda teng ulushlarda toʻlab berilishi nazarda tutilsin.
2. Belgilansinki, 2021-yil 1-iyuldan 2024-yil 1-yanvarga qadar vazirlik va idoralar tizimidagi kollej va texnikumlarning bino va inshootlarida (Toshkent va Samarqand shaharlaridan tashqari) faoliyatini amalga oshiradigan nodavlat taʼlim tashkilotlari:
ijara toʻlovidan ozod etiladi (saqlash va kommunal toʻlovlar boʻyicha xarajatlar bundan mustasno);
taʼlim jarayoni natijasida olingan, oʻzlari ishlab chiqargan mahsulotlarni (ish va xizmatlarni) taʼlim tashkilotlari uchun nazarda tutilgan imtiyozlar (qoʻshilgan qiymat soligʻi va foyda soligʻi boʻyicha) tatbiq etilgan holda realizatsiya qilish huquqiga ega.
3. Xalq taʼlimi vazirligi (Sh. Shermatov), Oliy va oʻrta maxsus taʼlim vazirligi (A. Toshkulov), tizimida davlat umumiy oʻrta, professional va oliy taʼlim muassasalari mavjud boʻlgan vazirlik va idoralar Davlat aktivlarini boshqarish agentligi (A. Ortiqov) bilan birgalikda darsdan boʻsh vaqtlarda, shu jumladan yozgi taʼtil vaqtida quyidagi davlat mulki obyektlarining nodavlat taʼlim tashkilotlariga ijaraga berilishini taʼminlasin:
maktabdan tashqari taʼlim kurslarini, shuningdek, kadrlarni tayyorlash va qayta tayyorlash kurslarini tashkil etish uchun davlat umumiy oʻrta va oliy taʼlim muassasalari boʻsh maydonlarini;
aholining kompyuter savodxonligi boʻyicha kurslar tashkil etish uchun qishloq joylarda joylashgan davlat umumiy oʻrta va professional taʼlim muassasalaridagi kompyuter sinflarini.
Bunda, mazkur bandning uchinchi xatboshisida belgilangan kurslarni tashkil etish uchun nodavlat taʼlim tashkilotlari tomonidan jalb qilingan oʻqituvchilarning ish haqi xarajatlarining bir qismi oyiga bazaviy hisoblash miqdorining 6 barobarigacha miqdorida tegishli mahalliy budjetlar hisobidan 2024-yil 1-yanvarga qadar kompensatsiya qilinadi.
4. Oʻzbekiston Respublikasi Prezidentining 2021-yil 19-maydagi “Oʻzbekiston Respublikasida xorijiy tillarni oʻrganishni ommalashtirish faoliyatini sifat jihatidan yangi bosqichga olib chiqish chora-tadbirlari toʻgʻrisida”gi PQ-5117-son qarori bilan qishloq hududlarida xorijiy tillarni oʻqitish faoliyatini tashkil etish uchun tadbirkorlik subyektlariga 50 mln soʻmgacha mahalliy budjet mablagʻlari hisobidan bir martalik subsidiya ajratish amaliyoti yoʻlga qoʻyilganligi maʼlumot uchun qabul qilinsin.
Xorijiy tillarni oʻrganishni ommalashtirish agentligi (S. Obidov) Moliya vazirligi (J. Abruyev), Taʼlim sifatini nazorat qilish davlat inspeksiyasi (U. Tashkenbayev) bilan birgalikda bir oy muddatda hududlarda xorijiy tillarni oʻqitish faoliyatini tashkil etish uchun tadbirkorlik subyektlariga subsidiyalar ajratish tartibini Vazirlar Mahkamasiga kiritsin.
5. Belgilab qoʻyilsinki, 2021-yil 1-oktabrdan boshlab soliq toʻlovchi tomonidan tegishli xalqaro uyushmaga aʼzo boʻlish uchun aʼzolik badallariga hamda qayta tayyorlash va malakasini oshirish uchun nodavlat taʼlim tashkilotlariga yoʻnaltiriladigan oʻzining ish haqi va boshqa daromadlari summasi jismoniy shaxslardan olinadigan daromad soligʻidan ozod qilinadi.
Bunda, mazkur soliq imtiyozlari bazaviy hisoblash miqdorining 8 barobarigacha boʻlgan summaga, shuningdek, oʻquv kursidan muvaffaqiyatli oʻtgan hamda tegishli xalqaro uyushma aʼzosi sifatida aʼzolik badallari toʻlovini va koʻrsatilgan xizmatlar uchun toʻlovni tasdiqlovchi hujjat mavjud boʻlganda qoʻllaniladi.
Moliya vazirligi (T. Ishmetov) ikki oy muddatda mazkur bandning birinchi xatboshisi bilan joriy qilinayotgan tartibni amaliyotda toʻliq qoʻllash uchun tegishli qonun loyihasini Vazirlar Mahkamasiga kiritsin.
6. Moliya vazirligi hamda Oliy va oʻrta maxsus taʼlim vazirligining Toshkent davlat iqtisodiyot universiteti huzurida Moliyaviy hisobot va auditning xalqaro standartlari boʻyicha innovatsion malaka oshirish resurs markazini (keyingi oʻrinlarda — Moliyaviy hisobot boʻyicha resurs markazi), shuningdek, Buxgalteriya hisobi va soliqlar boʻyicha nodavlat malaka oshirish resurs markazini (keyingi oʻrinlarda — Buxgalteriya hisobi boʻyicha resurs markazi) tashkil etish toʻgʻrisidagi takliflari maʼqullansin hamda quyidagilar ularning asosiy vazifalari etib belgilansin:
soha mutaxassislari va professor-oʻqituvchilarning malakasini oshirish;
tegishli taʼlim yoʻnalishlari va magistratura mutaxassisliklari talabalari amaliyotini tashkil etish va tegishli sharoitlar yaratish;
soha mutaxassislari, professor-oʻqituvchilar va talabalarni tegishli darsliklar bilan taʼminlash;
oʻquv qoʻllanmalarini davlat tili va boshqa tillarga tarjima qilish;
masofaviy oʻqitishdan keng foydalanish, elektron kutubxona (elektron kitoblar, video darsliklar, taqdimotlar va testlar) tashkil etish va uning adabiyotlar fondini boyitish;
zarur taʼlim muhitini yaratish maqsadida axborot resurslaridan bepul foydalanishni taʼminlash.
7. Belgilab qoʻyilsinki:
Moliyaviy hisobot boʻyicha resurs markazining Vasiylik kengashi tarkibi Moliya vazirligi, Toshkent davlat iqtisodiyot universiteti va Toshkent moliya instituti, buxgalterlar va auditorlarning respublika jamoat birlashmalari rahbar va xodimlaridan tashkil topadi;
Moliyaviy hisobot boʻyicha resurs markazining Vasiylik kengashi oliy taʼlim muassasalari va nodavlat taʼlim tashkilotlarida pedagogik mahoratni oshirish hamda talabalar, amaliyotchi mutaxassislarda ilgʻor amaliy koʻnikmalarni shakllantirish boʻyicha ushbu markaz tomonidan amalga oshiriladigan chora-tadbirlar rejasini har yili tasdiqlaydi;
Buxgalteriya hisobi va soliqlar boʻyicha resurs markazi Moliya vazirligi tomonidan nodavlat taʼlim tashkilotlari oʻrtasida oʻtkaziladigan tanlov natijalari boʻyicha tashkil qilinadi.
Moliya vazirligi (T. Ishmetov):
Oliy va oʻrta maxsus taʼlim vazirligi (A. Toshkulov) bilan birgalikda Moliyaviy hisobot boʻyicha resurs markazi va Buxgalteriya hisobi boʻyicha resurs markazi faoliyatini 2021-2022-yillar davomida toʻliq yoʻlga qoʻysin hamda ularni yuqori malakali kadrlar bilan toʻldirish choralarini koʻrsin;
2021-2022-yillar davomida Moliyaviy hisobot boʻyicha resurs markazi hamda Buxgalteriya hisobi boʻyicha resurs markaziga yuklatilgan vazifalarni amalga oshirish uchun 500 million soʻmdan mablagʻ ajratsin. Bunda, 2021-yil xarajatlari respublika budjetining qoʻshimcha daromadlari hisobidan qoplanadi.
8. Oliy va oʻrta maxsus taʼlim vazirligi Moliya vazirligi va Innovatsion rivojlanish vazirligi bilan birgalikda 2022-yil yakuniga qadar Toshkent davlat iqtisodiyot universiteti, Toshkent moliya instituti, Moliya vazirligi huzuridagi oʻquv markazi hamda Samarqand iqtisodiyot va servis institutini buxgalteriya hisobi va audit sohasidagi xalqaro tashkilotlarning akkreditatsiyasidan oʻtkazish choralarini koʻrsin.
Belgilansinki:
buxgalteriya hisobi va audit sohasida oʻquv dasturlari va oʻqituvchilarni xalqaro tashkilotlarning akkreditatsiyasidan oʻtkazishga tayyorlash doirasida yuqoridagi oliy taʼlim muassasalarining har biriga 2022-yilda 100 million soʻmdan mablagʻ ajratiladi;
Toshkent davlat iqtisodiyot universiteti, Toshkent moliya instituti va Samarqand iqtisodiyot va servis instituti xalqaro akkreditatsiyadan oʻtgan taqdirda, ularning moddiy-texnik bazasini rivojlantirish uchun 2023-yilda 1 milliard soʻmdan bir martalik ragʻbatlantirish mablagʻlari ajratiladi.
Moliya vazirligi (T. Ishmetov) ushbu bandda nazarda tutilgan xarajatlarni moliyalashtirish uchun tegishli mablagʻlarni 2022 — 2023-yillarda Davlat budjeti parametrlarida nazarda tutsin.
9. Taʼlim sifatini nazorat qilish davlat inspeksiyasi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
10. Mazkur qarorning ijrosini samarali tashkil etishga masʼul va shaxsiy javobgar etib xalq taʼlimi vaziri Sh. Shermatov, oliy va oʻrta maxsus taʼlim vaziri A. Toshkulov, moliya vaziri T. Ishmetov, Taʼlim sifatini nazorat qilish davlat inspeksiyasi boshligʻi U. Tashkenbayev belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazir oʻrinbosari J.A. Qoʻchqorov zimmasiga yuklansin.
Amalga oshirilayotgan chora-tadbirlar natijadorligi yuzasidan 2022-yil 1-yanvargacha Oʻzbekiston Respublikasi Prezidentiga axborot berilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 25-iyun,
PQ-5161-son
Президента Республики Узбекистан
Постановление
О мерах по государственной поддержке негосударственных образовательных организаций и созданию дополнительных условий для молодежи в образовательном процессе
В целях поднятия на качественно новый уровень процесса подготовки высококвалифицированных кадров, соответствующих современным требованиям, поддержки негосударственных образовательных организаций и создания дополнительных условий для участия молодежи в образовательном процессе:
1. Внедрить следующие меры государственной поддержки негосударственных образовательных организаций:
возмещение в период с 1 августа 2021 года по 1 января 2024 года за счет средств Государственного бюджета до 50 процентов расходов по аренде зданий и сооружений, используемых в образовательном процессе, в размере, не превышающем 50 процентов минимальной ставки арендной платы за пользование недвижимым государственным имуществом, установленной законодательством. При этом данный порядок не распространяется на здания и сооружения, расположенные в городах Ташкенте и Самарканде и используемые в образовательном процессе.
Государственной инспекции по надзору за качеством образования (У. Ташкенбаев) совместно с Министерством финансов (Т. Ишметов) и Агентством по управлению государственными активами (А. Ортиков) в месячный срок внести на утверждение в Кабинет Министров Положение о порядке возмещения негосударственным образовательным организациям части расходов по арендной плате. При этом предусмотреть выплату годовой суммы данных платежей ежеквартально в равных долях.
2. Установить, что негосударственные образовательные организации, осуществляющие деятельность в зданиях и сооружениях колледжей и техникумов (за исключением расположенных в городах Ташкенте и Самарканде) системы министерств и ведомств в период с 1 июля 2021 года по 1 января 2024 года:
освобождаются от арендной платы (за исключением расходов на содержание и коммунальные платежи);
имеют право на реализацию продукции (работ и услуг) собственного производства, полученной в результате образовательного процесса, с использованием льгот (по налогу на добавленную стоимость и налогу на прибыль), предусмотренных для образовательных организаций.
3. Министерству народного образования (Ш. Шерматов), Министерству высшего и среднего специального образования (А. Тошкулов), министерствам и ведомствам, имеющим в своей системе государственные средние общие, профессиональные и высшие образовательные учреждения, совместно с Агентством по управлению государственными активами (А. Ортиков) обеспечить передачу в аренду негосударственным образовательным организациям следующих объектов государственной собственности в свободное от образовательного процесса время, в том числе период летних каникул:
пустующих площадей государственных средних общих и высших образовательных учреждений для организации внешкольных образовательных курсов, а также курсов по подготовке и переподготовке кадров;
компьютерных классов государственных средних и профессиональных образовательных учреждений, расположенных в сельской местности, для организации курсов компьютерной грамотности для населения.
При этом часть расходов по оплате труда преподавателей, привлеченных в целях организации курсов, указанных в абзаце третьем настоящего пункта, сроком до 1 января 2024 года компенсируется в размере до 6-кратной базовой расчетной величины в месяц, за счет соответствующих местных бюджетов.
4. Принять к сведению, что в соответствии с постановлением Президента Республики Узбекистан от 19 мая 2021 года № ПП-5117 «О мерах по поднятию на качественно новый уровень деятельности по популяризации изучения иностранных языков в Республике Узбекистан» налажена практика выделения субъектам предпринимательства единовременной субсидии в размере до 50 млн сумов за счет средств местных бюджетов для организации деятельности по обучению иностранным языкам в сельской местности.
Агентству по популяризации изучения иностранных языков (С. Обидов) совместно с Министерством финансов (Ж. Абруев) и Государственной инспекцией по надзору за качеством образования (У. Ташкенбаев) в месячный срок внести в Кабинет Министров Порядок выделения субсидий субъектам предпринимательства для организации деятельности по обучению иностранным языкам в регионах.
5. Определить, что начиная с 1 октября 2021 года сумма заработной платы и иных доходов налогоплательщиков, направляемая на членские взносы для вступления в членство соответствующих международных организаций, а также негосударственным образовательным организациям за переподготовку и повышение квалификации, освобождается от налога на доходы физических лиц.
При этом данные налоговые льготы применяются к сумме до 8-кратного размера базовой расчетной величины, а также при наличии документа, подтверждающего успешное окончание учебного курса и уплату членских взносов в качестве члена соответствующей международной организации, и оплату за оказанные образовательные услуги.
Министерству финансов (Т. Ишметов) в двухмесячный срок внести в Кабинет Министров соответствующий проект закона для полноценного применения на практике порядка, внедряемого абзацем первым настоящего пункта.
6. Одобрить предложения Министерства финансов и Министерства высшего и среднего специального образования о создании Ресурсного центра инновационного повышения квалификации по международным стандартам финансовой отчетности и аудита (далее — Ресурсный центр по финансовой отчетности) при Ташкентском государственном экономическом университете, а также Негосударственного ресурсного центра повышения квалификации по бухгалтерскому учету и налогам (далее — Ресурсный центр по бухгалтерскому учету) и определить их основными задачами:
повышение квалификации специалистов и профессоров-преподавателей данной сферы;
организацию практики и создание соответствующих условий для студентов соответствующих направлений образования и специальностей магистратуры;
обеспечение соответствующими учебниками специалистов, профессоров-преподавателей и студентов;
перевод учебных пособий на государственный и иные языки;
широкое использование дистанционного обучения, создание и книжного фонда электронной библиотеки (электронными книгами, видеоучебниками, презентациями и тестами);
обеспечение бесплатного доступа к информационным ресурсам в целях создания необходимой образовательной среды.
7. Установить, что:
Попечительский совет Ресурсного центра по финансовой отчетности состоит из руководителей и работников Министерства финансов, Ташкентского государственного экономического университета, Ташкентского финансового института и республиканских общественных объединений бухгалтеров и аудиторов;
Попечительский совет Ресурсного центра по финансовой отчетности ежегодно утверждает план мер, реализуемый данным центром по повышению педагогического мастерства в высших образовательных учреждениях и негосударственных образовательных организациях и формированию передовых практических навыков у студентов и специалистов-практиков;
Ресурсный центр по бухгалтерскому учету создается Министерством финансов по результатам конкурса, проводимого среди негосударственных образовательных организаций.
Министерству финансов (Т. Ишметов):
совместно с Министерством высшего и среднего специального образования (А. Тошкулов) в течение 2021-2022 годов наладить полноценную деятельность и принять меры по укомплектованию Ресурсного центра по финансовой отчетности и Ресурсного центра по бухгалтерскому учету высококвалифицированными кадрами;
выделить в 2021-2022 годах Ресурсному центру по финансовой отчетности и Ресурсному центру по бухгалтерскому учету по 500 миллионов сумов для реализации возложенных на них задач. При этом расходы 2021 года возместить за счет дополнительных доходов республиканского бюджета.
8. Министерству высшего и среднего специального образования совместно с Министерством финансов и Министерством инновационного развития принять меры для проведения Ташкентского государственного экономического университета, Ташкентского финансового института, Учебного центра при Министерстве финансов и Самаркандского института экономики и сервиса аккредитации международными организациями в сфере бухгалтерского учета и аудита до конца 2022 года.
Определить, что:
в рамках учебных программ в сфере бухгалтерского учета и аудита, а также подготовки преподавателей для аккредитации международными организациями каждому из вышеперечисленных высших образовательных учреждений в 2022 году выделяется по 100 миллионов сумов;
в случае прохождения Ташкентским государственным экономическим университетом, Ташкентским финансовым институтом и Самаркандским институтом экономики и сервиса международной аккредитации, им в 2023 году выделяются единовременные стимулирующие средства в размере 1 миллиарда сумов на развитие материально-технической базы.
Министерству финансов (Т. Ишметов) в параметрах Государственного бюджета на 2022-2023 годы предусмотреть соответствующие средства на финансирование расходов, предусмотренных данным пунктом.
9. Государственной инспекции по надзору за качеством образования совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в законодательство, вытекающих из настоящего постановления.
10. Возложить на министра народного образования Ш. Шерматова, министра высшего и среднего специального образования А. Тошкулова, министра финансов Т. Ишметова и начальника Государственной инспекции по надзору за качеством образования У. Ташкенбаева персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на заместителя Премьер-министра Д.А. Кучкарова.
О результативности осуществляемых мер информировать Президента Республики Узбекистан в срок до 1 января 2022 года.
Президент Республики Узбекистан Ш. МИРЗИЁЕВ
г. Ташкент,
25 июня 2021 г.,
№ ПП-5161