📅 2021-yil 30-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 30 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 30 июля 2021 г. · Постановления Президента
Официальный текст. Официальный документ. Редакционные примечания не включены.
📅 30 July 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Олий ва профессионал таълим ташкилотларида таълим олиш имкониятларини янада кенгайтириш чора-тадбирлари тўғрисида
Олий ва профессионал таълим ташкилотларида таҳсил олиш истагидаги ёшларнинг таълим олиши учун кенг имкониятлар тақдим этиш, тўлов-контракт асосида ўқиётган ҳар бир талабага билим олиш учун қулай шароитлар яратиш, ёшларнинг илм-фанга бўлган интилишларини янада рағбатлантириш ва ёшларни молиявий қўллаб-қувватлаш мақсадида:
1. 2024/2025 ўқув йилидан бошлаб республикадаги барча олий ва профессионал таълим ташкилотлари бакалавр ҳамда магистратуранинг кундузги таълим шаклида тўлов-контракт асосида таҳсил олиш учун таълим кредити ажратишнинг янги тизими йўлга қўйилсин.
Белгилансинки:
тижорат банклари Молия вазирлиги томонидан жойлаштириладиган ресурслар ҳисобидан таълим кредитларини Марказий банкнинг асосий ставкасида ажратади;
таълим кредитининг асосий қисми талабанинг расмий ўқиш муддати тугагандан сўнг еттинчи ойдан бошлаб 7 йил давомида қайтарилади;
таълим кредитини расмийлаштиришда ва унинг қайтарилишида талабанинг доимий даромад манбаига эга бўлган оила аъзолари ва бошқа учинчи шахслар биргаликда қарз олувчи сифатида қатнашишига рухсат этилади;
Ижтимоий реестрга киритилган оилалар фарзандларидан таълим кредити учун гаров ва кафилликлар талаб этилмайди.
1 1 . Шундай тартиб ўрнатилсинки, унга кўра таълим кредити 2024/2025 ўқув йилидан бошлаб:
а) олий таълим ташкилотларининг биринчи босқич талабалари ҳамда профессионал таълим ташкилотлари ўқувчилари учун тўлов-контракт суммаси миқдорида ажратилади;
б) олий таълим ташкилотларининг иккинчи ва ундан юқори босқич талабалари учун фанларни ўзлаштиришнинг ўртача кўрсаткичи (grade point average):
«3» дан паст бўлган тақдирда, тўлов-контракт суммасининг кўпи билан 80 фоизи миқдорида ажратилади, бунда кредит тўлов-контракт суммасининг дастлабки 20 фоизи талаба томонидан тўлангандан кейин ажратилади;
«3» ва ундан юқори бўлган тақдирда ва (ёки) Ижтимоий реестрга киритилган оилаларнинг таълим олаётган аъзолари учун таълим кредити тўлов-контракт суммаси миқдорида ажратилади.
Бунда:
а) жорий ўқув йили учун таълим кредитини олмоқчи бўлган талабанинг фанларни ўзлаштиришининг ўртача кўрсаткичи (grade point average) аввалги ўқув йили якуни бўйича «Олий таълим жараёнларини бошқариш» (HEMIS) ахборот тизимидан олинади;
б) талабанинг фанларни ўзлаштиришининг ўртача кўрсаткичи (grade point average) ва тегишли маълумотлари «Олий таълим жараёнларини бошқариш» (HEMIS) ахборот тизимида, тўлов-контракт тўғрисидаги маълумотлари эса «Талабаларга шартнома асосида кўрсатиладиган хизматлар ҳисобини юритиш» (kontrakt.edu.uz) ахборот тизими орқали автоматик тарзда шакллантирилади;
в) нодавлат ва хорижий олий таълим ташкилотлари талабаларининг тўлов-контракт тўғрисидаги маълумотлари уларнинг ўз ахборот тизимларини «Талабаларга шартнома асосида кўрсатиладиган хизматлар ҳисобини юритиш» (kontrakt.edu.uz) ахборот тизимига интеграция қилиш ёки мазкур ахборот тизимидан фойдаланиш орқали шакллантирилади.
2. Таълим кредитлари бўйича тижорат банкларини молиявий ресурслар билан таъминлаш учун Молия вазирлиги ҳузурида Таълим кредитини молиялаштириш жамғармаси (кейинги ўринларда — Жамғарма) ташкил этилсин.
Жамғармага Давлат бюджетидан 2021 йилда камида 1 триллион сўм, кейинги йилларда ҳақиқий талабдан келиб чиқиб маблағлар ажратилсин.
Жамғарма маблағларини шакллантириш манбалари этиб қуйидагилар белгилансин:
Давлат бюджетидан ажратиладиган маблағлар;
Жамғарма томонидан аввал ажратилган ресурсларнинг қайтишидан тушадиган маблағлар ва улардан олинадиган фоиз тўловлари;
Жамғарманинг вақтинча бўш маблағларини тижорат банкларига жойлаштириш ҳисобига фоизли тушумлар;
Халқаро молия институтларининг имтиёзли кредитлари, ҳомийлик, грант маблағлари ва қонунчилик ҳужжатларида тақиқланмаган бошқа манбалар.
3. Белгилаб қўйилсинки:
Жамғарма юридик шахс мақомига эга бўлмаган ҳолда Молия вазирлигида алоҳида очиладиган шахсий ғазна ҳисобварағи шаклида ташкил этилади;
Жамғарма фаолияти Молия вазирлиги марказий аппаратига ажратиладиган 3 та штат бирлигидан иборат бўлинма томонидан амалга оширилади;
Жамғарма маблағлари ҳисобига тижорат банкларининг сўровларига асосан уларга Марказий банкнинг асосий ставкасида таълим кредити ажратиш учун мазкур ставкадан 4 фоиз бандга паст бўлган ставкада ресурслар ажратилади;
Марказий банкнинг асосий ставкаси пасайтирилган тақдирда, ресурс маблағлари ва таълим кредити бўйича фоиз ставкаси мутаносиб равишда пасайтирилади, оширилган тақдирда эса ўзгаришсиз қолади.
Жамғарма маблағлари таълим кредитларини молиялаштириш билан бир қаторда, халқаро молия институтлари ва хорижий ҳукумат молия ташкилотлари иштирокида амалга ошириладиган лойиҳаларни тайёрлаш ва амалга ошириш билан боғлиқ харажатлар, шу жумладан, консалтинг хизматлари, аудит, ахборот тизимларини ишлаб чиқиш ва жорий этиш (дастурлаш) ҳамда бошқа тегишли харажатларни молиялаштириш учун ҳам йўналтирилиши мумкин.
Бунда мазкур харажатлар Ўзбекистон Республикаси қонунчилиги ва халқаро шартномалар талабларига мувофиқ амалга оширилади.
4. Вазирлар Маҳкамаси икки ҳафта муддатда қуйидагиларни назарда тутувчи Молия вазирлиги ҳузурида Таълим кредитини молиялаштириш жамғармаси ҳисобидан олий таълим ташкилотларида тўлов-контракт асосида ўқиш учун таълим кредитларини ажратиш тўғрисидаги низомни тасдиқласин:
таълим кредитлари бўйича юзага келадиган кредит таваккалчилигини Молия вазирлиги ва тижорат банклари ўртасида тақсимлаш ҳамда Жамғармадан ажратилган маблағларнинг бир қисмини тижорат банклари томонидан гаров депозити сифатида қабул қилиш;
республикадаги давлат олий таълим муассасалари, хусусий ва хорижий олий таълим ташкилотлари ҳамда уларнинг филиаллари талабаларига контракт тўловлари учун кредит ажратиш;
Жамғарма томонидан таълим кредитлари учун маблағлар ажратишда тижорат банкларига қўйиладиган мувофиқлик мезонларини ўрнатиш.
5. Молия вазирлиги Жамғармага 2021 йилда маблағларнинг Давлат бюджети ва давлат мақсадли жамғармалари маблағлари, бюджетни қўллаб-қувватлаш учун жалб қилинадиган халқаро молия институтлари ва хорижий ҳукумат молия ташкилотларининг кредитлари, суверен халқаро облигацияларни чиқариш ва қонунчилик ҳужжатлари билан тақиқланмаган бошқа манбалар ҳисобидан ажратилишини, 2022 йилдан бошлаб эса Давлат бюджети параметрларида назарда тутилишини таъминласин.
6. Олий ва ўрта махсус таълим вазирлиги манфаатдор вазирлик ва идоралар билан биргаликда бир ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
7. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари Б.А. Мусаев, олий ва ўрта махсус таълим вазири А.Х. Тошкулов ҳамда молия вазири Т.А. Ишметов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 30 июль,
ПҚ-5203-сон
Oʻzbekiston Respublikasi Prezidentining
Qarori
Oliy va professional taʼlim tashkilotlarida taʼlim olish imkoniyatlarini yanada kengaytirish chora-tadbirlari toʻgʻrisida
Oliy va professional taʼlim tashkilotlarida tahsil olish istagidagi yoshlarning taʼlim olishi uchun keng imkoniyatlar taqdim etish, toʻlov-kontrakt asosida oʻqiyotgan har bir talabaga bilim olish uchun qulay sharoitlar yaratish, yoshlarning ilm-fanga boʻlgan intilishlarini yanada ragʻbatlantirish va yoshlarni moliyaviy qoʻllab-quvvatlash maqsadida:
1. 2024/2025 oʻquv yilidan boshlab respublikadagi barcha oliy va professional taʼlim tashkilotlari bakalavr hamda magistraturaning kunduzgi taʼlim shaklida toʻlov-kontrakt asosida tahsil olish uchun taʼlim krediti ajratishning yangi tizimi yoʻlga qoʻyilsin.
Belgilansinki:
tijorat banklari Moliya vazirligi tomonidan joylashtiriladigan resurslar hisobidan taʼlim kreditlarini Markaziy bankning asosiy stavkasida ajratadi;
taʼlim kreditining asosiy qismi talabaning rasmiy oʻqish muddati tugagandan soʻng yettinchi oydan boshlab 7 yil davomida qaytariladi;
taʼlim kreditini rasmiylashtirishda va uning qaytarilishida talabaning doimiy daromad manbaiga ega boʻlgan oila aʼzolari va boshqa uchinchi shaxslar birgalikda qarz oluvchi sifatida qatnashishiga ruxsat etiladi;
Ijtimoiy reyestrga kiritilgan oilalar farzandlaridan taʼlim krediti uchun garov va kafilliklar talab etilmaydi.
1 1 . Shunday tartib oʻrnatilsinki, unga koʻra taʼlim krediti 2024/2025 oʻquv yilidan boshlab:
a) oliy taʼlim tashkilotlarining birinchi bosqich talabalari hamda professional taʼlim tashkilotlari oʻquvchilari uchun toʻlov-kontrakt summasi miqdorida ajratiladi;
b) oliy taʼlim tashkilotlarining ikkinchi va undan yuqori bosqich talabalari uchun fanlarni oʻzlashtirishning oʻrtacha koʻrsatkichi (grade point average):
“3” dan past boʻlgan taqdirda, toʻlov-kontrakt summasining koʻpi bilan 80 foizi miqdorida ajratiladi, bunda kredit toʻlov-kontrakt summasining dastlabki 20 foizi talaba tomonidan toʻlangandan keyin ajratiladi;
“3” va undan yuqori boʻlgan taqdirda va (yoki) Ijtimoiy reyestrga kiritilgan oilalarning taʼlim olayotgan aʼzolari uchun taʼlim krediti toʻlov-kontrakt summasi miqdorida ajratiladi.
Bunda:
a) joriy oʻquv yili uchun taʼlim kreditini olmoqchi boʻlgan talabaning fanlarni oʻzlashtirishining oʻrtacha koʻrsatkichi (grade point average) avvalgi oʻquv yili yakuni boʻyicha “Oliy taʼlim jarayonlarini boshqarish” (HEMIS) axborot tizimidan olinadi;
b) talabaning fanlarni oʻzlashtirishining oʻrtacha koʻrsatkichi (grade point average) va tegishli maʼlumotlari “Oliy taʼlim jarayonlarini boshqarish” (HEMIS) axborot tizimida, toʻlov-kontrakt toʻgʻrisidagi maʼlumotlari esa “Talabalarga shartnoma asosida koʻrsatiladigan xizmatlar hisobini yuritish” (kontrakt.edu.uz) axborot tizimi orqali avtomatik tarzda shakllantiriladi;
v) nodavlat va xorijiy oliy taʼlim tashkilotlari talabalarining toʻlov-kontrakt toʻgʻrisidagi maʼlumotlari ularning oʻz axborot tizimlarini “Talabalarga shartnoma asosida koʻrsatiladigan xizmatlar hisobini yuritish” (kontrakt.edu.uz) axborot tizimiga integratsiya qilish yoki mazkur axborot tizimidan foydalanish orqali shakllantiriladi.
2. Taʼlim kreditlari boʻyicha tijorat banklarini moliyaviy resurslar bilan taʼminlash uchun Moliya vazirligi huzurida Taʼlim kreditini moliyalashtirish jamgʻarmasi (keyingi oʻrinlarda — Jamgʻarma) tashkil etilsin.
Jamgʻarmaga Davlat budjetidan 2021-yilda kamida 1 trillion soʻm, keyingi yillarda haqiqiy talabdan kelib chiqib mablagʻlar ajratilsin.
Jamgʻarma mablagʻlarini shakllantirish manbalari etib quyidagilar belgilansin:
Davlat budjetidan ajratiladigan mablagʻlar;
Jamgʻarma tomonidan avval ajratilgan resurslarning qaytishidan tushadigan mablagʻlar va ulardan olinadigan foiz toʻlovlari;
Jamgʻarmaning vaqtincha boʻsh mablagʻlarini tijorat banklariga joylashtirish hisobiga foizli tushumlar;
Xalqaro moliya institutlarining imtiyozli kreditlari, homiylik, grant mablagʻlari va qonunchilik hujjatlarida taqiqlanmagan boshqa manbalar.
3. Belgilab qoʻyilsinki:
Jamgʻarma yuridik shaxs maqomiga ega boʻlmagan holda Moliya vazirligida alohida ochiladigan shaxsiy gʻazna hisobvaragʻi shaklida tashkil etiladi;
Jamgʻarma faoliyati Moliya vazirligi markaziy apparatiga ajratiladigan 3 ta shtat birligidan iborat boʻlinma tomonidan amalga oshiriladi;
Jamgʻarma mablagʻlari hisobiga tijorat banklarining soʻrovlariga asosan ularga Markaziy bankning asosiy stavkasida taʼlim krediti ajratish uchun mazkur stavkadan 4 foiz bandga past boʻlgan stavkada resurslar ajratiladi;
Markaziy bankning asosiy stavkasi pasaytirilgan taqdirda, resurs mablagʻlari va taʼlim krediti boʻyicha foiz stavkasi mutanosib ravishda pasaytiriladi, oshirilgan taqdirda esa oʻzgarishsiz qoladi.
Jamgʻarma mablagʻlari taʼlim kreditlarini moliyalashtirish bilan bir qatorda, xalqaro moliya institutlari va xorijiy hukumat moliya tashkilotlari ishtirokida amalga oshiriladigan loyihalarni tayyorlash va amalga oshirish bilan bogʻliq xarajatlar, shu jumladan, konsalting xizmatlari, audit, axborot tizimlarini ishlab chiqish va joriy etish (dasturlash) hamda boshqa tegishli xarajatlarni moliyalashtirish uchun ham yoʻnaltirilishi mumkin.
Bunda mazkur xarajatlar Oʻzbekiston Respublikasi qonunchiligi va xalqaro shartnomalar talablariga muvofiq amalga oshiriladi.
4. Vazirlar Mahkamasi ikki hafta muddatda quyidagilarni nazarda tutuvchi Moliya vazirligi huzurida Taʼlim kreditini moliyalashtirish jamgʻarmasi hisobidan oliy taʼlim tashkilotlarida toʻlov-kontrakt asosida oʻqish uchun taʼlim kreditlarini ajratish toʻgʻrisidagi nizomni tasdiqlasin:
taʼlim kreditlari boʻyicha yuzaga keladigan kredit tavakkalchiligini Moliya vazirligi va tijorat banklari oʻrtasida taqsimlash hamda Jamgʻarmadan ajratilgan mablagʻlarning bir qismini tijorat banklari tomonidan garov depoziti sifatida qabul qilish;
respublikadagi davlat oliy taʼlim muassasalari, xususiy va xorijiy oliy taʼlim tashkilotlari hamda ularning filiallari talabalariga kontrakt toʻlovlari uchun kredit ajratish;
Jamgʻarma tomonidan taʼlim kreditlari uchun mablagʻlar ajratishda tijorat banklariga qoʻyiladigan muvofiqlik mezonlarini oʻrnatish.
5. Moliya vazirligi Jamgʻarmaga 2021-yilda mablagʻlarning Davlat budjeti va davlat maqsadli jamgʻarmalari mablagʻlari, budjetni qoʻllab-quvvatlash uchun jalb qilinadigan xalqaro moliya institutlari va xorijiy hukumat moliya tashkilotlarining kreditlari, suveren xalqaro obligatsiyalarni chiqarish va qonunchilik hujjatlari bilan taqiqlanmagan boshqa manbalar hisobidan ajratilishini, 2022-yildan boshlab esa Davlat budjeti parametrlarida nazarda tutilishini taʼminlasin.
6. Oliy va oʻrta maxsus taʼlim vazirligi manfaatdor vazirlik va idoralar bilan birgalikda bir oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
7. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari B.A. Musayev, oliy va oʻrta maxsus taʼlim vaziri A.X. Toshkulov hamda moliya vaziri T.A. Ishmetov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 30-iyul,
PQ-5203-son
Президента Республики Узбекистан
Постановление
О мерах по дальнейшему расширению доступа к образованию в высших и профессиональных образовательных организациях
В целях предоставления широкого доступа к образованию молодежи, желающей обучаться в высших и профессиональных образовательных организациях, создания благоприятных условий для получения знаний каждому студенту, обучающемуся на платно-контрактной основе, а также дальнейшего поощрения стремления к науке и финансовой поддержки молодежи:
1. Внедрить начиная с 2024/2025 учебного года новую систему выделения образовательных кредитов для обучения по дневной форме образования в бакалавриате и магистратуре во всех высших и профессиональных образовательных организациях республики на платно-контрактной основе.
Установить, что:
коммерческие банки выделяют образовательные кредиты за счет кредитных ресурсов, размещаемых Министерством финансов, по основной ставке Центрального банка;
основная часть образовательного кредита погашается после окончания официального срока обучения студента, начиная с седьмого месяца в течение 7 лет;
при оформлении и погашении образовательного кредита разрешается участие членов семьи студента и других третьих лиц, имеющих постоянный доход, в качестве созаемщиков;
для выделения образовательного кредита детям из семей, включенных в Социальный реестр, залог и поручительство не требуются;
1 1 . Установить порядок, в соответствии с которым образовательный кредит начиная с 2024/2025 учебного года выделяется:
а) студентам первого курса высших образовательных организаций, а также учащимся профессиональных образовательных организаций в размере суммы платного контракта;
б) студентам второго и старшего курса высших образовательных организаций по среднему показателю усвоения дисциплин (grade point average):
при показателе ниже «3» — в размере не более 80 процентов суммы платного контракта, при этом кредит выделяется после оплаты студентом первоначальных 20 процентов суммы платного контракта;
при показателе успеваемости «3» и выше и (или) обучающимся членам семей, включенных в Социальный реестр, кредит выделяется в размере суммы платного контракта.
При этом:
а) средний показатель усвоения дисциплин (grade point average) студента, желающего получить образовательный кредит на текущий учебный год, получается из информационной системы «Управление процессами высшего образования» (НEMIS) по итогам предыдущего учебного года;
б) средний показатель усвоения дисциплин (grade point average) студента и соответствующие сведения формируются в информационной системе «Управление процессами высшего образования» (НEMIS), сведения о платном контракте — посредством информационной системы «Учет оказываемых услуг студентам на договорной основе» (kontrakt.edu.uz) в автоматическом порядке;
в) сведения о платном контракте студентов негосударственных и зарубежных высших образовательных организаций формируются посредством интеграции их информационных систем с информационной системой «Учет оказываемых услуг студентам на договорной основе» (kontrakt.edu.uz) или использования данной информационной системы.
2. В целях обеспечения коммерческих банков финансовыми ресурсами по образовательным кредитам создать Фонд по финансированию образовательных кредитов при Министерстве финансов (далее — Фонд).
Выделить Фонду в 2021 году средства из Государственного бюджета в размере не менее 1 триллиона сумов, в последующие годы — исходя из фактической потребности.
Определить источниками формирования средств Фонда:
средства, выделяемые из Государственного бюджета;
средства, поступающие от возвращения ресурсов, ранее выделенных Фондом, и процентные платежи по ним;
процентные поступления от размещения в коммерческие банки временно свободных средств Фонда;
льготные кредиты международных финансовых институтов, спонсорские и грантовые средства, а также иные источники, не запрещенные актами законодательства.
3. Определить, что:
Фонд образуется без статуса юридического лица в форме отдельно открываемого в Министерстве финансов казначейского лицевого счета;
деятельность Фонда осуществляется подразделением, состоящим из трех штатных единиц, выделяемых центральному аппарату Министерства финансов;
для предоставления образовательных кредитов по основной ставке Центрального банка по запросам коммерческих банков им выделяются ресурсы по ставке на 4 процентных пункта ниже указанной ставки за счет средств Фонда;
при уменьшении основной ставки Центрального банка ресурсные средства и процентная ставка образовательного кредита соразмерно уменьшаются, при росте — остаются без изменения.
Средства Фонда, наряду с финансированием образовательных кредитов, могут также направляться на финансирование расходов, связанных с подготовкой и реализацией проектов, осуществляемых с участием международных финансовых институтов и зарубежных правительственных финансовых организаций, включая консалтинговые услуги, аудит, разработку и внедрение информационных систем (программирование) и другие соответствующие расходы.
При этом указанные расходы осуществляются в соответствии с требованиями законодательства Республики Узбекистан и международных договоров.
4. Кабинету Министров в двухнедельный срок утвердить Положение о выделении образовательных кредитов для обучения в высших образовательных организациях на платно-контрактной основе за счет средств Фонда по финансированию образовательных кредитов при Министерстве финансов, предусматривающее:
распределение кредитных рисков, вытекающих из образовательных кредитов, между Министерством финансов и коммерческими банками, а также принятие коммерческими банками части средств, выделенных Фондом, в качестве залогового депозита;
выделение кредитов на оплату контракта студентам государственных высших образовательных учреждений республики, частных и зарубежных высших образовательных организаций и их филиалов;
установление критериев соответствия, предъявляемых к коммерческим банкам, при выделении Фондом средств на образовательные кредиты.
5. Министерству финансов обеспечить выделение в 2021 году Фонду средств за счет Государственного бюджета и государственных целевых фондов, кредитов международных финансовых институтов и зарубежных правительственных финансовых организаций, привлекаемых для поддержки бюджета, выпуска суверенных международных облигаций и иных источников, не запрещенных актами законодательства, с 2022 года — предусматривать в параметрах Государственного бюджета.
6. Министерству высшего и среднего специального образования совместно с заинтересованными министерствами и ведомствами в месячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
7. Контроль за исполнением настоящего постановления возложить на заместителя Премьер-министра Республики Узбекистан Б.А. Мусаева, министра высшего и среднего специального образования А.Х. Тошкулова и министра финансов Т.А. Ишметова.
Президент Республики Узбекистан Ш. МИРЗИЁЕВ
г. Ташкент,
30 июля 2021 г.,
№ ПП-5203