📅 2021-yil 24-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 24 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 24 июля 2021 г. · Постановления Президента
Официальный текст. Официальный документ. Редакционные примечания не включены.
📅 24 July 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Сурхондарё вилоятида қуввати 1500-1600 МВт бўлган буғ-газ электр станцияси қурилишини ташкил этиш бўйича чора-тадбирлар тўғрисида
Аҳолини ва иқтисодиёт тармоқларини энергия ресурслари билан барқарор таъминлаш мақсадида:
1. Қуйидагилар:
а) Инвестициялар ва ташқи савдо вазирлиги, Молия вазирлиги, Иқтисодий тараққиёт ва камбағалликни қисқартириш вазирлиги, Энергетика вазирлиги, Давлат-хусусий шерикликни ривожлантириш агентлиги ва «Stone City Energy» компанияси (Нидерландия) ўртасида 2020 йил 26 сентябрда 1,2 млрд АҚШ долларига тенг бўлган Сурхондарё вилоятида қуввати 1 500-1 600 МВт бўлган буғ-газ электр станциясини қуриш инвестиция лойиҳасини (кейинги ўринларда — Инвестиция лойиҳаси) тўғридан-тўғри хорижий инвестициялар ҳисобига амалга ошириш бўйича келишувнинг асосий шартлари акс эттирилган ҳужжат имзоланганлиги;
б) Инвестиция лойиҳасини амалга ошириш мақсадида «Stone City Energy» компанияси (Нидерландия) томонидан «SCE Quvvat» МЧЖ (кейинги ўринларда — Лойиҳа компанияси) ташкил этилганлиги;
в) Ўзбекистон Республикаси Ҳукумати номидан Инвестициялар, саноат ва савдо вазирлиги, «Stone City Energy B.V.» (Нидерландия), «EDF International S.A.S.» (Франция), «Nebras Power Investment Management B.V.» (Нидерландия) ва «Siemens Energy Global GmbН & Co. KG» (Германия) (кейинги ўринларда — Инвестор) ва Лойиҳа компанияси ўртасида 2021 йил 22 апрелда Инвестиция битими, 2024 йил 20 мартда Ўзгартирилган ва янги таҳрирдаги Инвестиция битими ҳамда 2024 йил 31 июлда Ўзгартирилган ва янги таҳрирдаги Инвестиция битимига Қўшимча битим (кейинги ўринларда — Инвестиция битими) имзоланганлиги ҳамда уларга мувофиқ Инвестор ва Лойиҳа компанияси»:
Сурхондарё вилоятида қуввати 1 500-1 600 МВт бўлган буғ-газ электр станциясини лойиҳалаштириши, молиялаштириши, қуриши ва 25 йил давомида эксплуатация қилиши;
юзага келиши мумкин бўлган хавф-хатарларни ўз зиммасига олган ҳолда, жами 1,2 млрд АҚШ доллари миқдорида тўғридан-тўғри хорижий инвестицияларни жалб этиши;
г) «Ўзбекистон миллий электр тармоқлари» АЖ, Инвестор ва Лойиҳа компанияси ўртасида Инвестиция лойиҳаси доирасида 2021 йил 22 апрелда Электр энергиясини сотиб олиш тўғрисидаги битим, 2023 йил 8 майда Ўзгартирилган ва янги таҳрирдаги электр энергиясини сотиб олиш битими ҳамда 2024 йил 16 мартда ва 2024 йил 25 июлда Ўзгартирилган ва янги таҳрирдаги электр энергиясини сотиб олиш битимига Қўшимча битимлар (кейинги ўринларда — Электр энергиясини сотиб олиш тўғрисидаги битим) имзоланганлиги ҳамда ушбу битимларга мувофиқ:
Лойиҳа компанияси қурилиш давридаги ўз мажбуриятлари лозим даражада бажарилишининг таъминоти сифатида 25 млн евро миқдорида банк кафолатини тақдим этиши;
Лойиҳа компанияси ишлаб чиқарилган электр энергиясини кафолатланган тарзда «Ўзбекистон миллий электр тармоқлари» АЖ тимсолида ягона харидорга сотиш мажбуриятини олганлиги;
«Ўзбекистон миллий электр тармоқлари» АЖ Электр энергиясини сотиб олиш тўғрисидаги битим шартларига мувофиқ 25 йил давомида электр энергиясини кафолатланган тарзда харид қилиш мажбуриятини олиши ва электр энергияси учун тўловни миллий валютада амалга ошириши;
«Ўзбекистон миллий электр тармоқлари» АЖ электр энергиясини уч ой мобайнида сотиб олишни қоплаш учун мажбуриятлар бажарилишининг таъминоти сифатида Лойиҳа компанияси фойдасига чет эл валютасида имтиёзли, қопланмайдиган шартсиз банк кафолати тақдим этиши маълумот учун қабул қилинсин.
2. Ўзбекистон Республикаси Ҳукумати номидан Инвестициялар ва ташқи савдо вазирлиги, Инвестор ва Лойиҳа компанияси ўртасидаги имзоланган Инвестиция битими тасдиқлансин.
Белгилансинки, Инвестиция битими унда кўрсатилган шартларга мувофиқ кучга киради.
3. «Ўзбекистон миллий электр тармоқлари» АЖ ва Лойиҳа компанияси ўртасидаги тўғридан-тўғри музокаралар натижасида Инвестиция лойиҳаси доирасида имзоланган Электр энергиясини сотиб олиш тўғрисидаги битим маъқуллансин.
4. Инвестициялар, саноат ва савдо вазирлиги, «Ўзбекистон миллий электр тармоқлари» АЖ, Давлат активларини бошқариш агентлиги ва Сурхондарё вилояти ҳокимлигига Лойиҳа компанияси ва Инвестиция лойиҳасини молиялаштиришда иштирок этаётган кредиторлар билан Инвестиция лойиҳасини амалга ошириш доирасида имзоланган битимлар бўйича мажбуриятлар Лойиҳа компанияси томонидан бажарилмаган тақдирда Лойиҳа компанияси ҳуқуқларини кредиторларга бериш юзасидан битимлар тузиш ҳуқуқи берилсин.
5. Электр энергиясини сотиб олиш тўғрисидаги битимга мувофиқ «Ўзбекистон миллий электр тармоқлари» АЖга:
Лойиҳа компанияси томонидан ишлаб чиқариладиган электр энергиясини уч ой мобайнида сотиб олишни қоплаш учун мажбуриятлар бажарилишининг таъминоти сифатида Лойиҳа компанияси фойдасига «Ўзсаноатқурилишбанк» АТБнинг чет эл валютасида тасдиқланган, тикланадиган, қайтариб берилмайдиган ва шартсиз банк кафолатини тақдим этишга;
Инвестиция лойиҳаси эҳтиёжи учун табиий газ етказиб берувчи сифатида иштирок этишга;
Инвестиция битими ва Электр энергиясини сотиб олиш тўғрисидаги битимга мувофиқ уларнинг амал қилиш муддати давомида Ўзбекистон Республикаси ҳудудида ишлаб чиқарилган электр энергияси нархларини, истисно тариқасида, чет эл валютасига боғлаган ҳолда белгилашга рухсат берилсин.
6. «Ўзтрансгаз» АЖ «Ўзбекистон миллий электр тармоқлари» АЖ билан Электр энергиясини сотиб олиш тўғрисидаги битимда кўзда тутилган ҳажмларга ва параметрларга мувофиқ Лойиҳа компаниясига табиий газ етказиб бериш бўйича шартномалар имзоланишини таъминласин.
Бунда, «Ўзтрансгаз» АЖнинг айби билан табиий газ етказиб берилмаслиги натижасида «Ўзбекистон миллий электр тармоқлари» АЖ томонидан Лойиҳа компаниясига етказилган зарарлар, шу жумладан барча турдаги жарима ва бой берилган фойда суммаларини тўлаб бериш мажбурияти юзасидан, агарда шартномада бошқа шартлар кўрсатилмаган бўлса, табиий газ етказиб берувчилар «Ўзбекистон миллий электр тармоқлари» АЖ олдида қонунчилик ҳужжатларига мувофиқ регресс тартибида жавобгар бўлиши белгилаб қўйилсин.
Молия вазирлиги «Ўзтрансгаз» АЖ билан биргаликда уч ой муддатда янги электр станциясини табиий газ билан ишончли ва узлуксиз таъминлаш мақсадида лойиҳа майдонигача янги газ қувурини 2023 йилнинг учинчи чорак якунига қадар қуриш учун молиялаштириш манбаини аниқласин.
«Ўзтрансгаз» АЖ ушбу газ қувури қурилишини белгиланган муддатларда якунлаш чораларини кўрсин.
7. Сув хўжалиги вазирлиги Электр энергиясини сотиб олиш тўғрисидаги битимда кўзда тутилган ҳажмларга ва параметрларга мувофиқ Лойиҳа компаниясига техник сув етказиб бериш тўғрисида шартномалар имзоланишини таъминласин.
8. Инвестиция лойиҳасини амалга ошириш доирасида Лойиҳа компаниясига, истисно тариқасида, қуйидаги ҳуқуқлар берилсин:
тўланиши лозим бўлган барча солиқлар ва йиғимлар амалга оширилган ҳолда, хорижий кредиторларнинг лойиҳаларни молиялаштиришда анъанавий қўллайдиган рискни бошқариш талабларига мувофиқ кредит маблағлари сарфини назорат қилиш, чет эл валютасидаги маблағларни олиш ва улардан фойдаланиш учун чет элдаги хорижий банкларда банк ҳисобварақларини очиш ҳамда республикада очилган банк ҳисобварақларидан хорижда очилган банк ҳисобварақларига Инвестиция лойиҳаси доирасида олинган кредитларни қайтариш мақсадида пул маблағларини ўтказиш;
Ўзбекистон Республикасининг ташқарисидаги хорижий пудратчиларга, етказиб берувчиларга ёки хорижий кредиторларга тўловларни тўғридан-тўғри чет элдаги банк ҳисобварақларидан амалга ошириш.
9. Сурхондарё вилояти ҳокимлиги бир ой муддатда Инвестиция битими ва Электр энергиясини сотиб олиш тўғрисидаги битимда кўрсатилган шартларга мос келадиган ер участкасининг Давлат активларини бошқариш агентлигига доимий фойдаланиш ҳуқуқи билан ажратилишини таъминласин.
Давлат активларини бошқариш агентлиги мазкур бандга асосан ажратилган ер участкасининг Инвестиция лойиҳасини амалга ошириш муддатига тенг даврга Лойиҳа компаниясига ижарага берилишини таъминласин.
Лойиҳа доирасида ижарага бериладиган ер участкаси учун тўлов Лойиҳа компанияси томонидан амалга оширилиб, тўлов қиймати ер солиғи қийматига тенглаштирилсин.
10. Адлия вазирлиги Инвестиция лойиҳасини амалга ошириш доирасида Инвестиция битими қоидаларига мувофиқ имзоланган битимлар юзасидан юридик хулосалар берсин.
11. Экология ва атроф-муҳитни муҳофаза қилиш давлат қўмитаси лойиҳа ҳужжатлари белгиланган тартибда давлат экология экспертизасидан ўтказилишини ҳамда Инвестиция лойиҳасини амалга оширишда табиатни муҳофаза қилишга оид қонунчиликка риоя этилишини таъминласин.
12. Лойиҳа компаниясининг талабномаларига (буюртманомаларига) асосан:
Ташқи ишлар вазирлиги инвестиция лойиҳасини амалга ошириш доирасида жалб қилинадиган хорижий мутахассислар ва уларнинг оила аъзолари учун кириш визалари белгиланган тартибда, расмийлаштирилишини (муддати узайтирилишини) таъминласин;
Ички ишлар вазирлиги Инвестиция лойиҳасини амалга оширишда иштирок этадиган хорижий мутахассисларга, шунингдек, уларнинг оила аъзоларига кўп марталик визалар расмийлаштирилишини, берилишини (муддати узайтирилишини) ҳамда вақтинча яшаш жойи бўйича вақтинчалик рўйхатдан ўтишини ва унинг муддати узайтирилишини белгиланган тартибда таъминласин.
13. Ўзбекистон Республикаси Президентининг 2019 йил 13 апрелдаги «Сурхондарё вилоятида 900 МВт қувватга эга комбинацияланган циклли иссиқлик электр станциясининг қурилиши» инвестиция лойиҳасини амалга ошириш чора-тадбирлари тўғрисида»ги ПҚ-4286-сон қарори ўз кучини йўқотган деб топилсин.
14. Мазкур қарорнинг ижросини самарали ташкил этиш ҳамда Лойиҳа компаниясига талаб этиладиган ҳажмлар ва параметрларда табиий газ етказиб бериш учун масъул ва шахсий жавобгар этиб энергетика вазири А.С. Султанов белгилансин.
Қарор ижросини ҳар чоракда муҳокама қилиб, ижро учун масъул вазирлик ва идоралар фаолиятини мувофиқлаштириш, назорат қилиш Ўзбекистон Республикаси Бош вазирининг ўринбосари С.У. Умурзаков зиммасига юклансин.
Амалга оширилаётган чора-тадбирлар натижадорлиги юзасидан ҳар чорак якунида Ўзбекистон Республикаси Президентига ахборот бериб борилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 24 июль
ПҚ-5193-сон
Oʻzbekiston Respublikasi Prezidentining
Qarori
Surxondaryo viloyatida quvvati 1500-1600 MVt boʻlgan bugʻ-gaz elektr stansiyasi qurilishini tashkil etish boʻyicha chora-tadbirlar toʻgʻrisida
Aholini va iqtisodiyot tarmoqlarini energiya resurslari bilan barqaror taʼminlash maqsadida:
1. Quyidagilar:
a) Investitsiyalar va tashqi savdo vazirligi, Moliya vazirligi, Iqtisodiy taraqqiyot va kambagʻallikni qisqartirish vazirligi, Energetika vazirligi, Davlat-xususiy sheriklikni rivojlantirish agentligi va “Stone City Energy” kompaniyasi (Niderlandiya) oʻrtasida 2020-yil 26-sentabrda 1,2 mlrd AQSH dollariga teng boʻlgan Surxondaryo viloyatida quvvati 1 500-1 600 MVt boʻlgan bugʻ-gaz elektr stansiyasini qurish investitsiya loyihasini (keyingi oʻrinlarda — Investitsiya loyihasi) toʻgʻridan-toʻgʻri xorijiy investitsiyalar hisobiga amalga oshirish boʻyicha kelishuvning asosiy shartlari aks ettirilgan hujjat imzolanganligi;
b) Investitsiya loyihasini amalga oshirish maqsadida “Stone City Energy” kompaniyasi (Niderlandiya) tomonidan “SCE Quvvat” MCHJ (keyingi oʻrinlarda — Loyiha kompaniyasi) tashkil etilganligi;
v) Oʻzbekiston Respublikasi Hukumati nomidan Investitsiyalar, sanoat va savdo vazirligi, “Stone City Energy B.V.” (Niderlandiya), “EDF International S.A.S.” (Fransiya), “Nebras Power Investment Management B.V.” (Niderlandiya) va “Siemens Energy Global GmbN & Co. KG” (Germaniya) (keyingi oʻrinlarda — Investor) va Loyiha kompaniyasi oʻrtasida 2021-yil 22-aprelda Investitsiya bitimi, 2024-yil 20-martda Oʻzgartirilgan va yangi tahrirdagi Investitsiya bitimi hamda 2024-yil 31-iyulda Oʻzgartirilgan va yangi tahrirdagi Investitsiya bitimiga Qoʻshimcha bitim (keyingi oʻrinlarda — Investitsiya bitimi) imzolanganligi hamda ularga muvofiq Investor va Loyiha kompaniyasi”:
Surxondaryo viloyatida quvvati 1 500-1 600 MVt boʻlgan bugʻ-gaz elektr stansiyasini loyihalashtirishi, moliyalashtirishi, qurishi va 25 yil davomida ekspluatatsiya qilishi;
yuzaga kelishi mumkin boʻlgan xavf-xatarlarni oʻz zimmasiga olgan holda, jami 1,2 mlrd AQSH dollari miqdorida toʻgʻridan-toʻgʻri xorijiy investitsiyalarni jalb etishi;
g) “Oʻzbekiston milliy elektr tarmoqlari” AJ, Investor va Loyiha kompaniyasi oʻrtasida Investitsiya loyihasi doirasida 2021-yil 22-aprelda Elektr energiyasini sotib olish toʻgʻrisidagi bitim, 2023-yil 8-mayda Oʻzgartirilgan va yangi tahrirdagi elektr energiyasini sotib olish bitimi hamda 2024-yil 16-martda va 2024-yil 25-iyulda Oʻzgartirilgan va yangi tahrirdagi elektr energiyasini sotib olish bitimiga Qoʻshimcha bitimlar (keyingi oʻrinlarda — Elektr energiyasini sotib olish toʻgʻrisidagi bitim) imzolanganligi hamda ushbu bitimlarga muvofiq:
Loyiha kompaniyasi qurilish davridagi oʻz majburiyatlari lozim darajada bajarilishining taʼminoti sifatida 25 mln yevro miqdorida bank kafolatini taqdim etishi;
Loyiha kompaniyasi ishlab chiqarilgan elektr energiyasini kafolatlangan tarzda “Oʻzbekiston milliy elektr tarmoqlari” AJ timsolida yagona xaridorga sotish majburiyatini olganligi;
“Oʻzbekiston milliy elektr tarmoqlari” AJ Elektr energiyasini sotib olish toʻgʻrisidagi bitim shartlariga muvofiq 25 yil davomida elektr energiyasini kafolatlangan tarzda xarid qilish majburiyatini olishi va elektr energiyasi uchun toʻlovni milliy valyutada amalga oshirishi;
“Oʻzbekiston milliy elektr tarmoqlari” AJ elektr energiyasini uch oy mobaynida sotib olishni qoplash uchun majburiyatlar bajarilishining taʼminoti sifatida Loyiha kompaniyasi foydasiga chet el valyutasida imtiyozli, qoplanmaydigan shartsiz bank kafolati taqdim etishi maʼlumot uchun qabul qilinsin.
2. Oʻzbekiston Respublikasi Hukumati nomidan Investitsiyalar va tashqi savdo vazirligi, Investor va Loyiha kompaniyasi oʻrtasidagi imzolangan Investitsiya bitimi tasdiqlansin.
Belgilansinki, Investitsiya bitimi unda koʻrsatilgan shartlarga muvofiq kuchga kiradi.
3. “Oʻzbekiston milliy elektr tarmoqlari” AJ va Loyiha kompaniyasi oʻrtasidagi toʻgʻridan-toʻgʻri muzokaralar natijasida Investitsiya loyihasi doirasida imzolangan Elektr energiyasini sotib olish toʻgʻrisidagi bitim maʼqullansin.
4. Investitsiyalar, sanoat va savdo vazirligi, “Oʻzbekiston milliy elektr tarmoqlari” AJ, Davlat aktivlarini boshqarish agentligi va Surxondaryo viloyati hokimligiga Loyiha kompaniyasi va Investitsiya loyihasini moliyalashtirishda ishtirok etayotgan kreditorlar bilan Investitsiya loyihasini amalga oshirish doirasida imzolangan bitimlar boʻyicha majburiyatlar Loyiha kompaniyasi tomonidan bajarilmagan taqdirda Loyiha kompaniyasi huquqlarini kreditorlarga berish yuzasidan bitimlar tuzish huquqi berilsin.
5. Elektr energiyasini sotib olish toʻgʻrisidagi bitimga muvofiq “Oʻzbekiston milliy elektr tarmoqlari” AJga:
Loyiha kompaniyasi tomonidan ishlab chiqariladigan elektr energiyasini uch oy mobaynida sotib olishni qoplash uchun majburiyatlar bajarilishining taʼminoti sifatida Loyiha kompaniyasi foydasiga “Oʻzsanoatqurilishbank” ATBning chet el valyutasida tasdiqlangan, tiklanadigan, qaytarib berilmaydigan va shartsiz bank kafolatini taqdim etishga;
Investitsiya loyihasi ehtiyoji uchun tabiiy gaz yetkazib beruvchi sifatida ishtirok etishga;
Investitsiya bitimi va Elektr energiyasini sotib olish toʻgʻrisidagi bitimga muvofiq ularning amal qilish muddati davomida Oʻzbekiston Respublikasi hududida ishlab chiqarilgan elektr energiyasi narxlarini, istisno tariqasida, chet el valyutasiga bogʻlagan holda belgilashga ruxsat berilsin.
6. “Oʻztransgaz” AJ “Oʻzbekiston milliy elektr tarmoqlari” AJ bilan Elektr energiyasini sotib olish toʻgʻrisidagi bitimda koʻzda tutilgan hajmlarga va parametrlarga muvofiq Loyiha kompaniyasiga tabiiy gaz yetkazib berish boʻyicha shartnomalar imzolanishini taʼminlasin.
Bunda, “Oʻztransgaz” AJning aybi bilan tabiiy gaz yetkazib berilmasligi natijasida “Oʻzbekiston milliy elektr tarmoqlari” AJ tomonidan Loyiha kompaniyasiga yetkazilgan zararlar, shu jumladan barcha turdagi jarima va boy berilgan foyda summalarini toʻlab berish majburiyati yuzasidan, agarda shartnomada boshqa shartlar koʻrsatilmagan boʻlsa, tabiiy gaz yetkazib beruvchilar “Oʻzbekiston milliy elektr tarmoqlari” AJ oldida qonunchilik hujjatlariga muvofiq regress tartibida javobgar boʻlishi belgilab qoʻyilsin.
Moliya vazirligi “Oʻztransgaz” AJ bilan birgalikda uch oy muddatda yangi elektr stansiyasini tabiiy gaz bilan ishonchli va uzluksiz taʼminlash maqsadida loyiha maydonigacha yangi gaz quvurini 2023-yilning uchinchi chorak yakuniga qadar qurish uchun moliyalashtirish manbaini aniqlasin.
“Oʻztransgaz” AJ ushbu gaz quvuri qurilishini belgilangan muddatlarda yakunlash choralarini koʻrsin.
7. Suv xoʻjaligi vazirligi Elektr energiyasini sotib olish toʻgʻrisidagi bitimda koʻzda tutilgan hajmlarga va parametrlarga muvofiq Loyiha kompaniyasiga texnik suv yetkazib berish toʻgʻrisida shartnomalar imzolanishini taʼminlasin.
8. Investitsiya loyihasini amalga oshirish doirasida Loyiha kompaniyasiga, istisno tariqasida, quyidagi huquqlar berilsin:
toʻlanishi lozim boʻlgan barcha soliqlar va yigʻimlar amalga oshirilgan holda, xorijiy kreditorlarning loyihalarni moliyalashtirishda anʼanaviy qoʻllaydigan riskni boshqarish talablariga muvofiq kredit mablagʻlari sarfini nazorat qilish, chet el valyutasidagi mablagʻlarni olish va ulardan foydalanish uchun chet eldagi xorijiy banklarda bank hisobvaraqlarini ochish hamda respublikada ochilgan bank hisobvaraqlaridan xorijda ochilgan bank hisobvaraqlariga Investitsiya loyihasi doirasida olingan kreditlarni qaytarish maqsadida pul mablagʻlarini oʻtkazish;
Oʻzbekiston Respublikasining tashqarisidagi xorijiy pudratchilarga, yetkazib beruvchilarga yoki xorijiy kreditorlarga toʻlovlarni toʻgʻridan-toʻgʻri chet eldagi bank hisobvaraqlaridan amalga oshirish.
9. Surxondaryo viloyati hokimligi bir oy muddatda Investitsiya bitimi va Elektr energiyasini sotib olish toʻgʻrisidagi bitimda koʻrsatilgan shartlarga mos keladigan yer uchastkasining Davlat aktivlarini boshqarish agentligiga doimiy foydalanish huquqi bilan ajratilishini taʼminlasin.
Davlat aktivlarini boshqarish agentligi mazkur bandga asosan ajratilgan yer uchastkasining Investitsiya loyihasini amalga oshirish muddatiga teng davrga Loyiha kompaniyasiga ijaraga berilishini taʼminlasin.
Loyiha doirasida ijaraga beriladigan yer uchastkasi uchun toʻlov Loyiha kompaniyasi tomonidan amalga oshirilib, toʻlov qiymati yer soligʻi qiymatiga tenglashtirilsin.
10. Adliya vazirligi Investitsiya loyihasini amalga oshirish doirasida Investitsiya bitimi qoidalariga muvofiq imzolangan bitimlar yuzasidan yuridik xulosalar bersin.
11. Ekologiya va atrof-muhitni muhofaza qilish davlat qoʻmitasi loyiha hujjatlari belgilangan tartibda davlat ekologiya ekspertizasidan oʻtkazilishini hamda Investitsiya loyihasini amalga oshirishda tabiatni muhofaza qilishga oid qonunchilikka rioya etilishini taʼminlasin.
12. Loyiha kompaniyasining talabnomalariga (buyurtmanomalariga) asosan:
Tashqi ishlar vazirligi investitsiya loyihasini amalga oshirish doirasida jalb qilinadigan xorijiy mutaxassislar va ularning oila aʼzolari uchun kirish vizalari belgilangan tartibda, rasmiylashtirilishini (muddati uzaytirilishini) taʼminlasin;
Ichki ishlar vazirligi Investitsiya loyihasini amalga oshirishda ishtirok etadigan xorijiy mutaxassislarga, shuningdek, ularning oila aʼzolariga koʻp martalik vizalar rasmiylashtirilishini, berilishini (muddati uzaytirilishini) hamda vaqtincha yashash joyi boʻyicha vaqtinchalik roʻyxatdan oʻtishini va uning muddati uzaytirilishini belgilangan tartibda taʼminlasin.
13. Oʻzbekiston Respublikasi Prezidentining 2019-yil 13-apreldagi “Surxondaryo viloyatida 900 MVt quvvatga ega kombinatsiyalangan siklli issiqlik elektr stansiyasining qurilishi” investitsiya loyihasini amalga oshirish chora-tadbirlari toʻgʻrisida”gi PQ-4286-son qarori oʻz kuchini yoʻqotgan deb topilsin.
14. Mazkur qarorning ijrosini samarali tashkil etish hamda Loyiha kompaniyasiga talab etiladigan hajmlar va parametrlarda tabiiy gaz yetkazib berish uchun masʼul va shaxsiy javobgar etib energetika vaziri A.S. Sultanov belgilansin.
Qaror ijrosini har chorakda muhokama qilib, ijro uchun masʼul vazirlik va idoralar faoliyatini muvofiqlashtirish, nazorat qilish Oʻzbekiston Respublikasi Bosh vazirining oʻrinbosari S.U. Umurzakov zimmasiga yuklansin.
Amalga oshirilayotgan chora-tadbirlar natijadorligi yuzasidan har chorak yakunida Oʻzbekiston Respublikasi Prezidentiga axborot berib borilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 24-iyul
PQ-5193-son
Президента Республики Узбекистан
Постановление
О мерах по организации строительства парогазовой электростанции мошностью 1500-1600 МВт в Сурхандарьинской области
В целях стабильного обеспечения населения и отраслей экономики энергоресурсами:
1. Принять к сведению, что:
а) между Министерством инвестиций и внешней торговли, Министерством финансов, Министерством экономического развития и сокращения бедности, Министерством энергетики, Агентством по развитию государственно-частного партнерства и компанией «Stone City Energy» (Нидерланды) 26 сентября 2020 года подписан документ, отражающий основные условия соглашения по реализации инвестиционного проекта по строительству парогазовой электростанции мощностью 1 500-1 600 МВт в Сурхандарьинской области стоимостью 1,2 млрд долларов США (далее — Инвестиционный проект) за счет прямых иностранных инвестиций;
б) в целях реализации Инвестиционного проекта компанией «Stone City Energy» (Нидерланды) создано ООО «SCE Quvvat» (далее — Проектная компания);
в) между Правительством Республики Узбекистан в лице Министерства инвестиций, промышленности и торговли и «Stone City Energy B.V.» (Нидерланды), «EDF International S.A.S.» (Франция), «Nebras Power Investment Management B.V.» (Нидерланды) и «Siemens Energy Global GmbН & Co. KG» (Германия) (далее — Инвестор) и Проектной компанией 22 апреля 2021 года подписано Инвестиционное соглашение, 20 марта 2024 года — Измененное Инвестиционное соглашение в новой редакции, а также 31 июля 2024 года — Дополнительное соглашение к измененному Инвестиционному соглашению в новой редакции (далее-Инвестиционное соглашение), в соответствии с которыми Инвестор и Проектная компания осуществляют:
проектирование, финансирование, строительство и эксплуатацию в течение 25 лет парогазовой электростанции мощностью 1 500-1 600 МВт в Сурхандарьинской области;
привлечение прямых иностранных инвестиций в размере 1,2 млрд долларов США с принятием на себя возможных рисков;
г) в рамках Инвестиционного проекта между АО «Национальные электрические сети Узбекистана», Инвестором и Проектной компанией 22 апреля 2021 года подписано Соглашение о закупке электроэнергии, 8 мая 2023 года — Измененное Соглашение о закупке электроэнергии в новой редакции, 16 марта 2024 года и 25 июля 2024 года — Дополнительные соглашения к измененному Соглашению о закупке электроэнергии в новой редакции (далее — Соглашение о закупке электроэнергии), в соответствии с которыми:
Проектная компания в качестве обеспечения исполнения своих обязательств на должном уровне в период строительства предоставляет банковскую гарантию в размере 25 млн евро;
Проектная компания приняла обязательство гарантированной продажи произведенной электрической энергии единому покупателю в лице АО «Национальные электрические сети Узбекистана»;
в соответствии с условиями Соглашения о закупке электроэнергии АО «Национальные электрические сети Узбекистана» принимает обязательство гарантированной закупки электрической энергии и осуществления оплаты за электрическую энергию в национальной валюте в течение 25 лет;
АО «Национальные электрические сети Узбекистана» в качестве обеспечения исполнения своих обязательств по покрытию закупки электрической энергии предоставляет в пользу Проектной компании льготную, безусловную, не подлежащую возмещению банковскую гарантию в иностранной валюте в течение трех месяцев.
2. Утвердить Инвестиционное соглашение, подписанное между Правительством Республики Узбекистан в лице Министерства инвестиций и внешней торговли, Инвестором и Проектной компанией.
Определить, что Инвестиционное соглашение вступает в силу в соответствии с указанными в нем условиями.
3. Одобрить Соглашение о закупке электроэнергии, подписанное в рамках Инвестиционного проекта, по результатам прямых переговоров между АО «Национальные электрические сети Узбекистана» и Проектной компанией.
4. Предоставить Министерству инвестиций, промышленности и торговли, АО «Национальные электрические сети Узбекистана», Агентству по управлению государственными активами и хокимияту Сурхандарьинской области право на заключение с Проектной компанией и кредиторами, принимающими участие в финансировании Инвестиционного проекта, соглашений по уступке прав Проектной компании кредиторам в случае неисполнения Проектной компанией обязательств по соглашениям, подписанным в рамках реализации Инвестиционного проекта.
5. Разрешить АО «Национальные электрические сети Узбекистана» в соответствии с Соглашением о закупке электрической энергии:
предоставлять подтвержденную в иностранной валюте, возобновляемую, безотзывную и безусловную банковскую гарантию АКБ «Узсаноаткурилишбанк» в пользу Проектной компании в качестве обеспечения исполнения обязательств для покрытия закупки электрической энергии, вырабатываемой Проектной компанией, в течение трех месяцев;
принимать участие в качестве поставщика природного газа для потребности Инвестиционного проекта;
в порядке исключения устанавливать цены на произведенную на территории Республики Узбекистан электрическую энергию, с привязкой к иностранной валюте, в соответствии с Инвестиционным соглашением и Соглашением о закупке электроэнергии на срок их действия.
6. АО «Узтрансгаз» обеспечить заключение с АО «Национальные электрические сети Узбекистана» договоров на поставку Проектной компании природного газа в соответствии с объемами и параметрами, предусмотренными Соглашением о закупке электроэнергии.
При этом установить, что поставщики природного газа, если иное не предусмотрено договорами, несут ответственность в регрессном порядке перед АО «Национальные электрические сети Узбекистана» в соответствии с законодательством по обязательствам по возмещению АО «Национальные электрические сети Узбекистана» Проектной компании причиненных убытков, включая любые обязательства по выплате штрафов и сумм упущенной выгоды, возникающим в результате отсутствия поставки природного газа по вине АО «Узтрансгаз».
Министерству финансов совместно с АО «Узтрансгаз» в трехмесячный срок в целях обеспечения надежной и бесперебойной поставки природного газа на новую электростанцию определить источник финансирования строительства нового газопровода к проектной площадке до конца третьего квартала 2023 года.
АО «Узтрансгаз» принять меры по завершению строительства данного газопровода в установленные сроки.
7. Министерству водного хозяйства обеспечить заключение договоров на поставку Проектной компании технической воды в соответствии с объемами и параметрами, предусмотренными Соглашением о закупке электроэнергии.
8. Предоставить Проектной компании в порядке исключения, в рамках реализации Инвестиционного проекта право:
осуществлять контроль за расходованием кредитных средств в соответствии с традиционно применяемыми иностранными кредиторами требованиями управления рисками при финансировании проектов, открывать банковские счета за рубежом в иностранных банках для получения и использования средств в иностранной валюте с осуществлением оплаты всех налогов и сборов, подлежащих выплате, а также переводить денежные средства с банковских счетов, открытых в республике, на банковские счета, открытые за рубежом, в целях возврата кредитов, полученных в рамках Инвестиционного проекта;
осуществлять платежи зарубежным подрядчикам, поставщикам или иностранным кредиторам за пределами Республики Узбекистан напрямую с банковских счетов за рубежом.
9. Хокимияту Сурхандарьинской области в месячный срок на условиях, указанных в Инвестиционном соглашении и Соглашении о закупке электроэнергии, обеспечить выделение Агентству по управлению государственными активами земельного участка на праве постоянного пользования.
Агентству по управлению государственными активами обеспечить предоставление выделенного в соответствии с настоящим пунктом земельного участка в аренду Проектной компании на срок, равный сроку реализации Инвестиционного проекта.
Плату за земельный участок, предоставляемый в аренду в рамках проекта, осуществлять Проектной компанией и стоимость оплаты приравнять к стоимости земельного налога.
10. Министерству юстиции выдать юридические заключения по соглашениям, подписанным в рамках реализации Инвестиционного проекта, в соответствии с правилами Инвестиционного соглашения.
11. Государственному комитету по экологии и охране окружающей среды в установленном порядке обеспечить проведение государственной экологической экспертизы проектной документации и соблюдение природоохранного законодательства при реализации Инвестиционного проекта.
12. В соответствии с требованиями (заявками) Проектной компании:
Министерству иностранных дел обеспечить в установленном порядке оформление (продление) въездных виз иностранным специалистам, привлекаемым в рамках реализации Инвестиционного проекта, а также членам их семей;
Министерству внутренних дел обеспечить в установленном порядке оформление, выдачу (продление) многократных виз, а также временную регистрацию по месту временного пребывания и ее продление иностранным специалистам, участвующим в реализации Инвестиционного проекта, а также членам их семей.
13. Признать утратившим силу постановление Президента Республики Узбекистан от 13 апреля 2019 года № ПП-4286 «О мерах по реализации инвестиционного проекта «Строительство тепловой электростанции комбинированного цикла в Сурхандарьинской области мощностью 900 МВт».
14. Возложить на министра энергетики А.С. Султанова персональную ответственность за эффективную организацию исполнения настоящего постановления, а также поставку природного газа в объемах и параметрах, требуемых Проектной компании.
Ежеквартальное обсуждение хода исполнения настоящего постановления, а также осуществление координации и контроля за деятельностью министерств и ведомств, ответственных за его исполнение, возложить на заместителя Премьер-министра Республики Узбекистан С.У. Умурзакова.
О результативности осуществляемых мер информировать Президента Республики Узбекистан по итогам каждого квартала.
Президент Республики Узбекистан Ш. МИРЗИЁЕВ
г. Ташкент,
24 июля 2021 г.,
№ ПП-5193