📅 2021-yil 19-iyul · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 19 июль · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 19 июля 2021 г. · Указы Президента
Официальный текст. Официальный документ. Редакционные примечания не включены.
📅 19 July 2021 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ўзбекистон Республикаси Стратегик ривожланиш агентлигини ташкил этиш чора-тадбирлари тўғрисида
Мамлакатда инвестиция муҳитини яхшилашга қаратилган ислоҳотларни амалга ошириш бўйича ёндашувларни такомиллаштириш, ҳудудлар ва тармоқларнинг жадал ривожланишини таъминлаш учун уларнинг инвестициявий жозибадорлиги ва рақобатбардошлигини ошириш мақсадида:
1. Ўзбекистон Республикаси Президенти ҳузуридаги Стратегик ривожланиш ва ислоҳотлар агентлиги (кейинги ўринларда — Агентлик) ташкил этилсин.
5. Агентлик ҳузурида юридик шахс мақомига эга бўлмаган бюджетдан ташқари Ўзбекистон Республикаси Президенти ҳузуридаги Стратегик ривожланиш ва ислоҳотлар агентлигини қўллаб-қувватлаш жамғармаси (кейинги ўринларда — Жамғарма) ташкил этилсин, уни шакллантириш манбалари этиб қуйидагилар белгилансин:
республика бюджети ва Ўзбекистон Республикаси Тикланиш ва тараққиёт жамғармасидан ажратиладиган маблағлар;
халқаро молия институтлари ва бошқа хорижий донорларнинг грантлари ва имтиёзли кредитлари маблағлари;
вақтинча бўш турган маблағларни тижорат банклари депозитларига жойлаштиришдан тушадиган даромадлар;
қонунчилик ҳужжатларида тақиқланмаган бошқа манбалар.
Ўзбекистон Республикаси Тикланиш ва тараққиёт жамғармаси бир ой муддатда Жамғармага Агентлик харажатларини қоплаш учун 30 миллион АҚШ доллари миқдорида маблағ ўтказсин.
6. Белгилаб қўйилсинки, Жамғарма маблағлари Агентлик томонидан моддий-техника базасини мустаҳкамлаш, ходимларни моддий рағбатлантириш ва ижтимоий ҳимоя қилиш, шартнома асосида жалб қилинадиган юқори малакали, шу жумладан хорижий мутахассисларнинг харажатларини (меҳнатга ҳақ тўлаш, транспорт харажатлари ва бошқалар) молиялаштириш, ходимларни тайёрлаш, қайта тайёрлаш, малакасини ошириш ва стажировкадан ўтказиш, конференциялар, семинарлар ва бошқа тадбирлар, шу жумладан чет элда ўтказиладиган тадбирларни ташкил қилиш ва иштирок этиш ҳамда Агентлик олдига қўйилган вазифаларни амалга ошириш билан боғлиқ бошқа тадбирларга сарфланади.
8. Агентликка:
давлат органлари ва бошқа ташкилотлар, етакчи илмий, тадқиқот ва таълим муассасалари, халқаро ташкилотлар, хорижий компанияларнинг юқори малакали мутахассисларини ҳамда экспертларни маслаҳатчи сифатида жалб қилиш;
малакали хорижий мутахассисларни ишга қабул қилиш ва уларга иш ҳақини миллий ёки чет эл валютасида, шу жумладан, маблағларни уларнинг хориждаги ҳисобварақларига ўтказиш орқали тўлаш;
хорижий давлатларнинг тегишли идоралари, халқаро ташкилотлар ва хорижий юридик шахслар билан халқаро шартномалар ва битимлар тузиш;
ўз ваколатлари доирасида маслаҳат-кенгаш органлари ва эксперт комиссияларини ташкил этиш ҳуқуқи берилсин.
10. Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги, Ўзбекистон Миллий ахборот агентлиги ва Ўзбекистон Миллий телерадиокомпанияси оммавий ахборот воситаларида Агентлик тадқиқотлари натижаларини эълон қилиш ва муҳокама қилишни ташкил этишга кўмаклашсин.
11. Белгилаб қўйилсинки:
Агентлик юридик шахс ҳуқуқига эга давлат муассасаси ҳисобланади;
Давлат бюджети маблағлари, Жамғарма маблағлари, Агентликнинг бюджетдан ташқари маблағлари, вақтинча бўш маблағларни тижорат банклари депозитларига жойлаштиришдан олинган даромадлар, шунингдек, қонунчиликда тақиқланмаган бошқа манбалар Агентлик фаолиятини молиялаштириш манбалари ҳисобланади;
Агентлик даромадлари солиққа солиш объекти ҳисобланмайди;
Агентлик фаолияти соҳасига кирувчи масалалар бўйича норматив-ҳуқуқий ҳужжатлар лойиҳалари мажбурий тартибда Агентлик билан келишилиши лозим;
давлат органлари ва ташкилотлари, шунингдек, республиканинг хориждаги дипломатик ваколатхоналари Агентликнинг сўровига кўра тегишли маълумотларни, шу жумладан бирламчи статистик маълумотларни ўрнатилган тартибда тақдим этади ва маълумотлар базаларидан фойдаланишга рухсат беради.
12. Белгилаб қўйилсинки:
Агентлик ходимларига илгари ишлаган жойида берилган, шу жумладан кўп йиллик меҳнати, ҳарбий ва махсус унвонлар (мартаба ва малака даражалари, дипломатик даражалар ва бошқалар) учун устамалар ва қўшимча ҳақлар сақланиб қолади, ҳарбий ва махсус унвонларга эга бўлмаган олий юридик маълумотли ходимлар учун эса ўрнатилган тартибда адлия органлари ва муассасалари ходимлари учун белгиланган мартаба даражалари берилиши мумкин;
Агентлик директори Агентликнинг бюджетдан ташқари маблағлари ҳисобидан Агентлик ходимларига шахсий устамалар, бир марталик мукофотларни белгилаш ҳуқуқига эга.
13. Вазирлар Маҳкамаси Тошкент шаҳар ҳокимлиги билан биргаликда бир ой муддатда Агентликни жойлаштириш чораларини кўрсин.
14. Молия вазирлиги:
Агентлик фаолиятини амалга ошириш билан боғлиқ харажатлар, шу жумладан биноларни таъмирлаш, мебель ва бошқа моддий-техника воситалари билан жиҳозлаш учун ўрнатилган тартибда маблағлар ажратиш чораларини кўрсин;
2021 йил июлдан бошлаб ҳар йили Давлат бюджети параметрларида алоҳида модда билан Агентлик фаолиятини молиялаштириш учун зарур маблағларни назарда тутсин.
15. Агентлик Инвестициялар ва ташқи савдо вазирлиги билан биргаликда:
бир ой муддатда Агентлик Кенгашига Агентлик ва Жамғарма тўғрисидаги низомларни тасдиқлаш учун киритсин;
икки ой муддатда Агентликнинг зарур назарий билим ва амалий тажрибага эга бўлган, Агентликка юклатилган вазифаларни профессионал даражада амалга ошира оладиган юқори малакали кадрлар билан тўлдирилишини таъминласин;
икки ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида таклифларни киритсин.
16. Ахборот технологиялари ва коммуникацияларини ривожлантириш вазирлиги Агентликни белгиланган тартибда зарур телефон алоқаси, шу жумладан ҳукумат алоқаси, Интернет тармоғидан фойдаланиш имконияти билан таъминласин.
17. Мазкур Фармоннинг ижросини назорат қилиш Ўзбекистон Республикаси Бош вазирининг ўринбосари С.У. Умурзаков зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 19 июль,
ПФ-6264-сон
Oʻzbekiston Respublikasi Prezidentining
Farmoni
Oʻzbekiston Respublikasi Strategik rivojlanish agentligini tashkil etish chora-tadbirlari toʻgʻrisida
Mamlakatda investitsiya muhitini yaxshilashga qaratilgan islohotlarni amalga oshirish boʻyicha yondashuvlarni takomillashtirish, hududlar va tarmoqlarning jadal rivojlanishini taʼminlash uchun ularning investitsiyaviy jozibadorligi va raqobatbardoshligini oshirish maqsadida:
1. Oʻzbekiston Respublikasi Prezidenti huzuridagi Strategik rivojlanish va islohotlar agentligi (keyingi oʻrinlarda — Agentlik) tashkil etilsin.
5. Agentlik huzurida yuridik shaxs maqomiga ega boʻlmagan budjetdan tashqari Oʻzbekiston Respublikasi Prezidenti huzuridagi Strategik rivojlanish va islohotlar agentligini qoʻllab-quvvatlash jamgʻarmasi (keyingi oʻrinlarda — Jamgʻarma) tashkil etilsin, uni shakllantirish manbalari etib quyidagilar belgilansin:
respublika budjeti va Oʻzbekiston Respublikasi Tiklanish va taraqqiyot jamgʻarmasidan ajratiladigan mablagʻlar;
xalqaro moliya institutlari va boshqa xorijiy donorlarning grantlari va imtiyozli kreditlari mablagʻlari;
vaqtincha boʻsh turgan mablagʻlarni tijorat banklari depozitlariga joylashtirishdan tushadigan daromadlar;
qonunchilik hujjatlarida taqiqlanmagan boshqa manbalar.
Oʻzbekiston Respublikasi Tiklanish va taraqqiyot jamgʻarmasi bir oy muddatda Jamgʻarmaga Agentlik xarajatlarini qoplash uchun 30 million AQSH dollari miqdorida mablagʻ oʻtkazsin.
6. Belgilab qoʻyilsinki, Jamgʻarma mablagʻlari Agentlik tomonidan moddiy-texnika bazasini mustahkamlash, xodimlarni moddiy ragʻbatlantirish va ijtimoiy himoya qilish, shartnoma asosida jalb qilinadigan yuqori malakali, shu jumladan xorijiy mutaxassislarning xarajatlarini (mehnatga haq toʻlash, transport xarajatlari va boshqalar) moliyalashtirish, xodimlarni tayyorlash, qayta tayyorlash, malakasini oshirish va stajirovkadan oʻtkazish, konferensiyalar, seminarlar va boshqa tadbirlar, shu jumladan chet elda oʻtkaziladigan tadbirlarni tashkil qilish va ishtirok etish hamda Agentlik oldiga qoʻyilgan vazifalarni amalga oshirish bilan bogʻliq boshqa tadbirlarga sarflanadi.
8. Agentlikka:
davlat organlari va boshqa tashkilotlar, yetakchi ilmiy, tadqiqot va taʼlim muassasalari, xalqaro tashkilotlar, xorijiy kompaniyalarning yuqori malakali mutaxassislarini hamda ekspertlarni maslahatchi sifatida jalb qilish;
malakali xorijiy mutaxassislarni ishga qabul qilish va ularga ish haqini milliy yoki chet el valyutasida, shu jumladan, mablagʻlarni ularning xorijdagi hisobvaraqlariga oʻtkazish orqali toʻlash;
xorijiy davlatlarning tegishli idoralari, xalqaro tashkilotlar va xorijiy yuridik shaxslar bilan xalqaro shartnomalar va bitimlar tuzish;
oʻz vakolatlari doirasida maslahat-kengash organlari va ekspert komissiyalarini tashkil etish huquqi berilsin.
10. Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi, Oʻzbekiston Milliy axborot agentligi va Oʻzbekiston Milliy teleradiokompaniyasi ommaviy axborot vositalarida Agentlik tadqiqotlari natijalarini eʼlon qilish va muhokama qilishni tashkil etishga koʻmaklashsin.
11. Belgilab qoʻyilsinki:
Agentlik yuridik shaxs huquqiga ega davlat muassasasi hisoblanadi;
Davlat budjeti mablagʻlari, Jamgʻarma mablagʻlari, Agentlikning budjetdan tashqari mablagʻlari, vaqtincha boʻsh mablagʻlarni tijorat banklari depozitlariga joylashtirishdan olingan daromadlar, shuningdek, qonunchilikda taqiqlanmagan boshqa manbalar Agentlik faoliyatini moliyalashtirish manbalari hisoblanadi;
Agentlik daromadlari soliqqa solish obyekti hisoblanmaydi;
Agentlik faoliyati sohasiga kiruvchi masalalar boʻyicha normativ-huquqiy hujjatlar loyihalari majburiy tartibda Agentlik bilan kelishilishi lozim;
davlat organlari va tashkilotlari, shuningdek, respublikaning xorijdagi diplomatik vakolatxonalari Agentlikning soʻroviga koʻra tegishli maʼlumotlarni, shu jumladan birlamchi statistik maʼlumotlarni oʻrnatilgan tartibda taqdim etadi va maʼlumotlar bazalaridan foydalanishga ruxsat beradi.
12. Belgilab qoʻyilsinki:
Agentlik xodimlariga ilgari ishlagan joyida berilgan, shu jumladan koʻp yillik mehnati, harbiy va maxsus unvonlar (martaba va malaka darajalari, diplomatik darajalar va boshqalar) uchun ustamalar va qoʻshimcha haqlar saqlanib qoladi, harbiy va maxsus unvonlarga ega boʻlmagan oliy yuridik maʼlumotli xodimlar uchun esa oʻrnatilgan tartibda adliya organlari va muassasalari xodimlari uchun belgilangan martaba darajalari berilishi mumkin;
Agentlik direktori Agentlikning budjetdan tashqari mablagʻlari hisobidan Agentlik xodimlariga shaxsiy ustamalar, bir martalik mukofotlarni belgilash huquqiga ega.
13. Vazirlar Mahkamasi Toshkent shahar hokimligi bilan birgalikda bir oy muddatda Agentlikni joylashtirish choralarini koʻrsin.
14. Moliya vazirligi:
Agentlik faoliyatini amalga oshirish bilan bogʻliq xarajatlar, shu jumladan binolarni taʼmirlash, mebel va boshqa moddiy-texnika vositalari bilan jihozlash uchun oʻrnatilgan tartibda mablagʻlar ajratish choralarini koʻrsin;
2021-yil iyuldan boshlab har yili Davlat budjeti parametrlarida alohida modda bilan Agentlik faoliyatini moliyalashtirish uchun zarur mablagʻlarni nazarda tutsin.
15. Agentlik Investitsiyalar va tashqi savdo vazirligi bilan birgalikda:
bir oy muddatda Agentlik Kengashiga Agentlik va Jamgʻarma toʻgʻrisidagi nizomlarni tasdiqlash uchun kiritsin;
ikki oy muddatda Agentlikning zarur nazariy bilim va amaliy tajribaga ega boʻlgan, Agentlikka yuklatilgan vazifalarni professional darajada amalga oshira oladigan yuqori malakali kadrlar bilan toʻldirilishini taʼminlasin;
ikki oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida takliflarni kiritsin.
16. Axborot texnologiyalari va kommunikatsiyalarini rivojlantirish vazirligi Agentlikni belgilangan tartibda zarur telefon aloqasi, shu jumladan hukumat aloqasi, Internet tarmogʻidan foydalanish imkoniyati bilan taʼminlasin.
17. Mazkur Farmonning ijrosini nazorat qilish Oʻzbekiston Respublikasi Bosh vazirining oʻrinbosari S.U. Umurzakov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 19-iyul,
PF-6264-son
Президента Республики Узбекистан
Указ
О мерах по созданию Агентства стратегического развития Республики Узбекистан
В целях совершенствования подходов к осуществлению реформ, направленных на улучшение инвестиционного климата в стране, повышения инвестиционной привлекательности и конкурентоспособности регионов и отраслей для обеспечения их динамичного развития:
1. Создать Агентство стратегического развития и реформ при Президенте Республики Узбекистан (далее — Агентство).
5. Создать при Агентстве внебюджетный Фонд поддержки Агентства стратегического развития и реформ при Президенте Республики Узбекистан (далее — Фонд) без образования юридического лица, определив источниками его формирования:
средства, выделяемые из республиканского бюджета и Фонда реконструкции и развития Республики Узбекистан;
средства грантов и льготных кредитов международных финансовых институтов и других зарубежных доноров;
доходы, полученные от размещения временно свободных денежных средств на депозиты коммерческих банков;
иные источники, не запрещенные законодательством.
Фонду реконструкции и развития Республики Узбекистан в месячный срок перечислить в Фонд средства в размере 30 миллионов долларов США для покрытия расходов Агентства.
6. Установить, что средства Фонда расходуются Агентством на укрепление материально-технической базы, материальное стимулирование и социальную защиту работников, финансирование расходов (оплата труда, транспортные расходы и другие) привлекаемых на договорной основе высококвалифицированных специалистов, в том числе иностранных, подготовку, переподготовку, повышение квалификации и стажировку работников, организацию и участие в конференциях, семинарах и других мероприятиях, включая проводимые за рубежом, и другие мероприятия, связанные с реализацией задач, поставленных перед Агентством.
8. Предоставить Агентству право:
привлекать в качестве консультантов высококвалифицированных специалистов государственных органов и иных организаций, ведущих научных, исследовательских и образовательных учреждений, международных организаций, иностранных компаний, а также экспертов;
принимать на работу квалифицированных иностранных специалистов и осуществлять выплату им заработной платы в национальной или иностранной валютах, в том числе путем перевода средств на их зарубежные счета;
заключать международные договоры и соглашения с соответствующими ведомствами зарубежных государств, международными организациями и иностранными юридическими лицами;
создавать консультативно-совещательные органы и экспертные комиссии в пределах своей компетенции.
10. Агентству информации и массовых коммуникаций при Администрации Президента Республики Узбекистан, Национальному информационному агентству Узбекистана и Национальной телерадиокомпании Узбекистана оказывать содействие в организации в средствах массовой информации публикации и обсуждений результатов исследований Агентства.
11. Определить, что:
Агентство является государственным учреждением с правами юридического лица;
источниками финансирования деятельности Агентства являются средства Государственного бюджета, Фонда, внебюджетные средства Агентства, доходы от размещения временно свободных средств на депозитах коммерческих банков, а также иные источники, не запрещенные законодательством;
доходы Агентства не являются объектом налогообложения;
проекты нормативно-правовых актов по вопросам, входящим в сферу деятельности Агентства, в обязательном порядке подлежат согласованию с Агентством;
государственные органы и организации, а также дипломатические представительства республики за рубежом предоставляют в установленном порядке, по запросам Агентства, соответствующую информацию, включая первичные статистические данные и доступы к базам данных.
12. Установить, что:
за работниками Агентства сохраняются надбавки и доплаты, в том числе за выслугу лет, воинские и специальные звания (классные чины, квалификационные классы, дипломатические ранги и другие), присвоенные по прежнему месту работы, а работникам с высшим юридическим образованием, не имеющим воинских и специальных званий, могут присваиваться в установленном порядке классные чины, предусмотренные для работников органов и учреждений юстиции;
Директор Агентства имеет право устанавливать персональные надбавки, разовые премии работникам Агентства за счет внебюджетных средств Агентства.
13. Кабинету Министров совместно с хокимиятом города Ташкента в месячный срок принять меры по размещению Агентства.
14. Министерству финансов:
принять в установленном порядке меры по выделению средств на расходы, связанные с осуществлением деятельности Агентства, в том числе ремонтом помещений, оснащением мебелью и иными материально-техническими средствами;
начиная с июля 2021 года ежегодно предусматривать в параметрах Государственного бюджета отдельной статьей средства, необходимые для финансирования деятельности Агентства.
15. Агентству совместно с Министерством инвестиций и внешней торговли:
в месячный срок внести на утверждение в Совет Агентства Положения об Агентстве и Фонде;
в двухмесячный срок обеспечить укомплектование Агентства высококвалифицированными кадрами, обладающими необходимыми теоретическими знаниями и практическими навыками, способными на профессиональном уровне реализовывать задачи, возложенные на Агентство;
в двухмесячный срок внести предложения об изменениях и дополнениях в законодательство, вытекающих из настоящего Указа.
16. Министерству по развитию информационных технологий и коммуникаций обеспечить в установленном порядке Агентство телефонной связью, включая правительственную связь, доступом к сети Интернет.
17. Контроль за исполнением настоящего Указа возложить на заместителя Премьер-министра Республики Узбекистан С.У. Умурзакова.
Президент Республики Узбекистан Ш. МИРЗИЁЕВ
г. Ташкент,
19 июля 2021 г.,
№ УП-6264