📅 2021-yil 29-iyun · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 29 июнь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 29 июня 2021 г. · Постановления Кабинета Министров
Официальный текст. Официальный документ. Редакционные примечания не включены.
📅 29 June 2021 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
Ўзбекистон Республикаси Ёшлар ишлари агентлигининг Ёшларга оид давлат сиёсатини қўллаб-қувватлаш жамғармаси маблағларини шакллантириш ва улардан фойдаланиш тартиби тўғрисидаги низомни тасдиқлаш ҳақида
Ёшларга оид давлат сиёсатини қўллаб-қувватлаш, бу борада амалга оширилаётган ишларни самарали йўлга қўйиш, шунингдек, Ўзбекистон Республикаси Ёшлар ишлари агентлиги фаолиятини янада такомиллаштириш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Ёшларнинг тадбиркорлик фаолиятини қўллаб-қувватлаш ва бандлигига кўмаклашиш, уларни ижтимоий ҳимоя қилиш ҳамда бўш вақтини мазмунли ташкил этишга оид қўшимча чора-тадбирлар тўғрисида» 2021 йил 20 апрелдаги ПФ-6208-сон Фармонига мувофиқ Ўзбекистон Республикаси Ёшлар ишлари агентлигининг (кейинги ўринларда — Агентлик) юридик шахс мақомига эга бўлмаган Ёшларга оид давлат сиёсатини қўллаб-қувватлаш жамғармаси (кейинги ўринларда — Жамғарма) ташкил этилганлиги маълумот учун қабул қилинсин.
2. Ўзбекистон Республикаси Ёшлар ишлари агентлигининг Ёшларга оид давлат сиёсатини қўллаб-қувватлаш жамғармасини бошқариш, унинг маблағларини шакллантириш, улардан фойдаланиш йўналишлари ва сарфлаш тартибини назарда тутувчи Ўзбекистон Республикаси Ёшлар ишлари агентлигининг Ёшларга оид давлат сиёсатини қўллаб-қувватлаш жамғармаси маблағларини шакллантириш ва улардан фойдаланиш тартиби тўғрисидаги низом иловага мувофиқ тасдиқлансин.
3. Ўзбекистон Республикаси Иқтисодиёт ва молия вазирлиги:
Ўзбекистон Республикаси Президентининг «Ёшларнинг тадбиркорлик фаолиятини қўллаб-қувватлаш ва бандлигига кўмаклашиш, уларни ижтимоий ҳимоя қилиш ҳамда бўш вақтини мазмунли ташкил этишга оид қўшимча чора-тадбирлар тўғрисида» 2021 йил 20 апрелдаги ПФ-6208-сон Фармонига мувофиқ ушбу Фармонда белгиланган Агентлик томонидан амалга ошириладиган харажатларни молиялаштириш учун 2021 йилда Агентликка Давлат бюджетидан қўшимча равишда ажратиладиган 100 млрд сўм маблағларнинг Жамғармага ўтказилишини ҳамда ушбу харажатларни молиялаштириш учун 2022 йилдан бошлаб ҳар йили Давлат бюджети параметрларида Агентликка етарли маблағлар ажратилишини;
2021 йилда Агентлик, унинг ҳудудий бўлинмалари ва Агентлик ҳузуридаги Ёшлар муаммоларини ўрганиш ва истиқболли кадрларни тайёрлаш институти фаолиятини молиялаштириш учун ажратилган маблағларнинг тадбирларга йўналтирилиши белгиланган қисми Жамғармага ўтказилишини ҳамда 2022 йилдан бошлаб Жамғармага ўтказиладиган маблағлар ҳисоб-китоби бюджет сўровида назарда тутилишини таъминласин;
Белгилансинки, Ўзбекистон Республикаси Ёшлар ишлари агентлиги ва унинг ҳудудий бўлинмаларининг бино ва иншоотлари, шунингдек, мол-мулкларидан самарали фойдаланиш ва уларнинг сифатли сақланишини таъминлаш мақсадида амалдаги республика ижро этувчи ҳокимият органлари ва хўжалик бирлашмаларининг бошқарув ва хизмат кўрсатувчи ходимлари сонининг нисбатини ҳисоблаш меъёрлари Ёшлар ишлари агентлиги ва унинг ҳудудий бўлинмаларининг ёшлар объектлари (ёшлар марказлари, ёшлар учун спорт, маданий-маърифий ва интеллектуал ўйинларни ўтказиш, ёшларни рақамли технологиялар соҳасига йўналтиришга мўлжалланган ёпиқ мажмуалар) учун татбиқ этилмайди.
4. Агентлик манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
5. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари Б.А. Мусаев зиммасига юклансин.
Вазирлар Маҳкамасининг 2021 йил 29 июндаги 400-сон қарорига ИЛОВА
Ўзбекистон Республикаси Ёшлар ишлари агентлигининг Ёшларга оид давлат сиёсатини қўллаб-қувватлаш жамғармаси маблағларини шакллантириш ва улардан фойдаланиш тартиби тўғрисидаги
1-боб. Умумий қоидалар
1.Мазкур Низом Ўзбекистон Республикаси Ёшлар ишлари агентлигининг Ёшларга оид давлат сиёсатини қўллаб-қувватлаш жамғармаси (кейинги ўринларда — Жамғарма) маблағларини шакллантириш ва улардан фойдаланиш тартибини белгилайди.
2. Жамғарма Ўзбекистон Республикаси Ёшлар ишлари агентлигининг (кейинги ўринларда — Агентлик) юридик шахс мақомига эга бўлмаган бюджетдан ташқари жамғармаси ҳисобланади.
3. Жамғарма маблағлари Агентлик, Қорақалпоғистон Республикаси, вилоятлар ва Тошкент шаҳар ёшлар ишлари бошқармалари ва туман (шаҳар) ёшлар ишлари бўлимлари (кейинги ўринларда — ҳудудий бўлинмалари) ҳамда Агентлик ҳузуридаги Ёшлар муаммоларини ўрганиш ва истиқболли кадрларни тайёрлаш институти (кейинги ўринларда — Институт) учун Иқтисодиёт ва молия вазирлиги ҳузуридаги Ғазначилик хизмати қўмитасида алоҳида очиладиган шахсий ғазна ҳисобварақларида юритилади.
2-боб. Жамғарма маблағларини шакллантириш
4. Қуйидагилар Жамғарма маблағларини шакллантириш манбалари ҳисобланади:
Ўзбекистон Республикаси Давлат бюджетидан Агентлик орқали ажратиладиган маблағлар;
Агентлик ва унинг ҳудудий бўлинмалари ҳузуридаги корхона, муассаса ва ташкилотлар ихтиёрида солиқлар ва бошқа мажбурий тўловлар тўланганидан кейин қоладиган соф фойданинг бир қисми;
жисмоний ва юридик шахсларнинг ҳомийлик хайриялари, халқаро молия институтлари ва хорижий ташкилотларнинг грантлари, вақтинча бўш турган маблағларни тижорат банкларининг депозитларига жойлаштиришдан олинган даромадлар;
қонунчилик ҳужжатлари билан тақиқланмаган бошқа манбалар.
5. Агентлик, унинг ҳудудий бўлинмалари ва Институт тегишлича жамғармаларга маблағлар келиб тушишининг тўлиқлигини назорат қилади.
3-боб. Жамғарма маблағларидан фойдаланиш тартиби.
6. Жамғарманинг маблағларидан қуйидаги мақсадларда фойдаланилади:
ёшларнинг ҳуқуқ ва эркинликлари, қонуний манфаатларини ҳимоя қилишга қаратилган чора-тадбирларни молиялаштириш;
Ўзбекистон Республикаси Президенти томонидан илгари сурилган бешта муҳим ташаббусни кенг жорий этишга қаратилган тадбирларни молиялаштириш;
«Ёшлар дафтари»га киритилган ёшларнинг хорижий тиллар ва умумтаълим фанлари бўйича нодавлат таълим ташкилотларида ўқиш харажатларининг 50 фоизи (бироқ, базавий ҳисоблаш миқдорининг 5 бараваригача) ҳамда улар бўйича миллий сертификатлар олиш учун ўтказиладиган имтиҳонларни топшириш харажатларини компенсация қилиш;
«Меҳрибонлик» уйлари тарбияланувчилари ҳамда «Ёшлар дафтари»га киритилган ёшларнинг ҳайдовчилик курсларида ўқиш харажатларини (базавий ҳисоблаш миқдорининг 4 бараваригача) ва сафарбарлик чақируви резервида хизматни ўташ учун тўланадиган тўловларни молиялаштириш;
хусусий корхона ва ташкилотларга ишга қабул қилинган ҳамда фаолият бошлаганига олти ойдан ошмаган «Ёшлар дафтари»га киритилган ёшларни қайта тайёрлов курсларида ўқитиш билан боғлиқ харажатларни (базавий ҳисоблаш миқдорининг 4 бараваригача) мазкур хусусий корхона ва ташкилотларга компенсация сифатида қоплаб бериш;
АТ «Халқ банки», АТ «Алоқа банк» ва «Микрокредитбанк» АТБ томонидан «Бир миллион дастурчи» лойиҳаси доирасида ўқув курсларини муваффақиятли тугатган ва сертификат олган, шунингдек, хорижий тилни билиш бўйича С1 даражасидаги сертификатга эга бўлган ёшларга компьютер (шу жумладан, Ўзбекистон Республикасида ишлаб чиқарилмаган) харидлари учун базавий ҳисоблаш миқдорининг 25 бараваридан кўп бўлмаган миқдорда ажратилган истеъмол кредитлари бўйича фоиз тўловларини компенсация қилиш;
«маҳалла еттилиги» тавсиясига асосан шакллантириладиган рўйхатга киритилган ҳамда электрон онлайн-аукцион савдолари орқали деҳқон хўжалигини юритиш учун ер майдонларини ижарага олган ёшларга мини-техника, уруғ ва кўчат харид қилиш учун бир йиллик кафиллик тақдим этиш;
қонунчилик ҳужжатларида белгиланган Агентлик, унинг ҳудудий бўлинмалари ва Институтнинг асосий вазифа ва фаолият йўналишлари доирасидаги чора-тадбирларни молиялаштириш;
Агентлик директорининг буйруғига асосан фаол ёки ижтимоий ҳимояга муҳтож бўлган ёшларни қўллаб-қувватлашга доир харажатларни амалга ошириш;
Агентлик, унинг ҳудудий бўлинмалари ва Институтнинг бино ва иншоотларини, ҳудудлардаги ёшлар объектларини (таълим, маданият, санъат, спорт объектлари, ёшлар марказлари ва бошқалар) қуриш, капитал ва жорий таъмирлаш ҳамда инвентарлар, мебель, компьютер техникаси ва бошқа ускуналар билан жиҳозлаш ҳамда соҳага замонавий ахборот-коммуникация технологияларини жорий этиш;
мамлакатимизда ёшларни қўллаб-қувватлаш, ўсиб келаётган ёш авлодни илм-фан ва инновацияларга кенг жалб этиш билан боғлиқ чора-тадбирларни молиялаштириш;
ёшларга оид дастурлар, лойиҳалар, танловлар ва бошқа тадбирлар учун нодавлат нотижорат ташкилотлари ва фуқаролик жамиятининг бошқа институтлари, шу жумладан, оммавий ахборот воситаларига ижтимоий буюртма ажратиш;
ҳудудларда банд бўлмаган ёшларни ижтимоий қўллаб-қувватлаш ва уларнинг бандлигини таъминлаш мақсадида касб-ҳунарга ўргатиш ва уларда касбий кўникмаларни шакллантириш тадбирларини молиялаштириш;
«Меҳрибонлик» уйлари, Болалар шаҳарчалари ва оилавий болалар уйлари, шунингдек «SOS — Ўзбекистон болалар маҳаллалари» уюшмасининг болалар маҳаллаларидаги етим ва ота-она қарамоғидан маҳрум бўлган ёшларнинг ижтимоий-ҳуқуқий ҳимоясини ташкил этиш тадбирларини молиялаштириш, шу жумладан, ушбу муассасалар тарбияланувчиларининг турмушини яхшилаш, касб-ҳунар ва бизнес билан шуғулланиш орқали даромад топиш ҳамда уларга бундай фаолиятни йўлга қўйишнинг амалий жиҳатларини ўргатишга қаратилган «коучинг» видео материаллар, мотивацион роликлар ва дарсликлар тўпламлари билан таъминлашга қаратилган чора-тадбирларни молиялаштириш.
Вазирлар Маҳкамасининг «Халқаро имтиҳон тизимлари бўйича юқори балл (даража) тўплаган ёшларга ўқиш ва имтиҳон топшириш харажатларини тўлиқ қоплаб бериш тартибини жорий этиш тўғрисида» 2021 йил 13 апрелдаги 209-сон қарорига мувофиқ ёшларга ўқиш ва халқаро имтиҳон тизимлари бўйича энг юқори балл тўплаган иқтидорли ёшларга имтиҳон топшириш харажатларини қоплаб бериш;
халқаро фан олимпиадаларида ўқувчи ёшларнинг юқори даражада тайёргарлик кўришлари учун ўқув базаси ташкил этиш, республика ва хорижий малакали мутахассислар жалб қилиш ҳамда улар учун барча зарур шароитларни таъминлаш харажатларини қоплаш;
халқаро фан олимпиадаларида ўқувчи ёшларнинг иштирокини ташкил этиш билан боғлиқ (суткалик, яшаш, транспорт, виза) харажатларни қоплаш;
ёш кадрларни, шу жумладан Агентлик тизимидаги ходимларни ўқитиш, малакасини ошириш, уларнинг стажировка ўташи, шу жумладан хорижий мамлакатларда ўтказиладиган конференция, семинарлар ва бошқа тадбирларда иштирок этишини ташкил этиш, Агентлик тизимидаги ходимларни жамоа шартномаларида назарда тутилган тартибда моддий ва ижтимоий қўллаб-қувватлаш;
Агентликка юклатилган вазифаларни амалга оширишга маҳаллий ва хорижий илмий муассасалар, олим ва мутахассисларни, илмий-тадқиқот ташкилотлари, олий таълим муассасалари ҳамда бошқа юридик ва жисмоний шахсларни белгиланган тартибда шартнома асосида жалб қилиш;
Агентлик, унинг ҳудудий бўлинмалари ва Институт вазифалари ва фаолиятининг асосий йўналишларини амалга оширишга қаратилган бошқа тадбирларни молиялаштириш;
ёшларни замонавий касбга ўргатиш, ахборот технологиялари ва хорижий тилларга ўқитиш бўйича олти ойгача муддатли ўқув курслари учун ҳар ойда БҲМнинг 4 бараваригача миқдорда субсидия ажратиш;
ижтимоий ҳимояга муҳтож иқтидорли ёшларнинг илм-фан, спорт, санъат ва маданият йўналишларидаги олти ойгача муддатли ўқув курслари учун ҳар ойда БҲМнинг 1 бараваригача миқдорда субсидия ажратиш;
ижтимоий ҳимояга муҳтож иқтидорли ёшларнинг илм-фан, спорт, санъат ва маданият йўналишларидаги олимпиада, танлов ва мусобақаларнинг маҳаллий босқичларида қатнашиш харажатлари учун БҲМнинг 4 бараваригача ҳамда халқаро босқичларида қатнашиш харажатлари учун базавий ҳисоблаш миқдорининг 40 бараваригача миқдорда субсидия ажратиш;
ёшларни таълим, маданият ва санъат, спорт, ахборот технологиялари ва фанларни ўқитишга ихтисослашган ўқув марказларининг уч ой муддатгача нотурар жой ижара харажатлари учун БҲМнинг 50 бараваригача миқдорда субсидия ажратиш;
«Хориждаги ёшлар баланси»ни шакллантириш ва юритиш, хорижда сайёр қабулларни ўтказиш вақтида аниқланган Ўзбекистон Республикаси фуқароси бўлган ёшларнинг муаммолари ва эҳтиёжларини ҳал қилиш бўйича харажатларни амалга ошириш;
ҳар чоракда маҳаллада ёшлар сиёсатини самарали амалга оширишда юқори натижадорликка эришаётган мамлакат бўйича энг илғор 100 нафар маҳалладаги ёшлар етакчиларини бир ойлик иш ҳақига тенг миқдорда бир марталик пул мукофоти билан, шунингдек, фаолият самарадорлиги кўрсаткичларидан келиб чиқиб, маҳалладаги ёшлар етакчиларини ҳар чорак якуни бўйича ойлик иш ҳақининг 50 фоизигача миқдорда пул мукофоти билан тақдирлаш;
фаолиятини самарали ташкил этаётган, ўзининг шахсий фазилатлари билан ёшларга намуна бўлаётган ва уларга етакчилик қилаётган маҳалладаги ёшлар етакчиларини «Янги Ўзбекистон ислоҳотчиси» кўкрак нишони билан тақдирлаш;
йил якуни бўйича ўзига бириктирилган ҳудудда юқори натижаларга эришган маҳалладаги ёшлар етакчиларига ипотека кредити асосида сотиб олинаётган уй-жой қийматининг 50 фоизи миқдорида, бироқ қонунчилик ҳужжатларида белгиланадиган уй-жой ҳисобланган қийматининг 50 фоизидан юқори бўлмаган миқдорда субсидия ажратиш;
бошқа ҳудудлардан келиб ўз фаолиятини олиб бораётган маҳалладаги ёшлар етакчиларига базавий ҳисоблаш миқдорининг икки бараваригача бўлган миқдорда турар жой ижара тўлови қоплаб бериш.
7. Агентлик марказий аппаратининг шахсий ғазна ҳисобварағидан, зарур ҳолларда, ҳудудий бўлинмалар ва Институтнинг шахсий ғазна ҳисобварағига мазкур Низомнинг 6-бандида назарда тутилган харажатларни амалга ошириш учун мақсадли маблағлар ўтказиб берилади.
8. Жамғарманинг даромадлар ва харажатлар сметаси келгуси йилда келиб тушиши кутилаётган маблағлар прогнози ва амалга оширилиши белгиланган тадбирларни ўтказишдан келиб чиққан ҳолда тузилади.
Бунда, Агентлик марказий аппаратида Жамғарманинг даромадлар ва харажатлар сметаси Жамғарма маблағларини сарфлаш йўналишлари ва амалга ошириладиган тадбирлар бўйича тузилади.
9. Жамғарма маблағлари ҳисобидан харажатлар Агентлик марказий аппаратида — Агентлик директори томонидан, ҳудудий бўлинмаларда — ҳудудий бошқармалар ва туман (шаҳар) бўлимлари бошлиқлари томонидан, Институтда — Институт директори томонидан тасдиқланган ҳамда тегишли молия органларидан ўрнатилган тартибда рўйхатдан ўтказилган даромадлар ва харажатлар сметасига мувофиқ амалга оширилади.
Ҳудудий бошқармалар ва Институт томонидан қиймати базавий ҳисоблаш миқдорининг 400 бараваридан, туман (шаҳар) бўлимлари томонидан қиймати базавий ҳисоблаш миқдорининг 200 бараваридан ортиқ бўлган харажатлар Агентлик директори билан келишилган ҳолда амалга оширилади, ушбу жамғармаларга аниқ мақсадга йўналтирилган чора-тадбирларни амалга ошириш учун жисмоний ва юридик шахслар томонидан ўтказиб берилган ҳомийлик маблағларини сарфлаш бундан мустасно.
10. Агентлик томонидан, истисно тариқасида, нодавлат нотижорат ташкилотлар ва фуқаролик жамиятининг бошқа институтларига давлат ижтимоий буюртмаси шаклида маблағ ажратишда маблағларнинг 50 фоизигача қисми олдиндан аванс тариқасида, қолган қисми эса — аванс маблағларининг ўзлаштирилишига қараб ажратилиши мумкин.
11. Жамғарманинг жорий йилда фойдаланилмаган маблағлари (қолдиқ маблағлар) Ўзбекистон Республикаси Давлат бюджетига олиб қўйилмайди ва улардан кейинги йилда мазкур Низомда белгиланган тартибда фойдаланилади.
4-боб. Жамғарма маблағларидан фойдаланилиши юзасидан ҳисоботлар тақдим этиш, назорат ва жавобгарлик
12. Агентлик, унинг ҳудудий бўлинмалари ва Институт белгиланган тартибда Ўзбекистон Республикаси Иқтисодиёт ва молия вазирлигига Жамғарма маблағларининг ишлатилиши тўғрисида ҳар чоракда тегишли ҳисоботларни тақдим этиб боради.
Жамғарма маблағларининг ҳисоби ва ҳисоботи қонунчилик ҳужжатларида белгиланган тартибда юритилади ва тақдим этилади.
13. Жамғарма маблағларидан оқилона ва мақсадли фойдаланилишини назорат қилиш қонунчилик ҳужжатларида белгиланган тартибда амалга оширилади.
14. Жамғарма маблағларидан тўғри ва мақсадли фойдаланиш юзасидан жавобгарлик Агентлик, унинг ҳудудий бўлинмалари ва Институтга юклатилади.
5-боб. Якунловчи қоида
15. Ушбу Низом талаблари бузилишида айбдор бўлган шахслар қонунчилик ҳужжатларига мувофиқ жавоб берадилар.
Ўзбекистон Республикасининг Бош вазири А. АРИПОВ
Тошкент ш.,
2021 йил 29 июнь,
400-сон
Oʻzbekiston Respublikasi Vazirlar Mahkamasining
qarori
NIZOM
Oʻzbekiston Respublikasi Yoshlar ishlari agentligining Yoshlarga oid davlat siyosatini qoʻllab-quvvatlash jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizomni tasdiqlash haqida
Yoshlarga oid davlat siyosatini qoʻllab-quvvatlash, bu borada amalga oshirilayotgan ishlarni samarali yoʻlga qoʻyish, shuningdek, Oʻzbekiston Respublikasi Yoshlar ishlari agentligi faoliyatini yanada takomillashtirish maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Yoshlarning tadbirkorlik faoliyatini qoʻllab-quvvatlash va bandligiga koʻmaklashish, ularni ijtimoiy himoya qilish hamda boʻsh vaqtini mazmunli tashkil etishga oid qoʻshimcha chora-tadbirlar toʻgʻrisida” 2021-yil 20-apreldagi PF-6208-son Farmoniga muvofiq Oʻzbekiston Respublikasi Yoshlar ishlari agentligining (keyingi oʻrinlarda — Agentlik) yuridik shaxs maqomiga ega boʻlmagan Yoshlarga oid davlat siyosatini qoʻllab-quvvatlash jamgʻarmasi (keyingi oʻrinlarda — Jamgʻarma) tashkil etilganligi maʼlumot uchun qabul qilinsin.
2. Oʻzbekiston Respublikasi Yoshlar ishlari agentligining Yoshlarga oid davlat siyosatini qoʻllab-quvvatlash jamgʻarmasini boshqarish, uning mablagʻlarini shakllantirish, ulardan foydalanish yoʻnalishlari va sarflash tartibini nazarda tutuvchi Oʻzbekiston Respublikasi Yoshlar ishlari agentligining Yoshlarga oid davlat siyosatini qoʻllab-quvvatlash jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizom ilovaga muvofiq tasdiqlansin.
3. Oʻzbekiston Respublikasi Iqtisodiyot va moliya vazirligi:
Oʻzbekiston Respublikasi Prezidentining “Yoshlarning tadbirkorlik faoliyatini qoʻllab-quvvatlash va bandligiga koʻmaklashish, ularni ijtimoiy himoya qilish hamda boʻsh vaqtini mazmunli tashkil etishga oid qoʻshimcha chora-tadbirlar toʻgʻrisida” 2021-yil 20-apreldagi PF-6208-son Farmoniga muvofiq ushbu Farmonda belgilangan Agentlik tomonidan amalga oshiriladigan xarajatlarni moliyalashtirish uchun 2021-yilda Agentlikka Davlat budjetidan qoʻshimcha ravishda ajratiladigan 100 mlrd soʻm mablagʻlarning Jamgʻarmaga oʻtkazilishini hamda ushbu xarajatlarni moliyalashtirish uchun 2022-yildan boshlab har yili Davlat budjeti parametrlarida Agentlikka yetarli mablagʻlar ajratilishini;
2021-yilda Agentlik, uning hududiy boʻlinmalari va Agentlik huzuridagi Yoshlar muammolarini oʻrganish va istiqbolli kadrlarni tayyorlash instituti faoliyatini moliyalashtirish uchun ajratilgan mablagʻlarning tadbirlarga yoʻnaltirilishi belgilangan qismi Jamgʻarmaga oʻtkazilishini hamda 2022-yildan boshlab Jamgʻarmaga oʻtkaziladigan mablagʻlar hisob-kitobi budjet soʻrovida nazarda tutilishini taʼminlasin;
Belgilansinki, Oʻzbekiston Respublikasi Yoshlar ishlari agentligi va uning hududiy boʻlinmalarining bino va inshootlari, shuningdek, mol-mulklaridan samarali foydalanish va ularning sifatli saqlanishini taʼminlash maqsadida amaldagi respublika ijro etuvchi hokimiyat organlari va xoʻjalik birlashmalarining boshqaruv va xizmat koʻrsatuvchi xodimlari sonining nisbatini hisoblash meʼyorlari Yoshlar ishlari agentligi va uning hududiy boʻlinmalarining yoshlar obyektlari (yoshlar markazlari, yoshlar uchun sport, madaniy-maʼrifiy va intellektual oʻyinlarni oʻtkazish, yoshlarni raqamli texnologiyalar sohasiga yoʻnaltirishga moʻljallangan yopiq majmualar) uchun tatbiq etilmaydi.
4. Agentlik manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari B.A. Musayev zimmasiga yuklansin.
Vazirlar Mahkamasining 2021-yil 29-iyundagi 400-son qaroriga ILOVA
Oʻzbekiston Respublikasi Yoshlar ishlari agentligining Yoshlarga oid davlat siyosatini qoʻllab-quvvatlash jamgʻarmasi mablagʻlarini shakllantirish va ulardan foydalanish tartibi toʻgʻrisidagi
1-bob. Umumiy qoidalar
1.Mazkur Nizom Oʻzbekiston Respublikasi Yoshlar ishlari agentligining Yoshlarga oid davlat siyosatini qoʻllab-quvvatlash jamgʻarmasi (keyingi oʻrinlarda — Jamgʻarma) mablagʻlarini shakllantirish va ulardan foydalanish tartibini belgilaydi.
2. Jamgʻarma Oʻzbekiston Respublikasi Yoshlar ishlari agentligining (keyingi oʻrinlarda — Agentlik) yuridik shaxs maqomiga ega boʻlmagan budjetdan tashqari jamgʻarmasi hisoblanadi.
3. Jamgʻarma mablagʻlari Agentlik, Qoraqalpogʻiston Respublikasi, viloyatlar va Toshkent shahar yoshlar ishlari boshqarmalari va tuman (shahar) yoshlar ishlari boʻlimlari (keyingi oʻrinlarda — hududiy boʻlinmalari) hamda Agentlik huzuridagi Yoshlar muammolarini oʻrganish va istiqbolli kadrlarni tayyorlash instituti (keyingi oʻrinlarda — Institut) uchun Iqtisodiyot va moliya vazirligi huzuridagi Gʻaznachilik xizmati qoʻmitasida alohida ochiladigan shaxsiy gʻazna hisobvaraqlarida yuritiladi.
2-bob. Jamgʻarma mablagʻlarini shakllantirish
4. Quyidagilar Jamgʻarma mablagʻlarini shakllantirish manbalari hisoblanadi:
Oʻzbekiston Respublikasi Davlat budjetidan Agentlik orqali ajratiladigan mablagʻlar;
Agentlik va uning hududiy boʻlinmalari huzuridagi korxona, muassasa va tashkilotlar ixtiyorida soliqlar va boshqa majburiy toʻlovlar toʻlanganidan keyin qoladigan sof foydaning bir qismi;
jismoniy va yuridik shaxslarning homiylik xayriyalari, xalqaro moliya institutlari va xorijiy tashkilotlarning grantlari, vaqtincha boʻsh turgan mablagʻlarni tijorat banklarining depozitlariga joylashtirishdan olingan daromadlar;
qonunchilik hujjatlari bilan taqiqlanmagan boshqa manbalar.
5. Agentlik, uning hududiy boʻlinmalari va Institut tegishlicha jamgʻarmalarga mablagʻlar kelib tushishining toʻliqligini nazorat qiladi.
3-bob. Jamgʻarma mablagʻlaridan foydalanish tartibi.
6. Jamgʻarmaning mablagʻlaridan quyidagi maqsadlarda foydalaniladi:
yoshlarning huquq va erkinliklari, qonuniy manfaatlarini himoya qilishga qaratilgan chora-tadbirlarni moliyalashtirish;
Oʻzbekiston Respublikasi Prezidenti tomonidan ilgari surilgan beshta muhim tashabbusni keng joriy etishga qaratilgan tadbirlarni moliyalashtirish;
“Yoshlar daftari”ga kiritilgan yoshlarning xorijiy tillar va umumtaʼlim fanlari boʻyicha nodavlat taʼlim tashkilotlarida oʻqish xarajatlarining 50 foizi (biroq, bazaviy hisoblash miqdorining 5 baravarigacha) hamda ular boʻyicha milliy sertifikatlar olish uchun oʻtkaziladigan imtihonlarni topshirish xarajatlarini kompensatsiya qilish;
“Mehribonlik” uylari tarbiyalanuvchilari hamda “Yoshlar daftari”ga kiritilgan yoshlarning haydovchilik kurslarida oʻqish xarajatlarini (bazaviy hisoblash miqdorining 4 baravarigacha) va safarbarlik chaqiruvi rezervida xizmatni oʻtash uchun toʻlanadigan toʻlovlarni moliyalashtirish;
xususiy korxona va tashkilotlarga ishga qabul qilingan hamda faoliyat boshlaganiga olti oydan oshmagan “Yoshlar daftari”ga kiritilgan yoshlarni qayta tayyorlov kurslarida oʻqitish bilan bogʻliq xarajatlarni (bazaviy hisoblash miqdorining 4 baravarigacha) mazkur xususiy korxona va tashkilotlarga kompensatsiya sifatida qoplab berish;
AT “Xalq banki”, AT “Aloqa bank” va “Mikrokreditbank” ATB tomonidan “Bir million dasturchi” loyihasi doirasida oʻquv kurslarini muvaffaqiyatli tugatgan va sertifikat olgan, shuningdek, xorijiy tilni bilish boʻyicha S1 darajasidagi sertifikatga ega boʻlgan yoshlarga kompyuter (shu jumladan, Oʻzbekiston Respublikasida ishlab chiqarilmagan) xaridlari uchun bazaviy hisoblash miqdorining 25 baravaridan koʻp boʻlmagan miqdorda ajratilgan isteʼmol kreditlari boʻyicha foiz toʻlovlarini kompensatsiya qilish;
“mahalla yettiligi” tavsiyasiga asosan shakllantiriladigan roʻyxatga kiritilgan hamda elektron onlayn-auksion savdolari orqali dehqon xoʻjaligini yuritish uchun yer maydonlarini ijaraga olgan yoshlarga mini-texnika, urugʻ va koʻchat xarid qilish uchun bir yillik kafillik taqdim etish;
qonunchilik hujjatlarida belgilangan Agentlik, uning hududiy boʻlinmalari va Institutning asosiy vazifa va faoliyat yoʻnalishlari doirasidagi chora-tadbirlarni moliyalashtirish;
Agentlik direktorining buyrugʻiga asosan faol yoki ijtimoiy himoyaga muhtoj boʻlgan yoshlarni qoʻllab-quvvatlashga doir xarajatlarni amalga oshirish;
Agentlik, uning hududiy boʻlinmalari va Institutning bino va inshootlarini, hududlardagi yoshlar obyektlarini (taʼlim, madaniyat, sanʼat, sport obyektlari, yoshlar markazlari va boshqalar) qurish, kapital va joriy taʼmirlash hamda inventarlar, mebel, kompyuter texnikasi va boshqa uskunalar bilan jihozlash hamda sohaga zamonaviy axborot-kommunikatsiya texnologiyalarini joriy etish;
mamlakatimizda yoshlarni qoʻllab-quvvatlash, oʻsib kelayotgan yosh avlodni ilm-fan va innovatsiyalarga keng jalb etish bilan bogʻliq chora-tadbirlarni moliyalashtirish;
yoshlarga oid dasturlar, loyihalar, tanlovlar va boshqa tadbirlar uchun nodavlat notijorat tashkilotlari va fuqarolik jamiyatining boshqa institutlari, shu jumladan, ommaviy axborot vositalariga ijtimoiy buyurtma ajratish;
hududlarda band boʻlmagan yoshlarni ijtimoiy qoʻllab-quvvatlash va ularning bandligini taʼminlash maqsadida kasb-hunarga oʻrgatish va ularda kasbiy koʻnikmalarni shakllantirish tadbirlarini moliyalashtirish;
“Mehribonlik” uylari, Bolalar shaharchalari va oilaviy bolalar uylari, shuningdek “SOS — Oʻzbekiston bolalar mahallalari” uyushmasining bolalar mahallalaridagi yetim va ota-ona qaramogʻidan mahrum boʻlgan yoshlarning ijtimoiy-huquqiy himoyasini tashkil etish tadbirlarini moliyalashtirish, shu jumladan, ushbu muassasalar tarbiyalanuvchilarining turmushini yaxshilash, kasb-hunar va biznes bilan shugʻullanish orqali daromad topish hamda ularga bunday faoliyatni yoʻlga qoʻyishning amaliy jihatlarini oʻrgatishga qaratilgan “kouching” video materiallar, motivatsion roliklar va darsliklar toʻplamlari bilan taʼminlashga qaratilgan chora-tadbirlarni moliyalashtirish.
Vazirlar Mahkamasining “Xalqaro imtihon tizimlari boʻyicha yuqori ball (daraja) toʻplagan yoshlarga oʻqish va imtihon topshirish xarajatlarini toʻliq qoplab berish tartibini joriy etish toʻgʻrisida” 2021-yil 13-apreldagi 209-son qaroriga muvofiq yoshlarga oʻqish va xalqaro imtihon tizimlari boʻyicha eng yuqori ball toʻplagan iqtidorli yoshlarga imtihon topshirish xarajatlarini qoplab berish;
xalqaro fan olimpiadalarida oʻquvchi yoshlarning yuqori darajada tayyorgarlik koʻrishlari uchun oʻquv bazasi tashkil etish, respublika va xorijiy malakali mutaxassislar jalb qilish hamda ular uchun barcha zarur sharoitlarni taʼminlash xarajatlarini qoplash;
xalqaro fan olimpiadalarida oʻquvchi yoshlarning ishtirokini tashkil etish bilan bogʻliq (sutkalik, yashash, transport, viza) xarajatlarni qoplash;
yosh kadrlarni, shu jumladan Agentlik tizimidagi xodimlarni oʻqitish, malakasini oshirish, ularning stajirovka oʻtashi, shu jumladan xorijiy mamlakatlarda oʻtkaziladigan konferensiya, seminarlar va boshqa tadbirlarda ishtirok etishini tashkil etish, Agentlik tizimidagi xodimlarni jamoa shartnomalarida nazarda tutilgan tartibda moddiy va ijtimoiy qoʻllab-quvvatlash;
Agentlikka yuklatilgan vazifalarni amalga oshirishga mahalliy va xorijiy ilmiy muassasalar, olim va mutaxassislarni, ilmiy-tadqiqot tashkilotlari, oliy taʼlim muassasalari hamda boshqa yuridik va jismoniy shaxslarni belgilangan tartibda shartnoma asosida jalb qilish;
Agentlik, uning hududiy boʻlinmalari va Institut vazifalari va faoliyatining asosiy yoʻnalishlarini amalga oshirishga qaratilgan boshqa tadbirlarni moliyalashtirish;
yoshlarni zamonaviy kasbga oʻrgatish, axborot texnologiyalari va xorijiy tillarga oʻqitish boʻyicha olti oygacha muddatli oʻquv kurslari uchun har oyda BHMning 4 baravarigacha miqdorda subsidiya ajratish;
ijtimoiy himoyaga muhtoj iqtidorli yoshlarning ilm-fan, sport, sanʼat va madaniyat yoʻnalishlaridagi olti oygacha muddatli oʻquv kurslari uchun har oyda BHMning 1 baravarigacha miqdorda subsidiya ajratish;
ijtimoiy himoyaga muhtoj iqtidorli yoshlarning ilm-fan, sport, sanʼat va madaniyat yoʻnalishlaridagi olimpiada, tanlov va musobaqalarning mahalliy bosqichlarida qatnashish xarajatlari uchun BHMning 4 baravarigacha hamda xalqaro bosqichlarida qatnashish xarajatlari uchun bazaviy hisoblash miqdorining 40 baravarigacha miqdorda subsidiya ajratish;
yoshlarni taʼlim, madaniyat va sanʼat, sport, axborot texnologiyalari va fanlarni oʻqitishga ixtisoslashgan oʻquv markazlarining uch oy muddatgacha noturar joy ijara xarajatlari uchun BHMning 50 baravarigacha miqdorda subsidiya ajratish;
“Xorijdagi yoshlar balansi”ni shakllantirish va yuritish, xorijda sayyor qabullarni oʻtkazish vaqtida aniqlangan Oʻzbekiston Respublikasi fuqarosi boʻlgan yoshlarning muammolari va ehtiyojlarini hal qilish boʻyicha xarajatlarni amalga oshirish;
har chorakda mahallada yoshlar siyosatini samarali amalga oshirishda yuqori natijadorlikka erishayotgan mamlakat boʻyicha eng ilgʻor 100 nafar mahalladagi yoshlar yetakchilarini bir oylik ish haqiga teng miqdorda bir martalik pul mukofoti bilan, shuningdek, faoliyat samaradorligi koʻrsatkichlaridan kelib chiqib, mahalladagi yoshlar yetakchilarini har chorak yakuni boʻyicha oylik ish haqining 50 foizigacha miqdorda pul mukofoti bilan taqdirlash;
faoliyatini samarali tashkil etayotgan, oʻzining shaxsiy fazilatlari bilan yoshlarga namuna boʻlayotgan va ularga yetakchilik qilayotgan mahalladagi yoshlar yetakchilarini “Yangi Oʻzbekiston islohotchisi” koʻkrak nishoni bilan taqdirlash;
yil yakuni boʻyicha oʻziga biriktirilgan hududda yuqori natijalarga erishgan mahalladagi yoshlar yetakchilariga ipoteka krediti asosida sotib olinayotgan uy-joy qiymatining 50 foizi miqdorida, biroq qonunchilik hujjatlarida belgilanadigan uy-joy hisoblangan qiymatining 50 foizidan yuqori boʻlmagan miqdorda subsidiya ajratish;
boshqa hududlardan kelib oʻz faoliyatini olib borayotgan mahalladagi yoshlar yetakchilariga bazaviy hisoblash miqdorining ikki baravarigacha boʻlgan miqdorda turar joy ijara toʻlovi qoplab berish.
7. Agentlik markaziy apparatining shaxsiy gʻazna hisobvaragʻidan, zarur hollarda, hududiy boʻlinmalar va Institutning shaxsiy gʻazna hisobvaragʻiga mazkur Nizomning 6-bandida nazarda tutilgan xarajatlarni amalga oshirish uchun maqsadli mablagʻlar oʻtkazib beriladi.
8. Jamgʻarmaning daromadlar va xarajatlar smetasi kelgusi yilda kelib tushishi kutilayotgan mablagʻlar prognozi va amalga oshirilishi belgilangan tadbirlarni oʻtkazishdan kelib chiqqan holda tuziladi.
Bunda, Agentlik markaziy apparatida Jamgʻarmaning daromadlar va xarajatlar smetasi Jamgʻarma mablagʻlarini sarflash yoʻnalishlari va amalga oshiriladigan tadbirlar boʻyicha tuziladi.
9. Jamgʻarma mablagʻlari hisobidan xarajatlar Agentlik markaziy apparatida — Agentlik direktori tomonidan, hududiy boʻlinmalarda — hududiy boshqarmalar va tuman (shahar) boʻlimlari boshliqlari tomonidan, Institutda — Institut direktori tomonidan tasdiqlangan hamda tegishli moliya organlaridan oʻrnatilgan tartibda roʻyxatdan oʻtkazilgan daromadlar va xarajatlar smetasiga muvofiq amalga oshiriladi.
Hududiy boshqarmalar va Institut tomonidan qiymati bazaviy hisoblash miqdorining 400 baravaridan, tuman (shahar) boʻlimlari tomonidan qiymati bazaviy hisoblash miqdorining 200 baravaridan ortiq boʻlgan xarajatlar Agentlik direktori bilan kelishilgan holda amalga oshiriladi, ushbu jamgʻarmalarga aniq maqsadga yoʻnaltirilgan chora-tadbirlarni amalga oshirish uchun jismoniy va yuridik shaxslar tomonidan oʻtkazib berilgan homiylik mablagʻlarini sarflash bundan mustasno.
10. Agentlik tomonidan, istisno tariqasida, nodavlat notijorat tashkilotlar va fuqarolik jamiyatining boshqa institutlariga davlat ijtimoiy buyurtmasi shaklida mablagʻ ajratishda mablagʻlarning 50 foizigacha qismi oldindan avans tariqasida, qolgan qismi esa — avans mablagʻlarining oʻzlashtirilishiga qarab ajratilishi mumkin.
11. Jamgʻarmaning joriy yilda foydalanilmagan mablagʻlari (qoldiq mablagʻlar) Oʻzbekiston Respublikasi Davlat budjetiga olib qoʻyilmaydi va ulardan keyingi yilda mazkur Nizomda belgilangan tartibda foydalaniladi.
4-bob. Jamgʻarma mablagʻlaridan foydalanilishi yuzasidan hisobotlar taqdim etish, nazorat va javobgarlik
12. Agentlik, uning hududiy boʻlinmalari va Institut belgilangan tartibda Oʻzbekiston Respublikasi Iqtisodiyot va moliya vazirligiga Jamgʻarma mablagʻlarining ishlatilishi toʻgʻrisida har chorakda tegishli hisobotlarni taqdim etib boradi.
Jamgʻarma mablagʻlarining hisobi va hisoboti qonunchilik hujjatlarida belgilangan tartibda yuritiladi va taqdim etiladi.
13. Jamgʻarma mablagʻlaridan oqilona va maqsadli foydalanilishini nazorat qilish qonunchilik hujjatlarida belgilangan tartibda amalga oshiriladi.
14. Jamgʻarma mablagʻlaridan toʻgʻri va maqsadli foydalanish yuzasidan javobgarlik Agentlik, uning hududiy boʻlinmalari va Institutga yuklatiladi.
5-bob. Yakunlovchi qoida
15. Ushbu Nizom talablari buzilishida aybdor boʻlgan shaxslar qonunchilik hujjatlariga muvofiq javob beradilar.
Oʻzbekiston Respublikasining Bosh vaziri A. ARIPOV
Toshkent sh.,
2021-yil 29-iyun,
400-son