📅 2021-yil 15-iyul · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 15 июль · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 15 июля 2021 г. · Указы Президента
Официальный текст. Официальный документ. Редакционные примечания не включены.
📅 15 July 2021 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Республикада ўсимликлар карантини ва ҳимояси тизимини тубдан такомиллаштириш чора-тадбирлари тўғрисида
Ўсимликлар карантини ва ҳимояси бошқарув тизимини янада такомиллаштириш, фитосанитар ва озиқ-овқат хавфсизлигини таъминлаш, минерал ўғит ва кимёвий воситаларни етказиб бериш ва хизмат кўрсатиш тизимини тўлиқ хусусий секторга ўтказиш, ташқи бозорда маҳаллий қишлоқ хўжалиги маҳсулотларининг рақобатбардошлигини ошириш ва мамлакат экспорт салоҳиятини кенгайтириш, минерал ўғитлар ва агрокимёвий хизматлар сифатини ошириш мақсадида:
1. Вазирлар Маҳкамаси ҳузуридаги Ўсимликлар карантини давлат инспекцияси негизида Ўзбекистон Республикаси Ўсимликлар карантини ва ҳимояси агентлиги ташкил этилсин.
2. Иқтисодий тараққиёт ва камбағалликни қисқартириш вазирлиги, Қишлоқ хўжалиги вазирлиги, Молия вазирлиги, Монополияга қарши курашиш қўмитаси, Давлат солиқ қўмитаси, Давлат активларини бошқариш агентлиги, «Ўзагрокимёҳимоя» АЖ ва ҳудудий «Агрокимёҳимоя» АЖлар акциядорларининг:
«Ўзагрокимёҳимоя» АЖ ва ҳудудий «Агрокимёҳимоя» АЖлар;
Қишлоқ хўжалиги вазирлиги ҳузуридаги Кимёлаштириш ва ўсимликларни ҳимоя қилиш воситаларини синовдан ўтказиш ва рўйхатга олиш бўйича давлат комиссиясини тугатиш тўғрисидаги таклифларига розилик берилсин.
5. Қуйидагилар «Агробанк» АТБ томонидан:
ўсимлик зараркунандалари, касалликлари ва бегона ўтларга қарши курашда ишлаб чиқариш ва хизмат кўрсатиш билан шуғулланувчи тадбиркорлик субъектларига лабораторияларни ташкил этиш, ускуна ва техникаларни сотиб олиш ҳамда айланма маблағлари учун 200 млрд сўмлик кредит линияси очилганлиги;
Қишлоқ хўжалиги йўналишида, шу жумладан ўсимликларни ҳимоя қилиш соҳасида илмий фаолиятни қўллаб-қувватлаш, мутахассислар ва аҳолининг билим даражасини ошириш мақсадида «Агробанк» АТБ қошида «Фермерлар мактаби» ташкил этилганлиги;
Ўсимликларни ҳимоя қилиш илмий-тадқиқот институти ва соҳадаги изланувчиларнинг илмий фаолиятини қўллаб-қувватлаш мақсадида янги инновацион тадқиқотларни амалиётга жорий қилганлик учун 10 млрд сўм миқдорида грант ажратилганлиги маълумот учун қабул қилинсин.
6. Тошкент вилояти ҳокимлиги ва «Агробанк» АТБнинг Тошкент вилоятида ўсимликларни ҳимоя қилишнинг комплекс хизматларини кўрсатувчи марказни (кейинги ўринларда — Намунавий марказ) ташкил этиш бўйича буюртмачи этиб «Агробанк» АТБни белгилаш тўғрисидаги таклифига розилик берилсин.
7. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари зиммасига «Агробанк» АТБ билан биргаликда Намунавий марказ тажрибаси асосида тадбиркорларнинг ўсимликларни ҳимоя қилишнинг комплекс хизматларини кўрсатувчи бизнес лойиҳаларини ташаббускорларнинг ўз маблағлари, банк кредити ва лизинг асосида босқичма-босқич ташкил этиб бориш вазифаси юклатилсин.
8. Вазирлар Маҳкамаси бир ҳафта муддатда Агентлик фаолиятини ташкил этиш тўғрисидаги Ўзбекистон Республикаси Президентининг қарори лойиҳасини Ўзбекистон Республикаси Президенти Администрациясига киритсин.
9. Агентлик:
а) Қишлоқ хўжалиги вазирлиги, Молия вазирлиги ҳамда Иқтисодий тараққиёт ва камбағалликни қисқартириш вазирлиги билан биргаликда 2021 йил 1 декабрга қадар фавқулодда вазиятларда зараркунандаларга қарши курашиш ҳамда ҳосилни сақлаб қолишни таъминлаш билан боғлиқ харажатларни қоплаш тартибини ишлаб чиқиб, Вазирлар Маҳкамасига киритсин;
б) олти ой муддатда «Ўсимликлар карантини тўғрисида»ги ва «Қишлоқ хўжалик ўсимликларини зараркунандалар, касалликлар ва бегона ўтлардан ҳимоя қилиш тўғрисида»ги қонунлар нормаларини қайта кўриб чиқиб, Вазирлар Маҳкамасига тегишли қонун лойиҳасини киритсин;
в) жорий йил якунига қадар минерал ўғит ва кимёвий воситалар импорти, улгуржи ва чакана савдо фаолиятини лицензияланадиган фаолият турлари рўйхатига белгиланган тартибда киритиш чораларини кўрсин;
г) жорий йил якунига қадар:
хусусий секторда ўсимликлар ҳимояси соҳасида хизмат кўрсатадиган юридик ва жисмоний шахсларнинг ходимларини сертификатлаш;
қишлоқ хўжалиги маҳсулотларини етиштиришда айрим кимёвий воситаларни агроном-инспекторнинг тавсияси ва рецепти асосида ердан фойдаланувчининг шахсини тасдиқловчи ҳужжат асосида сотиш тартибини ишлаб чиқиб, тасдиқлаш учун Вазирлар Маҳкамасига киритсин.
10. Ушбу Фармонда белгиланган чора-тадбирларнинг самарали ва ўз вақтида амалга оширилишини таъминлаш мақсадида:
а) Бандлик ва меҳнат муносабатлари вазирлиги (Н.Б. Хусанов) Агентлик билан биргаликда зарарли организмларга қарши кураш тадбирларини амалга оширишда агроном, фитопатолог, энтомолог, хим-биолог бўлган мутахассисларни иш билан таъминлаш мақсадида уларни ўқитиш ва малакасини ошириш орқали ўсимликлар клиникалари фаолиятини ташкил этиш тартибига мувофиқ, ўсимликлар клиникалари ва биолабораторияларга жалб қилиш тизимини шакллантирсин;
б) Ахборот технологиялари ва коммуникацияларини ривожлантириш вазирлиги (Ш.М. Садиков) Агентликнинг «e-Fitouz» автоматлаштирилган ахборот тизимини янада кенг жорий қилиш мақсадида соҳага оид барча фаолиятни ушбу тизимга интеграция қилишда тегишли чора-тадбирларни амалга оширсин;
в) Санитария-эпидемиологик осойишталик ва жамоат саломатлиги хизмати (Б.Қ. Юсупалиев) қишлоқ хўжалиги маҳсулотлари таркибида зарарли моддаларнинг (пестицидлар, микотоксинлар, нитратлар, токсик элементлар, минерал ўғитлар ва бошқалар) миқдорини белгилаш ва уларнинг хавфсизлигига қўйиладиган талабларни халқаро стандартларга уйғунлаштирсин.
11. Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари мазкур Фармонда белгиланган вазифалардан келиб чиқиб, янги тизимни самарали ташкил этиш бўйича аниқ чора-тадбирларни назарда тутувчи «Йўл хариталари»ни тасдиқласин ва унда белгиланган вазифаларнинг ўз вақтида, тўлиқ ҳажмда ва сифатли бажарилиши учун шахсан масъул эканликлари кўрсатиб ўтилсин.
12. Агентлик Ахборот ва оммавий коммуникациялар агентлиги, Ўзбекистон Миллий ахборот агентлиги, Ўзбекистон Миллий телерадиокомпанияси билан биргаликда:
Фармоннинг мақсад ва вазифаларини оммавий ахборот воситаларида кенг ёритиш ишларини ташкиллаштирсин;
ўсимликларни ҳимоя қилиш соҳасидаги тадбирларни амалга ошириш тўғрисида телевидение орқали кўрсатувларни доимий намойиш қилсин ҳамда ижтимоий реклама сифатида уларни телевидение ва радиоканалларда жойлаштирсин.
13. Ўзбекистон Республикаси Президентининг айрим ҳужжатларига 3-иловага мувофиқ ўзгартириш ва қўшимчалар киритилсин.
14. Агентлик манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
15. Мазкур Фармон ижросини самарали ташкил этишга масъул ва шахсий жавобгар этиб Ўсимликлар карантини ва ҳимояси агентлиги бош директори, Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари белгилансин.
Фармон ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазир ўринбосари Ш.М. Ғаниев зиммасига юклансин.
Амалга оширилаётган чора-тадбирлар натижадорлиги тўғрисида 2021 йилнинг 31 декабрь кунига қадар Ўзбекистон Республикаси Президентига ахборот берилсин.
Ўзбекистон Республикаси Президентининг 2021 йил 15 июлдаги ПФ-6262-сон Фармонига 3-ИЛОВА
Ўзбекистон Республикаси Президентининг айрим ҳужжатларига киритилаётган ўзгартириш ва қўшимчалар
3. Ўзбекистон Республикаси Президентининг 2016 йил 24 октябрдаги «Ўсимликларни ҳимоя қилиш ва қишлоқ хўжалигига агрокимёвий хизматларни кўрсатиш тизимини такомиллаштириш чора-тадбирлари тўғрисида»ги ПҚ-2640-сон қарори ўз кучини йўқотган деб ҳисоблансин.
4. Ўзбекистон Республикаси Президентининг 2017 йил 27 февралдаги ПҚ-2800-сон «Ўзбекистон Республикаси вазирликлари, идоралари ва ташкилотларининг формали кийим-бошларини ишлаб чиқиш, стандартлаштириш, тасдиқлаш ва тайёрлаш механизмини тартибга солиш чора-тадбирлари тўғрисида»ги қарорига 1-илованинг «Идоравий формали кийим» бўлимидаги 7-позицияси қуйидаги таҳрирда баён этилсин:
«Ўзбекистон Республикаси Ўсимликлар карантини ва ҳимояси агентлиги».
5. Ўзбекистон Республикаси Президентининг «Ўзбекистон Республикаси Вазирлар Маҳкамаси ҳузуридаги Ўсимликлар карантини давлат инспекцияси фаолиятини ташкил этиш тўғрисида» 2017 йил 30 августдаги ПҚ-3249-сон қарори ўз кучини йўқотган деб ҳисоблансин.
6. Ўзбекистон Республикаси Президентининг 2018 йил 28 февралдаги «Пахта хом ашёси ва бошоқли дон етиштиришни молиялаштириш тизимини тубдан такомиллаштириш чора-тадбирлари тўғрисида»ги ПҚ-3574-сон қарорига 8-банднинг учинчи хатбошисидаги «100 миллиард» сўзлари «50 миллиард» сўзлари билан алмаштирилсин.
7. Ўзбекистон Республикаси Президентининг 2018 йил 28 мартдаги «Ўсимликлар карантини бўйича давлат хизмати фаолиятининг самарадорлигини оширишга доир қўшимча чора-тадбирлар тўғрисида»ги ПҚ-3626-сон қарори ўз кучини йўқотган деб ҳисоблансин.
8. Ўзбекистон Республикаси Президентининг 2020 йил 13 октябрдаги «Ўсимликлар карантини бўйича давлат хизмати фаолиятини янада такомиллаштириш чора-тадбирлари тўғрисида»ги ПҚ-4861-сон қарорининг 1 , 3 , 4 , 5 , 6 , 6а ва 8-иловалари ўз кучини йўқотган деб ҳисоблансин.
9. Ўзбекистон Республикаси Президентининг 2021 йил 3 февралдаги «Ўзбекистон Республикаси Қишлоқ хўжалиги вазирлиги ҳузуридаги Қишлоқ хўжалигида билим ва инновациялар миллий маркази фаолиятини ташкил этиш тўғрисида»ги ПҚ-4975-сон қарорига 1-иловадаги «Ўсимликларни ҳимоя қилиш илмий-тадқиқот институти» блоки чиқариб ташлансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 15 июль,
ПФ-6262-сон
Oʻzbekiston Respublikasi Prezidentining
Farmoni
Respublikada oʻsimliklar karantini va himoyasi tizimini tubdan takomillashtirish chora-tadbirlari toʻgʻrisida
Oʻsimliklar karantini va himoyasi boshqaruv tizimini yanada takomillashtirish, fitosanitar va oziq-ovqat xavfsizligini taʼminlash, mineral oʻgʻit va kimyoviy vositalarni yetkazib berish va xizmat koʻrsatish tizimini toʻliq xususiy sektorga oʻtkazish, tashqi bozorda mahalliy qishloq xoʻjaligi mahsulotlarining raqobatbardoshligini oshirish va mamlakat eksport salohiyatini kengaytirish, mineral oʻgʻitlar va agrokimyoviy xizmatlar sifatini oshirish maqsadida:
1. Vazirlar Mahkamasi huzuridagi Oʻsimliklar karantini davlat inspeksiyasi negizida Oʻzbekiston Respublikasi Oʻsimliklar karantini va himoyasi agentligi tashkil etilsin.
2. Iqtisodiy taraqqiyot va kambagʻallikni qisqartirish vazirligi, Qishloq xoʻjaligi vazirligi, Moliya vazirligi, Monopoliyaga qarshi kurashish qoʻmitasi, Davlat soliq qoʻmitasi, Davlat aktivlarini boshqarish agentligi, “Oʻzagrokimyohimoya” AJ va hududiy “Agrokimyohimoya” AJlar aksiyadorlarining:
“Oʻzagrokimyohimoya” AJ va hududiy “Agrokimyohimoya” AJlar;
Qishloq xoʻjaligi vazirligi huzuridagi Kimyolashtirish va oʻsimliklarni himoya qilish vositalarini sinovdan oʻtkazish va roʻyxatga olish boʻyicha davlat komissiyasini tugatish toʻgʻrisidagi takliflariga rozilik berilsin.
5. Quyidagilar “Agrobank” ATB tomonidan:
oʻsimlik zararkunandalari, kasalliklari va begona oʻtlarga qarshi kurashda ishlab chiqarish va xizmat koʻrsatish bilan shugʻullanuvchi tadbirkorlik subyektlariga laboratoriyalarni tashkil etish, uskuna va texnikalarni sotib olish hamda aylanma mablagʻlari uchun 200 mlrd soʻmlik kredit liniyasi ochilganligi;
Qishloq xoʻjaligi yoʻnalishida, shu jumladan oʻsimliklarni himoya qilish sohasida ilmiy faoliyatni qoʻllab-quvvatlash, mutaxassislar va aholining bilim darajasini oshirish maqsadida “Agrobank” ATB qoshida “Fermerlar maktabi” tashkil etilganligi;
Oʻsimliklarni himoya qilish ilmiy-tadqiqot instituti va sohadagi izlanuvchilarning ilmiy faoliyatini qoʻllab-quvvatlash maqsadida yangi innovatsion tadqiqotlarni amaliyotga joriy qilganlik uchun 10 mlrd soʻm miqdorida grant ajratilganligi maʼlumot uchun qabul qilinsin.
6. Toshkent viloyati hokimligi va “Agrobank” ATBning Toshkent viloyatida oʻsimliklarni himoya qilishning kompleks xizmatlarini koʻrsatuvchi markazni (keyingi oʻrinlarda — Namunaviy markaz) tashkil etish boʻyicha buyurtmachi etib “Agrobank” ATBni belgilash toʻgʻrisidagi taklifiga rozilik berilsin.
7. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari zimmasiga “Agrobank” ATB bilan birgalikda Namunaviy markaz tajribasi asosida tadbirkorlarning oʻsimliklarni himoya qilishning kompleks xizmatlarini koʻrsatuvchi biznes loyihalarini tashabbuskorlarning oʻz mablagʻlari, bank krediti va lizing asosida bosqichma-bosqich tashkil etib borish vazifasi yuklatilsin.
8. Vazirlar Mahkamasi bir hafta muddatda Agentlik faoliyatini tashkil etish toʻgʻrisidagi Oʻzbekiston Respublikasi Prezidentining qarori loyihasini Oʻzbekiston Respublikasi Prezidenti Administratsiyasiga kiritsin.
9. Agentlik:
a) Qishloq xoʻjaligi vazirligi, Moliya vazirligi hamda Iqtisodiy taraqqiyot va kambagʻallikni qisqartirish vazirligi bilan birgalikda 2021-yil 1-dekabrga qadar favqulodda vaziyatlarda zararkunandalarga qarshi kurashish hamda hosilni saqlab qolishni taʼminlash bilan bogʻliq xarajatlarni qoplash tartibini ishlab chiqib, Vazirlar Mahkamasiga kiritsin;
b) olti oy muddatda “Oʻsimliklar karantini toʻgʻrisida”gi va “Qishloq xoʻjalik oʻsimliklarini zararkunandalar, kasalliklar va begona oʻtlardan himoya qilish toʻgʻrisida”gi qonunlar normalarini qayta koʻrib chiqib, Vazirlar Mahkamasiga tegishli qonun loyihasini kiritsin;
v) joriy yil yakuniga qadar mineral oʻgʻit va kimyoviy vositalar importi, ulgurji va chakana savdo faoliyatini litsenziyalanadigan faoliyat turlari roʻyxatiga belgilangan tartibda kiritish choralarini koʻrsin;
g) joriy yil yakuniga qadar:
xususiy sektorda oʻsimliklar himoyasi sohasida xizmat koʻrsatadigan yuridik va jismoniy shaxslarning xodimlarini sertifikatlash;
qishloq xoʻjaligi mahsulotlarini yetishtirishda ayrim kimyoviy vositalarni agronom-inspektorning tavsiyasi va retsepti asosida yerdan foydalanuvchining shaxsini tasdiqlovchi hujjat asosida sotish tartibini ishlab chiqib, tasdiqlash uchun Vazirlar Mahkamasiga kiritsin.
10. Ushbu Farmonda belgilangan chora-tadbirlarning samarali va oʻz vaqtida amalga oshirilishini taʼminlash maqsadida:
a) Bandlik va mehnat munosabatlari vazirligi (N.B. Xusanov) Agentlik bilan birgalikda zararli organizmlarga qarshi kurash tadbirlarini amalga oshirishda agronom, fitopatolog, entomolog, xim-biolog boʻlgan mutaxassislarni ish bilan taʼminlash maqsadida ularni oʻqitish va malakasini oshirish orqali oʻsimliklar klinikalari faoliyatini tashkil etish tartibiga muvofiq, oʻsimliklar klinikalari va biolaboratoriyalarga jalb qilish tizimini shakllantirsin;
b) Axborot texnologiyalari va kommunikatsiyalarini rivojlantirish vazirligi (Sh.M. Sadikov) Agentlikning “e-Fitouz” avtomatlashtirilgan axborot tizimini yanada keng joriy qilish maqsadida sohaga oid barcha faoliyatni ushbu tizimga integratsiya qilishda tegishli chora-tadbirlarni amalga oshirsin;
v) Sanitariya-epidemiologik osoyishtalik va jamoat salomatligi xizmati (B.Q. Yusupaliyev) qishloq xoʻjaligi mahsulotlari tarkibida zararli moddalarning (pestitsidlar, mikotoksinlar, nitratlar, toksik elementlar, mineral oʻgʻitlar va boshqalar) miqdorini belgilash va ularning xavfsizligiga qoʻyiladigan talablarni xalqaro standartlarga uygʻunlashtirsin.
11. Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari mazkur Farmonda belgilangan vazifalardan kelib chiqib, yangi tizimni samarali tashkil etish boʻyicha aniq chora-tadbirlarni nazarda tutuvchi “Yoʻl xaritalari”ni tasdiqlasin va unda belgilangan vazifalarning oʻz vaqtida, toʻliq hajmda va sifatli bajarilishi uchun shaxsan masʼul ekanliklari koʻrsatib oʻtilsin.
12. Agentlik Axborot va ommaviy kommunikatsiyalar agentligi, Oʻzbekiston Milliy axborot agentligi, Oʻzbekiston Milliy teleradiokompaniyasi bilan birgalikda:
Farmonning maqsad va vazifalarini ommaviy axborot vositalarida keng yoritish ishlarini tashkillashtirsin;
oʻsimliklarni himoya qilish sohasidagi tadbirlarni amalga oshirish toʻgʻrisida televideniye orqali koʻrsatuvlarni doimiy namoyish qilsin hamda ijtimoiy reklama sifatida ularni televideniye va radiokanallarda joylashtirsin.
13. Oʻzbekiston Respublikasi Prezidentining ayrim hujjatlariga 3-ilovaga muvofiq oʻzgartirish va qoʻshimchalar kiritilsin.
14. Agentlik manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
15. Mazkur Farmon ijrosini samarali tashkil etishga masʼul va shaxsiy javobgar etib Oʻsimliklar karantini va himoyasi agentligi bosh direktori, Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari belgilansin.
Farmon ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazir oʻrinbosari Sh.M. Gʻaniyev zimmasiga yuklansin.
Amalga oshirilayotgan chora-tadbirlar natijadorligi toʻgʻrisida 2021-yilning 31-dekabr kuniga qadar Oʻzbekiston Respublikasi Prezidentiga axborot berilsin.
Oʻzbekiston Respublikasi Prezidentining 2021-yil 15-iyuldagi PF-6262-son Farmoniga 3-ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar
3. Oʻzbekiston Respublikasi Prezidentining 2016-yil 24-oktabrdagi “Oʻsimliklarni himoya qilish va qishloq xoʻjaligiga agrokimyoviy xizmatlarni koʻrsatish tizimini takomillashtirish chora-tadbirlari toʻgʻrisida”gi PQ-2640-son qarori oʻz kuchini yoʻqotgan deb hisoblansin.
4. Oʻzbekiston Respublikasi Prezidentining 2017-yil 27-fevraldagi PQ-2800-son “Oʻzbekiston Respublikasi vazirliklari, idoralari va tashkilotlarining formali kiyim-boshlarini ishlab chiqish, standartlashtirish, tasdiqlash va tayyorlash mexanizmini tartibga solish chora-tadbirlari toʻgʻrisida”gi qaroriga 1-ilovaning “Idoraviy formali kiyim” boʻlimidagi 7-pozitsiyasi quyidagi tahrirda bayon etilsin:
“Oʻzbekiston Respublikasi Oʻsimliklar karantini va himoyasi agentligi”.
5. Oʻzbekiston Respublikasi Prezidentining “Oʻzbekiston Respublikasi Vazirlar Mahkamasi huzuridagi Oʻsimliklar karantini davlat inspeksiyasi faoliyatini tashkil etish toʻgʻrisida” 2017-yil 30-avgustdagi PQ-3249-son qarori oʻz kuchini yoʻqotgan deb hisoblansin.
6. Oʻzbekiston Respublikasi Prezidentining 2018-yil 28-fevraldagi “Paxta xom ashyosi va boshoqli don yetishtirishni moliyalashtirish tizimini tubdan takomillashtirish chora-tadbirlari toʻgʻrisida”gi PQ-3574-son qaroriga 8-bandning uchinchi xatboshisidagi “100 milliard” soʻzlari “50 milliard” soʻzlari bilan almashtirilsin.
7. Oʻzbekiston Respublikasi Prezidentining 2018-yil 28-martdagi “Oʻsimliklar karantini boʻyicha davlat xizmati faoliyatining samaradorligini oshirishga doir qoʻshimcha chora-tadbirlar toʻgʻrisida”gi PQ-3626-son qarori oʻz kuchini yoʻqotgan deb hisoblansin.
8. Oʻzbekiston Respublikasi Prezidentining 2020-yil 13-oktabrdagi “Oʻsimliklar karantini boʻyicha davlat xizmati faoliyatini yanada takomillashtirish chora-tadbirlari toʻgʻrisida”gi PQ-4861-son qarorining 1 , 3 , 4 , 5 , 6 , 6a va 8-ilovalari oʻz kuchini yoʻqotgan deb hisoblansin.
9. Oʻzbekiston Respublikasi Prezidentining 2021-yil 3-fevraldagi “Oʻzbekiston Respublikasi Qishloq xoʻjaligi vazirligi huzuridagi Qishloq xoʻjaligida bilim va innovatsiyalar milliy markazi faoliyatini tashkil etish toʻgʻrisida”gi PQ-4975-son qaroriga 1-ilovadagi “Oʻsimliklarni himoya qilish ilmiy-tadqiqot instituti” bloki chiqarib tashlansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 15-iyul,
PF-6262-son
Президента Республики Узбекистан
Указ
О мерах по кардинальному совершенствованию системы карантина и защиты растений в республике
В целях дальнейшего совершенствования системы управления карантином и защитой растений, обеспечения фитосанитарной и продовольственной безопасности, полной передачи частному сектору системы поставки минеральных удобрений и химических средств и оказания услуг, повышения конкурентоспособности отечественной сельскохозяйственной продукции на внешних рынках и наращивания экспортного потенциала страны, а также повышения качества минеральных удобрений и агрохимических услуг:
1. Образовать Агентство по карантину и защите растений Республики Узбекистан на базе Государственной инспекции по карантину растений при Кабинете Министров.
2. Согласиться с предложениями Министерства экономического развития и сокращения бедности, Министерства сельского хозяйства, Министерства финансов, Антимонопольного комитета, Государственного налогового комитета, Агентства по управлению государственными активами, акционеров АО «Узагрокимёхимоя» и территориальных АО «Агрокимёхимоя», предусматривающими:
ликвидацию АО «Узагрокимёхимоя» и территориальных АО «Агрокимёхимоя»;
упразднение Государственной комиссии по проведению испытаний и регистрации средств химизации и защиты растений при Министерстве сельского хозяйства.
5. Принять к сведению, что АКБ «Агробанк»:
открыта кредитная линия в размере 200 миллиардов сумов для создания лабораторий, закупки оборудования и техники, пополнения оборотных средств субъектов предпринимательства, занимающихся производством и оказанием услуг в направлении борьбы с вредителями, болезнями и сорняками растений;
создана «Школа фермеров» в целях поддержки научной деятельности в отрасли сельского хозяйства, включая сферу защиты растений, а также повышения уровня знаний специалистов и населения;
выделен грант в размере 10 миллиардов сумов для внедрения на практике новых инновационных исследований в целях поддержки научной деятельности Научно-исследовательского института защиты растений и исследователей сферы.
6. Согласиться с предложением хокимията Ташкентской области и АКБ «Агробанк» о создании в Ташкентской области Образцового центра оказания комплексных услуг по защите растений (далее — Образцовый центр) и определении АКБ «Агробанк» его заказчиком.
7. Возложить на Совет Министров Республики Каракалпакстан, хокимияты областей и города Ташкента и АКБ «Агробанк» задачу поэтапной организации бизнес-проектов предпринимателей в направлении оказания комплексных услуг по защите растений на основе опыта Образцового центра за счет собственных средств инициаторов, банковских кредитов и на лизинговой основе.
8. Кабинету Министров в недельный срок внести в Администрацию Президента Республики Узбекистан проект постановления Президента Республики Узбекистан об организации деятельности Агентства.
9. Агентству:
а) в срок до 1 декабря 2021 года совместно с Министерством сельского хозяйства, Министерством финансов, Министерством экономического развития и сокращения бедности разработать и внести в Кабинет Министров Порядок возмещения расходов, связанных с борьбой с вредителями и обеспечением сохранения урожая в чрезвычайных ситуациях;
б) в шестимесячный срок пересмотреть нормы законов «О карантине растений» и «О защите сельскохозяйственных растений от вредителей, болезней и сорняков» и внести в Кабинет Министров соответствующий проект закона;
в) в срок до конца текущего года принять меры для включения импорта, оптовой и розничной торговли минеральными удобрениями и химическими средствами в перечень лицензируемых видов деятельности в установленном порядке;
г) в срок до конца текущего года разработать и внести на утверждение в Кабинет Министров:
Порядок сертификации работников юридических и физических лиц, оказывающих услуги по защите растений в частном секторе;
Порядок реализации отдельных химических средств на основании рекомендации и рецепта агронома-инспектора и документа, удостоверяющего личность землепользователя при выращивании сельхозозяйственной продукции.
10. В целях обеспечения эффективной и своевременной реализации мер, установленных настоящим Указом:
а) Министерству занятости и трудовых отношений (Н.Б. Хусанов) совместно с Агентством в процессе проведения мероприятий по борьбе с вредными организмами сформировать систему привлечения в клиники растений и биолаборатории агрономов, фитопатологов, энтомологов, химиков-биологов в соответствии с Порядком организации деятельности клиник растений в целях обеспечения занятости указанных специалистов посредством обучения и повышения их квалификации;
б) Министерству по развитию информационных технологий и коммуникаций (Ш.М. Садиков) реализовать соответствующие меры по интеграции всех видов деятельности в сфере защиты растений с Автоматизированной информационной системой «e-Fitouz» Агентства в целях дальнейшего широкого внедрения данной системы;
в) Службе санитарно-эпидемиологического благополучия и общественного здоровья (Б.К. Юсупалиев) привести в соответствие с международными стандартами требования, предъявляемые к определению содержания вредных веществ (пестицидов, микотоксинов, нитратов, токсичных элементов, минеральных удобрений и других) в составе сельскохозяйственной продукции и ее безопасности.
11. Председателю Совета Министров Республики Каракалпакстан, хокимам областей и города Ташкента исходя из задач, установленных настоящим Указом, утвердить «дорожные карты», предусматривающие конкретные меры по эффективной организации новой системы, указать на персональную ответственность за своевременное и качественное выполнение в полном объеме установленных задач.
12. Агентству совместно с Агентством информации и массовых коммуникаций, Национальным информационным агентством Узбекистана и Национальной телерадиокомпанией Узбекистана:
организовать работу по широкому освещению целей и задач настоящего Указа в средствах массовой информации;
регулярно показывать телепередачи о проводимых мероприятиях по защите растений, транслировать их по теле- и радиоканалам в качестве социальной рекламы.
13. Внести изменения и дополнения в некоторые акты Президента Республики Узбекистан согласно приложению № 3 .
14. Агентству совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.
15. Возложить на генерального директора Агентства по карантину и защите растений, Председателя Совета Министров Республики Каракалпакстан, хокимов областей и города Ташкента персональную ответственность за эффективную организацию исполнения настоящего Указа.
Обсуждение хода исполнения настоящего Указа, осуществление координации и контроля за деятельностью ведомств, ответственных за его исполнение, возложить на заместителя Премьер-министра Ш.М. Ганиева.
О результативности осуществляемых мер информировать Президента Республики Узбекистан в срок до 31 декабря 2021 года.
ПРИЛОЖЕНИЕ № 3 к Указу Президента Республики Узбекистан от 15 июля 2021 года № УП-6262
Изменения и дополнения, вносимые в некоторые акты Президента Республики Узбекистан
3. Признать утратившим силу постановление Президента Республики Узбекистан от 24 октября 2016 года № ПП-2640 «О мерах по совершенствованию системы защиты растений и агрохимического обслуживания сельского хозяйства».
4. Позицию 7 раздела «Ведомственная форменная одежда» приложения № 1 к постановлению Президента Республики Узбекистан от 27 февраля 2017 года № ПП-2800 «О мерах по упорядочению механизма разработки, стандартизации, утверждения и изготовления форменной одежды министерств, ведомств и организаций Республики Узбекистан» изложить в следующей редакции:
«Агентство по карантину и защите растений Республики Узбекистан».
5. Признать утратившим силу постановление Президента Республики Узбекистан от 30 августа 2017 года № ПП-3249 «Об организации деятельности Государственной инспекции по карантину растений при Кабинете Министров Республики Узбекистан».
6. В абзаце третьем пункта 8 постановления Президента Республики Узбекистан от 28 февраля 2018 года № ПП-3574 «О мерах по коренному совершенствованию системы финансирования производства хлопка-сырца и зерновых колосовых» слова «100 миллиардов» заменить словами «50 миллиардов».
7. Признать утратившим силу постановление Президента Республики Узбекистан от 28 марта 2018 года № ПП-3626 «О дополнительных мерах по повышению эффективности деятельности государственной службы по карантину растений».
8. Приложения №№ 1 , 3 , 4 , 5 , 6 , 6а и 8 к постановлению Президента Республики Узбекистан от 13 октября 2020 года № ПП-4861 «О мерах по дальнейшему совершенствованию деятельности государственной службы по карантину растений» признать утратившими силу.
9. Из приложения № 1 к постановлению Президента Республики Узбекистан от 3 февраля 2021 года № ПП-4975 «Об организации деятельности Национального центра знаний и инноваций в сельском хозяйстве при Министерстве сельского хозяйства Республики Узбекистан» блок «Научно-исследовательский институт защиты растений» исключить.
Президент Республики Узбекистан Ш. МИРЗИЁЕВ
г. Ташкент,
15 июля 2021 г.,
№ УП-6262