📅 2021-yil 6-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 6 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 6 июля 2021 г. · Постановления Президента
Официальный текст. Официальный документ. Редакционные примечания не включены.
📅 6 July 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Республика олий таълим муассасаларига талабаликка қабул қилинган иқтидорли ёшларни янада қўллаб-қувватлаш чора-тадбирлари тўғрисида
Ёшларни ўз устида мунтазам ишлашга ундаш ҳамда билимли ёшларни янада қўллаб-қувватлаш, шунингдек, 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Ёшларни қўллаб-қувватлаш ва аҳоли саломатлигини мустаҳкамлаш йили»да амалга оширишга оид давлат дастурида белгиланган вазифалар ижросини таъминлаш мақсадида:
1. 2021/2022 ўқув йилидан бошлаб давлат олий таълим муассасалари бакалавриатининг кундузги таълим шаклига кириш имтиҳонларида (тест синовлари, касбий (ижодий) имтиҳон, ёзма имтиҳон) энг юқори балл тўплаган 200 нафар ёшлар учун Давлат бюджети маблағлари ҳисобидан молиялаштириладиган Ўзбекистон Республикаси Президенти гранти (кейинги ўринларда — Президент гранти) жорий қилинсин.
2. Белгилаб қўйилсинки:
а) давлат олий таълим муассасалари бакалавриатининг кундузги таълим шаклига кириш имтиҳонлари натижаларига кўра, таълим соҳалари кесимида, таълим олиш тилидан қатъи назар, республика бўйича энг юқори балл тўплаган абитуриентларнинг 200 нафари Президент грантига даъвогар бўлади.
Бунда:
Президент гранти учун ажратилган квотанинг таълим соҳалари бўйича тақсимоти ҳар йили Ўзбекистон Республикаси таълим муассасаларига ўқишга қабул қилиш бўйича давлат комиссияси томонидан тасдиқланади;
муайян таълим соҳаси учун ажратилган Президент гранти квотаси бўйича сўнгги ўриндаги абитуриент ва у билан бир хил балл тўплаган барча фуқаролар Президент грантига даъвогар бўлади;
б) қонунчилик ҳужжатларига мувофиқ олий таълим муассасасига ўқишга киришда қўшимча балл шаклида имтиёз бериладиган тоифадаги абитуриентларнинг кириш имтиҳонлари натижаларига кўра тўплаган балига қўшиб берилган баллар Президент грантига даъвогарларни аниқлашда ҳисобга олинмайди;
в) Президент грантига даъвогар бўлган абитуриентлар рўйхати ҳар йили кириш имтиҳонлари ва танлов тўлиқ якунлангандан сўнг Ўзбекистон Республикаси таълим муассасаларига ўқишга қабул қилиш бўйича давлат комиссияси томонидан тасдиқланади;
г) Президент грантига даъвогар бўлган абитуриентлар давлат гранти асосида ўқишга қабул қилинади;
д) Президент гранти совриндорлари биринчи курсда барча фанларни «аъло» баҳоларга ўқиган, маънавий-маърифий ва илмий-тадқиқот йўналишларида ютуқларга эришган мазкур грантга даъвогар талабалар орасидан Олий таълим, фан ва инновациялар вазирлиги, Республика олий таълим кенгаши ҳамда Ёшлар ишлари агентлиги томонидан ўтказиладиган танлов асосида аниқланади;
е) ўтказилган танлов натижаларига кўра ғолиб бўлган талабаларга Ўзбекистон Республикаси Президенти давлат стипендияси тайинланади ва тўланади.
Бунда талабага:
Президент гранти учун белгиланган стипендия иккинчи курснинг ўқув йили бошидан ойма-ой тўланади ва шу муносабат билан унга умумий шартларда белгиланадиган стипендия тайинланмайди;
ўқув семестри якунига кўра камида битта фандан ўзлаштириш кўрсаткичи «аъло» баҳо бўлмаганда, Президент гранти соҳибларига келгуси ўқув семестри мобайнида умумий тартибда белгиланадиган стипендия тайинланади ва тўланади;
навбатдаги ўқув семестри якунига кўра барча фанлар бўйича ўзлаштириш кўрсаткичи фақат «аъло» баҳо бўлганда, Президент гранти учун белгиланган стипендия қайта тайинланади ва тўлаб борилади;
ж) ўқиш якунига қадар Президент грантини узлуксиз олган талабалар бакалавриат таълим йўналишига мос ва турдош мутахассислик бўйича магистратурага кириш имтиҳонларисиз қўшимча давлат гранти асосида талабаликка қабул қилинади.
3. Билим ва малакаларни баҳолаш агентлиги Президент грантига даъвогар бўлган абитуриентлар рўйхатини ҳар йили кириш имтиҳонлари тўлиқ якунлангандан сўнг бир ҳафта муддатда таълим соҳалари бўйича олий таълим муассасалари ва бакалавриат таълим йўналишлари кесимида шакллантириб, Ўзбекистон Республикаси таълим муассасаларига ўқишга қабул қилиш бўйича давлат комиссиясига киритиб борсин.
4. Олий ва ўрта махсус таълим вазирлиги Ёшлар ишлари агентлиги ҳамда Адлия вазирлиги билан биргаликда 2021 йил 1 сентябрга қадар, жумладан қуйидагиларни назарда тутувчи Президент гранти совриндорларини танлов асосида аниқлаш тартибини Вазирлар Маҳкамасига киритсин:
а) танловда иштирок этиш учун олий таълим муассасаси ректори (директори) томонидан биринчи курсда барча фанларни «аъло» баҳоларга ўқиган Президент грантига даъвогар талабага унинг ўқиш давридаги ютуқлари, жумладан илмий-тадқиқот фаолияти, ташаббускорлиги, замонавий билим ва кўникмаларни ўзлаштирганлиги, намунали хулқ-атворга, соҳаси бўйича зарур билимга ҳамда республикада олиб борилаётган ислоҳотларга ўз фуқаролик позициясини билдира олиш кўникмаларига эга эканлиги каби шахсий фазилатлари бўйича тавсифнома бериш;
б) Президент грантига даъвогар талабаларга қуйидаги минимал талабларни қўйиш:
ўқиётган бакалавриат таълим йўналишига оид конференция (танлов)ларда иштирок этиш;
ўқиётган бакалавриат таълим йўналишига мос камида иккита илмий-тадқиқот иши (асар)ни эълон қилиш;
давлат тили билан бир қаторда камида битта хорижий тилни (МДҲ мамлакатлари давлат тилларидан ташқари) ва Ўзбекистон тарихини билиш.
5. Олий ва ўрта махсус таълим вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
6. Мазкур қарор ижросини назорат қилиш Ўзбекистон Республикаси Бош вазирининг ўринбосари Б.А. Мусаев ҳамда Ўзбекистон Республикаси Президенти маслаҳатчиси А.А. Абдувахитов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 6 июль,
ПҚ-5172-сон
Oʻzbekiston Respublikasi Prezidentining
Qarori
Respublika oliy taʼlim muassasalariga talabalikka qabul qilingan iqtidorli yoshlarni yanada qoʻllab-quvvatlash chora-tadbirlari toʻgʻrisida
Yoshlarni oʻz ustida muntazam ishlashga undash hamda bilimli yoshlarni yanada qoʻllab-quvvatlash, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Yoshlarni qoʻllab-quvvatlash va aholi salomatligini mustahkamlash yili”da amalga oshirishga oid davlat dasturida belgilangan vazifalar ijrosini taʼminlash maqsadida:
1. 2021/2022 oʻquv yilidan boshlab davlat oliy taʼlim muassasalari bakalavriatining kunduzgi taʼlim shakliga kirish imtihonlarida (test sinovlari, kasbiy (ijodiy) imtihon, yozma imtihon) eng yuqori ball toʻplagan 200 nafar yoshlar uchun Davlat budjeti mablagʻlari hisobidan moliyalashtiriladigan Oʻzbekiston Respublikasi Prezidenti granti (keyingi oʻrinlarda — Prezident granti) joriy qilinsin.
2. Belgilab qoʻyilsinki:
a) davlat oliy taʼlim muassasalari bakalavriatining kunduzgi taʼlim shakliga kirish imtihonlari natijalariga koʻra, taʼlim sohalari kesimida, taʼlim olish tilidan qatʼi nazar, respublika boʻyicha eng yuqori ball toʻplagan abituriyentlarning 200 nafari Prezident grantiga daʼvogar boʻladi.
Bunda:
Prezident granti uchun ajratilgan kvotaning taʼlim sohalari boʻyicha taqsimoti har yili Oʻzbekiston Respublikasi taʼlim muassasalariga oʻqishga qabul qilish boʻyicha davlat komissiyasi tomonidan tasdiqlanadi;
muayyan taʼlim sohasi uchun ajratilgan Prezident granti kvotasi boʻyicha soʻnggi oʻrindagi abituriyent va u bilan bir xil ball toʻplagan barcha fuqarolar Prezident grantiga daʼvogar boʻladi;
b) qonunchilik hujjatlariga muvofiq oliy taʼlim muassasasiga oʻqishga kirishda qoʻshimcha ball shaklida imtiyoz beriladigan toifadagi abituriyentlarning kirish imtihonlari natijalariga koʻra toʻplagan baliga qoʻshib berilgan ballar Prezident grantiga daʼvogarlarni aniqlashda hisobga olinmaydi;
v) Prezident grantiga daʼvogar boʻlgan abituriyentlar roʻyxati har yili kirish imtihonlari va tanlov toʻliq yakunlangandan soʻng Oʻzbekiston Respublikasi taʼlim muassasalariga oʻqishga qabul qilish boʻyicha davlat komissiyasi tomonidan tasdiqlanadi;
g) Prezident grantiga daʼvogar boʻlgan abituriyentlar davlat granti asosida oʻqishga qabul qilinadi;
d) Prezident granti sovrindorlari birinchi kursda barcha fanlarni “aʼlo” baholarga oʻqigan, maʼnaviy-maʼrifiy va ilmiy-tadqiqot yoʻnalishlarida yutuqlarga erishgan mazkur grantga daʼvogar talabalar orasidan Oliy taʼlim, fan va innovatsiyalar vazirligi, Respublika oliy taʼlim kengashi hamda Yoshlar ishlari agentligi tomonidan oʻtkaziladigan tanlov asosida aniqlanadi;
e) oʻtkazilgan tanlov natijalariga koʻra gʻolib boʻlgan talabalarga Oʻzbekiston Respublikasi Prezidenti davlat stipendiyasi tayinlanadi va toʻlanadi.
Bunda talabaga:
Prezident granti uchun belgilangan stipendiya ikkinchi kursning oʻquv yili boshidan oyma-oy toʻlanadi va shu munosabat bilan unga umumiy shartlarda belgilanadigan stipendiya tayinlanmaydi;
oʻquv semestri yakuniga koʻra kamida bitta fandan oʻzlashtirish koʻrsatkichi “aʼlo” baho boʻlmaganda, Prezident granti sohiblariga kelgusi oʻquv semestri mobaynida umumiy tartibda belgilanadigan stipendiya tayinlanadi va toʻlanadi;
navbatdagi oʻquv semestri yakuniga koʻra barcha fanlar boʻyicha oʻzlashtirish koʻrsatkichi faqat “aʼlo” baho boʻlganda, Prezident granti uchun belgilangan stipendiya qayta tayinlanadi va toʻlab boriladi;
j) oʻqish yakuniga qadar Prezident grantini uzluksiz olgan talabalar bakalavriat taʼlim yoʻnalishiga mos va turdosh mutaxassislik boʻyicha magistraturaga kirish imtihonlarisiz qoʻshimcha davlat granti asosida talabalikka qabul qilinadi.
3. Bilim va malakalarni baholash agentligi Prezident grantiga daʼvogar boʻlgan abituriyentlar roʻyxatini har yili kirish imtihonlari toʻliq yakunlangandan soʻng bir hafta muddatda taʼlim sohalari boʻyicha oliy taʼlim muassasalari va bakalavriat taʼlim yoʻnalishlari kesimida shakllantirib, Oʻzbekiston Respublikasi taʼlim muassasalariga oʻqishga qabul qilish boʻyicha davlat komissiyasiga kiritib borsin.
4. Oliy va oʻrta maxsus taʼlim vazirligi Yoshlar ishlari agentligi hamda Adliya vazirligi bilan birgalikda 2021-yil 1-sentabrga qadar, jumladan quyidagilarni nazarda tutuvchi Prezident granti sovrindorlarini tanlov asosida aniqlash tartibini Vazirlar Mahkamasiga kiritsin:
a) tanlovda ishtirok etish uchun oliy taʼlim muassasasi rektori (direktori) tomonidan birinchi kursda barcha fanlarni “aʼlo” baholarga oʻqigan Prezident grantiga daʼvogar talabaga uning oʻqish davridagi yutuqlari, jumladan ilmiy-tadqiqot faoliyati, tashabbuskorligi, zamonaviy bilim va koʻnikmalarni oʻzlashtirganligi, namunali xulq-atvorga, sohasi boʻyicha zarur bilimga hamda respublikada olib borilayotgan islohotlarga oʻz fuqarolik pozitsiyasini bildira olish koʻnikmalariga ega ekanligi kabi shaxsiy fazilatlari boʻyicha tavsifnoma berish;
b) Prezident grantiga daʼvogar talabalarga quyidagi minimal talablarni qoʻyish:
oʻqiyotgan bakalavriat taʼlim yoʻnalishiga oid konferensiya (tanlov)larda ishtirok etish;
oʻqiyotgan bakalavriat taʼlim yoʻnalishiga mos kamida ikkita ilmiy-tadqiqot ishi (asar)ni eʼlon qilish;
davlat tili bilan bir qatorda kamida bitta xorijiy tilni (MDH mamlakatlari davlat tillaridan tashqari) va Oʻzbekiston tarixini bilish.
5. Oliy va oʻrta maxsus taʼlim vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
6. Mazkur qaror ijrosini nazorat qilish Oʻzbekiston Respublikasi Bosh vazirining oʻrinbosari B.A. Musayev hamda Oʻzbekiston Respublikasi Prezidenti maslahatchisi A.A. Abduvaxitov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 6-iyul,
PQ-5172-son
Президента Республики Узбекистан
Постановление
О мерах по дальнейшей поддержке одаренной молодежи, зачисленной в состав студентов высших образовательных учреждений республики
В целях мотивации молодежи к регулярной работе над собой, дальнейшей поддержки образованной молодежи, а также обеспечения исполнения задач, определенных в Государственной программе по реализации Стратегии действий по пяти приоритетным направлениям развития Республики Узбекистан в 2017 — 2021 годах в «Год поддержки молодежи и укрепления здоровья населения»:
1. Ввести начиная с 2021/2022 учебного года грант Президента Республики Узбекистан (далее — грант Президента) для 200 абитуриентов, набравших самые высокие баллы на вступительных экзаменах (тестовые испытания, профессиональные (творческие) экзамены, письменные экзамены) на дневную форму обучения бакалавриата государственных высших образовательных учреждений, финансируемый за счет средств Государственного бюджета.
2. Установить, что:
а) 200 абитуриентов, набравших в республике самые высокие баллы по результатам вступительных экзаменов на дневную форму обучения бакалавриата государственных высших образовательных учреждений, являются претендентами на грант Президента в разрезе направлений образования, независимо от языка обучения.
При этом:
распределение квоты, выделенной на грант Президента по сферам образования, ежегодно утверждается Государственной комиссией по приему на учебу в образовательные учреждения Республики Узбекистан;
абитуриент, занимающий последнее место в списке претендентов на квоту гранта Президента, выделенную на определенную сферу образования, а также все граждане, набравшие равное с ним количество баллов, являются претендентами на грант Президента;
б) при определении претендентов на грант Президента баллы, добавленные к баллам, набранным по результатам вступительных экзаменов абитуриентами, относящимися к категории, на которую в соответствии с актами законодательства распространяется льгота в форме предоставления дополнительных баллов при поступлении в высшие образовательные учреждения, не учитываются;
в) списки абитуриентов, претендующих на грант Президента, ежегодно утверждаются Государственной комиссией по приему на учебу в образовательные учреждения Республики Узбекистан после полного завершения вступительных экзаменов и конкурсов;
г) абитуриенты, претендующие на грант Президента, принимаются на учебу на основе государственного гранта;
д) обладатели гранта Президента определяются на основе конкурса, проводимого Министерством высшего образования, науки и инноваций, Республиканским советом по высшему образованию и Агентством по делам молодежи среди студентов, претендующих на данный грант, получивших оценку «отлично» по всем предметам на первом курсе, а также имеющих достижения в духовно-просветительском и научно-исследовательском направлениях;
е) студентам, ставшим победителями по результатам проведенного конкурса, назначается и выплачивается государственная стипендия Президента Республики Узбекистан.
При этом студентам:
ежемесячно с начала учебного года второго курса выплачивается стипендия, установленная для гранта Президента, в связи с чем стипендия на общих основаниях им не назначается;
имеющим по итогам учебного семестра хотя бы по одному предмету оценку иную, чем «отлично», обладателям гранта Президента, стипендия назначается на общих основаниях и выплачивается в течение следующего учебного семестра;
имеющим по итогам очередного учебного семестра только оценки «отлично» по всем предметам, стипендия, установленная для гранта Президента, назначается и выплачивается повторно;
ж) студенты, получавшие стипендию, установленную для гранта Президента, до окончания срока обучения без перерыва, принимаются в магистратуру по специальностям, соответствующим и родственным направлениям образования бакалавриата, без сдачи вступительных экзаменов на основе дополнительного государственного гранта.
3. Агентству по оценке знаний и квалификаций ежегодно формировать списки абитуриентов, претендующих на грант Президента, в недельный срок после полного завершения вступительных экзаменов по сферам образования в разрезе высших образовательных учреждений и направлений образования бакалавриата с внесением в Государственную комиссию по приему на учебу в образовательные учреждения Республики Узбекистан.
4. Министерству высшего и среднего специального образования совместно с Агентством по делам молодежи и Министерством юстиции в срок до 1 сентября 2021 года внести в Кабинет Министров порядок определения обладателей гранта Президента на конкурсной основе, предусматривающий в том числе:
а) выдачу ректором (директором) высшего образовательного учреждения характеристики для участия в конкурсе студентам, претендующим на грант Президента, получившим оценку «отлично» по всем предметам на первом курсе, включающей их достижения в период обучения, в частности научно-исследовательскую деятельность, освоение современных знаний и навыков, необходимые знания в сфере, такие личные качества, как инициативность, примерное поведение, навыки выражения своей гражданской позиции по отношению к осуществляемым в республике реформам;
б) установление следующих минимальных требований к студентам, претендующим на грант Президента:
участие в конференциях (конкурсах), соответствующих направлениям образования бакалавриата, по которым они обучаются;
опубликование не менее двух научно-исследовательских работ (произведений), соответствующих направлениям образования бакалавриата, по которым они обучаются;
наряду с владением государственным языком знание не менее одного иностранного языка (за исключением государственных языков государств-членов СНГ) и истории Узбекистана.
5. Министерству высшего и среднего специального образования совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
6. Контроль за исполнением настоящего постановления возложить на заместителя Премьер-министра Республики Узбекистан Б.А. Мусаева и советника Президента Республики Узбекистан А.А. Абдувахитова.
Президент Республики Узбекистан Ш. МИРЗИЁЕВ
г. Ташкент,
6 июля 2021 г.,
№ ПП-5172