📅 2021-yil 13-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 13 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 13 июля 2021 г. · Постановления Президента
Официальный текст. Официальный документ. Редакционные примечания не включены.
📅 13 July 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Экспорт фаолиятини молиявий қўллаб-қувватлашни янада кучайтириш тўғрисида
Республика экспорт салоҳиятини ошириш, экспортчи корхоналарни молиявий қўллаб-қувватлашни янада кучайтириш, ташқи савдо мувозанатини таъминлаш ва валюта тушумларини кўпайтириш мақсадида:
1. Экспорт билан боғлиқ савдо ва экспортолди операцияларини молиялаштириш учун Тикланиш ва тараққиёт жамғармаси Экспортни рағбатлантириш агентлиги талабномасига асосан Экспортни қўллаб-қувватлаш жамғармасига 5 йил муддатга 1 фоиз ставкасида 100 миллион АҚШ доллари миқдорида маблағларни ажратсин.
Тикланиш ва тараққиёт жамғармаси мазкур бандга асосан ажратилган маблағларни 2026 йил 1 январдан бошлаб 2026 йил 1 июлга қадар қайтариш шарти билан «Савдони ривожлантириш компанияси» акциядорлик жамиятига қайта расмийлаштирсин.
2. Ташқи савдо, инвестициялар, маҳаллий саноатни ривожлантириш ва техник жиҳатдан тартибга солиш масалалари бўйича Ҳукумат комиссияси (С. Умурзаков):
Экспортни қўллаб-қувватлаш жамғармаси ҳисобидан ажратилаётган молиявий ресурсларнинг ўз вақтида ва тўлиқ қайтарилишини;
2021 йил якунига қадар халқаро молия институтлари, хорижий ҳукумат молия ташкилотлари, хорижий банклар ва молия компанияларидан Экспортни қўллаб-қувватлаш жамғармаси ва маҳаллий тижорат банкларига экспортолди молиялаштириш учун 200 миллион АҚШ доллари миқдоридаги маблағлар жалб этилишини таъминласин.
3. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Бош вазирининг ўринбосари С.У. Умурзаков зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 13 июль,
ПҚ-5184-сон
Oʻzbekiston Respublikasi Prezidentining
Qarori
Eksport faoliyatini moliyaviy qoʻllab-quvvatlashni yanada kuchaytirish toʻgʻrisida
Respublika eksport salohiyatini oshirish, eksportchi korxonalarni moliyaviy qoʻllab-quvvatlashni yanada kuchaytirish, tashqi savdo muvozanatini taʼminlash va valyuta tushumlarini koʻpaytirish maqsadida:
1. Eksport bilan bogʻliq savdo va eksportoldi operatsiyalarini moliyalashtirish uchun Tiklanish va taraqqiyot jamgʻarmasi Eksportni ragʻbatlantirish agentligi talabnomasiga asosan Eksportni qoʻllab-quvvatlash jamgʻarmasiga 5 yil muddatga 1 foiz stavkasida 100 million AQSH dollari miqdorida mablagʻlarni ajratsin.
Tiklanish va taraqqiyot jamgʻarmasi mazkur bandga asosan ajratilgan mablagʻlarni 2026-yil 1-yanvardan boshlab 2026-yil 1-iyulga qadar qaytarish sharti bilan “Savdoni rivojlantirish kompaniyasi” aksiyadorlik jamiyatiga qayta rasmiylashtirsin.
2. Tashqi savdo, investitsiyalar, mahalliy sanoatni rivojlantirish va texnik jihatdan tartibga solish masalalari boʻyicha Hukumat komissiyasi (S. Umurzakov):
Eksportni qoʻllab-quvvatlash jamgʻarmasi hisobidan ajratilayotgan moliyaviy resurslarning oʻz vaqtida va toʻliq qaytarilishini;
2021-yil yakuniga qadar xalqaro moliya institutlari, xorijiy hukumat moliya tashkilotlari, xorijiy banklar va moliya kompaniyalaridan Eksportni qoʻllab-quvvatlash jamgʻarmasi va mahalliy tijorat banklariga eksportoldi moliyalashtirish uchun 200 million AQSH dollari miqdoridagi mablagʻlar jalb etilishini taʼminlasin.
3. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Bosh vazirining oʻrinbosari S.U. Umurzakov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 13-iyul,
PQ-5184-son
Президента Республики Узбекистан
Постановление
О дальнейшем усилении финансовой поддержки экспортной деятельности
В целях расширения экспортного потенциала республики, дальнейшего усиления финансовой поддержки предприятий-экспортеров, обеспечения сбалансированности внешней торговли и увеличения валютных поступлений:
1. Фонду реконструкции и развития по заявкам Агентства продвижения экспорта выделить Фонду по поддержке экспорта средства в размере 100 миллионов долларов США сроком на 5 лет по ставке 1 процент для финансирования торговых операций, связанных с экспортом, и предэкспортных операций.
Фонду реконструкции и развития переоформить на акционерное общество «Компания по развитию торговли» средства, выделенные на основе настоящего пункта с условием возврата начиная с 1 января 2026 года до 1 июля 2026 года.
2. Правительственной комиссии по вопросам внешней торговли, инвестиций, развития местной промышленности и технического регулирования (С. Умурзаков) обеспечить:
своевременный и полный возврат финансовых ресурсов, выделяемых за счет Фонда по поддержке экспорта;
привлечение до конца 2021 года в Фонд по поддержке экспорта и отечественные коммерческие банки средств международных финансовых институтов, зарубежных правительственных финансовых организаций, иностранных банков и финансовых компаний в размере 200 миллионов долларов США для предэкспортного финансирования.
3. Контроль за исполнением настоящего постановления возложить на Премьер-министра Республики Узбекистан А.Н. Арипова и заместителя Премьер-министра Республики Узбекистан С.У. Умурзакова.
Президент Республики Узбекистан Ш. МИРЗИЁЕВ
г. Ташкент,
13 июля 2021 г.,
№ ПП-5184