📅 2021-yil 23-iyul · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 23 июль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 23 июля 2021 г. · Постановления Кабинета Министров
Официальный текст. Официальный документ. Редакционные примечания не включены.
📅 23 July 2021 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
РЎЙХАТИ
Нурафшон шаҳрида Чирчиқ-Оҳангарон ирригация тизимлари ҳавза бошқармасининг маъмурий биносини қуриш ишларини ташкил этиш чора-тадбирлари тўғрисида
Ўзбекистон Республикаси Сув хўжалиги вазирлигининг Чирчиқ-Оҳангарон ирригация тизимлари ҳавза бошқармаси ҳамда унинг ҳузуридаги сув хўжалиги ташкилотларини замонавий маъмурий бино билан таъминлаш ва уларнинг моддий-техник базасини мустаҳкамлаш мақсадида Вазирлар Маҳкамаси қарор қилади:
1. Ўзбекистон Республикаси Сув хўжалиги вазирлиги тизимидаги ташкилотларга тегишли бўлган ҳамда белгиланган тартибда баҳоланган қийматда «E-auksion» электрон савдо платформасида электрон аукцион савдоларига чиқариладиган бино ва иншоотлар (кейинги ўринларда — бино ва иншоотлар) рўйхати иловага мувофиқ тасдиқлансин.
2. Ўзбекистон Республикаси Давлат активларини бошқариш агентлиги Сув хўжалиги вазирлиги ва Тошкент вилояти ҳокимлиги билан биргаликда:
мазкур қарорга иловага мувофиқ тасдиқланган рўйхатдаги бино ва иншоотлар белгиланган тартибда баҳоланган қийматда «E-auksion» электрон савдо платформасида электрон онлайн-аукцион савдоларига чиқарилишини;
бино ва иншоотларни сотишдан тушадиган маблағларни (сотиш билан боғлиқ харажатлар чегирилган ҳолда), Чирчиқ-Оҳангарон ирригация тизимлари ҳавза бошқармасининг ривожлантириш жамғармасига йўналтирилишини таъминласин.
3. Ўзбекистон Республикаси Сув хўжалиги вазирлиги мазкур қарорга иловага мувофиқ тасдиқланган рўйхатдаги бино ва иншоотларни сотишдан тушадиган маблағлар Чирчиқ-Оҳангарон ирригация тизимлари ҳавза бошқармасининг махсус шахсий ғазна ҳисобварағига ўтказилишини ва Нурафшон шаҳрида белгиланган тартибда ажратилган ер майдонида бошқарманинг маъмурий биноси қурилишини молиялаштиришга йўналтирилишини таъминласин.
4. Нурафшон шаҳрида Чирчиқ-Оҳангарон ирригация тизимлари ҳавза бошқармаси маъмурий биноси қурилиши бўйича:
Ўзбекистон Республикаси Сув хўжалиги вазирлигининг «Тошкентсувқурилишинвест» давлат муассасаси — буюртмачи этиб белгилансин;
бош лойиҳачи ва бош пудратчи ташкилотлар қонунчиликда белгиланган тартибда танлов ёки тендер орқали аниқлансин.
5. Мазкур қарорнинг бажарилишини назорат қилиш Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича ўринбосари Ш.М. Ғаниев ҳамда Ўзбекистон Республикаси сув хўжалиги вазири Ш.Р. Хамраев зиммасига юклансин.
Вазирлар Маҳкамасининг 2021 йил 23 июлдаги 452-сон қарорига ИЛОВА
Ўзбекистон Республикаси Сув хўжалиги вазирлиги тизимидаги ташкилотларга тегишли бўлган ҳамда белгиланган тартибда баҳоланган қийматда «E-auksion» электрон савдо платформасида электрон аукцион савдоларига чиқариладиган бино ва иншоотлар
Т/р Ташкилотлар номи Бино ва иншоот номи Жойлашган манзили Умумий ер майдони, га Қурилиш ости майдони, кв м 1. Чирчиқ-Оҳангарон ирригация тизимлари ҳавза бошқармаси ҳузуридаги Мелиоратив экспедиция Маъмурий бино ва иншоот Тошкент вилояти, Юқори Чирчиқ тумани, «Янгибозор» қўрғони, Мустақиллик кўчаси, 119 уй 0,47 371,58 2. «Паркент-Қорасув» ирригация тизими бошқармаси Маъмурий бино ва иншоот ( собиқ ХАТП-23 биноси) Тошкент вилояти, Паркент тумани, Ёшлик қўрғони 0,50 1148,0 3. Чирчиқ-Оҳангарон ирригация тизимлари ҳавза бошқармаси ҳузуридаги Тошкент магистрал канали бошқармаси Маъмурий бино ва иншоот Тошкент шаҳар, Бектемир тумани, Ҳусайн Байқаро кўчаси, 117-уй 0,85 8220,0
Ўзбекистон Республикасининг Бош вазири А. АРИПОВ
Тошкент ш.,
2021 йил 23 июль,
452-сон
Oʻzbekiston Respublikasi Vazirlar Mahkamasining
qarori
ROʻYXATI
Nurafshon shahrida Chirchiq-Ohangaron irrigatsiya tizimlari havza boshqarmasining maʼmuriy binosini qurish ishlarini tashkil etish chora-tadbirlari toʻgʻrisida
Oʻzbekiston Respublikasi Suv xoʻjaligi vazirligining Chirchiq-Ohangaron irrigatsiya tizimlari havza boshqarmasi hamda uning huzuridagi suv xoʻjaligi tashkilotlarini zamonaviy maʼmuriy bino bilan taʼminlash va ularning moddiy-texnik bazasini mustahkamlash maqsadida Vazirlar Mahkamasi qaror qiladi:
1. Oʻzbekiston Respublikasi Suv xoʻjaligi vazirligi tizimidagi tashkilotlarga tegishli boʻlgan hamda belgilangan tartibda baholangan qiymatda “E-auksion” elektron savdo platformasida elektron auksion savdolariga chiqariladigan bino va inshootlar (keyingi oʻrinlarda — bino va inshootlar) roʻyxati ilovaga muvofiq tasdiqlansin.
2. Oʻzbekiston Respublikasi Davlat aktivlarini boshqarish agentligi Suv xoʻjaligi vazirligi va Toshkent viloyati hokimligi bilan birgalikda:
mazkur qarorga ilovaga muvofiq tasdiqlangan roʻyxatdagi bino va inshootlar belgilangan tartibda baholangan qiymatda “E-auksion” elektron savdo platformasida elektron onlayn-auksion savdolariga chiqarilishini;
bino va inshootlarni sotishdan tushadigan mablagʻlarni (sotish bilan bogʻliq xarajatlar chegirilgan holda), Chirchiq-Ohangaron irrigatsiya tizimlari havza boshqarmasining rivojlantirish jamgʻarmasiga yoʻnaltirilishini taʼminlasin.
3. Oʻzbekiston Respublikasi Suv xoʻjaligi vazirligi mazkur qarorga ilovaga muvofiq tasdiqlangan roʻyxatdagi bino va inshootlarni sotishdan tushadigan mablagʻlar Chirchiq-Ohangaron irrigatsiya tizimlari havza boshqarmasining maxsus shaxsiy gʻazna hisobvaragʻiga oʻtkazilishini va Nurafshon shahrida belgilangan tartibda ajratilgan yer maydonida boshqarmaning maʼmuriy binosi qurilishini moliyalashtirishga yoʻnaltirilishini taʼminlasin.
4. Nurafshon shahrida Chirchiq-Ohangaron irrigatsiya tizimlari havza boshqarmasi maʼmuriy binosi qurilishi boʻyicha:
Oʻzbekiston Respublikasi Suv xoʻjaligi vazirligining “Toshkentsuvqurilishinvest” davlat muassasasi — buyurtmachi etib belgilansin;
bosh loyihachi va bosh pudratchi tashkilotlar qonunchilikda belgilangan tartibda tanlov yoki tender orqali aniqlansin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari Sh.M. Gʻaniyev hamda Oʻzbekiston Respublikasi suv xoʻjaligi vaziri Sh.R. Xamrayev zimmasiga yuklansin.
Vazirlar Mahkamasining 2021-yil 23-iyuldagi 452-son qaroriga ILOVA
Oʻzbekiston Respublikasi Suv xoʻjaligi vazirligi tizimidagi tashkilotlarga tegishli boʻlgan hamda belgilangan tartibda baholangan qiymatda “E-auksion” elektron savdo platformasida elektron auksion savdolariga chiqariladigan bino va inshootlar
T/r Tashkilotlar nomi Bino va inshoot nomi Joylashgan manzili Umumiy yer maydoni, ga Qurilish osti maydoni, kv m 1. Chirchiq-Ohangaron irrigatsiya tizimlari havza boshqarmasi huzuridagi Meliorativ ekspeditsiya Maʼmuriy bino va inshoot Toshkent viloyati, Yuqori Chirchiq tumani, “Yangibozor” qoʻrgʻoni, Mustaqillik koʻchasi, 119 uy 0,47 371,58 2. “Parkent-Qorasuv” irrigatsiya tizimi boshqarmasi Maʼmuriy bino va inshoot ( sobiq XATP-23 binosi) Toshkent viloyati, Parkent tumani, Yoshlik qoʻrgʻoni 0,50 1148,0 3. Chirchiq-Ohangaron irrigatsiya tizimlari havza boshqarmasi huzuridagi Toshkent magistral kanali boshqarmasi Maʼmuriy bino va inshoot Toshkent shahar, Bektemir tumani, Husayn Bayqaro koʻchasi, 117-uy 0,85 8220,0
Oʻzbekiston Respublikasining Bosh vaziri A. ARIPOV
Toshkent sh.,
2021-yil 23-iyul,
452-son