UzbekAI

Ўзбекистон Республикаси Вазирлар Маҳкамасининг

қарори

НИЗОМ

ДАСТУРИ

«Термиз халқаро савдо маркази» эркин савдо зонаси ҳудудидан товарлар ва шахсларни ўтказиш тартиби тўғрисида

Товарлар (ишлар ва хизматлар) экспорти ҳажмини янада кўпайтириш, хорижий харидорлар учун қулай шарт-шароитлар яратиш, хорижий инвестициялар учун жозибадорликни ошириш, минтақавий савдони рағбатлантириш, шунингдек, ташқи савдо инфратузилмасини ривожлантириш мақсадида Вазирлар Маҳкамаси қарор қилади:

1. Ўзбекистон Республикаси Президентининг «Сурхондарё вилояти ва Тошкент шаҳрида махсус иқтисодий ва кичик саноат зоналари фаолиятини янада ривожлантириш чора-тадбирлари тўғрисида» 2020 йил 12 ноябрдаги ПФ-6109-сон Фармонига мувофиқ «Термиз халқаро савдо маркази» эркин савдо зонаси (кейинги ўринларда — Марказ) ҳудудида чакана савдо операцияларини амалга ошириш ҳуқуқи берилган «эркин божхона зонаси» божхона режими амал қилиши маълумот учун қабул қилинсин.

2. Белгилансинки:

Марказ ҳудудидан ҳар қандай товарлар олиб ўтилиши мумкин, Ўзбекистон Республикаси божхона ҳудудига олиб кириш ёки ундан олиб чиқиш тақиқланган ёки чеклаб қўйилган товарлар бундан мустасно;

товарлар Марказ ҳудудига божхона тўловлари тўланмасдан ва иқтисодий сиёсат чоралари қўлланилмасдан олиб кирилади;

Марказ ҳудудида шахслар, транспорт воситалари ва юклар эркин ҳаракатланади;

юридик ва жисмоний шахслар томонидан Марказ ҳудудига товарлар Ўзбекистон Республикаси қонунчилик ҳужжатларида белгиланган талабларга мувофиқ олиб кирилади ёки олиб чиқилади;

юридик ва жисмоний шахслар томонидан Марказ ҳудудига нақд пул Ўзбекистон Республикаси қонунчилик ҳужжатларида белгиланган талабларга мувофиқ олиб кирилади ёки олиб чиқилади.

3. Марказнинг Маъмурий кенгаши:

Ўзбекистон Республикаси Давлат хавфсизлик хизмати, Инвестициялар ва ташқи савдо вазирлиги ва бошқа манфаатдор вазирликлар ва идоралар билан келишган ҳолда, Марказ ҳудудида унинг периметри бўйлаб махсус тўсиқлар ўрнатишни, назорат қилиш тизими ва ёритиш мосламалари билан жиҳозлашни кўзда тутувчи бош режа лойиҳасини бир ой муддатда ишлаб чиқсин ва унинг белгиланган тартибда тасдиқланишини таъминласин;

Ўзбекистон Республикаси Давлат божхона қўмитаси ва Давлат хавфсизлик хизмати билан биргаликда Марказга кириб келаётган ва чиқиб кетаётган жисмоний шахслар ва транспорт воситаларини текшириш ва рўйхатга олишни таъминлаш мақсадида икки ой муддатда чегара, божхона, ветеринария, санитария, карантин, транспорт назорати бўйича назорат-ўтказиш пунктларини ташкил этсин;

манфаатдор вазирлик ва идоралар ҳамда хўжалик бирлашмалари билан биргаликда Марказ ҳудудида омборхона ва харид қилиш жойлари, транспорт ва логистика марказлари, ишлов бериш тармоқлари, кўргазма марказлари ва «шоу-румлар», бож олинмайдиган савдо дўконлари, транзит марказлари, банк бўлинмалари, меҳмонхоналар, савдо ва кўнгилочар марказлар, тиббий даволаш профилактика ва диагностика муассасалари, автотранспорт воситаларига техник хизмат кўрсатиш марказлари барпо этиш, мобил алоқа ва бошқа зарур хизматларни ташкил этиш чораларини кўрсин;

Ўзбекистон Республикаси Давлат солиқ қўмитаси ва Давлат божхона қўмитаси билан биргаликда Марказ ҳудудига олиб кириладиган ҳамда улгуржи ва чакана тартибда сотиладиган товарлар ҳисобини юритиш бўйича замонавий ахборот тизимларини жорий этсин.

4. Қуйидагиларни назарда тутувчи «Термиз халқаро савдо маркази» эркин савдо зонаси ҳудудига шахслар ва транспорт воситаларининг кириши, ҳудудда бўлиши ҳамда ҳудуддан чиқиб кетиши, товарларни олиб кириш ва олиб чиқиш ҳамда ушбу ҳудудда божхона расмийлаштирувини амалга ошириш ва маҳсулотларни реализация қилиш тартиби тўғрисидаги низом 1-иловага мувофиқ тасдиқлансин:

Афғонистон Ислом Республикаси фуқаролари ва ушбу давлат ҳудудидан кирувчи бошқа давлат фуқаролари ва фуқаролиги бўлмаган шахсларнинг Ўзбекистон Республикасига кириш визасини расмийлаштирмасдан Марказ ҳудудига кириш, ҳудудда бўлиш ва ундан чиқиш муддатлари ва тартиби;

Ўзбекистон Республикаси фуқаролари, Ўзбекистон ҳудудида бўлиб турган чет эл фуқаролари ва фуқаролиги бўлмаган шахсларнинг Ўзбекистон томонидан Марказ ҳудудига кириш ёки чиқиш тартиби, шу жумладан, мазкур жараёнда давлат чегара назоратини амалга ошириш тартиби;

Марказ ҳудудидан Афғонистон Ислом Республикаси ҳудудига чет эл товарларини («реэкспорт» божхона режимида) ҳамда Ўзбекистон товарларини («экспорт» божхона режимида) олиб чиқиш тартиби;

Марказ ҳудудидан Ўзбекистон Республикаси ҳудудига ва Ўзбекистон Республикаси ҳудуди орқали учинчи давлат ҳудудига товарларни олиб ўтиш қоидалари.

5. «Термиз халқаро савдо маркази» эркин савдо зонаси муҳандислик-коммуникация инфратузилмаларини ривожлантириш бўйича қўшимча чора-тадбирлар дастури 2-иловага мувофиқ тасдиқлансин.

6. Мазкур қарорнинг бажарилишини назорат қилиш Ўзбекистон Республикаси Бош вазирининг инвестициялар ва ташқи иқтисодий алоқалар масалалари бўйича ўринбосари — инвестициялар ва ташқи савдо вазири С.У. Умурзаков, Сурхондарё вилояти ҳокими Т.А. Боболов ва Ўзбекистон Республикаси Давлат божхона қўмитаси раиси М.Б. Азимов зиммасига юклансин.

Вазирлар Маҳкамасининг 2021 йил 1 июлдаги 409-сон қарорига 1-ИЛОВА

«Термиз халқаро савдо маркази» эркин савдо зонаси ҳудудига шахслар ва транспорт воситаларининг кириши, ҳудудда бўлиши ҳамда ҳудуддан чиқиб кетиши, товарларни олиб кириш ва олиб чиқиш ҳамда ушбу ҳудудда божхона расмийлаштирувини амалга ошириш ва маҳсулотларни реализация қилиш тартиби тўғрисида

1-боб. Умумий қоидалар

1. Мазкур Низом «Термиз халқаро савдо маркази» эркин савдо зонаси (кейинги ўринларида — Марказ) ҳудудига шахслар ва автотранспорт воситаларининг кириши, ҳудудда бўлиши ҳамда ҳудуддан чиқиб кетиши, товарларни олиб кириш ва олиб чиқиш, шунингдек, ушбу ҳудудда божхона расмийлаштирувини амалга ошириш ва маҳсулотларни реализация қилиш тартибини белгилайди.

2. Марказ ҳудуди алоҳида ажратилган 26 гектар ер майдонни ва «Termez Cargo Centre» МЧЖ ҳудудини ўз ичига қамраб олиб, коридор орқали туташади.

3. Марказ ҳудуди божхона ҳудудидан ташқарида жойлашган ҳисобланади. Марказ ҳудудида божхона назорати зоналари божхона органлари томонидан белгиланади.

Марказ чегаралари Ўзбекистон Республикасининг божхона чегараси ҳисобланади.

4. Марказ ҳудуди орқали ўтадиган барча шахслар, транспорт воситалари ва товарлар қонунчилик ҳужжатларида белгиланган тартибда назорат тартиб-таомилларидан ўтказилади.

5. Назорат тартиб-таомилларини амалга оширишда қурол-яроғ, техника, назорат-техника воситалари, муҳандислик иншоотлари, хизмат итлари, шунингдек, инсон ҳаёти ва саломатлиги, ҳайвонлар, ўсимликлар учун хавфсиз ҳамда товарлар ва транспорт воситаларига зарар етказмайдиган дезинфекция воситаларидан фойдаланиш мумкин.

6. Марказ ҳудудига олиб кирилаётган, ундан олиб чиқилаётган товар ва транспорт воситаларининг божхона назорати ҳамда расмийлаштируви божхона назорати зоналарида амалга оширилади.

7. «Ягона дарча» ва интерактив механизмлар асосида божхона, солиқ, сертификация, фитосанитария, ветеринария, транспорт, банк ва валюта айирбошлаш, мобиль алоқа ҳамда мижозлар учун тиббиёт ва меҳмонхона, автотранспорт воситаларига техник хизмат кўрсатиш ва бошқа хизматлар йўлга қўйилади.

8. Юк автотранспорт воситаларининг божхона расмийлаштируви жараёнлари ҳар бир автотранспорт воситасининг кириш ва чиқиш вақтини автоматлаштирилган қайд этиш тизими ҳамда навбатларни бошқариш электрон тизими орқали амалга оширилади.

9. Назорат ўтказиш жойи орқали ўтувчи шахслар давлат назорати органи ходимларининг талабига биноан зарур ҳужжатлар, багаж, қўл юки, валюта қимматликларини назорат ва текширувдан ўтказиш учун тақдим этади, назорат ва текширувни ўтказишга кўмаклашади.

10. Транспорт воситалари ва товарлар техника хавфсизлигига риоя этилган ҳолда, ташувчи вакили ёки товарга ваколатли шахс ёхуд транспорт воситаси ҳайдовчиси иштирокида божхона назоратидан ўтказилади ҳамда улар божхона органининг талабига кўра кўздан кечириш қийин бўлган барча жойларни кўрсатиши шарт.

11. Идентификация воситалари (пломбалар, муҳрлар ва бошқалар) бузилганлиги ва (ёки) уларга шикаст етганлиги ёки назорат ўтказиш жойидан ўтувчи шахс контрабанда предметларини ёхуд ноқонуний олиб кетилаётган товарларни яширган бўлиши мумкинлигини кўрсатувчи белгилар аниқланганда, божхона органи бошлиғи ёки унинг ўрнини босувчи шахснинг қарори асосида, шунингдек, назорат чораси хавфни бошқариш тизимида мавжуд бўлса, ушбу шахс, товар ва транспорт воситаларига нисбатан божхона назорати шакллари қўлланиши мумкин.

12. Божхона қўмитаси, Экология, атроф-муҳитни муҳофаза қилиш ва иқлим ўзгариши вазирлиги, Ўсимликлар карантини ва ҳимояси агентлиги, Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги, Санитария-эпидемиологик осойишталик ва жамоат саломатлиги қўмитаси ҳамда бошқа давлат органлари ва ташкилотлари (кейинги ўринларда — давлат назорат органлари) томонидан назорат тартиб-таомилларини амалга ошириш чоғида ҳуқуқбузарликлар аниқланганда, ҳуқуқбузарлар ва ҳуқуқбузарликлар содир этилишига дахлдор бошқа шахсларга нисбатан қонунчилик ҳужжатларида белгиланган тартибда чоралар кўрилади.

13. Марказ орқали ҳаракатланаётган шахслар, автотранспорт воситалари ва товарлар бўйича назоратни ўрнатиш мақсадида чегара ва божхона органлари онлайн равишда ўзаро электрон ахборот билан алмашади.

Давлат назорат органларининг ахборот алмашинуви электрон тизимлар орқали амалга оширилади.

14. Марказ ҳудудига товарлар Марказ иштирокчилари томонидан «эркин божхона зонаси» божхона режимига расмийлаштириш орқали жойлаштирилади.

Марказ нормал фаолият кўрсатишини таъминлаш учун фойдаланиладиган Ўзбекистон товарлари (ортиш-тушириш техникаси, совитиш ускунаси, компьютер техникаси, махсус кийим-бош) божхона режими остида жойлаштирилмайди.

Бунда ушбу товарлар Марказ дирекцияси кафиллиги остида дирекция томонидан тақдим этиладиган рўйхат асосида олиб кирилади ва ушбу товарларнинг ҳисоби алоҳида юритилади.

15. Марказ ҳудудида божхона юк декларациялари асосида олиб ўтиладиган товарлар назорати ва ҳисоби божхона органлари томонидан, чакана тартибда сотиладиган товарлар назорати ва ҳисоби солиқ органлари томонидан амалга оширилади.

16. Марказ иштирокчиси томонидан Марказга келиб тушаётган ва ундан олиб чиқилаётган ҳар бир товарга идентификация коди бириктирилади, шунингдек, ушбу товарлар бўйича солиқ ва божхона органларининг ўзаро интеграциялашган ахборот тизимида ушбу товарларнинг олиб кирилиши ва олиб чиқилиши ҳамда реализация қилиниши тўғрисида белги қўйган ҳолда автоматлаштирилган ҳисоби юритилади.

17. Марказ ҳудудига «эркин божхона зонаси» божхона режимида олиб кириладиган ва чакана тартибда сотиладиган товарлар ҳисобини юритиш, назорат қилиш ва божхона юк декларацияларини назоратдан ечиш (ҳисобдан чиқариш) савдо нуқталарида ўрнатилган давлат реестрига киритилган фискал хотирали назорат-касса машиналарининг идентификацияловчи QR-кодли чеклари асосида, солиқ ва божхона органлари ҳамда Марказ дирекциясининг ўзаро интеграциялашган ахборот дастури орқали амалга оширилади.

Бунда назорат-касса машинасининг товар сотилганлигини тасдиқлайдиган чекидаги QR-кодда (матрик штрих) қуйидаги маълумотлар бўлиши лозим:

касса чеки рақами;

назорат-касса машинаси рақами;

харид қилинган сана ва вақт;

товарнинг номи;

товарнинг нархи ва миқдори;

сотувчи томонидан олинган миллий ва (ёки) чет эл валютаси суммаси;

савдо дўкони номи;

савдо дўкони эгаси — солиқ тўловчининг идентификация рақами;

божхона юк декларациясининг рўйхатдан ўтказиш тартиб рақами;

товарга Марказ ҳудудида сотиш учун бериладиган махсус идентификация рақами.

18. Марказ ҳудудий чегараларининг назорати Ўзбекистон Республикаси Давлат хавфсизлик хизмати Чегара қўшинлари (кейинги ўринларда — ДХХ Чегара қўшинлари) томонидан амалга оширилади.

19. Марказ ҳудудига ва унинг ҳудудидан товар ҳамда автотранспорт воситалари ҳамда шахсларнинг ҳаракатланиши куннинг ёруғ вақтида ёки етарли даражада ёруғлик билан таъминланган ҳолларда амалга оширилади. Ўтиш вақти икки томонлама келишув асосида белгиланиши мумкин.

20. Шахслар Марказ ҳудудига шахсини тасдиқловчи ҳужжатлар асосида ўтказилади.

Шахслар ва автотранспорт воситалари Марказ ҳудудидан ортга қайтиши фақат улар кирган пункт орқали амалга оширилади. Бошқа йўналишда чиқмоқчи бўлган шахслар ҳамда автотранспорт воситалари Марказ ҳудудига қайтариб юборилади.

Ўзбекистон Республикасининг асосий ҳудудига кириш эҳтиёжи бўлган шахслар «Термиз-автойўл» ўтказиш пункти орқали белгиланган тартибда ўтказилади.

Шахсларнинг Марказ ҳудудида белгиланган муддат давомида бўлиши ДХХ Чегара қўшинлари маълумотлар базаси орқали автоматик тарзда назорат қилинади. Марказ ҳудудида белгиланган муддатдан кўп вақт бўлган шахслар ДХХ Чегара қўшинлари ходимлари томонидан аниқланиб, ички ишлар органлари ходимларига қонуний чоралар кўриш учун топширилади.

Вояга етмаган шахслар ота-оналаридан бири ҳамроҳлигида уларнинг шахсини тасдиқловчи тегишли ҳужжатлар асосида Марказ ҳудудига кирадилар ва чиқадилар.

Автотранспорт воситаси божхона кўригидан ўтказилиши жараёнида чегара назоратидан яширинган шахслар аниқланганда, божхона органи томонидан қонуний чоралар кўриш учун чегара назорати бўлинмасига хабар берилади.

2-боб. Афғонистон Ислом Республикаси томонидан Марказ ҳудудига кириш-чиқиш тартиби

21. Афғонистон Ислом Республикаси фуқаролари ва ушбу давлат ҳудудидан кирувчи бошқа чет давлат фуқаролари ва фуқаролиги бўлмаган шахслар Ўзбекистон Республикасига кириш визасини расмийлаштирмасдан ўн кун давомида Марказ ҳудудига кириши, ҳудудда бўлиши ва ундан чиқишлари мумкин.

22. Афғонистон Ислом Республикасидан келаётган шахсларни Марказ ҳудудига ўтказиш «Термиз-автойўл» ўтказиш пунктида янги ташкил этилган йўловчилар терминали орқали амалга оширилади. Бунда республиканинг асосий ҳудудига ҳаракатланаётган фуқаролар оқими билан аралашиб кетишининг олдини олиш мақсадида ушбу терминал турникет билан тўсилади.

23. Афғонистон Ислом Республикаси томонидан Марказ ҳудудига кириб келаётган барча автотранспорт воситалари инспекцион-кўрик мажмуаси (Z-портал сканери)дан ўтказилади ва кўрик майдонида назорат тамойилларидан ўтиб, белгиланган йўналишда ҳаракатни давом эттирадилар.

Марказга транспорт воситаларининг кириш ва чиқиш йўналиши мавжуд автомобиль йўлига туташган ҳудудда белгиланади ҳамда темир панжара билан ажратилади.

24. Йўловчилар белгиланган жойда транспорт воситасидан тушадилар, алоҳида пиёдалар йўлакчаси орқали ҳаракатланиб, йўловчилар терминалида чегара-божхона (шу жумладан, бодисканер ёрдамида) расмийлаштирувидан ўтадилар. Бунда улар ДХХ Чегара қўшинлари маълумотлар базасидан текширилиб, шахсини тасдиқловчи ҳужжатларига сана муҳрлари қўйилмаган ҳолда чегара назоратидан ўтадилар. Сўнгра белгиланган жойда транспорт воситасига чиқиш учун кутадилар. Пиёда йўловчилар ўз йўналишида ҳаракатини давом эттирадилар.

3-боб. Ўзбекистон томонидан Марказ ҳудудига кириш-чиқиш тартиби

25. Ўзбекистон томонидан Марказ ҳудудига кириш ёки чиқиш «Termez Cargo Centre» МЧЖ ҳудудидаги Гулбаҳор-Айритом автомобиль йўлининг жанубий йўналишида жойлашган 2 та назорат ўтказиш пункти орқали амалга оширилади.

26. Ўзбекистон Республикаси фуқаролари, Ўзбекистон ҳудудида бўлиб турган чет давлат фуқаролар ва фуқаролиги бўлмаган шахслар ҳамда хизмат кўрсатувчи шахслар ва уларнинг товарлари «Termez Cargo Centre» МЧЖ ҳудудининг 1-назорат ўтказиш пункти орқали ўтказилади.

Бунда улар ДХХ Чегара қўшинлари маълумотлар базасидан текширилиб, шахсини тасдиқловчи ҳужжатларига сана муҳрлари қўйилмаган ҳолда чегара назоратидан ўтади. Назорат ўтказиш пункти хизмат кўрсатувчи шахсларнинг киришини ва чиқишини назорат қилиш учун бошқариш назорат тизими билан жиҳозланади.

27. Юк автомашиналари «Termez Cargo Centre» МЧЖ ҳудудининг 2-назорат ўтказиш пункти орқали белгиланган тартибда ўтказилади.

4-боб. Марказ ҳудудидан Афғонистон Ислом Республикаси ҳудудига товарларни олиб ўтиш қоидалари

28. Марказ ҳудудидан Афғонистон Ислом Республикаси ҳудудига:

чет давлат товарларини олиб чиқиш «реэкспорт» божхона режимида;

Ўзбекистон товарларини олиб чиқиш «экспорт» божхона режимида амалга оширилади.

29. Марказ ҳудудидан шахслар томонидан товарларни божхона декларациясини тақдим этмасдан олиб чиқишга қонунчилик ҳужжатларига мувофиқ белгиланган Ўзбекистон Республикаси ҳудудидан товарларни божхона декларациясини тақдим этмасдан олиб чиқиш нормалари доирасида рухсат этилади.

5-боб. Марказ ҳудудидан Ўзбекистон Республикаси ҳудудига ва Ўзбекистон Республикаси ҳудуди орқали учинчи давлат ҳудудига товарларни олиб ўтиш қоидалари

30. Чет эл товарлари Марказ ҳудудидан Ўзбекистон Республикаси ҳудудига божхона юк декларацияси асосида божхона тўловлари ва иқтисодий сиёсат чоралари қўлланилган ҳолда, товарларга нисбатан ваколатли шахс томонидан танланган божхона режимига жойлаштириш орқали олиб кирилади.

Марказ ҳудудидан чет эл товарларини шахслар томонидан Ўзбекистон Республикаси ҳудудига олиб кирилишида божхона тўловлари ундирилмайдиган олиб киришнинг чекланган меъёрлари татбиқ этилмайди.

31. Чет эл товарлари Марказ ҳудудидан Ўзбекистон Республикаси ҳудуди орқали учинчи давлат ҳудудига олиб чиқилаётганда, улар ваколатли шахс томонидан «транзит» божхона режимига жойлаштирилади.

32. Ўзбекистон товарлари Марказ ҳудудидан Ўзбекистон Республикаси ҳудудига божхона тўловлари ва иқтисодий сиёсат чоралари қўлланилмаган ҳолда қуйидаги шартлар бажарилган тақдирда, «реимпорт» божхона режимига расмийлаштириш орқали олиб кирилади:

товар уни олиб чиқиш учун мўлжалланган тегишли божхона режимига жойлаштирилган пайтдан эътиборан Божхона кодексида белгиланган муддат ичида «реимпорт» божхона режимига ўтказилиши маълум қилиниши керак. Бунда божхона чегараси кесиб ўтилган кун товарни олиб кириш санаси ҳисобланади, товарни олиб чиқиш учун мўлжалланган тегишли божхона режими учун божхона юк декларацияси расмийлаштирилган кун эса, олиб чиқиш санаси ҳисобланади;

товар Марказга кирган дастлабки ҳолатида бўлиши керак, товарнинг табиий эскириш оқибатидаги ёхуд ташиш, сақлаш ёки фойдаланиш (ишлатиш)нинг нормал шароитларида камайиши оқибатидаги ўзгаришлари бундан мустасно;

божхона органлари томонидан товарни идентификациялашни имконияти мавжуд бўлиши керак.

Бунда, ушбу шартларга риоя этилмаган тақдирда, мазкур банднинг биринчи хатбошида кўрсатилган товарларга чет эл товарлари деб қаралади ва уларга нисбатан қонунчилик ҳужжатларига мувофиқ божхона тўловлари ва иқтисодий сиёсат чоралари қўлланилади.

6-боб. Марказ ҳудудида божхона назоратини таъминлаш талаблари ва шартлари

33. Марказнинг божхона назорати зонаси ҳисобланган ҳудуд ва бинолари:

ер устидаги иморатларда ёки иншоотларда жойлаштирилиши;

Ўзбекистон Республикаси қонунчилик ҳужжатларида белгиланган техник, санитария ва ёнғинга қарши талабларга жавоб бериши;

қўриқлаш ва ёнғин назорати сигнализациялари, содир бўлаётган воқеалар бўйича ҳар томондан олинган видео маълумотларни уч ой давомида кўрсатиш имконига эга бўлган, давлат назорати органлари томонидан белгиланган жойларда ўрнатилган, узлуксиз ишлайдиган видеокузатув воситалари билан жиҳозланган бўлиши;

ёнғин хавфсизлиги талабларига мос бўлган ёнғинни ўчириш тизими ва воситаларига эга бўлиши лозим.

34. Марказга ўтиш пунктларида божхона назоратидан олдин шахсларнинг Марказ ҳудудига олиб кириш тақиқланган ёки чекланган шахсий буюмларини сақлаш учун махсус камералар ташкил этилган бўлиши керак.

35. Марказда унинг нормал фаолият кўрсатиш учун доимий равишда қуйидагилар ишчи ҳолатда ва етарли бўлиши керак:

ортиш-тушириш ускуналари ва транспорт воситалари;

омбор асбоб-ускуналари;

ўлчов асбоблари, аниқлиги ва ўлчаш чегаралари эркин омборда сақлашга мўлжалланаётган товарлар хусусиятига мувофиқ бўлган товарларнинг оғирлигини ўлчаш воситалари;

божхона органларининг дастурий таъминоти билан мос келадиган товарлар ҳисобини юритадиган автоматлаштирилган тизим;

божхона назорати зонаси сифатида ишлатиш учун мўлжалланган биноларни, очиқ майдончаларни, божхона назорати зонасига бевосита туташиб кетган бутун ҳудудни тўлиқ назорат қилиш ҳамда божхона органларига видео маълумотларни узатиш, шунингдек, ушбу маълумотларни уч ой давомида сақлаш имконига эга бўлган узлуксиз ишлайдиган видеокузатув тизими;

кўрик ўтказиш учун стол;

биринчи тиббий ёрдам кўрсатиш учун тиббиёт қутичаси;

алоқа воситалари (шу жумладан телефон, маълумот узатиш тармоғи, Интернет жаҳон ахборот тармоғи);

идора ашёлари ва мебель.

36. Марказ дирекцияси қуйидагиларга мажбур:

солиқ органлари билан ҳамкорликда Марказга келиб тушаётган ва ундан олиб чиқилаётган товарлар бўйича Ўзбекистон Республикаси Давлат божхона қўмитасининг ахборот тизимида ушбу товарларнинг олиб кирилиши ва олиб чиқилиши тўғрисида белги қўйган ҳолда, автоматлаштирилган ҳисоб юритилишини назорат қилиш;

божхона органининг талабига мувофиқ Марказдаги товарларни божхона органининг мансабдор шахси иштирокида хатловдан ўтказиш;

санитария, товарларнинг ёнма-ён қўйилиши қоидаларига ва сақлаш режимига, давлат стандартларининг мажбурий талабларига риоя қилиш, Ўзбекистон Республикасининг божхона иши соҳасидаги муносабатларни тартибга солувчи қонунчилик ҳужжатларида белгиланган бошқа талаблар ва шартларни бажариш;

таъсис ҳужжатларига ўзгартириш ва қўшимчалар киритилганлиги, шу жумладан қайта ташкил этилганлиги, номи ёки жойлашган жойи (почта манзили) ўзгарганлиги тўғрисида божхона органини беш иш куни ичида хабардор қилиш;

Марказ иштирокчиларининг, шунингдек, Марказга кириш учун рухсат берилган ҳамда белгиланган тартибда тиббий кўрикдан ўтган (озиқ-овқат маҳсулотлари билан ишловчи ходимлар учун) ходимларнинг (фамилияси, исми, отасининг исми, лавозими кўрсатилган ҳолда) рўйхати мавжудлигини таъминлаш;

Ўзбекистон Республикаси божхона органларининг қонуний талабларини бажариш, шу жумладан, божхона органлари мансабдор шахсларининг Марказда сақланаётган товарлар турган жойга киришини таъминлаш;

божхона назорати ва божхона расмийлаштирувини амалга ошириш учун Марказдаги жиҳозланган бинолар ва алоқа воситаларини божхона органлари ходимларига бепул тақдим этиш.

7-боб. Якунловчи қоидалар

37. Марказнинг ёки Марказ иштирокчисининг фаолияти тугатилган тақдирда, унинг ҳудудида бўлган товарлар тугатилган вақтдан бошлаб олтмиш календарь кун мобайнида товарларга ваколати бўлган шахс томонидан бошқа божхона режимига ўтказилади.

38. Ушбу Низомнинг 37-бандида назарда тутилган муддат мобайнида кўрсатиб ўтилган товарлар божхона мақсадлари учун «вақтинчалик сақлаш» божхона режимида турган товарлар ҳисобланади.

39. Шахс Марказ иштирокчиси мақомидан маҳрум этилган тақдирда, шу жумладан, инвестициялаш тўғрисидаги битимнинг амал қилиши муддатидан олдин тўхтатилганлиги муносабати билан иштирокчи мақомидан маҳрум этилганда, иштирокчига тегишли бўлган ишлаб чиқариш учун товарлар Марказнинг бошқа иштирокчиси фойдасига бегоналаштирилади ёхуд Марказ иштирокчилари реестрига шахснинг Марказнинг иштирокчиси мақомидан маҳрум этилгани тўғрисидаги ёзув киритилган санадан бошлаб олтмиш календарь кун мобайнида бошқа божхона режимига ўтказилади.

40. Марказ иштирокчиси мақомини йўқотган шахс ўзининг мулки бўлган ишлаб чиқариш учун товарларни бегоналаштирмаганда ёхуд уларни бошқа божхона режимига жойлаштирмаганда, ушбу Низомнинг 39-бандида назарда тутилган муддат ўтиб бўлгач, божхона органлари қонунчилик ҳужжатларига мувофиқ тегишли қонуний чораларни кўради.

41. Марказ ҳудудига кириш-чиқиш тартибини бузган, шунингдек, ушбу ҳудуддан белгиланмаган жойлардан чиқишга ёки киришга уринган шахслар қўлга олиниб, уларга нисбатан белгиланган тартибда қонуний чоралар кўрилади.

42. Ушбу Низом талабларини бузганликда айбдор бўлган шахслар қонунчилик ҳужжатларида белгиланган тартибда жавоб берадилар.

Вазирлар Маҳкамасининг 2021 йил 1 июлдаги 409-сон қарорига 2-ИЛОВА

«Термиз халқаро савдо маркази» эркин савдо зонаси муҳандислик-коммуникация инфратузилмаларини ривожлантириш бўйича қўшимча чора-тадбирлар

Т/р Объект номи Ўлчов бирлиги Миқдори Қиймати (млрд сўм) Молиялаштириш манбаи Амалга ошириш муддати Масъул вазирлик ва идоралар I. Кузатув минораларини кўчириш бўйича 1. Кўприкни қўриқлаш батальони 3-маррасининг чап қанотидаги мавжуд 900 м «Сурхон» электр сигнализация мажмуасини кўчириш (демонтаж) ишларини амалга ошириш. метр 900 0,01 Маҳаллий бюджет маблағлари 2021 йил декабрь Сурхондарё вилояти ҳокимлиги 2. Кўприкни қўриқлаш батальонининг 3-маррасида жойлашган мавжуд 49-сон темир кузатув минорасини кўчириш (демонтаж-монтаж) ва 2-марра томон бўйлаб 400 метр узоқликка ўрнатиш ишларини амалга ошириш. дона 1 0,006 Маҳаллий бюджет маблағлари 2021 йил декабрь Сурхондарё вилояти ҳокимлиги II. «Термиз халқаро савдо маркази» эркин савдо зонаси ҳудудини муҳандислик-коммуникация инфратузилмаси билан таъминлаш бўйича 3. Егоза билан кучайтирилган ҳолда 3,5 м баландликда ҳудуд периметри бўйлаб девор барпо этиш. метр 2 765 6,345 Ҳудудларни ижтимоий-иқтисодий ривожлантириш учун ажратилган Республика бюджети маблағлари 2021 йил IV чорак Сурхондарё вилояти ҳокимлиги 4. «Сурхон» ЭСКни «Термиз халқаро савдо маркази» эркин савдо зонаси ҳудуди ва унга туташ бўлган ҳудудларга ўрнатиш. метр 2 765 0,426 Ҳудудларни ижтимоий-иқтисодий ривожлантириш учун ажратилган Республика бюджети маблағлари 2021 йил IV чорак Сурхондарё вилояти ҳокимлиги 5. Рокад ва назорат из йўлаги барпо этиш. метр 2 765 1,105 Ҳудудларни ижтимоий-иқтисодий ривожлантириш учун ажратилган Республика бюджети маблағлари 2021 йил IV чорак Сурхондарё вилояти ҳокимлиги III. «Термиз халқаро савдо маркази» эркин савдо зонаси ва «Termez Cargo Centre» МЧЖ ҳудудларини боғловчи алоҳида коридор инфратузилмасини барпо этиш бўйича 6. Энига 9 метр кенгликда авто йўл барпо этиш. метр 1000 4,0 Ҳудудларни ижтимоий-иқтисодий ривожлантириш учун ажратилган Республика бюджети маблағлари 2021 йил IV чорак Сурхондарё вилояти ҳокимлиги 7. Коридорнинг икки томонини 3,5 метр баландликдаги панель сетка тўсиғи билан ўраш. метр 1000 0,413 Маҳаллий бюджет маблағлари 2021 йил якунига қадар Сурхондарё вилояти ҳокимлиги 8. Егоза сим тўсиғи ўрнатиш. метр 3380 0,436 Маҳаллий бюджет маблағлари 2021 йил якунига қадар Сурхондарё вилояти ҳокимлиги 9. Ўртада темир йўл кесишмаси мавжудлигини инобатга олиб, темир йўлнинг кириш ва чиқиш йўналишига электрон дарвоза ўрнатиш. дона 2 0,055 Маҳаллий бюджет маблағлари 2021 йил якунига қадар Сурхондарё вилояти ҳокимлиги 10. Авто йўлнинг темир йўл билан кесишган жойида шахслар ва транспорт воситаларининг хавфсизлигини таъминлаш мақсадида шлагбаум ўрнатиш. дона 2 0,056 Маҳаллий бюджет маблағлари 2021 йил якунига қадар Сурхондарё вилояти ҳокимлиги 11. Коридор бўйлаб ёритиш чироқлари ўрнатиш. дона 20 0,010 Маҳаллий бюджет маблағлари 2021 йил якунига қадар Сурхондарё вилояти ҳокимлиги IV. «Termez Cargo Centre» МЧЖ ҳудуди хавфсизлигини таъминлаш бўйича 12. Периметр бўйлаб девор устига сигнализация (ҳаракатланиш датчиклари) ўрнатиш. метр 2 750 0,007 Маҳаллий бюджет маблағлари 2021 йил декабрь Сурхондарё вилояти ҳокимлиги V. «Термиз халқаро савдо маркази» эркин савдо зонасини қўриқлашга жалб этиладиган Давлат хавфсизлик хизмати Чегара қўшинлари шахсий таркиби учун алоҳида маъмурий бино барпо этиш бўйича 13. Қуйидагиларни барпо этиш: 1. Чегара нарядлари смена каттаси хонаси. 2. Бўлинма бўйича навбатчи ва махсус техник воситалари мажмуаси оператори хонаси. 3. Ўн беш кишилик дам олиш хонаси. 4. Қурол сақлаш ва тарқатиш хонаси. 5. Ушланган шахсларни вақтинчалик сақлаш хоналари (эркаклар ва аёллар учун алоҳида). 6. Ошхона. 7. Уч кишилик санузел. 2,5 Ҳудудларни ижтимоий-иқтисодий ривожлантириш учун ажратилган Республика бюджети маблағлари 2021 йил IV чорак Сурхондарё вилояти ҳокимлиги VI. «Termez Cargo Centre» МЧЖ ва «Термиз халқаро савдо маркази» эркин савдо зонаси ва коридорларни ахборот-коммуникация технологиялари тизимлари билан жиҳозлаш бўйича 14. 3 мегапикселли инфрақизил ёриткичли видео кузатув камералари. дона 215 1,71 Ҳудудларни ижтимоий-иқтисодий ривожлантириш учун ажратилган Республика бюджети маблағлари 2021 йил декабрь Сурхондарё вилояти ҳокимлиги 15. 2 мегапикселли инфрақизил ёриткичли видео кузатув камералари. дона 12 0,025 Маҳаллий бюджет маблағлари 2021 йил декабрь Сурхондарё вилояти ҳокимлиги 16. 2 мегапикселли 500 метргача лазер ёриткичли айланувчи кузатув камералари. дона 8 0,114 Маҳаллий бюджет маблағлари 2021 йил декабрь Сурхондарё вилояти ҳокимлиги 17. 24 вольтли АС (ўзгарувчан токли) айланувчи кузатув камералари учун манба блоклари. дона 8 0,003 Маҳаллий бюджет маблағлари 2021 йил декабрь Сурхондарё вилояти ҳокимлиги 18. Айланувчи кузатув камераси учун кронштейнлар. дона 8 0,002 Маҳаллий бюджет маблағлари 2021 йил декабрь Сурхондарё вилояти ҳокимлиги 19. 64 каналли тармоқ видеорегистраторлари. дона 3 0,026 Маҳаллий бюджет маблағлари 2021 йил декабрь Сурхондарё вилояти ҳокимлиги 20. 32 каналли тармоқ видеорегистраторлари. дона 5 0,025 Маҳаллий бюджет маблағлари 2021 йил декабрь Сурхондарё вилояти ҳокимлиги 21. 10 террабайт ҳажмли қаттиқ магнит дисклар. дона 34 0,102 Маҳаллий бюджет маблағлари 2021 йил декабрь Сурхондарё вилояти ҳокимлиги 22. 55 дюймли мониторлар. дона 18 0,203 Маҳаллий бюджет маблағлари 2021 йил декабрь Сурхондарё вилояти ҳокимлиги 23. Видеокамералар бошқарув пульти. тўплам 8 0,058 Маҳаллий бюджет маблағлари 2021 йил декабрь Сурхондарё вилояти ҳокимлиги 24. Кириш ва чиқишда шахсни аниқловчи терминал (2000 нафаргача). тўплам 2 0,010 Маҳаллий бюджет маблағлари 2021 йил декабрь Сурхондарё вилояти ҳокимлиги 25. Турникетлар. тўплам 2 0,126 Маҳаллий бюджет маблағлари 2021 йил декабрь Сурхондарё вилояти ҳокимлиги 26. L2 даражали 16 РоЕ портли тармоқ коммутаторлари. тўплам 43 0,157 Маҳаллий бюджет маблағлари 2021 йил декабрь Сурхондарё вилояти ҳокимлиги 27. Коммутатор учун шкафлар. дона 43 0,024 Маҳаллий бюджет маблағлари 2021 йил декабрь Сурхондарё вилояти ҳокимлиги 28. Сервер учун 19 дюмли шкаф. дона 4 0,006 Маҳаллий бюджет маблағлари 2021 йил декабрь Сурхондарё вилояти ҳокимлиги 29. Сервер учун 75 дюмли шкаф. дона 1 0,008 Маҳаллий бюджет маблағлари 2021 йил декабрь Сурхондарё вилояти ҳокимлиги 30. Сервер учун Intel Соre i7 I7-8700-4QM35LT параметрли шахсий компьютерлар. тўплам 2 0,022 Маҳаллий бюджет маблағлари 2021 йил декабрь Сурхондарё вилояти ҳокимлиги 31. 5 кВаттли узлуксиз электр таъминоти манбаи (UPS). дона 5 0,065 Маҳаллий бюджет маблағлари 2021 йил декабрь Сурхондарё вилояти ҳокимлиги 32. 64 абонентли тармоқ АТСи ISD N платаси билан. тўплам 1 0,008 Маҳаллий бюджет маблағлари 2021 йил декабрь Сурхондарё вилояти ҳокимлиги 33. Телефон аппарати. дона 64 0,032 Маҳаллий бюджет маблағлари 2021 йил декабрь Сурхондарё вилояти ҳокимлиги 34. «GW-4E1-48/220 параметрли шлюз. тўплам 1 0,063 Маҳаллий бюджет маблағлари 2021 йил декабрь Сурхондарё вилояти ҳокимлиги 35. Wi-Fi интернет тармоғи нуқтаси. дона 2 0,001 Маҳаллий бюджет маблағлари 2021 йил декабрь Сурхондарё вилояти ҳокимлиги 36. FTP кабели. метр 65000 0,213 Маҳаллий бюджет маблағлари 2021 йил декабрь Сурхондарё вилояти ҳокимлиги 37. Оптик толали алоқа кабели. метр 10000 0,121 Маҳаллий бюджет маблағлари 2021 йил декабрь Сурхондарё вилояти ҳокимлиги 38. ТПП 30х2х0,5 параметрли кабель. метр 5500 0,102 Маҳаллий бюджет маблағлари 2021 йил декабрь Сурхондарё вилояти ҳокимлиги 39. Кабель тортиш учун ер ости қувури. тўплам 80 0,456 Маҳаллий бюджет маблағлари 2021 йил декабрь Сурхондарё вилояти ҳокимлиги 40. Камида 4,5 тонналик юкка мўлжалланган таранга қарши қурилма. тўплам 7 0,282 Маҳаллий бюджет маблағлари 2021 йил декабрь Сурхондарё вилояти ҳокимлиги ЖАМИ 19,33

Ўзбекистон Республикасининг Бош вазири А. АРИПОВ

Тошкент ш.,

2021 йил 1 июль,

409-сон

(Қонунчилик маълумотлари миллий базаси, 01.07.2021 й., 09/21/409/0625-сон; 12.07.2024 й., 09/24/371/0499-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

DASTURI

“Termiz xalqaro savdo markazi” erkin savdo zonasi hududidan tovarlar va shaxslarni oʻtkazish tartibi toʻgʻrisida

Tovarlar (ishlar va xizmatlar) eksporti hajmini yanada koʻpaytirish, xorijiy xaridorlar uchun qulay shart-sharoitlar yaratish, xorijiy investitsiyalar uchun jozibadorlikni oshirish, mintaqaviy savdoni ragʻbatlantirish, shuningdek, tashqi savdo infratuzilmasini rivojlantirish maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Surxondaryo viloyati va Toshkent shahrida maxsus iqtisodiy va kichik sanoat zonalari faoliyatini yanada rivojlantirish chora-tadbirlari toʻgʻrisida” 2020-yil 12-noyabrdagi PF-6109-son Farmoniga muvofiq “Termiz xalqaro savdo markazi” erkin savdo zonasi (keyingi oʻrinlarda — Markaz) hududida chakana savdo operatsiyalarini amalga oshirish huquqi berilgan “erkin bojxona zonasi” bojxona rejimi amal qilishi maʼlumot uchun qabul qilinsin.

2. Belgilansinki:

Markaz hududidan har qanday tovarlar olib oʻtilishi mumkin, Oʻzbekiston Respublikasi bojxona hududiga olib kirish yoki undan olib chiqish taqiqlangan yoki cheklab qoʻyilgan tovarlar bundan mustasno;

tovarlar Markaz hududiga bojxona toʻlovlari toʻlanmasdan va iqtisodiy siyosat choralari qoʻllanilmasdan olib kiriladi;

Markaz hududida shaxslar, transport vositalari va yuklar erkin harakatlanadi;

yuridik va jismoniy shaxslar tomonidan Markaz hududiga tovarlar Oʻzbekiston Respublikasi qonunchilik hujjatlarida belgilangan talablarga muvofiq olib kiriladi yoki olib chiqiladi;

yuridik va jismoniy shaxslar tomonidan Markaz hududiga naqd pul Oʻzbekiston Respublikasi qonunchilik hujjatlarida belgilangan talablarga muvofiq olib kiriladi yoki olib chiqiladi.

3. Markazning Maʼmuriy kengashi:

Oʻzbekiston Respublikasi Davlat xavfsizlik xizmati, Investitsiyalar va tashqi savdo vazirligi va boshqa manfaatdor vazirliklar va idoralar bilan kelishgan holda, Markaz hududida uning perimetri boʻylab maxsus toʻsiqlar oʻrnatishni, nazorat qilish tizimi va yoritish moslamalari bilan jihozlashni koʻzda tutuvchi bosh reja loyihasini bir oy muddatda ishlab chiqsin va uning belgilangan tartibda tasdiqlanishini taʼminlasin;

Oʻzbekiston Respublikasi Davlat bojxona qoʻmitasi va Davlat xavfsizlik xizmati bilan birgalikda Markazga kirib kelayotgan va chiqib ketayotgan jismoniy shaxslar va transport vositalarini tekshirish va roʻyxatga olishni taʼminlash maqsadida ikki oy muddatda chegara, bojxona, veterinariya, sanitariya, karantin, transport nazorati boʻyicha nazorat-oʻtkazish punktlarini tashkil etsin;

manfaatdor vazirlik va idoralar hamda xoʻjalik birlashmalari bilan birgalikda Markaz hududida omborxona va xarid qilish joylari, transport va logistika markazlari, ishlov berish tarmoqlari, koʻrgazma markazlari va “shou-rumlar”, boj olinmaydigan savdo doʻkonlari, tranzit markazlari, bank boʻlinmalari, mehmonxonalar, savdo va koʻngilochar markazlar, tibbiy davolash profilaktika va diagnostika muassasalari, avtotransport vositalariga texnik xizmat koʻrsatish markazlari barpo etish, mobil aloqa va boshqa zarur xizmatlarni tashkil etish choralarini koʻrsin;

Oʻzbekiston Respublikasi Davlat soliq qoʻmitasi va Davlat bojxona qoʻmitasi bilan birgalikda Markaz hududiga olib kiriladigan hamda ulgurji va chakana tartibda sotiladigan tovarlar hisobini yuritish boʻyicha zamonaviy axborot tizimlarini joriy etsin.

4. Quyidagilarni nazarda tutuvchi “Termiz xalqaro savdo markazi” erkin savdo zonasi hududiga shaxslar va transport vositalarining kirishi, hududda boʻlishi hamda hududdan chiqib ketishi, tovarlarni olib kirish va olib chiqish hamda ushbu hududda bojxona rasmiylashtiruvini amalga oshirish va mahsulotlarni realizatsiya qilish tartibi toʻgʻrisidagi nizom 1-ilovaga muvofiq tasdiqlansin:

Afgʻoniston Islom Respublikasi fuqarolari va ushbu davlat hududidan kiruvchi boshqa davlat fuqarolari va fuqaroligi boʻlmagan shaxslarning Oʻzbekiston Respublikasiga kirish vizasini rasmiylashtirmasdan Markaz hududiga kirish, hududda boʻlish va undan chiqish muddatlari va tartibi;

Oʻzbekiston Respublikasi fuqarolari, Oʻzbekiston hududida boʻlib turgan chet el fuqarolari va fuqaroligi boʻlmagan shaxslarning Oʻzbekiston tomonidan Markaz hududiga kirish yoki chiqish tartibi, shu jumladan, mazkur jarayonda davlat chegara nazoratini amalga oshirish tartibi;

Markaz hududidan Afgʻoniston Islom Respublikasi hududiga chet el tovarlarini (“reeksport” bojxona rejimida) hamda Oʻzbekiston tovarlarini (“eksport” bojxona rejimida) olib chiqish tartibi;

Markaz hududidan Oʻzbekiston Respublikasi hududiga va Oʻzbekiston Respublikasi hududi orqali uchinchi davlat hududiga tovarlarni olib oʻtish qoidalari.

5. “Termiz xalqaro savdo markazi” erkin savdo zonasi muhandislik-kommunikatsiya infratuzilmalarini rivojlantirish boʻyicha qoʻshimcha chora-tadbirlar dasturi 2-ilovaga muvofiq tasdiqlansin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari — investitsiyalar va tashqi savdo vaziri S.U. Umurzakov, Surxondaryo viloyati hokimi T.A. Bobolov va Oʻzbekiston Respublikasi Davlat bojxona qoʻmitasi raisi M.B. Azimov zimmasiga yuklansin.

Vazirlar Mahkamasining 2021-yil 1-iyuldagi 409-son qaroriga 1-ILOVA

“Termiz xalqaro savdo markazi” erkin savdo zonasi hududiga shaxslar va transport vositalarining kirishi, hududda boʻlishi hamda hududdan chiqib ketishi, tovarlarni olib kirish va olib chiqish hamda ushbu hududda bojxona rasmiylashtiruvini amalga oshirish va mahsulotlarni realizatsiya qilish tartibi toʻgʻrisida

1-bob. Umumiy qoidalar

1. Mazkur Nizom “Termiz xalqaro savdo markazi” erkin savdo zonasi (keyingi oʻrinlarida — Markaz) hududiga shaxslar va avtotransport vositalarining kirishi, hududda boʻlishi hamda hududdan chiqib ketishi, tovarlarni olib kirish va olib chiqish, shuningdek, ushbu hududda bojxona rasmiylashtiruvini amalga oshirish va mahsulotlarni realizatsiya qilish tartibini belgilaydi.

2. Markaz hududi alohida ajratilgan 26 gektar yer maydonni va “Termez Cargo Centre” MCHJ hududini oʻz ichiga qamrab olib, koridor orqali tutashadi.

3. Markaz hududi bojxona hududidan tashqarida joylashgan hisoblanadi. Markaz hududida bojxona nazorati zonalari bojxona organlari tomonidan belgilanadi.

Markaz chegaralari Oʻzbekiston Respublikasining bojxona chegarasi hisoblanadi.

4. Markaz hududi orqali oʻtadigan barcha shaxslar, transport vositalari va tovarlar qonunchilik hujjatlarida belgilangan tartibda nazorat tartib-taomillaridan oʻtkaziladi.

5. Nazorat tartib-taomillarini amalga oshirishda qurol-yarogʻ, texnika, nazorat-texnika vositalari, muhandislik inshootlari, xizmat itlari, shuningdek, inson hayoti va salomatligi, hayvonlar, oʻsimliklar uchun xavfsiz hamda tovarlar va transport vositalariga zarar yetkazmaydigan dezinfeksiya vositalaridan foydalanish mumkin.

6. Markaz hududiga olib kirilayotgan, undan olib chiqilayotgan tovar va transport vositalarining bojxona nazorati hamda rasmiylashtiruvi bojxona nazorati zonalarida amalga oshiriladi.

7. “Yagona darcha” va interaktiv mexanizmlar asosida bojxona, soliq, sertifikatsiya, fitosanitariya, veterinariya, transport, bank va valyuta ayirboshlash, mobil aloqa hamda mijozlar uchun tibbiyot va mehmonxona, avtotransport vositalariga texnik xizmat koʻrsatish va boshqa xizmatlar yoʻlga qoʻyiladi.

8. Yuk avtotransport vositalarining bojxona rasmiylashtiruvi jarayonlari har bir avtotransport vositasining kirish va chiqish vaqtini avtomatlashtirilgan qayd etish tizimi hamda navbatlarni boshqarish elektron tizimi orqali amalga oshiriladi.

9. Nazorat oʻtkazish joyi orqali oʻtuvchi shaxslar davlat nazorati organi xodimlarining talabiga binoan zarur hujjatlar, bagaj, qoʻl yuki, valyuta qimmatliklarini nazorat va tekshiruvdan oʻtkazish uchun taqdim etadi, nazorat va tekshiruvni oʻtkazishga koʻmaklashadi.

10. Transport vositalari va tovarlar texnika xavfsizligiga rioya etilgan holda, tashuvchi vakili yoki tovarga vakolatli shaxs yoxud transport vositasi haydovchisi ishtirokida bojxona nazoratidan oʻtkaziladi hamda ular bojxona organining talabiga koʻra koʻzdan kechirish qiyin boʻlgan barcha joylarni koʻrsatishi shart.

11. Identifikatsiya vositalari (plombalar, muhrlar va boshqalar) buzilganligi va (yoki) ularga shikast yetganligi yoki nazorat oʻtkazish joyidan oʻtuvchi shaxs kontrabanda predmetlarini yoxud noqonuniy olib ketilayotgan tovarlarni yashirgan boʻlishi mumkinligini koʻrsatuvchi belgilar aniqlanganda, bojxona organi boshligʻi yoki uning oʻrnini bosuvchi shaxsning qarori asosida, shuningdek, nazorat chorasi xavfni boshqarish tizimida mavjud boʻlsa, ushbu shaxs, tovar va transport vositalariga nisbatan bojxona nazorati shakllari qoʻllanishi mumkin.

12. Bojxona qoʻmitasi, Ekologiya, atrof-muhitni muhofaza qilish va iqlim oʻzgarishi vazirligi, Oʻsimliklar karantini va himoyasi agentligi, Vazirlar Mahkamasi huzuridagi Oʻzbekiston texnik jihatdan tartibga solish agentligi, Sanitariya-epidemiologik osoyishtalik va jamoat salomatligi qoʻmitasi hamda boshqa davlat organlari va tashkilotlari (keyingi oʻrinlarda — davlat nazorat organlari) tomonidan nazorat tartib-taomillarini amalga oshirish chogʻida huquqbuzarliklar aniqlanganda, huquqbuzarlar va huquqbuzarliklar sodir etilishiga daxldor boshqa shaxslarga nisbatan qonunchilik hujjatlarida belgilangan tartibda choralar koʻriladi.

13. Markaz orqali harakatlanayotgan shaxslar, avtotransport vositalari va tovarlar boʻyicha nazoratni oʻrnatish maqsadida chegara va bojxona organlari onlayn ravishda oʻzaro elektron axborot bilan almashadi.

Davlat nazorat organlarining axborot almashinuvi elektron tizimlar orqali amalga oshiriladi.

14. Markaz hududiga tovarlar Markaz ishtirokchilari tomonidan “erkin bojxona zonasi” bojxona rejimiga rasmiylashtirish orqali joylashtiriladi.

Markaz normal faoliyat koʻrsatishini taʼminlash uchun foydalaniladigan Oʻzbekiston tovarlari (ortish-tushirish texnikasi, sovitish uskunasi, kompyuter texnikasi, maxsus kiyim-bosh) bojxona rejimi ostida joylashtirilmaydi.

Bunda ushbu tovarlar Markaz direksiyasi kafilligi ostida direksiya tomonidan taqdim etiladigan roʻyxat asosida olib kiriladi va ushbu tovarlarning hisobi alohida yuritiladi.

15. Markaz hududida bojxona yuk deklaratsiyalari asosida olib oʻtiladigan tovarlar nazorati va hisobi bojxona organlari tomonidan, chakana tartibda sotiladigan tovarlar nazorati va hisobi soliq organlari tomonidan amalga oshiriladi.

16. Markaz ishtirokchisi tomonidan Markazga kelib tushayotgan va undan olib chiqilayotgan har bir tovarga identifikatsiya kodi biriktiriladi, shuningdek, ushbu tovarlar boʻyicha soliq va bojxona organlarining oʻzaro integratsiyalashgan axborot tizimida ushbu tovarlarning olib kirilishi va olib chiqilishi hamda realizatsiya qilinishi toʻgʻrisida belgi qoʻygan holda avtomatlashtirilgan hisobi yuritiladi.

17. Markaz hududiga “erkin bojxona zonasi” bojxona rejimida olib kiriladigan va chakana tartibda sotiladigan tovarlar hisobini yuritish, nazorat qilish va bojxona yuk deklaratsiyalarini nazoratdan yechish (hisobdan chiqarish) savdo nuqtalarida oʻrnatilgan davlat reyestriga kiritilgan fiskal xotirali nazorat-kassa mashinalarining identifikatsiyalovchi QR-kodli cheklari asosida, soliq va bojxona organlari hamda Markaz direksiyasining oʻzaro integratsiyalashgan axborot dasturi orqali amalga oshiriladi.

Bunda nazorat-kassa mashinasining tovar sotilganligini tasdiqlaydigan chekidagi QR-kodda (matrik shtrix) quyidagi maʼlumotlar boʻlishi lozim:

kassa cheki raqami;

nazorat-kassa mashinasi raqami;

xarid qilingan sana va vaqt;

tovarning nomi;

tovarning narxi va miqdori;

sotuvchi tomonidan olingan milliy va (yoki) chet el valyutasi summasi;

savdo doʻkoni nomi;

savdo doʻkoni egasi — soliq toʻlovchining identifikatsiya raqami;

bojxona yuk deklaratsiyasining roʻyxatdan oʻtkazish tartib raqami;

tovarga Markaz hududida sotish uchun beriladigan maxsus identifikatsiya raqami.

18. Markaz hududiy chegaralarining nazorati Oʻzbekiston Respublikasi Davlat xavfsizlik xizmati Chegara qoʻshinlari (keyingi oʻrinlarda — DXX Chegara qoʻshinlari) tomonidan amalga oshiriladi.

19. Markaz hududiga va uning hududidan tovar hamda avtotransport vositalari hamda shaxslarning harakatlanishi kunning yorugʻ vaqtida yoki yetarli darajada yorugʻlik bilan taʼminlangan hollarda amalga oshiriladi. Oʻtish vaqti ikki tomonlama kelishuv asosida belgilanishi mumkin.

20. Shaxslar Markaz hududiga shaxsini tasdiqlovchi hujjatlar asosida oʻtkaziladi.

Shaxslar va avtotransport vositalari Markaz hududidan ortga qaytishi faqat ular kirgan punkt orqali amalga oshiriladi. Boshqa yoʻnalishda chiqmoqchi boʻlgan shaxslar hamda avtotransport vositalari Markaz hududiga qaytarib yuboriladi.

Oʻzbekiston Respublikasining asosiy hududiga kirish ehtiyoji boʻlgan shaxslar “Termiz-avtoyoʻl” oʻtkazish punkti orqali belgilangan tartibda oʻtkaziladi.

Shaxslarning Markaz hududida belgilangan muddat davomida boʻlishi DXX Chegara qoʻshinlari maʼlumotlar bazasi orqali avtomatik tarzda nazorat qilinadi. Markaz hududida belgilangan muddatdan koʻp vaqt boʻlgan shaxslar DXX Chegara qoʻshinlari xodimlari tomonidan aniqlanib, ichki ishlar organlari xodimlariga qonuniy choralar koʻrish uchun topshiriladi.

Voyaga yetmagan shaxslar ota-onalaridan biri hamrohligida ularning shaxsini tasdiqlovchi tegishli hujjatlar asosida Markaz hududiga kiradilar va chiqadilar.

Avtotransport vositasi bojxona koʻrigidan oʻtkazilishi jarayonida chegara nazoratidan yashiringan shaxslar aniqlanganda, bojxona organi tomonidan qonuniy choralar koʻrish uchun chegara nazorati boʻlinmasiga xabar beriladi.

2-bob. Afgʻoniston Islom Respublikasi tomonidan Markaz hududiga kirish-chiqish tartibi

21. Afgʻoniston Islom Respublikasi fuqarolari va ushbu davlat hududidan kiruvchi boshqa chet davlat fuqarolari va fuqaroligi boʻlmagan shaxslar Oʻzbekiston Respublikasiga kirish vizasini rasmiylashtirmasdan oʻn kun davomida Markaz hududiga kirishi, hududda boʻlishi va undan chiqishlari mumkin.

22. Afgʻoniston Islom Respublikasidan kelayotgan shaxslarni Markaz hududiga oʻtkazish “Termiz-avtoyoʻl” oʻtkazish punktida yangi tashkil etilgan yoʻlovchilar terminali orqali amalga oshiriladi. Bunda respublikaning asosiy hududiga harakatlanayotgan fuqarolar oqimi bilan aralashib ketishining oldini olish maqsadida ushbu terminal turniket bilan toʻsiladi.

23. Afgʻoniston Islom Respublikasi tomonidan Markaz hududiga kirib kelayotgan barcha avtotransport vositalari inspeksion-koʻrik majmuasi (Z-portal skaneri)dan oʻtkaziladi va koʻrik maydonida nazorat tamoyillaridan oʻtib, belgilangan yoʻnalishda harakatni davom ettiradilar.

Markazga transport vositalarining kirish va chiqish yoʻnalishi mavjud avtomobil yoʻliga tutashgan hududda belgilanadi hamda temir panjara bilan ajratiladi.

24. Yoʻlovchilar belgilangan joyda transport vositasidan tushadilar, alohida piyodalar yoʻlakchasi orqali harakatlanib, yoʻlovchilar terminalida chegara-bojxona (shu jumladan, bodiskaner yordamida) rasmiylashtiruvidan oʻtadilar. Bunda ular DXX Chegara qoʻshinlari maʼlumotlar bazasidan tekshirilib, shaxsini tasdiqlovchi hujjatlariga sana muhrlari qoʻyilmagan holda chegara nazoratidan oʻtadilar. Soʻngra belgilangan joyda transport vositasiga chiqish uchun kutadilar. Piyoda yoʻlovchilar oʻz yoʻnalishida harakatini davom ettiradilar.

3-bob. Oʻzbekiston tomonidan Markaz hududiga kirish-chiqish tartibi

25. Oʻzbekiston tomonidan Markaz hududiga kirish yoki chiqish “Termez Cargo Centre” MCHJ hududidagi Gulbahor-Ayritom avtomobil yoʻlining janubiy yoʻnalishida joylashgan 2 ta nazorat oʻtkazish punkti orqali amalga oshiriladi.

26. Oʻzbekiston Respublikasi fuqarolari, Oʻzbekiston hududida boʻlib turgan chet davlat fuqarolar va fuqaroligi boʻlmagan shaxslar hamda xizmat koʻrsatuvchi shaxslar va ularning tovarlari “Termez Cargo Centre” MCHJ hududining 1-nazorat oʻtkazish punkti orqali oʻtkaziladi.

Bunda ular DXX Chegara qoʻshinlari maʼlumotlar bazasidan tekshirilib, shaxsini tasdiqlovchi hujjatlariga sana muhrlari qoʻyilmagan holda chegara nazoratidan oʻtadi. Nazorat oʻtkazish punkti xizmat koʻrsatuvchi shaxslarning kirishini va chiqishini nazorat qilish uchun boshqarish nazorat tizimi bilan jihozlanadi.

27. Yuk avtomashinalari “Termez Cargo Centre” MCHJ hududining 2-nazorat oʻtkazish punkti orqali belgilangan tartibda oʻtkaziladi.

4-bob. Markaz hududidan Afgʻoniston Islom Respublikasi hududiga tovarlarni olib oʻtish qoidalari

28. Markaz hududidan Afgʻoniston Islom Respublikasi hududiga:

chet davlat tovarlarini olib chiqish “reeksport” bojxona rejimida;

Oʻzbekiston tovarlarini olib chiqish “eksport” bojxona rejimida amalga oshiriladi.

29. Markaz hududidan shaxslar tomonidan tovarlarni bojxona deklaratsiyasini taqdim etmasdan olib chiqishga qonunchilik hujjatlariga muvofiq belgilangan Oʻzbekiston Respublikasi hududidan tovarlarni bojxona deklaratsiyasini taqdim etmasdan olib chiqish normalari doirasida ruxsat etiladi.

5-bob. Markaz hududidan Oʻzbekiston Respublikasi hududiga va Oʻzbekiston Respublikasi hududi orqali uchinchi davlat hududiga tovarlarni olib oʻtish qoidalari

30. Chet el tovarlari Markaz hududidan Oʻzbekiston Respublikasi hududiga bojxona yuk deklaratsiyasi asosida bojxona toʻlovlari va iqtisodiy siyosat choralari qoʻllanilgan holda, tovarlarga nisbatan vakolatli shaxs tomonidan tanlangan bojxona rejimiga joylashtirish orqali olib kiriladi.

Markaz hududidan chet el tovarlarini shaxslar tomonidan Oʻzbekiston Respublikasi hududiga olib kirilishida bojxona toʻlovlari undirilmaydigan olib kirishning cheklangan meʼyorlari tatbiq etilmaydi.

31. Chet el tovarlari Markaz hududidan Oʻzbekiston Respublikasi hududi orqali uchinchi davlat hududiga olib chiqilayotganda, ular vakolatli shaxs tomonidan “tranzit” bojxona rejimiga joylashtiriladi.

32. Oʻzbekiston tovarlari Markaz hududidan Oʻzbekiston Respublikasi hududiga bojxona toʻlovlari va iqtisodiy siyosat choralari qoʻllanilmagan holda quyidagi shartlar bajarilgan taqdirda, “reimport” bojxona rejimiga rasmiylashtirish orqali olib kiriladi:

tovar uni olib chiqish uchun moʻljallangan tegishli bojxona rejimiga joylashtirilgan paytdan eʼtiboran Bojxona kodeksida belgilangan muddat ichida “reimport” bojxona rejimiga oʻtkazilishi maʼlum qilinishi kerak. Bunda bojxona chegarasi kesib oʻtilgan kun tovarni olib kirish sanasi hisoblanadi, tovarni olib chiqish uchun moʻljallangan tegishli bojxona rejimi uchun bojxona yuk deklaratsiyasi rasmiylashtirilgan kun esa, olib chiqish sanasi hisoblanadi;

tovar Markazga kirgan dastlabki holatida boʻlishi kerak, tovarning tabiiy eskirish oqibatidagi yoxud tashish, saqlash yoki foydalanish (ishlatish)ning normal sharoitlarida kamayishi oqibatidagi oʻzgarishlari bundan mustasno;

bojxona organlari tomonidan tovarni identifikatsiyalashni imkoniyati mavjud boʻlishi kerak.

Bunda, ushbu shartlarga rioya etilmagan taqdirda, mazkur bandning birinchi xatboshida koʻrsatilgan tovarlarga chet el tovarlari deb qaraladi va ularga nisbatan qonunchilik hujjatlariga muvofiq bojxona toʻlovlari va iqtisodiy siyosat choralari qoʻllaniladi.

6-bob. Markaz hududida bojxona nazoratini taʼminlash talablari va shartlari

33. Markazning bojxona nazorati zonasi hisoblangan hudud va binolari:

yer ustidagi imoratlarda yoki inshootlarda joylashtirilishi;

Oʻzbekiston Respublikasi qonunchilik hujjatlarida belgilangan texnik, sanitariya va yongʻinga qarshi talablarga javob berishi;

qoʻriqlash va yongʻin nazorati signalizatsiyalari, sodir boʻlayotgan voqealar boʻyicha har tomondan olingan video maʼlumotlarni uch oy davomida koʻrsatish imkoniga ega boʻlgan, davlat nazorati organlari tomonidan belgilangan joylarda oʻrnatilgan, uzluksiz ishlaydigan videokuzatuv vositalari bilan jihozlangan boʻlishi;

yongʻin xavfsizligi talablariga mos boʻlgan yongʻinni oʻchirish tizimi va vositalariga ega boʻlishi lozim.

34. Markazga oʻtish punktlarida bojxona nazoratidan oldin shaxslarning Markaz hududiga olib kirish taqiqlangan yoki cheklangan shaxsiy buyumlarini saqlash uchun maxsus kameralar tashkil etilgan boʻlishi kerak.

35. Markazda uning normal faoliyat koʻrsatish uchun doimiy ravishda quyidagilar ishchi holatda va yetarli boʻlishi kerak:

ortish-tushirish uskunalari va transport vositalari;

ombor asbob-uskunalari;

oʻlchov asboblari, aniqligi va oʻlchash chegaralari erkin omborda saqlashga moʻljallanayotgan tovarlar xususiyatiga muvofiq boʻlgan tovarlarning ogʻirligini oʻlchash vositalari;

bojxona organlarining dasturiy taʼminoti bilan mos keladigan tovarlar hisobini yuritadigan avtomatlashtirilgan tizim;

bojxona nazorati zonasi sifatida ishlatish uchun moʻljallangan binolarni, ochiq maydonchalarni, bojxona nazorati zonasiga bevosita tutashib ketgan butun hududni toʻliq nazorat qilish hamda bojxona organlariga video maʼlumotlarni uzatish, shuningdek, ushbu maʼlumotlarni uch oy davomida saqlash imkoniga ega boʻlgan uzluksiz ishlaydigan videokuzatuv tizimi;

koʻrik oʻtkazish uchun stol;

birinchi tibbiy yordam koʻrsatish uchun tibbiyot qutichasi;

aloqa vositalari (shu jumladan telefon, maʼlumot uzatish tarmogʻi, Internet jahon axborot tarmogʻi);

idora ashyolari va mebel.

36. Markaz direksiyasi quyidagilarga majbur:

soliq organlari bilan hamkorlikda Markazga kelib tushayotgan va undan olib chiqilayotgan tovarlar boʻyicha Oʻzbekiston Respublikasi Davlat bojxona qoʻmitasining axborot tizimida ushbu tovarlarning olib kirilishi va olib chiqilishi toʻgʻrisida belgi qoʻygan holda, avtomatlashtirilgan hisob yuritilishini nazorat qilish;

bojxona organining talabiga muvofiq Markazdagi tovarlarni bojxona organining mansabdor shaxsi ishtirokida xatlovdan oʻtkazish;

sanitariya, tovarlarning yonma-yon qoʻyilishi qoidalariga va saqlash rejimiga, davlat standartlarining majburiy talablariga rioya qilish, Oʻzbekiston Respublikasining bojxona ishi sohasidagi munosabatlarni tartibga soluvchi qonunchilik hujjatlarida belgilangan boshqa talablar va shartlarni bajarish;

taʼsis hujjatlariga oʻzgartirish va qoʻshimchalar kiritilganligi, shu jumladan qayta tashkil etilganligi, nomi yoki joylashgan joyi (pochta manzili) oʻzgarganligi toʻgʻrisida bojxona organini besh ish kuni ichida xabardor qilish;

Markaz ishtirokchilarining, shuningdek, Markazga kirish uchun ruxsat berilgan hamda belgilangan tartibda tibbiy koʻrikdan oʻtgan (oziq-ovqat mahsulotlari bilan ishlovchi xodimlar uchun) xodimlarning (familiyasi, ismi, otasining ismi, lavozimi koʻrsatilgan holda) roʻyxati mavjudligini taʼminlash;

Oʻzbekiston Respublikasi bojxona organlarining qonuniy talablarini bajarish, shu jumladan, bojxona organlari mansabdor shaxslarining Markazda saqlanayotgan tovarlar turgan joyga kirishini taʼminlash;

bojxona nazorati va bojxona rasmiylashtiruvini amalga oshirish uchun Markazdagi jihozlangan binolar va aloqa vositalarini bojxona organlari xodimlariga bepul taqdim etish.

7-bob. Yakunlovchi qoidalar

37. Markazning yoki Markaz ishtirokchisining faoliyati tugatilgan taqdirda, uning hududida boʻlgan tovarlar tugatilgan vaqtdan boshlab oltmish kalendar kun mobaynida tovarlarga vakolati boʻlgan shaxs tomonidan boshqa bojxona rejimiga oʻtkaziladi.

38. Ushbu Nizomning 37-bandida nazarda tutilgan muddat mobaynida koʻrsatib oʻtilgan tovarlar bojxona maqsadlari uchun “vaqtinchalik saqlash” bojxona rejimida turgan tovarlar hisoblanadi.

39. Shaxs Markaz ishtirokchisi maqomidan mahrum etilgan taqdirda, shu jumladan, investitsiyalash toʻgʻrisidagi bitimning amal qilishi muddatidan oldin toʻxtatilganligi munosabati bilan ishtirokchi maqomidan mahrum etilganda, ishtirokchiga tegishli boʻlgan ishlab chiqarish uchun tovarlar Markazning boshqa ishtirokchisi foydasiga begonalashtiriladi yoxud Markaz ishtirokchilari reyestriga shaxsning Markazning ishtirokchisi maqomidan mahrum etilgani toʻgʻrisidagi yozuv kiritilgan sanadan boshlab oltmish kalendar kun mobaynida boshqa bojxona rejimiga oʻtkaziladi.

40. Markaz ishtirokchisi maqomini yoʻqotgan shaxs oʻzining mulki boʻlgan ishlab chiqarish uchun tovarlarni begonalashtirmaganda yoxud ularni boshqa bojxona rejimiga joylashtirmaganda, ushbu Nizomning 39-bandida nazarda tutilgan muddat oʻtib boʻlgach, bojxona organlari qonunchilik hujjatlariga muvofiq tegishli qonuniy choralarni koʻradi.

41. Markaz hududiga kirish-chiqish tartibini buzgan, shuningdek, ushbu hududdan belgilanmagan joylardan chiqishga yoki kirishga uringan shaxslar qoʻlga olinib, ularga nisbatan belgilangan tartibda qonuniy choralar koʻriladi.

42. Ushbu Nizom talablarini buzganlikda aybdor boʻlgan shaxslar qonunchilik hujjatlarida belgilangan tartibda javob beradilar.

Vazirlar Mahkamasining 2021-yil 1-iyuldagi 409-son qaroriga 2-ILOVA

“Termiz xalqaro savdo markazi” erkin savdo zonasi muhandislik-kommunikatsiya infratuzilmalarini rivojlantirish boʻyicha qoʻshimcha chora-tadbirlar

T/r Obyekt nomi Oʻlchov birligi Miqdori Qiymati (mlrd soʻm) Moliyalashtirish manbai Amalga oshirish muddati Masʼul vazirlik va idoralar I. Kuzatuv minoralarini koʻchirish boʻyicha 1. Koʻprikni qoʻriqlash batalyoni 3-marrasining chap qanotidagi mavjud 900 m “Surxon” elektr signalizatsiya majmuasini koʻchirish (demontaj) ishlarini amalga oshirish. metr 900 0,01 Mahalliy budjet mablagʻlari 2021-yil dekabr Surxondaryo viloyati hokimligi 2. Koʻprikni qoʻriqlash batalyonining 3-marrasida joylashgan mavjud 49-son temir kuzatuv minorasini koʻchirish (demontaj-montaj) va 2-marra tomon boʻylab 400 metr uzoqlikka oʻrnatish ishlarini amalga oshirish. dona 1 0,006 Mahalliy budjet mablagʻlari 2021-yil dekabr Surxondaryo viloyati hokimligi II. “Termiz xalqaro savdo markazi” erkin savdo zonasi hududini muhandislik-kommunikatsiya infratuzilmasi bilan taʼminlash boʻyicha 3. Yegoza bilan kuchaytirilgan holda 3,5 m balandlikda hudud perimetri boʻylab devor barpo etish. metr 2 765 6,345 Hududlarni ijtimoiy-iqtisodiy rivojlantirish uchun ajratilgan Respublika budjeti mablagʻlari 2021-yil IV chorak Surxondaryo viloyati hokimligi 4. “Surxon” ESKni “Termiz xalqaro savdo markazi” erkin savdo zonasi hududi va unga tutash boʻlgan hududlarga oʻrnatish. metr 2 765 0,426 Hududlarni ijtimoiy-iqtisodiy rivojlantirish uchun ajratilgan Respublika budjeti mablagʻlari 2021-yil IV chorak Surxondaryo viloyati hokimligi 5. Rokad va nazorat iz yoʻlagi barpo etish. metr 2 765 1,105 Hududlarni ijtimoiy-iqtisodiy rivojlantirish uchun ajratilgan Respublika budjeti mablagʻlari 2021-yil IV chorak Surxondaryo viloyati hokimligi III. “Termiz xalqaro savdo markazi” erkin savdo zonasi va “Termez Cargo Centre” MCHJ hududlarini bogʻlovchi alohida koridor infratuzilmasini barpo etish boʻyicha 6. Eniga 9 metr kenglikda avto yoʻl barpo etish. metr 1000 4,0 Hududlarni ijtimoiy-iqtisodiy rivojlantirish uchun ajratilgan Respublika budjeti mablagʻlari 2021-yil IV chorak Surxondaryo viloyati hokimligi 7. Koridorning ikki tomonini 3,5 metr balandlikdagi panel setka toʻsigʻi bilan oʻrash. metr 1000 0,413 Mahalliy budjet mablagʻlari 2021-yil yakuniga qadar Surxondaryo viloyati hokimligi 8. Yegoza sim toʻsigʻi oʻrnatish. metr 3380 0,436 Mahalliy budjet mablagʻlari 2021-yil yakuniga qadar Surxondaryo viloyati hokimligi 9. Oʻrtada temir yoʻl kesishmasi mavjudligini inobatga olib, temir yoʻlning kirish va chiqish yoʻnalishiga elektron darvoza oʻrnatish. dona 2 0,055 Mahalliy budjet mablagʻlari 2021-yil yakuniga qadar Surxondaryo viloyati hokimligi 10. Avto yoʻlning temir yoʻl bilan kesishgan joyida shaxslar va transport vositalarining xavfsizligini taʼminlash maqsadida shlagbaum oʻrnatish. dona 2 0,056 Mahalliy budjet mablagʻlari 2021-yil yakuniga qadar Surxondaryo viloyati hokimligi 11. Koridor boʻylab yoritish chiroqlari oʻrnatish. dona 20 0,010 Mahalliy budjet mablagʻlari 2021-yil yakuniga qadar Surxondaryo viloyati hokimligi IV. “Termez Cargo Centre” MCHJ hududi xavfsizligini taʼminlash boʻyicha 12. Perimetr boʻylab devor ustiga signalizatsiya (harakatlanish datchiklari) oʻrnatish. metr 2 750 0,007 Mahalliy budjet mablagʻlari 2021-yil dekabr Surxondaryo viloyati hokimligi V. “Termiz xalqaro savdo markazi” erkin savdo zonasini qoʻriqlashga jalb etiladigan Davlat xavfsizlik xizmati Chegara qoʻshinlari shaxsiy tarkibi uchun alohida maʼmuriy bino barpo etish boʻyicha 13. Quyidagilarni barpo etish: 1. Chegara naryadlari smena kattasi xonasi. 2. Boʻlinma boʻyicha navbatchi va maxsus texnik vositalari majmuasi operatori xonasi. 3. Oʻn besh kishilik dam olish xonasi. 4. Qurol saqlash va tarqatish xonasi. 5. Ushlangan shaxslarni vaqtinchalik saqlash xonalari (erkaklar va ayollar uchun alohida). 6. Oshxona. 7. Uch kishilik sanuzel. 2,5 Hududlarni ijtimoiy-iqtisodiy rivojlantirish uchun ajratilgan Respublika budjeti mablagʻlari 2021-yil IV chorak Surxondaryo viloyati hokimligi VI. “Termez Cargo Centre” MCHJ va “Termiz xalqaro savdo markazi” erkin savdo zonasi va koridorlarni axborot-kommunikatsiya texnologiyalari tizimlari bilan jihozlash boʻyicha 14. 3 megapikselli infraqizil yoritkichli video kuzatuv kameralari. dona 215 1,71 Hududlarni ijtimoiy-iqtisodiy rivojlantirish uchun ajratilgan Respublika budjeti mablagʻlari 2021-yil dekabr Surxondaryo viloyati hokimligi 15. 2 megapikselli infraqizil yoritkichli video kuzatuv kameralari. dona 12 0,025 Mahalliy budjet mablagʻlari 2021-yil dekabr Surxondaryo viloyati hokimligi 16. 2 megapikselli 500 metrgacha lazer yoritkichli aylanuvchi kuzatuv kameralari. dona 8 0,114 Mahalliy budjet mablagʻlari 2021-yil dekabr Surxondaryo viloyati hokimligi 17. 24 voltli AS (oʻzgaruvchan tokli) aylanuvchi kuzatuv kameralari uchun manba bloklari. dona 8 0,003 Mahalliy budjet mablagʻlari 2021-yil dekabr Surxondaryo viloyati hokimligi 18. Aylanuvchi kuzatuv kamerasi uchun kronshteynlar. dona 8 0,002 Mahalliy budjet mablagʻlari 2021-yil dekabr Surxondaryo viloyati hokimligi 19. 64 kanalli tarmoq videoregistratorlari. dona 3 0,026 Mahalliy budjet mablagʻlari 2021-yil dekabr Surxondaryo viloyati hokimligi 20. 32 kanalli tarmoq videoregistratorlari. dona 5 0,025 Mahalliy budjet mablagʻlari 2021-yil dekabr Surxondaryo viloyati hokimligi 21. 10 terrabayt hajmli qattiq magnit disklar. dona 34 0,102 Mahalliy budjet mablagʻlari 2021-yil dekabr Surxondaryo viloyati hokimligi 22. 55 duymli monitorlar. dona 18 0,203 Mahalliy budjet mablagʻlari 2021-yil dekabr Surxondaryo viloyati hokimligi 23. Videokameralar boshqaruv pulti. toʻplam 8 0,058 Mahalliy budjet mablagʻlari 2021-yil dekabr Surxondaryo viloyati hokimligi 24. Kirish va chiqishda shaxsni aniqlovchi terminal (2000 nafargacha). toʻplam 2 0,010 Mahalliy budjet mablagʻlari 2021-yil dekabr Surxondaryo viloyati hokimligi 25. Turniketlar. toʻplam 2 0,126 Mahalliy budjet mablagʻlari 2021-yil dekabr Surxondaryo viloyati hokimligi 26. L2 darajali 16 RoYe portli tarmoq kommutatorlari. toʻplam 43 0,157 Mahalliy budjet mablagʻlari 2021-yil dekabr Surxondaryo viloyati hokimligi 27. Kommutator uchun shkaflar. dona 43 0,024 Mahalliy budjet mablagʻlari 2021-yil dekabr Surxondaryo viloyati hokimligi 28. Server uchun 19 dyumli shkaf. dona 4 0,006 Mahalliy budjet mablagʻlari 2021-yil dekabr Surxondaryo viloyati hokimligi 29. Server uchun 75 dyumli shkaf. dona 1 0,008 Mahalliy budjet mablagʻlari 2021-yil dekabr Surxondaryo viloyati hokimligi 30. Server uchun Intel Sore i7 I7-8700-4QM35LT parametrli shaxsiy kompyuterlar. toʻplam 2 0,022 Mahalliy budjet mablagʻlari 2021-yil dekabr Surxondaryo viloyati hokimligi 31. 5 kVattli uzluksiz elektr taʼminoti manbai (UPS). dona 5 0,065 Mahalliy budjet mablagʻlari 2021-yil dekabr Surxondaryo viloyati hokimligi 32. 64 abonentli tarmoq ATSi ISD N platasi bilan. toʻplam 1 0,008 Mahalliy budjet mablagʻlari 2021-yil dekabr Surxondaryo viloyati hokimligi 33. Telefon apparati. dona 64 0,032 Mahalliy budjet mablagʻlari 2021-yil dekabr Surxondaryo viloyati hokimligi 34. “GW-4E1-48/220 parametrli shlyuz. toʻplam 1 0,063 Mahalliy budjet mablagʻlari 2021-yil dekabr Surxondaryo viloyati hokimligi 35. Wi-Fi internet tarmogʻi nuqtasi. dona 2 0,001 Mahalliy budjet mablagʻlari 2021-yil dekabr Surxondaryo viloyati hokimligi 36. FTP kabeli. metr 65000 0,213 Mahalliy budjet mablagʻlari 2021-yil dekabr Surxondaryo viloyati hokimligi 37. Optik tolali aloqa kabeli. metr 10000 0,121 Mahalliy budjet mablagʻlari 2021-yil dekabr Surxondaryo viloyati hokimligi 38. TPP 30x2x0,5 parametrli kabel. metr 5500 0,102 Mahalliy budjet mablagʻlari 2021-yil dekabr Surxondaryo viloyati hokimligi 39. Kabel tortish uchun yer osti quvuri. toʻplam 80 0,456 Mahalliy budjet mablagʻlari 2021-yil dekabr Surxondaryo viloyati hokimligi 40. Kamida 4,5 tonnalik yukka moʻljallangan taranga qarshi qurilma. toʻplam 7 0,282 Mahalliy budjet mablagʻlari 2021-yil dekabr Surxondaryo viloyati hokimligi JAMI 19,33

Oʻzbekiston Respublikasining Bosh vaziri A. ARIPOV

Toshkent sh.,

2021-yil 1-iyul,

409-son

(Qonunchilik maʼlumotlari milliy bazasi, 01.07.2021-y., 09/21/409/0625-son; 12.07.2024-y., 09/24/371/0499-son)

lex.uz