📅 2021-yil 24-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 24 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 24 июля 2021 г. · Постановления Президента
Официальный текст. Официальный документ. Редакционные примечания не включены.
📅 24 July 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Хоразм вилоятида қуввати 174 МВт бўлган газ-поршенли электр станцияси қурилишини ташкил этиш бўйича чора-тадбирлар тўғрисида
Электр энергетика тармоғига тўғридан-тўғри хорижий инвестицияларни жалб этган ҳолда электр энергиясини ишлаб чиқариш қувватларини ошириш, аҳолини ва иқтисодиёт тармоқларини энергия ресурслари билан барқарор таъминлаш мақсадида:
1. Қуйидагилар:
а) Ўзбекистон Республикаси Ҳукумати номидан Инвестициялар ва ташқи савдо вазирлиги «Нidro Enerji Elektrik Uretim Sanayi A.Ş.» (Туркия Республикаси) компанияси (кейинги ўринларда — Инвестор) билан Хоразм вилоятида қуввати 174 МВт бўлган газ-поршенли электр станциясини қуриш инвестиция лойиҳаси (кейинги ўринларда — Инвестиция лойиҳаси) амалга оширилиши режалаштирилганлиги;
б) Инвестиция лойиҳасини амалга ошириш мақсадида Инвестор томонидан «Odaş Enerji СА» МЧЖ (кейинги ўринларда — Лойиҳа компанияси) ташкил этилганлиги;
в) Ўзбекистон Республикаси Ҳукумати номидан Инвестициялар ва ташқи савдо вазирлиги, Инвестор ва Лойиҳа компанияси ўртасида 2021 йил 4 мартда инвестиция битими имзоланганлиги (кейинги ўринларда — Инвестиция битими) ҳамда унга мувофиқ Инвестор ва Лойиҳа компанияси:
Хоразм вилоятида қуввати 174 МВт бўлган газ-поршенли электр станциясини лойиҳалаштириши, молиялаштириши, қуриши ва 25 йил давомида эксплуатация қилиши;
юзага келиши мумкин бўлган хавф-хатарларни ўз зиммасига олган ҳолда, жами 105 млн АҚШ доллари миқдорида тўғридан-тўғри хорижий инвестицияларни жалб этиши;
г) 2021 йил 4 мартда «Ўзбекистон миллий электр тармоқлари» АЖ ва Лойиҳа компанияси ўртасида Электр энергиясини сотиб олиш тўғрисидаги битим ҳамда 2024 йил 20 сентябрда «Ўзбекистон миллий электр тармоқлари» АЖнинг ушбу битимда белгиланган ҳуқуқ ва мажбуриятларини «Ўзэнергосотиш» АЖга ўтказиш орқали қайта расмийлаштириш ҳақидаги қўшимча битим (кейинги ўринларда — Электр энергиясини сотиб олиш тўғрисидаги битим) имзоланганлиги ва шунга мувофиқ:
Лойиҳа компанияси қурилиш давридаги ўз мажбуриятлари лозим даражада бажарилишининг таъминоти сифатида 1,3 млн АҚШ доллари миқдорида банк кафолатини тақдим этиши;
Лойиҳа компанияси ишлаб чиқарилган электр энергиясини кафолатланган тарзда «Ўзэнергосотиш» АЖ тимсолида ягона харидорга сотиш мажбуриятини олганлиги;
«Ўзэнергосотиш» АЖ Электр энергиясини сотиб олиш тўғрисидаги битим шартларига мувофиқ 25 йил давомида электр энергиясини кафолатланган тарзда харид қилиш мажбуриятини олиши ва электр энергияси учун тўловни миллий валютада амалга ошириши;
«Ўзэнергосотиш» АЖ электр энергиясини уч ой мобайнида сотиб олишни қоплаш учун мажбуриятлар бажарилишининг таъминоти сифатида Лойиҳа компанияси фойдасига чет эл валютасида имтиёзли, қопланмайдиган шартсиз банк кафолати тақдим этиши маълумот учун қабул қилинсин.
2. Ўзбекистон Республикаси Ҳукумати номидан Инвестициялар ва ташқи савдо вазирлиги, Инвестор ва Лойиҳа компанияси ўртасида имзоланган Инвестиция битими тасдиқлансин.
Белгилансинки, Инвестиция битими унда кўрсатилган шартларга мувофиқ кучга киради.
3. Электр энергиясини сотиб олиш тўғрисидаги битим маъқуллансин.
4. Инвестициялар ва ташқи савдо вазирлиги, «Ўзэнергосотиш» АЖга:
Лойиҳа компанияси томонидан ишлаб чиқариладиган электр энергиясини уч ой мобайнида сотиб олишни қоплаш учун мажбуриятлар бажарилишининг таъминоти сифатида Лойиҳа компанияси фойдасига «Ўзсаноатқурилишбанк» АТБнинг чет эл валютасида тасдиқланган, тикланадиган, қайтариб берилмайдиган ва шартсиз банк кафолатини тақдим этишга;
Инвестиция лойиҳаси эҳтиёжи учун табиий газ етказиб берувчи сифатида иштирок этишга ҳамда Инвестиция битими ва Электр энергиясини сотиб олиш тўғрисидаги битимга мувофиқ ушбу битимларнинг амал қилиш муддати давомида Ўзбекистон Республикаси ҳудудида ишлаб чиқарилган электр энергияси нархларини чет эл валютасига боғлаган ҳолда белгилашга рухсат берилсин.
5. «Ўзтрансгаз» АЖ «Ўзэнергосотиш» АЖ билан Электр энергиясини сотиб олиш тўғрисидаги битимда кўзда тутилган ҳажмларга ва параметрларга мувофиқ Лойиҳа компаниясига табиий газ етказиб бериш бўйича шартномалар имзоланишини таъминласин.
Бунда, «Ўзтрансгаз» АЖнинг айби билан табиий газ етказиб берилмаслиги натижасида «Ўзэнергосотиш» АЖ томонидан Лойиҳа компаниясига етказилган зарарлар, шу жумладан барча турдаги жарима ва бой берилган фойда суммаларини тўлаб бериш мажбурияти юзасидан, агарда шартномада бошқа шартлар кўрсатилмаган бўлса, табиий газ етказиб берувчилар «Ўзэнергосотиш» АЖ олдида қонунчилик ҳужжатларига мувофиқ регресс тартибида жавобгар бўлиши белгилаб қўйилсин.
6. Сув хўжалиги вазирлиги Электр энергиясини сотиб олиш тўғрисидаги битимда кўзда тутилган ҳажмларга ва параметрларга мувофиқ Лойиҳа компаниясига техник сув етказиб бериш бўйича шартномалар имзоланишини таъминласин.
7. Инвестиция лойиҳасини амалга ошириш доирасида Лойиҳа компаниясига тўланиши лозим бўлган барча солиқлар ва йиғимлар амалга оширилган ҳолда, хорижий кредиторларнинг лойиҳаларни молиялаштиришда анъанавий қўллайдиган рискни бошқариш талабларига мувофиқ кредит маблағлари сарфини назорат қилиш, чет эл валютасидаги маблағларни олиш ва улардан фойдаланиш учун чет элдаги хорижий банкларда банк ҳисобварақларини очишга ҳамда республикада очилган банк ҳисобварақларидан хорижда очилган банк ҳисобварақларига Инвестиция лойиҳаси доирасида олинган кредитларни қайтариш мақсадида пул маблағларини ўтказишга рухсат берилсин.
8. Хоразм вилояти ҳокимлиги бир ой муддатда Инвестиция битими ва Электр энергиясини сотиб олиш тўғрисидаги битимда кўрсатилган шартларга мос келадиган ер участкасининг Давлат активларини бошқариш агентлигига доимий фойдаланиш ҳуқуқи билан ажратилишини таъминласин.
Давлат активларини бошқариш агентлиги мазкур бандга асосан ажратилган ер участкасини Инвестиция лойиҳасини амалга ошириш муддатига тенг даврга Лойиҳа компаниясига ижарага берилишини таъминласин.
9. Адлия вазирлиги Инвестиция лойиҳасини амалга ошириш доирасида Инвестиция битими қоидаларига мувофиқ имзоланган битимлар юзасидан юридик хулосалар берсин.
10. Экология ва атроф-муҳитни муҳофаза қилиш давлат қўмитаси лойиҳа ҳужжатлари белгиланган тартибда давлат экология экспертизасидан ўтказилишини ҳамда Инвестиция лойиҳасини амалга оширишда табиатни муҳофаза қилишга оид қонунчиликка риоя этилишини таъминласин.
11. Лойиҳа компаниясининг талабномаларига (буюртманомаларига) асосан:
Ташқи ишлар вазирлиги Инвестиция лойиҳасини амалга ошириш доирасида жалб қилинадиган хорижий мутахассислар ва уларнинг оила аъзолари учун кириш визаларини белгиланган тартибда расмийлаштирилишини (муддати узайтирилишини) таъминласин;
Ички ишлар вазирлиги Инвестиция лойиҳасини амалга оширишда иштирок этадиган хорижий мутахассисларга, шунингдек, уларнинг оила аъзоларига кўп марталик визалар расмийлаштирилишини, берилишини (муддати узайтирилишини) ҳамда вақтинча яшаш жойи бўйича вақтинчалик рўйхатдан ўтишини ва унинг муддати узайтирилишини белгиланган тартибда таъминласин.
12. Мазкур қарорнинг ижросини самарали ташкил этиш ҳамда Лойиҳа компаниясига талаб этиладиган ҳажмлар ва параметрларда табиий газ етказиб бериш учун масъул ва шахсий жавобгар этиб энергетика вазири А.С. Султанов белгилансин.
Қарор ижросини ҳар чоракда муҳокама қилиб, ижро учун масъул вазирлик ва идоралар фаолиятини мувофиқлаштириш, назорат қилиш Ўзбекистон Республикаси Бош вазирининг ўринбосари С.У. Умурзаков зиммасига юклансин.
Амалга оширилаётган чора-тадбирлар натижадорлиги юзасидан ҳар чорак якунида Ўзбекистон Республикаси Президентига ахборот бериб борилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 24 июль,
ПҚ-5195-сон
Oʻzbekiston Respublikasi Prezidentining
Qarori
Xorazm viloyatida quvvati 174 MVt boʻlgan gaz-porshenli elektr stansiyasi qurilishini tashkil etish boʻyicha chora-tadbirlar toʻgʻrisida
Elektr energetika tarmogʻiga toʻgʻridan-toʻgʻri xorijiy investitsiyalarni jalb etgan holda elektr energiyasini ishlab chiqarish quvvatlarini oshirish, aholini va iqtisodiyot tarmoqlarini energiya resurslari bilan barqaror taʼminlash maqsadida:
1. Quyidagilar:
a) Oʻzbekiston Respublikasi Hukumati nomidan Investitsiyalar va tashqi savdo vazirligi “Nidro Enerji Elektrik Uretim Sanayi A.Ş.” (Turkiya Respublikasi) kompaniyasi (keyingi oʻrinlarda — Investor) bilan Xorazm viloyatida quvvati 174 MVt boʻlgan gaz-porshenli elektr stansiyasini qurish investitsiya loyihasi (keyingi oʻrinlarda — Investitsiya loyihasi) amalga oshirilishi rejalashtirilganligi;
b) Investitsiya loyihasini amalga oshirish maqsadida Investor tomonidan “Odaş Enerji SA” MCHJ (keyingi oʻrinlarda — Loyiha kompaniyasi) tashkil etilganligi;
v) Oʻzbekiston Respublikasi Hukumati nomidan Investitsiyalar va tashqi savdo vazirligi, Investor va Loyiha kompaniyasi oʻrtasida 2021-yil 4-martda investitsiya bitimi imzolanganligi (keyingi oʻrinlarda — Investitsiya bitimi) hamda unga muvofiq Investor va Loyiha kompaniyasi:
Xorazm viloyatida quvvati 174 MVt boʻlgan gaz-porshenli elektr stansiyasini loyihalashtirishi, moliyalashtirishi, qurishi va 25 yil davomida ekspluatatsiya qilishi;
yuzaga kelishi mumkin boʻlgan xavf-xatarlarni oʻz zimmasiga olgan holda, jami 105 mln AQSH dollari miqdorida toʻgʻridan-toʻgʻri xorijiy investitsiyalarni jalb etishi;
g) 2021-yil 4-martda “Oʻzbekiston milliy elektr tarmoqlari” AJ va Loyiha kompaniyasi oʻrtasida Elektr energiyasini sotib olish toʻgʻrisidagi bitim hamda 2024-yil 20-sentabrda “Oʻzbekiston milliy elektr tarmoqlari” AJning ushbu bitimda belgilangan huquq va majburiyatlarini “Oʻzenergosotish” AJga oʻtkazish orqali qayta rasmiylashtirish haqidagi qoʻshimcha bitim (keyingi oʻrinlarda — Elektr energiyasini sotib olish toʻgʻrisidagi bitim) imzolanganligi va shunga muvofiq:
Loyiha kompaniyasi qurilish davridagi oʻz majburiyatlari lozim darajada bajarilishining taʼminoti sifatida 1,3 mln AQSH dollari miqdorida bank kafolatini taqdim etishi;
Loyiha kompaniyasi ishlab chiqarilgan elektr energiyasini kafolatlangan tarzda “Oʻzenergosotish” AJ timsolida yagona xaridorga sotish majburiyatini olganligi;
“Oʻzenergosotish” AJ Elektr energiyasini sotib olish toʻgʻrisidagi bitim shartlariga muvofiq 25 yil davomida elektr energiyasini kafolatlangan tarzda xarid qilish majburiyatini olishi va elektr energiyasi uchun toʻlovni milliy valyutada amalga oshirishi;
“Oʻzenergosotish” AJ elektr energiyasini uch oy mobaynida sotib olishni qoplash uchun majburiyatlar bajarilishining taʼminoti sifatida Loyiha kompaniyasi foydasiga chet el valyutasida imtiyozli, qoplanmaydigan shartsiz bank kafolati taqdim etishi maʼlumot uchun qabul qilinsin.
2. Oʻzbekiston Respublikasi Hukumati nomidan Investitsiyalar va tashqi savdo vazirligi, Investor va Loyiha kompaniyasi oʻrtasida imzolangan Investitsiya bitimi tasdiqlansin.
Belgilansinki, Investitsiya bitimi unda koʻrsatilgan shartlarga muvofiq kuchga kiradi.
3. Elektr energiyasini sotib olish toʻgʻrisidagi bitim maʼqullansin.
4. Investitsiyalar va tashqi savdo vazirligi, “Oʻzenergosotish” AJga:
Loyiha kompaniyasi tomonidan ishlab chiqariladigan elektr energiyasini uch oy mobaynida sotib olishni qoplash uchun majburiyatlar bajarilishining taʼminoti sifatida Loyiha kompaniyasi foydasiga “Oʻzsanoatqurilishbank” ATBning chet el valyutasida tasdiqlangan, tiklanadigan, qaytarib berilmaydigan va shartsiz bank kafolatini taqdim etishga;
Investitsiya loyihasi ehtiyoji uchun tabiiy gaz yetkazib beruvchi sifatida ishtirok etishga hamda Investitsiya bitimi va Elektr energiyasini sotib olish toʻgʻrisidagi bitimga muvofiq ushbu bitimlarning amal qilish muddati davomida Oʻzbekiston Respublikasi hududida ishlab chiqarilgan elektr energiyasi narxlarini chet el valyutasiga bogʻlagan holda belgilashga ruxsat berilsin.
5. “Oʻztransgaz” AJ “Oʻzenergosotish” AJ bilan Elektr energiyasini sotib olish toʻgʻrisidagi bitimda koʻzda tutilgan hajmlarga va parametrlarga muvofiq Loyiha kompaniyasiga tabiiy gaz yetkazib berish boʻyicha shartnomalar imzolanishini taʼminlasin.
Bunda, “Oʻztransgaz” AJning aybi bilan tabiiy gaz yetkazib berilmasligi natijasida “Oʻzenergosotish” AJ tomonidan Loyiha kompaniyasiga yetkazilgan zararlar, shu jumladan barcha turdagi jarima va boy berilgan foyda summalarini toʻlab berish majburiyati yuzasidan, agarda shartnomada boshqa shartlar koʻrsatilmagan boʻlsa, tabiiy gaz yetkazib beruvchilar “Oʻzenergosotish” AJ oldida qonunchilik hujjatlariga muvofiq regress tartibida javobgar boʻlishi belgilab qoʻyilsin.
6. Suv xoʻjaligi vazirligi Elektr energiyasini sotib olish toʻgʻrisidagi bitimda koʻzda tutilgan hajmlarga va parametrlarga muvofiq Loyiha kompaniyasiga texnik suv yetkazib berish boʻyicha shartnomalar imzolanishini taʼminlasin.
7. Investitsiya loyihasini amalga oshirish doirasida Loyiha kompaniyasiga toʻlanishi lozim boʻlgan barcha soliqlar va yigʻimlar amalga oshirilgan holda, xorijiy kreditorlarning loyihalarni moliyalashtirishda anʼanaviy qoʻllaydigan riskni boshqarish talablariga muvofiq kredit mablagʻlari sarfini nazorat qilish, chet el valyutasidagi mablagʻlarni olish va ulardan foydalanish uchun chet eldagi xorijiy banklarda bank hisobvaraqlarini ochishga hamda respublikada ochilgan bank hisobvaraqlaridan xorijda ochilgan bank hisobvaraqlariga Investitsiya loyihasi doirasida olingan kreditlarni qaytarish maqsadida pul mablagʻlarini oʻtkazishga ruxsat berilsin.
8. Xorazm viloyati hokimligi bir oy muddatda Investitsiya bitimi va Elektr energiyasini sotib olish toʻgʻrisidagi bitimda koʻrsatilgan shartlarga mos keladigan yer uchastkasining Davlat aktivlarini boshqarish agentligiga doimiy foydalanish huquqi bilan ajratilishini taʼminlasin.
Davlat aktivlarini boshqarish agentligi mazkur bandga asosan ajratilgan yer uchastkasini Investitsiya loyihasini amalga oshirish muddatiga teng davrga Loyiha kompaniyasiga ijaraga berilishini taʼminlasin.
9. Adliya vazirligi Investitsiya loyihasini amalga oshirish doirasida Investitsiya bitimi qoidalariga muvofiq imzolangan bitimlar yuzasidan yuridik xulosalar bersin.
10. Ekologiya va atrof-muhitni muhofaza qilish davlat qoʻmitasi loyiha hujjatlari belgilangan tartibda davlat ekologiya ekspertizasidan oʻtkazilishini hamda Investitsiya loyihasini amalga oshirishda tabiatni muhofaza qilishga oid qonunchilikka rioya etilishini taʼminlasin.
11. Loyiha kompaniyasining talabnomalariga (buyurtmanomalariga) asosan:
Tashqi ishlar vazirligi Investitsiya loyihasini amalga oshirish doirasida jalb qilinadigan xorijiy mutaxassislar va ularning oila aʼzolari uchun kirish vizalarini belgilangan tartibda rasmiylashtirilishini (muddati uzaytirilishini) taʼminlasin;
Ichki ishlar vazirligi Investitsiya loyihasini amalga oshirishda ishtirok etadigan xorijiy mutaxassislarga, shuningdek, ularning oila aʼzolariga koʻp martalik vizalar rasmiylashtirilishini, berilishini (muddati uzaytirilishini) hamda vaqtincha yashash joyi boʻyicha vaqtinchalik roʻyxatdan oʻtishini va uning muddati uzaytirilishini belgilangan tartibda taʼminlasin.
12. Mazkur qarorning ijrosini samarali tashkil etish hamda Loyiha kompaniyasiga talab etiladigan hajmlar va parametrlarda tabiiy gaz yetkazib berish uchun masʼul va shaxsiy javobgar etib energetika vaziri A.S. Sultanov belgilansin.
Qaror ijrosini har chorakda muhokama qilib, ijro uchun masʼul vazirlik va idoralar faoliyatini muvofiqlashtirish, nazorat qilish Oʻzbekiston Respublikasi Bosh vazirining oʻrinbosari S.U. Umurzakov zimmasiga yuklansin.
Amalga oshirilayotgan chora-tadbirlar natijadorligi yuzasidan har chorak yakunida Oʻzbekiston Respublikasi Prezidentiga axborot berib borilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 24-iyul,
PQ-5195-son
Президента Республики Узбекистан
Постановление
О мерах по организации строительства газопоршневой электростанции мощностью 174 МВт в Хорезмской области
В целях повышения мощностей по производству электроэнергии с привлечением прямых иностранных инвестиций в электроэнергетическую отрасль, а также стабильного обеспечения населения и отраслей экономики энергоресурсами:
1. Принять к сведению, что:
а) между Правительством Республики Узбекистан в лице Министерства инвестиций и внешней торговли и компанией «Нidro Enerji Elektrik Uretim Sanayi A.Ş.» (Турецкая Республика) (далее — Инвестор) запланирована реализация инвестиционного проекта по строительству газопоршневой электростанции мощностью 174 МВт в Хорезмской области (далее — Инвестиционный проект);
б) в целях реализации Инвестиционного проекта Инвестором создано ООО «Odaş Enerji СА» (далее — Проектная компания);
в) между Правительством Республики Узбекистан в лице Министерства инвестиций и внешней торговли, Инвестором и Проектной компанией 4 марта 2021 года заключено инвестиционное соглашение (далее — Инвестиционное соглашение), в соответствии с которым Инвестор и Проектная компания осуществляют:
проектирование, финансирование, строительство и эксплуатацию в течение 25 лет газопоршневой электростанции мощностью 174 МВт в Хорезмской области;
привлечение прямых иностранных инвестиций в размере 105 млн долларов США с принятием на себя возможных рисков;
г) в рамках Инвестиционного проекта между АО «Национальные электрические сети Узбекистана» и Проектной компанией 4 марта 2021 года подписано Соглашение о закупке электроэнергии (далее — Соглашение о закупке электроэнергии), а 20 сентября 2024 года - дополнительное соглашение о переоформлении прав и обязательств АО «Национальные электрические сети Узбекистана», указанных в данном соглашении, путем их передачи АО «Узэнергосотиш» (далее – Соглашение о закупке электроэнергии)», в соответствии с которым:
Проектная компания в качестве обеспечения исполнения своих обязательств на должном уровне в период строительства предоставляет банковскую гарантию в размере 1,3 млн долларов США;
Проектная компания приняла обязательство гарантированной продажи произведенной электрической энергии единому покупателю в лице АО «Узэнергосотиш»;
АО «Узэнергосотиш» в соответствии с условиями Соглашения о закупке электроэнергии принимает обязательство гарантированной закупки электрической энергии и осуществления оплаты за электрическую энергию в национальной валюте в течение 25 лет;
АО «Узэнергосотиш» в качестве обеспечения исполнения своих обязательств по покрытию закупки электрической энергии предоставляет в пользу Проектной компании льготную, безусловную, не подлежащую возмещению банковскую гарантию в иностранной валюте в течение трех месяцев.
2. Утвердить Инвестиционное соглашение, подписанное между Правительством Республики Узбекистан в лице Министерства инвестиций и внешней торговли, Инвестором и Проектной компанией.
Определить, что Инвестиционное соглашение вступает в силу в соответствии с указанными в нем условиями.
3. Одобрить Соглашение о закупке электроэнергии.
4. Разрешить Министерству инвестиций и внешней торговли, АО «Узэнергосотиш»:
предоставлять подтвержденную в иностранной валюте, возобновляемую, безотзывную и безусловную банковскую гарантию АКБ «Узсаноаткурилишбанк» в пользу Проектной компании в качестве обеспечения исполнения обязательств по покрытию закупки электрической энергии, вырабатываемой Проектной компанией, в течение трех месяцев;
принимать участие в качестве поставщика природного газа для потребности Инвестиционного проекта, а также в соответствии с Инвестиционным соглашением и Соглашением о закупке электроэнергии на срок их действия, устанавливать цены на произведенную на территории Республики Узбекистан электрическую энергию, с привязкой к иностранной валюте.
5. АО «Узтрансгаз» обеспечить заключение с АО «Узэнергосотиш» договоров на поставку природного газа Проектной компании в соответствии с объемами и параметрами, предусмотренными в Соглашении о закупке электроэнергии.
При этом установить, что поставщики природного газа, если иное не предусмотрено договором, несут ответственность в регрессном порядке перед АО «Узэнергосотиш» в соответствии с законодательством по обязательствам по возмещению АО «Узэнергосотиш» Проектной компании причиненных убытков, включая любые обязательства по выплате штрафов и сумм упущенной выгоды, возникающим в результате отсутствия поставки природного газа по вине АО «Узтрансгаз».
6. Министерству водного хозяйства обеспечить заключение договоров на поставку Проектной компании технической воды в соответствии с объемами и параметрами, предусмотренными в Соглашении о закупке электроэнергии.
7. Разрешить Проектной компании в рамках реализации Инвестиционного проекта осуществлять контроль за расходованием кредитных средств в соответствии с традиционно применяемыми иностранными кредиторами требованиями управления рисками при финансировании проектов, открывать банковские счета за рубежом в иностранных банках для получения и использования средств в иностранной валюте с осуществлением оплаты всех налогов и сборов, подлежащих выплате, а также переводить денежные средства с банковских счетов, открытых в республике, на банковские счета, открытые за рубежом, в целях возврата кредитов, полученных в рамках Инвестиционного проекта.
8. Хокимияту Хорезмской области в месячный срок на условиях, указанных в Инвестиционном соглашении и Соглашении о закупке электроэнергии, обеспечить выделение Агентству по управлению государственными активами земельного участка на праве постоянного пользования.
Агентству по управлению государственными активами обеспечить предоставление выделенного в соответствии с настоящим пунктом земельного участка в аренду Проектной компании на срок, равный сроку реализации Инвестиционного проекта.
9. Министерству юстиции выдать юридические заключения по соглашениям, подписанным в рамках реализации Инвестиционного проекта, в соответствии с правилами Инвестиционного соглашения.
10. Государственному комитету по экологии и охране окружающей среды в установленном порядке обеспечить проведение государственной экологической экспертизы проектной документации и соблюдение природоохранного законодательства при реализации Инвестиционного проекта.
11. В соответствии с требованиями (заявками) Проектной компании:
Министерству иностранных дел обеспечить в установленном порядке оформление (продление) въездных виз иностранным специалистам, привлекаемым в рамках реализации Инвестиционного проекта, а также членам их семей;
Министерству внутренних дел обеспечить в установленном порядке оформление, выдачу (продление) многократных виз, временную регистрацию по месту временного пребывания и ее продление иностранным специалистам, участвующим в реализации Инвестиционного проекта, а также членам их семей.
12. Возложить на министра энергетики А.С. Султанова персональную ответственность за эффективную организацию исполнения настоящего постановления, а также поставку природного газа в объемах и параметрах, требуемых Проектной компании.
Ежеквартальное обсуждение хода исполнения настоящего постановления, а также осуществление координации и контроля за деятельностью министерств и ведомств, ответственных за его исполнение, возложить на заместителя Премьер-министра Республики Узбекистан С.У. Умурзакова.
О результативности осуществляемых мер информировать Президента Республики Узбекистан по итогам каждого квартала.
Президент Республики Узбекистан Ш. МИРЗИЁЕВ
г. Ташкент,
24 июля 2021 г.,
№ ПП-5195