📅 2021-yil 14-iyul · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 14 июль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 14 июля 2021 г. · Постановления Кабинета Министров
Официальный текст. Официальный документ. Редакционные примечания не включены.
📅 14 July 2021 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ПРОГНОЗ ЖАДВАЛИ *
«Табиий газ назорати ва ҳисобининг автоматлаштирилган тизимини жорий этиш» лойиҳасини молиялаштиришга «Intesa San Paolo» банкининг кредитини Италиянинг «SACE» давлат экспорт-кредит агентлигининг суғурта қопламаси остида жалб қилиш чора-тадбирлари тўғрисида
Ўзбекистон Республикаси Президентининг «Табиий газ назорати ва ҳисобининг автоматлаштирилган тизимини жорий этиш» лойиҳасини амалга оширишга доир қўшимча чора-тадбирлар тўғрисида» 2020 йил 24 сентябрдаги ПҚ-4840-сон қарорига мувофиқ ҳамда табиий газ истеъмолининг аниқ ҳисоб-китобини юритиш ва тўловларнинг амалга оширилишида шаффофликни таъминлаш мақсадида Вазирлар Маҳкамаси қарор қилади:
1. Ўзбекистон Республикаси Инвестициялар ва ташқи савдо вазирлиги, Молия вазирлиги, «Ҳудудгазтаъминот» АЖ томонидан «Табиий газ назорати ва ҳисобининг автоматлаштирилган тизимини жорий этиш» лойиҳасини (кейинги ўринларда — лойиҳаси) амалга ошириш доирасида «Intesa San Paolo» банкининг (Италия) 250,0 млн АҚШ доллари миқдоридаги кредитини Италиянинг «SACE» давлат экспорт-кредит агентлигининг суғурта қопламаси остида жалб қилиш тўғрисида келишувга эришилганлиги маълумот учун қабул қилинсин.
2. «Ҳудудгазтаъминот» АЖ томонидан лойиҳани амалга ошириш доирасида «Intesa San Paolo» банки билан 250,0 млн АҚШ доллари миқдорида кредит шартномасини 96 ой муддатда қайтариш шарти билан 6-ойлик Libor + йиллик 1,30 фоиз ставкада имзоланиши ва «SACE» давлат экспорт кредит агентлигининг суғурта қопламаси учун йигим тўловини «Intesa San Paolo» банкига ўз маблағлари ҳисобидан босқичма-босқич тўлаб берилиши маъқуллансин.
3. «Intesa San Paolo» банки томонидан «Табиий газ назорати ва ҳисобининг автоматлаштирилган тизимини жорий этиш» лойиҳасини молиялаштириш учун ажратиладиган кредитни сўндириш, фоиз ва воситачилик тўловларини тўлашнинг прогноз жадвали иловага мувофиқ тасдиқлансин.
4. Ўзбекистон Республикаси Молия вазирлиги «Intesa San Paolo» банкига «Ҳудудгазтаъминот» АЖнинг мажбуриятлари бўйича кредит шартномаси талаблари асосида Ўзбекистон Республикасининг давлат кафолатини белгиланган тартибда берсин.
5. Ўзбекистон Республикаси Адлия вазирлиги кредит шартномаси шартларида назарда тутилган шакл бўйича «Intesa San Paolo» банкига тақдим этилган Ўзбекистон Республикасининг давлат кафолати бўйича белгиланган тартибда юридик хулоса тақдим этсин.
6. «Ўзсаноатқурилишбанк» АТБ лойиҳани амалга оширишда «Ҳудудгазтаъминот» АЖнинг тижорат асосида молиявий консультанти этиб белгилансин.
7. Ўзбекистон Республикаси Инвестициялар ва ташқи савдо вазирлиги лойиҳа учун белгиланган қарз маблағини жорий йилда жалб қилиниши кутилаётганлигини инобатга олган ҳолда, лойиҳани Ташқи савдо, инвестициялар, маҳаллий саноатни ривожлантириш ва техник жиҳатдан тартибга солиш масалалари бўйича Ҳукумат комиссияси томонидан 2021 йилда янги давлат ташқи қарзи жалб қилинадиган янги инвестиция лойиҳаларининг рўйхатига киритилиши таъминласин.
8. «Intesa San Paolo» банки томонидан ажратилаётган кредит бўйича «Ҳудудгазтаъминот» АЖ қарз олувчи ҳисобланиб, «Intesa San Paolo» банки билан кредит битимини имзоласин.
9. Белгилансинки:
«Ҳудудгазтаъминот» АЖ, «Intesa San Paolo» банки томонидан ажратилаётган кредитдан мақсадли ва самарали фойдаланилиши юзасидан масъул ижро этувчи орган ҳисобланади;
Ўзбекистон Республикаси Энергетика вазирлиги «Intesa San Paolo» банки томонидан ажратилаётган кредитдан мақсадли ва самарали фойдаланилиши юзасидан назорат қилувчи орган ҳамда ушбу лойиҳанинг амалга оширилишини мувофиқлаштириш ва мониторинг қилиш бўйича масъул орган ҳисобланади;
«Intesa San Paolo» банки томонидан ажратилаётган кредитни қайтариш, фоиз, бошланғич бир марталик тўлов, воситачилик ҳақи ва кредит бўйича агентлик комиссияси ва бошқа харажатлар билан боғлиқ тўловлар, шунингдек, «SACE» экспорт-кредит агентлигининг суғурта мукофоти «Ҳудудгазтаъминот» АЖнинг ўз маблағлари ҳисобига амалга оширилади.
10. Мазкур қарорнинг бажарилишини назорат қилиш Ўзбекистон Республикаси Бош вазирининг маслаҳатчиси — Геология, энергетика, саноат ва унинг базавий тармоқларини ривожлантириш масалалари департаменти бошлиғи ҳамда энергетика вазири А.С. Султанов зиммасига юклансин.
Вазирлар Маҳкамасининг 2021 йил 14 июлдаги 447-сон қарорига ИЛОВА
«Intesa San Paolo» банки томонидан «Табиий газ назорати ва ҳисобининг автоматлаштирилган тизимини жорий этиш» инвестиция лойиҳасини молиялаштириш учун ажратиладиган кредитни сўндириш, фоиз ва воситачилик тўловларини тўлашнинг
Кредит суммаси — 250,0 млн АҚШ долл. («SACE» экспорт кредит агентлигининг суғурта қопламаси учун 18,500 млн АҚШ долл. мукофот тўлови билан биргаликда) Кредит қайтариш муддати — 96 ой Кредит ўзлаштириш муддати — 12 ой Фоиз ставкаси — 6 ойлик Libor + йиллик 1,3% ставка Кредит бўйича воситачилик тўлови — 25,0 минг евро. (кредитдан фойдаланиш муддати учун), — 40,0 минг евро. (кредитни ўзлаштириш муддати учун) Мажбурият бўйича тўлов — 0,30 % Ташкиллаштириш учун тўлов — 0,85 % Кредитни ҳисоблашда кунлар сони — 360 кун (минг АҚШ долл.) Тўлов муддатлари Кредит суммаси Тўлов суммаси Йиғимлар суммаси Жами тўлов асосий қарз кредит фоиз тўлови ташкиллаштириш учун воситачилик тўлови мажбурият бўйича тўлов 01.08.2021 й. 50 000,0 - - 2 125,0 48,0 - 2 173,0 01.09.2021 й. 50 000,0 - - - - - - 01.10.2021 й. 50 000,0 - - - - - - 01.11.2021 й. 50 000,0 - - - - - - 01.12.2021 й. 50 000,0 - - - - - - 01.03.2022 й. - 15 625,0 1 570,8 - 48,0 127,5 17 371,3 01.09.2022 й. - 15 625,0 1 796,9 - - - 17 421,9 01.03.2023 й. - 15 625,0 1 649,7 - 30,0 - 17 304,7 01.09.2023 й. - 15 625,0 1 557,3 - - - 17 182,3 01.03.2024 й. - 15 625,0 1 421,9 - 30,0 - 17 076,9 01.09.2024 й. - 15 625,0 1 317,7 - - - 16 942,7 01.03.2025 й. - 15 625,0 1 178,4 - 30,0 - 16 833,4 01.09.2025 й. - 15 625,0 1 078,1 - - - 16 703,1 01.03.2026 й. - 15 625,0 942,7 - 30,0 - 16 597,7 01.09.2026 й. - 15 625,0 838,5 - - - 16 463,5 01.03.2027 й. - 15 625,0 707,0 - 30,0 - 16 362,0 01.09.2027 й. - 15 625,0 599,0 - - - 16 224,0 01.03.2028 й. - 15 625,0 474,0 - 30,0 - 16 129,0 01.09.2028 й. - 15 625,0 359,4 - - - 15 984,4 01.03.2029 й. - 15 625,0 235,7 - 30,0 - 15 890,7 01.09.2029 й. - 15 625,0 119,8 - - - 15 744,8 Жами 250 000,0 250 000,0 15 846,9 2 125,0 306,0 127,5 268 405,4
Ўзбекистон Республикасининг Бош вазири А. АРИПОВ
Тошкент ш.,
2021 йил 14 июль,
447-сон
Oʻzbekiston Respublikasi Vazirlar Mahkamasining
qarori
PROGNOZ JADVALI *
“Tabiiy gaz nazorati va hisobining avtomatlashtirilgan tizimini joriy etish” loyihasini moliyalashtirishga “Intesa San Paolo” bankining kreditini Italiyaning “SACE” davlat eksport-kredit agentligining sugʻurta qoplamasi ostida jalb qilish chora-tadbirlari toʻgʻrisida
Oʻzbekiston Respublikasi Prezidentining “Tabiiy gaz nazorati va hisobining avtomatlashtirilgan tizimini joriy etish” loyihasini amalga oshirishga doir qoʻshimcha chora-tadbirlar toʻgʻrisida” 2020-yil 24-sentabrdagi PQ-4840-son qaroriga muvofiq hamda tabiiy gaz isteʼmolining aniq hisob-kitobini yuritish va toʻlovlarning amalga oshirilishida shaffoflikni taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Investitsiyalar va tashqi savdo vazirligi, Moliya vazirligi, “Hududgaztaʼminot” AJ tomonidan “Tabiiy gaz nazorati va hisobining avtomatlashtirilgan tizimini joriy etish” loyihasini (keyingi oʻrinlarda — loyihasi) amalga oshirish doirasida “Intesa San Paolo” bankining (Italiya) 250,0 mln AQSH dollari miqdoridagi kreditini Italiyaning “SACE” davlat eksport-kredit agentligining sugʻurta qoplamasi ostida jalb qilish toʻgʻrisida kelishuvga erishilganligi maʼlumot uchun qabul qilinsin.
2. “Hududgaztaʼminot” AJ tomonidan loyihani amalga oshirish doirasida “Intesa San Paolo” banki bilan 250,0 mln AQSH dollari miqdorida kredit shartnomasini 96 oy muddatda qaytarish sharti bilan 6-oylik Libor + yillik 1,30 foiz stavkada imzolanishi va “SACE” davlat eksport kredit agentligining sugʻurta qoplamasi uchun yigim toʻlovini “Intesa San Paolo” bankiga oʻz mablagʻlari hisobidan bosqichma-bosqich toʻlab berilishi maʼqullansin.
3. “Intesa San Paolo” banki tomonidan “Tabiiy gaz nazorati va hisobining avtomatlashtirilgan tizimini joriy etish” loyihasini moliyalashtirish uchun ajratiladigan kreditni soʻndirish, foiz va vositachilik toʻlovlarini toʻlashning prognoz jadvali ilovaga muvofiq tasdiqlansin.
4. Oʻzbekiston Respublikasi Moliya vazirligi “Intesa San Paolo” bankiga “Hududgaztaʼminot” AJning majburiyatlari boʻyicha kredit shartnomasi talablari asosida Oʻzbekiston Respublikasining davlat kafolatini belgilangan tartibda bersin.
5. Oʻzbekiston Respublikasi Adliya vazirligi kredit shartnomasi shartlarida nazarda tutilgan shakl boʻyicha “Intesa San Paolo” bankiga taqdim etilgan Oʻzbekiston Respublikasining davlat kafolati boʻyicha belgilangan tartibda yuridik xulosa taqdim etsin.
6. “Oʻzsanoatqurilishbank” ATB loyihani amalga oshirishda “Hududgaztaʼminot” AJning tijorat asosida moliyaviy konsultanti etib belgilansin.
7. Oʻzbekiston Respublikasi Investitsiyalar va tashqi savdo vazirligi loyiha uchun belgilangan qarz mablagʻini joriy yilda jalb qilinishi kutilayotganligini inobatga olgan holda, loyihani Tashqi savdo, investitsiyalar, mahalliy sanoatni rivojlantirish va texnik jihatdan tartibga solish masalalari boʻyicha Hukumat komissiyasi tomonidan 2021-yilda yangi davlat tashqi qarzi jalb qilinadigan yangi investitsiya loyihalarining roʻyxatiga kiritilishi taʼminlasin.
8. “Intesa San Paolo” banki tomonidan ajratilayotgan kredit boʻyicha “Hududgaztaʼminot” AJ qarz oluvchi hisoblanib, “Intesa San Paolo” banki bilan kredit bitimini imzolasin.
9. Belgilansinki:
“Hududgaztaʼminot” AJ, “Intesa San Paolo” banki tomonidan ajratilayotgan kreditdan maqsadli va samarali foydalanilishi yuzasidan masʼul ijro etuvchi organ hisoblanadi;
Oʻzbekiston Respublikasi Energetika vazirligi “Intesa San Paolo” banki tomonidan ajratilayotgan kreditdan maqsadli va samarali foydalanilishi yuzasidan nazorat qiluvchi organ hamda ushbu loyihaning amalga oshirilishini muvofiqlashtirish va monitoring qilish boʻyicha masʼul organ hisoblanadi;
“Intesa San Paolo” banki tomonidan ajratilayotgan kreditni qaytarish, foiz, boshlangʻich bir martalik toʻlov, vositachilik haqi va kredit boʻyicha agentlik komissiyasi va boshqa xarajatlar bilan bogʻliq toʻlovlar, shuningdek, “SACE” eksport-kredit agentligining sugʻurta mukofoti “Hududgaztaʼminot” AJning oʻz mablagʻlari hisobiga amalga oshiriladi.
10. Mazkur qarorning bajarilishini nazorat qilish Oʻzbekiston Respublikasi Bosh vazirining maslahatchisi — Geologiya, energetika, sanoat va uning bazaviy tarmoqlarini rivojlantirish masalalari departamenti boshligʻi hamda energetika vaziri A.S. Sultanov zimmasiga yuklansin.
Vazirlar Mahkamasining 2021-yil 14-iyuldagi 447-son qaroriga ILOVA
“Intesa San Paolo” banki tomonidan “Tabiiy gaz nazorati va hisobining avtomatlashtirilgan tizimini joriy etish” investitsiya loyihasini moliyalashtirish uchun ajratiladigan kreditni soʻndirish, foiz va vositachilik toʻlovlarini toʻlashning
Kredit summasi — 250,0 mln AQSH doll. (“SACE” eksport kredit agentligining sugʻurta qoplamasi uchun 18,500 mln AQSH doll. mukofot toʻlovi bilan birgalikda) Kredit qaytarish muddati — 96 oy Kredit oʻzlashtirish muddati — 12 oy Foiz stavkasi — 6 oylik Libor + yillik 1,3% stavka Kredit boʻyicha vositachilik toʻlovi — 25,0 ming yevro. (kreditdan foydalanish muddati uchun), — 40,0 ming yevro. (kreditni oʻzlashtirish muddati uchun) Majburiyat boʻyicha toʻlov — 0,30 % Tashkillashtirish uchun toʻlov — 0,85 % Kreditni hisoblashda kunlar soni — 360 kun (ming AQSH doll.) Toʻlov muddatlari Kredit summasi Toʻlov summasi Yigʻimlar summasi Jami toʻlov asosiy qarz kredit foiz toʻlovi tashkillashtirish uchun vositachilik toʻlovi majburiyat boʻyicha toʻlov 01.08.2021-y. 50 000,0 - - 2 125,0 48,0 - 2 173,0 01.09.2021-y. 50 000,0 - - - - - - 01.10.2021-y. 50 000,0 - - - - - - 01.11.2021-y. 50 000,0 - - - - - - 01.12.2021-y. 50 000,0 - - - - - - 01.03.2022-y. - 15 625,0 1 570,8 - 48,0 127,5 17 371,3 01.09.2022-y. - 15 625,0 1 796,9 - - - 17 421,9 01.03.2023-y. - 15 625,0 1 649,7 - 30,0 - 17 304,7 01.09.2023-y. - 15 625,0 1 557,3 - - - 17 182,3 01.03.2024-y. - 15 625,0 1 421,9 - 30,0 - 17 076,9 01.09.2024-y. - 15 625,0 1 317,7 - - - 16 942,7 01.03.2025-y. - 15 625,0 1 178,4 - 30,0 - 16 833,4 01.09.2025-y. - 15 625,0 1 078,1 - - - 16 703,1 01.03.2026-y. - 15 625,0 942,7 - 30,0 - 16 597,7 01.09.2026-y. - 15 625,0 838,5 - - - 16 463,5 01.03.2027-y. - 15 625,0 707,0 - 30,0 - 16 362,0 01.09.2027-y. - 15 625,0 599,0 - - - 16 224,0 01.03.2028-y. - 15 625,0 474,0 - 30,0 - 16 129,0 01.09.2028-y. - 15 625,0 359,4 - - - 15 984,4 01.03.2029-y. - 15 625,0 235,7 - 30,0 - 15 890,7 01.09.2029-y. - 15 625,0 119,8 - - - 15 744,8 Jami 250 000,0 250 000,0 15 846,9 2 125,0 306,0 127,5 268 405,4
Oʻzbekiston Respublikasining Bosh vaziri A. ARIPOV
Toshkent sh.,
2021-yil 14-iyul,
447-son