📅 2021-yil 8-iyul · Vazirlik va idoralar hujjatlari · Ichki ishlar vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 8 июль · Вазирлик ва идоралар ҳужжатлари · Ички ишлар вазири
Расмий матн. Расмий ҳужжат. Таҳририй изоҳлар киритилмаган.
📅 8 июля 2021 г. · Документы министерств и ведомств · Министр внутренних дел
Официальный текст. Официальный документ. Редакционные примечания не включены.
📅 8 July 2021 · Ministry and agency documents · Ichki ishlar vaziri
Official text. Official document. Editorial notes are not included.
Ўзбекистон Республикаси ички ишлар вазирининг
буйруғи
«Озодликдан маҳрум этишга ҳукм қилинган, алкоголизм, гиёҳвандлик ва заҳарвандликка йўлиққан шахсларга нисбатан тиббий йўсиндаги мажбурлов чораларини қўллаш тартиби тўғрисидаги низомни тасдиқлаш ҳақида»ги буйруққа ўзгартиришлар киритиш тўғрисида
Ўзбекистон Республикасининг 2020 йил 27 октябрдаги ЎРҚ-644-сон «Наркологик касалликлар профилактикаси ва уларни даволаш тўғрисида»ги Қонунига мувофиқ, буюраман:
1. Ўзбекистон Республикаси ички ишлар вазирининг 2014 йил 3 майдаги 65-сон «Озодликдан маҳрум этишга ҳукм қилинган, алкоголизм, гиёҳвандлик ва заҳарвандликка йўлиққан шахсларга нисбатан тиббий йўсиндаги мажбурлов чораларини қўллаш тартиби тўғрисидаги низомни тасдиқлаш ҳақида»ги буйруғига (рўйхат рақами 2591, 2014 йил 3 июнь) (Ўзбекистон Республикаси қонун ҳужжатлари тўплами, 2014 й., 23-сон, 275-модда) иловага мувофиқ ўзгартиришлар киритилсин.
2. Мазкур буйруқ расмий эълон қилинган кундан эътиборан кучга киради.
Ўзбекистон Республикаси ички ишлар вазирининг 2021 йил 8 июлдаги 231-сон буйруғига ИЛОВА
Озодликдан маҳрум этишга ҳукм қилинган, алкоголизм, гиёҳвандлик ва заҳарвандликка йўлиққан шахсларга нисбатан тиббий йўсиндаги мажбурлов чораларини қўллаш тартиби тўғрисидаги низомни тасдиқлаш ҳақида»ги буйруққа киритилаётган ўзгартиришлар
1. Буйруқнинг номи ҳамда 1-бандидаги «алкоголизм, гиёҳвандлик ва заҳарвандликка» деган сўзлар «наркологик касалликка (сурункали алкоголизм, гиёҳвандлик, заҳарвандлик)» деган сўзлар билан алмаштирилсин.
2. Иловада :
а) номи ҳамда муқаддимадаги «алкоголизм, гиёҳвандлик ва заҳарвандликка» деган сўзлар «наркологик касалликка (сурункали алкоголизм, гиёҳвандлик, заҳарвандлик)» деган сўзлар билан алмаштирилсин;
б) 1-банд қуйидаги таҳрирда баён этилсин:
«1. Ўзбекистон Республикаси Жиноят кодексининг 96-моддасига асосан алкоголизмга, гиёҳвандликка ёки заҳарвандликка йўлиққан ёхуд ақли расоликни истисно этмайдиган тарзда руҳий ҳолати бузилган шахслар томонидан жиноят содир этилган тақдирда, агар тиббий хулоса мавжуд бўлса, суд жазо тайинлаш билан бирга уларга нисбатан тиббий йўсиндаги мажбурлов чораларини тайинлаши мумкин.».
в) 17-банддаги «алкоголизм, гиёҳвандлик ёки заҳарвандликдан» деган сўзлар «наркологик касалликдан (сурункали алкоголизм, гиёҳвандлик, заҳарвандлик)» деган сўзлар билан алмаштирилсин.».
Вазир П. БОБОЖОНОВ
Тошкент ш.,
2021 йил 8 июль,
231-сон
Oʻzbekiston Respublikasi ichki ishlar vazirining
buyrugʻi
“Ozodlikdan mahrum etishga hukm qilingan, alkogolizm, giyohvandlik va zaharvandlikka yoʻliqqan shaxslarga nisbatan tibbiy yoʻsindagi majburlov choralarini qoʻllash tartibi toʻgʻrisidagi nizomni tasdiqlash haqida”gi buyruqqa oʻzgartirishlar kiritish toʻgʻrisida
Oʻzbekiston Respublikasining 2020-yil 27-oktabrdagi OʻRQ-644-son “Narkologik kasalliklar profilaktikasi va ularni davolash toʻgʻrisida”gi Qonuniga muvofiq, buyuraman:
1. Oʻzbekiston Respublikasi ichki ishlar vazirining 2014-yil 3-maydagi 65-son “Ozodlikdan mahrum etishga hukm qilingan, alkogolizm, giyohvandlik va zaharvandlikka yoʻliqqan shaxslarga nisbatan tibbiy yoʻsindagi majburlov choralarini qoʻllash tartibi toʻgʻrisidagi nizomni tasdiqlash haqida”gi buyrugʻiga (roʻyxat raqami 2591, 2014-yil 3-iyun) (Oʻzbekiston Respublikasi qonun hujjatlari toʻplami, 2014-y., 23-son, 275-modda) ilovaga muvofiq oʻzgartirishlar kiritilsin.
2. Mazkur buyruq rasmiy eʼlon qilingan kundan eʼtiboran kuchga kiradi.
Oʻzbekiston Respublikasi ichki ishlar vazirining 2021-yil 8-iyuldagi 231-son buyrugʻiga ILOVA
Ozodlikdan mahrum etishga hukm qilingan, alkogolizm, giyohvandlik va zaharvandlikka yoʻliqqan shaxslarga nisbatan tibbiy yoʻsindagi majburlov choralarini qoʻllash tartibi toʻgʻrisidagi nizomni tasdiqlash haqida”gi buyruqqa kiritilayotgan oʻzgartirishlar
1. Buyruqning nomi hamda 1-bandidagi “alkogolizm, giyohvandlik va zaharvandlikka” degan soʻzlar “narkologik kasallikka (surunkali alkogolizm, giyohvandlik, zaharvandlik)” degan soʻzlar bilan almashtirilsin.
2. Ilovada :
a) nomi hamda muqaddimadagi “alkogolizm, giyohvandlik va zaharvandlikka” degan soʻzlar “narkologik kasallikka (surunkali alkogolizm, giyohvandlik, zaharvandlik)” degan soʻzlar bilan almashtirilsin;
b) 1-band quyidagi tahrirda bayon etilsin:
“1. Oʻzbekiston Respublikasi Jinoyat kodeksining 96-moddasiga asosan alkogolizmga, giyohvandlikka yoki zaharvandlikka yoʻliqqan yoxud aqli rasolikni istisno etmaydigan tarzda ruhiy holati buzilgan shaxslar tomonidan jinoyat sodir etilgan taqdirda, agar tibbiy xulosa mavjud boʻlsa, sud jazo tayinlash bilan birga ularga nisbatan tibbiy yoʻsindagi majburlov choralarini tayinlashi mumkin.”.
v) 17-banddagi “alkogolizm, giyohvandlik yoki zaharvandlikdan” degan soʻzlar “narkologik kasallikdan (surunkali alkogolizm, giyohvandlik, zaharvandlik)” degan soʻzlar bilan almashtirilsin.”.
Vazir P. BOBOJONOV
Toshkent sh.,
2021-yil 8-iyul,
231-son