UzbekAI

Ўзбекистон Республикаси Марказий сайлов комиссиясининг

Қарори

НИЗОМ

Ўзбекистон Республикаси Президентлигига кўрсатилган номзодни қўллаб-қувватловчи имзоларни тўплаш ва имзо варақалари тўғри тўлдирилганлигини текшириш тартиби тўғрисидаги низомни тасдиқлаш ҳақида

Ўзбекистон Республикаси Сайлов кодексининг 14 ва 16-моддаларига мувофиқ, Ўзбекистон Республикаси Марказий сайлов комиссияси қарор қилади:

1. Ўзбекистон Республикаси Президентлигига кўрсатилган номзодни қўллаб-қувватловчи имзоларни тўплаш ва имзо варақалари тўғри тўлдирилганлигини текшириш тартиби тўғрисидаги низом иловага мувофиқ тасдиқлансин.

2. Ўзбекистон Республикаси Марказий сайлов комиссиясининг «Сиёсий партиялар томонидан имзоларни тўплаш ва имзо варақалари тўғри тўлдирилганлигини текшириш тартиби тўғрисидаги йўриқномани тасдиқлаш тўғрисида» 2016 йил 23 сентябрдаги 740-сон қарори ўз кучини йўқотган деб ҳисоблансин.

3. Ушбу қарор Ўзбекистон Республикаси Марказий сайлов комиссиясининг расмий веб-сайтида, шунингдек, бошқа манбаларда эълон қилинсин.

4. Мазкур қарорнинг ижросини назорат қилиш Ўзбекистон Республикаси Марказий сайлов комиссияси раисининг ўринбосари Б. Кучкаров зиммасига юклансин.

Ўзбекистон Республикаси Марказий сайлов комиссиясининг 2021 йил 14 апрелдаги 1067-сон қарорига ИЛОВА

Ўзбекистон Республикаси Президентлигига кўрсатилган номзодни қўллаб-қувватловчи имзоларни тўплаш ва имзо варақалари тўғри тўлдирилганлигини текшириш тартиби тўғрисидаги

Мазкур Низом Ўзбекистон Республикаси Сайлов кодексининг (бундан буён матнда Сайлов кодекси деб юритилади) 38 ва 39-моддаларига мувофиқ сиёсий партиялар томонидан Ўзбекистон Республикаси Президентлигига кўрсатилган номзодни қўллаб-қувватловчи имзоларни тўплаш ва имзо варақалари (бундан буён матнда имзо варақалари деб юритилади) тўғри тўлдирилганлигини Ўзбекистон Республикаси Марказий сайлов комиссияси (бундан буён матнда МСК деб юритилади) томонидан текшириш тартибини белгилайди.

I боб. Сиёсий партиялар томонидан имзолар тўплаш

1. Сайловда иштирок этишига ижозат берилган сиёсий партия Ўзбекистон Республикаси Президентлигига кўрсатилган номзодни (бундан буён матнда номзод деб юритилади) қўллаб-қувватлаб, Ўзбекистон Республикаси жами сайловчиларининг умумий сони камида бир фоизининг имзосини тўплаши керак.

Битта маъмурий-ҳудудий тузилмада (Қорақалпоғистон Республикаси, вилоят, Тошкент шаҳри) сиёсий партия тегишинча имзолар умумий сонининг кўпи билан саккиз фоизини тўплаши мумкин.

2. Сиёсий партия ўзининг ваколатли вакилига МСК томонидан рўйхатга олинганлик тўғрисида гувоҳнома берилганидан кейингина номзодни қўллаб-қувватлаш юзасидан сайловчиларнинг имзосини тўплашга ҳақли. Бу санага қадар тўпланган имзолар ҳисобга олинмайди.

3. Сайловчилар имзоларини тўплаш учун МСК сиёсий партиянинг ваколатли вакилига мазкур Низом иловасига мувофиқ намунадаги имзо варақаларининг бланкаларини беради. Имзо варақалари бланкалари МСК томонидан босмахона усулида, икки томонлама кўринишда тайёрланади. Имзо варақалари бланкалари ҳар бир сиёсий партияга Ўзбекистон Республикасининг барча сайловчилари умумий сонининг 1,4 фоизи ҳисобида берилади.

Сиёсий партиялар сўровига кўра, имзо тўплаш учун қўшимча имзо варақалари бланкалари берилиши мумкин.

4. Имзолар тўпланишини ташкил этиш учун сиёсий партияларнинг туман, шаҳар кенгашлари ва ижроия қўмиталари аъзолари ёхуд партияларнинг туман, шаҳар ташкилотлари девони штатидаги ходимлари орасидан масъул шахслар тайинланади. Шунингдек, сиёсий партиялар бошланғич ташкилотлари раҳбарлари ҳам имзолар тўплашни уюштириши мумкин.

5. Сайловчилар битта ёки бир нечта номзодларни қўллаб-қувватлаб имзо қўйишга ҳақли.

Бунда сайловчи ўз фамилиясини, исмини, отасининг исмини, туғилган йилини (ёши ўн саккизда бўлса, қўшимча равишда туғилган куни ва ойини), яшаш жойи манзилини, паспорт ёхуд идентификация ID-картасининг серияси ва тартиб рақамини, шунингдек, имзо қўйган санани кўрсатади.

Мазкур маълумотлар қўлда ёзиб киритилади. Имзо варақасига ўз имзосини қўядиган сайловчи тўғрисидаги маълумотлар сайловчининг илтимосига кўра имзо тўплашни амалга ошираётган шахс томонидан киритилиши мумкин. Бироқ, имзони айнан сайловчининг ўзи қўяди.

6. Сайловчиларнинг имзосини тўплаш иш, хизмат, ўқиш, яшаш жойида, сайловолди тадбирларида, шунингдек, ташвиқот юритиш ва имзо тўплаш қонун билан тақиқланмаган бошқа жойларда амалга оширилади.

Имзо тўплаётган шахс томонидан сайловчиларни мажбурлаш ва ўзига оғдириб олишнинг ҳар қандай шакли қонунда белгиланган жавобгарликка сабаб бўлади.

7. Имзо варақаси имзони тўплаган шахс томонидан ўз фамилияси, исми, отасининг исми кўрсатилган ҳолда имзоланади, шунингдек, тегишли сиёсий партиянинг туман, шаҳар тузилмаси раҳбари томонидан муҳр босиб тасдиқланади.

8. Имзо тўплаш тамомланганидан сўнг сиёсий партиянинг ваколатли вакили Қорақалпоғистон Республикаси, вилоятлар ва Тошкент шаҳри бўйича алоҳида-алоҳида қилиб тикилган имзо варақаларини МСКга топширади.

II боб. Имзо варақалари тўғри тўлдирилганлигини текшириш

9. МСКга текшириш учун жами сайловчилар умумий сонининг камида бир фоизи миқдорида имзолар тақдим этилиши лозим. Агар сиёсий партиялар томонидан жами сайловчилар умумий сонининг бир фоизидан кўпроқ имзолар тўпланган бўлса, қолган имзо варақалари сиёсий партияда захира сифатида қолдирилади.

10. Сиёсий партиялар тақдим этган имзо варақаларининг тўғри тўлдирилганлиги МСК томонидан беш кунлик муддатда текширилади.

11. МСК текширув ўтказиладиган вақт ва жой ҳақида сиёсий партияларни олдиндан хабардор қилади.

12. Сиёсий партияларнинг ваколатли вакиллари имзо варақалари тўғри тўлдирилганлигининг МСК томонидан текширилиши жараёнида иштирок этади.

13. МСК имзо варақалари тўғри тўлдирилганлигини текширувчи Эксперт гуруҳини (бундан буён матнда Эксперт гуруҳи деб юритилади) тузиши мумкин. Эксперт гуруҳи таркибига ички ишлар органларининг, адлия органларининг мутахассислари, шунингдек, хатшунос экспертлари, фуқаролик жамияти институтлари вакиллари жалб этилади.

14. Сайловчилар имзолари зарур сонининг камида ўн беш фоизи ва имзо варақаларига имзоларини қўйган сайловчилар тўғрисидаги тегишли маълумотлар текширилиши лозим.

15. Текшириш учун сайловчиларнинг ҳар бир номзодни қўллаб-қувватлаб берилган имзолари бир хил миқдорда, ҳар бир маъмурий-ҳудудий тузилмадан (Қорақалпоғистон Республикаси, вилоят, Тошкент шаҳридан) тенг нисбатда танлаб олинади.

16. Имзо варақаларини текширишда Эксперт гуруҳи аъзолари:

касбий одоб қоидаларига риоя қилиши;

зиммасига юклатилган вазифаларни қонун ҳужжатларида ва ички ҳужжатларда белгиланган ўз лавозим ваколатлари доирасида холисона, виждонан, сифатли бажариши;

хабарлар ва хизмат ахборотини тақдим этиш бўйича МСКда белгиланган қоидаларга риоя қилиши керак.

17. Эксперт гуруҳи аъзолари имзо варақасининг тўғри тўлдирилганлигига, тузатишларга йўл қўйилганига, ўчириб ёзилган тузатишлар борлигига, турли шахслар томонидан тўлдирилганлигига, ўхшаш имзолар борлигига, тасдиқланган тузатишлар борлигига эътибор берган ҳолда ҳар бир имзо варақасини кўздан кечиради.

18. Визуал текширувда нуқсонлар ёки шубҳали ҳолатлар аниқланган имзо варақалари пухтароқ, шу жумладан махсус асбоблар ёрдамида текшириш учун саралаб олинади.

19. Қуйидаги имзолар ҳақиқий эмас деб топилади:

сиёсий партия ваколатли вакилига МСК томонидан рўйхатга олинганлик тўғрисида гувоҳнома берилгунга қадар тўпланган имзолар;

имзо варақасидаги сайловчи тўғрисидаги маълумотлар сайловчининг ўзи ёки сайловчилар имзоларини тўплаган масъул шахс томонидан киритилмасдан қўйилган имзолар;

сайлаш ҳуқуқига эга бўлмаган шахслар томонидан қўйилган имзолар;

имзо варақасида кўрсатилиши лозим бўлган маълумотлардан бирортаси кўрсатилмасдан қўйилган, шу жумладан санаси кўрсатилмасдан қўйилган имзолар;

бошқа шахснинг номидан қўйилган имзолар;

МСК томонидан берилган имзо варақаларидан бошқа имзо варақаларида қўйилган имзолар;

сайловчининг имзоси ва у ҳақда маълумотлар қалам ёки ёзув қуроли ҳисобланмайдиган бошқа воситалар билан киритилган имзолар;

имзо варақасида кўрсатилиши лозим бўлган маълумотларга тузатишлар киритилган ҳолда қўйилган имзолар, башарти ушбу тузатишлар сайловчи ёки имзо варақасини тасдиқловчи шахслар томонидан қўшимча имзо билан тасдиқланмаган бўлса.

20. Агар МСК томонидан танлаб олинган имзо варақаларининг чорак қисмидан кўпроғини текшириш натижасида имзо варақалари қонун бузилган ҳолда тузилганлиги аниқланса:

мазкур имзо варақалари сиёсий партиянинг ваколатли вакилига қайтарилади ва унга камчиликларни бартараф этиш учун икки кунлик муддат берилади;

сиёсий партия томонидан МСКга тақдим этилган барча имзо варақалари текширилади.

21. Сиёсий партиялар томонидан имзо варақаларидаги камчиликлар икки кунлик муддатда бартараф этилмаса ёхуд қўшимча имзо варақалари тақдим этилмаса, барча топширилган имзо варақаларидан ҳақиқий деб топилганлари инобатга олинади.

22. МСКга камчиликлари бартараф этилиб (қўшимча тўпланиб), тақдим этилган имзо варақалари тўлиқ текширилади ва уларнинг ҳақиқий деб топилганлари аниқланади.

23. Мазкур Низомнинг 20 ва 22-бандларида назарда тутилган олдиндан тақдим этилган ва қўшимча тақдим этилган имзо варақаларининг ҳақиқий деб топилганлари қўшилади.

Агар қўллаб-қувватловчи сайловчиларнинг имзолари сони жами сайловчилар умумий сонининг бир фоизидан яна оз бўлиб чиқса, мазкур имзо варақалари тўлиғича ҳақиқий эмас деб топилади ва МСК сиёсий партия томонидан кўрсатилган номзодни рўйхатга олишни рад этади.

24. Текширув якунлангач, номзодни ёқлаб берилган имзо варақаларини тақдим этган ҳар бир сиёсий партия бўйича Эксперт гуруҳи томонидан Имзо варақалари тўғри тўлдирилганлигини текшириш якунлари тўғрисида хулоса (бундан буён матнда Хулоса деб юритилади) тузилади. Унда қуйидагилар кўрсатилади:

сайловчилар имзолари қўйилган ва тақдим этилган имзо варақалари сони;

сайловчиларнинг текширилган имзолари сони;

сайловчилар имзоларининг ҳақиқий эмас деб топилган сони.

25. Хулосанинг қаламда тўлдирилишига ва унга бирон-бир тузатишлар киритилишига йўл қўйилмайди.

26. Хулосанинг нусхаси сиёсий партиянинг ваколатли вакилига берилади.

27. Эксперт гуруҳи хулосалари МСК томонидан тегишли қарор қабул қилиниши учун асос бўлиб хизмат қилади.

28. Имзоларни такроран текшириш Ўзбекистон Республикаси Президентлигига номзодни рўйхатга олишни рад этиш тўғрисида МСКнинг қарори қабул қилинганидан сўнг, Ўзбекистон Республикаси Олий судининг қарори асосида амалга оширилади.

III боб. Якуний қоидалар

29. Эксперт гуруҳининг хулосаси асосида МСК Ўзбекистон Республикаси Сайлов кодексининг 64-моддасига мувофиқ қуйидагилардан бири тўғрисида қарор қабул қилади:

номзодни рўйхатга олиш тўғрисида — сиёсий партия томонидан тақдим этилган ҳужжатлар қонун талабларига мувофиқ келса;

номзодни рўйхатга олишни рад этиш тўғрисида — сиёсий партия томонидан тақдим этилган ҳужжатлар қонун талабларига мувофиқ келмаса.

30. МСКнинг қарорлари устидан ушбу қарорлар қабул қилинган кундан эътиборан беш кун ичида Ўзбекистон Республикаси Олий судига шикоят қилиниши мумкин.

Ўзбекистон Республикаси Президентлигига кўрсатилган номзодни қўллаб-қувватловчи имзоларни тўплаш ва имзо варақалари тўғри тўлдирилганлигини текшириш тартиби тўғрисидаги низомга ИЛОВА

Олд томони ‎Сиёсий партиянинг рамзи ‎ Ўзбекистон Республикаси Президентлигига кўрсатилган ‎номзодни кўллаб-қувватлашга доир ИМЗО ВАРАҚАСИ ________________________________________________________________________________ (имзолар тўпланган маъмурий-ҳудудий тузилма номи) ‎ Биз, қуйида имзо қўювчилар, _____________________________________________________ дан (сиёсий партиянинг номи) Ўзбекистон Республикаси Президентлигига кўрсатилган номзод ______________________________________________________________ни қўллаб-қувватлаймиз: (номзоднинг фамилияси, исми ва отасининг исми) ‎ ‎ ‎ ‎ ‎ ‎ ‎ ‎ Т/р ‎‎ ‎ ‎ ‎‎Сайловчининг фамилияси, исми, отасининг исми ‎‎ Туғилган йили (агар 18 ёшда бўлса, туғилган ойи ва куни) ‎Яшаш жойи (манзили) Паспорт ёки ‎ ID-карта серияси ва тартиб рақами ‎‎ Шахсий имзо ва имзо қўйилган сана ‎ 1. ‎‎ ‎‎ ‎‎ ‎‎ ‎‎ 2. 3. 4. 5. 6. 7. 8. 9. 10. 11. 12. 13. 14. 15. ‎Орқа томони ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 16. 17. 18 . 19. 20 . 21. 22. 23 . 24. 25 . 26. 27 . 28. 29 . 30. 31. 32. 33. 34. 35 . 36. 37. 38. 39. 40. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Тўпланган имзоларнинг умумий сони ________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ _________________________________________________________________ ‎ ‎ (сайловчилар имзосини тўплаган шахс Ф.И.О., яшаш жойи манзили, паспорти ёки ID-картасининг серияси ва тартиб рақами, имзоси) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ М.Ў. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Имзо варақасини тасдиқлайман _________________________________________________ ‎ ‎ (сиёсий партия туман, шаҳар бўлинмаси раҳбарининг Ф.И.О. ва имзоси) ‎

Раис З. НИЗАМХОДЖАЕВ

Тошкент ш.,

2021 йил 14 апрель,

1067-сон

lex.uz

Oʻzbekiston Respublikasi Markaziy saylov komissiyasining

Qarori

NIZOM

Oʻzbekiston Respublikasi Prezidentligiga koʻrsatilgan nomzodni qoʻllab-quvvatlovchi imzolarni toʻplash va imzo varaqalari toʻgʻri toʻldirilganligini tekshirish tartibi toʻgʻrisidagi nizomni tasdiqlash haqida

Oʻzbekiston Respublikasi Saylov kodeksining 14 va 16-moddalariga muvofiq, Oʻzbekiston Respublikasi Markaziy saylov komissiyasi qaror qiladi:

1. Oʻzbekiston Respublikasi Prezidentligiga koʻrsatilgan nomzodni qoʻllab-quvvatlovchi imzolarni toʻplash va imzo varaqalari toʻgʻri toʻldirilganligini tekshirish tartibi toʻgʻrisidagi nizom ilovaga muvofiq tasdiqlansin.

2. Oʻzbekiston Respublikasi Markaziy saylov komissiyasining “Siyosiy partiyalar tomonidan imzolarni toʻplash va imzo varaqalari toʻgʻri toʻldirilganligini tekshirish tartibi toʻgʻrisidagi yoʻriqnomani tasdiqlash toʻgʻrisida” 2016-yil 23-sentabrdagi 740-son qarori oʻz kuchini yoʻqotgan deb hisoblansin.

3. Ushbu qaror Oʻzbekiston Respublikasi Markaziy saylov komissiyasining rasmiy veb-saytida, shuningdek, boshqa manbalarda eʼlon qilinsin.

4. Mazkur qarorning ijrosini nazorat qilish Oʻzbekiston Respublikasi Markaziy saylov komissiyasi raisining oʻrinbosari B. Kuchkarov zimmasiga yuklansin.

Oʻzbekiston Respublikasi Markaziy saylov komissiyasining 2021-yil 14-apreldagi 1067-son qaroriga ILOVA

Oʻzbekiston Respublikasi Prezidentligiga koʻrsatilgan nomzodni qoʻllab-quvvatlovchi imzolarni toʻplash va imzo varaqalari toʻgʻri toʻldirilganligini tekshirish tartibi toʻgʻrisidagi

Mazkur Nizom Oʻzbekiston Respublikasi Saylov kodeksining (bundan buyon matnda Saylov kodeksi deb yuritiladi) 38 va 39-moddalariga muvofiq siyosiy partiyalar tomonidan Oʻzbekiston Respublikasi Prezidentligiga koʻrsatilgan nomzodni qoʻllab-quvvatlovchi imzolarni toʻplash va imzo varaqalari (bundan buyon matnda imzo varaqalari deb yuritiladi) toʻgʻri toʻldirilganligini Oʻzbekiston Respublikasi Markaziy saylov komissiyasi (bundan buyon matnda MSK deb yuritiladi) tomonidan tekshirish tartibini belgilaydi.

I bob. Siyosiy partiyalar tomonidan imzolar toʻplash

1. Saylovda ishtirok etishiga ijozat berilgan siyosiy partiya Oʻzbekiston Respublikasi Prezidentligiga koʻrsatilgan nomzodni (bundan buyon matnda nomzod deb yuritiladi) qoʻllab-quvvatlab, Oʻzbekiston Respublikasi jami saylovchilarining umumiy soni kamida bir foizining imzosini toʻplashi kerak.

Bitta maʼmuriy-hududiy tuzilmada (Qoraqalpogʻiston Respublikasi, viloyat, Toshkent shahri) siyosiy partiya tegishincha imzolar umumiy sonining koʻpi bilan sakkiz foizini toʻplashi mumkin.

2. Siyosiy partiya oʻzining vakolatli vakiliga MSK tomonidan roʻyxatga olinganlik toʻgʻrisida guvohnoma berilganidan keyingina nomzodni qoʻllab-quvvatlash yuzasidan saylovchilarning imzosini toʻplashga haqli. Bu sanaga qadar toʻplangan imzolar hisobga olinmaydi.

3. Saylovchilar imzolarini toʻplash uchun MSK siyosiy partiyaning vakolatli vakiliga mazkur Nizom ilovasiga muvofiq namunadagi imzo varaqalarining blankalarini beradi. Imzo varaqalari blankalari MSK tomonidan bosmaxona usulida, ikki tomonlama koʻrinishda tayyorlanadi. Imzo varaqalari blankalari har bir siyosiy partiyaga Oʻzbekiston Respublikasining barcha saylovchilari umumiy sonining 1,4 foizi hisobida beriladi.

Siyosiy partiyalar soʻroviga koʻra, imzo toʻplash uchun qoʻshimcha imzo varaqalari blankalari berilishi mumkin.

4. Imzolar toʻplanishini tashkil etish uchun siyosiy partiyalarning tuman, shahar kengashlari va ijroiya qoʻmitalari aʼzolari yoxud partiyalarning tuman, shahar tashkilotlari devoni shtatidagi xodimlari orasidan masʼul shaxslar tayinlanadi. Shuningdek, siyosiy partiyalar boshlangʻich tashkilotlari rahbarlari ham imzolar toʻplashni uyushtirishi mumkin.

5. Saylovchilar bitta yoki bir nechta nomzodlarni qoʻllab-quvvatlab imzo qoʻyishga haqli.

Bunda saylovchi oʻz familiyasini, ismini, otasining ismini, tugʻilgan yilini (yoshi oʻn sakkizda boʻlsa, qoʻshimcha ravishda tugʻilgan kuni va oyini), yashash joyi manzilini, pasport yoxud identifikatsiya ID-kartasining seriyasi va tartib raqamini, shuningdek, imzo qoʻygan sanani koʻrsatadi.

Mazkur maʼlumotlar qoʻlda yozib kiritiladi. Imzo varaqasiga oʻz imzosini qoʻyadigan saylovchi toʻgʻrisidagi maʼlumotlar saylovchining iltimosiga koʻra imzo toʻplashni amalga oshirayotgan shaxs tomonidan kiritilishi mumkin. Biroq, imzoni aynan saylovchining oʻzi qoʻyadi.

6. Saylovchilarning imzosini toʻplash ish, xizmat, oʻqish, yashash joyida, saylovoldi tadbirlarida, shuningdek, tashviqot yuritish va imzo toʻplash qonun bilan taqiqlanmagan boshqa joylarda amalga oshiriladi.

Imzo toʻplayotgan shaxs tomonidan saylovchilarni majburlash va oʻziga ogʻdirib olishning har qanday shakli qonunda belgilangan javobgarlikka sabab boʻladi.

7. Imzo varaqasi imzoni toʻplagan shaxs tomonidan oʻz familiyasi, ismi, otasining ismi koʻrsatilgan holda imzolanadi, shuningdek, tegishli siyosiy partiyaning tuman, shahar tuzilmasi rahbari tomonidan muhr bosib tasdiqlanadi.

8. Imzo toʻplash tamomlanganidan soʻng siyosiy partiyaning vakolatli vakili Qoraqalpogʻiston Respublikasi, viloyatlar va Toshkent shahri boʻyicha alohida-alohida qilib tikilgan imzo varaqalarini MSKga topshiradi.

II bob. Imzo varaqalari toʻgʻri toʻldirilganligini tekshirish

9. MSKga tekshirish uchun jami saylovchilar umumiy sonining kamida bir foizi miqdorida imzolar taqdim etilishi lozim. Agar siyosiy partiyalar tomonidan jami saylovchilar umumiy sonining bir foizidan koʻproq imzolar toʻplangan boʻlsa, qolgan imzo varaqalari siyosiy partiyada zaxira sifatida qoldiriladi.

10. Siyosiy partiyalar taqdim etgan imzo varaqalarining toʻgʻri toʻldirilganligi MSK tomonidan besh kunlik muddatda tekshiriladi.

11. MSK tekshiruv oʻtkaziladigan vaqt va joy haqida siyosiy partiyalarni oldindan xabardor qiladi.

12. Siyosiy partiyalarning vakolatli vakillari imzo varaqalari toʻgʻri toʻldirilganligining MSK tomonidan tekshirilishi jarayonida ishtirok etadi.

13. MSK imzo varaqalari toʻgʻri toʻldirilganligini tekshiruvchi Ekspert guruhini (bundan buyon matnda Ekspert guruhi deb yuritiladi) tuzishi mumkin. Ekspert guruhi tarkibiga ichki ishlar organlarining, adliya organlarining mutaxassislari, shuningdek, xatshunos ekspertlari, fuqarolik jamiyati institutlari vakillari jalb etiladi.

14. Saylovchilar imzolari zarur sonining kamida oʻn besh foizi va imzo varaqalariga imzolarini qoʻygan saylovchilar toʻgʻrisidagi tegishli maʼlumotlar tekshirilishi lozim.

15. Tekshirish uchun saylovchilarning har bir nomzodni qoʻllab-quvvatlab berilgan imzolari bir xil miqdorda, har bir maʼmuriy-hududiy tuzilmadan (Qoraqalpogʻiston Respublikasi, viloyat, Toshkent shahridan) teng nisbatda tanlab olinadi.

16. Imzo varaqalarini tekshirishda Ekspert guruhi aʼzolari:

kasbiy odob qoidalariga rioya qilishi;

zimmasiga yuklatilgan vazifalarni qonun hujjatlarida va ichki hujjatlarda belgilangan oʻz lavozim vakolatlari doirasida xolisona, vijdonan, sifatli bajarishi;

xabarlar va xizmat axborotini taqdim etish boʻyicha MSKda belgilangan qoidalarga rioya qilishi kerak.

17. Ekspert guruhi aʼzolari imzo varaqasining toʻgʻri toʻldirilganligiga, tuzatishlarga yoʻl qoʻyilganiga, oʻchirib yozilgan tuzatishlar borligiga, turli shaxslar tomonidan toʻldirilganligiga, oʻxshash imzolar borligiga, tasdiqlangan tuzatishlar borligiga eʼtibor bergan holda har bir imzo varaqasini koʻzdan kechiradi.

18. Vizual tekshiruvda nuqsonlar yoki shubhali holatlar aniqlangan imzo varaqalari puxtaroq, shu jumladan maxsus asboblar yordamida tekshirish uchun saralab olinadi.

19. Quyidagi imzolar haqiqiy emas deb topiladi:

siyosiy partiya vakolatli vakiliga MSK tomonidan roʻyxatga olinganlik toʻgʻrisida guvohnoma berilgunga qadar toʻplangan imzolar;

imzo varaqasidagi saylovchi toʻgʻrisidagi maʼlumotlar saylovchining oʻzi yoki saylovchilar imzolarini toʻplagan masʼul shaxs tomonidan kiritilmasdan qoʻyilgan imzolar;

saylash huquqiga ega boʻlmagan shaxslar tomonidan qoʻyilgan imzolar;

imzo varaqasida koʻrsatilishi lozim boʻlgan maʼlumotlardan birortasi koʻrsatilmasdan qoʻyilgan, shu jumladan sanasi koʻrsatilmasdan qoʻyilgan imzolar;

boshqa shaxsning nomidan qoʻyilgan imzolar;

MSK tomonidan berilgan imzo varaqalaridan boshqa imzo varaqalarida qoʻyilgan imzolar;

saylovchining imzosi va u haqda maʼlumotlar qalam yoki yozuv quroli hisoblanmaydigan boshqa vositalar bilan kiritilgan imzolar;

imzo varaqasida koʻrsatilishi lozim boʻlgan maʼlumotlarga tuzatishlar kiritilgan holda qoʻyilgan imzolar, basharti ushbu tuzatishlar saylovchi yoki imzo varaqasini tasdiqlovchi shaxslar tomonidan qoʻshimcha imzo bilan tasdiqlanmagan boʻlsa.

20. Agar MSK tomonidan tanlab olingan imzo varaqalarining chorak qismidan koʻprogʻini tekshirish natijasida imzo varaqalari qonun buzilgan holda tuzilganligi aniqlansa:

mazkur imzo varaqalari siyosiy partiyaning vakolatli vakiliga qaytariladi va unga kamchiliklarni bartaraf etish uchun ikki kunlik muddat beriladi;

siyosiy partiya tomonidan MSKga taqdim etilgan barcha imzo varaqalari tekshiriladi.

21. Siyosiy partiyalar tomonidan imzo varaqalaridagi kamchiliklar ikki kunlik muddatda bartaraf etilmasa yoxud qoʻshimcha imzo varaqalari taqdim etilmasa, barcha topshirilgan imzo varaqalaridan haqiqiy deb topilganlari inobatga olinadi.

22. MSKga kamchiliklari bartaraf etilib (qoʻshimcha toʻplanib), taqdim etilgan imzo varaqalari toʻliq tekshiriladi va ularning haqiqiy deb topilganlari aniqlanadi.

23. Mazkur Nizomning 20 va 22-bandlarida nazarda tutilgan oldindan taqdim etilgan va qoʻshimcha taqdim etilgan imzo varaqalarining haqiqiy deb topilganlari qoʻshiladi.

Agar qoʻllab-quvvatlovchi saylovchilarning imzolari soni jami saylovchilar umumiy sonining bir foizidan yana oz boʻlib chiqsa, mazkur imzo varaqalari toʻligʻicha haqiqiy emas deb topiladi va MSK siyosiy partiya tomonidan koʻrsatilgan nomzodni roʻyxatga olishni rad etadi.

24. Tekshiruv yakunlangach, nomzodni yoqlab berilgan imzo varaqalarini taqdim etgan har bir siyosiy partiya boʻyicha Ekspert guruhi tomonidan Imzo varaqalari toʻgʻri toʻldirilganligini tekshirish yakunlari toʻgʻrisida xulosa (bundan buyon matnda Xulosa deb yuritiladi) tuziladi. Unda quyidagilar koʻrsatiladi:

saylovchilar imzolari qoʻyilgan va taqdim etilgan imzo varaqalari soni;

saylovchilarning tekshirilgan imzolari soni;

saylovchilar imzolarining haqiqiy emas deb topilgan soni.

25. Xulosaning qalamda toʻldirilishiga va unga biron-bir tuzatishlar kiritilishiga yoʻl qoʻyilmaydi.

26. Xulosaning nusxasi siyosiy partiyaning vakolatli vakiliga beriladi.

27. Ekspert guruhi xulosalari MSK tomonidan tegishli qaror qabul qilinishi uchun asos boʻlib xizmat qiladi.

28. Imzolarni takroran tekshirish Oʻzbekiston Respublikasi Prezidentligiga nomzodni roʻyxatga olishni rad etish toʻgʻrisida MSKning qarori qabul qilinganidan soʻng, Oʻzbekiston Respublikasi Oliy sudining qarori asosida amalga oshiriladi.

III bob. Yakuniy qoidalar

29. Ekspert guruhining xulosasi asosida MSK Oʻzbekiston Respublikasi Saylov kodeksining 64-moddasiga muvofiq quyidagilardan biri toʻgʻrisida qaror qabul qiladi:

nomzodni roʻyxatga olish toʻgʻrisida — siyosiy partiya tomonidan taqdim etilgan hujjatlar qonun talablariga muvofiq kelsa;

nomzodni roʻyxatga olishni rad etish toʻgʻrisida — siyosiy partiya tomonidan taqdim etilgan hujjatlar qonun talablariga muvofiq kelmasa.

30. MSKning qarorlari ustidan ushbu qarorlar qabul qilingan kundan eʼtiboran besh kun ichida Oʻzbekiston Respublikasi Oliy sudiga shikoyat qilinishi mumkin.

Oʻzbekiston Respublikasi Prezidentligiga koʻrsatilgan nomzodni qoʻllab-quvvatlovchi imzolarni toʻplash va imzo varaqalari toʻgʻri toʻldirilganligini tekshirish tartibi toʻgʻrisidagi nizomga ILOVA

Old tomoni ‎Siyosiy partiyaning ramzi ‎ Oʻzbekiston Respublikasi Prezidentligiga koʻrsatilgan ‎nomzodni koʻllab-quvvatlashga doir IMZO VARAQASI ________________________________________________________________________________ (imzolar toʻplangan maʼmuriy-hududiy tuzilma nomi) ‎ Biz, quyida imzo qoʻyuvchilar, _____________________________________________________ dan (siyosiy partiyaning nomi) Oʻzbekiston Respublikasi Prezidentligiga koʻr�atilgan nomzod ______________________________________________________________ni qoʻllab-quvvatlaymiz: (nomzodning familiyasi, ismi va otasining ismi) ‎ ‎ ‎ ‎ ‎ ‎ ‎ ‎ T/r ‎‎ ‎ ‎ ‎‎Saylovchining familiyasi, ismi, otasining ismi ‎‎ Tugʻilgan yili (agar 18 yoshda boʻlsa, tugʻilgan oyi va kuni) ‎Yashash joyi (manzili) Pasport yoki ‎ ID-karta seriyasi va tartib raqami ‎‎ Shaxsiy imzo va imzo qoʻyilgan sana ‎ 1. ‎‎ ‎‎ ‎‎ ‎‎ ‎‎ 2. 3. 4. 5. 6. 7. 8. 9. 10. 11. 12. 13. 14. 15. ‎Orqa tomoni ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 16. 17. 18 . 19. 20 . 21. 22. 23 . 24. 25 . 26. 27 . 28. 29 . 30. 31. 32. 33. 34. 35 . 36. 37. 38. 39. 40. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Toʻplangan imzolarning umumiy soni ________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ _________________________________________________________________ ‎ ‎ (saylovchilar imzosini toʻplagan shaxs F.I.O., yashash joyi manzili, pasporti yoki ID-kartasining seriyasi va tartib raqami, imzosi) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ M.Oʻ. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Imzo varaqasini tasdiqlayman _________________________________________________ ‎ ‎ (siyosiy partiya tuman, shahar boʻlinmasi rahbarining F.I.O. va imzosi) ‎

Rais Z. NIZAMXODJAYEV

Toshkent sh.,

2021-yil 14-aprel,

1067-son

lex.uz

Центральной избирательной комиссии Республики Узбекистан

Постановление

ПОЛОЖЕНИЕ

Об утверждении Положения о порядке сбора подписей в поддержку выдвинутого кандидата в Президенты Республики Узбекистан и проверки правильности составления подписных листов

В соответствии со статьями 14 и 16 Избирательного кодекса Республики Узбекистан Центральная избирательная комиссия Республики Узбекистан постановляет:

1. Утвердить Положение о порядке сбора подписей в поддержку выдвинутого кандидата в Президенты Республики Узбекистан и проверки правильности составления подписных листов согласно приложению .

2. Признать утратившим силу постановление Центральной избирательной комиссии Республики Узбекистан от 23 сентября 2016 года № 740 «Об утверждении Инструкции о порядке сбора подписей политическими партиями и проверки правильности составления подписных листов».

3. Опубликовать настоящее постановление на официальном веб-сайте Центральной избирательной комиссии Республики Узбекистан, а также в других источниках.

4. Контроль за исполнением настоящего постановления возложить на заместителя председателя Центральной избирательной комиссии Республики Узбекистан Б. Кучкарова.

ПРИЛОЖЕНИЕ к постановлению Центральной избирательной комиссии Республики Узбекистан от 14 апреля 2021 года № 1067

о порядке сбора подписей в поддержку выдвинутого кандидата в Президенты Республики Узбекистан и проверки правильности составления подписных листов

Настоящее Положение в соответствии со статьями 38 и 39 Избирательного кодекса Республики Узбекистан (далее — Избирательный кодекс) определяет порядок сбора подписей политическими партиями в поддержку выдвинутого кандидата в Президенты Республики Узбекистан и проверки Центральной избирательной комиссией Республики Узбекистан (далее — ЦИК) правильности составления подписных листов (далее — подписные листы).

Глава I. Сбор подписей политическими партиями

1. Политическая партия, допущенная к участию в выборах, должна собрать подписи в поддержку выдвинутого кандидата в Президенты Республики Узбекистан (далее — кандидат) не менее одного процента от общего числа всех избирателей Республики Узбекистан.

В одном административно-территориальном образовании (Республика Каракалпакстан, область, город Ташкент) политическая партия соответственно может собрать не более восьми процентов подписей от их общего числа.

2. Политическая партия вправе собирать подписи избирателей в поддержку кандидата только после получения уполномоченным представителем политической партии регистрационного удостоверения, выданного ЦИК. Подписи, собранные до этой даты, не засчитываются.

3. Для сбора подписей избирателей ЦИК выдает уполномоченному представителю политической партии бланки подписных листов по образцу, согласно приложению к настоящему Положению. Бланки подписных листов изготавливаются ЦИК типографским способом в двухстороннем виде. Бланки подписных листов выдаются каждой политической партии из расчета 1,4 процента от общего числа всех избирателей Республики Узбекистан.

По запросу политических партий для сбора подписей могут быть выданы дополнительные бланки подписных листов.

4. Для организации сбора подписей назначаются ответственные лица из числа членов районных, городских Кенгашей и исполнительных комитетов политических партий либо штатных работников аппарата районных, городских организаций партий. Сбор подписей могут также организовать руководители первичных организаций политических партий.

5. Избиратели вправе ставить подпись в поддержку одного или нескольких кандидатов.

При этом избиратель указывает свою фамилию, имя, отчество, год рождения (если в возрасте восемнадцати лет — дополнительно день и месяц рождения), адрес места жительства, серию и номер паспорта или идентификационной ID-карты, а также дату внесения подписи.

Указанные сведения вносятся рукописным способом.

Сведения об избирателе, ставящем в подписном листе свою подпись, по просьбе избирателя могут быть внесены лицом, осуществляющим сбор подписей. При этом, подпись ставится самим избирателем.

6. Сбор подписей избирателей проводится по месту работы, службы, учебы, жительства, на предвыборных мероприятиях, а также в других местах, где агитация и сбор подписей не запрещены законом.

Любые формы принуждения и подкупа избирателей со стороны лица, собирающего подписи, влекут установленную законом ответственность.

7. Подписной лист подписывается лицом, собиравшим подписи, с указанием своей фамилии, имени, отчества, а также заверяется руководителем районной, городской структуры соответствующей политической партии и печатью.

8. После окончания сбора подписей уполномоченный представитель политической партии передает в ЦИК подписные листы, сброшюрованные в отдельности по Республике Каракалпакстан, областям и городу Ташкенту.

Глава II. Проверка правильности составления подписных листов

9. Для проверки в ЦИК должно быть предоставлено не менее одного процента подписей общего числа всех избирателей. Если политическими партиями было собрано более одного процента подписей общего числа всех избирателей, оставшиеся подписные листы останутся в политической партии в качестве резерва.

10. Правильность составления подписных листов, представленных политическими партиями, проверяется ЦИК в пятидневный срок.

11. ЦИК заранее извещает политические партии о времени и месте проведения проверки.

12. В процессе проверки ЦИК правильности составления подписных листов участвуют уполномоченные представители политических партий.

13. ЦИК может создать Экспертную группу по проверке правильности составления подписных листов (далее — Экспертная группа). В состав Экспертной группы привлекаются специалисты органов внутренних дел, органов юстиции, а также эксперты-почерковеды представители институтов гражданского общества.

14. Проверке подлежат не менее пятнадцати процентов от необходимого количества подписей избирателей и соответствующие сведения об избирателях, поставивших подписи в подписных листах.

15. Для проверки отбирается одинаковое количество подписей избирателей, собранных в поддержку каждого кандидата в равном соотношении от каждого административно-территориального образования (Республика Каракалпакстан, область, город Ташкент).

16. При проверке подписных листов члены Экспертной группы должны:

руководствоваться правилами профессиональной этики;

объективно, добросовестно, качественно выполнять возложенные на них задачи в пределах своих должностных полномочий, определенных законодательством и внутренними документами;

соблюдать установленные в ЦИК правила представления сообщений и служебной информации.

17. Члены Экспертной группы осматривают каждый подписной лист, обращая внимание на правильность их составления, наличие допущенных исправлений, помарок, заполнение разными лицами, наличие схожих подписей, заверенных исправлений.

18. Подписные листы, на которых при визуальном осмотре обнаружены недостатки или вызывающие подозрения неточности, отбираются для более детальной проверки, в том числе при помощи специализированных устройств.

19. Признаются недействительными:

подписи, собранные до выдачи ЦИК регистрационного свидетельства уполномоченному представителю политической партии;

подписи избирателей, сведения о которых не внесены в подписной лист самими избирателями или лицом, осуществлявшим сбор подписей избирателей;

подписи лицами, не обладающими избирательным правом;

подписи, проставленные без указания каких-либо из необходимых в подписном листе сведений, в том числе без указания даты их внесения;

подписи, проставленные от имени другого лица;

подписи в подписных листах, отличающихся от подписных листов, выданных ЦИК;

подписи избирателя и данные о нем, внесенные карандашом и другими средствами, не являющимися орудиями письма;

подписи, проставленные с исправлениями в сведениях, которые должны быть указаны в подписном листе, если эти исправления не заверены дополнительной подписью избирателя или лицами, заверяющими подписные листы.

20. В случае, если при выборочной проверке ЦИК более четверти подписных листов будет выявлено, что подписные листы составлены с нарушениями закона:

данные подписные листы возвращаются уполномоченному представителю политической партии, и ему предоставляется двухдневный срок для устранения недостатков;

проверяются все подписные листы, представленные политической партией в ЦИК.

21. В случае, если выявленные недостатки в подписных листах политическими партиями в двухдневный срок не устранены либо не представлены дополнительные подписные листы, то будут учитываться признанные действительными из всех сданных подписных листов.

22. Устраненные недостатки (дополнительно собранные) в подписных листах, представленные в ЦИК, полностью проверяются и выявляются признанные действительными.

23. К ранее представленным и дополнительно представленным подписным листам, предусмотренным в пунктах 20 и 22 настоящего Положения, добавляются подписные листы, которые признаны действительными.

Если количество подписей поддерживающих избирателей вновь окажется меньше одного процента от общего числа избирателей, данные подписные листы признаются недействительными, и ЦИК отказывает в регистрации кандидата, выдвинутого политической партией.

24. По окончании проверки по каждой политической партии, представившей подписные листы в поддержку кандидата, Экспертной группой составляется заключение о результатах проверки правильности составления подписных листов (далее — Заключение). В нем указываются:

количество проставленных подписей избирателей и представленных подписных листов;

количество проверенных подписей избирателей;

количество подписей избирателей, признанных недействительными.

25. Не допускается составление Заключения карандашом и внесение в него каких-либо исправлений.

26. Копия Заключения выдается уполномоченному представителю политической партии.

27. Заключения Экспертной группы служат основанием для принятия ЦИК соответствующего решения.

28. Повторная проверка подписей проводится после принятия ЦИК решения об отказе в регистрации кандидата в Президенты Республики Узбекистан на основании решения Верховного суда Республики Узбекистан.

Глава III. Заключительные положения

29. На основании Заключения Экспертной группы ЦИК в соответствии со статьей 64 Избирательного кодекса Республики Узбекистан принимает одно из нижеследующих решений:

о регистрации кандидата — в случае соответствия представленных политической партией документов требованиям закона;

об отказе в регистрации кандидата — в случае несоответствия представленных политической партией документов требованиям закона.

30. Решения ЦИК могут быть обжалованы в Верховный суд Республики Узбекистан в течение пяти дней после их принятия.

ПРИЛОЖЕНИЕ к Положению о порядке сбора подписей в поддержку выдвинутого кандидата в Президенты Республики Узбекистан и проверки правильности составления подписных листов

‎Передняя сторона Символика политической партии ‎ПОДПИСНОЙ ЛИСТ ‎в поддержку выдвинутого кандидата ‎в Президенты Республики Узбекистан _________________________________________________________________________________ (наименование административно-территориального образования, в котором собраны подписи) Мы, нижеподписавшиеся, поддерживаем кандидата в Президенты Республики Узбекистан _________________________________________________________________________________ (фамилия, имя, отчество кандидата) выдвинутого от _____________________________________________________________________ ‎ ‎ ‎ ‎ (название политической партии) № Фамилия, имя, отчество избирателя Год рождения (если 18 лет, то месяц и день рождения) ‎Год рождения (если 18 лет, то месяц и день рождения) Серия и номер паспорта или ID карты ‎‎Личная подпись и дата ее внесения 1. ‎‎ ‎‎ ‎‎ ‎‎ ‎‎ 2. 3. 4. 5. 6. 7. 8. 9. 10. 11. 12. 13. 14. 15. ‎Обратная сторона ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 16. 17. 18 . 19. 20 . 21. 22. 23 . 24. 25 . 26. 27 . 28. 29 . 30. 31. 32. 33. 34. 35 . 36. 37. 38. 39. 40. ‎ ‎‎ Общее количество собранных подписей ________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ _________________________________________________________________ ‎ ‎ (адрес места жительства, серия и номер паспорта или ID-карты, подпись лица, собравшего подписи избирателей) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ М.П. ‎ ‎ ‎‎ Заверяю подписной лист _____________________________________________________________ ‎ ‎ ‎ ‎ ‎ ‎ ‎‎(Ф.И.О. и подпись руководителя районного, городского отделения политической партии)‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Председатель З. НИЗАМХОДЖАЕВ

г. Ташкент,

14 апреля 2021 г.,

№ 1067

lex.uz