📅 2021-yil 26-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 26 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 26 июня 2021 г. · Постановления Президента
Официальный текст. Официальный документ. Редакционные примечания не включены.
📅 26 June 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Қийноққа солиш ҳолатларини аниқлаш ва уларнинг олдини олиш тизимини такомиллаштиришга доир қўшимча чора-тадбирлар тўғрисида
Сўнгги йилларда мамлакатимизда фуқаролар ҳуқуқ ва эркинликлари кафолатларини янада кучайтириш, жумладан қийноққа солиш ва бошқа шафқатсиз, ғайриинсоний ёки қадр-қимматни камситувчи муомала ҳамда жазо турларини қўллаш ҳолатларига мутлақо йўл қўймаслик мақсадида кенг кўламли ишлар амалга оширилмоқда.
Шу билан бирга, қийноққа солишнинг барвақт олдини олиш, у билан боғлиқ мурожаатларни тезкор равишда холисона кўриб чиқиш, ҳаракатланиш эркинлиги чекланган шахслар сақланадиган жойларга мониторинг ташрифларини мунтазам амалга ошириш бўйича самарали ҳуқуқий механизмларни яратиш ишларини давом эттириш лозим.
Инсон ҳуқуқлари бўйича Ўзбекистон Республикасининг Миллий стратегияси, шунингдек, БМТнинг устав органлари ва шартномавий қўмиталари тавсияларини ҳисобга олган ҳолда қийноққа солишнинг олдини олиш бўйича миллий превентив механизмларни такомиллаштириш, «Ёшларни қўллаб-қувватлаш ва аҳоли саломатлигини мустаҳкамлаш йили» Давлат дастурида белгиланган вазифаларнинг ижросини таъминлаш мақсадида:
1. Қуйидагилар қийноққа солиш ва бошқа шафқатсиз, ғайриинсоний ёки қадр-қимматни камситувчи муомала ҳамда жазо турларини қўллаш (кейинги ўринларда — қийноққа солиш) ҳолатларини аниқлаш ва уларнинг олдини олиш тизими самарадорлигини ошириш бўйича устувор вазифалар этиб белгилансин:
қийноққа солиш ҳолатларини аниқлаш ва уларнинг олдини олиш тизимини халқаро ҳуқуқнинг инсон ҳуқуқлари соҳасидаги умумэътироф этилган принциплари ва нормаларига мувофиқлаштириш;
ҳаракатланиш эркинлиги чекланган шахслар томонидан инсон ҳуқуқлари бўйича миллий институтларга юборилган мурожаатларнинг муассаса маъмурияти томонидан кўздан кечирилмаслигини ҳамда қабул қилувчига зудлик билан юборилишини қатъий таъминлаш;
қийноққа солиш ҳолатлари тўғрисидаги мурожаатларнинг тезкор ва холисона кўриб чиқилиши ҳамда айбдор шахсларнинг муқаррар жавобгарликка тортилиши механизмини такомиллаштириш;
қийноққа солишдан жабрланганларга ижтимоий, ҳуқуқий, психологик ва тиббий ёрдам кўрсатилишини ҳамда уларга етказилган зарарнинг компенсация қилинишини таъминлаш;
қийноққа солиш ҳолатларини аниқлаш ва уларнинг олдини олиш фаолиятига фуқаролик жамияти институтларини кенг жалб қилиш ҳамда уларнинг давлат органлари билан самарали ҳамкорлигини таъминлаш;
қийноққа солиш ҳолатларини аниқлаш ва уларнинг олдини олиш бўйича фаолият натижалари тўғрисидаги маълумотларни кенг жамоатчиликка етказиш;
қийноққа солишнинг олдини олиш борасида халқаро ташкилотлар ва хорижий давлатларнинг миллий институтлари билан яқин ҳамкорликни йўлга қўйиш.
2. Олий Мажлис палаталари, Олий Мажлиснинг Инсон ҳуқуқлари бўйича вакили (омбудсман), Инсон ҳуқуқлари бўйича Миллий марказнинг қуйидагиларни назарда тутувчи таклифлари маъқуллансин:
а) Олий Мажлиснинг Инсон ҳуқуқлари бўйича вакили (омбудсман) (кейинги ўринларда — Омбудсман) ҳузуридаги эксперт гуруҳи негизида Омбудсман ҳузуридаги Қийноқ ҳолатларини аниқлаш ва уларнинг олдини олиш бўйича жамоатчилик гуруҳларини (кейинги ўринларда — Жамоатчилик гуруҳлари) ташкил этиш ва уларнинг асосий вазифалари этиб қуйидагиларни белгилаш:
гауптвахта, махсус қабулхона, вақтинча сақлаш ҳибсхонаси, тергов ҳибсхонаси, жазони ижро этиш муассасаси, интизомий қисм, мажбурий даволаш муассасаларида (кейинги ўринларда — ҳаракатланиш эркинлиги чекланган шахслар сақланадиган жойлар) қийноққа солишнинг олдини олиш бўйича мониторинг ташрифларини мунтазам равишда амалга ошириш;
ҳаракатланиш эркинлиги чекланган шахслар сақланадиган жойларда сақлаш шарт-шароитларини ўрганиш ва улар юзасидан ахборотларни жамоатчиликка эълон қилиб бориш;
қийноққа солиш ҳолатларини аниқлаш ҳамда уларни тезкор бартараф этиш бўйича талабномаларни тегишли давлат органига тақдим қилиш;
қийноққа солиш ҳолатлари тўғрисидаги мурожаатларни кўриб чиқишда иштирок этиш;
қийноққа солиш ҳолатларини экспертлик баҳолаш масалалари бўйича услубий тавсиялар ишлаб чиқиш;
қийноққа солишдан жабрланганларга ижтимоий, ҳуқуқий, психологик ва тиббий ёрдам кўрсатилишида иштирок этиш;
қийноққа солиш хавфининг олдини олиш ҳамда бу соҳада илғор хорижий тажрибани жорий қилиш бўйича таклифларни ишлаб чиқиш;
б) Жамоатчилик гуруҳлари таркибига Инсон ҳуқуқлари бўйича Миллий марказ экспертлари, тиббиёт ходимлари, нодавлат нотижорат ташкилотлари, оммавий ахборот воситалари ва фуқаролик жамиятининг бошқа институтлари вакилларини жалб қилиш ва бунда уларнинг мониторинг ташрифларини амалга ошириш учун касбий малакаси ва амалий билимларга эга бўлишини ҳамда гендер тенглиги таъминланишини ҳисобга олиш;
в) Омбудсман томонидан ҳар йили 15 мартга қадар Олий Мажлис палаталарига қийноққа солиш ва бошқа шафқатсиз, ғайриинсоний ёки қадр-қимматни камситувчи муносабат ҳамда жазо турларини қўллаш ҳолатларининг олдини олиш бўйича амалга оширилган ишлар юзасидан маърузани тақдим этиш ва уни оммавий ахборот воситаларида эълон қилиш амалиётини йўлга қўйиш.
3. Белгилансинки:
ҳаракатланиш эркинлиги чекланган шахслар сақланадиган жойларнинг маъмурияти Жамоатчилик гуруҳларига ҳаракатланиш эркинлиги чекланган шахслар билан монеликсиз ва холи учрашиши ҳамда суҳбатлашиши, шунингдек, тегишли ҳужжатлар билан танишиши учун зарур шарт-шароитларни таъминлайди;
давлат органлари ва уларнинг мансабдор шахслари, ҳаракатланиш эркинлиги чекланган шахслар сақланадиган жойларнинг маъмурияти Жамоатчилик гуруҳларининг фаолиятини амалга оширишига кўмаклашади;
Жамоатчилик гуруҳлари аъзоларининг хавфсизлигини таъминлаш мониторинг ташрифлари ўтказиладиган муассаса маъмурияти зиммасига юклатилади;
Жамоатчилик гуруҳлари аъзолари қонунчиликка зид ҳаракат қилган тақдирда мониторинг ташрифлари ўтказилаётган муассаса маъмурияти раҳбари бу ҳақида Омбудсманни ёзма равишда хабардор қилади.
4. Қуйидагилар:
а) ҳаракатланиш эркинлиги чекланган шахслар сақланадиган жойларга жойлаштирилган шахсларнинг ягона электрон реестрини юритиш амалиёти йўлга қўйилсин.
Бунда, ҳаракатланиш эркинлиги чекланган шахсни қабул қилишга асос бўлган ҳужжат нусхаси ва ушбу шахс ҳақидаги маълумотлар шахс ҳаракатланиш эркинлиги чекланган шахслар сақланадиган жойларга жойлаштирилган вақтдан бошлаб уларнинг маъмурияти томонидан дарҳол ягона электрон реестрга киритиб борилади ва суд, ҳуқуқни муҳофаза қилувчи органлар ҳамда Омбудсман учун мазкур маълумотлар билан танишиш имконияти яратилади.
Ички ишлар вазирлиги 2021 йил 1 декабрга қадар ҳаракатланиш эркинлиги чекланган шахслар сақланадиган жойларга жойлаштирилган шахсларнинг ягона электрон реестрини шакллантириш тартибини ишлаб чиқсин ва самарали йўлга қўйилишини таъминласин;
б) ҳаракатланиш эркинлиги чекланган шахслар томонидан қийноқлар бўйича амалдаги қонунчилик талабларидан келиб чиққан ҳолда адвокатга ёки яқин қариндошига телефон орқали мурожаат қилиш амалиёти такомиллаштирилсин.
Ички ишлар вазирлиги 2021 йил 1 ноябрга қадар мазкур масалани назарда тутувчи норматив-ҳуқуқий ҳужжат лойиҳасини ишлаб чиқиб, Ўзбекистон Республикаси Президенти Администрациясига киритсин.
5. Инсон ҳуқуқлари бўйича Миллий марказ:
Омбудсман ва Ташқи ишлар вазирлиги билан биргаликда икки ой муддатда БМТнинг «Қийноққа солиш ва бошқа шафқатсиз, ғайриинсоний ёки қадр-қимматни камситувчи муомала ҳамда жазо турларини қўллашга қарши Конвенцияси Факультатив протоколи»га (Нью-Йорк, 2002 йил 18 декабрь) Ўзбекистон Республикасининг қўшилиши масаласи бўйича таклифларни Вазирлар Маҳкамасига киритсин;
Молия вазирлиги, Ички ишлар вазирлиги ва Бош прокуратура билан биргаликда уч ой муддатда қийноққа солишдан жабрланган шахсларга етказилган зарарни компенсация қилиш тартибини ишлаб чиқсин ва Вазирлар Маҳкамасига киритсин;
2021 йил 1 октябрдан бошлаб Ички ишлар вазирлиги ва Бош прокуратура билан биргаликда тезкор-қидирув, терговга қадар текширув, суриштирув, дастлабки тергов фаолиятини амалга оширувчи органлар ва жазони ижро этиш муассасалари ходимлари учун қийноққа солишга қарши курашиш бўйича ўқув курсларини ташкил этиш чораларини кўрсин.
6. Бош прокуратура, Омбудсман, Инсон ҳуқуқлари бўйича Миллий марказ 2021 йил 1 декабрга қадар Жиноят кодексида қийноққа солиш учун жавобгарлик белгиловчи нормаларни БМТнинг « Қийноққа солиш ва бошқа шафқатсиз, ғайриинсоний ёки қадр-қимматни камситувчи муомала ҳамда жазо турларини қўллашга қарши Конвенцияси » (Нью-Йорк, 1984 йил 10 декабрь) талабларига мувофиқлаштириш мақсадида қонун ҳужжатларига тегишли ўзгартиш ва қўшимчаларни назарда тутувчи қонун лойиҳасини ишлаб чиқсин.
7. Ички ишлар вазирлиги, Бош прокуратура ва Давлат хавфсизлик хизмати қийноққа солиш ҳолатлари бўйича, жумладан Жамоатчилик гуруҳлари томонидан аниқланган ҳар қандай қонун бузилиши ҳолатлари юзасидан зудлик билан қонуний чоралар кўрилишини таъминласин.
8. Олий Мажлис палаталарига:
Жамоатчилик гуруҳларини шакллантириш, фаолиятини ташкил қилиш ва мониторинг ўтказиш тартибини назарда тутувчи қонун ҳужжатларини қабул қилиш;
Омбудсманнинг қийноққа солиш ҳолатларини аниқлаш ва уларнинг олдини олиш бўйича иш фаолияти кўлами ортишини инобатга олиб, Омбудсман Котибияти тузилмасида бошқарув ходимларининг чекланган сонини қайта кўриб чиқиш тавсия этилсин.
9. Ўзбекистон Миллий ахборот агентлиги Ўзбекистон Миллий телерадиокомпанияси билан ҳамкорликда ушбу қарорнинг мақсад ва вазифалари оммавий ахборот воситаларида кенг тушунтирилишини, Жамоатчилик гуруҳлари фаолияти ва мониторинг ташрифлари мунтазам ёритилишини таъминласин.
10. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти Администрацияси раҳбари З.Ш. Низомиддинов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 26 июнь,
ПҚ-5163-сон
Oʻzbekiston Respublikasi Prezidentining
Qarori
Qiynoqqa solish holatlarini aniqlash va ularning oldini olish tizimini takomillashtirishga doir qoʻshimcha chora-tadbirlar toʻgʻrisida
Soʻnggi yillarda mamlakatimizda fuqarolar huquq va erkinliklari kafolatlarini yanada kuchaytirish, jumladan qiynoqqa solish va boshqa shafqatsiz, gʻayriinsoniy yoki qadr-qimmatni kamsituvchi muomala hamda jazo turlarini qoʻllash holatlariga mutlaqo yoʻl qoʻymaslik maqsadida keng koʻlamli ishlar amalga oshirilmoqda.
Shu bilan birga, qiynoqqa solishning barvaqt oldini olish, u bilan bogʻliq murojaatlarni tezkor ravishda xolisona koʻrib chiqish, harakatlanish erkinligi cheklangan shaxslar saqlanadigan joylarga monitoring tashriflarini muntazam amalga oshirish boʻyicha samarali huquqiy mexanizmlarni yaratish ishlarini davom ettirish lozim.
Inson huquqlari boʻyicha Oʻzbekiston Respublikasining Milliy strategiyasi, shuningdek, BMTning ustav organlari va shartnomaviy qoʻmitalari tavsiyalarini hisobga olgan holda qiynoqqa solishning oldini olish boʻyicha milliy preventiv mexanizmlarni takomillashtirish, “Yoshlarni qoʻllab-quvvatlash va aholi salomatligini mustahkamlash yili” Davlat dasturida belgilangan vazifalarning ijrosini taʼminlash maqsadida:
1. Quyidagilar qiynoqqa solish va boshqa shafqatsiz, gʻayriinsoniy yoki qadr-qimmatni kamsituvchi muomala hamda jazo turlarini qoʻllash (keyingi oʻrinlarda — qiynoqqa solish) holatlarini aniqlash va ularning oldini olish tizimi samaradorligini oshirish boʻyicha ustuvor vazifalar etib belgilansin:
qiynoqqa solish holatlarini aniqlash va ularning oldini olish tizimini xalqaro huquqning inson huquqlari sohasidagi umumeʼtirof etilgan prinsiplari va normalariga muvofiqlashtirish;
harakatlanish erkinligi cheklangan shaxslar tomonidan inson huquqlari boʻyicha milliy institutlarga yuborilgan murojaatlarning muassasa maʼmuriyati tomonidan koʻzdan kechirilmasligini hamda qabul qiluvchiga zudlik bilan yuborilishini qatʼiy taʼminlash;
qiynoqqa solish holatlari toʻgʻrisidagi murojaatlarning tezkor va xolisona koʻrib chiqilishi hamda aybdor shaxslarning muqarrar javobgarlikka tortilishi mexanizmini takomillashtirish;
qiynoqqa solishdan jabrlanganlarga ijtimoiy, huquqiy, psixologik va tibbiy yordam koʻrsatilishini hamda ularga yetkazilgan zararning kompensatsiya qilinishini taʼminlash;
qiynoqqa solish holatlarini aniqlash va ularning oldini olish faoliyatiga fuqarolik jamiyati institutlarini keng jalb qilish hamda ularning davlat organlari bilan samarali hamkorligini taʼminlash;
qiynoqqa solish holatlarini aniqlash va ularning oldini olish boʻyicha faoliyat natijalari toʻgʻrisidagi maʼlumotlarni keng jamoatchilikka yetkazish;
qiynoqqa solishning oldini olish borasida xalqaro tashkilotlar va xorijiy davlatlarning milliy institutlari bilan yaqin hamkorlikni yoʻlga qoʻyish.
2. Oliy Majlis palatalari, Oliy Majlisning Inson huquqlari boʻyicha vakili (ombudsman), Inson huquqlari boʻyicha Milliy markazning quyidagilarni nazarda tutuvchi takliflari maʼqullansin:
a) Oliy Majlisning Inson huquqlari boʻyicha vakili (ombudsman) (keyingi oʻrinlarda — Ombudsman) huzuridagi ekspert guruhi negizida Ombudsman huzuridagi Qiynoq holatlarini aniqlash va ularning oldini olish boʻyicha jamoatchilik guruhlarini (keyingi oʻrinlarda — Jamoatchilik guruhlari) tashkil etish va ularning asosiy vazifalari etib quyidagilarni belgilash:
gauptvaxta, maxsus qabulxona, vaqtincha saqlash hibsxonasi, tergov hibsxonasi, jazoni ijro etish muassasasi, intizomiy qism, majburiy davolash muassasalarida (keyingi oʻrinlarda — harakatlanish erkinligi cheklangan shaxslar saqlanadigan joylar) qiynoqqa solishning oldini olish boʻyicha monitoring tashriflarini muntazam ravishda amalga oshirish;
harakatlanish erkinligi cheklangan shaxslar saqlanadigan joylarda saqlash shart-sharoitlarini oʻrganish va ular yuzasidan axborotlarni jamoatchilikka eʼlon qilib borish;
qiynoqqa solish holatlarini aniqlash hamda ularni tezkor bartaraf etish boʻyicha talabnomalarni tegishli davlat organiga taqdim qilish;
qiynoqqa solish holatlari toʻgʻrisidagi murojaatlarni koʻrib chiqishda ishtirok etish;
qiynoqqa solish holatlarini ekspertlik baholash masalalari boʻyicha uslubiy tavsiyalar ishlab chiqish;
qiynoqqa solishdan jabrlanganlarga ijtimoiy, huquqiy, psixologik va tibbiy yordam koʻrsatilishida ishtirok etish;
qiynoqqa solish xavfining oldini olish hamda bu sohada ilgʻor xorijiy tajribani joriy qilish boʻyicha takliflarni ishlab chiqish;
b) Jamoatchilik guruhlari tarkibiga Inson huquqlari boʻyicha Milliy markaz ekspertlari, tibbiyot xodimlari, nodavlat notijorat tashkilotlari, ommaviy axborot vositalari va fuqarolik jamiyatining boshqa institutlari vakillarini jalb qilish va bunda ularning monitoring tashriflarini amalga oshirish uchun kasbiy malakasi va amaliy bilimlarga ega boʻlishini hamda gender tengligi taʼminlanishini hisobga olish;
v) Ombudsman tomonidan har yili 15-martga qadar Oliy Majlis palatalariga qiynoqqa solish va boshqa shafqatsiz, gʻayriinsoniy yoki qadr-qimmatni kamsituvchi munosabat hamda jazo turlarini qoʻllash holatlarining oldini olish boʻyicha amalga oshirilgan ishlar yuzasidan maʼruzani taqdim etish va uni ommaviy axborot vositalarida eʼlon qilish amaliyotini yoʻlga qoʻyish.
3. Belgilansinki:
harakatlanish erkinligi cheklangan shaxslar saqlanadigan joylarning maʼmuriyati Jamoatchilik guruhlariga harakatlanish erkinligi cheklangan shaxslar bilan moneliksiz va xoli uchrashishi hamda suhbatlashishi, shuningdek, tegishli hujjatlar bilan tanishishi uchun zarur shart-sharoitlarni taʼminlaydi;
davlat organlari va ularning mansabdor shaxslari, harakatlanish erkinligi cheklangan shaxslar saqlanadigan joylarning maʼmuriyati Jamoatchilik guruhlarining faoliyatini amalga oshirishiga koʻmaklashadi;
Jamoatchilik guruhlari aʼzolarining xavfsizligini taʼminlash monitoring tashriflari oʻtkaziladigan muassasa maʼmuriyati zimmasiga yuklatiladi;
Jamoatchilik guruhlari aʼzolari qonunchilikka zid harakat qilgan taqdirda monitoring tashriflari oʻtkazilayotgan muassasa maʼmuriyati rahbari bu haqida Ombudsmanni yozma ravishda xabardor qiladi.
4. Quyidagilar:
a) harakatlanish erkinligi cheklangan shaxslar saqlanadigan joylarga joylashtirilgan shaxslarning yagona elektron reyestrini yuritish amaliyoti yoʻlga qoʻyilsin.
Bunda, harakatlanish erkinligi cheklangan shaxsni qabul qilishga asos boʻlgan hujjat nusxasi va ushbu shaxs haqidagi maʼlumotlar shaxs harakatlanish erkinligi cheklangan shaxslar saqlanadigan joylarga joylashtirilgan vaqtdan boshlab ularning maʼmuriyati tomonidan darhol yagona elektron reyestrga kiritib boriladi va sud, huquqni muhofaza qiluvchi organlar hamda Ombudsman uchun mazkur maʼlumotlar bilan tanishish imkoniyati yaratiladi.
Ichki ishlar vazirligi 2021-yil 1-dekabrga qadar harakatlanish erkinligi cheklangan shaxslar saqlanadigan joylarga joylashtirilgan shaxslarning yagona elektron reyestrini shakllantirish tartibini ishlab chiqsin va samarali yoʻlga qoʻyilishini taʼminlasin;
b) harakatlanish erkinligi cheklangan shaxslar tomonidan qiynoqlar boʻyicha amaldagi qonunchilik talablaridan kelib chiqqan holda advokatga yoki yaqin qarindoshiga telefon orqali murojaat qilish amaliyoti takomillashtirilsin.
Ichki ishlar vazirligi 2021-yil 1-noyabrga qadar mazkur masalani nazarda tutuvchi normativ-huquqiy hujjat loyihasini ishlab chiqib, Oʻzbekiston Respublikasi Prezidenti Administratsiyasiga kiritsin.
5. Inson huquqlari boʻyicha Milliy markaz:
Ombudsman va Tashqi ishlar vazirligi bilan birgalikda ikki oy muddatda BMTning “Qiynoqqa solish va boshqa shafqatsiz, gʻayriinsoniy yoki qadr-qimmatni kamsituvchi muomala hamda jazo turlarini qoʻllashga qarshi Konvensiyasi Fakultativ protokoli”ga (Nyu-York, 2002-yil 18-dekabr) Oʻzbekiston Respublikasining qoʻshilishi masalasi boʻyicha takliflarni Vazirlar Mahkamasiga kiritsin;
Moliya vazirligi, Ichki ishlar vazirligi va Bosh prokuratura bilan birgalikda uch oy muddatda qiynoqqa solishdan jabrlangan shaxslarga yetkazilgan zararni kompensatsiya qilish tartibini ishlab chiqsin va Vazirlar Mahkamasiga kiritsin;
2021-yil 1-oktabrdan boshlab Ichki ishlar vazirligi va Bosh prokuratura bilan birgalikda tezkor-qidiruv, tergovga qadar tekshiruv, surishtiruv, dastlabki tergov faoliyatini amalga oshiruvchi organlar va jazoni ijro etish muassasalari xodimlari uchun qiynoqqa solishga qarshi kurashish boʻyicha oʻquv kurslarini tashkil etish choralarini koʻrsin.
6. Bosh prokuratura, Ombudsman, Inson huquqlari boʻyicha Milliy markaz 2021-yil 1-dekabrga qadar Jinoyat kodeksida qiynoqqa solish uchun javobgarlik belgilovchi normalarni BMTning “ Qiynoqqa solish va boshqa shafqatsiz, gʻayriinsoniy yoki qadr-qimmatni kamsituvchi muomala hamda jazo turlarini qoʻllashga qarshi Konvensiyasi ” (Nyu-York, 1984-yil 10-dekabr) talablariga muvofiqlashtirish maqsadida qonun hujjatlariga tegishli oʻzgartish va qoʻshimchalarni nazarda tutuvchi qonun loyihasini ishlab chiqsin.
7. Ichki ishlar vazirligi, Bosh prokuratura va Davlat xavfsizlik xizmati qiynoqqa solish holatlari boʻyicha, jumladan Jamoatchilik guruhlari tomonidan aniqlangan har qanday qonun buzilishi holatlari yuzasidan zudlik bilan qonuniy choralar koʻrilishini taʼminlasin.
8. Oliy Majlis palatalariga:
Jamoatchilik guruhlarini shakllantirish, faoliyatini tashkil qilish va monitoring oʻtkazish tartibini nazarda tutuvchi qonun hujjatlarini qabul qilish;
Ombudsmanning qiynoqqa solish holatlarini aniqlash va ularning oldini olish boʻyicha ish faoliyati koʻlami ortishini inobatga olib, Ombudsman Kotibiyati tuzilmasida boshqaruv xodimlarining cheklangan sonini qayta koʻrib chiqish tavsiya etilsin.
9. Oʻzbekiston Milliy axborot agentligi Oʻzbekiston Milliy teleradiokompaniyasi bilan hamkorlikda ushbu qarorning maqsad va vazifalari ommaviy axborot vositalarida keng tushuntirilishini, Jamoatchilik guruhlari faoliyati va monitoring tashriflari muntazam yoritilishini taʼminlasin.
10. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 26-iyun,
PQ-5163-son
Президента Республики Узбекистан
Постановление
О дополнительных мерах по совершенствованию системы выявления и предупреждения случаев пыток
В последние годы в стране проводится широкомасштабная работа в целях дальнейшего усиления гарантий прав и свобод граждан, в том числе категорического недопущения случаев применения пыток и других жестоких, бесчеловечных или унижающих достоинство видов обращения и наказания.
Наряду с этим необходимо продолжить работу по созданию эффективных правовых механизмов раннего предупреждения применения пыток, оперативного и объективного рассмотрения связанных с ними обращений, осуществлению регулярных мониторинговых посещений мест содержания лиц с ограниченной свободой передвижения.
В целях совершенствования Национальных превентивных механизмов по предупреждению применения пыток с учетом Национальной стратегии Республики Узбекистан по правам человека, рекомендаций уставных органов и договорных комитетов ООН, а также обеспечения исполнения задач, определенных в Государственной программе «Год поддержки молодежи и укрепления здоровья населения»:
1. Определить приоритетными задачами повышения эффективности системы выявления и предупреждения случаев применения пыток и других жестоких, бесчеловечных или унижающих достоинство видов обращения и наказания (далее — применение пыток):
приведение системы выявления и предупреждения случаев применения пыток в соответствие с общепризнанными принципами и нормами международного права в области прав человека;
строгое обеспечение администрацией учреждения недопущения просмотра обращений, направленных лицами с ограниченной свободой передвижения в национальные институты по правам человека, а также их незамедлительного направления получателю;
совершенствование механизма оперативного и объективного рассмотрения обращений о случаях применения пыток, а также неотвратимости привлечения к ответственности виновных лиц;
обеспечение оказания социальной, правовой, психологической и медицинской помощи пострадавшим от применения пыток, а также компенсации нанесенного им ущерба;
широкое привлечение институтов гражданского общества деятельности по выявлению и предупреждению случаев применения пыток, а также обеспечение их эффективного сотрудничества с государственными органами;
доведение до широкой общественности информации о результатах деятельности по выявлению и предупреждению случаев применения пыток;
налаживание тесного сотрудничества с международными организациями и национальными институтами зарубежных государств в области предупреждения применения пыток.
2. Одобрить предложения палат Олий Мажлиса, Уполномоченного Олий Мажлиса по правам человека (омбудсмана) и Национального центра по правам человека, предусматривающие:
а) создание на базе экспертной группы при Уполномоченном Олий Мажлиса по правам человека (омбудсмане) (далее — Омбудсман) общественных групп по выявлению и предупреждению случаев пыток при Омбудсмане (далее — Общественные группы), определив их основными задачами:
осуществление на регулярной основе мониторинговых посещений по предупреждению применения пыток на гауптвахте, в специальных приемниках, изоляторах временного содержания, следственных изоляторах, учреждениях по исполнению наказания, дисциплинарных частях, учреждениях принудительного лечения (далее — места содержания лиц с ограниченной свободой передвижения);
изучение условий содержания в местах содержания лиц с ограниченной свободой передвижения и информирование об этом общественности;
выявление случаев применения пыток и представление в соответствующий государственный орган требований по их оперативному устранению;
участие в рассмотрении обращений о случаях применения пыток;
разработку методических рекомендаций по вопросам экспертной оценки случаев применения пыток;
участие в оказании социальной, правовой, психологической и медицинской помощи пострадавшим от применения пыток;
разработку предложений по предупреждению угрозы применения пыток и внедрению передового зарубежного опыта в данную сферу;
б) привлечение в состав Общественных групп экспертов Национального центра по правам человека, медицинских работников, представителей негосударственных некоммерческих организаций, средств массовой информации и других институтов гражданского общества, учитывая при этом наличие у них профессиональной квалификации и практических знаний для осуществления мониторинговых посещений, а также обеспечение гендерного равенства;
в) внедрение практики представления Омбудсманом ежегодно до 15 марта палатам Олий Мажлиса доклада о проводимой работе по предупреждению случаев применения пыток и других жестоких, бесчеловечных или унижающих достоинство видов обращения и наказания, а также публикацию данного доклада в средствах массовой информации.
3. Установить, что:
администрация мест содержания лиц с ограниченной свободой передвижения обеспечивает Общественным группам необходимые условия для беспрепятственной встречи и беседы наедине с лицом с ограниченной свободой передвижения, а также ознакомления с соответствующими документами;
государственные органы и их должностные лица, администрация мест содержания лиц с ограниченной свободой передвижения оказывают содействие в осуществлении деятельности Общественных групп;
на администрацию учреждения, в котором проводятся мониторинговые посещения, возлагается обеспечение безопасности членов Общественных групп;
в случае противозаконных действий членов Общественных групп руководитель администрации учреждения, в котором проводятся мониторинговые посещения, оповещает об этом факте Омбудсмана в письменном виде.
4. Реализовать нижеследующее:
а) наладить практику ведения единого электронного реестра лиц, размещенных в местах содержания лиц с ограниченной свободой передвижения.
При этом копия документа, служащая основанием для приема лица с ограниченной свободой передвижения, и сведения о данном лице безотлагательно вводятся в единый электронный реестр администрацией мест содержания лиц с ограниченной свободой передвижения с момента размещения вышеуказанных лиц в данных учреждениях, а для судебных, правоохранительных органов и Омбудсмана создается возможность ознакомления с данными сведениями.
Министерству внутренних дел в срок до 1 декабря 2021 года разработать порядок формирования единого электронного реестра лиц, размещенных в местах содержания лиц с ограниченной свободой передвижения, и обеспечить налаживание его эффективного ведения;
б) усовершенствовать практику обращения по телефону лиц с ограниченной свободой передвижения к адвокату или близкому родственнику исходя из требований действующего законодательства по пыткам.
Министерству внутренних дел в срок до 1 ноября 2021 года разработать и внести в Администрацию Президента Республики Узбекистан проект нормативно-правового акта, по данному вопросу.
5. Национальному центру по правам человека:
совместно с Омбудсманом и Министерством иностранных дел в двухмесячный срок внести в Кабинет Министров предложения по вопросу присоединения Республики Узбекистан к «Факультативному протоколу к Конвенции ООН против пыток и других жестоких, бесчеловечных или унижающих достоинство видов обращения и наказания» (Нью-Йорк, 18 декабря 2002 года);
совместно с Министерством финансов, Министерством внутренних дел и Генеральной прокуратурой в трехмесячный срок разработать и внести в Кабинет Министров порядок компенсации ущерба, нанесенного лицам, пострадавшим от применения пыток;
совместно с Министерством внутренних дел и Генеральной прокуратурой принять меры по организации с 1 октября 2021 года для сотрудников органов оперативно-розыскной деятельности, доследственной проверки, дознания, предварительного следствия и учреждений по исполнению наказания учебных курсов по борьбе с применением пыток.
6. Генеральной прокуратуре, Омбудсману, Национальному центру по правам человека в срок до 1 декабря 2021 года разработать проект закона, предусматривающего соответствующие изменения и дополнения в акты законодательства в целях приведения норм Уголовного кодекса , устанавливающих ответственность за применение пыток, в соответствие с требованиями « Конвенции ООН против пыток и других жестоких, бесчеловечных или унижающих достоинство видов обращения и наказания » (Нью-Йорк, 10 декабря 1984 года).
7. Министерству внутренних дел, Генеральной прокуратуре и Службе государственной безопасности обеспечить принятие безотлагательных законных мер по случаям применения пыток, в частности, любым случаям нарушения закона, выявленным Общественными группами.
8. Рекомендовать палатам Олий Мажлиса:
принятие актов законодательства, предусматривающих порядок формирования, организации деятельности Общественных групп и проведения мониторинга;
пересмотр предельной численности управленческого персонала в структуре Секретариата Омбудсмана с учетом увеличения объема работы Омбудсмана по выявлению случаев применения пыток и их предупреждению.
9. Национальному информационному агентству Узбекистана совместно с Национальной телерадиокомпанией Узбекистана обеспечить широкое разъяснение в средствах массовой информации целей и задач настоящего постановления, освещение на регулярной основе деятельности и мониторинговых посещений Общественных групп.
10. Контроль за исполнением настоящего постановления возложить на Премьер-министра Республики Узбекистан А.Н. Арипова и руководителя Администрации Президента Республики Узбекистан З.Ш. Низомиддинова.
Президент Республики Узбекистан Ш. МИРЗИЁЕВ
г. Ташкент,
26 июня 2021 г.,
№ ПП-5163