UzbekAI

Ўзбекистон Республикаси Вазирлар Маҳкамасининг

қарори

ТУЗИЛМАСИ

ХАРАЖАТЛАР СМЕТАСИ

Ўзбекистон Республикасининг Россия Федерациясидаги Савдо ваколатхонаси фаолиятини ташкил этиш чора-тадбирлари тўғрисида

Ўзбекистон Республикаси Президентининг «Ўзбекистон Республикаси ва Россия Федерацияси ўртасидаги кўп қиррали ҳамкорликни янада ривожлантириш чора-тадбирлари тўғрисида» 2021 йил 15 мартдаги ПҚ-5026-сон қарорига асосан, шунингдек, йирик корхоналар, инвестиция фондлари ва молия институтлари билан тўғридан-тўғри алоқаларни йўлга қўйиш, Ўзбекистон Республикасига Россия Федерациясидан жалб этиладиган тўғридан-тўғри инвестициялар ҳажмларини кўпайтириш, Россия Федерацияси бозорига маҳаллий товарлар ва хизматлар экспорти ҳажмини ошириш ва таркибини диверсификация қилиш, икки мамлакат тадбиркорлик субъектлари ўртасидаги ҳамкорликни фаоллаштириш мақсадида Вазирлар Маҳкамаси қарор қилади:

1. Ўзбекистон Республикаси Президентининг «Ўзбекистон Республикаси ва Россия Федерацияси ўртасидаги кўп қиррали ҳамкорликни янада ривожлантириш чора-тадбирлари тўғрисида» 2021 йил 15 мартдаги ПҚ-5026-сон қарорига мувофиқ Ўзбекистон Республикаси билан Россия Федерацияси ўртасида савдо-иқтисодий, инвестициявий ва молиявий-техник ҳамкорлик лойиҳаларини сифатли тайёрлаш ва амалга ошириш бўйича тизимли ишларни таъминлаш мақсадида Москва шаҳрида ходимларнинг чекланган сони 7 кишидан иборат Ўзбекистон Республикасининг Россия Федерациясидаги Савдо ваколатхонаси (кейинги ўринларда — Ваколатхона) ташкил этилганлиги маълумот учун қабул қилинсин.

2. Қуйидагилар Ваколатхонанинг асосий вазифалари этиб белгилансин:

олий даражадаги ташрифлар якунлари бўйича «йўл хариталари»га киритилган Россия Федерацияси билан савдо-иқтисодий, инвестиция ва молиявий-техник ҳамкорлик соҳасидаги аниқ лойиҳалар ва дастурларнинг амалга оширилишини таъминлаш;

Ўзбекистон Республикасининг иқтисодиёт тармоқлари ҳамда инфратузилмасини ривожлантириш ва модернизация қилиш учун хорижий инвестициялар, шу жумладан, Россия Федерациясининг тўғридан-тўғри хорижий инвестициялари, илғор технологиялари ва молиявий-техник кўмак дастурлари, инвестиция фондлари ва молия институтлари маблағларининг жалб этилиши ва ўзлаштирилишини таъминлаш;

салоҳиятли инвесторларни топишда узоқ муддатли шериклик алоқаларини ўрнатиш, савдо ва инвестиция шартномаларини тузиш, ишбилармон доиралар иштирокида музокаралар ва бошқа тадбирларни ташкил этиш, ҳудудлараро ҳамкорликни ривожлантириш, шунингдек, хорижий инвестицияларни жалб қилиш учун лойиҳа таклифлари ва бошқа зарур материалларни тайёрлашда тадбиркорлик субъектларини ҳар томонлама қўллаб-қувватлаш;

Ўзбекистон Республикаси билан Россия Федерацияси ўртасида савдо-иқтисодий алоқаларни ривожлантиришга, Россия Федерацияси бозорига маҳаллий маҳсулотлар ва хизматлар экспорти ҳажмларини ошириш ва ўзаро товар айланмаси номенклатурасини кенгайтиришга кўмаклашиш;

Ўзбекистон Республикаси ва Россия Федерацияси иқтисодиётлари тармоқларининг саноат кооперациясини ривожлантириш ҳамда ҳудудлараро ҳамкорликдаги саноат ярмаркаси ва кўргазмаларини самарали ўтказишни ташкил этиш;

ташқи савдо инфратузилмасини ривожлантириш, транзит салоҳиятини ошириш, логистика ва транспорт йўлакларини такомиллаштириш, экспорт йўналишларини диверсификация қилиш, Ўзбекистон Республикаси ташқи савдо юкларини ташиш ва транзит қилиш учун имтиёзли режимларни қўллаш бўйича таъсирчан чоралар кўриш;

ваколатхона жойлашган мамлакатда савдога ва иккала мамлакат ўртасидаги иқтисодий ҳамкорликнинг бошқа турларига тааллуқли бўлган барча масалаларда ўз давлатларининг манфаатларини ифода қилиш;

ваколатхона жойлашган мамлакатдаги иқтисодий шарт-шароитлар ва унинг ташқи иқтисодий фаолият соҳасига доир қонунчилиги ҳақида ўз мамлакатининг давлат органларини хабардор қилиб туриш, шунингдек, ваколатхона жойлашган мамлакатнинг манфаатдор органларига ўз мамлакати ҳақидаги ана шундай ахборотларни тақдим этиш;

ўз мамлакатларининг юридик ва жисмоний шахсларига ваколатхона жойлашган мамлакатнинг юридик ва жисмоний шахслари билан савдо, иқтисодий ва илмий-техника ҳамкорлик соҳаларида келишувларни амалга оширишда кўмаклашиш.

3. Қуйидагилар:

Ўзбекистон Республикасининг Россия Федерациясидаги Савдо ваколатхонаси тузилмаси ва штат жадвали 1 ва 2-иловаларга мувофиқ;

Ўзбекистон Республикасининг Россия Федерациясидаги Савдо ваколатхонасини сақлаш учун 2021 йилнинг олти ойидаги харажатлар сметаси 3-иловага мувофиқ тасдиқлансин.

Бунда ваколатхона ходимларига йиллик меҳнатга ҳақ тўлаш фондининг 15 фоизи миқдорида моддий рағбатлантириш тўловлари назарда тутилсин. Моддий рағбатлантириш тўловлари миқдори Ўзбекистон Республикаси Инвестициялар, саноат ва савдо вазирлиги томонидан Ваколатхона ходимларига фаолиятининг аниқ натижалари учун белгиланади.

4. Ўзбекистон Республикаси Давлат бюджети маблағлари, шунингдек, қонунчилик ҳужжатларида тақиқланмаган бошқа манбалар Ваколатхона фаолиятини молиялаштириш манбалари этиб белгилансин.

5. Ўзбекистон Республикаси Молия вазирлиги:

Ваколатхонани 2021 йилда сақлаш харажатларини 3-иловага мувофиқ Ўзбекистон Республикаси Инвестициялар ва ташқи савдо вазирлигига 2021 йилда Ўзбекистон Республикаси Давлат бюджети параметрларида хориждаги ваколатхоналарни сақлаш учун ажратилган маблағлар доирасида молиялаштирсин;

Инвестициялар ва ташқи савдо вазирлигининг сўровига асосан 2022 йилдан бошлаб Ваколатхонани сақлаш харажатлари учун зарур бюджет маблағларини Ўзбекистон Республикаси бюджети параметрларида назарда тутсин.

Ваколатхонага тўртта автотранспорт воситасини сақлаш учун лимит ажратсин.

6. Ўзбекистон Республикаси Инвестициялар ва ташқи савдо вазирлиги бир ой муддатда:

Ваколатхона раҳбари ва ходимларининг масъулияти, жавобгарлиги ва фаолиятини баҳолаш мезонларини назарда тутувчи Ваколатхона тўғрисидаги низомни ишлаб чиқсин ва белгиланган тартибда тасдиқласин;

Ваколатхонани штатлар жадвалига мувофиқ мутасаддилик қилинадиган йўналишлар бўйича малакали мутахассислар билан тўлдирсин;

Молия вазирлиги ва Ташқи ишлар вазирлиги билан биргаликда Ваколатхонанинг Москва шаҳрида жойлаштирилиши ва жиҳозланишини таъминласин, халқаро ҳуқуқнинг умумэътироф этилган нормаларига мувофиқ унинг фаолиятини ташкил этиш, Ваколатхона ходимларига дипломатик мақом беришни ҳамда бошқа масалаларни ҳал этсин.

7. Белгилансинки:

Ваколатхона Ўзбекистон Республикаси Инвестициялар, саноат ва савдо вазирлигига ҳисобот беради ва ўз фаолиятини вазирнинг умумий раҳбарлигида амалга оширади;

Ваколатхона директори қонунчиликда белгиланган тартибда лавозимга тайинланади ва озод этилади;

Ваколатхона раҳбари ўз даражаси бўйича Ўзбекистон Республикасининг чет эллардаги элчихоналарнинг маслаҳатчиси — вакил лавозимига, Ваколатхона раҳбарининг ўринбосари маслаҳатчи лавозимига, шу жумладан Ваколатхонанинг менежерлари биринчи котиб лавозимига тенглаштирилади ва ўз фаолиятини Ўзбекистон Республикасининг хориждаги муассасалари билан яқин ҳамкорликда амалга оширадилар.

8. Мазкур қарорнинг бажарилишини назорат қилиш Ўзбекистон Республикаси Бош вазирининг инвестициялар ва ташқи иқтисодий алоқалар масалалари бўйича ўринбосари — инвестициялар ва ташқи савдо вазири С.У. Умурзаков зиммасига юклансин.

Вазирлар Маҳкамасининг 2021 йил 26 июлдаги 463-сон қарорига 1-ИЛОВА

Ўзбекистон Республикасининг Россия Федерациясидаги Савдо ваколатхонаси

Раҳбар 1 Раҳбар ўринбосари 1 Инвестиция масалалари бўйича менежер 1 Бош ҳисобчи 1 Молия институтлари билан ишлаш бўйича менежер 1 Ташқи савдо масалалари бўйича менежер 2

Вазирлар Маҳкамасининг 2021 йил 26 июлдаги 463-сон қарорига 2-ИЛОВА

Ўзбекистон Республикасининг Россия Федерациясидаги савдо ваколатхонаси штат жадвали

АҚШ долл. Т/р Лавозими Штат бирликлари сони Ойлик иш ҳақи (2025 йил 1 сентябрдан) Ойлик иш ҳақи (2025 йил 1 октябрдан) Йиллик иш ҳақи тўлаш фонди * Жами 10 22 855 32 650 251 568 1. Директор 1 3 150 4 500 34 673 2. Директор ўринбосари 1 2 975 4 250 32 746 3. Инвестиция масалалари бўйича менежер 1 2 625 3 750 28 894 4. Молия институтлари билан ишлаш бўйича менежер 1 2 625 3 750 28 894 5. Ташқи савдо масалалари бўйича менежер 1 2 625 3 750 28 894 6. Ташқи савдо масалалари бўйича менежер 1 2 625 3 750 28 894 7. Бош ҳисобчи 1 2 625 3 750 28 894 8. Иш юритувчи 1 1 505 2 150 16 566 9. Ҳайдовчи 1 1 365 1 950 15 025 10. Фаррош 1 735 1050 8 090

Вазирлар Маҳкамасининг 2021 йил 26 июлдаги 463-сон қарорига 3-ИЛОВА

Ўзбекистон Республикасининг Россия Федерациясидаги Савдо ваколатхонасини сақлаш учун 2024 йилнинг олти ойидаги

АҚШ долларида Т/р Харажатлар моддаларининг номланиши Тоифа Модда Етти ойлик харажатлар сметаси 1. Иш ҳақи 41 10 147 315,0 2. Бошқа бадаллар ва ижтимоий эҳтиёжлар учун ажратмалар 41 21 4 060,0 3. Хизмат сафарлари учун харажатлар 42 10 15 120,0 42 20 18 480,0 ** 4. Коммунал хизматлар 42 20 22 869,0 5. Сақлаш ва жорий таъмирлаш 42 30 150 463,0 6. Ижара харажатлари 42 40 115 800,0 7. Моддий айланма маблағлар захиралари харажатлари 42 50 11 298,0 8. Товарлар ва хизматларни харид қилиш учун бошқа харажатлар 42 90 44 254,0 9. Асосий фондларни харид қилиш харажатлари 43 50 254 050,0 10. Бошқа харажатлар 48 00 21 000,0 - Жами: 786 229,0 18 480,0 **

Ўзбекистон Республикасининг Бош вазири А. АРИПОВ

Тошкент ш.,

2021 йил 26 июль,

463-сон

(Қонунчилик маълумотлари миллий базаси, 27.07.2021 й., 09/21/463/0709-сон; 22.07.2023 й., 06/23/111/0509-сон; 24.01.2025 й., 09/25/30/0065-сон; 27.08.2025 й., 09/25/538/0782-сон)

lex.uz

Oʻzbekiston Respublikasi Vazirlar Mahkamasining

qarori

TUZILMASI

XARAJATLAR SMETASI

Oʻzbekiston Respublikasining Rossiya Federatsiyasidagi Savdo vakolatxonasi faoliyatini tashkil etish chora-tadbirlari toʻgʻrisida

Oʻzbekiston Respublikasi Prezidentining “Oʻzbekiston Respublikasi va Rossiya Federatsiyasi oʻrtasidagi koʻp qirrali hamkorlikni yanada rivojlantirish chora-tadbirlari toʻgʻrisida” 2021-yil 15-martdagi PQ-5026-son qaroriga asosan, shuningdek, yirik korxonalar, investitsiya fondlari va moliya institutlari bilan toʻgʻridan-toʻgʻri aloqalarni yoʻlga qoʻyish, Oʻzbekiston Respublikasiga Rossiya Federatsiyasidan jalb etiladigan toʻgʻridan-toʻgʻri investitsiyalar hajmlarini koʻpaytirish, Rossiya Federatsiyasi bozoriga mahalliy tovarlar va xizmatlar eksporti hajmini oshirish va tarkibini diversifikatsiya qilish, ikki mamlakat tadbirkorlik subyektlari oʻrtasidagi hamkorlikni faollashtirish maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Oʻzbekiston Respublikasi va Rossiya Federatsiyasi oʻrtasidagi koʻp qirrali hamkorlikni yanada rivojlantirish chora-tadbirlari toʻgʻrisida” 2021-yil 15-martdagi PQ-5026-son qaroriga muvofiq Oʻzbekiston Respublikasi bilan Rossiya Federatsiyasi oʻrtasida savdo-iqtisodiy, investitsiyaviy va moliyaviy-texnik hamkorlik loyihalarini sifatli tayyorlash va amalga oshirish boʻyicha tizimli ishlarni taʼminlash maqsadida Moskva shahrida xodimlarning cheklangan soni 7 kishidan iborat Oʻzbekiston Respublikasining Rossiya Federatsiyasidagi Savdo vakolatxonasi (keyingi oʻrinlarda — Vakolatxona) tashkil etilganligi maʼlumot uchun qabul qilinsin.

2. Quyidagilar Vakolatxonaning asosiy vazifalari etib belgilansin:

oliy darajadagi tashriflar yakunlari boʻyicha “yoʻl xaritalari”ga kiritilgan Rossiya Federatsiyasi bilan savdo-iqtisodiy, investitsiya va moliyaviy-texnik hamkorlik sohasidagi aniq loyihalar va dasturlarning amalga oshirilishini taʼminlash;

Oʻzbekiston Respublikasining iqtisodiyot tarmoqlari hamda infratuzilmasini rivojlantirish va modernizatsiya qilish uchun xorijiy investitsiyalar, shu jumladan, Rossiya Federatsiyasining toʻgʻridan-toʻgʻri xorijiy investitsiyalari, ilgʻor texnologiyalari va moliyaviy-texnik koʻmak dasturlari, investitsiya fondlari va moliya institutlari mablagʻlarining jalb etilishi va oʻzlashtirilishini taʼminlash;

salohiyatli investorlarni topishda uzoq muddatli sheriklik aloqalarini oʻrnatish, savdo va investitsiya shartnomalarini tuzish, ishbilarmon doiralar ishtirokida muzokaralar va boshqa tadbirlarni tashkil etish, hududlararo hamkorlikni rivojlantirish, shuningdek, xorijiy investitsiyalarni jalb qilish uchun loyiha takliflari va boshqa zarur materiallarni tayyorlashda tadbirkorlik subyektlarini har tomonlama qoʻllab-quvvatlash;

Oʻzbekiston Respublikasi bilan Rossiya Federatsiyasi oʻrtasida savdo-iqtisodiy aloqalarni rivojlantirishga, Rossiya Federatsiyasi bozoriga mahalliy mahsulotlar va xizmatlar eksporti hajmlarini oshirish va oʻzaro tovar aylanmasi nomenklaturasini kengaytirishga koʻmaklashish;

Oʻzbekiston Respublikasi va Rossiya Federatsiyasi iqtisodiyotlari tarmoqlarining sanoat kooperatsiyasini rivojlantirish hamda hududlararo hamkorlikdagi sanoat yarmarkasi va koʻrgazmalarini samarali oʻtkazishni tashkil etish;

tashqi savdo infratuzilmasini rivojlantirish, tranzit salohiyatini oshirish, logistika va transport yoʻlaklarini takomillashtirish, eksport yoʻnalishlarini diversifikatsiya qilish, Oʻzbekiston Respublikasi tashqi savdo yuklarini tashish va tranzit qilish uchun imtiyozli rejimlarni qoʻllash boʻyicha taʼsirchan choralar koʻrish;

vakolatxona joylashgan mamlakatda savdoga va ikkala mamlakat oʻrtasidagi iqtisodiy hamkorlikning boshqa turlariga taalluqli boʻlgan barcha masalalarda oʻz davlatlarining manfaatlarini ifoda qilish;

vakolatxona joylashgan mamlakatdagi iqtisodiy shart-sharoitlar va uning tashqi iqtisodiy faoliyat sohasiga doir qonunchiligi haqida oʻz mamlakatining davlat organlarini xabardor qilib turish, shuningdek, vakolatxona joylashgan mamlakatning manfaatdor organlariga oʻz mamlakati haqidagi ana shunday axborotlarni taqdim etish;

oʻz mamlakatlarining yuridik va jismoniy shaxslariga vakolatxona joylashgan mamlakatning yuridik va jismoniy shaxslari bilan savdo, iqtisodiy va ilmiy-texnika hamkorlik sohalarida kelishuvlarni amalga oshirishda koʻmaklashish.

3. Quyidagilar:

Oʻzbekiston Respublikasining Rossiya Federatsiyasidagi Savdo vakolatxonasi tuzilmasi va shtat jadvali 1 va 2-ilovalarga muvofiq;

Oʻzbekiston Respublikasining Rossiya Federatsiyasidagi Savdo vakolatxonasini saqlash uchun 2021-yilning olti oyidagi xarajatlar smetasi 3-ilovaga muvofiq tasdiqlansin.

Bunda vakolatxona xodimlariga yillik mehnatga haq toʻlash fondining 15 foizi miqdorida moddiy ragʻbatlantirish toʻlovlari nazarda tutilsin. Moddiy ragʻbatlantirish toʻlovlari miqdori Oʻzbekiston Respublikasi Investitsiyalar, sanoat va savdo vazirligi tomonidan Vakolatxona xodimlariga faoliyatining aniq natijalari uchun belgilanadi.

4. Oʻzbekiston Respublikasi Davlat budjeti mablagʻlari, shuningdek, qonunchilik hujjatlarida taqiqlanmagan boshqa manbalar Vakolatxona faoliyatini moliyalashtirish manbalari etib belgilansin.

5. Oʻzbekiston Respublikasi Moliya vazirligi:

Vakolatxonani 2021-yilda saqlash xarajatlarini 3-ilovaga muvofiq Oʻzbekiston Respublikasi Investitsiyalar va tashqi savdo vazirligiga 2021-yilda Oʻzbekiston Respublikasi Davlat budjeti parametrlarida xorijdagi vakolatxonalarni saqlash uchun ajratilgan mablagʻlar doirasida moliyalashtirsin;

Investitsiyalar va tashqi savdo vazirligining soʻroviga asosan 2022-yildan boshlab Vakolatxonani saqlash xarajatlari uchun zarur budjet mablagʻlarini Oʻzbekiston Respublikasi budjeti parametrlarida nazarda tutsin.

Vakolatxonaga toʻrtta avtotransport vositasini saqlash uchun limit ajratsin.

6. Oʻzbekiston Respublikasi Investitsiyalar va tashqi savdo vazirligi bir oy muddatda:

Vakolatxona rahbari va xodimlarining masʼuliyati, javobgarligi va faoliyatini baholash mezonlarini nazarda tutuvchi Vakolatxona toʻgʻrisidagi nizomni ishlab chiqsin va belgilangan tartibda tasdiqlasin;

Vakolatxonani shtatlar jadvaliga muvofiq mutasaddilik qilinadigan yoʻnalishlar boʻyicha malakali mutaxassislar bilan toʻldirsin;

Moliya vazirligi va Tashqi ishlar vazirligi bilan birgalikda Vakolatxonaning Moskva shahrida joylashtirilishi va jihozlanishini taʼminlasin, xalqaro huquqning umumeʼtirof etilgan normalariga muvofiq uning faoliyatini tashkil etish, Vakolatxona xodimlariga diplomatik maqom berishni hamda boshqa masalalarni hal etsin.

7. Belgilansinki:

Vakolatxona Oʻzbekiston Respublikasi Investitsiyalar, sanoat va savdo vazirligiga hisobot beradi va oʻz faoliyatini vazirning umumiy rahbarligida amalga oshiradi;

Vakolatxona direktori qonunchilikda belgilangan tartibda lavozimga tayinlanadi va ozod etiladi;

Vakolatxona rahbari oʻz darajasi boʻyicha Oʻzbekiston Respublikasining chet ellardagi elchixonalarning maslahatchisi — vakil lavozimiga, Vakolatxona rahbarining oʻrinbosari maslahatchi lavozimiga, shu jumladan Vakolatxonaning menejerlari birinchi kotib lavozimiga tenglashtiriladi va oʻz faoliyatini Oʻzbekiston Respublikasining xorijdagi muassasalari bilan yaqin hamkorlikda amalga oshiradilar.

8. Mazkur qarorning bajarilishini nazorat qilish Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari — investitsiyalar va tashqi savdo vaziri S.U. Umurzakov zimmasiga yuklansin.

Vazirlar Mahkamasining 2021-yil 26-iyuldagi 463-son qaroriga 1-ILOVA

Oʻzbekiston Respublikasining Rossiya Federatsiyasidagi Savdo vakolatxonasi

Rahbar 1 Rahbar oʻrinbosari 1 Investitsiya masalalari boʻyicha menejer 1 Bosh hisobchi 1 Moliya institutlari bilan ishlash boʻyicha menejer 1 Tashqi savdo masalalari boʻyicha menejer 2

Vazirlar Mahkamasining 2021-yil 26-iyuldagi 463-son qaroriga 2-ILOVA

Oʻzbekiston Respublikasining Rossiya Federatsiyasidagi savdo vakolatxonasi shtat jadvali

AQSH doll. T/r Lavozimi Shtat birliklari soni Oylik ish haqi (2025-yil 1-sentabrdan) Oylik ish haqi (2025-yil 1-oktabrdan) Yillik ish haqi toʻlash fondi * Jami 10 22 855 32 650 251 568 1. Direktor 1 3 150 4 500 34 673 2. Direktor oʻrinbosari 1 2 975 4 250 32 746 3. Investitsiya masalalari boʻyicha menejer 1 2 625 3 750 28 894 4. Moliya institutlari bilan ishlash boʻyicha menejer 1 2 625 3 750 28 894 5. Tashqi savdo masalalari boʻyicha menejer 1 2 625 3 750 28 894 6. Tashqi savdo masalalari boʻyicha menejer 1 2 625 3 750 28 894 7. Bosh hisobchi 1 2 625 3 750 28 894 8. Ish yurituvchi 1 1 505 2 150 16 566 9. Haydovchi 1 1 365 1 950 15 025 10. Farrosh 1 735 1050 8 090

Vazirlar Mahkamasining 2021-yil 26-iyuldagi 463-son qaroriga 3-ILOVA

Oʻzbekiston Respublikasining Rossiya Federatsiyasidagi Savdo vakolatxonasini saqlash uchun 2024-yilning olti oyidagi

AQSH dollarida T/r Xarajatlar moddalarining nomlanishi Toifa Modda Yetti oylik xarajatlar smetasi 1. Ish haqi 41 10 147 315,0 2. Boshqa badallar va ijtimoiy ehtiyojlar uchun ajratmalar 41 21 4 060,0 3. Xizmat safarlari uchun xarajatlar 42 10 15 120,0 42 20 18 480,0 ** 4. Kommunal xizmatlar 42 20 22 869,0 5. Saqlash va joriy taʼmirlash 42 30 150 463,0 6. Ijara xarajatlari 42 40 115 800,0 7. Moddiy aylanma mablagʻlar zaxiralari xarajatlari 42 50 11 298,0 8. Tovarlar va xizmatlarni xarid qilish uchun boshqa xarajatlar 42 90 44 254,0 9. Asosiy fondlarni xarid qilish xarajatlari 43 50 254 050,0 10. Boshqa xarajatlar 48 00 21 000,0 - Jami: 786 229,0 18 480,0 **

Oʻzbekiston Respublikasining Bosh vaziri A. ARIPOV

Toshkent sh.,

2021-yil 26-iyul,

463-son

(Qonunchilik maʼlumotlari milliy bazasi, 27.07.2021-y., 09/21/463/0709-son; 22.07.2023-y., 06/23/111/0509-son; 24.01.2025-y., 09/25/30/0065-son; 27.08.2025-y., 09/25/538/0782-son)

lex.uz